យោងតាមសេចក្តីថ្លែងការណ៍មួយពីព្រះបរមរាជវាំងថៃ បានរាយការណ៍ថា ព្រះនាង Bajrakitiyabha បានសោយទិវង្គតនៅម៉ោង ៧:៤៨នាទីយប់ ថ្ងៃទី១១ ខែមិថុនា នៅមន្ទីរពេទ្យជូឡាឡុងកនក្នុងទីក្រុងបាងកក។ រាជវង្សានុវង្សបាននិយាយថា ក្រុមគ្រូពេទ្យបានអនុវត្តការព្យាបាល និងការថែទាំដ៏ល្អបំផុត ប៉ុន្តែស្ថានភាពរបស់ព្រះនាងកាន់តែអាក្រក់ទៅៗដោយសារតែផលវិបាកនៃការឆ្លងមេរោគ។

គួរឲ្យដឹងថា ព្រះនាង Bajrakitiyabha បានទទួលរងនូវជំងឺដាច់សរសៃឈាមខួរក្បាលក្នុងខែធ្នូ ឆ្នាំ២០២២ ខណៈពេលកំពុងហ្វឹកហាត់សត្វឆ្កែសម្រាប់ការប្រកួតយោធា។ គ្រូពេទ្យបានកំណត់ថាមូលហេតុដែលបណ្តាលឲ្យដាច់សរសៃឈាមនេះ គឺដោយសារចង្វាក់បេះដូងលោតញាប់ខ្លាំងពេក ជុំវិញការឆ្លងមេរោគដល់បេះដូង។ ហើយព្រះនាងបានសន្លប់លែងដឹងព្រះកាយចាប់តាំងពីពេលនោះមក។

ជម្រាបជូនថា ដោយប្រសូតនៅថ្ងៃទី៧ ខែធ្នូ ឆ្នាំ១៩៧៨ ព្រះនាង Bajrakitiyabha គឺជាបុត្រីច្បងក្នុងចំណោមបុត្រទាំងប្រាំពីរនាក់របស់ព្រះមហាក្សត្រថៃ Maha ⁠Vajiralongkorn ។ ព្រះនាងជាបុត្រីតែមួយគត់របស់ព្រះអង្គ ជាមួយភរិយាដំបូងរបស់ព្រះអង្គ គឺព្រះនាង Soamsawali៕​

The post បុត្រីច្បងស្តេចថៃ សោយទិវង្គតហើយ ក្រោយដួលសន្លប់អស់រយៈពេល ៣ឆ្នាំ appeared first on .

អ្នកនាំពាក្យរដ្ឋាភិបាលថៃ លោកស្រី Ratchada Thanadirek បាននិយាយថា ក្រសួងពាណិជ្ជកម្មថៃបានណែនាំការិយាល័យទីក្រុងគូឡាឡាំពួររបស់ខ្លួនឱ្យតាមដានការវិវត្តន៍យ៉ាងដិតដល់បន្ទាប់ពីការផ្អាកដែលបានចូលជាធរមាននៅថ្ងៃទី១ ខែមិថុនា។

គួរឲ្យដឹងផងដែរថា ចនលារបស់ប្រទេសម៉ាឡេស៊ីនេះ គឺជាផ្នែកមួយនៃការគ្រប់គ្រងយ៉ាងតឹងរ៉ឹងលើផលិតនេសាទពីប្រទេសថៃ ដោយក្នុងការបង្គាជាច្រើនប្រភេទត្រូវបានរងផលប៉ះពាល់ នឹងមិនអាចនាំចេញមកកាន់ប្រទេសម៉ាឡេស៊ី បាននោះឡើយ។

យ៉ាងណាមិញ លោកស្រី Ratchada បាននិយាយទៀតថា រដ្ឋាភិបាលថៃ នៅតែប្តេជ្ញាដោះស្រាយបញ្ហានេះ តាមរយៈការពិភាក្សាទ្វេភាគី ហើយប្រសិនបើវានៅតែមិនអាចដោះស្រាយបាន នោះប្រទេសថៃបានត្រៀមខ្លួនរួចជាស្រេច ដើម្បីលើកយកបញ្ហានេះ ទៅកាន់វេទិកា WTO និងអាស៊ាន។

