យោងតាមប្រភពដដែលនេះ បានរាយការណ៍ថា ភ្នាក់ងារល្បាតព្រំដែន និងគយសហរដ្ឋអាមេរិក (CBP) កំពុងស្វែងរកមនុស្សប្រមាណ ៦៦ ៣០០ នាក់ ដែលត្រូវបានបណ្តេញចេញពីប្រទេស ប៉ុន្តែនៅតែជំពាក់ប្រាក់រដ្ឋាភិបាល សរុបជាទឹកប្រាក់ប្រហែល ៤២៣លានដុល្លារ។

កាលពីពេលថ្មីៗនេះ CBP បានចុះកិច្ចសន្យារយៈពេល ២ឆ្នាំជាមួយក្រុមហ៊ុនចំនួន ៤ ដែលកិច្ចសន្យានីមួយៗមានតម្លៃអតិបរមា ៩លានដុល្លារ ដើម្បីតាមស្វែងរកបុគ្គលដែលមានឈ្មោះក្នុងបញ្ជីខាងលើ។ ក្រុមហ៊ុនទាំងនោះអាចប្រើប្រាស់រូបភាពផ្ទះ កុងត្រាទឹកភ្លើង កំណត់ត្រាការងារ និងឯកសារតុលាការ ដើម្បីកំណត់ទីតាំងរបស់ជនដែលត្រូវបានបណ្តេញចេញ និងសមត្ថភាពនៃការបង់ប្រាក់របស់ពួកគេ។

យ៉ាងណាមិញ ជុំវិញកិច្ចខិតខំប្រឹងប្រែងតាមស្វែងរកនេះ បានចោទជាសំណួរថា តើទីក្រុងវ៉ាស៊ីនតោនអាចអនុវត្តកាតព្វកិច្ចសងបំណុលលើមនុស្សដែលលែងរស់នៅក្នុងសហរដ្ឋអាមេរិកបានដោយរបៀបណា។ ឯកសាររបស់រដ្ឋាភិបាលប្រធានាធិបតី ដូណាល់ ត្រាំ ហាក់មិនបានពន្យល់ច្បាស់អំពីវិធីសាស្ត្រដែលពួកគេអាចបង្ខំឱ្យអ្នកដែលត្រូវបានបណ្តេញចេញ ហើយកំពុងរស់នៅបរទេស ត្រូវបង់ប្រាក់បានបែបណានោះឡើយ។

បន្ថែមពីនេះ នៅមានបញ្ហាជាក់ស្តែងមួយទៀតគឺ តើជនទាំងនោះមានសមត្ថភាពហិរញ្ញវត្ថុគ្រប់គ្រាន់ក្នុងការបង់ប្រាក់ដែរឬទេ។ មនុស្សមួយចំនួនអាចមានប្រភពហិរញ្ញវត្ថុមានកម្រិត ឬគ្មានគណនីធនាគារនៅអាមេរិកតែម្តង ខណៈវិធីសាស្ត្រទាំងនេះ ស្ថិតក្នុងចំណោមវិធីសាស្ត្រសម្រាប់បង់ប្រាក់ពិន័យ ដែលត្រូវ បានបញ្ជាក់នៅក្នុងឯកសាររបស់រដ្ឋាភិបាលសហព័ន្ធ៕​

The post លោក ត្រាំ ចង់ទារលុយជិត ៥០០លានដុល្លារ ពីអ្នកដែលត្រូវបានបណ្តេញចេញពីសហរដ្ឋអាមេរិក appeared first on .

លោក ត្រាំ បានថ្លែងនៅក្នុងមហាសន្និបាតជាតិរបស់គណបក្សសាធារណរដ្ឋនៅទីក្រុង Dallas រដ្ឋ Texas កាលពីថ្ងៃទី៩ ខែកញ្ញា ថា៖ “ប្រសិនបើគណបក្សសាធារណរដ្ឋឈ្នះទាំងសភាតំណាងរាស្ត្រ និងព្រឹទ្ធសភា ដោយសារតែកម្លាំងដ៏ខ្លាំងក្លា និងសេដ្ឋកិច្ចរីកចម្រើន ខ្ញុំនឹងផ្តល់ប្រាក់ ៥ ០០០ដុល្លារ ដល់ពលរដ្ឋពេញវ័យគ្រប់រូប។ លក្ខខណ្ឌតែមួយគត់ដែលខ្ញុំកំណត់ គឺប្រាក់នោះត្រូវតែយកទៅប្រើប្រាស់នៅក្នុងប្រទេសអាមេរិក”។

