ណូម័រ

ណូម័រ ចេញ Original Songs លើកដំបូងបទ ”សម្ពាធបេះដូង” ជាមួយប្រុសស្អាត ភពft

កូនចៅឧកញ៉ា — Mon, 07 Sep 2020 02:44:42 +0000

ពិធីការិនីរូបស្រស់ អ្នកនាងអន រ៉ាស៊ីសុមេត្តា ហៅណូម័រ ដែលជាតារាសម្ដែងនិងពិធីការិនីនោះ បានឈានមួយជំហានទៀត តាមរយៈការបន្ថែមអាជីពថ្មីវិវឌ្ឍខ្លួនទៅជាតារាចម្រៀងអាជីពតែម្ដង ដែលបានចេញបទដំបូងជា Original Songs បទ ”សម្ពាធបេះដូង” ច្រៀងឆ្លងឆ្លើយជាមួយតារាចម្រៀងលោកភព ជាចម្រៀងបែបស្នេហាមនោសញ្ចេតនា ហើយក៏ចេញ MV ជាផ្លូវការផងដែរ។

ណូម័រ មិនហ៊ានរំពឹងថា អាជីពថ្មីរបស់នាងនឹងទទួលបានជោគជ័យដូចអាជីពចាស់ ឬយ៉ាងណានោះទេ ប៉ុន្ដែនាងថា ឲ្យតែការងារសិល្បៈ នាងស្រលាញ់ទាំងអស់ ពិសេសអាជីពចម្រៀងនេះ នាងនឹងប្រឹងបន្ដទៅមុខព្រមគ្នាជាមួយអាជីពសម្ដែង និងពិធីការិនី។

ណូម័រ ថា នៅមានបទចម្រៀងជា Original Songs មួយចំនួនទៀត ដែលត្រៀមចេញនាពេលខាងមុខនេះហើយ។មុនចាប់អាជីពចម្រៀងនេះ ណូម័រ ក៏បានបង្ហាញសញ្ញាបើកបេះដូងទទួលយកគូស្នេហ៍ថ្មីផងដែរ ប៉ុន្តែនៅពេលនេះ នាងវាចាថា មិនទាន់រកបានម្ចាស់បេះដូងថ្មីឡើយ។ នាងថាចំណងស្នេហាថ្មី នាងត្រូវការពិសោធន៍បេះដូងឲ្យបានល្អិតល្អន់ជាមុនសិន ដើម្បីជៀសវាងការជួបរឿងខកបំណងជាលើកទី២។

ក្រៅពីណូ ម័រ តារាចម្រៀងដែលវិវឌ្ឍខ្លួនមកពីអាជីពសម្ដែង មានដូចជា កញ្ញារ៉ាប៊ី , ទេព បូព្រឹក្ស , អែន ជី និងពេជ្រ សូលីកា ជាដើម ហេតុនេះហើយបានជាទស្សនិកជនរង់ចាំមើលថា តើណូម័រ នឹងធ្វើឲ្យកេរ្ដិ៍ឈ្មោះរបស់នាងកាន់តែល្បីថែមទៀត ជាមួយអាជីពថ្មីនេះបានដែរឬយ៉ាងណា ខណៈដែលពេលនេះ ទីផ្សារចម្រៀងផ្នែកយុវវ័យកាន់តែមានការប្រកួតប្រជែងគ្នាកាន់តែខ្លាំងក្លាជាងមុន៕

The post ណូម័រ ចេញ Original Songs លើកដំបូងបទ ”សម្ពាធបេះដូង” ជាមួយប្រុសស្អាត ភពft appeared first on .

ចុមយក្ស! ណូម័រ លេងផ្លូវកាត់មុនថ្ងៃរៀបការ

កូនចៅឧកញ៉ា — Wed, 29 May 2019 04:56:55 +0000

ទីបំផុត តារាស្រី អន រ៉ាស៊ីសុមេត្តា ហៅ ណូម័រ បានរៀបការបញ្ចប់ភាពនៅលីវ របស់ខ្លួនហើយ កាលពីល្ងាចមិញនេះ ជាមួយ វីជេ សុភា បន្ទាប់ពីពួកគេ ស្គាល់គ្នាជាង៣ឆ្នាំ។ គូរស្នេហ៍សិល្បៈ១គូរនេះ ខុសពីគូស្នេហ៍សិល្បផ្សេងទៀត គឺ ពួកគេបានចុះសំបុត្រអាពាហ៍ពិពាហ៍មុនថ្ងៃរៀបការ។ មូលហេតុដែលនាំឲ្យពួកគេ រត់ទៅបំពេញឯកសារច្បាប់មុនថ្ងៃរៀបការនេះ ត្រូវបានស្វាមីនាងបញ្ជាក់យ៉ាងដូច្នេះ។

