តែងតាំងឧកញ៉ា

ឧកញ៉ា គួច ម៉េងលី ត្រូវបាន ព្រះមហាក្សត្រប្រទានគោរមងារជា “អ្នកឧកញ៉ា“

កូនចៅឧកញ៉ា — Mon, 30 Aug 2021 09:45:30 +0000

ឧកញ៉ាវេជ្ជបណ្ឌិត គួច ម៉េងលី អគ្គនាយកប្រតិបត្តិនៃក្រុមហ៊ុន ម៉េងលី ជេ. គួច អេឌ្យូខេសិន និងជាអ្នកជំនួញល្បីល្បាញមួយរូប នៅក្នុងវិស័យអប់រំនៅប្រទេសកម្ពុជា ត្រូវបានព្រះមហាក្សត្រ សព្វព្រះរាជហឫទ័យត្រាស់ប្រទានគោរមងារជា “អ្នកឧកញ៉ា“ហើយ នៅថ្ងៃទី២៧ ខែសីហា ឆ្នាំ២០២១នេះ ។

ខាងក្រោយនេះ ខ្លឹមសារទាំងស្រុង នៃព្រះរាជក្រឹត្យត្រាស់ប្រទានគោរមងារ “អ្នកឧកញ៉ា”។

សូមអានប្រវត្តិអ្នកឧកញ៉ា គួច ម៉េងលី៖

ឧកញ៉ាសញ្ជាតិខ្មែរ-អាមេរិក គួច ម៉េងលី មានខ្សែជីវិតបែបណា មុនវិលត្រឡប់មកធ្វើជំនួញនៅស្រុកកំណើត?

The post ឧកញ៉ា គួច ម៉េងលី ត្រូវបាន ព្រះមហាក្សត្រប្រទានគោរមងារជា “អ្នកឧកញ៉ា“ appeared first on .

សហស្ថាបនិកក្រុមហ៊ុន ជីប ម៉ុង ទាំង៣រូប ឡើងងារបន្ថែមទៀត ជា«អ្នកឧកញ៉ា»

កូនចៅឧកញ៉ា — Wed, 25 Nov 2020 06:20:29 +0000

ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃកម្ពុជា បានចេញព្រះរាជក្រឹត្យ ត្រាស់បង្គាប់ផ្តល់គោរមជូនលោកជំទាវឧកញ៉ា ភាព ហៀក, ឧកញ៉ា លាង ឃុន, ឧកញ៉ា លាង ម៉េង ជា «អ្នកឧកញ៉ា»។

អ្នកឧកញ៉ា ភាព ហៀក, អ្នកឧកញ៉ា លាង ឃុន និងអ្នកឧកញ៉ា លាង ម៉េង ដែលជាស្ថាបនិក និងសហស្ថាបនិកក្រុមហ៊ុន ជីប ម៉ុង ត្រូវបានប្រជាពលរដ្ឋកម្ពុជាជាច្រើនមើលឃើញថា «អ្នកឧកញ៉ាទាំង៣» បានចូលរួមយ៉ាងសកម្មក្នុងការងារសង្គម និងសប្បុរសធម៌នានាយ៉ាងច្រើន ក៏ដូចជាការចូលរួមឧបត្ថមកាកបាទក្រហម មូលនិធិគន្ធបុប្ផា ការសាងសង់មន្ទីពេទ្យកាលម៉ែត្រ ការសាងសង់សាលារៀន និងទីលានកីឡាតាមសាលាក្នុងរាជធានីភ្នំពេញ និងខេត្តនានា ការសាងសង់ផ្លូវថ្នល់ ការផ្តល់អាហាររូបករណ៍ និងការឧបត្ថម្ភយុទ្ធនាការណ៍ប្រយុទ្ធប្រឆាំងនឹងជំងឺកូវីដ-១៩ផងដែរ៕

ការផ្តល់គោរមងារជូន «អ្នកឧកញ៉ាទាំង៣» ពិតជាស័ក្តិសមទទួលបាននូវគោរមងារដ៏ខ្ពង់ខ្ពស់នេះជាមួយសកម្មភាពដ៏ប្រពៃក្នុងកិច្ចការជួយសង្គមរបស់អ្នកឧកញ៉ា។

សូមអានព្រះរាជក្រឹត្យត្រាស់បង្គាប់ផ្តល់គោរមងារជូនអ្នកឧកញ៉ា៖

The post សហស្ថាបនិកក្រុមហ៊ុន ជីប ម៉ុង ទាំង៣រូប ឡើងងារបន្ថែមទៀត ជា«អ្នកឧកញ៉ា» appeared first on .

