តេស្តរកសំណាក

ក្រសួងអនុញ្ញាតឱ្យសេវាសុខាភិបាលឯកជនស្របច្បាប់ទាំងអស់ប្រើប្រាស់ឧបករណ៍តេស្តរហ័សរកកូវីដ១៩

ឧកញ៉ាកោះក្របី — Thu, 22 Apr 2021 06:41:41 +0000

ក្រសួងសុខាភិបាល សម្រេចអនុញ្ញាតឱ្យសេវាសុខាភិបាលឯកជនស្របច្បាប់ទាំងអស់ អាចប្រើប្រាស់ឧបករណ៍តេស្តរហ័ស (Rapid Antigen Test COVID-19) សម្រាប់រកមេរោគកូវីដ-១៩។ បើតាមការប្រកាសព័ត៌មានរបស់ក្រសួងសុខាភិបាលនៅថ្ងៃទី២២មេសានេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ពិស្តារ៖

សូមចុចអានអត្ថបទាក់ទងខាងក្រោម៖

ក្រសួងសុខាភិបាលចាប់ផ្ដើមប្រើឧបករណ៍ធ្វើតេស្តកូវីដរហ័សបំផុតត្រឹមកន្លះម៉ោងដឹងលទ្ធផលភ្លាម

The post ក្រសួងអនុញ្ញាតឱ្យសេវាសុខាភិបាលឯកជនស្របច្បាប់ទាំងអស់ប្រើប្រាស់ឧបករណ៍តេស្តរហ័សរកកូវីដ១៩ appeared first on .

ឧបករណ៍តេស្ដរហ័សនេះ រករោគវិនិច្ឆ័យ និងព្យាបាលបានលឿន ចំណាយត្រឹមតែ១០-១៥នាទីដឹងលទ្ធផល

ឧកញ៉ាកោះក្របី — Sun, 18 Apr 2021 08:47:34 +0000

ក្រសួងសុខាភិបាលនឹងចាប់ផ្ដើមអនុវត្ដ ការធ្វើតេស្ដរហ័សរកមេរោគកូវីដ១៩ ដែលមានឈ្មោះថា «COVID-19 Ag RAPID TEST DEVICE» នៅគ្រប់ទីតាំងដែលសង្ស័យទាំងអស់ ទាំងនៅរាជធានីភ្នំពេញ និងតាមបណ្ដាលខេត្ដក្រុង ដែលមានហានិភ័យខ្ពស់។

សូមចុច Subscribe Telegram https://t.me/oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

រូបភាព៖ Internet

រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ លោកជំទាវ យក់ សម្បត្ដិ បានថ្លែងថា បន្ទាប់ពីឃើញនូវប្រសិទ្ធិភាព នៃឧបករណ៍តេស្ដរហ័សនេះ កាលពីម្សិលមិញ ខណៈដែលយើងបានយកទៅធ្វើតេស្ដ ដល់អ្នកសង្ស័យកូវីដ១៩ នៅផ្សារដើមគរ ក្នុងចំណោមអ្នកសង្ស័យជាង ៩៤០នាក់ យើងរកឃើញអ្នកវិជ្ជមានរហូតដល់ទៅ៩១នាក់ ហើយយើងបានយកមកផ្ទៀងផ្ទាត់ជាមួយម៉ាស៊ីនធំ គឺឃើញលទ្ធផលដូចគ្នា។ ដូច្នេះថ្ងៃនេះយើងចាប់ផ្ដើមអនុវត្ដតែម្ដង។

រូបភាព ស៊ីស៊ី ថាមស៍

បើតាមលោកស្រី ឧបករណ៍តេស្ដរហ័សនេះ គឺជួយរករោគវិនិច្ឆ័យបានលឿន ព្យាបាលបានលឿន ចំណាយពេលត្រឹមតែ១០-១៥នាទីបានដឹងលទ្ធផល។ ចាប់ពីពេលនេះទៅ ពេលដែលអាចកំណត់គោលដៅអ្នកសង្ស័យហើយ គឺធ្វើតេស្ដនៅនឹងកន្លែងតែម្ដង បើវិជ្ជមានយើងនឹងបញ្ជូនគាត់ទៅព្យាបាល នៅមណ្ឌលកម្រិតមួយ ដើម្បីកុំឱ្យប្រជាពលរដ្ឋ ចល័តចេញពីតំបន់ ឬសង្កាត់ដែលគាត់រស់នៅ ជាពិសេសងាយស្រួល ក្នុងការគ្រប់គ្រងស្ថានការណ៍។

សូមជម្រាបជូនថា នៅទូទាំងប្រទេសកម្ពុជាបានរកឃើញអ្នកឆ្លងកូវីដ១៩ ចំនួន ៦១៨នាក់ ខណៈអ្នកជាសះស្បើយមានចំនួន៦០នាក់ គិតត្រឹមថ្ងៃនេះ។ អ្នកឆ្លងសរុបបានកើនឡើងដល់ ៦៣៨៩ នាក់ អ្នកជាសះស្បើយមានចំនួន ២៤៧៦នាក់ និងអ្នកស្លាប់បានកើនឡើងដល់ ៤៣នាក់៕

សូមចុចអាន

ទាំងកណ្តាលយប់ ឧកញ៉ា ស្រី ចាន់ថន ចុះរៀបចំកន្លែងធ្វើចត្តាឡីស័ក ជូនដល់កម្មកររោងចក្រ និងប្រជាពលរដ្ឋ

The post ឧបករណ៍តេស្ដរហ័សនេះ រករោគវិនិច្ឆ័យ និងព្យាបាលបានលឿន ចំណាយត្រឹមតែ១០-១៥នាទីដឹងលទ្ធផល appeared first on .

