យោងតាមក្រសួងស្ទាបស្ទង់ដែនដីរបស់ជប៉ុន បានបង្ហាញឲ្យដឹងថា តម្លៃដីជាមធ្យមនៅទូទាំងប្រទេស ទាំងលំនៅឋាន និងតំបន់ពាណិជ្ជកម្ម បានកើនឡើង ២,៧% គិតត្រឹមថ្ងៃទី១ ខែមករា ដែលជាការកើនឡើងរយ:ពេល ៤ឆ្នាំជាប់ៗគ្នា។

ជុំវិញការកើនឡើងនេះ ត្រូវបានចាត់ទុកថាជាការកើនឡើងលឿនបំផុត គិតចាប់តាំងពីឆ្នាំ១៩៩១ មក មុនពេលតម្លៃដីបានចាប់ផ្តើមធ្លាក់ចុះអស់រយ:ពេលយ៉ាងយូរ ដោយសារតែវិបត្តិអចលនទ្រព្យ។

ទន្ទឹមនឹងនេហ បើតាមក្រសួងដែនដីបានឲ្យដឹងទៀតថា តម្លៃដីធ្លីនៅក្នុងប្រទេសជប៉ុន បានបន្តការកើនឡើង ចំពេលមានការស្ទុះងើបឡើងវិញ នៃសេដ្ឋកិច្ចកម្រិតមធ្យម។

ជម្រាបជូនផងដែរថា ការកើនឡើងតម្លៃដីធ្លីនៅទូទាំងប្រទេសនេះ ត្រូវបានជំរុញជាពិសេសដោយការកើនឡើងនៃវិស័យទេសចរណ៍ ដែលនាំឲ្យមានការកើនឡើងនៃតម្រូវការសណ្ឋាគារ និងហាងលក់ទំនិញ។ ប្រហែលប្រមាណ ៦៤% នៃតម្លៃដីដែលបានបានស្ទង់មតិ គឺមានកើនឡើងលើសកម្រិតឆ្នាំ២០២០ ពោលគឺមុនពេលការរាតត្បាតជំងឺរាតត្បាតកូវីដ-១៩។

យ៉ាងណាមិញ ការស្ទង់ស្ទង់ក៏បានរកឃើញទៀតផងដែរ អំពីការព្រួយបារម្ភមួយចំនួន ក្នុងទីផ្សារស្តីពីការប៉ះពាល់យ៉ាងខ្លាំងចំពោះការចំណាយខ្ពស់លើការសាងសង់ និងការដំឡើងអត្រាការប្រាក់កាន់តែច្រើនដោយធនាគារកណ្តាលជប៉ុន៕

The post តម្លៃដីធ្លីនៅជប៉ុន ហក់ឡើងលឿនបំផុតមិនធ្លាប់មាន ក្នុងរយ:ពេល ៣៤ឆ្នាំចុងក្រោយ appeared first on .

បើតាមលោក Lavaron Sangsnit លេខាធិការអចិន្ត្រៃយ៍ក្រសួងហិរញ្ញវត្ថុ បានបង្ហាញឲ្យដឹងថាច្បាប់នៃការបង់ពន្ធលើដីធ្លី និងអគារនេះ ត្រូវបានពិភាក្សាអស់រយៈពេលជាយូរមកហើយ បន្ទាប់មកត្រូវបានអនុម័តជាផ្លូវការ នៅឆ្នាំ២០១៩ ជាមួយនឹងការប្រមូលពន្ធលើកដំបូងនៅឆ្នាំ២០២០។ ប៉ុន្តែទោះបីជាយ៉ាងណា ដោយសារតែការផ្ទុះឡើងនៃជំងឺរាតត្បាត បានធ្វើឲ្យរដ្ឋាភិបាលកាត់បន្ថយបន្ទុកពន្ធចំនួន ៩០% រហូតដល់ឆ្នាំ២០២១។

