អ្នកស្រីបានលើកឡើងថា ក្រោយពីអ្នកស្រីបានស្តាប់យ៉ាងយកចិត្តទុក្ខដាក់នូវសាររបស់សម្តេចដ៏មានអត្ថន័យ​ រយៈពេល​ ២៥:២៦នាទី​ រួចមក​ អ្នកស្រីសូមគោរពទទួល​ និងអនុវត្តតាមអាសនុសាសន៍របស់សម្តេចតេជោ។

អ្នកស្រីឧកញ៉ា តាំង ហ្គិចលៀង បានសរសេរក្នុងន័យដើមយ៉ាងដូច្នេះថា៖ “ក្មួយពិតជាសូមសំដែងនូវការអគុណ និង សូមទទួលស្គាល់ថា ក្មួយបានប្រើប្រាស់នូវពាក្យពេជន៍ និងអក្សសាស្ត្រខ្មែរមិនទាន់បានត្រឹមត្រូវ ក្មួយនឹងប្រែក្លាយពីកំហុសមួយនេះឲ្យទៅជាមេរៀនដ៏សំខាន់បំផុតសម្រាប់បំភ្លឺជីវិតក្មួយ និងជាធាតុដ៏សំខាន់ក្នុងការកសាង និងអភិវឌ្ឍន៍សម្ថភាពផ្ទាល់ខ្លួនបន្ថែមទៀត ដើម្បីចូលរួមចំណែកដល់កិច្ចការងារសង្គមផងដែរ”។

ទន្ទឹមនឹងនោះ អ្នកស្រីបានជម្រាបជូនប្រជាពលរដ្ឋ ទទួលនូវរាល់មតិរិះគុណដេីម្បីស្ថានា ដែលសាធារណមតិបានផ្តល់ឲ្យមកអ្នកស្រី។ អ្នកស្រីឧកញ៉ា តាំង ហ្គិចលៀង បានបញ្ជាក់ជំហរថា តាំងពីដេីមមកដល់ពេលនេះ អ្នកស្រីពុំបានមានចិត្តខឹងសម្បារដល់ រាល់មតិរិះគន់ បន្តុះបង្អាប់អ្នកស្រីឡេីយ ផ្ទុយទៅវិញ អ្នកស្រីសូមដឹងគុណប្រជាពលរដ្ឋ ដែលបានធ្វេីជាកញ្ចក់ដ៏ថ្លា ដែលអាចឲ្យអ្នកស្រីឆ្លុះឃេីញ ខ្លួនឯងកាន់តែច្បាស់។

ជាមួយគ្នានោះ អ្នកស្រីក៏សូមអរគុណដល់បណ្តាអ្នកគាំទ្រ ដែលបានស្រឡាញ់ គាំទ្រ លើកទឹកចិត្ត ផ្តល់កម្លាំងចិត្ត ដល់អ្នកស្រី ដោយមានការលេីកទឹកចិត្តទាំងនេះហេីយ គឺជាក្តីសង្ឃឹមមួយ ហេីយក៏ជាកំលាំងចិត្ត ឲ្យអ្នកស្រីបន្តការចែរំលែកដល់សង្គមបន្តទៀត ។

បន្ថែមទៅទៀតនោះ អ្នកស្រីឧកញ៉ា តាំង ហ្គិចលៀង បានបញ្ជាក់ពីសាវតារបន្ថែមថា៖ ការពិតទៅនាងខ្ញុំគឺជាកូនអ្នកខ្សត់ខ្សោយដែរ ព្រោះលោកពុក អ្នកម្តាយ របស់នាងខ្ញុំ ជាអ្នកដែលកេីតចេញពីបាតដៃទទេដូចតែគ្នា ហេីយ នាងខ្ញុំតែងតែយករឿងនេះមកនិយាយកន្លងមក។នាងខ្ញុំមិនដែលរើសអើងនឹងអ្នកដែលមានជីវភាពទន់ខ្សោយនោះទេ ព្រោះនាងខ្ញុំអាចរកសុីមានបានតិចតួចនេះ ក៏ដោយសារមានពួកគាត់ទាំងអស់ជាអ្នកជួយជ្រោមជ្រែង​។ នាងខ្ញុំតែងតែដឹងគុណដល់បុគ្គលិក ក៏ដូចជាអ្នកដែលគាត់ បានជួយនាងខ្ញុំ រហូតមក បេីគ្មានអ្នកទាំងអស់គ្នាក៏ខ្ញុំគ្មានថ្ងៃនេះដែរ “ អគុណមានអ្នក “ ។