តែទោះជាយ៉ាងណាក៏ដោយ បច្ចុប្បន្នមិនទាន់មានព័ត៌មានលម្អិតបន្ថែមណាមួយអំពីសំណើនេះនៅឡើយទេ។ យោងតាមសារព័ត៌មាន CNN ប្រសិនបើលោក ត្រាំ អាចសម្រេចបានតាមការសន្យានេះមែន នោះវាអាចត្រូវបានគេមើលឃើញថាជាសកម្មភាពទិញទឹកចិត្តម្ចាស់ឆ្នោត។

គួរជម្រាបជូនថា ការបោះឆ្នោតពាក់កណ្តាលអាណត្តិរបស់សហរដ្ឋអាមេរិក ដែលគ្រោងធ្វើឡើងនៅថ្ងៃទី៣ ខែវិច្ឆិកា ត្រូវបានគេមើលឃើញថាជាការស្ទង់មតិលើរដ្ឋបាលរបស់លោក ត្រាំ។ អង្គភាព Decision Desk HQ ដែលជាអង្គភាពជំនាញលើការវិភាគទិន្នន័យបោះឆ្នោត បានព្យាករថា គណបក្សប្រជាធិបតេយ្យនឹងទទួលបានការគ្រប់គ្រងសភាតំណាងរាស្ត្រដោយសំឡេង ២៣០ ទល់នឹង ២០៥ និងព្រឹទ្ធសភាដោយសំឡេង ៥១ ទល់នឹង ៤៩ ដែលនោះមានន័យថា គណបក្សរបស់លោក ត្រាំ អាចនឹងបាត់បង់ការគ្រប់គ្រងសភាទាំងពីរ។ អត្រាគាំទ្រលោក ត្រាំ ក្នុងការស្ទង់មតិចុងក្រោយនេះបានធ្លាក់ចុះមកក្រោម ៣០%៕​

The post លោក ត្រាំ សន្យាចែកលុយ ៥ ពាន់ដុល្លារដល់ពលរដ្ឋអាមេរិករូបគ្រប់រូប បើសិនបក្សកាន់អំណាចឈ្នះឆ្នោត appeared first on .

យោងតាមការបង្ហាញព័ត៌មានហិរញ្ញវត្ថុមួយដែលចេញផ្សាយដោយរដ្ឋបាលរបស់ប្រធានាធិបតីអាមេរិក ដូណាល់ ត្រាំ កាលពីចុងសប្តាហ៍មុន បានបង្ហាញថាបុគ្គលិកសេតវិមានបីនាក់ រួមទាំងជំនួយការ Natalie Harp បានទទួលអំណោយជាសាច់ប្រាក់សម្រាប់ថ្ងៃឈប់សម្រាកពីប្រធានាធិបតីសរុបចំនួន ៤៥ ០០០ដុល្លារ។

ទន្ទឹមនឹងនេះ បុគ្គលិកសេតវិមានពីរនាក់ផ្សេងទៀត គឺអ្នកនាង Margo Martin ដែលជាអ្នកប្រឹក្សាផ្នែកទំនាក់ទំនង និងជាអ្នកតាមដានលោក ត្រាំ ដើម្បីកត់ត្រាសកម្មភាពប្រចាំថ្ងៃរបស់ប្រធានាធិបតីរូបនេះសម្រាប់ប្រព័ន្ធផ្សព្វផ្សាយសង្គម រួមទាំងលោកស្រី Chamberlain Harris ជំនួយការសេតវិមាន និងជាលេខាធិការផ្ទាល់របស់លោក ត្រាំ ផងដែរ។

