សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នេះបើតាមការឲ្យដឹងពី លោក ឃួង ស្រេង អភិបាលរាជធានីភ្នំពេញ ក្នុងកិច្ចប្រជុំនៅថ្ងៃទី១៧ ឧសភានេះ ដើម្បីពិនិត្យ ពិភាក្សានិងកំណត់ទីតាំងអោយបានច្បាស់លាស់ ពាក់ព័ន្ធនឹងការបង្រួមតំបន់ក្រហមអោយនៅតូចរហូតតាមខ្នងផ្ទះ តាមអគារឬនៅតាមខុនដូរ នៅថ្ងៃ១៩ ឧសភាខាងមុខនេះ ដើម្បីផ្តាច់ឬសគល់ជម្ងឺកូវីដ-១៩ ។

លោក ឃួង ស្រេង បានបញ្ជាក់ថា ចំពោះទីតាំងដែលបិទខ្ទប់ អាជ្ញាធរខណ្ឌត្រូវមើលការខុសត្រូវឲ្យបានម៉ត់ចត់បំផុត ទាំងបញ្ហាសុខភាពប្រជាពលរដ្ឋនិងស្បៀងអាហារ ព្រោះថា ស្បៀងរបស់យើង មានគ្រប់គ្រាន់ មិនខ្វះចែកជូនប្រជាពលរដ្ឋនោះទេ៕

The post រដ្ឋាភិបាលរាជធានី នឹងបង្រួមតំបន់ក្រហមឲ្យនៅតាមខ្នងផ្ទះ អគារ ឬខុនដូរ នៅថ្ងៃ១៩ ឧសភានេះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អាជ្ញាធររាជធានីភ្នំពេញ បានចុះអន្តរាគមន៍ ធ្វើការសម្របសម្រួលជាមួយម្ចាស់បន្ទប់ជួល ជាលទ្ធផលម្ចាស់បន្ទប់ជួលបានសម្រេចចុះតម្លៃបន្ទប់ត្រឹមតែ២០ដុល្លារ។ ម្យ៉ាងការបញ្ចុះតម្លៃនេះ ក៏ប្រហាក់ប្រហែលទៅហ្នឹងកម្រិត៥០ភាគរយដែលបងប្អូនទាមទារដែរ ព្រោះក្នុងមួយបន្ទប់ជួលតម្លៃត្រឹម ៥៥ដុល្លារប៉ុណ្ណោះ ។

លោក នួន ផារ័ត្ន អភិបាលរងរាជធានីភ្នំពេញ បានមានប្រសាសន៍ថា ការចុះតម្លៃ២០ដុល្លារនេះ គឺម្ចាស់ផ្ទះជួលចុះជូនបងប្អូនតែមួយខែនោះទេ ។ ដោយឡែកចំពោះ បញ្ហាទឹកប្រើប្រាស់ប្រចាំថ្ងៃ គឺខាងរដ្ឋករទឹកស្វយ័តមិនគិតប្រាក់ជូនបងប្អូនចំនួន៣ខែ ប៉ុន្តែបើសម្រាប់ការប្រើប្រាស់អគ្គីសនី គឺត្រូវគិតធម្មតា ។

ចំពោះមូលហេតុដែលបងប្អូនពលរដ្ឋសុំឲ្យអាជ្ញាធរជួយអន្តរាគមន៍ដល់ម្ចាស់ផ្ទះ ចុះថ្លៃ៥០ភាគរយនោះ គឺដោយសារពួកគេពុំមានលុយកាក់បង់គ្រប់ចំនួនឡើយ ព្រោរយះពេល១ខែកន្លងទៅ ពួកគេពុំបានចេញទៅខាងក្រៅប្រកបការងារអ្វីទាំងអស់ ដោយសារតែបញ្ហាជម្ងឺកូវីដ១៩៕

The post ប្រជាពលរដ្ឋជាង ២០០នាក់ ប្រមូលផ្តុំគ្នាលើផ្លូវវេងស្រេង ដើម្បីសុំអាជ្ញាធរជួយអន្តរាគមន៍ដល់ម្ចាស់បន្ទប់ជួលឲ្យចុះថ្លៃបន្ទប់៥០% appeared first on .