គួរឲ្យដឹងផងដែរថា នៅក្នុងឆ្នាំ២០២៣ កន្លងទៅ រដ្ឋាភិបាល បានសម្រេចចិត្តបន្តកាត់បន្ថយបន្ទុកពន្ធចំនួន ១៥% ដើម្បីជួយសម្រួលដល់ការលំបាកផ្នែកសេដ្ឋកិច្ចរបស់ប្រជាជន។ 

ប៉ុន្តែ សម្រាប់ឆ្នាំ២០២៤នេះ លោក Lavaron ​ បានបញ្ជាក់ថានឹងគ្មានវិធានការកាត់បន្ថយពន្ធទៀតនោះឡើយ ហើយប្រាក់ចំណូលទទួលបានពីពន្ធនេះ ត្រូវបានគេរំពឹងថានឹងកើនឡើងដល់ ៤៣ពាន់លានបាត ពោលគឺកើនឡើងពីចំនួន ៣៥ពាន់លាន កាលពីឆ្នាំមុន។

លោក Lavaron បាននិយាយទៀតថា ប្រាក់ចំណូលនាពេលអនាគតពីពន្ធដីធ្លី និងអគារនេះ ទំនងជានឹងបន្តកើនឡើងបន្ថែមទៀត ដោយសារឱកាសនៃការធ្លាក់ចុះមានតិចតួច ព្រោះថាមូលដ្ឋានពន្ធគឺអាស្រ័យលើតម្លៃដី និងអគារដែលកំពុងបន្តកើនឡើង៕

The post ថៃ រំពឹងកើបប្រាក់ចំណូលជាង ១ពាន់លានដុល្លារ ពីការប្រមូលពន្ធលើដីធ្លី និងអគារ នៅឆ្នាំនេះ  appeared first on .

ដីស្រែចម្ការរបស់លោក Bill Gates ភាគច្រើនត្រូវបានទិញតាមរយៈកិច្ចព្រមព្រៀងធំៗជាច្រើន ដោយក្នុងនោះរួមទាំងការទិញយកគម្រោងអចលនទ្រព្យដីចម្ការចំនួន ៦១ គម្រោង ក្នុងតម្លៃប្រមាណ ៥២០លានដុល្លារ ពីក្រុមហ៊ុនគ្រប់គ្រងដោយរដ្ឋកាដាណា Pension Plan Investment Board និងការទិញយកផ្ទៃដីកសិកម្មទំហំ ៥ ៩៩៩ ហិកតាផ្សេងទៀត នៅក្នុងរដ្ឋ Washington ក្នុងតម្លៃ ១៧១ លានដុល្លារ ពីក្រុមហ៊ុន 100 Circles Farm។

ក្នុងចំណោមដីស្រែចម្ការទាំងនោះ កសិដ្ឋានដាំដំណាំ Angelina ក្នុងរដ្ឋ Louisiana គឺជាផ្ទៃដីដ៏ធំបំផុតដែលលោក Bill Gates បានកាន់កាប់ ខណ:កសិដ្ឋាននេះមានទំហំជិត ២៨ ៣០០ ហិកតា និងដាំដុះដំណាំជាចម្បងដូចជា សណ្តែកសៀង ពោត កប្បាស និងស្រូវ។

ជម្រាបជូនផងដែរថា គិតត្រឹមថ្ងៃទី១៥ ខែមករា ឆ្នាំ២០២៤ នេះ ទស្សនាវដ្ដី Forbes បានប៉ាន់ប្រមាណថា ទ្រព្យសម្បត្តិសរុបរបស់លោក Bill Gates មានចំនួនសរុប ១២០,៣ពាន់លានដុល្លារ ដែលធ្វើឲ្យលោកក្លាយជាបុគ្គលដែលមានទ្រព្យសម្បត្តិច្រើនបំផុតលំដាប់ទី៧ នៅលើពិភពលោក៕

The post Bill Gates ជាប់ឈ្មោះជាម្ចាស់កាន់កាប់ដីស្រែចម្ការឯកជនធំបំផុត នៅសហរដ្ឋអាមេរិក appeared first on .