ជុំវិញការផ្លាស់ប្តូរនេះកើតឡើងនៅពេលដែលប្រទេសថៃដាក់ចេញវិធានការមួយចំនួនដើម្បីកាត់បន្ថយផលប៉ះពាល់នៃការផ្អាកនេះ ទៅលើអ្នកចិញ្ចឹមបង្គា និងអ្នកនាំចេញបង្គា។

លោកស្រី Ratchada បាននិយាយថា នាយករដ្ឋមន្ត្រី លោក Anutin Charnvirakul បានសម្តែងការព្រួយបារម្ភអំពីផលប៉ះពាល់ដែលអាចកើតមានលើអ្នកចិញ្ចឹមបង្គា ជាពិសេសអ្នករស់នៅភាគខាងត្បូងប្រទេសថៃ ហើយបានណែនាំដល់ភ្នាក់ងារពាក់ព័ន្ធឱ្យទប់ស្កាត់ការធ្លាក់ចុះនៃតម្លៃបង្គា ខណៈពេលដែលរដ្ឋាភិបាលមានការធានាទីផ្សារជំនួសសម្រាប់អ្នកផលិតដែលរងផលប៉ះពាល់។

ជម្រាបជូនផងដែរថាកន្លងមក ប្រទេសថៃ ធ្លាប់បាននាំចេញបង្គាប្រហែល ៤០០ តោន ដែលមានតម្លៃប្រមាណ ៤៤លានបាត (១,៣៥លានដុល្លារ) ក្នុងមួយខែ ទៅកាន់ប្រទេសម៉ាឡេស៊ី៕​

The post ថៃ​ គ្រោងប្តឹងអង្គការពាណិជ្ជកម្មពិភពលោក ជុំវិញការហាមឃាត់ការនាំចូលបង្គារបស់ម៉ាឡេស៊ី appeared first on .

គួរឲ្យដឹងថា ការហាមឃាត់នេះ នឹងត្រូវចូលជាធរមាននៅថ្ងៃចន្ទសប្តាហ៍ក្រោយ ដោយគ្របដណ្តប់លើប្រភេទអាហារសមុទ្រចំនួនប្រាំប្រភេទ។ ក្រសួងកសិកម្ម និងសន្តិសុខចំណីអាហាររបស់ប្រទេសម៉ាឡេស៊ីនិយាយថា វិធានការនេះនឹងនៅតែមានសុពលភាពរហូតដល់អាជ្ញាធរថៃឆ្លើយតបទៅនឹងការសាកសួរអំពីសុវត្ថិភាពចំណីអាហារ។

យ៉ាងណាមិញ ជុំវិញបញ្ហានេះ អ្នកចិញ្ចឹមបង្គានៅក្នុងប្រទេសថៃកំពុងជំរុញឱ្យរដ្ឋាភិបាលដឹកនាំដោយនាយករដ្ឋមន្ត្រី អនុទីន ឆានវីរៈគុល ធ្វើការចរចាជាមួយប្រទេសម៉ាឡេស៊ី។

ពួកគេនិយាយថា ការរឹតបន្តឹងនេះនឹងធ្វើឱ្យប៉ះពាល់ដល់ឧស្សាហកម្មនេះ ហើយប្រឈមមុខទៅនឹងការខាតបង់ដល់ទៅរាប់សិបលានបាត ក្នុងមួយថ្ងៃ។ ប្រទេសម៉ាឡេស៊ីត្រូវបានគេនិយាយថាមានចំនួនប្រហែល ៥% នៃការនាំចេញបង្គារបស់ប្រទេសថៃ។

គួរជម្រាបជូនផងដែរថា សុវត្ថិភាពចំណីអាហារ គឺជាបញ្ហាចម្រូងចម្រាសកើតមានឡើងយូរមកហើយរវាងប្រទេសទាំងពីរ។ ប្រទេសថៃបានដាក់កម្រិតលើការនាំចូលត្រីពីប្រទេសម៉ាឡេស៊ីក្នុងឆ្នាំ២០២៤។ ប្រព័ន្ធផ្សព្វផ្សាយក្នុងស្រុកនិយាយថា វិធានការចុងក្រោយបំផុតរបស់ប្រទេសម៉ាឡេស៊ី គឺជាការឆ្លើយតបទៅនឹងវិធានការនេះ៕

The post ថៃ ព្រឈមមុខខាតបង់រាប់សិបលានបាត បន្ទាប់ពីម៉ាឡេស៊ី ចេញបម្រាមនាំចូលបង្គាពីប្រទេសនេះ appeared first on .