ឯកឧត្តម ឃួង ស្រេង អភិបាលរាជធានីភ្នំពេញបានបញ្ជាក់ថា ៖ ស្ថានភាពអ្នកឆ្លង covid-19 នៅភ្នំពេញកើនឡើងពីជាង៤០០ទៅ៥០០នាក់ក្នុងមួយថ្ងៃ តែសម្រាប់ទូរលេខថ្ងៃនេះ អ្នកឆ្លង covid-19បានធ្លាក់ចុះមកនៅត្រឹមតែជាង២០០នាក់ប៉ុណ្ណោះ ដែលនេះ ជាសញ្ញាមួយបង្ហាញពីការថយចុះច្រើនអ្នកជម្ងឺកូវីដ-១៩ ។ ដូច្នេះជាវិធានការ របស់រដ្ឋបាលរាជធានីភ្នំពេញ នឹងពិភាក្សាដើម្បីរៀបចំតំបន់ក្រហមទាំងនេះ ឲ្យមកនៅរួមតូចជាងមុនឬអាចឈានទៅដល់ការបិទខ្ទប់ត្រឹមតែលំនៅដ្ឋានដែលមានបញ្ហាប្រឈមតែប៉ុណ្ណោះ ដើម្បីបង្កលក្ខណៈឲ្យបងប្អូនប្រជាពលរដ្ឋ ងាយស្រួលក្នុងការធ្វើចរាចរណ៍ បំពេញការងារនិងរកស៊ីបាន៕

ប្រភព៖ ទទក

The post អាជ្ញាធររាជធានីភ្នំពេញ គ្រោងបង្រួមតំបន់ក្រហម មកនៅទំហំតូចជាងមុន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សម្ដេចតេជោ ហ៊ុន សែន ក៏បានអំពាវនាវដល់រោងចក្រ ដែលបានកំណត់ថា កម្មករ កម្មការិនី ដែលចាក់វ៉ាក់សាំងរួច ទើបអនុញ្ញាតឲ្យចូលធ្វើការ។ «យើងមិនត្រូវយកសំអាងលើការចាក់វ៉ាក់សាំង ដើម្បីកំណត់សម្រាប់ធ្វើការងារ គឺអយុត្តិធម៌ សម្រាប់អ្នកមិនទាន់បានចាក់វ៉ាក់សាំង»។

បើតាមសម្ដេចតេជោ ក្នុងកាលទេសនេះ កម្ពុជានៅមិនទាន់អាចកំណត់យកទិសដៅនៃការចាក់វ៉ាក់សាំងហើយ ជាថ្នូរទៅនឹងការបានការងារធ្វើនោះទេ ព្រោះការផ្គត់ផ្គង់លើការចាក់វ៉ាក់សាំង នៅមិនទាន់បានទូលំទូលាយនៅឡើយ ដោយបច្ចុប្បន្ននេះ ការចាក់វ៉ាក់សាំងទើបបានប្រមាណជា ១០%ប៉ុណ្ណោះ នៃផែនការចាក់វ៉ាក់សាំង ១០លាននាក់។

សម្ដេចតេជោ ក៏បានអំពាវនាវទាំងសេដ្ឋកិច្ចក្នុងប្រព័ន្ធ និងក្រៅប្រព័ន្ធ មិនត្រូវយកផែនការចាក់វ៉ាក់សាំង ជាថ្នូរទៅនឹងការអនុញ្ញាតឲ្យចូលធ្វើការនោះទេ៕

