លោកស្រី Rollins បានប្រាប់ទៅកាន់អ្នកយកព័ត៌មាននៅទីក្រុងវ៉ាស៊ីនតោនថា ការនាំចូលស៊ុតពីតួកគី និងកូរ៉េខាងត្បូងបានចាប់ផ្តើមរួចហើយ ខណ:សេតវិមានក៏កំពុងពិភាក្សាជាមួយប្រទេសផ្សេងៗទៀត អំពីលទ្ធភាពចំពោះការនាំចូលស៊ុតរបស់ពួកគេជាបណ្តោះអាសន្នបន្ថែមទៀត ផងដែរ។

ទន្ទឹមនឹងនេះ អ្នក​ស្រី​បាន​និយាយបន្ថែម​ទៀតថា​៖ “យើង​កំពុង​តែមានការពិភាក្សាជុំវិញការនាំចូលស៊ុត​រាប់​រយ​លានគ្រាប់ ​សម្រាប់​រយៈពេល​ខ្លី”។

គួរឲ្យដឹងថា តម្លៃស៊ុតបានកើនឡើងយ៉ាងខ្លាំង ដោយសារតែការផ្ទុះឡើងនៃជំងឺផ្តាសាយបក្សីជាច្រើនកន្លែង នៅក្នុងសហរដ្ឋអាមេរិក ដែលបង្ខំឲ្យយកសិករសម្លាប់សត្វស្លាបយ៉ាងហោចណាស់ ៣០ លានក្បាល និងមានការរឹតបន្តឹងយ៉ាងខ្លាំងចំពោះការផ្គត់ផ្គង់។

យ៉ាងណាមិញ ជុំវិញការកើនឡើងនៃតម្លៃស៊ុតនេះបានធ្វើឲ្យវាក្លាយជាការរិះគន់យ៉ាងខ្លាំងមួយ សម្រាប់ប្រធានាធិបតីលោក ដូណាល់ ត្រាំ ក្នុងអំឡុងពេលធ្វើយុទ្ធនាការបោះឆ្នោតរបស់ខ្លួនកាលពីឆ្នាំមុន ដោយលោកធ្លាប់បានសន្យាថានឹងជួយដោះស្រាយការកើនឡើងនៃតម្លៃទំនិញសំខាន់ៗ ក្នុងអំឡុងពេលកាន់តំណែងរបស់ប្រធានាធិបតីអាណត្តិមុន លោក ចូ បៃដិន៕

The post អាមេរិក នាំចូលស៊ុតពីកូរ៉េខាងត្បូង និងតួកគីបន្ថែម ដើម្បីបន្ធូរបន្ថយតម្លៃដែលកំពុងកើនឡើង appeared first on .

លោក Ibrahim Afyon ប្រធានសមាគមអ្នកផលិតស៊ុតតួកគី (YUM-BIR) បានប្រកាសនៅថ្ងៃទី២០ ខែកុម្ភ:នេះថា ប្រទេសរបស់ខ្លួន បានចាប់ផ្តើមនាំចេញស៊ុតចំនួន ៧០០ កុងតឺន័រទៅកាន់សហរដ្ឋអាមេរិក ដើម្បីជួយប្រទេសនេះកាត់បន្ថយផលប៉ះពាល់នៃការផ្ទុះឡើងនៃជំងឺផ្តាសាយបក្សី។ លោកបន្តទៀតថា ការដឹកជញ្ជូនដំបូងបានចាប់ផ្តើមក្នុងខែនេះ ហើយនឹងបន្តរហូតដល់ខែកក្កដា។

លោក Afyon បាននិយាយថា៖ “សកម្មភាពនាំចេញនេះត្រូវបានអនុវត្តដោយក្រុមហ៊ុនសមាជិក YUM-BIR ដែលមានអាជ្ញាប័ណ្ណពេញលេញ។ ស៊ុតសរុបចំនួន ១៥ ០០០ តោននឹងត្រូវដឹកជញ្ជូនទៅកាន់សហរដ្ឋអាមេរិក” ។