លោក ស្រី តី វ៉ាវ៉ាន់ថន ត្រូវបានព្រះមហាក្សត្រតែងតាំងជាឧកញ៉ា

កូនចៅឧកញ៉ា — Sat, 21 Nov 2020 12:47:35 +0000

លោក ស្រី តី វ៉ាវ៉ាន់ថនត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាប្រោសព្រះរាជទាន គោរមងារជាឧកញ៉ាហើយ កាលពីថ្ងៃទី០១ ខែ វិច្ឆិកា ឆ្នាំ២០២០ នេះបើតាមការបង្ហោះលើផេកផ្លូវការរបស់ជំទាវ ហ៊ុន ស៊ីណាត មុននេះបន្តិច។

Facebook ផេកលោកជំទាវ ហ៊ុន ស៊ីណាតបានសរសេរមានខ្លឹមសារទាំងស្រុងបែបនេះថា”សូមចូលរួមអបអរសាទរចំពោះក្មួយស្រីតី វ៉ាវ៉ាន់ថន ដែលព្រះករុណាព្រះបាទសម្ដេចព្រះបរមនាថនរោត្តម សីហមុនីប្រទានគោរមងារជាឧកញ៉ា និងសូមជូនពរដល់ក្មួយទទួលបាននូវសុខភាពល្អ ជាពិសេសជោគជ័យគ្រប់ប្រការនិងសមប្រកបដោយព្រះពុទ្ធពរទាំងប្រាំប្រការគឺ អាយុ: វណ្ណ: សុខ: ពល: និងបដិភាណ: កុំបីឃ្លៀងឃ្លាតឡើយ។ 21.11.2020″

អ្នកស្រី តី វ៉ាវ៉ាន់ថន ត្រូវបានគេស្គាល់ថា ជាពុទ្ធសាសនិកខ្មែរ ដែលបានចូលរួមចំណែកកសាងសមិទ្ធផលនានាក្នុងព្រះពុទ្ធសាសនា និងបានធ្វើសកម្មភាពមនុស្សធម៌ចុះជួយប្រជាជននៅតាមបណ្តារាជធានីខេត្ត នាពេលកន្លងមកជាហូហែផងដែរ។

The post លោក ស្រី តី វ៉ាវ៉ាន់ថន ត្រូវបានព្រះមហាក្សត្រតែងតាំងជាឧកញ៉ា appeared first on .

លោក សុក រ៉ាដូ ត្រូវបានព្រះមហាក្សត្រតែងតាំង ជាឧកញ៉ា

កូនចៅឧកញ៉ា — Mon, 28 Sep 2020 05:43:38 +0000

លោក សុក រ៉ាដូ ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន គោរមងារជាឧកញ៉ាហើយ កាលពីថ្ងៃទី២៦ ខែ កញ្ញា ឆ្នាំ ២០២០កន្លងទៅនេះ។ នេះបើតាមឲ្យដឹងពី លោក ឧកញ៉ា នួន អក ផុសលើផេកផ្លូវការរបស់លោកឧកញ៉ា ប៉ុន្មាននាទីមុននេះ។

បន្ទាប់ពីមានបង្ហោះលើបណ្ដាញសង្គមពី លោក ឧកញ៉ា នួន អក ដែលជាមិត្តសម្លាញ់ជាដៃគូរកស៊ីជាមួយគ្នានោះ គេឃើញមានមិត្តភ័ក្ដិ ក៏ដូចFansរបស់លោកឧកញ៉ា បានចូលរួម អបអរសាទរជាបន្តបន្ទាប់។

លោក ឧកញ៉ា សុក រ៉ាដូ ត្រូវបានគេស្គាល់ថា ជាអ្នកជំនួញល្បីឈ្មោះម្នាក់ក្នុងខេត្ត ស្វាយរៀង ហើយក៏ជាប្រធានសភាពាណិជ្ជកម្ម ខេត្ត ស្វាយរៀង ផងដែរ។ មុនទទួលបានគោរមងារនេះ លោក ឧកញ៉ា តែងតែជួយដល់កិច្ចការសង្គមជា ច្រើននាពេលកន្លងមក។

ជាមួយនឹងការទទួលបានគោរមងារដ៍ឧត្ដុង្គឧត្ដមនេះ គេហទំព័រឧកញ៉ាញូស៍ Oknha news ដែលតែងតែធ្វើការងារផ្សព្វផ្សាយគ្រប់សកម្មភាពជាមួយឧកញ៉ាទាំងអស់នៅក្នុងស្រុកខ្មែរ គោរពជូនពរលោកឧកញ៉ា ព្រមទាំងក្រុមគ្រួសារ ជួបប្រទះនូវពុទ្ធពរទាំង៤ប្រការ កុំបីឃ្លៀងឃ្លាតឡើយ៕

The post លោក សុក រ៉ាដូ ត្រូវបានព្រះមហាក្សត្រតែងតាំង ជាឧកញ៉ា appeared first on .

