ក្នុងពិធីកាន់បិណ្ឌទី ៩ ក្រោមការដឹកនាំរបស់អ្នកឧកញ៉ា ឡេង ប្រុស កាលពីថ្ងៃទី ០៨ ខែ តុលា កន្លងមកនេះ ក៏មានការរៀបចំពិធីសូត្រមន្ត រាប់បាត្រព្រះសង្ឃ ព្រមទាំងមានការសម្តែងរបាំជូនពរដែលមរតករបស់ខ្មែរ រួមជាមួយការពិសាអាហារសាមគ្គី មាននំបាញ់ចុកខ្មែរជាដើម។

ទន្ទឹមនិងការរៀបចំពិធីកាន់បិណ្ឌនាថ្ងៃនោះ ក៏មានការរៀបចំការប្រគំន្ត្រីមួយ ដែលចូលរួមពីតារាចម្រៀងល្បីៗជាច្រើនរូបនៅក្នុងផលិតកម្ម Galaxy Navatra ដែលកាន់តែធ្វើឱ្យកក្រើកឆាកតន្រ្តីនៅម្តុំផ្សារ ប្រាទូណាម ក្នុងទីក្រុង បាងកក ប្រទេស ថៃ និងមានអ្ន​កចូលរួមទស្សនារាប់ពាន់នាក់ ជាក់ស្តែងតាមរយៈរូបភាពជាច្រើនដែលទស្សនិកជនបានឃើញស្រាប់ ម្នាក់ៗមានទឹកមុខរីករាយ និង រាំលេងកម្សាន្តយ៉ាងសប្បាយរីករាយទៅតាមចង្វាក់ភ្លេង ។

តារាចម្រៀងល្បីៗដែលបានអង្រួញឆាកប្រគំតន្រ្តីនៅទីក្រុង បាងកក រួមមាន លោក​ ខាន់ ជេមស៌ , វង្ស ថាណាន់,កញ្ញា ហ៊ិន លីដា ,អែមមី និងតារាចម្រៀងរ៉េបល្បីៗជាច្រើននៅក្នុងផលិតកម្ម Galaxy Navatra។ 

គួរបញ្ជាក់ផងដែរថា ពិធីបុណ្យកាន់បិណ្ឌទី៩ នៅម្តុំផ្សារ ប្រាទូណាម ទីក្រុងបាងកក កាលថ្ងៃទី៨តុលាកន្លងមកនេះ ត្រូវបានរៀបចំដោយក្រុមការងារយុវជន ESEA, ស្ថានទូតកម្ពុជាប្រចាំនៅប្រទេសថៃ, ក្រុមការងារមិត្តយើង ព្រមទាំងមាបការឧបត្ថម្ភដោយក្រុមហ៊ុន Galaxy Navatra Group, ក្រុមហ៊ុនអចលនទ្រព្យ ឡេង និមល, ក្រុមហ៊ុន ណាវ៉ាត្រា ខ្នាតយក្ស និងក្រុមហ៊ុនដឹកជញ្ជូន ស្រឡាញ់អ្នក៕ 

The post តារាចម្រៀងល្បីៗក្នុងផលិតកម្ម Galaxy Navatra ធ្វើឱ្យកក្រើកឆាកតន្រ្តី នៅ បាងកក ដែលមានអ្នកចូលរួមទស្សនារាប់ពាន់នាក់ក្នុងថ្ងៃកាន់បិណ្ឌ៩ appeared first on .