គួរឲ្យដឹងថា តួកគី ជាអ្នកនាំចេញស៊ុតដ៏ធំមួយក្នុងចំណោមអ្នកនាំចេញស៊ុតកំពូលៗទាំង១០ របស់ពិភពលោក។ ការនាំចេញស៊ុតទៅសហរដ្ឋអាមេរិក ត្រូវបានគេរំពឹងថានឹងនាំមកនូវប្រាក់ចំណូលចំនួន ២៦លានដុល្លារសម្រាប់ប្រទេសតួកគី។

ជាមួយគ្នានេះ លោក Chad Gregory ប្រធានក្រុមហ៊ុន United Egg Producers ដែលជាសមាគមតំណាងអ្នកផលិតស៊ុតនៅសហរដ្ឋអាមេរិកបាននិយាយថា “យើងគាំទ្រការនាំចូលស៊ុតបណ្តោះអាសន្នដើម្បីបន្ធូរបន្ថយភាពតានតឹងលើការផ្គត់ផ្គង់ក្នុងស្រុក” ។

ជម្រាបជូនផងដែរថា សហរដ្ឋ​អាមេរិក​ត្រូវ​បង្ខំចិត្តសម្លាប់​សត្វ​មាន់និង​សត្វ​ស្លាប​ប្រមាណ ១៦២ លាន​ក្បាល ដោយសារ​ជំងឺ​ផ្ដាសាយ​បក្សី។ ហើយការសម្លាប់នេះ បានធ្វើឲ្យការផ្គត់ផ្គង់ស៊ុតបានក្លាយទៅជារឿងខ្វះខាត តម្លៃស៊ុតបានកើនឡើងយ៉ាងខ្លាំង ស្របពេលជនជាតិអាមេរិកជាច្រើន បានសម្រេចចិត្តទិញសត្វមាន់មកចិញ្ចឹមដើម្បីយកស៊ុតដោយខ្លួនឯង៕

The post តួកគី នាំចេញស៊ុត ១៥ ០០០ តោន ទៅកាន់សហរដ្ឋអាមេរិក ចំពេលតម្លៃកើនឡើងខ្លាំង appeared first on .

ប្រវែងដ៏វែងរបស់ កាណាក់កាឡេ ឆ្នាំ១៩១៥ ក្នុងប្រទេសតួកគី បានធ្វើឲ្យវាស្ថិតនៅចំណោមវិស្វកម្មដ៏អស្ចារ្យបំផុតរបស់ពិភពលោក វ៉ាដាច់កំណត់ត្រារបស់ស្ពាន Akashi Kaikyo ប្រវែង ១ ៩៩២ម៉ែត្រនៅក្នុងប្រទេសជប៉ុន។ លើសពីនោះ ស្ពាននេះលាតសន្ធឹងតាមច្រកសមុទ្រ Dardanelles ដោយបានជួយកាត់បន្ថយពេលវេលាធ្វើដំណើរយ៉ាងច្រើន និងបង្កើនទំនាក់ទំនងពាណិជ្ជកម្មកាន់តែខ្លាំងបន្ថែមទៀតរវាងទ្វីបទាំងពីរ។

ស្ពាន កាណាក់កាឡេ ឆ្នាំ១៩១៥ ត្រូវបានដាក់ឈ្មោះតាមទីក្រុង កាណាក់កាឡេ ដែលស្ថិតនៅភាគពាយ័ព្យនៃប្រទេសតួកគី ខណៈឯឆ្នាំ១៩១៥ គឺសំដៅរំលឹកទៅឆ្នាំនៃជ័យជំនះរបស់កងទ័ពជើងទឹកអូតូម៉ង់ ប្រឆាំងបារាំង និងអង់គ្លេស កាលពីអំឡុងសង្គ្រាមលោកលើកទី១ ។ ចំពោះការសាងសង់វិញ គម្រោងដ៏ធំនេះ ត្រូវបានចាប់ផ្តើមកាលពីខែមីនា ឆ្នាំ២០១៧ និងបានបញ្ចប់ការសាងសង់កាលពីថ្ងៃទី២៦ ខែកុម្ភៈ ឆ្នាំ២០២២ ក្រោមការបណ្តាក់ទុនរួមគ្នារបស់ក្រុមហ៊ុនមកពីតួកគី និងកូរ៉េខាងត្បូង។