យោងតាមការចុះផ្សាយពីសារព័ត៌មាន VNExpress បានបង្ហាញថា មហាសេដ្ឋីចិនរូបនេះ មានដីនៅចំការកៅស៊ូក្នុងតំបន់ Oregon ប្រមាណ ៨០ ១២៧ហិកតា ដែលលោកបានទិញពីក្រុមហ៊ុន Fidelity National Financial Ventures កាលពីឆ្នាំ២០១៥។

ចំណែកឯជនបរទេសដែលមានដីធ្លីច្រើនបំផុតនៅអាមេរិក គឺគ្រួសារត្រកូល Irving នៅប្រទេសកាណាដា ដែលមានដីធ្លីសរុបរហូតដល់ទៅ ៥១៣ ០៥៧ ហិកតាឯណោះ។

រំលឹកបន្តិចថា លោក Chen Tianqiao ទទួលបានងារជាមហាសេដ្ឋីលើកដំបូងនៅឆ្នាំ១៩៩៩ ដោយបានបង្កើតក្រុមហ៊ុនហ្គេមអនឡាញ Shanda Interactive Entertainment ដែលជា​ក្រុមហ៊ុនធំបំផុតមួយ ក្នុងវិស័យហ្គេមអនឡាញនៅចិន ខណៈបច្ចុប្បន្ននេះ លោកានទ្រព្យសម្បត្តិសរុបប្រមាណ ១ពាន់លានដុល្លារ៕

The post មហាសេដ្ឋីចិនម្នាក់ ជាជនបរទេសកាន់កាប់ដីធ្លីច្រើនបំផុតទី២ នៅអាមេរិក appeared first on .

ប្រាក់ចំណូលពីការលក់ដីធ្លី បានធ្លាក់ចុះ ២២,២% នៅក្នុងខែសីហា បើធៀបទៅនឹងរយ:ពេលដូចគ្នា កាលពីឆ្នាំមុន បន្ទាប់ពីបានធ្លាក់ចុះ ១០,១% កាលពីខែកក្កដា។ នេះបើតាមការគណនារបស់សារព័ត៌មាន Reuters ដោយផ្នែកលើទិន្នន័យដែលទទួលបានពីក្រសួងហិរញ្ញវត្ថុចិន។

ដោយឡែកសម្រាប់រយ:ពេលពីខែមករា ដល់ខែសីហា ការលក់ដីធ្លីបានធ្លាក់ចុះ ១៩,៦% បើធៀបទៅនឹងរយ:ពេលដូចគ្នា កាលពីឆ្នាំមុន មកនៅត្រឹម ២,៧១ទ្រីលានយ៉ន់ (៧៣២,៨២ពាន់លានដុល្លារ) ប៉ុណ្ណោះ ។

ការកើនឡើងនៃបំណុលរបស់រដ្ឋាភិបាលក្នុងតំបន់ កំពុងបង្កហានិភ័យធ្ងន់ធ្ងរដល់សេដ្ឋកិច្ច និងស្ថិរភាពហិរញ្ញវត្ថុរបស់ប្រទេសចិន ក្រោយពីបានមើលឃើញថាមានការវិនិយោគលើហេដ្ឋារចនាសម្ព័ន្ធច្រើន​លើសលប់​ពេក ក្នុងរយ:ពេលជាច្រើនឆ្នាំមកនេះ និងការធ្លាក់ចុះនៃប្រាក់ចំណូលបានពីការលក់ដីធ្លី ផងដែរ។

ជម្រាបជូនផងដែរថា រដ្ឋាភិបាលទីក្រុងប៉េកាំង បាននិងកំពុងបង្កើនវិធានការដោះស្រាយ ​ហានិភ័យ​បំណុលក្នុងស្រុក រួមទាំងការកាត់បន្ថយការរឹតបន្តឹងលើវិស័យអចលនទ្រព្យ និងការត្រួតពិនិត្យយ៉ាងតឹងរ៉ឹងទៅលើស្ថាប័នផ្តល់ហិរញ្ញប្បទានរបស់រដ្ឋាភិបាល ក្នុងតំបន់ផងដែរ ដោយទីផ្សារនានារំពឹងថានឹងទទួលបានវិធានការសារពើពន្ធ និងរូបិយវត្ថុបន្ថែមទៀត ដើម្បីធានាបាននូវការងើបឡើងវិញ ប្រកបដោយ​ប្រសិទ្ធិ​ភាព ៕

The post ប្រាក់ចំណូលបានពីការលក់ដីធ្លី ក្នុងប្រទេសចិន បន្តធ្លាក់ចុះរយ:ពេល ២០ខែជាប់ៗគ្នា appeared first on .

