តាមអនុក្រឹត្យរបស់រាជរដ្ឋាភិបាលចុះថ្ងៃទី ២០ ខែមិនា ឆ្នាំ ២០១៧ កំណត់ថាអ្នកដែលអាចមានងារជា ឧកញ៉ា លុះត្រាតែ បានធ្វើអំណោយជូនរដ្ឋ ជាថវិកា ឬ សម្ភារ ដែលមានតម្លៃលើសពី ៥០ ម៉ឺនដុល្លារឡើងទៅ ។ ដោយឡែកនាពេលកន្លងទៅនេះ មានអ្នកជំនួញវ័យក្មេង ៣ រូបបានទទួលគោរពងារជាឧកញ៉ាជាបន្តបន្ទាប់ ក្រោយពីពួកគាត់បានជួយដល់សង្គមជាច្រើនតាមរយៈការបរិច្ចាគថវិកាជូនរដ្ឋាភិបាល ការជួយដល់ជនក្រីក្រ ការកសាងហេដ្ឋារចនាសម្ព័ន្ធជាដើម ។ សហគ្រិនវ័យក្មេងទាំងនោះរួមមាន៖

១.លោកឧកញ៉ា ផន វណ្ណិត

លោក ផន វណ្ណិត អតីតព្រះសង្ឃ ជានិស្សិតមានការសិក្សាជ្រៅជ្រះនិងខ្ពង់ខ្ពស់នៅបរទេស និងជាសាស្រ្តាចារ្យ បន្ទាប់មកដោយចំណាប់អារម្មណ៍លើវិស័យកសិកម្ម និងវិស័យអចលនទ្រព្យតាំងពីឆ្នាំ២០១១ លោកក៍ចាប់ផ្ដើមទិញដីដំបូងនៅម្ដុំចោមចៅ ផ្លូវជាតិលេខ៣។

នៅខែឧសភា ឆ្នាំ២០១៨ លោក វណ្ណិត បានបើកក្រុមហ៊ុនវិស័យអចលនទ្រព្យ។
អតីតកូនអ្នកលក់បន្លែនៅខេត្តព្រៃវែង លោក ផន វណ្ណិត ត្រូវបានព្រះមហាក្សត្រត្រាស់បង្គាប់ផ្តល់គោរមងារជា ឧកញ៉ា កាលពីថ្ងៃទី១ ខែ សីហា ឆ្នាំ២០២០កន្លងទៅនេះ។

គិតមកទល់បច្ចុប្បន្នលោកឧកញ៉ា ផន វណ្ណិត គឺជាអ្នកជំនួញអចលនទ្រព្យដ៍ជោគជ័យល្បីឈ្មោះ និងគ្រប់គ្រងតំបន់អចលនទ្រព្យសំខាន់ៗចំនួនផងដែរ។

២.លោកជំទាវឧកញ៉ា អ៊ាន សៀវមី

អ្នកលក់ផលិតផលតាមអនឡាញដ៏ល្បីឈ្មោះអ្នកនាង អ៊ាន សៀវមី និងតែងតែសកម្មនឹងការងារសប្បុរសធម៌ ការបរិច្ចាគថវិកាជួយកាកបាទក្រហមរាជធានីភ្នំពេញ ការបរិច្ចាគថវិកាជួយកាកបាទក្រហមសាខាខេត្តកណ្ដាល ការបរិច្ចាគថវិកាជួយដល់រាជរដ្ឋាភិបាលក្នុងការទប់ស្កាត់ការរីករាលដាលនៃជំងឺកូវីដ១៩ និងការបរិច្ចាគថវិកាជួយថវិកាជួយបំពាក់អំពូលភ្លើងពីផ្លូវវិហារសួគ៌ទៅខេត្តព្រៃវែង ក៏ដូចជាការកសាងផ្លូវមួយចំនួន ការបរិច្ចាគថវិកាជួយជនក្រីក្រជាដើម។

នៅថ្ងៃទី២៧ ខែសីហា ឆ្នាំ២០២០ អ្នកនាងត្រូវបានព្រះមហាក្សត្រត្រាស់បង្គាប់ ផ្ដល់គោរមងារ ជា«ឧកញ៉ា» ជាហេតុធ្វើឲ្យអ្នកនាងក្លាយជាអ្នកលក់ផលិតផលតាមអនឡាញតែម្នាក់គត់ ដែលទទួលបានងារនេះ។

៣. លោកជំទាវឧកញ៉ា ស្រី ណារួម

អ្នកស្រី ស្រី ណារួម ហៅ ម៉ែរួយ ជាអគ្គនាយិកាក្រុមហ៊ុនគ្រឿងសម្អាង Rouy Infinity Co.,ltd ដែលតែងតែចំណាយថវិការផ្ទាល់ខ្លួន ដើម្បីជួយដល់សង្គមត្រូវបានព្រះមហាក្សត្រចេញព្រះរាជក្រិត្យ ប្រោសព្រះរាជទានគោរមងារជា ឧកញ៉ា កាលពីថ្ងៃទី២៨ ខែសីហា ឆ្នាំ២០២០។