រដ្ឋមន្ត្រីក្រសួងយុត្តិធម៌ថៃ លោក Rutthapol Naowarat បានប្រកាសនៅថ្ងៃទី៣ ខែមិថុនាថា អតីតនាយករដ្ឋមន្ត្រីថៃ លោក ថាក់ស៊ីន ស្ថិតនៅក្នុងបញ្ជីឈ្មោះអ្នកដែលមានលក្ខណៈសម្បត្តិគ្រប់គ្រាន់សម្រាប់ការលើកលែងទោស ដើម្បីអបអរសាទរថ្ងៃកំណើតរបស់ម្ចាស់ក្សត្រីយានី Suthida។ លោកមានសិទ្ធិទទួលបានការដោះលែងភ្លាមៗ និងពេញលេញ ដោយសារទោសរបស់លោកនៅសល់រយៈពេលខ្លីពីការលើកលែង។

គួរឲ្យដឹងថា លោក ថាក់ស៊ីន ត្រូវបានដោះលែងចេញពីពន្ធនាគារនៅដើមខែឧសភា ដោយមានលក្ខខណ្ឌថា លោកត្រូវពាក់ឧបករណ៍ត្រួតពិនិត្យអេឡិចត្រូនិក រហូតដល់ចុងបញ្ចប់នៃរយៈពេលសាកល្បងរយៈពេលបួនខែរបស់លោក ដែលគ្រោងនឹងបញ្ចប់នៅថ្ងៃទី៩ ខែកញ្ញា។

តែទោះជាយ៉ាងណាក៏ដោយ រដ្ឋមន្ត្រីលោក Rutthapol បាននិយាយថា ក្នុងករណីរបស់លោក ថាក់ស៊ីន ឧបករណ៍ត្រួតពិនិត្យអេឡិចត្រូនិកអាចត្រូវបានដកចេញភ្លាមៗ។ អតីតនាយករដ្ឋមន្ត្រីថៃរូបនេះក៏លែងត្រូវបានតម្រូវឱ្យរាយការណ៍ជាប្រចាំទៅកាន់ទីភ្នាក់ងារត្រួតពិនិត្យការសាកល្បងទៀត ផងដែរ។

​គួរជម្រាបជូនថា នៅក្នុងខែកញ្ញា ឆ្នាំ ២០២៥ តុលាការកំពូលថៃបានសម្រេចថា ការផ្ទេរអតីតនាយករដ្ឋមន្ត្រី ថាក់ស៊ីន ពីពន្ធនាគារទៅមន្ទីរពេទ្យដើម្បីព្យាបាលនៅឆ្នាំ ២០២៣ គឺជារឿងខុសច្បាប់។ ដូច្នេះលោកត្រូវបាននាំទៅពន្ធនាគារដើម្បីអនុវត្តទោសរយៈពេលមួយឆ្នាំឡើងវិញ ប៉ុន្តែត្រូវបានដោះលែងមុនកាលកំណត់ នៅដើមខែឧសភា៕​

The post លោក ថាក់ស៊ីន ត្រូវបានលើកលែងទោស និងដោះលែងពីការឃ្លាំមើល មុនកាលកំណត់ appeared first on .

ការផលិតរថយន្តរបស់ប្រទេសនេះ បានធ្លាក់ចុះ ០,៤៤% នៅក្នុងខែមេសា មកនៅត្រឹមចំនួន ១០៣ ៧៩៤ គ្រឿង បន្ទាប់ពីមានការកើនឡើង ២,៦៩% នៅក្នុងខែមីនា។

លោក Surapong Paisitpatanapong ប្រធានផ្នែករថយន្តរបស់ FTI បាននិយាយនៅក្នុងសន្និសីទសារព័ត៌មានមួយថា ការនាំចេញរថយន្តរបស់ថៃ បានធ្លាក់ចុះ ៨,៤៣% មកនៅត្រឹម ៦០ ១៩០ គ្រឿងប៉ុណ្ណោះ នៅក្នុងខែមេសា ដោយសារតែបញ្ហាប្រឈមនានា ដែលកើតឡើងដោយសារតែសង្គ្រាមអ៊ីរ៉ង់។