យោងតាមការចុះផ្សាយពីសារព័ត៌មាន TheThaiger បានបង្ហាញថា តុលាការ​បាន​សម្រេចឃុំខ្លួន​អ្នកជំនួញម្នាក់នេះ ឲ្យជាប់ពន្ធនាគាររយៈពេល ២ឆ្នាំ និង ៨ខែ បន្ទាប់ពីរកឃើញថា លោក​បាន​ចូលដៃចូលជើង ជាមួយនឹងការរំលោភបំពានដីធ្លីប្រមាណ ៣ហិចតា នៅស្រុកមឿង ដោយបានបន្លំចុះបញ្ជីខុសឈ្មោះម្ចាស់កម្មសិទ្ធ កាលពីប៉ុន្មានឆ្នាំមុន។

រឿងដែលគួរឲ្យហួសចិត្តទៀតនោះគឺ អ្នកជំនួញជនជាតិថៃរូបនេះបាន​លក់ដីធ្លីមួយកន្លែងនោះ កាលពីឆ្នាំ ២០១៧ និងទទួលបានទឹកប្រាក់ប្រហែល ៤០០លានបាត។

សូមជម្រាបដែរថា ដីធ្លីដែលលោក Prayudh បាន​ក្លែងឯកសារធ្វើជាម្ចាស់កម្មសិទ្ធនោះគឺ ជាកម្មសិទ្ធរបស់រដ្ឋ ប៉ុន្តែដោយមានការ​ឃុបឃិត​ពីអតីតមន្ត្រីពុករលួយ ១០នាក់ នៅក្រសួងដែនដីថៃ ទើបមានការចុះបញ្ជីកម្មសិទ្ធឲ្យទៅអ្នកធុរកិច្ចម្នាក់នេះ៕

The post ស្ដេចត្រាញ់ថៃម្នាក់ជាប់ពន្ធនាគារ ជុំវិញករណីឆបោកដីធ្លីតម្លៃ ៤០០លានបាត appeared first on .

ក្រឡេក​ទៅ​មើល​មហាសេដ្ឋី​លំដាប់​ពិភពលោក​ដូចជា Bill Gates វិញ លោក​ក៏​មាន​អចលនទ្រព្យ​ដីធ្លី​នៅ​ក្នុង​ដៃ​ផងដែរ រហូត​ដល់​មាន​មតិ​ជាច្រើន​ចោទ​ជា​សំណួរ​ថា តើ​មហាសេដ្ឋី​មាន​បំផុត​ទី ៤ លើ​លោក​រូប​នេះ ជា​បុគ្គល​មាន​ដីធ្លី​ច្រើន​បំផុត​នៅ​សហរដ្ឋអាមេរិក​មែន​ទេ?

ចម្លើយ​គឺ មិនមែន​ទេ ប៉ុន្តែ​ស្ថាបនិក Microsoft ក៏​មាន​ដី​ចម្ការ​ច្រើនកន្លែង​ផង​ដែរ ​គ្រាន់តែ​ថា​មិន​មាន​ដី​ធ្លី​រហូត​ដល់​ថ្នាក់​ច្រើន​បំផុត​ប្រចាំ​ប្រទេស​ឡើយ ពោល​លោក​មាន​តែ​ដី​ចម្ការ​ប៉ុណ្ណោះ ហើយក្នុង​ចំណោម​ដី​ចម្ការ​សរុប​ប្រមាណ ៣៦២,២ លាន​ហិចតា Bill Gates មាន​ប្រមាណ​ត្រឹម ០,០៣% ឬ​ជាង ១២ ម៉ឺនហិចតា​ប៉ុណ្ណោះ។ នេះ​បើតាម​ការចុះផ្សាយ​ពី Celebritynetworth។