គួរឲ្យដឹងផងដែរថា ក្រោយការដាក់ឲ្យប្រើប្រាស់ជាផ្លូវការមក ស្ពានយោលមួយខ្សែនេះ បានកាត់បន្ថយលើការប្រើប្រាស់សាឡាង ឬកប៉ាល់ឆ្លងពីម្ខាងទៅម្ខាងបានដល់ទៅ៩៣% ខណៈពីមុនធ្វើដំណើរឆ្លងកាត់ច្រកសមុទ្រ Dardanelles តាមរយៈកប៉ាល់ត្រូវចំណាយពេលប្រហែល ៩០នាទីឯណោះ ហើយមិនត្រឹមតែប៉ុណ្ណោះ វាក៏បានជំរុញឱកាសនៃការវិនិយោគ និងចំណេញដល់សេដ្ឋកិច្ច តាមរយៈទេសចរណ៍ និងការដឹកជញ្ជូនដូចគ្នា។

សូមជម្រាបបន្ថែមថា ចំពោះការសាងសង់ស្ពានយោល កាណាក់កាឡេ ឆ្នាំ១៩១៥ ត្រូវបានចំណាយទឹកប្រាក់អស់ប្រហែល ២,៥លានអឺរ៉ូ ហើយបើយោងតាមប្រធានាធិបតីតួកគីលោក Erdogan ធ្លាប់បានលើកឡើងថា ប្រទេសរបស់ខ្លួនសន្សំសំចៃប្រាក់ពីការធ្វើដំណើរលើស្ពាននេះចំនួន ៤១៥លានអឺរ៉ូក្នុងមួយឆ្នាំ ពោលបានកាត់បន្ថយការប្រើប្រាស់ប្រេងឥន្ធនៈ ដោយបញ្ចេញកាបូនទាប ជួយការពារបរិស្ថានមួយចំណែកផងដែរ៕

The post តិចអត់ដឹង! នេះជាស្ពានមានប្រវែងវែងជាងគេបំផុតនៅលើពិភពលោក ឆ្លងពីទ្វីបអ៊ឺរ៉ុប មកទ្វីបអាស៊ី appeared first on .

ពិធីចុះហត្ថលេខានេះត្រូវបានធ្វើឡើង នៅទីក្រុងអ៊ីស្តង់ប៊ុល រវាងនាយកប្រតិបត្តិក្រុមហ៊ុន BYD លោក Wang Chuanfu និងរដ្ឋមន្ត្រីឧស្សាហកម្ម និងបច្ចេកវិទ្យារបស់តួកគី លោក Fatih Kacir ដោយមានការចូលរួមពីសំណាក់ប្រធានាធិបតី លោក Recep Tayyip Erdogan ផងដែរ។

យោងតាមក្រសួងឧស្សាហកម្ម និងបច្ចេកវិទ្យាតួកគី បានបង្ហាញឲ្យដឹងថា ក្រុមហ៊ុន BYD នឹងបើករោងចក្រផលិតរថយន្តថ្មីមួយ ដែលមានសមត្ថភាពផលិតរថយន្តប្រចាំឆ្នាំក្នុងចំនួន ១៥ម៉ឺនគ្រឿង ព្រមទាំងសាងសង់មជ្ឈមណ្ឌលស្រាវជ្រាវ និងអភិវឌ្ឍផងដែរ។

គួរឲ្យដឹងផងដែរថា រោងចក្រថ្មីនេះ អាចនឹងផ្តល់ឱកាសការងារដល់ពលរដ្ឋក្នុងស្រុកចំនួន ៥ពាន់នាក់ ដោយគ្រោងនឹងចាប់ផ្តើមផលិតកម្ម នៅចុងឆ្នាំ២០២៦ ខាងមុខ។

បើតាមសេចក្តីថ្លែងការណ៍មួយរបស់ក្រុមហ៊ុន បានបង្ហាញឲ្យដឹងទៀតថា BYD មានគោលដៅក្នុងការលក់រថយន្តអគ្គិសនីរបស់ខ្លួនប្រហែល ២០ ០០០ គ្រឿង ទៅ ២៥ ០០០ គ្រឿងក្នុងមួយឆ្នាំ នៅលើទីផ្សារតួកគី និងនាំចេញចំនួន ៧៥ ០០០ គ្រឿងទៅកាន់សហភាពអឺរ៉ុប៕

The post BYD ឈានដល់ការចុះកិច្ចព្រមព្រៀងតម្លៃខ្ទង់ពាន់លានដុល្លារ ដើម្បីសង់រោងចក្រថ្មីនៅតំបន់អឺរ៉ុប appeared first on .

