ក្នុងចំណោមអ្នកវិនិយោគិនគ្រាក់ៗ នៃឧស្សាហកម្មស្របៀរ និងភេសជ្ជៈនេះដែរ ភាគច្រើនពួកគាត់ គឺជាអ្នកឧកញ៉ា និងឧកញ៉ាៗ ដែលជាអ្នកមានលំដាប់សេដ្ឋីកំពូលៗ សុទ្ធតែមិនសូវមើលរំលងការវិនិយោគក្នុងវិស័យមួយនេះ។  ក្នុងនោះ គេក៏ឃើញមាន វត្តមានរបស់ លោកជំទាវឧកញ៉ា សុខ សុភាព អគ្គនាយិកា​ក្រុមហ៊ុនអ៉ិនធើ-ម៉ាទ្រីដ បេវើរីច ខេមបូឌា (Inter-Mattrid Beverage Cambodia) និងក្រុមហ៊ុន​ អង្គរ​ដេលី​ហ៊្វូដ មួយរូបផងដែរ ដែលបានបោះដើមទុនវិនិយោគ ខ្ទង់រយលានដុល្លាសហរដ្ឋអាមេរិកលើក្រុមហ៊ុនភេសជ្ជៈ និងស្រាបៀរនៅកម្ពុជា។  

ក្រុមហ៊ុន​ អង្គរ​ដេលី​ហ៊្វូដ លោកជំទាវឧកញ៉ា សុខ សុភាព ជាក្រុមហ៊ុនដែលបង្កើតឡើងដោយវិនិយោគិនខ្មែរ ១០០% មានទីតាំងនៅ សង្កាត់ព្រៃស ខ័ណ្ឌដង្កោ រាជធានីភ្នំពេញ។ រោងចក្រដ៏ធំអស្ចារ្យមួយនេះ ផលិតចេញនូវភេសជ្ជៈជាច្រើនមុខ ក្នុងនោះក៏មានដូចជាភេសជ្ជៈ ឆេមពាន និង ភេសជ្ជៈប៉ូវកម្លាំង រេដ អាន។ បច្ចុប្បន្ន ក្រុមហ៊ុន ភេសជ្ជៈមួយនេះ បាននឹងកំពុងបង្កើតការងារ​ដល់​យុវជនកម្ពុជាបានចំនួនជាង ៣៥០ កន្លែង។

ដោយឡែក ក្រុមហ៊ុន ផលិតស្រាបៀរ អុិនធើ-ម៉ាទ្រីដ បេវើរីច (ខេមបូឌា) របស់លោកជំទាវ ឧកញ៉ា  ក៏បានវិនិយោគសរុបចំនួន ៧៨ លានដុល្លាសហរដ្ឋអាមេរិក។ សាងសង់ លើផ្ទៃដី ១៥ហិចតា មានទីតាំងស្ថិតក្នុង ឃុំដីឥដ្ឋ ស្រុកកៀនស្វាយ ខេត្តកណ្ដាល បានរួមចំណែកបង្កើតការងារ​ដល់​យុវជនកម្ពុជាបានប្រមាណចំនួន ៥៥០ កន្លែង។ ក្រុមហ៊ុនផលិតស្រាបៀរ ដែលវិយោគ ១០០% ដោយសហគ្រិនខ្មែររូបនេះ មានសមត្ថភាពផលិតស្រាបៀរបានចំនួន ៤០​ម៉ឺន​ហិចតូ​លីត្រ ឬ ស្មើរនឹង ៦,៥​លាន​កេស ក្នុងមួយឆ្នាំ។

 ក្រៅពីការរួមចំណែក ជំរុញដល់កំណើនសេដ្ឋកិច្ចរបស់ជាតិ តាមរយៈការបង់ពន្ធជូនរដ្ឋ, សកម្មភាពអាជីវកម្ម នៅលើទីផ្សារ រួមទាំងផ្ដល់ឱកាសការងារដល់ពលរដ្ឋខ្មែរ ក្រុមហ៊ុន ស្រាបៀរ និងភេសជ្ជៈ លោកជំទាវឧកញ៉ា សុខ សុភាព ក៏តែងតែបង្ហាញខ្លួន ចូលរួមជាមួយរដ្ឋាភិបាល គាំទ្រយ៉ាងពេញទំហឹងក្នុងព្រឹត្តិការណ៍ជួបជុំថ្នាក់ជាតិ  តាមរយៈការឧបត្ថម្ភជូនភ្ញៀវដែលចូលរួម។ 

