ទស្សនៈអ្នកមាន

សិក្សាស្រាវជ្រាវជាង ២៦ ឆ្នាំ ទើបដឹងថាអ្នកមានគិតខុសពីមនុស្សទូទៅ ៨ ចំណុចនេះ

ឧកញ៉ាសំពៅ — Fri, 11 Aug 2023 07:16:05 +0000

អ្នកនិពន្ធសៀវភៅ “How Rich People Think” លោក Steve Siebold បានទម្លាយឲ្យដឹងពីទស្សនៈអ្នកមានគិតខុសពីមនុស្សទូទៅ។

បើតាមបទពិសោធន៍ដែលលោកបានសម្ភាសន៍បុគ្គលជោគជ័យជាច្រើនក្នុងរយៈពេល ២៦ ឆ្នាំនេះ លោក Steve Siebold បានលើកពីផ្នត់គំនិតនិងទស្សនៈអ្នកមាន ៨ ចំណុចធំៗ ដែលគិតខុសពីមនុស្សសមញ្ញទូទៅ។

1/ អ្នកមានគិតថា ការមានបានគឺជាផ្លែផ្កានៃការខិតខំប្រឹងប្រែង ខណៈមនុស្សធម្មតាគិតថាការមានបានគឺជាលាភសំណាង

ស្របពេលគ្រប់គ្នាគិតថា ដើម្បីក្លាយជាអ្នកមាន អ្នកត្រូវពឹងផ្អែកលើសំណាងទាំងស្រុងនោះ អ្នកគិតខុសហើយ។ Siebold និយាយថា ដោយសារតែគោលគំនិតបែបនេះហើយ ទើបធ្វើឲ្យមនុស្សជាច្រើននាំគ្នាទៅទិញឆ្នោតផ្សងសំណាង តែសម្រាប់អ្នកមានគឺពួកគេបែរជាខំប្រឹងធ្វើការទៅវិញ។

2/ អ្នកមានគិតថាការចាប់ផ្ដើមធ្វើអាជីវកម្មគឺជាមធ្យោបាយរកលុយបានលឿនបំផុត ខណៈមនុស្សទូទៅគិតថា ការធ្វើអាជីវកម្មគឺជាការប្រថុយប្រថាន

វាគឺជារឿងពិត ការចាប់ផ្ដើមអាជីវកម្មគឺវាមានហានិភ័យ តែអ្នកមានយល់ឃើញថា ការដែលដឹងអំពីហានិភ័យកាន់តែច្រើន នោះពួកគេនឹងកាន់តែយល់ច្បាស់អំពីដំណោះស្រាយ។ ស្របពេលអ្នកមានកំពុងដំណើរការ និងបានប្រាក់ចំណេញពីអាជីវកម្មរបស់ពួកគេ មនុស្សទូទៅកំពុងស្វះស្វែងរកប្រាក់ខែស្ថិរភាពមួយ ដែលធ្វើឲ្យពួកគេខកខានឱកាសរកចំណូលច្រើនជាងនេះ។

3/អ្នកមានយល់ថានៅពីក្រោយភាពជោគជ័យ គឺបទពិសោធន៍ ខណៈមនុស្សទូទៅជឿថាជាភាពឆ្លាត

“បើសិនជាគន្លឹះនៃភាពមានបានគឺជាការទទួលបានលទ្ធផលល្អក្នុងសាលា នោះសិស្សពូកែទាំងអស់ច្បាស់ជាក្លាយជាអ្នកមានអស់ហើយ”។ Siebold បន្ថែម៖ “ភាគច្រើននៅពីក្រោយភាពជោគជ័យគឺជាបទពិសោធន៍ដ៏ក្រាស់ក្រែល ជាជាងការទន្ទេញមេរៀនសម្រាប់ការប្រលង”។

តើធ្វើយ៉ាងណាទើបអាចទទួលបានបទពិសោធន៍ទាំងនោះ? ព្យាយាមស្វែងយល់ពីទស្សនៈអ្នកមាន និងសង្កេតមើលពីទម្លាប់ និងការគិតរបស់ពួកគេ។

