ក្នុងសេចក្ដីថ្លែងការណ៍ របស់រាជរដ្ឋាភិបាលកម្ពុជា បានលើកឡើងថា ក្នុងស្មារតី នៃការអនុវត្តយ៉ាងម៉ឺងម៉ាត់ចំពោះការប្រកាន់ខ្ជាប់នូវគោលការណ៍អធិបតេយ្យភាព និងដើម្បីទប់ស្កាត់ការជ្រៀតជ្រែកចូលកិច្ចការផ្ទៃក្នុងរបស់ប្រទេសកម្ពុជា រាជរដ្ឋាភិបាលនៃព្រះរាជាណាចក្រកម្ពុជា បានសម្រេចប្រកាសសមាជិកក្រុមប្រឹក្សាភិបាលត្រួតពិនិត្យ នៃក្រុមហ៊ុន Meta Platforms Inc. ដែលមានរាយនាមដូចខាងក្រោម ជាបុគ្គលដែលមិនអាចទទួលយកបាន (PERSONANON GRATA)៖ Kenji Yoshino, Suzanne Nossel, Julie Owono, Tawakkol Karman, Pamela San Martin, Catalina Botero-Marino ,Ronaldo Lemos, Afia Asantewaa Asare-Kyel,Michael McConnell, Nicolas Suzor, Nighat Dad, Paolo Carozza, Katherine Chen, Evelyn Aswad, Andras Sajo, Sudhir Krishnaswamy, Emi Palmor, Helle Thorning-Schmidt, John Samples,Alan Rusbridger, Khaled Mansour,Endy Bayuni។

ក្រសួងការបរទេស និងសហប្រតិបត្តិការអន្ដរជាតិ បានអះអាងទៀតថា ប្រសិនបើបុគ្គលទាំង២២នាក់នេះ មានអ្នកណាកំពុងនៅក្នុងប្រទេសកម្ពុជា ត្រូវចាកចេញជាបន្ទាន់ក្នុងរយៈពេល៤៨ម៉ោង គិតចាប់ពីម៉ោង៤ល្ងាច ថ្ងៃទី០៤ ខែកក្កដា ឆ្នាំ២០២៣នេះ។

ជាមួយគ្នានេះ ក្រសួងការបរទេស បានគូសបញ្ជាក់ទៀតថា អនុសាសន៍របស់ក្រុមប្រឹក្សាភិបាលត្រួតពិនិត្យ នៃក្រុមហ៊ុន Meta Platforms Inc. ឱ្យផ្អាកជាបណ្ដោះអាសន្នចំពោះគណនី Facebook ផ្លូវការរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺមានលក្ខណៈនយោបាយ។ អនុសាសន៍នេះមានចេតនា រារាំងសេរីភាពសារព័ត៌មានរបស់ប្រជាពលរដ្ឋកម្ពុជា និងសិទ្ធិរបស់ប្រជាពលរដ្ឋក្នុងការទទួលបានព័ត៌មានពិត ពីថ្នាក់ដឹកនាំដែលពួកគេគាំទ្រ និងពេញចិត្ត។

សូមរម្លឹកដែរថា ​ ក្រសួងប្រៃសណីយ៍ និងទូរគមនាគមន៍ បានប្រកាសសម្រេចបណ្តេញតំណាងក្រុមហ៊ុន Facebook ចេញពីប្រទេសកម្ពុជា និងបញ្ឈប់រាល់សកម្មភាព ដូចជាភាពជាតំណាងរបស់ក្រុមហ៊ុន ទំនាក់ទំនងជាមួយរាជរដ្ឋាភិបាល និងកិច្ចសហការដៃគូក្នុងវិស័យឯកជន នៅប្រទេសកម្ពុជា ចាប់ពីថ្ងៃទី៣០ ខែមិថុនា ឆ្នាំ២០២៣នេះតទៅ។ នៅយប់ថ្ងៃទី៣០ ខែមិថុនា ឆ្នាំ២០២៣ សម្តេចតេជោ ហ៊ុន សែន ក៏បានចេញសារសំឡេងពិសេសដោយ ប្រកាសមិនបិទបណ្តាញសង្គម Facebook នៅកម្ពុជានោះទេ ព្រោះជាតម្រូវការរបស់ប្រជាជនប្រើប្រាស់៕ អត្ថបទ៖ ពិសី

The post បុគ្គល២២នាក់សមាជិកក្រុមហ៊ុន Meta រដ្ឋាភិបាល ប្រកាសហាមមិនឱ្យចូលដីកម្ពុជាទៀតឡើយ appeared first on .