The post សម្តេចតេជោ ហ៊ុន សែន៖ មិនត្រូវយកសំអាងលើការចាក់វ៉ាក់សាំង ដើម្បីកំណត់សម្រាប់ធ្វើការងារ គឺអយុត្តិធម៌ សម្រាប់អ្នកមិនទាន់បានចាក់វ៉ាក់សាំង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើតាមនាយករដ្ឋមន្ត្រីកម្ពុជា វ៉ាក់សាំងសម្រាប់ចាក់ចំនួន ៥២មុឺននាក់ នៅក្នុងតំបន់ក្រហម គឺមិនខ្វះទេ គឺថ្ងៃទី ១១ខែឧសភា ឆ្នាំ ២០២១ វ៉ាក់សាំងនឹងមកដល់ ៥០មុឺនដូស នឹងថ្ងៃទី ១៥ ខែឧសភា ឆ្នាំ ២០២១ នឹងដឹកមកដល់ចំនួន ៥០មុឺនដូសទៀត សរុប ១លានដូសនៅក្នុងដៃយើងបន្ថែមទៀត ។

ជាមួយគ្នានោះ សម្តេចតេជោ ហ៊ុន សែន ក៏សូមស្នើសម្តេចពិជ័យសេនា ទៀ បាញ់ បញ្ជាទៅអង្គភាពដែលត្រូវចុះចាក់នៅក្នុងតំបន់ក្រហម មិនត្រូវបញ្ចប់ដូសទី១ ត្រឹមថ្ងៃទី ១៥ ខែឧសភានោះទេ គឺដូសទី១ ត្រូវតែធ្វើយ៉ាងណាឲ្យហើយ ឲ្យអស់ប្រជាពលរដ្ឋនៅក្នុងតំបន់ក្រហម ។

សម្តេចបញ្ជាក់បញ្ជាក់ថា មិនថាត្រឹមតែ ៥២មុឺននាក់ទេ ទោះបីជា ៥៣ ទៅ៥៤មុឺន ឬ៥៥មុឺននាក់ ក៏យើងនៅតែមានលទ្ធភាព ដើម្បីចាក់ជូនប្រជាពលរដ្ឋដែរ។ សម្តេចក៏សូម អង្វរករប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង ធ្វើយ៉ាងនេះដើម្បីធានាថា យើងបានចាក់វ៉ាក់សាំងជូនប្រជាពលរដ្ឋក្នុងតំបន់ក្រហមបានគ្រប់ៗគ្នា៕

The post នាយករដ្ឋមន្ត្រីកម្ពុជាសូមអង្វរករដល់ប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ  

លោក ឃួង ស្រេង អភិបាលរាជធានីភ្នំពេញ នារសៀលថ្ងៃទី០៣ ខែឧសភា ឆ្នាំ២០២១នេះ មានប្រសាសន៍ថា៖ សូមអំណរអរគុណយ៉ាងជ្រាលជ្រៅបំផុត ចំពោះអ្នកឧកញ៉ា ម៉ុង ឫទ្ធី និងលោកជំទាវ ព្រមទាំង អ្នកឧកញ៉ា លោកឧកញ៉ាទាំងអស់ ដែលបានបរិច្ចាគនូវថវិកាផ្ទាល់ខ្លួនជូនមករដ្ឋបាលរាជធានីភ្នំពេញ ដើម្បីចែកជូនទៅប្រជាពលរដ្ឋដែលមានជីវភាពខ្វះខាត នៃការបិទខ្ទប់ដោយកូវីដ១៩ នេះ។

លោកថា សកម្មភាពនេះ ពិតជាបានរួមចំណែកជាមួយរដ្ឋាភិបាល ដើម្បីជួយទៅដល់ប្រជាពលរដ្ឋ ដែលមានជីវភាពខ្វះខាត។ ហើយនេះជាគំរូដ៏ល្អមួយសម្រាប់កូនចៅជំនាន់ក្រោយទៀត ដើម្បីអោយពួកគេបានរៀនសូត្រ ក្នុងការចែករំលែកជួយគ្នាក្នុងពេលដែលជួបនូវការលំបាកបែបនេះ។

