ថ្នាំគ្រាប់

មកស្គាល់សហគ្រាសផលិតឱសថដំបូងគេបំផុតរបស់កម្ពុជា ដែលបាននាំឱសថទៅកាន់ប្រទេសជាច្រើន

ឧកញ៉ាកោះក្របី — Thu, 06 May 2021 11:31:43 +0000

លោកអ្នកនាងប្រហែលជាធ្លាប់បានស្គាល់ ថ្នាំគ្រាប់ គីណាល់ (KINAL) ជាឱសថដ៏ពេញនិយម និងល្បីឈ្មោះបោះសំឡេងក្នុងប្រទេសកម្ពុជា ដែលផលិតដោយកុលបុត្តខ្មែរតាំងពីឆ្នាំ១៩៦០មកម្លេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

រូបភាព La Rue Cambodia

បន្ទាប់ពីកសាងកេរ្តិ៍ឈ្មោះ និងម៉ាកយីហោដ៏រឹងមាំនៅក្នុងអាជីវកម្មឱសថរយៈពេល ៦ទសវត្សរ៍កន្លងមកនេះ សហគ្រាសផលិតឱសថ ប៉េប៉េអឹម (PPM) កំពុងសម្លឹងទៅរកការបង្កើនចំណែកទីផ្សារក្នុងស្រុក ក៏ដូចជាការពង្រីកទីផ្សារនាំចេញទៅកាន់ប្រទេសថ្មីៗផ្សេងទៀត។

រូបភាពហ្វេសបុក ប៉េប៉េអឹម

សហគ្រាសផលិតឱសថ ប៉េប៉េអឹម ត្រូវបានបង្កើតឡើងនៅក្នុងប្រទេស កម្ពុជា ជាមួយនឹងការផលិត ឱសថគីណាល់ ជាឱសថដំបូងគេបំផុតរបស់កម្ពុជា ដែលត្រូវបានបង្កើតឡើងក្នុងឆ្នាំ ១៩៦០ ដោយបច្ចុប្បន្នសហគ្រាសផលិតឱសថ ប៉េប៉េអឹម បាននាំចេញផលិតផលបំបាត់ការឈឺចាប់នេះរួមនឹងផលិតផលសុខភាពជាច្រើនទៀត ទៅកាន់ប្រទេសជាច្រើន ដូចជាប្រទេសក្នុងតំបន់អាហ្វ្រិក តំបន់អាស៊ីអាគ្នេយ៍ និងអឺរ៉ុបជាដើម។ គីណាល់គឺជាឱសថដំបូងគេបង្អស់ដែលត្រូវបានផលិតនៅក្នុងប្រទេស កម្ពុជា ដោយលោកឱសថបណ្ឌិត កុក សុខគីម។

លោកឱសថបណ្ឌិត កុក សុខគីម ដែលជាស្ថាបនិកឱសថគីណាល់

រហូតមកដល់បច្ចុប្បន្ន ឱសថគីណាល់ មានការរីកចម្រើនដោយបានផលិតចេញជា៧ប្រភេទ ដែលជាចែកចេញជា១៥ទម្រង់ផលិតផលផ្សេងគ្នា ដែលមានប្រសិទ្ធភាពព្យាបាលទៅតាមកម្រិតនៃការឈឺចុកចាប់ខុសៗគ្នា ដូចជា KINAL សម្រាប់ការឈឺចុកចាប់ធម្មតា; KINAL IBUសម្រាប់ការឈឺចុកចាប់និងហើមខ្លាំង; KINAL CODEINE, KINALVICនិងKINALDOLសម្រាប់ការឈឺចុកចាប់ខ្លាំងកម្រិតទី២; KINALសុលសម្រាប់ក្មេង, KINAFONសម្រាប់បំបាត់ការឈឺចុកចាប់ដោយការកន្ត្រាក់និងចុងក្រោយ KINAL Alcool de Menthe សម្រាប់ប្រើប្រាស់ពេលមានអាការៈ ឈឺក្បាល ធេងធោង ដូចជាពុលរថយន្ត និងសម្រួលខ្លួនប្រាណពេលស្ត្រីឆ្លងទន្លេរួច។

រូបភាពហ្វេសបុក ប៉េប៉េអឹម

សហគ្រាសផលិតឱសថ ប៉េប៉េអឹម អាចចាត់ថាជាក្រុមហ៊ុនឱសថមួយដែល បានជំរុញដល់មនុស្សជំនាន់ថ្មីឲ្យមានការតស៊ូសិក្សាស្រាវជ្រាវ និងបង្កើតចេញជាគំនិតច្នៃប្រឌិត ដើម្បីឈានដល់ការបង្កើតផលិតផលកម្ពុជា ដែលចូលរួមដល់ការអភិវឌ្ឍវិស័យសុខាភិបាល និងប្រទេសជាតិទាំងមូល ។

