រឿងសិស្សសាលាផ្សារដើមថ្កូវព្រួតគ្នាវាយសិស្សស្រីម្នាក់ បញ្ចប់រឿងត្រឹមសុំទោស…

កូនចៅឧកញ៉ា — Fri, 17 Jan 2020 09:22:59 +0000

ភ្នំពេញ ៖ មត្ថកិច្ចបាននាំខ្លួនក្មេងស្រីចំនួន៤នាក់ យកទៅសួរនាំពាក់ព័ន្ធករណីប្រើអំពើហិង្សាទៅលើក្មេងស្រីសិស្ស វិទ្យាល័យផ្សារដើមថ្កូវម្នាក់ ហើយថតរូបបង្ហោះផ្អើលពេញបណ្តាញសង្គម។ ជាមួយគ្នានេះ សមត្ថកិច្ចក៏បានកោះហៅភាគីពាក់ព័ន្ធ និងអាណាព្យាបាលទាំងអស់ ដើម្បីដោះស្រាយ។

នៅរសៀលថ្ងៃទី១៧ ខែមករា ឆ្នាំ ២០២០ ភាគីបង្កបានយល់ព្រមទទួលកំហុស និងសុំទោសចំពោះមុខសមត្ថកិច្ច ហើយភាគីរងគ្រោះ និងឪពុកម្តាយ មិនប្តឹងផ្តល់នោះទេ ដោយសុំឲ្យភាគីវាយកូនគាត់ធ្វើកិច្ចសន្យា បញ្ឈប់មិនអោយមានលើកក្រោយទៀតឡើយ ។ នេះបើតាមការលើកឡើងរបស់សមត្ថកិច្ចការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ។

ក្រោយធ្វើការសម្របសម្រួលត្រូវរ៉ូវគ្នាហើយនោះ ករណីនេះ សមត្ថកិច្ចមិនបញ្ជួនសុំណំរឿងនោះ ទៅកាន់តុលាការឡើយ ព្រោះពួកគេសុទ្ធតែជាអនិថជននៅឡើយ ។

សូមរំលឹកថា កាលពីរសៀលថ្ងៃទី១៦ ខែមករា ឆ្នាំ២០២០ មានក្មេងស្រី ចំនួន៤នាក់ ត្រូវបានសមត្ថកិច្ចឃាត់ខ្លួនយកទៅសួរនាំ បន្ទាប់ពីបែកធ្លាយវីដេអូឃ្លីប បង្ហាញថា ពួកគេបានវាយធ្វើបានក្មេងស្រីម្នាក់ នៅវិទ្យាល័យផ្សារដើមថ្កូវ បង្កឲ្យមានការចាប់អារម្មណ៍សារជាថ្មីដល់មហាជន ហើយសមត្ថកិច្ចក៏មិនបង្អង់យូរដែរ បាននាំគ្នាស្រាវជ្រាវតាមចាប់ខ្លួនបានភ្លាមៗយកមកសួរនាំអប់រំ តាមបណ្ដឹងភាគីឪពុកម្ដាយខាងក្មេងស្រីរងគ្រោះ ។

បើតាមសមត្ថកិច្ចនិយាយថា ជនរងគ្រោះឈ្មោះ ស្រ៊ុន កែវមរកត អាយុ១៦ឆ្នាំ រៀនថ្នាក់ទី៨ នៃវិទ្យាល័យដើមថ្កូវ ស្នាក់នៅសង្កាត់ផ្សារដើមថ្កូវ ផ្លូវ៣៤៣០។ ចំណែកក្រុមជនបង្កមានគ្នា៤នាក់ រៀនថ្នាក់ទី៩ម្នាក់ ដោយបានហៅបក្ខពួកពីខាងក្រៅសាលាមក ចំនួន៣នាក់ទៀត មកវាយលើជនរងគ្រោះ ។ យោងតាមក្រុមគ្រួសារក្មេងស្រីរងគ្រោះ បានប្រាប់ឲ្យដឹងថា ករណីហិង្សានេះ កើតឡើងកាលពីរសៀល ថ្ងៃទី២៥ ខែធ្នូ ឆ្នាំ២០១៩ នៅក្នុងវិទ្យាល័យផ្សារដើមថ្កូវ ប៉ុន្ដែវីដេអូឃ្លីបនេះទើបតែបែកធ្លាយសង្ស័យមិត្តភក្ដិរបស់នាងលួចថតហើយបង្ហោះនៅពេលក្រោយមក។

បើតាមម្តាយយុវតីរងគ្រោះបានអះអាងថា គាត់មិនបានដាក់ពាក្យបណ្តឹងនៅឡើយទេ ទើបតែរសៀលថ្ងៃទី១៦ ខែមករា ឆ្នាំ២០២០ ឃើញមានរូបភាពបង្ហោះតាមសង្គមហ្វេសប៊ុក ហើយបានដឹងថា កូនគាត់មានកូនសិស្សស្រីដូចគ្នា ចោមរោមវ៉ៃយ៉ាងចាស់ដៃ ទើបគាត់ទៅដាក់ពាក្យបណ្ដឹងជាមួយនឹងភស្ដុតាងមួយនេះ។ ក្រោយមកនគរបាលប៉ុស្តិ៍ផ្សារដើមថ្កូវ ក៏បានអន្តរាគមន៍ និងស្វែងរកតាមសកម្មភាពហិង្សាក្នុង វីដេអូឃ្លីប និងនាំក្មេងស្រីសិស្សសាលាចំនួន៤នាក់មកសាកសួរ៕

The post រឿងសិស្សសាលាផ្សារដើមថ្កូវព្រួតគ្នាវាយសិស្សស្រីម្នាក់ បញ្ចប់រឿងត្រឹមសុំទោស… appeared first on .

ទាន់ហេតុការណ៍

រឿងសិស្សសាលា​ផ្សារដើម​​ថ្កូវ​ព្រួត​គ្នា​វាយ​​សិស្ស​ស្រី​​ម្នាក់ បញ្ចប់​​​រឿង​ត្រឹម​​​សុំ​​ទោស…

រឿងសិស្សសាលាផ្សារដើមថ្កូវព្រួតគ្នាវាយសិស្សស្រីម្នាក់ បញ្ចប់រឿងត្រឹមសុំទោស…