យោងតាមរបាយការណ៍ប្រចាំឆ្នាំដែលបានដាក់ជូនសភាសហរដ្ឋអាមេរិក ចំនួនទឹកប្រាក់នេះ គឺស្មើនឹងប្រហែលមួយភាគបីនៃប្រាក់ខែគោល ១៥០ ០០០ដុល្លារដែលពួកគេម្នាក់ៗទទួលបានពីតំណែងរបស់ពួកគេនៅក្នុងសេតវិមាន។

គួរជម្រាបជូនថា លោកស្រី Harp ត្រូវបានគេស្គាល់ថាជាមនុស្សជំនិតបំផុតម្នាក់របស់លោក ត្រាំ។ ជំនួយការរូបនេះតែងតែបង្ហាញខ្លួនជាមួយមេដឹកនាំអាមេរិកជានិច្ច។ មន្ត្រីជាច្រើនបានបង្ហាញថា ទំនាក់ទំនងការងាររបស់អ្នកទាំងពីរគឺមានប្រសិទ្ធភាពខ្លាំង ពីព្រោះលោកស្រី Harp ជាមនុស្សដែលស្មោះស្ម័គ្រទៅនឹងប្រធានាធិបតីអាមេរិកបំផុត៕​

The post លោក ត្រាំ ចែកលុយរាប់ម៉ឺនដុល្លារដល់ជំនួយការស្រីដែលមានភាពស្មោះត្រង់នឹងលោក appeared first on .

លោក ត្រាំ បានបង្ហោះសារមួយនៅលើបណ្តាញសង្គម Truth Social នៅថ្ងៃទី៧ ខែកញ្ញាថា​៖ “ពួកគេនឹងលែងត្រូវបានអនុញ្ញាតឱ្យលក់យន្តហោះ Bombardier នៅសហរដ្ឋអាមេរិកទៀតហើយ។ ប្រសិនបើពួកគេចង់ចូលទៅកាន់ទីផ្សាររបស់យើង នោះពួកគេត្រូវតែផលិតនៅទីនេះ ហើយឈប់ចាត់ទុកអាមេរិកដូចជាទីកន្លែងកើបលុយតទៀត”។

យ៉ាងណាមិញ មេដឹកនាំសេតវិមានរូបនេះ មិនបានបញ្ជាក់ថាលោកនឹងហាមឃាត់ Bombardier ពីការលក់យន្តហោះនៅសហរដ្ឋអាមេរិកដោយរបៀបណាមួយនៅឡើយនោះទេ។ លោកបានបន្ថែមទៀតថា ប្រទេសកាណាដាកំពុងរារាំងធនាគារ និងអាជីវកម្មអាមេរិក មិនឱ្យធ្វើប្រតិបត្តិការនៅក្នុងប្រទេសរបស់ពួកគេផងដែរ។

ជុំវិញការបង្ហោះសារដ៏ខឹងសម្បារនេះ គឺជាចលនាដ៏គួរឱ្យភ្ញាក់ផ្អើលលើកទីពីររបស់លោក ត្រាំ នៅឆ្នាំនេះ ប្រឆាំងនឹងក្រុមហ៊ុនផលិតយន្តហោះកាណាដា។ កាលពីខែមករា លោកក៏បានគំរាមលុបចោលវិញ្ញាបនបត្រសម្រាប់យន្តហោះ Bombardier នៅសហរដ្ឋអាមេរិក និងដាក់ពន្ធ ៥០% លើយន្តហោះកាណាដា បន្ទាប់ពីអះអាងថា ទីក្រុង Ottawa បានបដិសេធមិនផ្តល់វិញ្ញាបនបត្រសម្រាប់យន្តហោះម៉ូដែល Gulfstream ថ្មីដែលផលិតនៅសហរដ្ឋអាមេរិកដូចគ្នា។

គួរជម្រាបជូនថា បច្ចុប្បន្ននេះ យន្តហោះ Bombardier រាប់ពាន់គ្រឿងត្រូវបានដំណើរការដោយក្រុមហ៊ុនអាកាសចរណ៍អាមេរិក សម្រាប់ជើងហោះហើរនៅក្នុងស្រុករបស់ពួកគេ។ លោក ត្រាំ បានបន្តអះអាងថា ទីផ្សារសហរដ្ឋអាមេរិកមានចំនួនជាងពាក់កណ្តាលនៃប្រាក់ចំណូលសរុបរបស់ក្រុមហ៊ុន Bombardier៕​

The post លោក ត្រាំ ចាប់ផ្តើមគំរាមក្រុមហ៊ុនរបស់កាណាដា មិនឲ្យលក់យន្តហោះនៅទឹកដីសហរដ្ឋអាមេរិក appeared first on .

