តារាសម្តែង

ឈិនឡុង លីលានជា លេចមុខក្នុងបញ្ជីតារាសម្ដែងអាស៊ីមានបំផុតក្នុងលោក

ឧកញ៉ាសំពៅ — Tue, 04 Oct 2022 10:56:00 +0000

អាជីពជាតារាសម្ដែង គឺជាប្រភពចំណូលដ៏ធំមួយលើឆាកអន្តរជាតិ ហើយបើសិនជាប្រិយមិត្តជាអ្នកគាំទ្រខ្សែភាពយន្តបែបវាយប្រហារ ក្បាច់គុនចិន ច្បាស់ជាស្គាល់ពីតារាសម្ដែងចិនដូចជា Jackie Chan (ឈិន ឡុង) និងលោក Jet Li (លី លានជា) ជាមិនខាន។

ដោយឡែក ថ្មីនេះសារព័ត៌មាន Therichest បានចេញផ្សាយថា តារាក្បាច់គុនទាំង ២ រូបខាងលើបានលេចវត្តមានក្នុងបញ្ជីតារាសម្ដែងអាស៊ីមានបំផុតក្នុងលោកប្រចាំឆ្នាំ ២០២២ ថែមទៀតផង។

តទៅនេះគឺជាបញ្ជីឈ្មោះរបស់តារាសម្ដែងអាស៊ីមានបំផុតក្នុងលោកប្រចាំឆ្នាំ ២០២២ ផ្អែកតាមទិន្នន័យផ្ដល់ឲ្យដោយ Therichest៖

1/ Jackie Chan មានទ្រព្យសម្បត្តិប្រមាណ ៤០០ លានដុល្លារ

2/ Jet Li មានទ្រព្យសម្បត្តិប្រមាណ ២៥០ លានដុល្លារ

3/ Chow Yun-Fat មានទ្រព្យសម្បត្តិប្រមាណ ២០០ លានដុល្លារ

4/ Jay Chou មានទ្រព្យសម្បត្តិប្រមាណ ៩៥ លានដុល្លារ

5/ Huang Xiaoming មានទ្រព្យសម្បត្តិប្រមាណ ៨០ លានដុល្លារ

6/ Andy Lau មានទ្រព្យសម្បត្តិប្រមាណ ៧០ លានដុល្លារ

7/ Tony Jaa មានទ្រព្យសម្បត្តិប្រមាណ ១០ លានដុល្លារ៕

The post ឈិនឡុង លីលានជា លេចមុខក្នុងបញ្ជីតារាសម្ដែងអាស៊ីមានបំផុតក្នុងលោក appeared first on .

កិត្តិយស ៦ ឆ្នាំត្រូវបានស្រោចស្រង់ Johnny Depp ឈ្នះក្ដី និងទទួលបានសំណង ១៥ លានដុល្លារ

ឧកញ៉ាសំពៅ — Thu, 02 Jun 2022 08:01:06 +0000

ទីបំផុត លោក Johnny Depp បានឈ្នះក្ដីទៅលើអតីតភរិយា Amber Heard ក្រោយតារាសម្ដែងស្រីរូបនេះដាក់ពាក្យបណ្ដឹង ចោទប្រកាន់លោកពីបទបរិហារកេរ្តិ៍កាលពីឆ្នាំ ២០១៨ ប៉ុន្តែលោកបានប្ដឹងបកវិញនូវឆ្នាំ ២០១៩។ នេះបើតាមការចុះផ្សាយពី nypost។

រឿងក្ដីក្ដាំរបស់អ្នកទាំង ២ មិនមែនទើបតែកើតឡើងថ្មីៗនេះឡើយ ពោលគឺតាំងពីឆ្នា ២០១៦ មកម៉្លេះ ពោលបន្ទាប់ពីរៀបការជាមួយគ្នានៅឆ្នាំ ២០១៥ ហើយរំលងបានមួយឆ្នាំបន្តិច ក៏មានផ្ទុះព័ត៌មានមួយ ដោយ Amber បានចោទ Johnny ថា ប្រើប្រាស់អំពើហិង្សាមកលើរូបនាង និងបានស្នើសុំលែងលះនៅតុលាការទីក្រុង Los Angeles។

ព័ត៌មានអាស្រូវកាលនោះមានការប៉ះទង្គិចយ៉ាងខ្លាំងទៅលើ Jonny Depp ទាំងផ្លូវចិត្ត និងផ្លូវកាយ ពោលក្រុមហ៊ុនដែលធ្លាប់ទាក់ទងការងារទាំងប៉ុន្មានព្យាយាមបញ្ចប់ការងារជាមួយលោក ដោយសារមិនចង់ពាក់ព័ន្ធនឹងរឿងអាស្រូវ រហូតបណ្ដាលឲ្យ Johnny ក្លាយជាមនុស្សឆេវឆាវ និងមានបញ្ហាផ្លូវចិត្តថែមទៀត។

លុះដល់ឆ្នាំ ២០១៨ Johnny បានដាក់ពាក្យបណ្ដឹងទៅកាន់អតីតភរិយា ទាមទារសំណង ៥០ លានដុល្លារពីអ្វីដែលនាងបានប្រាប់ទៅកាន់ Washington Post ដោយបានតាំងខ្លួនជា បុគ្គលសាធារណៈជំនួសឲ្យជនរងគ្រោះក្នុងករណីហិង្សាក្នុងគ្រួសារ។