ការប្រកាសរបស់ប្រទេសតួកគី អាចនិយាយបានថា បង្ហាញពីការអាក់អន់ស្រពន់ចិត្ត ដ្បិតពួកគេបានដាក់ពាក្យស្នើសុំ ចូលជាសមាជិកនៃសហភាពអឺរ៉ុបជាយូរណាស់មកហើយ ក៏ប៉ុន្តែមិនដែលទទួលបានសិទ្ធពេញលេញនោះទេ បើទោះជាពួកគេជាសមាជិកអង្គការណាតូក្ដី។

ជាមួយគ្នា ក្រោយទទួលបានដំណឹងមួយនេះ វិមានក្រឹមឡាំងក៏បានអះអាងទៀតថា ពួកគេស្វាគមន៍វត្តមានរបស់ប្រទេសតួកគី បើសិនជាមានបំណងចង់ចូលរួមជាមួយ BRICS ខណៈបើសិនជាតួកគីពិតជាចូលរួមមែន នោះពួកគេនឹងក្លាយជាសមាជិកណាតូដំបូងបង្អស់ ដែលមានវត្តមាននៅក្នុងអង្គការ BRICS។

សូមជម្រាបបន្ថែមថា បច្ចុប្បន្ននេះ BRICS គឺកំពុងមានឥទ្ធិពលខ្លាំងនៅតំបន់មជ្ឈិមបូព៌ា និងអាហ្វ្រិក ដោយមានសមាជិកដូចជា ប្រេស៊ីល រុស្ស៊ី ឥណ្ឌា ចិន អាហ្រ្វិកខាងត្បូង អ៊ីរ៉ង់ អេហ្ស៊ីប អេត្យូពី និងអារ៉ាប់រួម ហើយថ្មីៗនេះប្រទេសថៃ ក៏បង្ហាញការចាប់អារម្មណ៍ ចង់ចូលរួមជាមួយ BRICS ដូចគ្នា៕

The post សមាជិកណាតូមួយ ប្រកាសចង់ចូលរួមជាមួយក្រុម BRICS appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ការដាក់ទណ្ឌកម្មសេដ្ឋកិច្ចពីអាមេរិក គឺក្នុងគោលបំណងកាត់បន្ថយប្រាក់ចំណូល របស់វិមានក្រឹមឡាំង និងបង្កការរំខានដល់ការធ្វើសង្គ្រាមរបស់រុស្ស៊ី ដោយមិនធ្វើឲ្យទីផ្សារប្រេង​ច្របូកច្របល់។

ជាមួយគ្នា តួកគី និងរុស្ស៊ី គឺជាដៃគូពាណិជ្ជកម្មជួញដូរប្រេងឆៅយ៉ាងសកម្ម ដោយរុស្ស៊ីគឺជាអ្នកនាំចេញប្រេងឆៅ និងប្រេងម៉ាស៊ូតដ៏ធំបំផុត ទៅកាន់សមាជិកអង្គការណាតូមួយនេះ។

តួយ៉ាង រយៈពេល ១១ខែដំបូង កាលពីឆ្នាំមុន តួកគីបាននាំចូលប្រេងឆៅពីប្រទេសរុស្ស៊ី ក្នុងចំនួនប្រមាណជិត ៩លានតោន និងប្រេងម៉ាស៊ូតប្រមាណ ៩,៤លានតោនផងដែរ។

សូមជម្រាបដែរថា តួកគីគឺជាសមាជិកអង្គការណាតូតែមួយគត់ ដែលមិនជាប់ក្នុងបញ្ជី “Unfriendly List” របស់រុស្ស៊ី ដោយសមាជិកណាតូមួយនេះ តែងតែព្យាយាមដើរតួជាអ្នកសម្របសម្រួល និងរកដំណោះស្រាយចំពោះសង្គ្រាមរវាងរុស្ស៊ី និងអ៊ុយក្រែន៕

The post ពាណិជ្ជកម្មតួកគី និងរុស្ស៊ី រងការគម្រាមកំហែងទណ្ឌកម្មសេដ្ឋកិច្ចថ្មី ពីអាមេរិក appeared first on .

