តន់ ច័ន្ទស្រីម៉ា

Wow!ក្នុងបញ្ជីចម្រៀងទាំង១០បទដែលមានអ្នកមើលច្រើនជាងគេ នៅដើម២០២០ មានបទចម្រៀង របស់ សីម៉ារហូតដល់ទៅ៣បទ

កូនចៅឧកញ៉ា — Fri, 17 Jan 2020 08:39:43 +0000

របាយការណ៍មួយចេញដោយគេហទំព័របរទេស បានធ្វើការវាយតម្លៃពីបទចម្រៀង១០ដែលមានអ្នកចុចចូលមើល និងស្ដាប់ច្រើនជាងគេនៅកម្ពុជាគិតត្រឹមដើមឆ្នាំ២០២០ ដោយក្នុងនោះ គ្រាន់តែផលិតកម្ម Galaxy Navatra មួយវ៉ៃដាច់ ៤បទ ហើយបទចម្រៀង របស់តារាចម្រៀង តន់ ច័ន្ទសីម៉ា មានរហូតដល់ពី៣បទតែឯង។

របាយការណ៍ចេញដោយគេហទំព័រ kworb.net ដែលបង្កើតឡើងដោយជនជាតិហូឡង់ម្នាក់ គឺចាប់ផ្ដើមគិតត្រឹមថ្ងៃទី ២ ដល់ថ្ងៃទី ៩ មករា ២០២០ប៉ុណ្ណោះ។ ដូច្នេះមិនមែនជាតួលេខសរុបដែលប្រិយមិត្តបានមើលឃើញក្នុងបច្ចុប្បន្នភាពលើបទនីមួយក្នុងប្រព័ន្ធ Youtube ឡើយ។

តាមស្ថិតិនេះ បានបង្ហាញថា បទចម្រៀង១០នៅក្នុងចំណោម២០បទ ដែលមានក្នុងតារាងដើមរបស់គេហទំព័របរទេសខាងលើ ឃើញថា មានបទចម្រៀងខ្មែរចំនូន ៧ និងបទបរទេសចំនួន ៣បទ បានជាប់ក្នុងបញ្ជីបទចម្រៀងដែលមានអ្នកចុចចូលស្ដាប់ និងទស្សនាច្រើនជាងគេនៅកម្ពុជា គិតត្រឹមរយៈពេលដូចខាងលើ។

ចំណុចគួរចាប់អារម្មណ៍ ក្នុងចំណោមបទចម្រៀងខ្មែរទាំង ៧បទ ដែលមានអ្នកចូលមើលលើ Youtube នេះ គឺមាន ៤បទ ជាបទរបស់ផលិតកម្ម Galaxy Navatra របស់ឧកញ៉ា ឡេង ណាវ៉ាត្រា បាត់ទៅហើយ ហើយក្នុងចំណោម៤របស់ផលិតកម្ម Galaxy នេះ មាន៣បទជាបទរបស់តារាចម្រៀងស្រីវ័យក្មេង តន់ ច័ន្ទសីម៉ា និងមួយបទទៀតជាបទរបស់តារាចម្រៀងស្រីវ័យក្មេងដូចគ្នា គឺកញ្ញា អ៊ុក សុវណ្ណារី។

ទាំង៣បទរបស់ សីម៉ា នេះមាន បទ “ឡានស៊ីរ៉ែន” និពន្ធដោយឧកញ៉ា ឡេង ណាវ៉ាត្រា ផ្ទាល់ស្ថិតនៅចំណាត់លេខ២មានអ្នកចូលមើល និងស្ដាប់ចំនួន ៨៩៣ ៧៥៤ ដង។ បន្តមកទៀតបទ “យល់ច្រឡំថាគេស្រឡាញ់យើង” ស្ថិតនៅចំណាត់ថ្នាក់លេខ៣ មានអ្នកចូលមើល និងស្ដាប់ចំនួន ៦៤០ ៧១៨ ដង។ បទចម្រៀងរបស់ តន់ ច័ន្ទសីម៉ា ដែរ ស្ថិតក្នុងចំណាត់លេខ៦ គឺបទ “គេនោះជាស្រីកាប់ដាវ” និពន្ធដោយឧកញ៉ា ឡេង ណាវ៉ាត្រា មានអ្នកចូលមើល និងស្ដាប់ចំនួន ៣៨៥ ៣៦២ ដង។