គួរជម្រាបជូនផងដែរថា ប្រទេសថៃ គឺជាមជ្ឈមណ្ឌលផលិតរថយន្តធំជាងគេនៅអាស៊ីអាគ្នេយ៍។ ប្រទេសនេះ គឺជាមូលដ្ឋាននាំចេញសម្រាប់ក្រុមហ៊ុនផលិតរថយន្តកំពូលៗមួយចំនួនរបស់ពិភពលោក រួមទាំង Toyota, Honda និងម៉ាកយីហោចិនធំៗ ដូចជា BYD និង Great Wall Motors ផងដែរ៕​

The post ផលិតកម្មរថយន្តរបស់ថៃ ធ្លាក់ដាំក្បាលចុះដល់កម្រិតទាបបំផុតមិនធ្លាប់មានរយៈពេល ៥ឆ្នាំចុងក្រោយ appeared first on .

លោក ថាក់ស៊ីន វ័យ ៧៦ឆ្នាំ ត្រូវបានដោះលែងចេញពីពន្ធនាគារកណ្តាលខ្លងព្រេម ក្នុងទីក្រុងបាងកក នៅព្រឹកថ្ងៃទី១១ ខែឧសភា ដែលជាផ្នែកមួយនៃកម្មវិធីដោះលែងមុនកាលកំណត់ ដោយមានលក្ខខណ្ឌថា លោកត្រូវតែពាក់ឧបករណ៍ត្រួតពិនិត្យអេឡិចត្រូនិក រហូតដល់ការកំណត់នៃការសាកល្បងរយៈពេលបួនខែរបស់លោក សម្រាប់ការអនុវត្តទោសនៅក្រៅឃុំ។ លោក ថាក់ស៊ីន គឺជាអ្នកទោសម្នាក់ក្នុងចំណោមអ្នកទោសជាង ៨៥០ នាក់ ផ្សេងទៀត ដែលត្រូវបានដោះលែងមុនកាលកំណត់ នៅក្នុងការដោះលែងជុំនេះ។

ក្រោយដោះលែង អ្នកគាំទ្ររាប់រយនាក់ រួមទាំងកូនស្រីរបស់លោក គឺអតីតនាយករដ្ឋមន្ត្រីថៃ លោកស្រី ផែនតុងតាន ស៊ីណាវ៉ាត្រា បានប្រមូលផ្តុំគ្នានៅខាងក្រៅពន្ធនាគារ ដើម្បីស្វាគមន៍លោក ដោយអ្នកខ្លះស្រែកថា “យើងស្រឡាញ់លោក ថាក់ស៊ីន”។

គួររំឮកផងដែរថា កាលពីខែមុន អាជ្ញាធរកែតម្រូវរបស់ថៃ បានប្រកាសពីការសម្រេចចិត្តរបស់ពួកគេ ក្នុងការដោះលែង លោក ថាក់ស៊ីន ចេញពីពន្ធនាគារមុនកាលកំណត់ ដោយលើកឡើងពីកត្តាអាយុរបស់លោក និងការពិតដែលថាលោកនៅសល់តែប៉ុន្មានខែទៀតប៉ុណ្ណោះ ដើម្បីអនុវត្តទោស។

លោក ថាក់ស៊ីន ធ្លាប់បានបម្រើការជានាយករដ្ឋមន្ត្រីថៃចាប់ពីឆ្នាំ២០០១ ប៉ុន្តែត្រូវបានផ្តួលរំលំនៅក្នុងរដ្ឋប្រហារយោធាមួយក្នុងឆ្នាំ២០០៦។ លោកបានវិលត្រឡប់មកប្រទេសថៃវិញ នៅខែសីហា ឆ្នាំ២០២៣ បន្ទាប់ពីនិរទេសខ្លួនទៅក្រៅប្រទេសជាងមួយទសវត្ស។ ក្រោយត្រលប់មកវិញ អតីតនាយករដ្ឋមន្ត្រីរូបនេះត្រូវបានកាត់ទោសឱ្យជាប់ពន្ធនាគារប្រាំបីឆ្នាំពីបទរំលោភអំណាច ប៉ុន្តែទោសរបស់លោកត្រូវបានបន្ថយមកត្រឹមមួយឆ្នាំតាមរយៈការលើកលែងទោស។

