តាង៉ែន

មៀន ឬតាង៉ែន ប៉ៃលិនធ្លាក់ថ្លៃ មិនអាចទាញទម្លាក់ថ្លៃជង្រុកមៀនឆ្ងាញ់កោះអន្លង់ចិន បានឡើយ

ឧកញ៉ាកោះក្របី — Thu, 19 Aug 2021 04:43:26 +0000

ប្រិយមិត្តឧកញ៉ាញូស៍ បានជ្រាបច្បាស់ហើយនូវស្ថានភាពនៃការរាតត្បាតកូវីដ-១៩ ដែលបាននឹងកំពុងវ៉ៃលុកពិភពលោកបណ្តាលឲ្យរង់ផលប៉ះពាល់យ៉ាងខ្លាំង ពោលគឺវិបត្តិសេដ្ឋកិច្ចសកលលោក។ យើងមិននិយាយដល់ពិភពលោកទេ នៅប្រទេសកម្ពុជាវីរុសរាតត្បាតដ៏កាចសាហាមួយនេះបានជំរុញឲ្យវិស័យមួយចំនួនដាំក្បាលចុះស្ទើរហៅលែងលឺទៅហើយ។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សម្រាប់បងប្អូនកសិករ អ្នកជំនួញ និងឈ្មួញកណ្តាលនាពេលថ្មីៗនេះ មានការត្អួញត្អែលពីផលលំបាករបស់ពួកគាត់ ខណៈផលិតផល ដំណាំកសិកម្មរបស់ផងគាត់គ្មានទីផ្សារ។ ជាក់ស្តែងកសិករដាំដុះដំណាំផ្លែមៀនប៉ៃលិន ឬតាង៉ែន ជួបវិបត្តិអត់ទីផ្សារសម្រាប់នាំចេញទៅក្រៅប្រទេស ពេលថ្មីនេះប្រទេសថៃក៏បានបិទច្រកព្រំដែនមិនឲ្យនាំផ្លែតាង៉ែនជាច្រើនតោនចូលទៀតផង។

បញ្ហាអត់មានទីផ្សារសម្រាប់នាំចេញនេះហើយ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដាក់បទបញ្ជាឲ្យក្រុមការងារប្រមូលទិញផ្លែមៀនប៉ៃលិនក្នុងតម្លៃខ្ពស់ជាច្រើនតោន។ មិនតែប៉ុណ្ណោះ យើងក៏សង្កេតឃើញមានពាណិជ្ជករ អ្នកជំនួញ អ្នកឧកញ៉ា លោកឧកញ៉ាបានប្រកាសប្រមូលជួយទិញផ្លែតាង៉ែនពីបងប្អូនកសិករដែលកំពុងបញ្ហាកង្វះទីផ្សារលក់ចេញ ដើម្បីមក់បន្តក្នុងតម្លៃសមរម្យណាមួយ និងទិញមកចែកក្រុមជួរមុខដែលកំពុងប្រយុទ្ធប្រឆាំងជាមួយកូវីដ១៩ក្នុងសហគមន៍ជាដើម។

ខណៈដែលមៀនប៉ៃលិន ឬតាង៉ែន បងប្អូនប្រជាពលរដ្ឋកសិករនៅខេត្តជាប់នឹងព្រំដែនប្រទេសថៃ ជួបបញ្ហាគ្មានទីផ្សារហើយផ្លែមៀនទៀតសោតក៏មានការធ្លាក់ថ្លែទាបផងនោះ។ សម្រាប់បងប្អូនប្រជាកសិករនៅឃុំកោះអន្លង់ចិន ក្រុងតាខ្មៅ ខេត្តកណ្តាលឯណេះវិញ នៅប៉ុន្មានថ្ងៃនេះបាននឹងកំពុងញ៉ាប់ដៃញ៉ាប់ជើងយ៉ាងសស្រាក់សស្រាមប្រមូលផលផ្លែមៀនខ្មែរជាច្រើនតោនតាមចំការនីមួយៗ ហើយក្រុមឈ្មួញរង់ចាំទិញព្រៀងព្រាតដល់ចំការតែម្តង។