បទចម្រៀងទី៤របស់ផលិតកម្ម Galaxy Navatra ដែលជាប់ក្នុងបញ្ជីខាងលើ គឺបទ “ខ្ញុំក្លាយជាអ្នកជំងឺស្នេហា” របស់ អ៊ុក សុវណ្ណារី ស្ថិតក្នុងចំណាត់ថ្នាក់លេខ៥ មានអ្នកចូលមើល និងស្ដាប់ចំនួន ៤១៩ ៤០៦ ដង។ លោក យឹម តាស្រង់ អ្នកចាត់ការទូទៅផលិតកម្ម Galaxy Navatra បានភ្ញាក់ផ្អើលនឹងរបាយការណ៍ចេញដោយគេហទំព័របរទេសខាងលើ។

តាស្រង់ បានលើកឡើងថា មិនដឹងច្បាស់ពីនិតិវិធីនៃការចាត់ចំណាក់ខាងលើឡើយ។ តែយ៉ាងណា លោកពិតជារីករាយ និងមោទកភាពណាស់ចំពោះលទ្ធផលនេះ វានឹងធ្វើឲ្យលោក និងតារាចម្រៀងផលិតកម្ម កាន់តែមានទឹកចិត្តក្នុងការបន្តពុះពារក្នុងសិល្បៈតន្ត្រីកំដរអារម្មណ៍របស់ពុកម៉ែបងប្អូនមួយនេះបន្តទៀត។

គេហទំព័រ kworbគឺជាគេហទំព័រ ប្រមូលតួលេខអ្នកស្ដាប់ចម្រៀងល្បីៗតាមប្រទេសនីមួយៗ របាយការណ៍របស់គេហទំព័រនេះ គឺស្រង់ចេញពីប្រភព៣គឺ ទី១ Youtube ទី២ iTunes របស់ Apple និងទី៣ គឺ Spotify។ តួលេខអ្នកចូលមើលវេបសាយនេះ គិតពីឆ្នាំ ២០១២ ដល់ដើមឆ្នាំ ២០២០ នេះ គឺមានអ្នកចូលមើលទំព័រព័ត៌មាន(page view) ដល់ទៅជាង ៤០០លាន page view ឯណោះ។

តាមលោកឧកញ៉ា ឡេង ណាវ៉ាត្រា ចាងហ្វាងផលិតកម្ម Galaxy Navatra បានឲ្យដឹងថា រាល់បទចម្រៀងរបស់ផលិតកម្មលោកឧកញ៉ា គឺមិនត្រឹមដាក់លើ Youtube ប៉ុណ្ណោះទេ គឺមានដាក់នៅលើ iTunes របស់ Apple ទៀត ដែលមាន license ត្រឹមត្រូវ។ ដូច្នេះតាមរយៈនេះ លោកឧកញ៉ា ជឿថា ប្រិយមិត្តទាំងក្នុងង និងក្រៅប្រទេស បានស្គាល់ពីបទចម្រៀងរបស់ Galaxy Navatra កាន់តែច្រើនថែមទៀត។

ឈ្មោះបទបទចម្រៀង១០ដែលមានអ្នកចុចចូលមើល និងស្ដាប់ច្រើនជាងគេនៅកម្ពុជាគិតត្រឹមដើមឆ្នាំ២០២០បទចម្រៀង១០ដែលមានអ្នកចុចចូលមើល និងស្ដាប់ច្រើនជាងគេនៅកម្ពុជាគិតត្រឹមដើមឆ្នាំ២០២០មានដូចខាងក្រោម៖

