មកទល់ពេលនេះមានរយៈពេលច្រើនខែមកហើយដែល បទចម្រៀង « Call Me Papa » បានបង្រួញបេះដូងអ្នកគាំទ្រទាំងក្នុងនិងក្រៅប្រទេសឱ្យស្លុងអារម្មណ៍និងបទចម្រៀងដ៏ពិសេសមួយបទនេះ រហូតបានចែកចាយតៗគ្នាជាហូរហែ មិនថាក្នុងហ្វេសប៊ុក តិកតុក និង យូធូបជាដើម…។

ថ្មីៗនេះមានតារាចម្រៀង និង យុវជននៅប្រទេស ថៃ បានយកបទចម្រៀង « Call Me Papa » ទៅរាំលេងកម្សាន្តជាបន្តបន្ទាប់នៅក្នុងក្លឹបកម្សាន្ត និងហាងល្បីៗជាច្រើនៅក្នុងប្រទេស ថៃ ដែលកាន់តែធ្វើឱ្យបទចម្រៀងនេះ ផ្ទុះនិងកក្រើកជាថ្មីម្តងទៀត ។

កំពូលតារាចម្រៀង ខេមរៈ សិរីមន្ត បានបង្ហាញនូវអារម្មណ៍រំភើបជាខ្លាំងដែលបទចម្រៀង « Call Me Papa » នៅតែទទួលបានប្រជាប្រិយភាពខ្ពស់ និងមានបណ្តាប្រទេសផ្សេងៗយកទៅច្រៀង និង រាំលេងកម្សាន្ត ។  

គួរបញ្ជាក់ផងដែរថា បទចម្រៀង « Call Me Papa » នៅតែជាបទចម្រៀងដ៏ពេញនិយមសម្រាប់យុវ័យ ស្តាប់ និង រាំលេងកម្សាន្ត រាប់ពេលជួបជុំគ្នា មិនថាមង្គលការ ឬ ជប់លៀង បើទោះបីបទចម្រៀង១បទនេះ ចេញជាច្រើនខែហើយក្ដី។ តាមរយៈបទចម្រៀងមួយបទ នេះកាន់តែធ្វើឱ្យកំពូលតារាចម្រៀង ខេមរៈ សិរីមន្ត ល្បីល្បាញខ្លាំង និងមានអ្នកគាំទ្រកើនឡើងទ្វេរដង ៕  

The post «Call me papa» របស់ឧកញ៉ា ខេមរៈ សិរីមន្ត កំពុងផ្ទុះខ្លាំងនៅថៃទាំងតារាល្បីៗនឹងក្លឹប ហាងល្បីៗនៅថៃចាក់ស្តាប់នឹងរាំលេងយ៉ាងសប្បាយ appeared first on .

ភាពល្បីល្បាញនៃបទចម្រៀង « Call Me PaPa » គឺជាសមិទ្ធផលធំថ្មីមួយទៀតរបស់តារាចម្រៀង ខេមរៈ សិរីមន្ត នៅក្នុងផលិតកម្ម Galaxy Navatra ហើយក៏ជាមោទនភាពដ៏ធំមួយសម្រាប់វិស័យសិល្បៈចម្រៀងខ្មែរនៅលើឆាកអន្តរជាតិ ដោយសារតែបទចម្រៀងមួយបទនេះអាចទាក់ទាញអ្នកគាំទ្រទាំងក្នុងនិងក្រៅប្រទេសឱ្យចូលទស្សនាច្រើនជាពិសេសនៅលើបណ្តាញសង្គម Tik Tok មានអ្នកចូលទស្សនារហូតដល់ទៅ 1400លានដងនៅជុំវិញពិភពលោក ដែលចំនួននេះមិនធ្លាប់មានឡើយក្នុងប្រវត្តិសាស្ត្របទចម្រៀងរបស់ខ្មែររយៈពេលដ៍ខ្លីនេះ។

សិល្បករខ្មែរជាច្រើនរូបបានសាទរចំពោះភាពល្បីល្បាញនៃបទចម្រៀង « Call Me PaPa » របស់កំពូលតារាចម្រៀងលោកឧកញ៉ា ខេមរៈ សិរីមន្ត នេះដោយចាត់ទុកថាគឺជាមោទនភាពខ្លាំងណាស់សម្រាប់វិស័យសិល្បៈនៅក្នុងប្រទេសកម្ពុជា។

សូមបញ្ជាក់ផងដែរថា បទ “CALL ME PAPA” ត្រូវបានមហាជនក៏ដូចជាអ្នកផលិតវីដេអូល្បីឈ្មោះជា ច្រើន បានវាយតម្លៃថាបទចម្រៀងរបស់កម្ពុជាមួយបទនេះមិនចាញ់បទចម្រៀងល្បីលើពិភពលោកឡើយ ព្រោះកាមេរ៉ាដែលប្រើប្រាស់ថតបទចម្រៀងមួយបទនេះជាកាមេរ៉ាទំនើបចុងក្រោយគេ ហើយអ្នកថតសុទ្ធតែប្រជុំទៅដោយអ្នកជំនាញៗ។

តាមរយៈបទចម្រៀងនេះហើយបានជំរុញទឹកចិត្តឲ្យកំពូលតារាចម្រៀងរូបនេះ នាំយកអ្វីដែលថ្មីៗទៅកាន់ទស្សនិកជន ជាពិសេសអ្នកគាំទ្ររបស់ខ្លួន ដោយលោកឧកញ៉ា ខេមរៈ សិរីមន្ដ ជាអ្នកចេញដឹកនាំការផលិតដោយផ្ទាល់ខ្លួនលោកតែម្ដង។

បើទោះបីជាបទចម្រៀងមួយបទនេះបានចេញជាផ្លូវការអស់ពេលជាច្រើនខែមកហើយក្តី ភាពល្បីល្បាញនៃបទ “CALL ME PAPA” នៅតែមានសន្ទុះនៃការគាំទ្រមិនចេះរីងស្ងួតឡើយ ជាក់ស្តែងមិនថាក្នុងកម្មវិធីជប់លៀង , ពិធីមង្គលការ ឬការជួបជុំដំណើរកម្សាន្តតាមទីជិតឬទីឆ្ងាយ នៅតែពេញនិយមស្តាប់ និងរាំលេងកម្សាន្តជាមួយបទចម្រៀងនេះដោយក្តីរីករាយ៕

The post អបអរសាទរបទ« Call Me PaPa » មានអ្នកចូលទស្សនាលើបណ្តាញសង្គម Tik Tok រហូតដល់ទៅ 1400លានដងនៅជុំវិញពិភពលោក! appeared first on .