ចំពោះទីផ្សាររបស់ប្រជាសហគមន៍ ឬអាចនិយាយបានថា សហគមន៍មួយផលិតផលមួយរបស់បងប្អូនកសិករឃុំកោះអន្លង់ចិនកំពុងត្រូវប៉ាន់ទីផ្សារ ហើយតម្លៃវិញគឺថេរដដែរទៅតាមរដូវ គឺតម្លៃមៀនក្នុងមួយគីឡូចាប់ពី ៧.០០០រៀល រហូតដល់ ៤០.០០០រៀលទៅតាមប្រភេទសាច់។ នេះបើតាមកសិករម្នាក់សុំមិនបញ្ចេញឈ្មោះប្រាប់ក្រុមការងារគេហទំព័រឧកញ៉ាញូស៍នៅថ្ងៃនះនៅចំការរបស់លោកផ្ទាល់។

លោកបន្តថា៖ “ផ្លែមៀនរបស់បងប្អូនសហគមន៍ឃុំកោះអន្លង់ចិន គឺមានទីផ្សារធម្មតាទៅតាមរដូវកាល ដូចនៅប៉ុន្មានថ្ងៃទៀតនេះការសែនក្បាលទឹកក៏ជិតមកផងដែរ ដូច្នេះតម្រូវការផ្លែគឺត្រូវការច្រើន”។

លោកបន្តទៀតថា ភាគច្រើនឈ្មួញពីខាងកោះក្របី រាជធានីភ្នំពេញ ឬតាមបណ្តាលមួយចំនួនមកទិញ មួយវិញទៀតមានអ្នកដែលគេទិញយកទៅហូបជាលក្ខណៈគ្រួសារ ឬទិញសម្រាប់រៀបចំជាកញ្ចប់កាដូសម្រាប់ជូនថ្នាក់ដឹកនាំ សហគ្រិន ឬបងប្អូនគាត់។

សូមបញ្ជាក់ ផ្លែមៀនឃុំកោះអន្លង់ចិន គឺមានភាពល្បីល្បាញថាឈ្ញុញឆ្ងាញផ្អែម និងធម្មជាតិទៀតផង។ ឃុំកោះអន្លង់ចិនកសិករបានដាំដំណាំផលិតផលជាច្រើនផ្សេងទៀតដូចជា ផ្លែមៀន ចេក គុយឆា ស្អំ ពុទ្រា និងផ្លែស្វាយជាដើម៕

The post មៀន ឬតាង៉ែន ប៉ៃលិនធ្លាក់ថ្លៃ មិនអាចទាញទម្លាក់ថ្លៃជង្រុកមៀនឆ្ងាញ់កោះអន្លង់ចិន បានឡើយ appeared first on .

យុទ្ធសាស្រ្តឈ្នះៗ! ពាណិជ្ជករខ្មែរច្រើនរូបប្រកាសធានាជួយទិញតាង៉ែត កសិករអ្នកខេត្តបាត់ដំបង រាប់តោន

ឧកញ៉ាកោះក្របី — Sat, 14 Aug 2021 10:02:54 +0000

ពិតជាដំណឹងល្អខ្លាំងសម្រាប់បងប្អូនប្រជាកសិករដែលកំពុងតែចាប់ផ្តើមប្រមូលផលផ្លែតាង៉ែន នៅស្រុកភ្នំព្រឹក ខេត្តបាត់ដំបង ឥឡូវមានពាណិជ្ជករខ្មែរច្រើនរូបប្រកាសធានាជួយទិញរាប់សឹបតោន មកបន្តលក់នៅរាជធានីភ្នំពេញ។