បើយោងទៅតាមទិន្នន័យពីអគ្គនាយកដ្ឋានអជ្ញាធរអាកាសយានដ្ឋានរដ្ឋ (DHMI)) បានបង្ហាញថា ប្រទេសតួកគីបានដាក់ក្តីរំពឹងខ្ពស់ចំពោះការធ្វើដំណើរតាមផ្លូវអាកាសរបស់ខ្លួន នឹងមានកើនឡើងពីចំនួន ២២២,២លាននាក់នៅឆ្នាំ២០២៣ ដល់ចំនួន ២៣០,៨លាននាក់នៅឆ្នាំ២០២៤នេះ។

ក្នុងនោះការធ្វើដំណើរតាមជើងហោះហើរត្រង់ ត្រូវបានគេរំពឹងផងដែរថានឹងកើនឡើង៧,៧% ពីចំនួន ២១៤,២លាននាក់នៅឆ្នាំ២០២៣ ដល់ចំនួន ២៣០,៨លាននាក់នៅឆ្នាំ២០២៤ ហើយជាងនេះទៅទៀត តួលេខនេះត្រូវបានគេរំពឹងថានឹងកើនឡើងរហូតដល់ ២៣៩,៥លាននាក់នៅឆ្នាំ២០២៥ ។

ម្យ៉ាងវិញទៀត ការធ្វើដំណើររបស់អ្នកដំណើរក្នុងស្រុកក៏ត្រូវបានគេរំពឹងថា នឹងកើនឡើង១១,៨%ពីចំនួន ៩១លាននាក់នៅឆ្នាំ២០២៣ ដល់ចំនួន ១០១,៧លាននាក់នៅឆ្នាំនេះ ខណៈឯអ្នកដំណើរអន្តរជាតិវិញ ក៏ត្រូវបានគេដាក់និន្នាការនៃការកើនឡើងដល់ទៅចំនួន ១២៨,៦លាននាក់នៅឆ្នាំ២០២៤ ពីចំនួន១២២,៩លាននាក់នៅឆ្នាំមុន។

យ៉ាងណាបើងាកមកមើលពីចរាចរណ៍តាមផ្លូវអាកាសនៅប្រទេសតួកគីវិញ ក៏ត្រូវបានគេរំពឹងទុកថានឹងមានការកើនឡើងពីចំនួន ២,១លានជើង ដល់ចំនួន ២,៣លានជើងនៅឆ្នាំ២០២៤ ផងដែរ។

ផ្ទុយទៅវិញ កាលពីឆ្នាំ២០២៣ ការដឹកទំនិញតាមយន្តហោះបានឈានដល់ ៤,២លានតោន ក៏ប៉ុន្តែនៅឆ្នាំនេះ ការដឹកជញ្ជូនទំនិញត្រូវបានគេរំពឹងថានឹងមានការថយចុះនៅត្រឹម ៤,១លានតោន ខណៈដែលនៅឆ្នាំ២០២៥ ចំនួននេះត្រូវបានគេប៉ាន់ស្មានថានឹងកើនឡើងសាជាថ្មីទៀតចំនួន ៤,២លានតោន៕

The post តួកគីរំពឹងថាការធ្វើដំណើរតាមផ្លូវអាកាសរបស់ខ្លួន នឹងមានសន្ទុះខ្ពស់នៅឆ្នាំនេះ appeared first on .

មហាសន្និបាតមួយធ្វើឡើងដោយប្រទេសតួកគី ដែលស្ថិតនៅក្រោមការគ្រប់គ្រងដោយគណបក្សកាន់អំណាច របស់ប្រធានាធិបតី លោក Tayyip Erdogan បានធ្វើការអនុម័តទៅលើពាក្យស្នើសុំចូលជាសមាជិករបស់អង្គការណាតូដែលប្រទេសស៊ុយអែត បានធ្វើឡើងជាលើកដំបូង ក្នុងឆ្នាំ២០២២ ដើម្បីពង្រឹងសន្តិសុខរបស់ខ្លួន ក៏ដូចជាឆ្លើយតបទៅនឹងការឈ្លានពានរបស់រុស្ស៊ី ទៅលើអ៊ុយក្រែន ផងដែរ។

