ល្បីនៅខ្មែរមួយប្រាវ ឥលូវមានព័ត៌មានជប៉ុនប្រកាសចង់នាំពូជដំបងយក្សដាំនៅកម្ពុជា ផលិតជាចំណីអាហារនិងទឹកផ្លែឈើ

ឧកញ៉ាសម្រែ — Mon, 25 Oct 2021 09:04:31 +0000

ក្រុមហ៊ុនជប៉ុនមួយមានបំណងចង់វិនិយោគដាំដំណាំដំបងយក្សនិងកែច្នៃជាចំណីអាហារនិងទឹកផ្លែឈើ។ នេះបើយោងតាមលោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) នៅថ្ងៃទី២៥ ខែតុលាឆ្នាំ២០២១ ដែលបានជួបពិភាក្សាជាមួយដៃគូជប៉ុនតាមប្រព័ន្ធ zoom។ 

ក្រុមហ៊ុនជប៉ុនមានបំណងចូលរួមអភិវឌ្ឍន៍ដំណាំកសិកម្មនៅតំបន់ ដែលបោសសំអាតគ្រាប់មីនរួចក្នុងនោះក៏មានគម្រោងដាំដំណាំដំបងយក្សនៅកម្ពុជាផងដែរ។ យ៉ាងណាមិញការប្រកាសពីគម្រោងដាំដើមដំបងយក្សដើម្បីផលិតជាចំណីអាហារ និងទឹកផ្លែឈើនេះ មិនទាន់មានព័ត៌មានលម្អិតយ៉ាងណានោះទេ។ 

បើតាមអគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) ក្រុមហ៊ុនជប៉ុននេះមានពូជដំណាំដំបងយក្សជាពិសេសរបស់គេសម្រាប់ផលិតជាចំណីអាហារនិងទឹកផ្លែឈើ ខណៈផលិតផលនេះមានទីផ្សារធំទូលាយរួចហើយ។ 

បើតាមប្រភពដដែល គម្រោងសាកល្បងនេះអាចនឹងមានសិក្សាលំអិតពីផលប្រយោជន៍ខាងសេដ្ឋកិច្ចនិងសង្គមឱ្យបានច្បាស់លាស់បន្ថែមទៀត៕

The post ល្បីនៅខ្មែរមួយប្រាវ ឥលូវមានព័ត៌មានជប៉ុនប្រកាសចង់នាំពូជដំបងយក្សដាំនៅកម្ពុជា ផលិតជាចំណីអាហារនិងទឹកផ្លែឈើ appeared first on .