តាមការបង្ហាញ​លើ​ទំព័រហ្វេសប៊ុក របស់​ក្រុមហ៊ុនសូគីម៉ិច អ៉ិនវេសមេន គ្រុប នៅ​ល្ងាច​ថ្ងៃទី១៩ ខែកក្កដា​នេះ​ បាន​ឱ្យដឹងថា លោក​ឧកញ៉ា សាយ សុភ័ត្រា រីករាយ​ក្នុង​កិច្ចពិភាក្សា​ពី​ឱកាស​អភិវឌ្ឍន៍​ក្នុង​តំបន់​ភ្នំបូកគោ ខណៈដែលក្រុមហ៊ុន​​តែងតែ​ប្តេជ្ញាចិត្ត​ ដើម្បី​រួមចំណែក​ដល់​ការ​អភិវឌ្ឍ​ប្រកបដោយ​ចីរភាព​នៃ​តំបន់​បូកគោ។

កិច្ចពិភាក្សា​ខាង​លើ​នេះ បាន​បង្ហាញ​ពី​គម្រោង​ដ៏​មាន​សក្តានុពលធំៗ​ដូចជា មជ្ឈមណ្ឌល​ទេសចរណ៍ និង​ភូមិ​សួន​កម្សាន្ត​ដ៏​ធំ ដែល​នឹង​ក្លាយ​ជា​គោលដៅ​ទេសចរណ៍​លំដាប់ពិភពលោក (World Class Destination) ជួយ​ទាក់ទាញ​អ្នកវិនិយោគ ជំរុញវិស័យទេសចរណ៍ និង​ផ្តល់​ប្រយោជន៍​ជា​ច្រើន​ដល់​ប្រជាជន​រស់នៅ​ក្នុង​សហគមន៍​មូលដ្ឋាន។

​ភ្នំបូកគោជាតំបន់ទេសចរណ៍ដ៏ល្អពិសេស​មួយនៅខេត្តកំពត មាន​ចំងាយ​ប្រមាណ ១៣០គីឡូម៉ែត្រ ពី​រាជធានីភ្នំពេញ ​កំពុងអភិវឌ្ឍដោយក្រុមហ៊ុន សូគីម៉ិច អ៉ិនវេសមេន គ្រុប ដូចជា៖ ១.តំបន់ប្រវត្តិសាស្រ្ត, ២.កន្លែងលម្ហែដែលមានខ្យល់​អាកាសល្អ ហើយអាចជួយព្យាបាលសុខភាពបាន, ៣.ប្រព័ន្ធ​ផ្លូវខ្វាត់ខ្វែង និងទី៤.ទេសចរណ៍សាសនា។ បច្ចុប្បន្ន​ ក្រុមហ៊ុន​​បានកំពុងអភិវឌ្ឍ​គម្រោងកសាង​តំបន់ព្រះពុទ្ធបដិមា ដែលមានកម្ពស់១០៨ម៉ែត្រ ជាព្រះពុទ្ធ​បដិមាមានកម្ពស់ខ្ពស់ជាងគេនៅអាស៊ី​ផងដែរ។

សូមជម្រាបថា ថ្មីៗនេះ អ្នកឧកញ៉ា សុខ គង់ ប្រធានក្រុមហ៊ុនសូគីម៉ិច អ៉ិនវេសមេន គ្រុប បាន​បញ្ជាក់​ប្រាប់​អ្នកសារព័ត៌មាន​ថា មក​ទល់​បច្ចុប្បន្ន​លោកបាន​ចំណាយទុន​វិនិយោគ​អស់ប្រមាណ ៨០០លានដុល្លារអាមេរិក ដើម្បីអភិវឌ្ឍនៅលើកំពូលភ្នំបូកគោ ប៉ុន្តែប្រាក់​ដែលបានចំណាយ​ទាំង​នោះ នៅមិនទាន់ទទួលបានផលចំណេញ​មកវិញនៅឡើយទេ។ យ៉ាងណាក្តី គម្រោង​វិនិយោគជាច្រើន ​ដែលក្រុមហ៊ុនបានកំពុងអភិវឌ្ឍនេះ គឺដើម្បីអភិវឌ្ឍ​ភ្នំបូកគោ ឱ្យ​ក្លាយជាតំបន់ទេសចរណ៍​ដ៏សម្បូរបែប៕

The post ឧកញ៉ា សាយ សុភ័ត្រា ទទួលស្វាគមន៍ព្រះអង្គម្ចាស់ នរោត្តម អម្រឹទ្ធីវង្ស ពិភាក្សាពីឱកាសវិនិយោគលើភ្នំបូកគោ appeared first on .