អ្នកលក់អនឡាញល្បីឈ្មោះ ម៉ែរួយ ត្រូវបានព្រះមហាក្សត្រតែងតាំង ជាឧកញ៉ា

កូនចៅឧកញ៉ា — Wed, 02 Sep 2020 03:46:39 +0000

ម៉ែរួយ អគ្គនាយិកាក្រុមហ៊ុនរួយអ៉ីហ្វីនីធីដ៏ល្បីល្បាញលក់មានឈ្មោះដើមថា ស្រី ណារួម ត្រូវបានពីព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន គោរមងារជាឧកញ៉ាហើយ កាលពីថ្ងៃទី២៨ ខែ សីហា ឆ្នាំ ២០២០កន្លងទៅនេះ។ នេះបើតាមការបង្ហោះលើផេកផ្ទាល់ខ្លួនរបស់ Kru Rouy(Queen Law Of Universe)។

បន្ទាប់ពីទទួលបានគោរមងារខាងលើ បានធ្វើឲ្យអ្នកគាំទ្ររបស់ អ្នកជំនួញល្បីឈ្មោះរូបនេះ មានការចូលរួមអបអរ ព្រមទាំងជូនពរឧកញ៉ា ស្រី ណារួម ហៅម៉ែរួយជា ច្រើនអ្នក។

The post អ្នកលក់អនឡាញល្បីឈ្មោះ ម៉ែរួយ ត្រូវបានព្រះមហាក្សត្រតែងតាំង ជាឧកញ៉ា appeared first on .

កូនអ្នកខេត្តព្រៃវែងម្នាក់ទៀតហើយ ឡើងងារជា ឧកញ៉ា

កូនចៅឧកញ៉ា — Mon, 10 Aug 2020 04:26:26 +0000

វាសនាមនុស្សពិតជាមើលមិនឃើញមែន ជាអតីតកូនអ្នកលក់បន្លែ ដោយសារតែការប្រឹងរៀនសូត្រ ការប្រឹងប្រែងរកស៊ី ជួយដល់សង្គមជាច្រើន រហូតក្លាយជាឧកញ៉ា។ នេះគឺ ជាខ្សែជីវិតត្រួសៗ របស់លោក ផន វណ្ណិត ដែលទទួលបានគោរមងារជាឧកញ៉ា កាលពីថ្មីៗនេះ។

លោកឧកញ៉ា ផន វណ្ណិត ទើបតែទទួលបានគោរមងារ ជាឧកញ៉ា កាលពីថ្ងៃទី១ ខែសីហា ឆ្នាំ ២០២០ កន្លងទៅនេះ។ ឧកញ៉ា ផន វណ្ណិត បានសរសេរលើផេកផ្ទាល់ខ្លួនរៀបរាប់ពីប្រវត្តិខ្លួនឯងបែបនេះថា ៖ “នឹកឃើញជីវិតខ្លួនឯង មិនធ្លាប់ស្រមៃថាមានថ្ងៃនេះទេ កុំថាឡើយ គោរមងារជាឧកញ៉ា សូម្បីគិតថារកលុយឱ្យបានចាយគ្រប់គ្រាន់ក៏ពិបាកដែរ។ ខ្ញុំចាប់កំណើតឡើង នៅភូមិក្រូច ឃុំកន្សោមអក ស្រុកកំពង់ត្របែក ខេត្តព្រៃវែង ហើយចាស់ៗនៅទីនោះ ប្រាកដជាស្គាល់ច្បាស់ប្រវត្តិម្ដាយ ឪពុកខ្ញុំយ៉ាងច្បាស់ គឺអ្នកម្ដាយខំបេះបន្លែលក់ ឯឪពុកធ្វើចំណាកស្រុកទៅខេត្តផ្សេងរកការងារធ្វើ បែកប្រពន្ធកូន ជាទីស្រលាញ់ តាំងពីខ្ញុំនៅតូចៗមិនទាន់ដឹងក្ដីម្ល៉េះ។ខ្ញុំអាយុបាន ២ឆ្នាំ ម្ដាយខ្ញុំក៏ចេញពីស្រុកកំណើត ទៅខេត្តស្ទឹងត្រែង ជួបជុំជាមួយឪពុកវិញ ហើយសង្ឃឹមថាជីវិតស្រួលជាងមុនបន្តិច ប៉ុន្តែកាន់តែយ៉ាប់លើសដើម។ ក្នុងចំណោមបងប្អូន ៤នាក់ មានតែខ្ញុំប៉ុណ្ណោះ ដែលបានតស៊ូរៀនសូត្រជាប់លាប់ ហើយសង្ឃឹមថាអាចកែប្រែជីវិតបាន។ ចំណែកបងប្អូន ៣នាក់ទៀត មិនបានរៀនខ្ពស់ដល់ថ្នាក់សាកលវិទ្យាល័យទេ។អាយុ ១៣ឆ្នាំ ខ្ញុំបានបួសជាសាមណេរ ហើយក៏បានចាប់ផ្ដើមរៀនបន្តនៅខេត្តស្ទឹងត្រែង ដែលជាទឹកដីម្ដាយខ្ញុំកំពុងដាំបន្លែ ធ្វើចម្ការ។ តែក្រោយ ខ្ញុំក៏ទៅរៀននៅខេត្តក្រចេះវិញ ព្រោះនៅខេត្តស្ទឹងត្រែង អត់មានសាលារៀនថ្នាក់ខ្ពស់ទេ។ បែកពីម្ដាយ អារម្មណ៍កំព្រាពិបាកថ្លែង ប៉ុន្តែដាក់ចិត្តផ្ញើខ្លួនស្វែងរកវិជ្ជានៅពុទ្ធិកអនុវិទ្យាល័យរហូតទទួលជោគជ័យ និងបានបន្តមកសិក្សានៅពុទ្ធិកវិទ្យាល័យរាជធានីភ្នំពេញបន្តទៀត។ឆ្នាំ២០០៦ ខ្ញុំមានវាសនាល្អ ត្រូវបានគេបញ្ជូនទៅបន្តវិជ្ជានៅប្រទេសឥណ្ឌា រួចក៏ប្រឹងរៀនសូត្រនៅទីនោះ រហូតដល់ចប់ថ្នាក់បរិញ្ញាបត្រ និងអនុបណ្ឌិតនៅឆ្នាំ២០១១។ ជោគជ័យលើការរៀនសូត្រជាពេលវេលាដ៏រីករាយក្នុងជីវិត គិតថាអាចជួយម្ដាយឱ្យមានជីវភាពល្អប្រសើរជាងមុន ប៉ុន្តែពេលនោះ ក៏ជាពេលដែលម្ដាយចាប់ផ្ដើមធ្លាក់ខ្លួនឈឺ មានជំងឺមកបៀតបៀនពេញរាងកាយ។យ៉ាងណាមិញ ត្រលប់មកកម្ពុជា