តែទោះជាយ៉ាងណាក៏ដោយ លោក ថាក់ស៊ីន បានជាប់ពន្ធនាគារត្រឹមតែពីរបីម៉ោងប៉ុណ្ណោះ មុនពេលលោកត្រូវបានផ្ទេរទៅមន្ទីរពេទ្យដោយសារតែគាំងបេះដូង និងឈឺទ្រូង។ លោកត្រូវបានលើកលែងទោសបន្ទាប់ពីប្រាំមួយខែ នៅក្នុងបន្ទប់ VIP របស់មន្ទីរពេទ្យ។

ប៉ុន្តែ នៅក្នុងខែកញ្ញា ឆ្នាំ ២០២៥ តុលាការកំពូលថៃបានសម្រេចថា ការផ្ទេរអតីតនាយករដ្ឋមន្ត្រីថៃរូបនេះ ចេញពីពន្ធនាគារទៅមន្ទីរពេទ្យដើម្បីព្យាបាលនៅឆ្នាំ២០២៣ គឺជារឿងខុសច្បាប់ ហើយតម្រូវឲ្យលោកត្រលប់មកអនុវត្តទោសបន្ត ដោយតម្រូវឲ្យជាប់ពន្ធនាគារមួយឆ្នាំឡើងវិញ៕​

The post លោក ថាក់ស៊ីន ស្ថិតក្នុងចំណោមអ្នកទោសជាង ៨៥០ នាក់ ដែលត្រូវដោះលែងមុនកាលកំណត់ appeared first on .

គណៈរដ្ឋមន្ត្រីបាននិយាយថា មូលនិធិនេះនឹងត្រូវបានប្រើប្រាស់ដើម្បីជំរុញការចំណាយក្នុងស្រុក និងបន្ធូរបន្ថយការលំបាកផ្នែកសេដ្ឋកិច្ច ខណៈពេលដែលអតិផរណាកើនឡើង និងកំណើនយឺត ដោយក្រសួងហិរញ្ញវត្ថុកាលពីសប្តាហ៍មុនបានកាត់បន្ថយការព្យាករកំណើនផលិតផលក្នុងស្រុកសរុបរបស់ខ្លួនមកត្រឹម ១,៦% ពី ២,៤% កាលពីឆ្នាំមុន។

ប្រាក់កម្ចីប្រហែល ៤០០ពាន់លានបាត នឹងត្រូវចែកចាយ ចាប់ពីខែមិថុនាដល់ខែកញ្ញា ហើយរួមបញ្ចូលជំនួយសម្រាប់ប្រជាជនដែលមានប្រាក់ចំណូលទាបជាង ២០ លាននាក់ ក្រោមគម្រោង “ថៃជួយថៃ” របស់រដ្ឋាភិបាល ដើម្បីបន្ធូរបន្ថយការចំណាយលើការរស់នៅ។

កម្ចីនេះ ក៏នឹងត្រូវបានប្រើប្រាស់ដើម្បីគាំទ្រលើវិស័យថាមពលជំនួសផងដែរ។នេះបើយោងតាមរដ្ឋមន្ត្រីក្រសួងហិរញ្ញវត្ថុ លោក Ekniti Nitithanprapas បាននិយាយនៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំគណៈរដ្ឋមន្ត្រី។

គួរជម្រាបជូនថា សង្គ្រាមរវាងសហរដ្ឋអាមេរិក និងអ៊ីស្រាអែលប្រឆាំងអ៊ីរ៉ង់ ដែលបានចាប់ផ្តើមនៅចុងខែកុម្ភៈ បានធ្វើឱ្យការផ្គត់ផ្គង់ពលសកលធ្លាក់ចុះ ដែលបណ្តាលឱ្យតម្លៃប្រេង និងឧស្ម័ន រូមទាំងការដឹកជញ្ជូន និងទំនិញប្រើប្រាស់កើនឡើងយ៉ាងខ្លាំង៕​

The post ថៃ គ្រោងខ្ចីបំណុលជាង ១២ពាន់លានដុល្លារ ដើម្បីទប់ទល់ទៅនឹងវិបត្តិដោយសារសង្គ្រាមមជ្ឈិមបូព៌ា appeared first on .