4/ អ្នកមានគិតថា ដើម្បីឆ្ពោះទៅរកភាពមានបាន កម្លាំងសាមគ្គីជារឿងចំបង ខណៈមនុស្សទូទៅយល់ថាកត្តាបុគ្គលសំខាន់ជាង

ចំណុចមួយនេះមិនជាខុសគ្នាប៉ុន្មានពីសុភាសិតខ្មែរយើង ដែលនិយាយថា “ចង្កឹះមួយបាច់គេកាច់ពុំបាក់”ឡើយ ព្រោះអ្នកមានមានទស្សនៈថា ដើម្បីឈានទៅរកភាពមានបានស្ដុកស្ដម្ភ កម្លាំងសាមគ្គីគឺជាកត្តាចំបង។

“ទ្រព្យសម្បត្តិដែលរកបានមកយ៉ាងច្រើនលើសលប់ គឺផ្ដើមចេញពីការប្រមូលផ្ដុំនៃកម្លាំងស្មារតី និងកម្លាំងកាយនៃមនុស្សមួយក្រុមដែលមានទស្សនៈស្រដៀងគ្នា”។ នេះបើតាមសម្ដីអ្នកនិពន្ធ Siebold។

5/ អ្នកមានយល់ថា ការរកប្រាក់គឺជារឿងសាមញ្ញ តែមនុស្សទូទៅគិតថា វាជារឿងរញ៉េរញ៉ៃ

“មនុស្សភាគច្រើនតែងគិតថា អ្នកមានគឺជាមនុស្សឆ្លាតជាង មនុស្សសំណាងជាង ឬក៏ទទួលបានការអប់រំខ្ពស់ជាងអីជាដើម តែវាមិនមែនជាការពិតឡើយ” Siebold និយាយ។

អ្នកមានដឹងពីរបៀបដំណើរការនៃលុយ គឺបានមកពីគំនិត និងការដោះស្រាយបញ្ហា។ បញ្ហាកាន់តែច្រើន ផលដែលបានមកពីការដោះស្រាយក៏ច្រើន។ “ដ្បិតការរកលុយមិនមែនជារឿងស្រួល តែវាគឺសាមញ្ញ”។

6/ អ្នកមានជឿថា លុយគឺបានមកពីការគិត ខណៈមនុស្សទូទៅជឿថា លុយបានមកពីការប្រើពេល និងចាយកម្លាំងពលកម្ម

មនុស្សទូទៅគិតថា លុយគឺបានមកពីការធ្វើការច្រើនម៉ោងជាងធម្មតា វាជារឿងត្រឹមត្រូវតែការធ្វើម៉ោងច្រើនជាងធម្មតា វាគ្រាន់តែជួយឲ្យអ្នកមានចំណូលច្រើនជាងមុនតិចតួចប៉ុណ្ណោះ។

តែអ្នកមានវិញ ពួកគេមានគោលគំនិតមួយ គឺតែងរកនឹកបង្កើតអ្វីដែលថ្មី ហើយការគិតនូវគំនិតថ្មីៗនេះហើយគឺជាជំនាញដែលទទួលបានចំណូលខ្ពស់បំផុតក្នុងពិភពលោក។

7/ អ្នកមានជឿថា លុយគឺមានសេរីភាព ខណៈមនុស្សទូទៅជឿថា លុយគឺជាការគ្រប់គ្រង

“អ្នកមានយល់ថា លុយគឺជាឧបករណ៍ដែលអាចផ្ដល់នូវសិទ្ធិសេរីភាព និងឱកាសដល់ពួកគេ ក៏ដូចជាអ្នកដទៃ តែផ្ទុយពីនោះ មនុស្សទូទៅបែរជាយល់ឃើញថា មានលុយមានអំណាច អាចធ្វើអ្វីបានតាមចិត្តទៅវិញ”។