ប្រភព​ដដែល​បន្ថែម​ថា ដីចម្ការ​របស់​មហាសេដ្ឋី​ប្រាក់​រយ​ពាន់​លាន​ដុល្លារ​មាន​យ៉ាងតិច​នៅ​ ១៨ រដ្ឋ​ទូទាំង​សហរដ្ឋអាមេរិក ហើយ​បើ​ទោះ​ជា​មាន​ដី​ចម្ការ​ត្រឹម ០,០៣% នៃ​ដី​ចម្ការ​សរុប​ក៏​ដោយ ប៉ុន្តែ​លោក​នៅ​តែ​ជា​បុគ្គល​មាន​ដី​ចម្ការ​ច្រើន​បំផុត​នៅ​អាមេរិក​ដដែល។

ដោយឡែក បុគ្គល​ដែល​មាន​ដី​ធ្លី​ច្រើន​បំផុត​នៅ​អាមេរិក​បច្ចុប្បន្ន គឺ John Malone ដែល​មាន​ដីធ្លី​ប្រមាណ ៨៩ ម៉ឺន​ហិចតា​ឯណោះ​ប្រចាំ​សហរដ្ឋអាមេរិក៕

The post តើ Bill Gates ជា​ម្ចាស់​អចលនទ្រព្យ​ដីធ្លី​ច្រើន​បំផុត​នៅ​អាមេរិក​មែនទេ? appeared first on .

ក្នុងលិខិតជម្រាបជូនទៅកាន់​អភិបាលរាជធានី ខេត្ត  លោក ជា សុផារ៉ា  បានបញ្ជាក់ថា ក្រសួង រៀបចំដែនដី នគរូបនីយកម្ម និង​សំណង់ មិនអនុញ្ញាតឱ្យមានការដ្ឋានសំណង់ ចាប់ផ្តើម​ដំណើរ​ការសាងសង់ ឬរុះរើ ដោយគ្មានប្លង់ស្ថាបត្យកម្មនិងប្លង់គ្រឿងផ្គុំសំណង់ដែលទទួលបាន ការ​យល់​​ព្រម​ពីអាជ្ញាធរមានសមត្ថកិច្ចនោះឡើយ។

លោក ជា សុផារ៉ា  បានសង្កត់ធ្ងន់ថា សកម្មភាពទាំងនេះជាអំពើខុស​ច្បាប់ ដែល​អាចបង្កឱ្យ ប៉ះពាល់​ដល់​បទ​ប្បញ្​ញត្តិស្តី​ពីធ្លាគម្លាត គុណភាព សន្តិសុខ សុវត្ថិភាពសំណង់ សណ្ដាប់​ធ្នាប់សាធារណះ សោភ​ណភាព ការរស់នៅ​ប្រកបដោយចីរភាព និងអាចបង្ក​ឱ្យមានវិវាទ។