បើយោងតាមអ្នកអង្កេតក្នុងឧស្សាហកម្មនេះបានឲ្យដឹងថា ប្រទេសកម្ពុជា នាំចូលឱសថប្រមាណ ៩០ ភាគរយ ដែលមានតម្លៃជិត ៣០០ លានដុល្លារ ជារៀងរាល់ឆ្នាំ។ ក្នុងនោះវិស័យឯកជននាំចូលឱសថមានតម្លៃប្រមាណ ២០០ លានដុល្លារ ក្នុង ១ ឆ្នាំ ខណៈរដ្ឋាភិបាលនាំចូលប្រមាណ ១០០ លានដុល្លារអាមេរិក។

ឱសថដែលត្រូវបាននាំចូលភាគច្រើនមកពីប្រទេស បារាំង ឥណ្ឌា ចិន រុស្ស៊ី វៀតណាម និងថៃជាដើម៕

The post មកស្គាល់សហគ្រាសផលិតឱសថដំបូងគេបំផុតរបស់កម្ពុជា ដែលបាននាំឱសថទៅកាន់ប្រទេសជាច្រើន appeared first on .

គិតគូដល់កូនចៅក្នុងគ្រាលំបាក ឧបនាយករដ្ឋមន្ត្រី ជា សុផារ៉ា ឧបត្ថម្ភថ្នាំពេទ្យដល់មន្រ្តីរាជការរាប់ពាន់នាក់

ឧកញ៉ាកោះក្របី — Thu, 29 Apr 2021 02:43:12 +0000

លោក ជា សុផារ៉ា ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានរៀបចំចែកថ្នាំពេទ្យបម្រុងដល់មន្រ្តីម្នាក់១ឈុត ទុកសម្រាប់ប្រេីប្រាស់បឋមនៅតាមផ្ទះក្នុងករណីឆ្លងជំងឺកូវីដ-១៩ មានរោគសញ្ញាស្រាល ខណៈដែលក្រសួងសុខាភិបាលក៏បានណែនាំឲ្យតាមដានរោគសញ្ញា និងការថែទាំព្យាបាលអ្នកជំងឺកូវីដ១៩ នៅតាមផ្ទះដោយប្រាប់ពីវិធីប្រើប្រាស់ និងថ្នាំព្រទ្យ។

រូបភាពហ្វេសបុក លោក ថេង ច័ន្ទសង្វារ

តាមរយៈបណ្តាញសង្គមហ្វេសបុកកាលពីថ្ងៃទី២៨ ខែមេសាម្សិលមិញ លោក ថេង ច័ន្ទសង្វារ រដ្ឋលេខាធិការ និងជាប្រធានក្រុមការងារអភិវឌ្ឍនិងផ្សព្វផ្សាយគោលនយោបាយនិងច្បាប់នៃក្រសួងរៀបចំដែនដី នគរូបនីយកម្ម និងសំណង់ ក៏បានសំដែងនូវកតញ្ញុតាធម៌ដ៏ជ្រាលជ្រៅជាទីបំផុតចំពោះលោក ជា សុផារ៉ា ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ដែលបានរៀបចំចែកថ្នាំពេទ្យបម្រុងដល់មន្រ្តីម្នាក់១ឈុត ដល់មន្រ្តីរាជការថ្នាក់កណ្តាលចំនួន ៩៦៥នាក់ មន្រ្តីនៃមន្ទីរគ្រប់រាជធានី ខេត្ត ចំនួន ១៤៦២នាក់ និងមន្រ្តីនៃការិយាល័យរៀបចំដែនដី នគរូបនីយកម្ម សំណង់ និងភូមិបាលនៃរដ្ឋបាលក្រុង ស្រុក ខណ្ឌទូទាំងប្រទេសចំនួន ១២៣៩នាក់ ដេីម្បីទុកប្រេីប្រាស់បឋមនៅតាមផ្ទះក្នុងករណីឆ្លងជំងឺកូវីដ-១៩ដែលមានរោគសញ្ញាស្រាល តាមការណែនាំរបស់ក្រសួងសុខាភិបាល។

រូបភាពហ្វេសបុក លោក ថេង ច័ន្ទសង្វារ

លោក ច័ន្ទសង្វារ ក៏សូមឱ្យគុណានិសង្សនេះ ញាំងឱ្យវត្ថុសក្តិសិទ្ធិទាំងអស់ក្នុងលោកតាមបីបាច់ថែរក្សាលោកឧបនាយករដ្ឋមន្រ្តី លោកជំទាវ បុត្រាបុត្រី ចៅ និងចៅទួត ឱ្យមានសុខភាពល្អបរិបូរ កម្លាំងពលំមាំមួន និងសម្រេចជោគជ័យគ្រប់ភារកិច្ច។

រូបភាពហ្វេសបុក លោក ថេង ច័ន្ទសង្វារ

The post គិតគូដល់កូនចៅក្នុងគ្រាលំបាក ឧបនាយករដ្ឋមន្ត្រី ជា សុផារ៉ា ឧបត្ថម្ភថ្នាំពេទ្យដល់មន្រ្តីរាជការរាប់ពាន់នាក់ appeared first on .