8/ អ្នកមានយល់ថាធ្វើការដើម្បីបំពេញចន្លោះខ្វះខាត តែមនុស្សទូទៅគិតថាធ្វើការគឺដើម្បីប្រាក់

លោក Siebold និយាយ៖ “អ្នកមានតែងដឹងច្បាស់ថា បើធ្វើការគឺដើម្បីតែប្រាក់ នោះវាគឺជារឿងអាក្រក់បំផុតសម្រាប់ការកសាងទ្រព្យសម្បត្តិ”។

អ្នកគួរកុំព្យាយាមរកមើលការងារដែលផ្ដល់ប្រាក់កម្រៃខ្ពស់ តែគួររកមើលការងារណាដែលមានវិសាលភាពធំទូលាយនាថ្ងៃអនាគតសម្រាប់ការអភិវឌ្ឍខ្លួនឯង។ នៅពេលអ្នករកឃើញហើយនោះ ចូរដាក់ចិត្តដាក់បេះដូងធ្វើវាឲ្យអស់ពីសមត្ថភាព នៅថ្ងៃណាមួយអ្នកនឹងទទួលបានផ្លែផ្កាដ៏ធំធេងពីវាជាក់ជាមិនខាន៕

ប្រភព: cnbc

The post សិក្សាស្រាវជ្រាវជាង ២៦ ឆ្នាំ ទើបដឹងថាអ្នកមានគិតខុសពីមនុស្សទូទៅ ៨ ចំណុចនេះ appeared first on .

អ្នកឧកញ៉ាបណ្ឌិត យូ សាម៉េត៖ ចាត់ថ្នាក់អ្នកមានសម័យថ្មីតាមកម្រិតទាំង ៣ប្រភេទនេះ មិនមែនតាមទឹកលុយទេ

អ្នកឧកញ៉ាវត្តភ្នំ — Fri, 03 Sep 2021 04:49:48 +0000

កន្លងមក ធ្លាប់មានទ្រឹស្ដី និងទស្សនៈចម្រុះជាច្រើន ទាក់ទងនឹងការវាយតម្លៃ និងចាត់ថ្នាក់ពាក្យថា “អ្នកមាន” កម្រិតទាប កម្រិតមធ្យម និងមានបំផុតខុសៗគ្នា។ អ្នកជំនាញមួយចំនួន ពួកគាត់បានវាយតម្លៃទៅលើចំនួនលុយដែលបុគ្គលម្នាក់កំពុងមានជាក់ស្ដែង ចន្លោះពីចំនួនប៉ុន្មាន ដល់ប៉ុន្មានជាដើម។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

តែសម្រាប់ អ្នកឧកញ៉ាបណ្ឌិត យូ សាម៉េត ហៅលោកគ្រូ នេតឈ័រ អគ្គនាយកក្រុមហ៊ុន ECON Group Ltd និងជាអ្នកជំនាញខាងបណ្ដុះផ្នត់គំនិតដ៏ល្បីល្បាញមួយរូបនៅកម្ពុជា មានទស្សនៈផ្សេងពីការលើកឡើងខាងលើ។ អ្នកឧកញ៉ាបណ្ឌិត មិនបានចាត់ថ្នាក់អ្នកមាន ទៅតាមចំនួនទឹកលុយ ឬទ្រព្យសម្បត្តិដែលពួកគាត់កំពុងមានឡើយ តែចាត់ថ្នាក់ អ្នកមាន ឬអ្នកដែលអាចក្លាយជាអ្នកមានសម័យថ្មី (ក្រោយសម័យរំដោះ ឆ្នាំ១៩៧៩) ទៅតាមលក្ខណៈសម្បត្តិ និងការខិតខំប្រឹងប្រែងរៀងៗខ្លួន។