ជាក់ស្ដែង នៅក្នុងពិធីស្រាយបួស ខែរ៉ាម៉ាឌន នៃសាសនាឥស្លាមកម្ពុជាលើកទី៧ រួម​គ្នា​ជាមួយ​បង្អូនខ្មែរឥស្លាមប្រម៉ាន ៦ពាន់នាក់ ក្រោមវត្តមាន  សម្តេច តេជោ ហ៊ុន សែន នាយករដ្ឋមន្ត្រីកម្ពុជា និង ឯកឧត្ដម Anwar Bin Ibrahim នាយករដ្ឋមន្រ្តី នៃប្រទេសម៉ាឡេស៊ី នៅមជ្ឍមណ្ឌលសន្និបាត និងពិព័រណ៌អន្តរជាតិជ្រោយចង្វារកាលពី​ល្ងាច​ថ្ងៃទី២៧ ខែមីនា ឆ្នាំ២០២៣នេះ គេក៏ឃើញ វត្តមានភេសជ្ជៈប៉ូវកម្លាំង មីស៊ីល ​​របស់​លោកជំទាវ ឧកញ៉ា សុខ សុភាព អគ្គនាយិកា​ក្រុមហ៊ុន​ អង្គរ​ដេលី​ហ៊្វូដ ត្រូវបានជ្រើសរើសសម្រាប់ពិធីជួបជុំសាសនាដ៏ធំប្រចាំឆ្នាំនេះផងដែរ។

ភេសជ្ជៈប៉ូវកម្លាំង មីស៊ីល ដែលបានទទួលស្គាល់ពីគណៈកម្មាធិការត្រួតពិនិត្យផលិតផលហាឡាលកម្ពុជា និងទទួលស្គាល់ដោយវិទ្យាស្ថានស្តង់ដារគុណភាព និងអនាម័យតាម កម្រិតស្តង់ដារ ISO 9001-2015 និង ISO 22000- 2018។

ដោយឡែក នៅក្នុងពិធី​ជួបជុំសំណេះ​សំណាល និងអាហារសាមគ្គីជាមួយអ្នកសារព័ត៌មានលើកទី៥ ចំនួនជិត​ ៥០០០​នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ ​​ក្រោម​វត្តមាន​​សម្តេច​តេជោ ហ៊ុន សែន នាយករដ្ឋមន្ត្រីកម្ពុជា កាលល្ងាចពីដើម ខែមករា ឆ្នាំ២០២៣ ស្រាបៀរម៉ាទ្រីដ (Mattrid Beer) ​​របស់​លោកជំទាវ ឧកញ៉ា សុខ សុភាព ​​ក៏ត្រូវ​បាន​ជ្រើស​រើសផងដែរ៕  ​

The post លោកជំទាវ ឧកញ៉ា សុខ សុភាព សហគ្រិនលេចធ្លោនៅពីក្រោយឧស្សាហកម្មភេសជ្ជៈក្នុងប្រទេសកម្ពុជា appeared first on .

ពិធីជួបជុំសំណេះសំណាលជាមួយអ្នកសារព័ត៌មាននៅក្នុងប្រទេសកម្ពុជា ឆ្នាំ២០២៣នេះ ជាជំនួបលើកទី៥ បន្ទាប់ពីអាក់ខាន ដោយសារកូវីដ-១៩ រយៈពេល ២ឆ្នាំកន្លងមក។ សម្តេចតេជោ ហ៊ុន សែន បានចាត់ទុក ជំនួប នេះ ជាកិច្ចប្រឹងប្រែងមួយ ដើម្បីរួមគ្នាធ្វើជាប្រយោជន៍សម្រាប់សង្គមជាតិ។ យ៉ាងណាមិញ ក្រោយ​ពេល​សម្តេច​តេជោ មានមតិ​សំណេះ​សំណាល​ចប់ ​​ក៏​មាន​ការ​ទទួល​ទាន​អាហារសាមគ្គី​​​រួម​គ្នា​ជាមួយ​អ្នកសារព័ត៌មាន ​ដែល​មន្ត្រី​ពាក់ព័ន្ធ​សរុប​ជិត ៥​ពាន់​នាក់ ក្នុង​​នោះ​​មាន​ការ​រៀបចំ​ម្ហូបអាហារ ភេសជ្ជៈ​​​មួយ​ចំនួន​ និង​​​ស្រាបៀរ​តែ​មួយ​មុខ​គត់​គឺ ស្រាបៀរ​​ម៉ាទ្រីដ។