ថ្វីបើក្នុងអត្ថបទមួយនោះមិនបាននិយាយចំៗដល់ Johnny ប៉ុន្តែលោកនិងក្រុមមេធាវី យល់ឃើញថា វាអាចធ្វើឲ្យប៉ះពាល់កិត្តិយស និងអាជីពរបស់លោកនៅថ្ងៃអនាគត ខណៈ Amber ក៏បានប្ដឹងបកវិញ និងទារសំណង ១០០ លានដុល្លារ ក្រោយពេលមេធាវីរបស់ Johnny ហៅនាងថា ជនបោកប្រាស់។

ឆ្លងកាត់ការកាត់ក្ដីអស់រយៈពេល ៦ សប្ដាហ៍ និងការប្រជុំសម្រេច ១៣ ម៉ោងទៀត Johnny ទទួលបានជ័យជំនះ និងសំណងទឹកប្រាក់ប្រមាណ ១៥ លានដុល្លារ និងបានយុត្តិធម៌ពីការចោទប្រកាន់អស់រយៈពេល ៦ ឆ្នាំពីករណីហិង្សាក្នុងគ្រួសារដែលលោកមិនបានប្រព្រឹត្ត។ នេះបើតាមកាវិនិច្ឆ័យពីចៅក្រមនៅទីក្រុង Fairfax។

ទឹកប្រាក់ ១៥ លានដុល្លារសម្រាប់តារាសម្ដែងកំពូលម្នាក់នេះអាចនឹងមិនច្រើន តែអ្វីដែលសំខាន់គឺភាពស្អាតស្អំ និងទទួលបានភាពយុត្តិធម៌រយៈពេល ៦ ឆ្នាំទៅវិញទេទើបជារឿងសំខាន់ ដ្បិតប៉ុន្មានឆ្នាំដែលលោករស់នៅក្រោមឈ្មោះជនបង្កហិង្សាក្នុងគ្រួសារ បានធ្វើឲ្យលោកខាតលុយខ្ទង់រយលានដុល្លារឯណោះពីកុងត្រាធំៗជាច្រើន៕

The post កិត្តិយស ៦ ឆ្នាំត្រូវបានស្រោចស្រង់ Johnny Depp ឈ្នះក្ដី និងទទួលបានសំណង ១៥ លានដុល្លារ appeared first on .

ស្នងការខេត្តព្រះសីហនុ បញ្ជាក់សំណុំរឿងបង្កប់កាម៉េរ៉ា ក្នុងបន្ទប់សណ្ឋាគារ ក្រោយកញ្ញា ដេននី ក្វាន់ បានទម្លាយ

ឧកញ៉ាកោះក្របី — Tue, 25 May 2021 11:38:31 +0000

នៅថ្ងៃទី២៥ ខែឧសភានេះ តារាសម្តែងកញ្ញា ដេននី ក្វាន់ បានទម្លាយនូវរឿងម្ចាស់សណ្ឋាគារមួយនៅកំពង់សោមឈ្មោះ Gold Sea Hotel លួចបង្កប់Camera ក្នុងបន្ទប់គេងរបស់នាង និងបន្ទប់ផ្សេងៗទៀតអំឡុងពេលដែលនាងទៅស្នាក់នៅទីនោះកាលពីខែតុលា ឆ្នាំ២០២០។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

កញ្ញា ដេននី ក្វាន់ បានបញ្ជាក់ថា នាងទ្រាំ មិនឡាយ៍ ជាសាធារណៈទេ ព្រោះរង់ចាំដំណោះស្រាយល្អជាមួយម្ចាស់សណ្ឋាគារ តែលទ្ធផល នាងទទួលបាន សំណងជាលុយ ត្រឹម១ម៉ឺនដុល្លារ ប៉ុណ្ណោះ។

ស្នងការខេត្តព្រះសីហនុ លោក ជួន ណារិន្ទ បានឲ្យដឹងនៅល្ងាចថ្ងៃទី ២៥ ខែឧសភា នេះថាករណីនេះ គឺជាសំណុំរឿងចាស់ តាំងពីខែតុលា ឆ្នាំ២០២០ ដែលតុលាការបានសម្រេចក្តីរួចហើយ ខណៈដែលជនដែលពាក់ព័ន្ធនឹងការបង្កប់កាំមេរ៉ាក្នុងបន្ទប់សណ្ឋាគារនោះ ក៏កំពុងតែអនុវត្តទោសក្នុងពន្ធនាគារនៅឡើយ៕

ប្រភព៖ កម្ពុជាថ្មី

The post ស្នងការខេត្តព្រះសីហនុ បញ្ជាក់សំណុំរឿងបង្កប់កាម៉េរ៉ា ក្នុងបន្ទប់សណ្ឋាគារ ក្រោយកញ្ញា ដេននី ក្វាន់ បានទម្លាយ appeared first on .

តារាសម្តែង

ឈិនឡុង លីលានជា លេចមុខក្នុងបញ្ជីតារាសម្ដែងអាស៊ីមានបំផុតក្នុងលោក

កិត្តិយស ៦ ឆ្នាំ​ត្រូវបាន​ស្រោចស្រង់ Johnny Depp ឈ្នះក្ដី​ និង​ទទួល​បាន​សំណង ១៥ លាន​ដុល្លារ

កិត្តិយស ៦ ឆ្នាំត្រូវបានស្រោចស្រង់ Johnny Depp ឈ្នះក្ដី និងទទួលបានសំណង ១៥ លានដុល្លារ