ការប្រកាសនេះធ្វើឡើងបន្ទាប់ពីកសិករបាននាំគ្នាប្រមូលម្តុំយករថយន្តជាច្រើនគ្រឿងទៅបិទនៅច្រកទ្វារអន្តរជាតិដូង ដើម្បីសុំឲ្យអាជ្ញាធរជួយដោះស្រាយ ក្រោយអាជ្ញាធរថៃបិទមិនឲ្យនាំតាង៉ែនទៅលក់ឲ្យឈ្មួញថៃ ខណៈដែលគិតមកដល់រសៀលថ្ងៃទី១៤ សីហានេះមិនទាន់មានដំណោះស្រាយនៅឡើយ។

ទំព័រហ្វេសប៊ុកភូមិផ្កាត្រកួន បានឲ្យដឹងថា៖ “ខ្មែរជួយខ្មែរក្នុងគ្រាលំបាកជួយចេញពីចិត្តពិតៗ ស្ថាបនិកភូមិផ្កាត្រកួន លោក ឌិន សុមេធារិទ្ធិ និងលោក លី ឡុង ព្រមទាំងស្ថាបនិកក្រុមហ៊ុនជាច្រើនទៀតបានរួមកំលាំងគ្នាបង្កើតយុទ្ធនាការប្រមូលទិញផ្លែតាង៉ែន របស់ប្រជាកសិករ នៅស្រុកភ្នំព្រឹក ខេត្តបាត់ដំបង ដើម្បីជួយសម្រួលទីផ្សារលក់ដល់ពួកគាត់ និង លើកទឹកចិត្តប្រជាកសិករ ព្រមទាំងគាំទ្រផលិតផលក្នុងស្រុកផងដែរ”។

ជាមួយគ្នានេះ បងប្អូនដែលចង់ទិញញ៉ំាបន្ត ដោយក្នុង ១កេស ១០គីឡូតម្លៃ ៥ម៉ឺនរៀលប៉ុណ្ណោះ សូមទាក់ទងតាមរយៈលេខទូរសព្ទ 098368883 អេរិក ឬបងប្អូនអាចឆាតកក់បានតាមរយៈទំព័រហ្វេសបុកភូមិផ្កាត្រកួនផងដែរ សម្រាប់ផលិតផលនឹងមកដល់ភ្នំពេញនៅថ្ងៃទី១៥ ខែសីហា ២០២១៕

The post យុទ្ធសាស្រ្តឈ្នះៗ! ពាណិជ្ជករខ្មែរច្រើនរូបប្រកាសធានាជួយទិញតាង៉ែត កសិករអ្នកខេត្តបាត់ដំបង រាប់តោន appeared first on .

មកទល់ពេលនេះគ្មានដំណោះស្រាយ កសិករប្រាប់ថា តាង៉ែនរាប់ម៉ឺនតោន គិតជាលុយជិត៥០លានដុល្លារ គ្រោងចាក់ចោល

ឧកញ៉ាកោះក្របី — Sat, 14 Aug 2021 05:17:57 +0000

វិបត្តិទីផ្សារមៀនប៉ៃលិន របស់កសិករខ្មែររាប់ម៉ឺនតោនមិនអាចនាំចេញទៅកាន់ដៃគូនៅក្នុងប្រទេសថៃបាន ដោយខាងភាគីថៃបិទច្រកទ្វារព្រុំដែននៅប៉ុន្មានថ្ងៃចុងក្រោយនេះ។ បើតាមការប៉ាន់ស្មានផ្លែមៀនប៉ៃលិនឆ្នាំនេះប្រមាណ៥ម៉ឺនតោនអាចនឹងត្រូវចាក់ចោល ព្រោះគិតមកទល់ថ្ងៃនេះទៅហើយមិនទាន់មានដំណោះស្រាយណាមួយនៅឡើយទេសម្រាប់ប្រជាកសិករដាំដុះដំណាំផ្លែមៀនតាមបណ្តាលខេត្តជាប់ព្រុំដែនប្រទេសថៃ។