ខ្ញុំបានព្យាយាមប្រមូលយកប្រាក់ដែលខ្លួនមានទាំងប៉ុន្មាន ជួយព្យាបាលម្ដាយ និងតាមមើលថែម្ដាយតាំងពីខេត្តស្ទឹងត្រែង រហូតដល់រាជធានីភ្នំពេញ។ ជារឿងដ៏សង្វេគបំផុត នៅថ្ងៃទី៩ ខែមេសា ឆ្នាំ២០១១ ម្ដាយរបស់ខ្ញុំក៏បានលាចាកលោក ទាំងមិនទាន់ស្គាល់ភាពស្រណុកសុខស្រួល បាយឆ្ងាញ់ម្ដងណាឡើយ ហើយការដែលគាត់ធ្លាក់ខ្លួនឈឺ គឺមកពីខំប្រឹងធ្វើការ មិនខ្វល់នឹងសុខភាពខ្លួនឯង។ដោយឡែក នៅឆ្នាំ២០១១ ខ្ញុំបានសឹកវិញ ដោយគ្មានប្រាក់ ឬទ្រព្យសម្បត្តិអ្វីជាប់ខ្លួនឡើយ គឺមានតែចំណេះវិជ្ជាមួយមុខគត់ ដែលនៅជាប់ខ្លួន។ ចាប់ផ្ដើមដំបូង ខ្ញុំបានបង្រៀននៅសាលា Newton Thilay និងសាលា Apsara Language and Computer សន្សំលុយទិញបានម៉ូតូមួយគ្រឿងជិះ។ ក្រោយមក នៅខែតុលាឆ្នាំ២០១១ ខ្ញុំក៏បានដាក់ពាក្យជាសាស្ត្រាចារ្យបង្រៀននៅសាកលវិទ្យាល័យបញ្ញាសាស្ត្រ និងបញ្ញាជាតិ ដោយទទួលបានប្រាក់ខែសមរម្យ អាចទំនុកបម្រុងខ្លួនឯងបាន ព្រមទាំងរៀបការជាមួយនារីជាទីស្រលាញ់ម្នាក់ គឺលោកជំទាវ ជា សូឡាឌី។ជីវិតជាសាស្ត្រាចារ្យ បានធ្វើឱ្យខ្ញុំ រៀនសូត្រកាន់តែច្រើនឡើង និងស្វែងយល់ពីសង្គមកម្ពុជាកាន់តែខ្លាំង។ ខ្ញុំតែងយកបទពិសោធន៍ដែលខ្លួនធ្លាប់ជួបប្រទះមកចែករំលែកដល់សិស្ស ហើយតែងដឹកនាំនិស្សិត ចូលរួមការងារសង្គមផ្សេងៗទៀតជាច្រើន