ក្រុមហ៊ុនអ៉ិនធើ-ម៉ាទ្រីដ បេវើរីច (ខេមបូឌា) ជាក្រុមហ៊ុនដែលបង្កើតឡើងដោយវិនិយោគិនខ្មែរ ១០០% ក្រោម​ទឹកប្រាក់វិនិយោគសរុបចំនួន ៧៨ លានដុល្លាសហរដ្ឋអាមេរិក។ រោងចក្រដ៏ធំអស្ចារ្យមួយនេះ ចាប់ផ្ដើមសាងសង់​កាលពីខែកក្កដា ឆ្នាំ២០២០ លើផ្ទៃដី ១៥ហិចតា និងមានសមត្ថភាពផលិតស្រាបៀរបានចំនួន ៤០​ម៉ឺន​ហិចតូ​លីត្រ ឬ ស្មើរនឹង ៦,៥​លាន​កេសក្នុងមួយឆ្នាំៗ ព្រមទាំងអាចរួមចំណែកជាមួយ​រាជរដ្ឋាភិបាលបង្កើតការងារ​ដល់​យុវជនកម្ពុជាចំនួន ៥៥០ កន្លែង។

លោកជំទាវ ឧកញ៉ា សុខ សុភាព ដែល​ជា​នាយិកាក្រុមហ៊ុនភេសជ្ជៈឆែមពាន​ផង​នោះ ​ធ្លាប់​បាន​បញ្ជាក់​ឱ្យ​ដឹង​ថា រោងចក្រស្រាបៀរ របស់ក្រុមហ៊ុនអ៉ិនធើ-ម៉ាទ្រីដ បេវើរីច (ខេមបូឌា) ដ៏ធំនិងទំនើបនេះ ត្រូវបានបំពាក់ដោយ​ម៉ាស៊ីន​ផលិតស្រាបៀរបច្ចេកវិទ្យាទំនើបចុងក្រោយ បំផុតពីអឺរ៉ុប ដែលជាប្រទេសមានភាពល្បីល្បាញលើវិស័យ​ផលិតស្រាបៀរលំដាប់ពិភពលោក។ ពិសេសជាង​នេះទៀត រោងចក្រស្រាបៀរអ៉ិនធើ-ម៉ាទ្រីដ បេវើរីច (ខេមបូឌា) មានអ្នកជំនាញផលិតដែលមានបទពិសោធខ្ពស់ រួមផ្សំនឹងសម្រិតសម្រាំងគ្រឿងផ្សំផលិត​ប្រកប​ដោយគុណភាពខ្ពស់ ដែលនឹងផ្ដល់នូវរសជាតិដ៏មហស្ចារ្យ និង​ទទួលបានភាពរីករាយលើសគេដល់អ្នក​ពិសា​ស្រាបៀរ។

សូម​ជម្រាប​ជូន​ថា ពិធីផលិតស្រាបៀរដំបូងរបស់ក្រុមហ៊ុនអ៉ិនធើ-ម៉ាទ្រីដ បេវើរីច (ខេមបូឌា) ទើប​​បានប្រព្រឹត្ត​ទៅកាលពីថ្ងៃទី២៨ ខែកក្កដា ឆ្នាំ២០២២​ ក្រោមអធិបតីភាពដ៏ខ្ពង់ខ្ពស់របស់ លោក​ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ដោយមានការចូលរួម​ជាភ្ញៀវកិត្តិយសពីសំណាក់ លោកជំទាវ អ្នកឧកញ៉ា ឧកញ៉ា លោក លោកស្រី យ៉ាងអធិកអធមបំផុត នៅ​ទីតាំង​រោងចក្រ​ផ្ទាល់ ដែល​ស្ថិតនៅក្នុងភូមិស្តៅកន្លែង២ ឃុំដីឥដ្ឋ ស្រុកកៀនស្វាយ ខេត្តកណ្ដាល៕

The post ស្រាបៀរថ្មីរបស់ជំទាវឧកញ៉ា១រូប ត្រូវបានជ្រើសរើសសម្រាប់ពិធីជួបជុំអ្នកសារព័ត៌មាន ៥០០០នាក់ appeared first on .