កសិករដាំតាង៉ែន ឬមៀនប៉ៃលិនម្នាក់បានទម្លាយឲ្យដឹងថា ច្រកមិនបិទទេគឺថៃបិទតែមៀនប៉ៃលិនខ្មែរមិនឲ្យចូលតែប៉ុណ្ណោះ តែដំណាំផ្សេងៗអាចចេញចូលបាន។ មូលហេតុគឺផលប្រយោជន៍សេដ្ឋកិច្ចរវាងប្រទេសនិងប្រទេស ដោយសារឆ្នាំនេះមៀនប៉ៃលិនខ្មែរអំណោយផល ផ្ដល់ផលច្រើន។

បញ្ហារថយន្តជាច្រើនគ្រឿងទៅបិទនៅច្រកទ្វារអន្តរជាតិដូង ដើម្បីសុំឲ្យអាជ្ញាធរជួយដោះស្រាយ ក្រោយអាជ្ញាធរថៃបិទមិនឲ្យនាំតាង៉ែនទៅលក់ឲ្យឈ្មួញថៃ មន្ត្រីដែលចុះទៅជួយដោះស្រាយការកកស្ទះតាង៉ែន កសិករដដែលបញ្ជាក់ថា គ្មានសង្ឃឹមនោះទេ មន្រ្តីបានត្រឹមតែសន្យា តែភាគរយដោះស្រាយចេញស្ទើរតែគ្មាន។

ទាក់ទងករណីផងដែរ ក្រសួងកសិកម្មរុក្ខាប្រមាញ់ និងនេសាទ ក៏ប្រកាសឲ្យកសិករខ្មែរបង្វែរផ្លែតាង៉ែនដែលចាល់មកច្រកព្រំដែនវៀតណាមវិញ ការប្រកាសនេះត្រូវកសិករកំពុងជួបបញ្ហាទីផ្សារ បានចោទជាចម្ងល់ថា “ដឹកទៅច្រកវៀតណាមតើឲ្យថៅកែណា ឬគ្រាន់តែប្រកាសឲ្យតែបានទេ”។

លោក សួន ជុំ សមាជិកក្រុមប្រឹក្សាភិបាលនៃសហគមន៍ មៀន ប៉ៃលិន បានប្រាប់សារព័ត៌មានកោះសន្តិភាពថា៖ គិតជា តម្លៃប៉ាន់ស្មានខូចខាតឆ្នាំនេះសម្រាប់កសិករទាំងអស់ប្រមាណ៣០លានដុល្លារអាមេរិក ទៅ៥០លានដុល្លារអាមេរិកគិតទៅតាមតម្លៃទីផ្សារមៀនពី៣០០០រៀល ទៅ៤០០០រៀល ក្នុងមួយគីឡូក្រាម ។

លោកបន្ថែមថា សម្រាប់ទីផ្សារមៀនក្នុងស្រុក គឺមានតិចបំផុតដែលផ្លែឈើនេះ មានតម្រូវការតែសម្រាប់ថ្ងៃសីលតែប៉ុណ្ណោះ ហើយក្នុងមួយសីលៗមានតម្រូវការផ្លែមៀនប៉ៃលិនតែជាង១០តោនប៉ុណ្ណោះ ដូច្នេះក្រៅពីនោះ គឺត្រូវនាំចេញ ដើម្បីកែច្នៃ តែបើសិនជាគេបិទព្រំដែនមិនអនុញ្ញាតឱ្យនាំចេញទៀតគ្មានអ្វីក្រៅពីចាក់ចោលឡើយ៕

The post មកទល់ពេលនេះគ្មានដំណោះស្រាយ កសិករប្រាប់ថា តាង៉ែនរាប់ម៉ឺនតោន គិតជាលុយជិត៥០លានដុល្លារ គ្រោងចាក់ចោល appeared first on .