នៅថ្ងៃទី៤ ខែកញ្ញា ការិយាល័យស្ថិតិការងារសហរដ្ឋអាមេរិកបានចេញផ្សាយតួលេខការងារ នៅក្នុងខែសីហា។ យោងតាមទិន្នន័យ អាជីវកម្មបានបង្កើតការងារថ្មីៗសរុបចំនួន ១៦២ ០០០ កន្លែង ដែលលើសពីការព្យាករពីមុន។

ភ្លាមៗបន្ទាប់ពីព័ត៌មាននេះ ប្រធានាធិបតីលោក ត្រាំ បានបង្ហោះសារលើប្រព័ន្ធផ្សព្វផ្សាយសង្គម Truth Social ដោយហៅតួលេខទាំងនោះថាជារឿង “អស្ចារ្យ” ហើយបានបន្តអំពាវនាវឱ្យធនាគារកណ្តាលសហរដ្ឋអាមេរិក បន្ថយអត្រាការប្រាក់ ពីព្រោះថាអាមេរិកឥឡូវនេះមានកម្រិតសេដ្ឋកិច្ចល្អប្រសើជាងមុន។

លោក ត្រាំ ថែមទាំងបានពន្យល់ទៀតថា ៖”ប្រទេសខ្លាំងមានន័យថាអត្រាការប្រាក់ត្រូវតែទាបជាង។ យើងគួរតែមានអត្រាការប្រាក់ទាបបំផុតនៅលើពិភពលោក ដូចដែលយើងធ្លាប់មាន”។

លោក ត្រាំ បានអះអាងថា ការរក្សាអតិរេកពាណិជ្ជកម្មជាមួយសហរដ្ឋអាមេរិកបានជួយប្រទេសជាច្រើនរក្សាជំហរហិរញ្ញវត្ថុដ៏រឹងមាំ។ ដូច្នេះ លោកបានអំពាវនាវឲ្យមានការបន្ថយអត្រាការប្រាក់ ឬមួយត្រូវឈប់ធ្វើពាណិជ្ជកម្មជាមួយប្រទេសដែលមានឱនភាពពាណិជ្ជកម្មជាមួយអាមេរិក។

យ៉ាងណាមិញ ប្រធានាធិបតីអាមេរិករូបនេះ​បានបង្ហាញជាយូរមកហើយនូវបំណងប្រាថ្នាចង់បន្ថយអត្រាការប្រាក់ ហើយតែងតែត្អូញត្អែរអំពីឱនភាពពាណិជ្ជកម្មរបស់សហរដ្ឋអាមេរិកជាមួយប្រទេសដទៃទៀត។

ជម្រាបជូនថា កាលពីសប្តាហ៍មុន លោក Kevin Warsh ប្រធានាធនាគារកណ្តាល បានបង្ហាញសញ្ញាថា Fed អាចនឹងពិចារណាដំឡើងអត្រាការប្រាក់ក្នុងពេលឆាប់ៗនេះ ដើម្បីនាំអតិផរណាត្រឡប់ទៅគោលដៅ ២% វិញ។ ធនាគារកណ្តាលសហរដ្ឋអាមេរិក នឹងធ្វើកិច្ចប្រជុំគោលនយោបាយរបស់ខ្លួននៅពាក់កណ្តាលខែកញ្ញាខាងមុខនេះ៕​

The post លោក ត្រាំ ព្រមានផ្អាកធ្វើពាណិជ្ជកម្មជាមួយប្រទេសជាច្រើន បើធនាគារកណ្តាល Fed មិនបន្ថយអត្រាការប្រាក់ appeared first on .