ជាមួយគ្នានោះ លោករដ្ឋមន្រ្តី ក៏ស្នើឲ្យអភិបាលរាជធានី ខេត្ត ជំរុញការតាមដានត្រួតពិនិត្យចាត់ វិធានការទប់ស្កាត់​ការ​សាងសង់ឬរុះរើសំណង់ដែលគ្មានលិខិតអនុញ្ញាត និងចាត់ចែង​ដាក់​ទណ្ឌ​កម្មចំពោះ ជនដែល​ប្រព្រឹត្តអំពើល្មើសនឹងបទប្បញ្ញត្តិស្តីពីសំណង់ មានជាអាទិ៍ ការតម្រូវ​ឱ្យម្ចាស់​​សំណង់​កែសម្រួល ឬរុះរើសំណង់ ការហាមឃាត់ការប្រើប្រាស់ ការប្រកបអាជីវកម្ម ការចាត់​ចែង និងការធ្វើចរន្តការ​នានា ដូចជាការមិនអនុញ្ញាតឱ្យធ្វើការបញ្ជាក់ ការដាក់ហ៊ីប៉ូតែក ការ​ផ្ទេរ ឬលក់-ទិញពាក់​ព័ន្ធនឹង​សំណង់ដែល គ្មានលិខិតអនុញ្ញាត និងការកសាង​សំណុំរឿង​បញ្ជូនទៅតុលាការ ដើម្បីស្នើសុំរឹបអូសសម្ភារៈ បរិក្ខារ និង ឧបករណ៍ផ្សេងៗទៀត ការផ្តន្ទា​ទោសពិន័យជាប្រាក់ ការផ្តន្ទាទោសដាក់ពន្ធនាគារ ការរំលាយ ក្រុមហ៊ុនការដាក់ឱ្យ​ស្ថិត​ក្រោមការ​ត្រួត​ពិនិត្យតាមដានរបស់តុលាការ ការហាមឃាត់ចំពោះការ ធ្វើសកម្មភាព ការ​បណ្តេញ​ចេញ​ពីលទ្ធកម្មសាធារណៈ ការបិទផ្សាយសេចក្តីសម្រេចផ្តន្ទាទោស និងការ ផ្សាយសេច​ក្តី​សម្រេចផ្តន្ទាទោសជាសាធារណៈ។

គួរបញ្ជា់ថា គិតពីចាប់ឆ្នាំ២០០០ ដល់ដំណាច់ឆ្នាំ២០២១ ក្រសួងរៀបចំដែនដី នគរូបនីយកម្ម និង​សំណង់ បានចេញលិខិតអនុញ្ញាតសាងសង់នៅទូទាំងប្រទេសចំនួន ៥៧ ៥៩០គម្រោង ផ្ទៃ​ក្រឡាកម្រាលសំណង់សរុបចំនួន១៦៦ ៦២៣ ៨៩១ម៉ែត្រក្រឡា និងតម្លៃប៉ាន់​ស្មានទុន​វិនិ​យោគសរុបប្រមាណ៦៦ ២០៥ ៨៤១ ៩៣៦ដុល្លារ។       

The post រដ្ឋមន្ត្រីក្រសួងរៀបចំ​​ដែនដី ប្រាប់​ឲ្យ​​អភិបាល​រាជធានី ខេត្ត ទប់ស្កាត់ការ​សាងសង់​​សំណង់​​​ដែល​គ្មាន​លិខិតអនុ​​​ញ្ញាត appeared first on .

ក្នុងលិខិតសុំអន្តរាគមន៍របស់លោក ព្រាប សុវត្ថិ បានសរសេរថា៖ គោរពស្នើសុំសម្តេចតេជោ ហ៊ុន សែន មេត្តាផ្តល់កិច្ចអន្តរាគមន៍ និងដោះស្រាយករណី ឯកឧត្តម ម៉ៅ ធនារក្ស ជាសមាជិកក្រុមប្រឹក្សាខេត្តមណ្ឌលគិរី បានប្រើសិទ្ធិអំណាចរំលោភបំពានយកដី ដែលជាកម្មសិទ្ធិរបស់ម្តាយខ្ញុំបាទ មានទំហំប្រមាណ ១៩៣២៩០ម៉ែត្រក្រឡា មានទីតាំងស្ថិតនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី (ទីតាំងអតីតស្ថិតនៅភូមិពូទ្រូក្រោម ឃុំសែនមនោរម្យ ស្រុកអូរាំង ខេត្តមណ្ឌលគិរី។

លិខិតសុំកិច្ចអន្តរាគមន៍ កំពូលតារាចម្រៀង លោក ព្រាប សុវត្ថិ ដាក់ជម្រាបទៅសម្តេចតេជោ៖

The post លោក ព្រាប សុវត្ថិ ស្នើសុំអន្តរាគមន៍ពីសម្តេចតេជោ ករណីដីរបស់ខ្លួន ត្រូវលោក ម៉ៅ ធនារក្ស យកនៅខេត្តមណ្ឌលគីរី appeared first on .