បើនិយាយជីវិតរបស់ម៉ែរួយ ធ្លាប់ជួបទុក្ខលំបាកវេទនា កាលពីអាយុ១៧ឆ្នាំ បានបោះបង់ចោលការសិក្សា ទៅស៊ីឈ្នួលគេនៅប្រទេសថៃ រយៈពេល៥ឆ្នាំ យកលុយមកចិញ្ចឹមគ្រួសារ និងជំពាក់បំណុលគេរាប់ម៉ឺនដុល្លារ៕

The post កើតខែខុសគ្នា ឧកញ៉ាវ័យក្មេង ៣រូបនេះ ទទួលបានគោរមងារជាឧកញ៉ាក្នុងខែតែមួយ appeared first on .

ការប្រកាសរបស់លោកជំទាវ ឧកញ៉ា ស្រី ណារួម អគ្គនាយិកាក្រុមហ៊ុន រួយ អ៊ិនហ្វីនីធី (ម៉ែរួយ)បានធ្វើឡើងភ្លាមៗ បន្ទាប់ពីសម្តេចតេជោ ហ៊ុន សែន ប្រកាសពី​ការត្រៀមថវិកាទិញវ៉ាក់សាំងកូវីដ១៩ មកចាក់ជូនប្រជាពលរដ្ឋដោយឥតគិតថ្លៃ។

សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពី​ការ​ត្រៀម​បម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជន​ដោយឥតគិតថ្លៃ ជា​ជំហាន​ដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់។

សម្តេចតេជោ បន្ថែមថា «ពេលនេះប្រទេសមួយចំនួនផលិតបាននិងដាក់អោយប្រើប្រាស់ហើយនឹងកំពុងបញ្ចេញលក់អោយប្រទេសនានាផងដែរ។ ល្ងាចនេះខ្ញុំបានណែនាំអោយរដ្ឋមន្ត្រីក្រសួងសុខាភិបាលពិភាក្សាជាមួយដៃគូអភិវឌ្ឍន៍ ពិសេសអង្គការសុខភាពពិភពលោក ដើម្បីកំណត់ថា តើយើងគួរទិញវ៉ាក់សាំងពីប្រទេសណា?»។

សម្តេចតេជោ ក៏បានបញ្ជាក់ថា «ខ្ញុំបានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ការទិញ១លានដូស (មួយលានដូស) ក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមានហានិភ័យខ្ពស់ និងអ្នកដែលមានហានិភ័យ។ មួយលានដូសចាក់បានត្រឹមតែមនុស្ស ៥០ម៉ឺននាក់ប៉ុណ្ណោះ (ព្រោះម្នាក់ត្រូវការចាក់២ដង) ក្នុងពេលយើងមានប្រជាជន១៦លាននាក់ ទាំងចាស់ទាំងក្មេង ដែលក្នុងនោះអាចមានមនុស្សប្រមាណ១០លាននាក់ត្រូវការចាក់វ៉ាក់សាំង»។

សម្តេចតេជោនាយករដ្ឋមន្ត្រី បានលើកឡើងថា ក្នុងស្ថានភាពដែលកម្ពុជានៅក្រខ្វះថវិកាសម្រាប់ទិញបន្ថែម សម្តេចបានណែនាំរដ្ឋមន្ត្រីរដ្ឋមន្ត្រក្រសួងសុខាភិបាល និងរដ្ឋមន្ត្រីក្រសួងហិរញ្ញវត្ថុឱ្យពិភាក្សាជាមួយដៃគូអភិវឌ្ឍន៍ទាំងទ្វេភាគី ទាំងពហុភាគី ដើម្បីស្វែងរកជំនួយបន្ថែមមកជួយដល់ប្រជាជន។

សម្តេចតេជោ ហ៊ុន សែន សង្ឃឹមថាដៃគូអភិវឌ្ឍន៍នឹងផ្តល់ជំនួយដល់ប្រជាជន ឬយ៉ាងហោចលក់ក្នុងតម្លៃថោកសមរម្យ។ សម្តេចតេជោ ក៏បានណែនាំរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ត្រៀមថវិកាសម្រាប់ទិញ ២ ទៅ៣លានដូសថែមទៀត សម្រាប់ដំណាក់កាលបន្ទាប់៕

The post ​ជំទាវ ឧកញ៉ា ស្រី ណារួម ឧបត្ថម្ភ 5000$ ជូន​សម្ដេចតេជោ ហ៊ុន សែន ដើម្បីទិញវ៉ាក់សាំងកូវីដ១៩ appeared first on .