ជុំវិញការសិក្សានេះ ត្រូវបានធ្វើឡើងដោយ លោកស្រី Tara Buakamsri នាយកកម្មវិធីនៃស្ថាប័នស្រាវជ្រាវ Climate Connectors នៅក្នុងអត្ថបទស្រាវជ្រាវមួយមានចំណងជើងថា “Too Hot To Live: Climate Change In Thailand”។

តាមការសិក្សាដដែលនេះ ប្រទេសថៃ អាចប្រឈមមុខទៅនឹងការកើនឡើងកម្តៅប្រចាំឆ្នាំជាមធ្យមលើសពី ២៩​ អង្សាសេ ដែលស្មើនឹងសីតុណ្ហភាពនៅវាលខ្សាច់សាហារ៉ា សព្វថ្ងៃនេះ។

គួរឲ្យដឹងថា សីតុណ្ហភាពអតិបរមា (MAT) ត្រូវបានគណនាដោយយកសីតុណ្ហភាពជាមធ្យមនៃថ្ងៃទាំងអស់ក្នុងមួយឆ្នាំ នៅទីតាំងដែលបានកំណត់។ ហើយ MAT របស់ប្រទេសថៃបច្ចុប្បន្ននេះ មានសីតុណ្ហភាពប្រហែល ២៦ អង្សាសេ ដែលជិតដល់កម្រិតគ្រោះថ្នាក់បំផុត។

មិនតែប៉ុណ្ណោះ យោងតាមលោកស្រី Buakamsri បានបង្ហាញឲ្យដឹងទៀតថា ប្រទេសថៃ បានជួបនឹងសញ្ញាគ្រោះថ្នាក់ជាច្រើនរួចទៅហើយ ទាក់ទងទៅនឹងការប្រែប្រួលអាកាសធាតុ ជាក់ស្តែងចាប់ពីខែមីនាដល់ខែឧសភាជារៀងរាល់ឆ្នាំ ប្រទេសថៃ កត់ត្រាសីតុណ្ហភាពលើសពី ៤០ អង្សាសេជាប្រចាំ។ នៅទីក្រុង និងទីប្រជុំជនជាង ៥០ បានឈានដល់ ឬកើនឡើងលើសពីសីតុណ្ហភាពធម្មតាជាប្រវត្តិសាស្ត្រ។

ជម្រាបជូនថា ក្រៅតែពីកំដៅថ្ងៃខ្លាំង ប្រទេសថៃ ក៏បានជួបប្រទះជាមួយនឹងគ្រោះរាំងស្ងួតខ្លាំង ទឹកជំនន់ញឹកញាប់ និងកាន់តែធ្ងន់ធ្ងរជាងមុន រួមទាំងកម្រិតទឹកសមុទ្រកើនឡើង ដែលគំរាមកំហែងដល់សហគមន៍ឆ្នេរសមុទ្រ និងតំបន់សេដ្ឋកិច្ចសំខាន់ៗ៕​

The post ប្រទេសថៃ អាចនឹងកើនឡើងកម្តៅខ្លាំងដូចវាលខ្សាច់សាហារ៉ា នៅឆ្នាំ២០៧០ appeared first on .

លោក អនុទីន បានមានប្រសាសន៍ថា ៖”អាជ្ញាធរបានរកឃើញករណីស្តុកប្រេងឥន្ធនៈ និងការរត់ពន្ធសម្រាប់លក់នៅក្នុងប្រទេសជិតខាង”។ ដោយបន្ថែមទៀតថាបញ្ហានេះបានធ្វើឱ្យរដ្ឋាភិបាលខាតបង់ថវិកាចំនួន ៥០ពាន់លានបាត (១,៤ពាន់លានដុល្លារ)។

មិនតែប៉ុណ្ណោះ លោក អនុទីន បានហៅសកម្មភាពទាំងនេះ ថាជាការកេងចំណេញហួសហេតុ ចំពេលកំពុងមានការកើនឡើងនៃតម្លៃប្រេង ក្នុងអំឡុងពេលមានវិបត្តិថាមពលពិភពលោក។