លោក ត្រាំ បានសរសេរនៅលើវេទិកាប្រព័ន្ធផ្សព្វផ្សាយសង្គម Truth Social នៅថ្ងៃទី៣ ខែកញ្ញាថា ៖”ប្រាក់រាប់រយពាន់លានដុល្លារត្រូវបានផ្តល់ឱ្យអ៊ុយក្រែន និងអង្គការណាតូ។ អឺរ៉ុបគួរតែបានបង់ប្រាក់ទាំងនោះត្រលប់មកឲ្យអាមេរិកវិញ។ ទោះបីជាយឺតបន្តិច៏ដោយ តែយើងចង់បានប្រាក់ទាំងនោះមកវិញ”។

យ៉ាងណាក៏ដោយ មេសេតវិមានរូបនេះ​មិនបានបញ្ជាក់ថាប្រទេសណាមួយដែលនឹងត្រូវទទួលបន្ទុកចំណាយនៃការទូទាត់ទឹកប្រាក់ដ៏ច្រើននេះនោះទ។ លោក ត្រាំ កាលពីថ្ងៃទី៦ ខែសីហាបាននិយាយថា លោក បៃដិន បានផ្តល់ឱ្យអ៊ុយក្រែននូវគ្រាប់រំសេវដែលមានតម្លៃរហូតដល់ ៣០០ពាន់លានដុល្លារ។

វាមិនច្បាស់ទេថាតួលេខ ៣០០ពាន់លានដុល្លារនេះ​ លោក ត្រាំ ទទួលបានមកពីណានោះទេ។ ពីមុនលោកបានអះអាងថា លោក បៃដិន បានផ្តល់ជំនួយសរុបដល់ទៅ ៥០០ពាន់លានដុល្លារទៅអ៊ុយក្រែន ខណៈពេលដែលប្រធានាធិបតី លោក Zelensky បាននិយាយថាចំនួនសរុបគឺមានត្រឹមតែប្រហែល ១០០ពាន់លានដុល្លារប៉ុណ្ណោះ។

គួរឲ្យដឹងថា អឺរ៉ុប បានបង្កើនការបែងចែកជំនួយរបស់ខ្លួនយ៉ាងច្រើនដល់អ៊ុយក្រែន នៅដើមឆ្នាំនេះ ប៉ុន្តែទ្វីបនេះនៅតែពឹងផ្អែកយ៉ាងខ្លាំងទៅលើការផ្គត់ផ្គង់អាវុធរបស់សហរដ្ឋអាមេរិក ដើម្បីរក្សាជំនួយយោធាដល់ទីក្រុងគៀវ។ នេះបើយោងតាមការចុះផ្សាយពីវិទ្យាស្ថានសេដ្ឋកិច្ចពិភពលោក Kiel ដែលមានមូលដ្ឋាននៅប្រទេសអាល្លឺម៉ង់។

ជម្រាបជូនថា ជុំវិញស្ថានភាពនេះបានកើតឡើង បន្ទាប់ពីប្រធានាធិបតី ត្រាំ បានបដិសេធការចោទប្រកាន់ថាយោធាអាមេរិកកំពុងអស់គ្រាប់រំសេវក្នុងយុទ្ធនាការប្រឆាំងនឹងអ៊ីរ៉ង់។ លោកបាននិយាយទៀតថា ទីក្រុងវ៉ាស៊ីនតោនកំពុងបង្កើនស្តុករបស់ខ្លួន និងរៀបចំសម្រាប់គ្រាអាសន្ន ហើយបានបញ្ឈប់ការលក់អាវុធទៅបរទេសជាបណ្តោះអាសន្ន៕​

The post លោក ត្រាំ ចង់ឲ្យអឺរ៉ុបរាប់រ៉ងសងអាមេរិកវិញ ពាក់ព័ន្ធនឹងជំនួយរាប់រយពាន់លានដុល្លារទៅឲ្យអ៊ុយក្រែន appeared first on .