ដើមហេតុចម្បងគឺ មកពីពួកគេទាំង២បានទិញផ្ទះរួមគ្នា ហើយខាងបុរីតម្រូវឲ្យមានសំបុត្រអាពាហ៍ពិពាហ៍ ដើម្បីយកទៅធ្វើប្លង់រឹងឲ្យ ទើបនាំគ្នាទៅចុះ សំបុត្រអាពាហ៍ពិពាហ៍មុនថ្ងៃតែម្ដងទៅ។ វីជេ សុភា បានប្រាប់ថា ផ្ទះដែលពួកគេទិញមានទីតាំងនៅម្ដុំចោមចៅ ដោយទិញក្នុងតម្លៃជាង៥ម៉ឺនដុល្លារ។ ជុំវិញការចុះសំបុត្រអាពាហ៍ពិពាហ៍មុនថ្ងៃរៀបការនេះ វីជេ សុភា ថ្លែងថា លោកមិនបានគិតពីការតិចទៀនពីអ្នកដទៃឡើយ ព្រោះលោកគិតថា ការធ្វើនៅតម្រូវតាមលក្ខណ៍ខាងបុរី ហើយម្យ៉ាងទៀតមុននឹងក្រោយ គឺពួកគេគង់តែជាប្ដីប្រពន្ធនឹងគ្នាដែលហ្នឹង ដូចនេះ ការចុះអ៊ីតាស៊ីវិល មុនថ្ងៃរៀបការ មិនជាបញ្ហាសម្រាប់គូរស្នេហ៍លោកឡើយ។

តាមការរៀបរបស់អ្នកទាំងពីរពួកគេបានស្គាល់គ្នាជាង៣ឆ្នាំមកហើយ ២ដំបូងគ្រាន់តែ រាប់អានគ្នាធម្មតាទេ ប៉ុន្តែទើបតែមានចិត្តស្រលាញ់គ្នា១ឆ្នាំចុងក្រោយនេះប៉ុណ្ណោះ។ វីជេ សុភា លោកស្គាល់គ្នា ក្នុងការងាររួមគ្នា ដោយលោកគឺជាអ្នកគ្រប់ គ្រង់កម្មវិធីចំណែក ណូម័រ ជាពិធីការិនី ។ លោកថា ធ្វើការជាមួយគ្នាយូរៗទៅ ចេះសហការណ៍គ្នា ឃើញទង្វើល្អរៀងៗខ្លួន ចេះអត់ឱនឲ្យគ្នាទៅវិញទៅមក ក៏ចាប់ផ្ដើមបង្កើតជាស្នេហ៍ជាមួយគ្នាតែម្ដងទៅ។

ទន្ទឹមនិងការប្រារព្ធពិធីអាពាហ៍ពិពាហ៍នោះ ពួកគេបានបញ្ចូលពិធីឡើងផ្ទះថ្មីជាមួយគ្នាតែម្ដង ក្នុងនោះ អ្នកទាំងពីរបានអញ្ជើញភ្ញៀវប្រហែលជា៧០តុ ភាគច្រើនជាអ្នកសិល្បៈ ត្បិតអីដូចបានជ្រាប់ហើយថា ពួកគេទាំងពីរគឺជាអ្នកសិល្បៈ ដូចនេះមិត្តភ័ក្ដិរបស់ពួកគេភាគច្រើន ជាអ្នកសិល្បៈតែម្ដង។ វីជេ សុភា បានថ្លែងជា ចុងក្រោយថា ទោះបីជាលោកមិនមានទ្រព្យច្រើនជូនដល់ភរិយាលោកក្ដី អ្វីដែលលោកបានធ្វើឲ្យភរិយានិងសាច់ញាតិទាំងសងខាងសប្បាយចិត្តនោះ គឺលោកបានជូនខាន់ស្លាដល់ដល់ភរិយា ដែលនេះគឺជាបំណងរបស់ស្ត្រីគ្រប់រូប៕

The post ចុមយក្ស! ណូម័រ លេងផ្លូវកាត់មុនថ្ងៃរៀបការ appeared first on .

ណូម័រ៖ “ទីបំផុតនារីដែលមានវ័យ30ឆ្នាំ ត្រូវបានសារមន្ទីរដោះលែងវិញហើយ”

កូនចៅឧកញ៉ា — Thu, 23 May 2019 02:14:45 +0000

“ទីបំផុតនារីដែលមានវ័យ30ឆ្នាំ ត្រូវបានសារមន្ទីរដោះលែងវិញហើយ” គឺជាប្រយោគបែបកំប្លែងមួយរបស់តារាស្រី អន រ៉ាស៊ីសុមេត្តា ហៅ ណូម័រ សំដៅដល់ខ្លួននាង ដែលមានវ័យជ្រេបន្តិចទៅហើយ បានរកឃើញគូគាប់ទ្រនាប់ចិត្តត្រៀមចូលរោងការចុងខែនេះហើយ។