បើទោះជាមានការរិះគន់យ៉ាងណាក្តី អ្នកស្រីបានប្រកាសសូមទទួលយកនូវរាល់បទពិសោធល្អៗក្នុងប៉ុន្មានថ្ងៃនេះ ទោះវិជ្ជមាន ក្តី អវិជ្ជមានក្តី អ្នកស្រីពិតជារៀនសូត្របានច្រេីនមែន ជាពិសេស​ សាររបស់សម្តេចតេជោ បានធ្វេីអោយអ្នកស្រីភ្ញាក់ខ្លួនជាខ្លាំង ហើយសូមសន្យាថា​ នឹងប្រេីប្រាស់បទពិសោធទាំងអស់នេះ ឲ្យក្លាយជាប្រយោជន៍ដល់សង្គមជាតិ គ្រាន់ជាការតបស្នងសងគុណ៕

The post អ្នកស្រីឧកញ៉ា តាំង ហ្គិចលៀង គោរពអរគុណសម្តេចតេជោ និងសន្យាប្រេីប្រាស់បទពិសោធទាំងអស់នេះ ឲ្យក្លាយជាប្រយោជន៍ដល់សង្គមជាតិ appeared first on .

នាយប់ថ្ងៃដដែលនេះ សម្តេចតេជោ ហ៊ុន សែន បានបញ្ជាក់ក្នុងបណ្តាញសង្គមតេឡេក្រាមយ៉ាងដូច្នេះថា ខ្ញុំសូមបងប្អូនស្តាប់ការបកស្រាយទាំងស្រុងរបស់ក្មួយស្រីតាំង ហ្គិចលៀង ដែលពិតជាមានបំណងល្អក្នុងការចែក
រំលែកនូវបទពិសោធន៍ដែលខ្លួនមានទៅកាន់បងប្អូនដែលចង់យល់ចង់ដឹង។

សម្តេចតេជោបានសរសេរលើកឡើងថា ការយកពាក្យត្រឹមទម្លាប់អ្នកមាននិងទម្លាប់អ្នកក្រដែលអ្នកស្រីឧកញ៉ា តាំង ហ្គិចលៀង បាននិយាយដោយខ្វះការបែងចែកស្ថានភាពខុសគ្នារវាងអ្នកមានទ្រព្យនិងការខុសគ្នារវាងអ្នកមានជីវភាពខ្វះខាតនិងការរៀបពាក្យមិនបានល្អអាចធ្វើឲ្យមានការភ័នច្រឡំថាក្មួយស្រីមើលងាយអ្នកក្រទៅវិញ។

សម្តេចតេជោបញ្ជាក់បន្ថែមអំពាវនាវឲ្យមើលព្រៃទាំងមូលគួបផ្សំជាមួយមើលដើមឈើមួយដើមៗទើបដឹងថាព្រៃស្រោងឬព្រៃរិចរឹល។ សម្តេចតេជោបញ្ជាក់ទៀតថា ការបញ្ជូនសារនេះចេញដើម្បីឲ្យបងប្អូនបានយល់បន្ថែមលើការបកស្រាយរបស់សម្តេចតេជោអំពីបំណងល្អរបស់អ្នកស្រីឧកញ៉ា និងសូមបញ្ចប់ការវាយប្រហារគ្នាតាមបណ្តាញសង្គម៕

The post សម្តេចតេជោ ហ៊ុន សែន អំពាវនាវបន្ថែមឲ្យស្តាប់ការលើកឡើងរបស់អ្នកស្រីឧកញ៉ា តាំង ហ្គិចលៀង appeared first on .