១. ព្រោះតែអូន – Jay Chan ៖ មានចំនួនទស្សនា ៩៤៧ ៦៣១ ដង

២. ឡានសារ៉ែន – តន់ ចន្ទសីម៉ា ៖ មានចំនួនទស្សនា ៨៩៣ ៧៥៤ ដង

៣. យល់ច្រឡំថាគេស្រឡាញ់យើង – តន់ ចន្ទសីម៉ា ៖ មានចំនួនទស្សនា ៦៤០ ៧១៨ ដង

៤. HOT BOY – VANNDA ៖ មានចំនួនទស្សនា ៤៧៦ ៥៧៩ ដង

៥. ខ្ញុំក្លាយជាអ្នកជំងឺស្នេហា – អ៊ុក សុវណ្ណារី ៖ មានចំនួនទស្សនា ៤១៩ ៤០៦ ដង

៦. គេនោះជាស្រីកាប់ដាវ – តន់ ចន្ទសីម៉ា ៖ មានចំនួនទស្សនា ៣៨៥ ៣៦២ ដង

៧. DANCE MONKEY – Tones and I ៖ មានចំនួនទស្សនា ៣៦០ ៨៦៤ ដង

៨. J+O (Lyrics Video) – VannDa ៖ មានចំនួនទស្សនា ២៧៦ ៣៤៧ ដង

៩. Yummy – Justin Bieber ៖ មានចំនួនទស្សនា ២៦២ ៣១៨ ដង

១០. Can We Kiss Forever? (ft. Adriana Proenza) – Kina ៖ មានចំនួនទស្សនា ២៤៧ ៤២១ ដង

The post Wow!ក្នុងបញ្ជីចម្រៀងទាំង១០បទដែលមានអ្នកមើលច្រើនជាងគេ នៅដើម២០២០ មានបទចម្រៀង របស់ សីម៉ារហូតដល់ទៅ៣បទ appeared first on .

តន់ ច័ន្ទសីម៉ា ប្រកាស ផ្ដល់អង្ករ១តោន ព្រមទាំងថវិកាមួយចំនួន នៅពេលឃើញ statusមួយនេះ

កូនចៅឧកញ៉ា — Thu, 09 Jan 2020 01:54:51 +0000

បន្ទាប់ពីបានឃើញ គ្រួសារក្រីក្រខ្សត់ជាស្ត្រីមេម៉ាយ ហើយត្រូវចិញ្ចឹមកូនតូចៗ១០នាក់ រកអង្ករហូបបាយស្ទើរគ្មាន ដើសុំឆ្អឹងត្រី យកទៅដាក់ជាមួយអំបិល ហូបជាមួយបាយ មើលទៅគួរឲ្យសង្វេគ ត្រូវបានចែកចាយលើបណ្ដាញសង្គមFacebook តារាចម្រៀង តារាចម្រៀង តន់ ច័ន្ទសីម៉ា បានប្រកាសបែបនេះថា ខ្លួនសូមជួយឧបត្ថម្ភ អង្ករ ១តោន ត្រីខ ១០យួរ មី 30 កេស និងថវិកា 20 ម៉ឺនរៀល សូមបងប្អូនជួយ Share ជូនដំណឹងឱ្យគាត់ដឹងផង នាងខ្ញុំព្រមទាំងក្រុមការងារនិងចាត់ចែងយកជូនពួកគាត់ ឬផ្តល់លេខទូរស័ព្ទគាត់ដើម្បីនាងខ្ញុំទាក់ទងទៅ»។

តាមគណនីFacebook ឈ្មោះថា Standard Living បានបង្ហោះរឿងរ៉ាវដ៏គួរឲ្យរំជួលចិត្តមួយ បន្ទាប់ពីជួបក្មេងៗគ្រួសារក្រីក្រខ្សត់មួយ មកសុំឆ្អឹងត្រី យកទៅដាក់ជាមួយអំបិល ហូបជាមួយបាយ ឃើញហើយពិតជាសង្វេគមែនទែន។ គណនេយ្យខាងលើបានឲ្យដឹង បែប នេះថា៖ “មិញនឹងខ្ញុំទប់ទឹកភ្នែកមិនបាន ហួសចិត្តពេក គាត់ទៅសុំឆ្អឹងត្រី ដែលមិត្តខ្ញុំបេះយកសាច់ធ្វើទឹកគ្រឿង ហើយសល់ឆ្អឹងនឹងសាច់តិចៗ ស្មានតែគាត់យកទៅណាលោកអើយលោក ខ្ញុំអោយមិត្តទៅមើលហើយក៏ខលទៅ មើលឃើញខ្ញុំក៏អួលដើមក យកទៅនាំកូនហូបបាយ ជា១ឆ្អឹងត្រីនឹងអំបិលម្ទេស ។ ខ្ញុំក៏សម្រេចប្រាប់រឿងរកការជួយដល់គាត់ និយាយ១គាត់ ហើយរំភើបឡើងយំ សូមបងប្អូនជួយគាត់ផង។”