លោក ត្រាំ បានបង្ហោះសារមួយនៅលើបណ្តាញសង្គម Truth Social របស់ខ្លួន កាលពីថ្ងៃទី៦ ខែកញ្ញាថា ៖”មនុស្សជាច្រើនបានស្នើឱ្យមានផ្លាស់ប្តូរឈ្មោះរដ្ឋ New Mexico ទៅជា New America។ ឈ្មោះថ្មីនេះមានកិត្យានុភាព និងស្រស់ស្អាតជាងសម្រាប់ប្រជាជននៃរដ្ឋដ៏សម្បូរបែបនេះ។ ខ្ញុំពិតជាចូលចិត្តឈ្មោះនេះណាស់”។

ប៉ុន្តែទោះជាយ៉ាងណាក៏ដោយ លោកស្រី Michelle Lujan Grisham អភិបាលរដ្ឋ New Mexico ដែលជាសមាជិកបក្សប្រជាធិបតេយ្យ បាននិយាយថា ឈ្មោះនេះមិនមែនជាបញ្ហាដែលត្រូវជជែកវែកញែកនោះទេ។ វាជាឈ្មោះរដ្ឋតាំងពីមុនពេលអាមេរិកកើតឡើងមកទៅទៀត។

គួរឲ្យដឹងថា ប្រធានាធិបតីអាមេរិក មានសិទ្ធិអំណាចក្នុងការប្តូរឈ្មោះលក្ខណៈពិសេសភូមិសាស្ត្រដូចជាឈូងសមុទ្រ ទន្លេ និងសមុទ្រ នៅក្នុងប្រព័ន្ធព័ត៌មានឈ្មោះភូមិសាស្ត្រ ប៉ុន្តែរដ្ឋធម្មនុញ្ញបានចែងថាប្រធានាធិបតីមិនមានសិទ្ធិអំណាចក្នុងការប្តូរឈ្មោះរដ្ឋនោះទេ។ ដំណើរការនេះត្រូវតែធ្វើឡើងតាមរយៈប្រជាមតិនៅក្នុងរដ្ឋនីមួយៗ។

ជម្រាបជូនថា ការបង្ហោះរបស់លោក ត្រាំ អំពីការប្តូរឈ្មោះរដ្ឋ New Mexico នេះ បានកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីសេតវិមានបានចុះហត្ថលេខាលើបទបញ្ជាប្រតិបត្តិមួយ ដោយប្តូរឈ្មោះបឹង Ontario ទៅជា “American Lake” ចំពេលមានសង្គ្រាមពាណិជ្ជកម្មដែលកំពុងបន្តរបស់ទីក្រុងវ៉ាស៊ីនតោនជាមួយប្រទេសជិតខាងកាណាដា៕​

The post លោក ត្រាំ ស្នើឲ្យមានការផ្លាស់ប្តូរឈ្មោះរដ្ឋ New Mexico ទៅជា New America វិញ​ appeared first on .

លោក Robert Corradino អភិបាលក្រុង Oswego នៃរដ្ឋ New York ដែលជាផ្នែកមួយនៅជាប់ “បឹងអាមេរិក” ឬបឹង Ontario បានសម្តែងការព្រួយបារម្ភថាភាពចម្រូងចម្រាសនៃការផ្លាស់ប្តូរឈ្មោះបឹងនេះ អាចលុបចោលផ្នែកមួយនៃប្រវត្តិសាស្ត្ររបស់ទីក្រុង ដោយសារតែអ្វីគ្រប់យ៉ាងនៅទីនេះ បានដាក់ឈ្មោះបឹង Ontario រួចទៅហើយ រាប់ចាប់ពីផ្លូវ មជ្ឈមណ្ឌលសន្និបាត រហូតដល់កន្លែងប្រវត្តិសាស្ត្រផ្សេងៗទៀត។

យ៉ាងណាមិញ បន្ទាប់ពីប្រធានាធិបតី ត្រាំ បានចុះហត្ថលេខាលើបទបញ្ជាប្រតិបត្តិដែលប្តូរឈ្មោះបឹង Ontario ទៅជា “បឹងអាមេរិក” លោក Corradino និងអភិបាលក្រុងជាច្រើនទៀតនៅភាគខាងជើងរដ្ឋញូវយ៉កបានហៅវាថាជាការសម្រេចចិត្ត “គួរឱ្យសោកស្តាយ” បំផុតមួយ។ ពួកគេខ្លាចថាការផ្លាស់ប្តូរនេះនឹងមិនត្រឹមតែធ្វើឱ្យអ្នកបោះឆ្នោតក្នុងស្រុកឃ្លាតឆ្ងាយប៉ុណ្ណោះទេ ប៉ុន្តែថែមទាំងបង្កផលប៉ះពាល់យ៉ាងធ្ងន់ធ្ងរដល់សេដ្ឋកិច្ចផងដែរ ដែលមានជាប់ពាក់ព័ន្ធយ៉ាងជិតស្និទ្ធទៅនឹងទំនាក់ទំនងរវាងសហរដ្ឋអាមេរិក និងកាណាដា។