ក្រុមហ៊ុនម៉ាស៊ីថតរូបFujifilm ចាប់ផ្តើមការសាកល្បងថ្នាំគ្រាប់ព្បាបាលជំងឺកូវីដ-១៩

ឧកញ៉ាកោះក្របី — Fri, 23 Apr 2021 10:22:53 +0000

ការសាកល្បងថ្នាំគ្រាប់ព្យាបាលជំងឺកូវីដ-១៩ ដំណាក់កាលចុងក្រោយ ដែលជាក្តីសង្ឃឹមសម្រាប់អ្នកជំងឺសម្រាកព្យាបាលនៅតាមផ្ទះ នៅក្នុងប្រទេសជប៉ុន របស់ក្រុមហ៊ុន Fujifilm Holdings Corp។

រូបភាព អ៊ិនធើណេត

ក្រុមហ៊ុន Fujifilm ជាស្ថាប័នអាជីវកម្មផ្នែកម៉ាស៊ីនថតរូប និងផ្នែកវេជ្ជសាស្ត្រអស់ពេលជាច្រើនឆ្នាំមកហើយ បានអះអាងថា ខ្លួនកំពុងស្រាវជ្រាវថ្នាំគ្រាប់ដែលផ្តោតទៅលើអ្នកជំងឺកូវីដ-១៩ដែលមានអាយុលើសពី ៥០ ឆ្នាំ និងអ្នកដែលមានហានិភ័យនៃការវិវត្តទៅជារោគសញ្ញាធ្ងន់ធ្ងរ។

ថ្នាំ Avigan ឬ Favipiravir ត្រូវបានក្រុមហ៊ុន Fujifilm កំពុងធ្វើតេស្ត និងត្រូវបានគេសិក្សានៅក្នុងការសាកល្បងរាប់សិបកន្លែងនៅទូទាំងពិភពលោក ហើយវាត្រូវបានអនុញ្ញាតឱ្យប្រើសម្រាប់ព្យាបាលជំងឺកូវីដ-១៩ នៅក្នុងប្រទេសរុស្ស៊ី ឥណ្ឌា និងឥណ្ឌូណេស៊ី។ ប៉ុន្តែការព្រួយបារម្ភនៅតែមានចំពោះថ្នាំនេះ ព្រោះនៅក្នុងការសិក្សាទៅលើសត្វបង្ហាញថា វាអាចបណ្តាលឱ្យមានពិការភាពពីកំណើត។

រូបភាព អ៊ិនធើណេត

ទោះយ៉ាងណា ប្រទេសជប៉ុននៅតែយល់ព្រមឱ្យប្រើថ្នាំ Avigan ជាឱសថសម្រាប់ព្យាបាលជំងឺផ្តាសាយបន្ទាន់ ហើយកាលពីចុងឆ្នាំមុន រដ្ឋាភិបាលបានអំពាវនាវឲ្យក្រុមហ៊ុន Fujifilm ជាអ្នកទទួលស្តុកថ្នាំទុកសម្រាប់នៅផ្គត់ផ្គង់ក្នុងស្រុក៕

ប្រភព៖ the japan times

The post ក្រុមហ៊ុនម៉ាស៊ីថតរូបFujifilm ចាប់ផ្តើមការសាកល្បងថ្នាំគ្រាប់ព្បាបាលជំងឺកូវីដ-១៩ appeared first on .

ថ្នាំគ្រាប់

មកស្គាល់សហគ្រាស​ផលិត​ឱសថ​ដំបូង​គេ​បំផុត​របស់​កម្ពុជា ដែលបាននាំឱសថទៅ​កាន់​ប្រទេស​ជា​ច្រើន

ក្រុមហ៊ុនម៉ាស៊ីថតរូបFujifilm ចាប់ផ្តើមការសាកល្បងថ្នាំគ្រាប់ព្បាបាលជំងឺកូវីដ-១៩

មកស្គាល់សហគ្រាសផលិតឱសថដំបូងគេបំផុតរបស់កម្ពុជា ដែលបាននាំឱសថទៅកាន់ប្រទេសជាច្រើន