បើតាមគណនីហ្វេសប៊ុកដដែលបានឲ្យដឹងបន្ថែម ស្រ្តីខាងលើជាស្ត្រីមេម៉ាយ ហើយត្រូវចិញ្ចឹមកូនតូចៗ១០នាក់ រកអង្ករហូបបាយស្ទើរគ្មានម្តងៗ រស់នៅខេត្តសៀមរាប ភូមិខ្នាឃុំក្រទួត ស្រុកស្វាយក្រៅ ។ នឹងមានអ្នកលេងបណ្តាញសង្គមហ្វេសប៊ុក ចាប់អារម្មណ៍ស៊ែរចែកចាយដោយក្តុកក្តួលពេលឃើញរូបថតជាច្រើនសន្លឹក នឹងរូបភាពកំសត់របស់គ្រួសារក្រីក្រ មួយដោយក្រសឹងតែគ្មានអ្វីញាំ នឹងសុំឆ្អឹកត្រីសល់ពីគេបោះចោលមកចែកគ្នាញាំ សង្វេកណាស់ ។

ទន្ទឹមនោះតារាចម្រៀងស្រីកំពុងក្រសោបប្រជាប្រិយក្រោយឈានជើងចូលទ្រនំធំ កាឡាក់ស៊ី ណាវ៉ាត្រា របស់ឧកញ៉ាវ័យក្មេងចិត្តសប្បុរស ឡេង ណាវ៉ាត្រា និងត្រូវអ្នកគាំទ្រស្គាល់ច្បាស់ម្ចាស់បទ «គេនោះជាស្រីកាប់ដាវ» តន់ ច័ន្ទសីម៉ា ក៏មិនអាចឃាត់ចិត្តទប់អារម្មណ៍ដ៏សែនស្រណោះចំពោះរូបភាពឥតកាឡៃនេះបាន ចេញសារប្រកាសផ្ដល់នូវទឹកចិត្តខ្លួនតាមរយៈការជូនថវិកា និងគ្រឿងឧបភោគបរិភោគ ក្នុងសំណេរប្រកាសរកស្រ្តីខាងលើថា «នាងខ្ញុំ តន់ ចន្ទសីម៉ា សូមចែករំលែកក្តីស្រលាញ់ និងសុំចូលរួមចំណែកជួយគ្រួសាររបស់គាត់នូវ៖ អង្ករ ១តោន ត្រីខ ១០យួរ មី 30 កេស និងថវិកា 20 ម៉ឺនរៀល សូមបងប្អូនជួយ Share ជូនដំណឹងឱ្យគាត់ដឹងផង នាងខ្ញុំព្រមទាំងក្រុមការងារនិងចាត់ចែងយកជូនពួកគាត់ ឬផ្តល់លេខទូរស័ព្ទគាត់ដើម្បីនាងខ្ញុំទាក់ទងទៅ»៕

The post តន់ ច័ន្ទសីម៉ា ប្រកាស ផ្ដល់អង្ករ១តោន ព្រមទាំងថវិកាមួយចំនួន នៅពេលឃើញ statusមួយនេះ appeared first on .

តន់ ច័ន្ទស្រីម៉ា

តន់ ច័ន្ទសីម៉ា ប្រកាស ផ្ដល់​អង្ករ​១តោន ព្រម​ទាំង​ថវិកា​មួយ​ចំនួន នៅពេលឃើញ statusមួយនេះ

តន់ ច័ន្ទសីម៉ា ប្រកាស ផ្ដល់អង្ករ១តោន ព្រមទាំងថវិកាមួយចំនួន នៅពេលឃើញ statusមួយនេះ