គួរជម្រាបជូនថា ទីក្រុង Oswego គឺជាទីតាំងរឹងមាំបំផុតមួយរបស់គណបក្សសាធារណរដ្ឋ ដោយមានអ្នកបោះឆ្នោតដល់ទៅជាង ៦១% ឯណោះដែលបានបោះឆ្នោតឱ្យលោក ត្រាំ ក្នុងការបោះឆ្នោតឆ្នាំ២០២៤។ តែទោះជាយ៉ាងណាក៏ដោយ នៅថ្ងៃទី៣១ ខែសីហា សមាជិកសភាក្រុង Oswego ជាច្រើនរូបមកពីគណបក្សធំៗទាំងពីររបស់អាមេរិក បានអនុម័តសេចក្តីសម្រេចមួយដើម្បីបដិសេធការប្តូរឈ្មោះថ្មីនៃបឹងOntario នេះ ដោយលើកឡើងពីការព្រួយបារម្ភអំពីការចំណាយលើការផ្លាស់ប្តូរឈ្មោះដែលអ្នកបង់ពន្ធ និងអាជីវកម្មនឹងត្រូវចំណាយ៕​

The post អភិបាលក្រុងធំៗនៅអាមេរិក បដិសេធមិនប្រើប្រាស់ឈ្មោះ ‘បឹងអាមេរិក’ ដែលដាក់ដោយលោក ត្រាំ ឡើយ appeared first on .

យោងតាមរោងពុម្ភនៃក្រសួងរតនាគារអាមេរិក បានប្រកាសថា៖ ” កាក់ ១ដុល្លារដែលមានរូបប្រធានាធិបតី ត្រាំ នឹងត្រូវដាក់លក់ជាផ្លូវការហើយ សូមបញ្ជាទិញវានៅថ្ងៃនេះ”។

យ៉ាងណាមិញរោងពុម្ព បានបង្ហោះរូបភាពគំរូដែលបង្ហាញពីផ្នែកខាងមុខនៃកាក់ដែលមានរូបប្រធានាធិបតី ត្រាំ អមដោយពាក្យ “In God we trust” (យើងជឿជាក់លើព្រះ) ព័ទ្ធជុំវិញដោយពាក្យ “liberty” (សេរីភាព) និងឆ្នាំ “១៧៧៦ – ២០២៦” ដែលជាការសម្គាល់ខួប ៥០ឆ្នាំនៃការបង្កើតសហរដ្ឋអាមេរិក។

ផ្នែកខាងខ្នងនៃកាក់មានរូបសញ្ញាជាតិអាមេរិក ដែលបង្ហាញពីរូបសត្វឥន្ទ្រីមួយក្បាល ដោយជើងម្ខាងចាប់ព្រួញ និងជើងម្ខាងទៀតកាន់មែកអូលីវ។ រួមទាំងលេខ ២៥០ ដែលត្រូវបានបង្កប់នៅលើដងខ្លួនរបស់ឥន្ទ្រីផងដែរ។

គួរឲ្យដឹងថា អ្នកទិញកាក់អនុស្សាវរីយ៍នេះមានជម្រើសពីរ ទីមួយគឺទិញជាកញ្ចប់ ២៥ កាក់ក្នុងតម្លៃ ៦១ដុល្លារ ឬជាថង់ ១០០ កាក់ក្នុងតម្លៃ ១៥៤,៥ដុល្លារ។

ជម្រាបជូនថា កាក់អនុស្សាវរីយ៍នេះគ្រាន់តែជារបស់មួយក្នុងចំណោមរបស់របរជាច្រើនទៀតដែលរដ្ឋាភិបាលអាមេរិក បានចារឹកឈ្មោះ និងដាក់រូបថតរបស់ប្រធានាធិបតី ត្រាំ។ មេសេតវិមានរូបនេះ ធ្លាប់បានបង្ហើបថា លោកមានបំណងចង់បន្សល់ទុកស្នាដៃ និងការចងចាំនៅក្នុងប្រទេស ជាយូរមកហើយ៕

The post អាមេរិក ដាក់ចេញកាក់ ១ដុល្លារដែលមានរូបរបស់ប្រធានាធិបតី ត្រាំ ជាផ្លូវការ appeared first on .