ដែលធ្វើឱ្យមនុស្សជាច្រើនទទួលស្គាល់សមត្ថភាព និងគុណតម្លៃ។ក្រោយមក សាកលវិទ្យាល័យនានា បានទាក់ទងខ្ញុំបង្រៀនជាបន្តបន្ទាប់ ហើយក៏មានក្រុមហ៊ុនទាក់ទងឱ្យធ្វើជាអ្នកប្រឹក្សាយោបល់ ដោយទទួលបានប្រាក់ខែកាន់តែច្រើន។ ទោះបែបនេះក្ដី ខ្ញុំគិតថា ជីវិតមិនអាចនៅដដែលរហូតទេ គឺត្រូវធ្វើអ្វីដែលថ្មីជានិច្ច ហើយខ្ញុំក៏បានគិតពីការរកស៊ីវិញម្ដង។តាមពិតទៅ ខ្ញុំមានចំណាប់អារម្មណ៍លើវិស័យកសិកម្ម និងវិស័យអចលនទ្រព្យតាំងពីឆ្នាំ២០១១ ហើយចាប់ផ្ដើមទិញដីដំបូងនៅម្ដុំចោមចៅ ផ្លូវជាតិលេខ៣ ដើម្បីទុកជាទ្រព្យជាប់ខ្លួន។ បន្ទាប់មកទៀត រាល់ថ្ងៃឈប់សម្រាក ខ្ញុំតែងធ្វើដំណើរទៅជាយក្រុង ពិសេសម្ដុំតំបន់ភ្នំរាប រហូតដល់គ្រួសារឆ្ងល់ថា ហេតុអ្វីបានជាខ្ញុំចេះតែទៅទីនោះ ប៉ុន្តែខ្ញុំមានគោលដៅច្បាស់សម្រាប់ខ្លួនឯងរួចទៅហើយ។ ខ្ញុំបានចាប់ផ្ដើមធ្វើចម្ការពោត ចម្ការប័រ បានជាង ២០ហិកតា ហើយក៏មានរីសតផ្ទាល់ខ្លួន។ ក្រោយមក ក៏ចាប់អារម្មណ៍ខ្លាំង លើវិស័យអចលនទ្រព្យ ហើយអាចបើកក្រុមហ៊ុនខ្លួនឯង នៅខែឧសភា ឆ្នាំ២០១៨។
យ៉ាងណាមិញ អ្វីដែលខ្ញុំអាចធ្វើបាន គឺប្រឹងជួយកសាងសមិទ្ធផលនានា និងធ្វើការងារសង្គមជាច្រើន។ មានប្រវត្តិជាកូនអ្នកក្រ ខ្ញុំមិនដែលភ្លេចកំណើត មិនភ្លេចថាចាប់ផ្ដើមពីណាទេ។ ទោះបីពេលនេះ ព្រះមហាក្សត្រ សព្វព្រះរាជហឬទ័យ ប្រោសប្រទានគោរមងារជា ឧកញ៉ា តែខ្ញុំនៅតែស្គាល់កំណើតខ្លួនឯង នៅខេត្តព្រៃវែង ចាំរាល់ការលំបាក ដែលធ្លាប់ឆ្លងកាត់៕

The post កូនអ្នកខេត្តព្រៃវែងម្នាក់ទៀតហើយ ឡើងងារជា ឧកញ៉ា appeared first on .

ស្ថាបនិកធនាគារ ព្រីនស៍ ត្រូវបានមហាក្សត្រប្រទានគោរមងារបន្ថែមជា អ្នកឧកញ៉ា

កូនចៅឧកញ៉ា — Sun, 02 Aug 2020 07:37:06 +0000

លោកឧកញ៉ា ចេន ហ្ស៊ី ស្ថាបនិក និងជាប្រធានក្រុមប្រឹក្សាភិបាលនៃធនាគារ ព្រីនស៍ ត្រូវបានមហាក្សត្រនៃព្រះរាជាណាចក្រកម្ពុជា ប្រទានគោរមងារបន្ថែម ពីលោកឧកញ៉ា ទៅជា អ្នកឧកញ៉ា។