ជាមួយគ្នានោះអ្នកឧកញ៉ា ម៉ុង ឫទ្ធី ក៏បានលើកឡើងដែលថា ការកៀងគរ អ្នកឧកញ៉ា លោកឧកញ៉ា លោកជំទាវខាងលើនេះ ជាសកម្មភាពលើកទីមួយហើយ ដែលលោកឧកញ៉ាបានកៀងគរ ដោយបានថវិកាសរុបចំនួនជាង៣០ម៉ឺនដុល្លារសហរដ្ឋអាមេរិក ហើយយកមកប្រគល់ជូនរដ្ឋបាលរាជធានីភ្នំពេញនាពេលនេះ ដើម្បីអោយរដ្ឋបាលរាជធានី ធ្វើការចាត់ចែង ជូនបងប្អូនដែលមានការជីវភាពខ្វះខាតក្នុងដំណាក់កាលជម្ងឺកូវីដ-១៩នេះ ។

អ្នកឧកញ៉ាបានបញ្ជាក់ថា ការបង្វែរ ថវិកាប្រមាណជាង៣០ម៉ឺនដុល្លារ ជូនមករដ្ឋបាលរាជធានីភ្នំពេញ គឺដោយសារតែពួកយើងខ្ញុំទាំងអស់គ្នាជឿទុកចិត្តមកលើអាជ្ញាធររាជធានីភ្នំពេញដោយជឿជាក់ថា អំណោយខាងលើនេះ អភិបាលរាជធានីភ្នំពេញ លោកឃួង ស្រេង នឹងធ្វើការចាត់ចែងជូនទៅដល់ដៃបងប្អូនប្រជាពលរដ្ឋដែលមានជីវភាពខ្វះខាតនៅតំបន់បិទខ្ទប់នេះមិនខាន។

អ្នកឧកញ៉ា ម៉ុង ឬទ្ធី បានបញ្ជាក់ផងដែរថា ក្រោយពីរួមគ្នា គ្រប់គ្រង ទប់ស្កាត់នូវការរីករាលដាលនៃជំងឺកូវីដ-១៩ បានហើយនោះ អ្នកឧកញ៉ា លោកឧកញ៉ានឹងមានឱកាស បានរកស៊ីឡើងវិញ។
គួរបញ្ជាក់ថា ថវិកាដែលបានប្រគល់ជូនរដ្ឋបាលរាជធានីភ្នំពេញនេះមាន ចំនួន៣០២២៥០ដុល្លារ បានមកពីការកៀងគរពីអ្នកឧកញ៉ា លោកឧកញ៉ា លោកជំទាវចំនួន៧៤រូប៕

សូមចុចអានអត្ថបទខាងក្រោម៖

The post អ្នកឧកញ៉ា ម៉ុង ឬទ្ធី ប្រមូលថវិកាពីសប្បុរសបានជាង៣០ម៉ឺនដុល្លារ ដើម្បីជួយប្រជាពលរដ្ឋខ្វះខាតនៅតំបន់បិទទ្ទប់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រសួងពាណិជ្ជកម្មមានកិត្តិយស សូមឆ្លើយបំភ្លឺជូនសាធារណជនមេត្តាជ្រាបអំពី អាណត្តិ និងភារកិច្ចសម្របសម្រួលរបស់ក្រសួងពាណិជ្ជកម្មក្នុងការងារលក់ផ្គត់ផ្គង់ ដឹកជញ្ជូន និងចែកចាយលក់ស្បៀងអាហារ និងគ្រឿងឧបភោគបរិភោគចាំបាច់ ជូនប្រជាពលរដ្ឋរស់នៅក្នុងតំបន់ក្រហម ដូចក្នុងឯកសារជូនភ្ជាប់ខាងក្រោម។

ពិស្តារ៖

The post បន្ទាប់ពីមានមតិយោបល់រិះគន់ក្រសួងពាណិជ្ជកម្មចេញសេចក្តីបំភ្លឺពីការផ្គត់ផ្គង់ស្បៀងអាហារនៅក្នុងតំបន់ក្រហម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

