តាមរយៈលិខិតមួយសន្លឹករបស់ក្រសួងសិកម្ម ចុះហត្ថលេខានៅថ្ងៃទី១០ ខែមករា ដោយលោក ពុំ សុថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល បានបញ្ជាក់ថា នៅរដូវបន្តពូជ និងពងកូនរបស់ត្រីកាម៉ុង ឬហៅថា ប្លាធូ នៅក្នុងដែននេសាទសមុទ្រនៃកម្ពុជាត្រូវផ្អាកជាកំហិតចាប់ពីខែមករានេះ រហូតដល់ថ្ងៃទី៣១ ខែមីនា ឆ្នាំ២០២២។

​នៅក្នុង​អំឡុង​ពេលនេះ រដ្ឋបាលជលផលហាមដាច់ខាតមិនឲ្យបងប្អូនប្រជាពលរដ្ឋដែលប្រកបរបរនេសាទត្រី កាម៉ុង ដើម្បីចូលរួមចំណែកថែរក្សានិងការពារធនធានជលផលសមុទ្រឱ្យបានគង់វង្សទៅអនាគត។

បើតាម​របាយការណ៍​ក្រសួងកសិកម្ម រុក្ខាប្រមាញ់​ និង​នេសាទ បានបង្ហាញថា ផលនៃផលិតផលជលផលសមុទ្រឆ្នាំ២០២១ កម្ពុជាទទួលបានចំនួន១២,៥ម៉ឺនតោន។ ចំនួននេះ គឺបានកើន១,៨៧ភាគរយបើធៀបនឹងឆ្នាំ២០២០៕

The post ក្រសួងកសិកម្មហាមដាច់ខាតមិនឲ្យប្រជាពលរដ្ឋនេសាទត្រីកាម៉ុង ក្នុងដែនសមុទ្ររយៈពេល ២ខែ appeared first on .