ព្រះរាជក្រឹត្យខាងលើបានធ្វើឡើងទី១០ ខែ កក្កដា ឆ្នាំ ២០២០នេះ។ ជាមួយនឹងការ ទទួលបានគោរមងារថ្មីនេះផេកផ្លូវការរបស់ក្រុមហ៊ុនក៏បារសរសេរបង្ហោះលើបណ្ដាញសង្គម ដោយមានការជូនពរពីសំណាក់បុគ្គលិកគ្រប់លំដាប់ថ្នាក់ថែមទៀតផង។ ផេកPrince Bank Plc.បានសរសេរជា៣ភាសារបែបនេះថា”[以下有中文 & English below] សូមគោរពជូនពរ និងអបអរសាទរជូនចំពោះ លោកឧកញ៉ា ចេន ហ្ស៊ី ស្ថាបនិក និងជាប្រធានក្រុមប្រឹក្សាភិបាលនៃធនាគារ ព្រីនស៍ ក្នុងឱកាសដែលលោកឧកញ៉ាត្រូវបាន ព្រះបាទ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រទានគោរមងារជា «អ្នកឧកញ៉ា»

សូមគោរពជូនពីគណៈគ្រប់គ្រង និងបុគ្គលិកនៃធនាគារ ព្រីនស៍ ទាំងអស់

值此诺罗敦·西哈莫尼国王陛下授予太子银行的创始人兼董事长陈志阁下为“公爵”之际，银行的全体管理层及员工谨向陈志阁下致以最好的祝愿和祝贺。

All the management and staff of Prince Bank would like to extend our best wishes and congratulations to Oknha Chen Zhi, Founder and Chairman of Prince Bank, on the occasion of His Majesty King Norodom Sihamoni conferred him the title of “Neak Oknha”.”៕

ប្រភព៖ ផេក Prince Bank Plc.

The post ស្ថាបនិកធនាគារ ព្រីនស៍ ត្រូវបានមហាក្សត្រប្រទានគោរមងារបន្ថែមជា អ្នកឧកញ៉ា appeared first on .

មិនគួរអោយជឿពីអ្នកលក់ត្រកួននៅទីជនបទក្លាយជាឧកញ៉ា ប្រើពេលត្រឹមតែ៥ឆ្នាំ ជាភ្នាក់ងារអចលនទ្រព្យបង្កើតបានទ្រព្យជាង១០លានដុល្លារ។

កូនចៅឧកញ៉ា — Tue, 30 Jun 2020 08:47:01 +0000

ពីប្រវត្តិក្មេងដើរលក់ត្រកួនកំសត់ម្នាក់នៅទីជនបទ ក្នុងជីវភាពក្រលំបាកខ្វះមុខខ្វះក្រោយ រស់នៅឯជាយខេត្តស្ទឹងត្រែង បានតស៊ូរៀនសូត្ររហូតដល់បរិញ្ញាបត្រជាន់ខ្ពស់ ដោយលោកប្រើពេលរៀនផង ជាអាជីពភ្នាក់ងារអចលនទ្រព្យផងតាំងពីវ័យ២៣ឆ្នាំ
រហូតមកដល់អាយុ៤៦ឆ្នាំនៅឆ្នាំនេះ។

អ្វីដែលនឹកស្មានមិនដល់នោះគឺក្រៅពីការងារចូលរួមជួយសង្គម ក្នុងបទពិសោធន៍ភ្នាក់ ងារអចលនទ្រព្យ២៣ឆ្នាំ លោក តាន់ ខាំភឿ បានទទួលជោគជ័យក្លាយជាឧកញ៉ានៅក្នុងឆ្នាំ២០១៨ ក្រោយមកក៏ត្រូវបានសុំលាឈប់។

ក្រៅពីជំនាញអចលនទ្រព្យ លោក ខាំភឿ មានជំនាញយ៉ាងពិសេសគឺ ឯកទេសដោះបំណុលបង្វឹកផ្នត់គំនិត និងបង្កើតក្បួនអាជីវកម្មដំបូងដល់កូនសិស្សជំនិតរាប់រយនាក់របស់គាត់កន្លងមកដែលទទួលបានជោគជ័យ។

បច្ចុប្បន្ន លោក តាន់ ខាំ ភឿ ជាអគ្គនាយកនៃក្រុមហ៊ុន អចលនទ្រព្យ ខាំភឿ រៀលធី ឯ.ក (KHAM PHOEUR REALTY CO., LTD.) នៅរាជធានីភ្នំពេញ ហើយក៏ជាសមាជិកទីប្រឹក្សាសភាពាណិជ្ជកម្ម និងជាប្រធានសម្ព័ន្ធសមាគមសហគ្រាសធុនតូច
និងមធ្យម (FASMEC) ប្រចាំខេត្តស្ទឹងត្រែងផងដែរ។
អត្ថបទនិងរូបភាព៖ ផ្ដល់ឲ្យដោយជំនួយការ លោក តាន់ ខាំភឿ

អត្ថបទនឹងរូបភាព៖ផ្ដល់ឲ្យដោយ ជំនួញការលោក ខាំភឿ

The post មិនគួរអោយជឿពីអ្នកលក់ត្រកួននៅទីជនបទក្លាយជាឧកញ៉ា ប្រើពេលត្រឹមតែ៥ឆ្នាំ ជាភ្នាក់ងារអចលនទ្រព្យបង្កើតបានទ្រព្យជាង១០លានដុល្លារ។ appeared first on .