យោងតាមសេចក្តីសម្រេចស្តីពីការបន្តបិទខ្ទប់ រាជធានីភ្នំពេញ និងក្រុងតាខ្មៅ រយៈពេល៧ បានបង្ហាញថាភូមិសាស្ត្រដែលត្រូវបានបិទខ្ទប់ ត្រូវបានបែងចែកជាតំបន់ក្រហម (ឆ្លងរាលដាលកម្រិតធ្ងន់ធ្ងរ) តំបន់លឿងទុំ (ឆ្លងរាលដាលកម្រិតមធ្យម) និងតំបន់លឿង(ឆ្លងរាលដាលកម្រិតស្រាល)។

យោងតាមប្រការ ៥ នៃសេចក្តីសម្រេចបានចែងថា ការធ្វើចរាចរណ៍គ្រប់ប្រភេទនៅក្នុង​តំបន់លឿងត្រូវបាន​អនុញ្ញាត​ឱ្យប្រព្រឹត្តទៅជាធម្មតាចាប់ពីម៉ោងសូន្យ ថ្ងៃទី ២៩ ខែមេសា ប៉ុន្តែបម្រាមគោចរនៅពេលយប់ចាប់ពីម៉ោង ៨ ដល់ម៉ោង ៥ភ្លឺ នៅតែបន្តអនុវត្តដដែល។ 

ហើយសកម្មភាពការងារមុខរបរ និងអាជីវកម្មគ្រប់ប្រភេទនៅក្នុងតំបន់លឿង ក៏ត្រូវបានអនុញ្ញាតឱ្យបើកដំណើរការជាធម្មតា លើកលែងតែសាលារៀនរដ្ឋ និងឯកជន ក្លឹបកម្សាន្ត ខារ៉ាអូខេ រង្គសាល រមណីយដ្ឋាន អាជីវកម្មម៉ាស្សា ជាដើម។

ពាក់ព័ន្ធនឹងបញ្ហានេះ អ្នកនាំពាក្យសាលារាជធានីភ្នំពេញ លោក ម៉េត មាសភក្តី បានថ្លែងសារជាសំឡេងថា ៖ ត្រឹមយប់ថ្ងៃទី ២៦ ខែមេសា រដ្ឋបាលរាជធានីភ្នំពេញ មិនទាន់បានរៀបចំ ផែនទីបែងចែកភូមិសាស្ត្រ តំបន់ក្រហម តំបន់លឿងទុំ និងតំបន់លឿងនៅឡើយនោះទេ។

សាលាររាជធានីភ្នំពេញទើបតែមានការកំណត់តំបន់ក្រហម ដែលអនុវត្តតាមសេចក្តីសម្រេចចំនួន ៣ កាលពីប៉ុន្មានថ្ងៃមុន ហើយបន្តអនុវត្តមកដល់ពេលនេះ ដែលបញ្ជាក់ពីតំបន់ក្រហមតែមួយគត់នៅក្នុងរាជធានីភ្នំពេញ។ លោក ម៉េត មាសភក្តី បន្ថែម។

អ្នកនាំពាក្យសាលារាជធានីភ្នំពេញរូបនេះបានបញ្ជាក់ថា សេចក្តីសម្រេចថ្មី មានសុពលភាពចាប់ពីម៉ោងសូន្យ ថ្ងៃទី ២៩ ដូច្នេះអាជ្ញាធរនៅបន្តអនុវត្តសេចក្តីសម្រេចចាស់គឺកំណត់តែតំបន់ក្រហមតែប៉ុណ្ណោះ៕

The post អ្នកនាំពាក្យ៖ មិនទាន់បានរៀបចំ ផែនទីបែងចែកភូមិសាស្ត្រ តំបន់ក្រហម តំបន់លឿងទុំ និងតំបន់លឿងនៅឡើយនោះទេ appeared first on .