ទន្ទឹមនឹងនេះ លោក Fuat Oktay ប្រធានគណៈកម្មការកិច្ចការបរទេសរបស់សភាតួកគី និងជាសមាជិកមួយរបស់បក្ស AK ដែលកំពុងកាន់អំណាច បាននិយាយថា ៖”យើងគាំទ្រចំពោះការពង្រីកសមាជិករបស់អង្គការណាតូដើម្បីកែលម្អកិច្ចខិតខំប្រឹងប្រែងរបស់សម្ព័ន្ធភាព ដោយសង្ឃឹមថាការចូលរួមប្រយុទ្ធប្រឆាំងទៅនឹងអំពើភេរវកម្មរបស់ស៊ុយអែត គឺជាគំរូដ៏ល្អមួយ សម្រាប់សម្ព័ន្ធមិត្តផ្សេងទៀតរបស់យើង” ។

ជាមួយគ្នានេះដែរ ឯកអគ្គរដ្ឋទូតសហរដ្ឋអាមេរិកប្រចាំនៅប្រទេសតួកគី លោក Jeff Flake បាននិយាយនៅក្នុងសេចក្តីថ្លែងការណ៍ជាលាយលក្ខណ៍អក្សរកាលពីថ្ងៃអង្គារថា ៖”ខ្ញុំសូមកោតសរសើរយ៉ាងខ្លាំងចំពោះការសម្រេចចិត្តរបស់សភាតួកគី ក្នុងការអនុម័តចំពោះពាក្យស្នើសុំចូលរួមជាសមាជិករបស់ប្រទេសស៊ុយអែត ក្នុងអង្គការណាតូនៅថ្ងៃនេះ” ។

ជម្រាបជូនផងដែរថា ប្រធានាធិតបីតួកគី លោក Erdogan ត្រូវបានគេរំពឹងថានឹងចុះហត្ថលេខាលើច្បាប់នៃការស្នើសុំចូលរួមជាសមាជិកនេះ ក្នុងរយៈពេលប៉ុន្មានថ្ងៃខាងមុខ ដោយនេះមានន័យថាប្រទេសហុងគ្រី ជារដ្ឋសមាជិកតែមួយគត់ ដែលមិនទាន់មានការយល់ព្រមចំពោះការស្នើសុំចូលជាសមាជិករបស់ស៊ុយអែត នៅក្នុងអង្គការណាតូ ៕

The post ស៊ុយអែត ដកបន្លាធំចេញពីទ្រូង ក្រោយតួកគីអនុម័តលិខិតស្នើចូលជាសមាជិកណាតូ appeared first on .

អំឡុងកិច្ចប្រជុំឯស្ថានអគ្គកុងស៊ុលអង់គ្លេសប្រចាំទី្រក្រុងអ៊ីស្តង់ប៊ុលកាលពីថ្ងៃសុក្រ រដ្ឋមន្ត្រីពាណិជ្ជកម្មអង់គ្លេសលោកស្រី Kemi Badenoch បានសារទរចំពោះកិច្ចព្រមព្រៀងមួយនេះថាជា សក្ខីកម្មដ៏ធំមួយចំពោះទំនាក់ទំនងពាណិជ្ជកម្មរវាងប្រទេសទាំងពីរ។

លោកស្រី Badenoch បាននិយាយបន្ថែមទៀតថា នេះជាលើកទីបីហើយ ដែលចក្រភពអង់គ្លេសបានធ្វើការរួមគ្នាជាមួយតួកគី ដើម្បីធានាអនាគតនៃគម្រោងដឹកជញ្ជូនខ្នាតធំប្រកបដោយនិរន្តរភាព។ មួយវិញទៀត ខ្ញុំពិតជាមានសេចក្តីសមនស្សរីករាយជាខ្លាំង ដែលប្រទេសទាំងពីរកំពុងមើលឃើញពីកិច្ចព្រមព្រៀងដ៏ធំមួយទៀត ជាមួយនឹងហិរញ្ញវត្ថុចំនួន ១,២ពាន់លានអឺរ៉ូ (១,៣ពាន់លានដុល្លារ) សម្រាប់អ្វីដែលយើងជឿជាក់ថានឹងក្លាយជាផ្លូវរថភ្លើងផ្លាស់ប្តូររវាងទីក្រុង Yerkoy និងទីក្រុង Kayseri ។