ការចេញសាររបស់សម្តេចតេជោធ្វើឡើងក្រោយនៅលើបណ្ដាញសង្គមថ្មីៗផ្អើលរឿងរ៉ាវពាក្យអ្នកមានអ្នកក្រ ដោយអ្នកស្រីឧកញ៉ា តាំង ហ្គិចលៀង ក្នុងកម្មវិធីសិក្ខាសាលាមួយពេលកន្លងទៅ ប៉ុន្តែត្រូវបានអ្នកនិយមលេងបណ្តាញសង្គមកាត់តយកផ្នែកខ្លះបង្ហោះចែកចាយតៗគ្នា ធ្វើឲ្យមានការវែកញែកគ្នា រហូតសាមុីខ្លួនចែករំលែកនូវវីដេអូពេញរបស់អ្នកស្រីបានលើកឡើងកម្មវិធីនោះ។

តាមរយៈបណ្ដាញតេឡេក្រាមសម្តេចតេជោ ហ៊ុន សែន បានអះអាងថា ប្រទេសកម្ពុជាជាប្រទេសមិនមានការប្រកាន់វណ្ណៈអ្នកមានអ្នកក្រនោះទេ ពិតមែនយើងមានពាក្យអ្នកមានអ្នកក្រ ប៉ុន្តែនៅក្នុងពេលវេលាធ្វើបាឋកថា ឫធ្វើបទបង្ហាញណាមួយ មិនគួរយកពាក្យអ្នកមាននិងអ្នកក្រមកប្រើប្រាស់នៅទីនោះទេ តែគេអាចប្រើពាក្យប្រយោគតាមបែបផ្សេង ដោយសម្តេចតេជោលើកយកពាក្យ ត្រឹមអ្នកមានជីវភាពធូរធា និងជីវភាពទន់ខ្សោយ ដែលគេអាចប្រើពាក្យជំនួស។

សម្តេចតេជោ ហ៊ុន សែន ថ្លែងថា “យើងចង់ការបណ្តុះបណ្តាល ចែករំលែកបទពិសោធន៍របស់ដែលមានជោគជ័យ ហើយយើងក៏ចង់ឲ្យប្រទេសរបស់យើងរីកលូតលាស់ដោយមិនធ្វើតាមររៀប ប៉ុល ពត ដើម្បីកម្ទេចចោលអ្នកមាន ទុកចោរអ្នកក្រ ឲ្យក្រដូចគ្នា…!”។

យ៉ាងណា សម្តេចតេជោ បានណែនាំឲ្យត្រូវខិតខំធ្វើយ៉ាងណាឲ្យអ្នកមានជីវភាពទន់ខ្សោយ ឲ្យមានជីវភាពធូរធារឡើង ដោយសម្តេចលើកឡើងឲ្យសំឡឹងមើលប្រទេសអ្នកមានៗ ដូចជា អង់គ្លេស បារាំង អាល្លឺម៉ង់ អាមេរិក និងប្រទេសដទៃទៀត គឺមិនអាចកាត់ផ្តាច់រវាងអ្នកក្រ និងអ្នកមានបានឡើយ គឺសុទ្ធតែមានជីវភាពទន់ខ្សោយ ធូរធារ និងអ្នកមានដូចគ្នា។ ក្នុងន័យនេះ សម្តេចតេជោ ហ៊ុន សែន បានអំពាវនាវឲ្យមនុស្សត្រូវទទួលយកការចែករំលែកចំណេះដឹងដើម្បីអភិវឌ្ឍន៍ខ្លួនឡើង។

ជាមួយគ្នានេះ សម្តេចតេជោនាយករដ្ឋមន្ត្រី បានអំពាវនាវឲ្យបញ្ឈប់នូវការវែកញែកវាយប្រហារគ្នាដែលគ្មានអ្នកចាញ់ គ្មានអ្នកឈ្នះនេះ ដោយលើកឡើងបន្តថា អ្នកស្រីឧកញ៉ា តាំង ហ្គិចលៀង មានចេតនាល្អក្នុងការចែករំលែកបទពិសោធន៍ទៅដល់អ្នកដែលត្រូវការការយល់ដឹងប៉ុណ្ណោះ៕

The post សម្តេចតេជោ ហ៊ុន សែន៖ ការបកស្រាយរបស់អ្នកស្រីឧកញ៉ា តាំង ហ្គិចលៀង ក្នុងគោលបំណងល្អ appeared first on .