យ៉ាងណាមិញ ភស្តុតាងនៃការស្តុកទុក និងការកេងចំណេញក្នុងចំណោមពាណិជ្ជករប្រេងខ្នាតធំ និងមធ្យម ត្រូវបានរកឃើញទាំងនៅលើដី និងនៅលើសមុទ្រ។ ទន្ទឹមនឹងនេះ លោក Rutthaphon Naowarat រដ្ឋមន្ត្រីក្រសួងយុត្តិធម៌ បានមានប្រសាសន៍ថា ប្រេងឥន្ធនៈជាង ៥៧ លានលីត្រ ត្រូវបានរាយការណ៍ថាបានបាត់ ក្នុងអំឡុងពេលដឹកជញ្ជូនតាមសមុទ្រ នៅភាគខាងត្បូងប្រទេសថៃ។

ជម្រាបជូនថា សង្គ្រាមនៅមជ្ឈិមបូព៌ា ដែលបង្កឡើងដោយការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់នៅថ្ងៃទី២៨ ខែកុម្ភៈ បានបណ្តាលឱ្យមានការរំខានដល់ការផ្គត់ផ្គង់ប្រេង និងឧស្ម័ន និងការប្រែប្រួលតម្លៃនៅទូទាំងតំបន់អាស៊ីអាគ្នេយ៍ភាគច្រើន៕​

The post នាយករដ្ឋមន្ត្រីថៃ ស្តីបន្ទោសចំៗទៅលើក្រុមហ៊ុនស្តុកទុកប្រេង ជុំវិញកង្វះខាតប្រេងឥន្ធនៈក្នុងប្រទេស appeared first on .

យោងតាមការចុះផ្សាយពីសារព័ត៌មាន VNA បានបង្ហាញឲ្យដឹងថា ចាប់ពីថ្ងៃទី១ ខែមករា ដល់ថ្ងៃទី២៩ ខែមីនា ប្រទេសថៃ បានស្វាគមន៍ភ្ញៀវទេសចរបរទេសសរុបចំនួន ៩ ១៧៤ ៥៨៦ នាក់ ធ្លាក់ចុះ ២,២៩% បើធៀបនឹងឆ្នាំមុន។

គួរឲ្យដឹងផងដែរថា ចិន មានចំនួនភ្ញៀវទេសចរមកលេងប្រទេសថៃច្រើនជាងគេ ក្នុងអំឡុងពេលនោះ ដែលមានចំនួនសរុប ១ ៤៦៨ ៣៣៣ នាក់ បន្ទាប់មកគឺម៉ាឡេស៊ី (៩៤៧ ១២៣ នាក់) រុស្ស៊ី (៧១៤ ៤២៤ នាក់) ឥណ្ឌា (៦១៤ ០១៦ នាក់) និងសាធារណរដ្ឋកូរ៉េ (៤០៩ ៣៣១ នាក់)។

យោងតាម លោកស្រី Natreeya Taweewong លេខាធិការអចិន្ត្រៃយ៍នៃក្រសួងទេសចរណ៍ថៃ បាននិយាយថា តម្រូវការធ្វើដំណើររបស់ភ្ញៀវបរទេសបានថយចុះក្នុងអំឡុងសប្តាហ៍ថ្ងៃទី២៣ ដល់ទី ២៩ខែមីនា ដោយសារតែជម្លោះនៅមជ្ឈិមបូព៌ា។ ប៉ុន្តែទោះជាយ៉ាងណា លោកស្រីបានកត់សម្គាល់ថា ការធ្វើដំណើរអាចនឹងបង្ហាញសញ្ញានៃភាពប្រសើរឡើងវិញ ដោយសារតែអ្នកធ្វើដំណើរបានផ្លាស់ប្តូរទៅផ្លូវហោះហើរត្រង់កាន់តែច្រើនពីអឺរ៉ុប ទៅកាន់ប្រទេសថៃ៕​

The post ថៃ ប្រកាសពីការធ្លាក់ចុះនៃភ្ញៀវទេសចរបរទេស នៅក្នុងត្រីមាសទី១ ឆ្នាំនេះ appeared first on .