លោក ឃួង ស្រេង ហាមមិនឲ្យយកលុយពីអាជីវករលក់តាមកញ្ច្រែងល្អី និងពិនិត្យបញ្ចុះតម្លៃទឹកភ្លើងនៅតាមផ្សារ

ឧកញ៉ាកោះក្របី — Wed, 27 Sep 2023 16:12:17 +0000

អភិបាលរាជធានីភ្នំពេញ លោក ឃួង ស្រេង ជំរុញឲ្យពិនិត្យម៉ត់ចត់ជុំវិញការមិនយកលុយពីអាជីវករលក់តាមកញ្ច្រែងល្អី ជាមួយនិងការរកទីតាំងឲ្យបានលក់ដូរ និងការបញ្ចុះតម្លៃទឹក ភ្លើង នៅតាមទីផ្សារទៅតាមកំណត់របស់រាជរដ្ឋាភិបាល។ ការណែនាំនេះក្នុងកិច្ចប្រជុំ ស្ដីពីការពង្រឹងការងារគ្រប់គ្រងផ្សារក្នុង រាជធានីភ្នំពេញ នារសៀលថ្ងៃ២៧ ខែកញ្ញានេះជាមួយអាជ្ញាធរខណ្ឌទាំង១៤ និងប្រធានគណៈកម្មការផ្សាររដ្ឋទាំង២៥។

អភិបាលរាជធានីភ្នំពេញបានណែនាំដល់ប្រធានគណៈកម្មការផ្សារត្រូវមើលឲ្យគ្រប់ជ្រុងជ្រោយនៅក្នុងផ្សារដែលខ្លួនគ្រប់គ្រងទាំងជីវភាពរស់នៅរបស់អាជីវករ ជាមួយនឹងការធ្វើស្ថិតិឲ្យបានច្បាស់លាស់ចំពោះអាជីវករដែលមានជីវភាពក្រីក្រ និងមធ្យម ដើម្បីងាយស្រួលថែទាំ។ បន្ថែមពីនេះ ត្រូវណែនាំប្រជាពលរដ្ឋ និងអាជីវករថែរក្សាអនាម័យ បរិស្ថាននៅក្នុងផ្សារជាប្រចាំ។

ទន្ទឹមនឹងនេះ លោក ឃួង ស្រេង បានជំរុញឲ្យអាជ្ញាធរខណ្ឌទាំង១៤ និងគណៈកម្មការផ្សាររដ្ឋទាំង២៥ ត្រូវពិនិត្យអនុវត្តការងារនេះឲ្យបានម៉ត់ចត់ សំដៅធ្វើយ៉ាងណាទទួលបានការគោរពស្រលាញ់ពីប្រជាពលរដ្ឋ និងអាជីវករ។

សូមជម្រាបជូនថា ប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត ធ្លាប់បានបង្ហើបឲ្យដឹងកាលដើមខែកញ្ញានេះថា ក្រៅពីចុះជួបជាមួយកម្មករ និយោជិតនៅតាមបណ្តារោងចក្រនានា សម្តេចក៏មានគម្រោងចុះជួបជាមួយអាជីវករ និង អ្នករកស៊ីក្រៅប្រព័ន្ធនៅតាមផ្សារដើម្បីស្វែងយល់ពីទុក្ខលំបាក ក៏ដូចជារកដំណោះស្រាយជូន។

បើតាមសម្តេចធិបតីនាយករដ្ឋមន្រ្តី រាជរដ្ឋាភិបាលទទួលស្គាល់ថា បច្ចុប្បន្ននេះអាជីវករ និងអ្នករកស៊ីក្រៅប្រព័ន្ធ បានជួបបញ្ហាលំបាក និងការលក់ដូរ មានការថយចុះបន្ទាប់ពីមានការរាលដាលជំងឺកូវីដ១៩ បញ្ហាសង្រ្គាមភូមិសាស្រ្តនយោបាយជាដើម ដែលរដ្ឋាភិបាលត្រូវយកចិត្តទុកដាក់និងដាក់ចេញគោលនយោបាយដើម្បីការពារក្នុងការជួយដោះស្រាយការលំបាកដល់អ្នករកស៊ីនិងអាជីវករទាំងក្នុង និងក្រៅប្រព័ន្ធដែលជាការចូលរួមចំណែកកាត់បន្ថយភាពក្រីក្រ៕ អត្ថបទ៖ អក្ខរា