ទីតាំងចំនួន៣ មានសមត្ថភាពធ្វើតេស្តរកជំងឺកូវីដ១៩ ប្រមាណជិត១ម៉ឺនសំណាកក្នុង១ថ្ងៃ

ឧកញ៉ាកោះក្របី — Tue, 06 Apr 2021 08:23:37 +0000

បច្ចុប្បន្ននេះ កម្ពុជាអាចមានសមត្ថភាពធ្វើតេស្តរកជំងឺកូវីដ១៩ ប្រមាណជិត១ម៉ឺនសំណាកក្នុង១ថ្ងៃ នៅតាមទីតាំងចំនួន៣កន្លែង នៅរាជធានីភ្នំពេញ។ នេះបើតាមរដ្ឋមន្ត្រីក្រសួងសុខាភិបាលថ្លែងក្នុងឱកាសចុះពិនិត្យនៅមជ្ឈមណ្ឌលជាតិផ្ដល់ឈាម។

លោក ម៉ម ប៊ុនហេង មានប្រសាសន៍ថា ទីតាំងចំនួន៣កន្លែងនោះរួមមាននៅវិទ្យាស្ថានប៉ាស្ទ័រកម្ពុជាអាចធ្វើតេស្តបាន៤ពាន់សំណាកក្នុង១ថ្ងៃ វិទ្យាស្ថានសុខភាពសាធារណៈធ្វើតេស្តបានចំនួន៤ពាន់សំណាកនិងមជ្ឈមណ្ឌលជាតិផ្ដល់ឈាម ដែលនឹងដាក់ដំណើរការនៅក្នុងខែមេសានេះ អាចមានសមត្ថភាពតេស្ដចំនួន១៣០០សំណាកក្នុងមួយថ្ងៃ។

លោករដ្ឋមន្ត្រីបន្ថែមថា ក្រសួងនឹងពង្រីកមន្ទីរពិសោធន៍សម្រាប់ធ្វើតេស្តរកជំងឺកូវីដ១៩បន្ថែមទៀត នៅខេត្តមួយចំនួនទៀតដូចជានៅមន្ទីរពេទ្យខេត្ដព្រះសីហនុ, មន្ទីរពេទ្យខេត្ដសៀមរាប, មន្ទីរពេទ្យបាត់ដំបង ដែលនឹងធ្វើរួចរាល់ជាស្ថាពរនៅក្រោយចូលឆ្នាំខ្មែរនិងនៅទីក្រុងប៉ោយប៉ែត ខេត្តបន្ទាយមានជ័យ ដោយមិនបាច់បញ្ជូនសំណាកមករាជធានីភ្នំពេញទៀត។

លោកបញ្ជាក់ថា ក្រសួងនឹងត្រៀមដាក់ម៉ាស៊ីនតូចៗនៅតាមតំបន់នីមួយៗបន្ថែមទៀតផងដែរដូចជា នៅខេត្ដស្វាយរៀង កំពង់ចាម និងកំពង់ធំ។ លើសពីនេះលោកសាស្ត្រាចារ្យបានឲ្យដឹងទៀតថា ការពង្រីកមន្ទីរពិសោធន៍បន្ថែមទៀតនេះ ដើម្បីឆ្លើយតបទៅនឹងតម្រូវការសំណាក ដែលមានការកើនឡើងពីមួយថ្ងៃទៅមួយថ្ងៃ ខណៈកម្ពុជាកំពុងមានផ្ទុះជំងឺកូវីដ១៩ក្នុងសហគមន៍ធ្ងន់ធ្ងរ។

សូមបញ្ជាក់ថា ប្រទេសកម្ពុជាបានរកឃើញករណីជំងឺកូវីដ១៩ដំបូងបំផុតនៅថ្ងៃទី ២៧ ខែមករា ឆ្នាំ២០២០ ហើយរហូតមកដល់ថ្ងៃទី៥ ខែមេសា ឆ្នាំ២០២១ បានធ្វើតេស្តចំនួន៧៣១៣៨៣ស្មើនឹង៤៣៥៣៤ ក្នុង១លាន នាក់៕

The post ទីតាំងចំនួន៣ មានសមត្ថភាពធ្វើតេស្តរកជំងឺកូវីដ១៩ ប្រមាណជិត១ម៉ឺនសំណាកក្នុង១ថ្ងៃ appeared first on .

តេស្តរកសំណាក

ក្រសួងអនុញ្ញាតឱ្យសេវាសុខាភិបាលឯកជនស្របច្បាប់ទាំងអស់ប្រើប្រាស់ឧបករណ៍តេស្តរហ័សរកកូវីដ១៩

ឧបករណ៍តេស្ដរហ័សនេះ រករោគវិនិច្ឆ័យ និងព្យាបាលបានលឿន ចំណាយត្រឹមតែ១០-១៥នាទីដឹងលទ្ធផល

ទីតាំង​ចំនួន​៣​ មាន​សមត្ថភាព​ធ្វើតេស្ត​រក​ជំងឺ​កូ​វីដ​១៩​ ប្រមាណ​ជិត​១​ម៉ឺន​សំណាក​ក្នុង​១​ថ្ងៃ​

ទីតាំងចំនួន៣ មានសមត្ថភាពធ្វើតេស្តរកជំងឺកូវីដ១៩ ប្រមាណជិត១ម៉ឺនសំណាកក្នុង១ថ្ងៃ