បើតាមសាច់ញាតិអ្នកនាង ចោម ច័ន្ទ សុំមិនបញ្ចេញឈ្មោះបានឲ្យដឹងថា ឥឡូវនេះបងស្រីខ្លួនមិនទាន់បានគិតគូឬបើកភ្លើងខៀវទទួលយកបុរសថ្មីមកស្អំបេះដូងនោះទេ ដោយ​សារ​តែរវល់ជាមួយមុខជំនួញអចលនទ្រព្យនៅខេត្ត និងមុខជំនួញគ្រឿងសម្អាងថែរក្សាសម្រស់បុរសនារីស្ទើរតែរកពេលទំនេរគ្មានទេ។

អ្វីដែលពិសេសនោះឆាប់ៗខាងមុខនេះអ្នកនាង ចោម ច័ន្ទ ត្រៀមនឹងនាំចូលផលិតផល៤ប្រេនមកពីប្រទេសថៃមកចែកចាយនៅកម្ពុជា និង១៥ប្រទេសផ្សេងទៀត។ ចំពោះដើមទុនក្នុងការនាំចូលទាំង៤ប្រេននេះដែរគឺអ្នកនាង ចោម ច័ន្ទ ចាយដើមទុនរាប់លានដុល្លារឯណោះ។

រីឯរូបសម្រស់របស់អ្នកនាង ចោម ច័ន្ទ កាន់តែស្រស់ស្អាតនិងក្មេងជាងវ័យក្រោយបែកស្នេហ៍បុរសជនជាតិបារាំង ដោយសារតែបងស្រី ដេនី ក្វាន់ រូបនេះឧស្សាហ៍ហាត់ប្រាណទទួលទានអាហារឲ្យទៀងទាត់ពេលវេលា។ មួយវិញទៀតអ្វីដែលពិសេសគឺអ្នកនាង ចោម ច័ន្ទ ទទួលទានខូលេជេនអ្នកនាង លក់រាល់ថ្ងៃទើបធ្វើឲ្យស្បែកភ្លឺថ្លាស្រស់ស្អាត និងក្មេងជាងវ័យបែបនេះ។

សាច់ញាតិអ្នកនាង ចោម ច័ន្ទ បញ្ជាក់បន្ថែមទៀតថា បច្ចុប្បន្ននេះមិនខ្វះទេកំលោះៗដែលមានរូបរាងសង្ហាតាមសុំស្នេហ៍ ចោម ច័ន្ទ ក្រោយបែកស្នេហ៍បុរសជនជាតិបារាំងនោះ គឺមានទាំងខ្មែរ និងបរទេស ដោយពួកគេម្នាក់ៗរងចាំតែអ្នកនាង បើកភ្លើងខៀវតែប៉ុណ្ណោះ៕

The post ឈុត​ថ្មី​ចោម ច័ន្ទ ក្រោយបែកស្នេហ៍ជាមួយបុរសជនជាតិបារាំង លើ​គំនរ​ទ្រព្យ​.. appeared first on .

បើតាមស្រីស្អាត AhGi បានឲ្យដឹងថា មូលហេតុដែលខ្លួនយកបទចម្រៀង ខេមរៈ ស្រីពៅ មក Cover ចេញជា MV បទចម្រៀងដោយសារតែការស្រឡាញ់ ព្រោះបទនេះពីរោះខ្លាំងណាស់នៅពេលទំនេរពីការងាររកស៊ីម្ដងៗនាង តែងតែយកបទនេះមិនច្រៀងរាំមិនសូវលស់ពេលប៉ុន្មានទេ ដើម្បីកម្សាន្តអារម្មណ៍។

បន្ថែមពីនេះនាង ថា៖” ពេលយកបទគាត់មកច្រៀងអ៊ីចឹងមានអារម្មណ៍ថានឹកដល់គាត់ខ្លាំងណាស់បង មិនគួរគាត់អាយុខ្លីលាចាកលោកទៅលឿនដូច្នេះសោះ បើគាត់នៅរស់មានជីវិតមិនដឹងថាគាត់ល្បីប៉ុណ្ណាទេ ព្រោះបទច្រៀងដែល ខេមរៈ ស្រីពៅ ច្រៀងសុទ្ធតែល្បីៗ សំឡេងគាត់មិនចាញ់បងសិរីមន្ត ប៉ុន្មានទេ”។

បទ “អួតថាសង្ហាជាងគេនៅភ្នំពេញ” ដែល AhGi យកមកCover នេះដែរ សម្ដែងដោយ តេង ដាណា មីង យូ Nuk Nuk Pagnavattanac Oun ថតដោយលោក វ៉ុន វឌ្ឍនៈ និងផលិតដោយលោក វីសាល រីខត។

ជាចុងក្រោយអ្នកលក់ឡេល្បីឈ្មោះ និងជាតារាចម្រៀង AhGi Leaders ក៏សូមអធ្យាស្រ័យរាល់កំហុសខុសឆ្គងនៅក្នុងបទនេះគ្រាន់តែជាការសម្ដែងកំប្លែងតែប៉ុណ្ណោះ អរគុណបងៗ អគុណដល់បងៗទាំងអស់គ្នា។

គួររម្លឹកថា កាលពីមួយខែមុន Ah Gi Leader បានចេញMV បទចម្រៀង “Maboy” ទទួលបានគាំទ្រយ៉ាងខ្លាំងបើគិតមកដល់ពេលនេះមានអ្នកទស្សនាជិត៥លានដងហើយ៕

The post ដោយសារ​ស្រឡាញ់ ខេមរៈ ស្រីពៅ ខ្លាំងពេកអ្នកលក់ឡេ​ម្នាក់​យក​​បទ​ចម្រៀង​នាង​មកCover ចេញ​MV ផ្លូវ​ការ appeared first on .