ការលើកឡើងរបស់ អ្នកឧកញ៉ា ធ្វើឡើងនៅក្នុងពេលជួបសំណេះសំណាល ជាមួយអ្នកសារព័ត៌មានមកពី ៣០​ស្ថាប័ន ដែលរៀបចំឡើងដោយក្លិបអ្នកកាសែតកម្ពុជា ដើម្បីផ្សព្វផ្សាយទ្រង់ទ្រាយធំពីសក្តានុពល នៃការអភិវឌ្ឍ​ក្រុងបូកគោ នៅថ្ងៃទី២៩ ខែឧសភា ឆ្នាំ២០២៤។

នៅក្នុងឱកាសនោះ អ្នកឧកញ៉ា សុខ គង់ បានលើកឡើងថា ចាប់តាំងពីឆ្នាំ២០០៨ រហូតមកទល់នឹងពេលនេះ ក្រុមហ៊ុនបានចំណាយទុនអស់ពី ៧០០ទៅ ៨០០លានដុល្លារហើយ ទៅលើការវិនិយោគអភិវឌ្ឍន៍ ហេដ្ឋារចនា​សម្ព័ន្ធផ្លូវ ភ្លើង ទឹក សណ្ឋាគារលំដាប់ផ្កាយ ៥, គម្រោងសង់លំនៅឋានប្រណិត និងសំណង់អគារផ្សេងៗទៀត ដែលបម្រើឱ្យវិស័យទេសចរណ៍នៅតំបន់នេះ។

អ្នកឧកញ៉ា បានបន្តថា ទោះបីជាស្ថានភាពសេដ្ឋកិច្ចសកលមិនល្អ ដែលកំពុងប៉ះពាល់ដល់ដំណើរការអភិវឌ្ឍ​នៅរមណីយដ្ឋានបូកគោទាំងមូល ជាពិសេសទៅលើគម្រោង អភិវឌ្ឍន៍លំនៅឋាន និងដីឡូតិ៍ ក៏ប៉ុន្តែក្រុមហ៊ុននៅ​តែ​បន្ត​ធ្វើការអភិវឌ្ឍជាជំហានៗបន្តបន្ទាប់ ហើយនៅពេលសេដ្ឋកិច្ចងើបឡើងវិញ ការអភិវឌ្ឍ នឹងដំណើរការ​ល្អ​ឡើងវិញ។

សូមជម្រាបជូនថា អ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិច អ៊ិនវេសមេន គ្រុប បានទទួលសិទ្ធិ​វិនិយោគ ​អភិវឌ្ឍន៍ ឧទ្យានជាតិព្រះមុនីវង្ស (បូកគោ) ពីរាជរដ្ឋាភិបាល​លើផ្ទៃដីមួយផ្នែកធំ ក្នុងរយៈពេលវែង ចាប់ពីឆ្នាំ២០០៩ ក្នុងគោលបំណង​ធ្វើការអភិវឌ្ឍន៍​តំបន់នេះ​​ឱ្យក្លាយជា​តំបន់ពាណិជ្ជកម្ម និងរមណីយដ្ឋាន​ទេសចរណ៍ ស្របតាមស្តង់ដាអន្តរជាតិ ដែលអាចទាក់ទាញ​ភ្ញៀវ​ទេសចរ និងការ​វិនិយោគ៕

The post អ្នកឧកញ៉ា សុខ គង់៖ គិតមកទល់ពេលនេះ ការអភិវឌ្ឍតំបន់ទេសចរណ៍ភ្នំបូកគោ ចំណាយអស់ ៨០០លានដុល្លារ appeared first on .