ក្នុងន័យនេះ អ្នកឧកញ៉ាបណ្ឌិត យូ សាម៉េត បានលើកពីទស្សនៈផ្ទាល់ខ្លួនថា អ្នកមានសម័យថ្មី និងអាចមានឱកាសក្លាយជាអ្នកមានបានយ៉ាងពិតប្រាកដ គឺជាក្រុមមនុស្ស ដែលស្ថិតក្នុងតថភាពជាក់ស្ដែងទាំង ៣ ខាងក្រោមនេះ៖

អ្នកមានប្រភេទទី១៖ ពួកគាត់ គឺជាក្រុមអ្នករៀន អ្នកសូត្រ អ្នកមានមុខជំនួញ ហើយក៏ស្ថិតត្រកូលអ្នកមានតាំងពីដើមមកស្រាប់។ ម្លោះហើយ អាណាព្យាបាលគាត់ តែងតែយកចិត្តទុកដាក់ខ្ពស់ លើការបញ្ជូនកូនៗរបស់ពួកគាត់ ឱ្យរៀនសូត្របានខ្ពង់ខ្ពស់ ទោះត្រូវចំណាយលើការអប់រំនេះ អស់លុយច្រើនក៏ពួកគាត់មិនរុញរា។

ជាលទ្ធផល ពេលកូនៗពួកគាត់បញ្ចប់ការសិក្សា មានទាំងចំណេះ ជំនាញ ច្បាស់លាស់ មិនថារៀននៅក្នុងស្រុក ឬមកពីសាលានៅបរទេសទេ គឺនឹងយកសមត្ថភាព ចំណេះជំណាញ និងទ្រឹស្ដីដែលបានរៀនសូត្រនោះ មកបង្កើតមុខជំនួញ ឬអាជីវកម្មណាមួយដោយខ្លួនឯង។ បើមិនដូច្នេះទេ គឺកូនចៅគាត់ មកបន្តកាន់កាប់មុខរបរ ដែលឱពុកម្ដាយគាត់មានស្រាប់។

ក្រុមពូួកគាត់នេះហើយ ដែលអាចចាត់ថ្នាក់ថា ជាក្រុមអ្នកមានប្រភេទទី១ នៅស្រុកយើង ហើយក៏ជាក្រុមដែលមានសំណាងតាំងពីដើម ហើយបើពួកគាត់បណ្ដុះបណ្ដាលកូនចៅគាត់ជំនាន់ក្រោយ បានល្អប្រសើរទៀត កាន់តែធ្វើឱ្យត្រកូលរបស់ពួកគាត់ ឈរឈ្មោះជាគ្រួសារអភិជនតជំនាន់ថែមទៀតផង។

អ្នកមានប្រភេទទី២៖ ជាក្រុមអ្នកមានទុនរកស៊ី ដោយផ្ដើមចេញពីការប្រឹងប្រែងធ្វើការ និងសន្សំ បូកផ្សំនឹងការមានគំនិត មានចំណេះដឹង ជំនាញ តែមិនមានការទំនុកបំរុងពីអាណាព្យាបាលបានពេញលេញទេ។ ពោល គឺក្រុមអ្នកមានប្រភេទទី២នេះ ពួកគាត់ ភាគច្រើនផ្ដើមពីការខិតខំប្រឹងប្រែងដោយខ្លួនឯង ធ្វើការឱ្យគេ ហើយសន្សំទុនទុករកស៊ី វិនិយោគ ក៏បន្តចេញធ្វើជំនួញដោយរហូតជោគជ័យ ក្លាយជាអ្នកមាន។

ឧទាហរណ៍៖ អ្នកខ្លះ គាត់ទៅធ្វើការងារសន្សំលុយនៅស្រុកគេ ហើយពេលសន្សំលុយបានគ្រប់គ្រាន់ហើយល្មមតែ អាចមកខ្មែរវិញ និងបើកអាជីវកម្ម ឬមុខរបរច្បាស់លាស់ណាមួយ ពួកគាត់ក៏ចាប់ផ្ដើមធ្វើផែនការអាជីវកម្មដ៏ត្រឹមត្រូវមួយ ហើយដើរតាមនោះ រហូតទទួលបានជោគជ័យ ក្លាយជាអ្នកមាន។