យោងលើហេតុផលខាងលើ ពិធីការិនី និងជាតារាសម្ដែង ណូម័រ បានលើកទឹកចិត្តដល់មិត្តនារីផ្សេងទៀត ដែលមិនទាន់ដល់គូ កុំទាន់អស់សង្ឃឹម។ “អីចឹងបងប្អូន ដែលអត់លិឍគ្នាយើង កុំភ័យបារម្ភណា តាំងចិត្តអោយស្ងប់! មិនប្រាកដថា ចូលសារមន្ទីរហើយចេញវិញមិនបាននោះទេ ហិហិ…ឈប់ខ្លាចរអានឹងសារមន្ទីរទៀតទៅ អាយុគ្រាន់ជាតួលេខប៉ុណ្ណោះ”។

មកទល់នឹងពេលនេះ ធៀបការរបស់ ណូម័រ និងវីជេ សុភា បានដល់ដៃភ្ញៀវកិត្តិយសអស់ទៅហើយ ដោយនៅតែថ្ងៃជ័យមកដល់ផ្លូវការតែប៉ុណ្ណោះ។ តាមសំបុត្រអាពាហ៍ពិពាហ៍របស់ តារាស្រីប្រុសមួយគូនេះ ដែលធ្លាក់ដល់ដៃភ្ញៀវកិត្តិយស ពួកគេទាំងពីរនឹងចូលរោងជ័យផ្លូវការនៅថ្ងៃទី ២៨ ឧសភានេះហើយ ក្រោយពីបានសេពគប់គ្នាអស់រយៈ ពេលជាច្រើនឆ្នាំ។

នេះជាកិច្ចប្រពៃណីដែលសាមីខ្លួនធ្លាប់អះអាងថា មិនអាចចោលបាន ប៉ុន្តែកិច្ចក្នុងលក្ខខណ្ឌច្បាប់ គឺពួកគេទាំងពីរបានបំពេញរួចរាល់ហើយ ពោលគឺពួកគេទាំងពីរបានចុះអេតាស៊ីវិលជាមួយគ្នារួចហើយ។ បន្ថែមពីលើនេះ ណូម័រ និងវីជេ សុភា ក៏បានទិញផ្ទះថ្មីសម្រាប់រួមរស់ជាមួយគ្នារួចរាល់ហើយទៀតដែរ ទើបអ្នកទាំងពីរឈានមកបំពេញកិច្ចតាមប្រពៃណីទំនៀមទម្លាប់បន្ថែមទៀតនាចុងខែនេះ។

នៅមុននេះ អន រ៉ាស៊ីសុមេត្តា ហៅ ណូម័រ បានបដិសេធន៍និយាយពីថ្ងៃរៀបការ ដោយនាងចង់ឲ្យអ្នកគាំទ្រមានការភ្ញាក់ផ្អើល។ ប៉ុន្តែនាងបានប្រកាសបើកចំហចំណងស្នេហ៍ជាមួយអតីតពិធីករទូរទស្សន៍វីជេ សុភា កាលពីដើមខែមេសា។ ទំនាក់ទំនងមួយនេះ គឺបន្ទាប់ពីពួកគេបានសេពគប់គ្នាអស់រយៈពេលជាច្រើនឆ្នាំមកហើយ ហើយក្នុងរយៈពេលនោះ គេបានដាក់ការសង្ស័យថា លើទំនាក់ទំនងមួយនេះក៏ដោយ កាលណោះ នាង តែងអះអាងថា នាង និងវីជេ សុភា ត្រឹមជាមិត្តរួមអាជីព និងជាងបងប្រុសម្នាក់ប៉ុណ្ណោះ។

ប្រភព៖ sabay អត្ថបទ៖ទារិកា

The post ណូម័រ៖ “ទីបំផុតនារីដែលមានវ័យ30ឆ្នាំ ត្រូវបានសារមន្ទីរដោះលែងវិញហើយ” appeared first on .

ណូម័រ

ណូម័រ ចេញ Original Songs ​លើក​ដំបូង​បទ ”សម្ពាធបេះដូង” ជា​មួយ​ប្រុស​ស្អាត ភពft

ចុម​យក្ស​! ណូម័រ ​លេង​ផ្លូវ​កាត់​​មុន​ថ្ងៃ​រៀប​​ការ

ណូម័រ៖ “ទី​បំផុត​នារី​ដែល​មាន​វ័យ30ឆ្នាំ ត្រូវ​បាន​សារមន្ទីរ​ដោះលែង​វិញ​ហើយ”

ណូម័រ ចេញ Original Songs លើកដំបូងបទ ”សម្ពាធបេះដូង” ជាមួយប្រុសស្អាត ភពft

ចុមយក្ស! ណូម័រ លេងផ្លូវកាត់មុនថ្ងៃរៀបការ

ណូម័រ៖ “ទីបំផុតនារីដែលមានវ័យ30ឆ្នាំ ត្រូវបានសារមន្ទីរដោះលែងវិញហើយ”