តើជួយជាតិអស់ប៉ុន្មានម៉ឺនដុល្លារ ទើបបានងារជា “ឧកញ៉ា”?

កូនចៅឧកញ៉ា — Mon, 29 Jun 2020 03:04:21 +0000

យោងអនុក្រឹត្យលេខ១៥ អនក្រ ចុះថ្ងៃទី០៥ ខែមេសា ឆ្នាំ១៩៩៤ ត្រង់មាត្រា២ បានចែងថា៖ “សប្បុរសជនដែលបានធ្វើអំណោយជូនរដ្ឋ ជាថវិកាឬសំភារៈ មានតម្លៃលើសពីដប់ម៉ឺនដុល្លារអាមេរិក (100,000 $) ឡើងទៅ ត្រូវបានជូនមេដាយស្ថាបនាជាតិថ្នាក់លេខ១ និងត្រូវបានរាជរដ្ឋាភិបាលស្នើសុំព្រះរាជយោបល់ដ៏ខ្ពង់ខ្ពស់ នៃព្រះករុណាជាអម្ចាស់ជីវិតដំកល់លើត្បូង ដើម្បីទ្រង់ព្រះរាជទានគោរម្យងារជា «ឧកញ៉ា»”។

ប៉ុន្តែនៅថ្ងៃទី២០ ខែមីនា ឆ្នាំ២០១៧ រាជរដ្ឋាភិបាលកម្ពុជា បានចេញអនុក្រឹត្យកែសម្រួលចំណុចទី១ មាត្រា២ នៃអនុក្រឹត្យលេខ១៥ ឆ្នាំ១៩៩៤ វិញ ដោយមាត្រា១ថ្មី បានចែងថា៖ “សប្បុរសជន ដែលបានធ្វើអំណោយជូនរដ្ឋ ជាថវិកា ឬសម្ភារៈ ដែលមានតម្លៃលើសពីដប់ម៉ឺនដុល្លារអាមេរិក (100,000 $) ឡើងទៅ ត្រូវបានជូនមេដាយស្ថាបនាជាតិថ្នាក់លេខ១។ សប្បុរសជន ដែលបានធ្វើអំណោយជូនរដ្ឋជាថវិកា ឬសម្ភារៈ ដែលមានតម្លៃលើសពីហាសិបម៉ឺនដុល្លារអាមេរិក (500,000 $) ឡើងទៅ ត្រូវបានរាជរដ្ឋាភិបាលស្នើសុំព្រះរាជយោបល់ដ៏ខ្ពង់ខ្ពស់ នៃព្រះករុណាជាអម្ចាស់ជីវិតតម្កល់លើត្បូង ដើម្បីទ្រង់ព្រះរាជទានគោរម្យងារជា «ឧកញ៉ា‍»”។

ដូច្នេះមានន័យថា បច្ចុប្បន្ននេះដើម្បីទទួលបានគោរម្យងារជា “ឧកញ៉ា” គឺទាល់តែបុគ្គលរូបនោះធ្វើអំណោយជូនរដ្ឋ មានតម្លៃលើសពី ៥០ម៉ឺនដុល្លារឡើងទៅ។ បើតាមនាយកដ្ឋានឥស្សរិយយស នៃទីស្តីការគណៈរដ្ឋមន្ត្រី ចំពោះគោរម្យងារឧកញ៉ា គឺមានដូចជា “ឧកញ៉ា”, “អ្នកឧញ៉ា” និង “លោកអ្នកឧកញ៉ា”៕

ប្រភព៖ផេក ព័ត៌មានមន្ត្រីរាជការ

The post តើជួយជាតិអស់ប៉ុន្មានម៉ឺនដុល្លារ ទើបបានងារជា “ឧកញ៉ា”? appeared first on .