លោក ត្រាំ បានសរសេរនៅលើប្រព័ន្ធផ្សព្វផ្សាយសង្គម Truth Social របស់ខ្លួន នៅថ្ងៃទី២ ខែកញ្ញាថា ៖”ឥឡូវនេះ យើងបានគ្រប់គ្រងតំបន់នេះហើយ តើយើងគួរប្តូរឈ្មោះច្រកសមុទ្រ Hormuz ទៅជា ‘ច្រកសមុទ្រ Trump’ ដែរឬអត់?”។

យ៉ាងណាក៏ដោយ វានៅតែមិនទាន់ត្រូវបានគេដឹងច្បាស់ថាតើមេដឹកនាំអាមេរិករូបនេះ ពិតជាមានចេតនាចំពោះការផ្លាស់ប្តូរឈ្មោះនេះមែនអត់នោះឡើយ ខណៈពេលដែលលោក ត្រាំ ក៏មិនបានបញ្ជាក់ពីវិសាលភាពដែលច្រកសមុទ្រ Hormuz ត្រូវបានស្ថិតនៅក្រោមការគ្រប់គ្រងរបស់សហរដ្ឋអាមេរិក ផងដែរ។

គួរឲ្យដឹងថា នេះមិនមែនជាលើកទីមួយនោះឡើយ ដោយនៅពាក់កណ្តាលខែសីហា លោក ត្រាំ ក៏ធ្លាប់បាននិយាយថា លោកនឹងប្រកាសដាក់ច្រកសមុទ្រ Hormuz “ជាផ្នែកមួយនៃទឹកដីអាមេរិក” ក្នុងឆាប់ៗនេះ បន្ទាប់ពីបានយកឈ្នះលើអ៊ីរ៉ង់។ នៅក្នុងការបង្ហោះនៅលើប្រព័ន្ធផ្សព្វផ្សាយសង្គមកាលពីប៉ុន្មានថ្ងៃមុន លោកក៏បានប្រកាសផងដែរថា សហរដ្ឋអាមេរិកមានការគ្រប់គ្រងទាំងស្រុងលើច្រកសមុទ្រ Hormuz ទាំងស្រុង ហើយអ៊ីរ៉ង់មិនអាចធ្វើអ្វីដើម្បីទប់ទល់បាននោះឡើយ។

ជម្រាបជូនថា Hormuz មានទីតាំងស្ថិតនៅចន្លោះប្រទេសអ៊ីរ៉ង់ និងអូម៉ង់ មានប្រវែង ១៦១គីឡូម៉ែត្រ។ច្រកសមុទ្រនេះត្រូវបានបិទស្ទើរតែទាំងស្រុងចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក។ នៅពាក់កណ្តាលខែមិថុនា សហរដ្ឋអាមេរិក និងអ៊ីរ៉ង់បានចុះហត្ថលេខាលើអនុស្សរណៈនៃការយោគយល់គ្នា ដែលរួមបញ្ចូលបទប្បញ្ញត្តិដើម្បីស្តារសកម្មភាពសមុទ្រនៅច្រក Hormuz ឡើងវិញ។ តែទោះជាយ៉ាងណាក៏ដោយ ការមិនចុះសម្រុងគ្នាលើការបកស្រាយបាននាំឱ្យមានការដួលរលំនៃបទឈប់បាញ់៕​

The post ប្រធានាធិបតីអាមេរិក បំផុសគំនិតពីការប្តូរឈ្មោះច្រកសមុទ្រ Hormuz ទៅជាច្រកសមុទ្រ Trump វិញ appeared first on .