អ្នកមានប្រភេទទី៣៖ ក្រុមអ្នកមានប្រភេទចុងក្រោយនេះ អ្នកឧកញ៉ាបណ្ឌិត យូ សាម៉េត សង្កត់ធ្ងន់ថា ជាក្រុមមនុស្សកំសត់ជាងគេ ប៉ុន្តែជាមនុស្សដែលរឹងមាំបំផុត! ក្រុមមនុស្សប្រភេទទី៣ ដែលអាចក្លាយជាអ្នកមាន ហើយនឹងមិនងាយធ្លាក់ខ្លួនក្រវិញនេះ ពួកគាត់ជាក្រុមមនុស្សដែលមានគំនិត មានប្រាជ្ញា ខំប្រឹងរៀន មានជំនាញ មានចំណេះ មានការអត់ធ្មត់ មានការប្រឹងប្រែង និងជាពិសេស មិនព្រមចុះចាញ់ឧបសគ្គឡើយ។

ក្រុមមនុស្សដែលជោគជ័យ ក្នុងប្រភេទទី៣នេះ ជាមនុស្សដែលតោងភ្ជាប់នឹងវិន័យល្អផ្ទាល់ខ្លួន ចេះដាក់ខ្លួន រៀនសូត្រពីមនុស្សនៅជុំវិញ មិនចុះចាញ់ មុនធ្វើឡើយ! កត្តាដូចបានរៀបរាប់នេះហើយ ទើបគេតែងឃើញក្រុមមនុស្សរឹងមាំក្នុងប្រភេទនេះ ក្លាយជាអ្នកមានទ្រព្យសម្បត្តិស្ដុកស្ដម្ភ គួរជាទីមោទនៈភាព និងជាបុគ្គលគំរូ ក្នុងសង្គមថែមទៀតផង។

ជារួមមកវិញ លោកគ្រូ នេតឈ័រ ចង់សង្កត់ធ្ងន់ថា មនុស្សគ្រប់គ្នាក្នុងសង្គមសុទ្ធតែអាចទទួលបានឱកាសក្លាយជាអ្នកមានបាន គឺអាស្រ័យលើការប្រឹងប្រែង និងឱកាសផ្សេងៗគ្នា ហើយពាក្យថា អ្នកមាន ឬបុគ្គលជោគជ័យពិតប្រាកដ គឺមិនអាចវាស់វែងបានត្រឹមតែ ទឹកលុយ ទ្រព្យសម្បត្តិ តែប៉ុណ្ណោះឡើយ៕

អានអត្ថបទ៖ ឧកញ៉ា យូ សាម៉េត ទទួលបានគោរមងារជា «អ្នកឧកញ៉ា»

The post អ្នកឧកញ៉ាបណ្ឌិត យូ សាម៉េត៖ ចាត់ថ្នាក់អ្នកមានសម័យថ្មីតាមកម្រិតទាំង ៣ប្រភេទនេះ មិនមែនតាមទឹកលុយទេ appeared first on .

ទស្សនៈអ្នកមាន

សិក្សា​ស្រាវជ្រាវ​ជាង ២៦ ឆ្នាំ ទើប​ដឹងថា​អ្នកមាន​គិត​ខុស​ពី​មនុស្សទូទៅ ៨ ចំណុចនេះ

អ្នកឧកញ៉ាបណ្ឌិត យូ សាម៉េត៖ ចាត់ថ្នាក់អ្នកមានសម័យថ្មីតាមកម្រិតទាំង ៣ប្រភេទនេះ មិនមែនតាមទឹកលុយទេ

សិក្សាស្រាវជ្រាវជាង ២៦ ឆ្នាំ ទើបដឹងថាអ្នកមានគិតខុសពីមនុស្សទូទៅ ៨ ចំណុចនេះ