អតីតអ្នកដឹកនាំសម្តែងក្នុងផលិតកម្មថោនម្នាក់ ឡើង ងារជា ឧកញ៉ា

កូនចៅឧកញ៉ា — Mon, 22 Jun 2020 02:59:28 +0000

លោក ប៊ុន រតនា ហៅ សេម ជាអតីតអ្នកដឹកនាំសម្តែងដ៏ល្បីល្បាញមួយរូបនៅក្នុងផលិតកម្មថោន ត្រូវបានព្រះរាជក្រឹត្យត្រាស់បង្គាប់ឡាយព្រះហស្តលេខាផ្ដល់គោរមងារជា ឧកញ៉ា ហើយកាលពីចុងសប្ដាហ៍មុននេះ។

លោក ប៊ុន រតនា ហៅ សេម ត្រូវបានគេស្គាល់ជា ជាអ្នកដឹកនាំសម្ដែងខារ៉ាអូខេល្បីឈ្មោះមួយ ជាពិសេសនោះគឺក្នុងចង្កោមអ្នកសិល្បៈ។ លោកបានក្លាយជា អ្នកដឹកនាំសម្ដែង តាំងតែពីផលិតកម្មថោនទើប នឹងចាប់ផ្ដើមដំណើរការមកម្ល៉េះ។ ស្នាដៃ ជាច្រើនបទត្រូវបានអតីតផលិតកររូបនេះ បានចេញផលិត ក្នុងនោះមានបទល្បីៗជាច្រើនដូចជាបទ រួមមានដូចជា I am sorry, អស់ឱកាស, សុំពេលឈឺចាប់មួយគ្រា, បើបងក្បត់ខ្ញុំសូមឱ្យអត់កូនប្រើ, ពេលនេះ ម៉ោងនេះ ខ្ញុំកំពុងខូចចិត្តជាទម្ងន់, ក្រែងចិត្តសង្សារចាស់, ពេលគេងលក់ទើបអាចភ្លេចបង, ពុកខ្ញុំជាប៉ូលិសចរាចរណ៍ និងបទចម្រៀងល្បីៗជាច្រើនទៀតផងដែរ។

លោក ប៊ុន រតនា ហៅ សេម ទើបតែទម្លាក់ការងារជា អ្នកដឹកនាំសម្ដែង មកពង្រឹងលើអាជីវកម្មទិញ-លក់រថយន្តដែលមានឈ្មោះថា S-Auto ។ អាជីវកម្មទិញលក់រថយន្តមួយនេះ បានធ្វើឲ្យលោកមានសេដ្ឋកិច្ចកាន់តែប្រសើរជាខ្លាំង ព្រមទាំងមានមុខរបរជាច្រើនទៀត ប៉ុន្តែមុខរបរទាំងនោះមិនត្រូវបានបញ្ចេញឡើយ។

ជាមួយនឹងភាពជោគជ័យរហូតទទួលបានគោរមងារជា ឧកញ៉ាដូចបានរៀបរាប់ខាងលកើនេះ គេឃើញមាន សិល្បករ-សិល្បការិនីជាច្រើន បានសរសេរសារជូនពរ លោកលើបណ្ដាញសង្គម យ៉ាង គគ្រឹកគគ្រេងផងដែរ៕

អត្ថបទ៖ ខុត សីហា

រូបភាព៖ FB

The post អតីតអ្នកដឹកនាំសម្តែងក្នុងផលិតកម្មថោនម្នាក់ ឡើង ងារជា ឧកញ៉ា appeared first on .

តែងតាំងឧកញ៉ា

ឧកញ៉ា ​គួច ម៉េងលី ត្រូវ​បាន ព្រះមហាក្សត្រប្រទានគោរមងារជា “អ្នកឧកញ៉ា“

សហស្ថាបនិក​ក្រុមហ៊ុន​​ ជីប ម៉ុង ទាំង​៣រូប ឡើង​ងារ​​បន្ថែម​ទៀត ជា​«អ្នកឧកញ៉ា»

លោក ស្រី តី​ វ៉ាវ៉ាន់ថន ត្រូវ​បាន​ព្រះ​មហាក្សត្រ​តែងតាំង​ជា​ឧកញ៉ា

លោក សុក រ៉ាដូ ត្រូវ​បាន​ព្រះ​មហាក្សត្រ​​តែងតាំង ជា​ឧកញ៉ា

អ្នក​លក់​អន​ឡាញ​ល្បី​ឈ្មោះ ម៉ែរួយ ត្រូវ​បាន​ព្រះមហាក្សត្រ​តែងតាំង ជា​ឧកញ៉ា

កូន​អ្នក​ខេត្ត​ព្រៃវែង​ម្នាក់​ទៀត​ហើយ ឡើង​ងារ​ជា ឧកញ៉ា

ស្ថាបនិក​ធនាគារ ព្រីនស៍ ត្រូវ​បាន​មហាក្សត្រ​ប្រទាន​គោរម​ងារ​​បន្ថែម​ជា អ្នក​ឧកញ៉ា

តើ​ជួយ​ជាតិ​អស់​ប៉ុន្មាន​ម៉ឺន​ដុល្លារ ទើប​បាន​ងារ​ជា “ឧកញ៉ា”?

អតីតអ្នកដឹកនាំសម្តែងក្នុងផលិតកម្មថោន​ម្នាក់ ឡើង ងារជា ឧកញ៉ា