រដ្ឋមន្ត្រីពាណិជ្ជកម្មរូបនេះបានបន្ថែមទៀតថា ខ្សែរថភ្លើងថ្មីនេះ នឹងជួយតួកគីពង្រីកបន្ថែមនូវខ្សែរថភ្លើងដែលបញ្ចេញកាបូនទាប ក៏ដូចជាកាត់បន្ថយការកកស្ទះ និងជួយកាត់បន្ថយកាបូនសុទ្ធជាង ៦ ៥០០តោនក្នុងមួយឆ្នាំ។ លើសពីនេះទៅទៀត គម្រោងនេះនឹងត្រូវអនុវត្តដោយការបណ្តាក់ទុនរួមគ្នារវាងក្រុមហ៊ុនតួកគី Dogus Construction Celikler និងក្រុមហ៊ុន Ozkar ដែលជាអ្នកម៉ៅការដ៏សំខាន់របស់ផ្លូវរថភ្លើងល្បឿនលឿន Ankara-Sivas ផងដែរ៕

The post តួកគី និងចក្រភពអង់គ្លេសចុះកិច្ចព្រមព្រៀងសាងសង់ផ្លូវរថភ្លើងល្បឿនលឿន appeared first on .

លោក Oya Narin បាននិយាយថា ដើម្បីអាចសម្រេចបាននូវគោលដៅដ៏មានមហិច្ឆតានេះ នឹងតម្រូវឲ្យប្រទេសធ្វើការរៀបចំឲ្យប្រសើរឡើង ក៏ដូចជាការធ្វើពិពិធកម្មសមត្ថភាពនាពេលបច្ចុបន្ន ដោយបង្កើតតំបន់ទេសចរណ៍ផ្សេងៗគ្នា។

ប្រទេសតួកគី មានជម្រើទេសចរណ៍ជាច្រើនរួចមកហើយ រួមមានទាំងឆ្នេរសមុទ្រ ទេសចរណ៍វប្បធម៌ ក៏ដូចជាសេវាសុខភាព។ លោក Narin បានបន្ថែមថា អ្នកដែលធ្វើការពាក់ព័ន្ធក្នុងវិស័យទេសចរណ៍ បាននឹងកំពុងធ្វើការដើម្បីពង្រីកវិសាលភាព ដូចជាការផ្សព្វផ្សាយតំបន់ទេសចរណ៍ និងការធ្វើម្ហូបអាហារជាដើម។

មិនត្រឹមតែប៉ុណ្ណោះ ប្រធានសមាគមវិនិយោគិនទេសចរណ៍រូបនេះ បាននិយាយថា​វិស័យទេសចរណ៍នឹងមានចំនួន៧,៥% នៃផលិតផលជាតិសរុបនៅឆ្នាំ២០២៨ ខណៈចំនួននេះកើនឡើងពី៥,៥% នាពេលបច្ចុបន្ន ហើយប្រាក់ចំណូលពីទេសចរណ៍នឹងឈានដល់ ១០០ពាន់លានដុល្លារ។

យ៉ាងណាមិញ ទិន្នន័យចុងក្រោយរបស់ក្រសួងវប្បធម៌ និងទេសចរណ៍តួកគីបានបង្ហាញថា ប្រទេសតួកគីបានទាក់ទាញភ្ញៀវទេសចរចំនួន ៥២,៧លាននាក់ក្នុងរយៈពេល ១១ខែដំបូងនៃឆ្នាំ២០២៣នេះ ស្របពេលក្រសួងបានដាក់គោលដៅថា នៅដំណាច់ឆ្នាំ២០២៣នេះ នឹងទទួលភ្ញៀវទេសចរបរទេសសរុបចំនួន ៦០លាននាក់ ក៏ដូចជាបង្កើតប្រាក់ចំណូលឲ្យបានចំនួន ៥៥,៦ពាន់លានដុល្លារ៕

The post តួកគីដាក់គោលដៅទាក់ទាញទេសចរបរទេស ៨០០លាននាក់ ក្នុងរយៈពេលខាងមុខ appeared first on .