នៅថ្ងៃចន្ទ ទី២៦ ខែតុលា ឆ្នាំ២០២០នេះ លោកជំទា​វបានចែករំលែកនូវបទពិសោធន និង

រូបមន្តពិសេស សំរាប់អ្នកណាដែលជួយគេហើយ ចុងក្រោយគេខឹង។ លោកស្រី ឲ្យមករៀនតាមរូបមន្តពីស្វាមីលោកជំទាវ គឺលោកឧកញ៉ា អ៊ឹង លីហេង ក្នុងការពង្រឹងនិងអាចជួយឲ្យកាត់បន្តទម្លាប់ ដែលមានចិត្តរបស់យើងខ្លះ។ នេះជាគន្លឹះ និងបទពិសោធន ដែលលោកជំទាវអនុវត្តបានជោគជ័យមាន ៥ ចំណុចដូខាងក្រោម៖

១.បើគេមិនសុំ កុំអោយ​ ការ​ចែករំលែកពេលខ្លះ ត្រូវមើលទៅលើកាលទេសៈផងដែរ ជួនការគេមិនសុំ យើងអោយ អាចក្លាយមកទោសទៅវិញក៍មាន។ បើគេត្រេកអរនិងរបស់យើងអោយ វាជាការចែករំលែកដោយត្រឹមត្រូវ អ្នកអោយៗដោយចិត្តជ្រះថ្លា អ្នកទទួលៗដោយពេញចិត្តហើយរីករាយ។

២.បើគេមិនសួរ  កុំឆ្លើយ រឿងខ្លះបើគេមិនសួរយើងឆ្លើយក៍ត្រឹមត្រូវដែល ព្រោះយើងឃើញគេមានបញ្ហា ហើយគេមិនសួរយើងប្រាប់ដំណឹងទៅគេៗមិនទទួលយកវាជារឿងរបស់គេ តែយើងបានប្រាប់វាជាសីលធម៌ និងគុណតម្លៃយើងទៅវិញទេ។ រឿងខ្លះវាអាចដែល បើគេមិនសួរ យើងកុំឆ្លើយពិតជាត្រឹមត្រូវណាស់ តែបើឆ្លើយទៅគេសាទរ វាជារឿងដែលយើងត្រូវអបអរ ប៉ុន្តែយើគេមិនត្រេកអរទេវារឿងរបស់គេ កុំទៅគិតច្រើនពេល។

៣.បើគេមិនពឹង  កុំជួយ ជួយពេលខ្លួះអាចនាំមកនូវទោសក៍មាន នាំមកនូវលាភក៍មាន ប៉ុន្តែយើងត្រូវចេះថ្លឹងថ្លែងថា រឿងខ្លះត្រូវជួយចាំជួយ តែបើគេមិនពឹងកុំជួយអី។

៤.បើកគេមិនប្រើ កុំធ្វើ ជារឿងត្រឹមត្រូវ ធ្វើទៅល្អវាមិនអីទេ តែបើគេមិនប្រើយើងជួយខូតការគេ ប្រាកដនាំទោសដាក់ខ្លួនហើយ។

៥.បើគេមិនហៅ កុំទៅ វាជាកិត្តិយសណាស់សម្រាប់ជីវិតយើង ដែលថាបើគេមិនផង យើងទៅធ្វើអ្វី ពេលខ្លះគេថា យើងទៅរំខានគេក៍ថាបានដែរ។

សូមបញ្ជាក់ដែរថា៖ លោកជំទាវ តាំង ហ្គិចលៀង   អគនាយិការ នៃក្រុមហ៊ុនឌីហ្វើនីឈ័រ  ទទួលបានជ័យលាភីលេខ១ នៃវេទិកាស្រ្តីជជែកដេញដោល ពីភាពជាអ្នកដឹកនាំ នៅថ្ងៃទី១១ ខែវិច្ឆិកា ឆ្នាំ២០១៥ ដែលសហការរៀបចំដោយ រដ្ឋាលីដឌីង ក្រសួងកិច្ចការនារី មជ្ឈមណ្ឌលសហប្រតិបត្តិការកម្ពុជា-ជប៉ុន និងសមាគមសហគ្រិនស្រ្តីកម្ពុជា។

The post រូបមន្តពិសេសពីស្វាមីជំទាវ តាំង ហ្គិចលៀង គឺឧកញ៉ា អ៊ឹង លីហេង ពេលជួយគេហើយចុងក្រោយគេខឹង appeared first on .