The post លោក ឃួង ស្រេង ហាមមិនឲ្យយកលុយពីអាជីវករលក់តាមកញ្ច្រែងល្អី និងពិនិត្យបញ្ចុះតម្លៃទឹកភ្លើងនៅតាមផ្សារ appeared first on .

កុំស្មុគអី! ចាប់ផ្តើមចញ្ចឹមសត្វលក្ខណៈគ្រួសារដើម្បីបង្កើនប្រាក់ចំណូលខ្ពស់ក្នុងសម័យកូវីដវិញម្តង

ឧកញ៉ាកោះក្របី — Wed, 24 Mar 2021 05:52:54 +0000

វិស័យកសិកម្ម នៅតែបន្តដើរតួនាទីយ៉ាងសំខាន់ក្នុងសេដ្ឋកិច្ចរបស់ប្រទេសកម្ពុជា ប៉ុន្តែនាពេលបច្ចុប្បន្ននេះ វិស័យនេះផ្ដល់នូវជីវភាពរស់នៅដល់ប្រជាជនក្នុងទំហំសមាមាត្រតូចជាងពីពេលអតីតកាល។

តម្រូវការសាច់គ្រប់ប្រភេទកំពុងមានការខ្វះខាតដើម្បីផ្គត់ផ្គង់ឲ្យគ្រប់ទីផ្សារនាពេលបច្ចុប្បន្ន ខណៈក្រសួងកសិកម្មរុក្ខាប្រមាញ់ និងនេសាទ និងដៃគូពាក់ព័ន្ធផ្សេងទៀត បាននឹងកំពុងជម្រុញឲ្យប្រជាពលរដ្ឋងែកមកចញ្ចឹមសត្វលក្ខណៈគ្រួសារ និងកសិដ្ឋាន ដើម្បីបង្កើនប្រាក់ចំណូល និងក្លាយជាពលរដ្ឋចូលរួមចែកអភិវឌ្ឍសេដ្ឋកិច្ចកម្ពុជា។

គេហទំព័រឧកញ៉ាញូស៍ សូមណែនាំសៀវភៅបច្ចេកទេស ការចិញ្ចឹមទាកាប៉ាជាលក្ខណៈគ្រួសារ ដែលចេញផ្សាយដោយក្រសួងកសិកម្ម ដើម្បីជាមូលដ្ឋានគ្រឹះ ជំនួយក្នុងចាប់ផ្តើមចិញ្ចឹមទៅទទួលបានទិន្ឋផលខ្ពស់ និងជោគជ័យ។

សូមចុចដោនឡូតខាងក្រោម៖

https://elibrary.maff.gov.kh/book/5b7f71173be18?fbclid=IwAR05RNQ8b0ADb27VOjIpmEpxO0GJ6crqAwMNBfX4a24NycXRG51KjhzZgH0

The post កុំស្មុគអី! ចាប់ផ្តើមចញ្ចឹមសត្វលក្ខណៈគ្រួសារដើម្បីបង្កើនប្រាក់ចំណូលខ្ពស់ក្នុងសម័យកូវីដវិញម្តង appeared first on .

តម្រូវការទីផ្សារ

លោក ឃួង ស្រេង ហាមមិនឲ្យយកលុយពីអាជីវករលក់តាមកញ្ច្រែងល្អី និងពិនិត្យបញ្ចុះតម្លៃទឹកភ្លើងនៅតាមផ្សារ

កុំស្មុគអី! ចាប់ផ្តើមចញ្ចឹមសត្វលក្ខណៈគ្រួសារដើម្បីបង្កើនប្រាក់ចំណូលខ្ពស់ក្នុងសម័យកូវីដវិញម្តង