ទីផ្សារដី

ក្រុមហ៊ុនដីឡូតិបង្កើតឡើងដោយអតីតពលករខ្មែរធ្វើការនៅកូរ៉េមួយ ចែករង្វាន់លើកទឹកចិត្តបុគ្គលិក១ម៉ឺនដុល្លារម្នាក់

កូនចៅឧកញ៉ា — Mon, 08 Jul 2019 02:47:57 +0000

ក្រុមហ៊ុន”ភូមិឋានសួស្ដី” ដែលជាក្រុមហ៊ុនពុះដីឡូតិលក់តំបន់ជាយក្រុង បង្កើតឡើងដោយអតីតពលករខ្មែរធ្វើការនៅប្រទេសកូរ៉េមួយក្រុម បច្ចុប្បន្នកំពុងទទួលបានភាពជោគជ័យជាខ្លាំង។ ដំណើរការមិនទាន់បាន១ឆ្នាំស្រួលបួលផង ក្រុមហ៊ុនបានឈានលក់ដល់គម្រោងទី៤ហើយ អ្វីដែលជាការចាប់អារម្មណ៍នោះ នៅថ្ងៃបើកសម្ពោធគម្រោងថ្មីម្សិលមិញនេះ ថ្នាក់ដឹកនាំក្រុមហ៊ុន បានចែករង្វាន់លើកទឹកចិត្តដល់បុគ្គលិកឆ្នើមចំនួន៣នាក ម្នាក់ទទួលបានរហូតដល់៤០លានរៀល ពោលស្មើនិង១ម៉ឺនដុល្លារ។

លោក កេត វុធដុង ស្ថាបនិកម្នាក់ របស់ក្រុមហ៊ុន”ភូមិឋានសួស្ដី” បានថ្លែងឲ្យដឹងថា មិនដល់១ឆ្នាំស្រួលបួលទេ ក្រុមហ៊ុនរបស់លោកបានលក់ដីដាច់អស់៣គម្រោងហើយ មានដីសរុបជិត២០ ហិតា។ ការលក់ដាច់យ៉ាងគំហុកនេះ ក៏ព្រោះតែក្រុមហ៊ុនមានផែនការអភិវឌ្ឍន៍ច្បាស់លាស់ ធ្វើឲ្យអតិជនមានទំនុកចិត្ត។ លោកលើកឡើងថា រាលអតិថិជនដែលទិញដី ពីក្រុមហ៊ុន ចាប់ពី២ឆ្នាំឡើងទៅ ក្រុមហ៊ុនធានាជាមួយអតិជនថានិងចំណេញច្រើន ដោយយ៉ាងតិចក៏ចំណេញ៥០%ដែរ ក្នុងនោះបើអត់មានអ្នកទិញទេ ក្រុមហ៊ុនទទួលទិញយកវិញដោយឲ្យចំណេញវិញ៥០%តែម្ដង។ ចំណុចទនេះហើយគឺជា ទំនុកចិត្តធំមួយចំពោះអតិជនមកលើក្រុមហ៊ុន ហើយពួកគាត់នាំមិត្តភ័ក្ដិបងប្អូន មកទិញតាមគ្នាជាបន្តបន្ទាប់។

ទទឹមនិងភាពជោគជ័យនេះ បុគ្គលិកក្រុមហ៊ុនក្រៅពីទទួលប្រាក់ខែ ប្រាក់លើកទឹកចិត្តនៅ ថ្ងៃបើកសម្ពោធគម្រោងថ្មីទី៤ នៅ ភូមិ ខ្នា ឃុំ ទួលព្រេច ស្រុក អង្គស្នួល ខេត្ត កណ្តាល ជាប់ព្រំប្រទល់ខ័ណ្ឌ ព្រែកព្នៅ កាលពីម្សិលមិញ ”ភូមិឋានសួស្ដី” បានចែករង្វាន់លើកទឹកចិត្តដល់បុគ្គលិកឆ្នើម ចំនួន៣នាក់ ក្នុងម្នាក់ទទួលបានរង្វាន់លើកទឹកចិត្តរហូតដល់៤០លានរៀល ពោលស្មើនិង១ម៉ឺនដុល្លារ។

ក្រុមហ៊ុន”ភូមិឋានសួស្ដី” ត្រូវបានគេស្គាល់ថា ជាក្រុមហ៊ុនបង្កើតឡើងដោយ អតីតពលករខ្មែរធ្វើការនៅប្រទេសកូរ៉េមួយក្រុម ក្នុងនោះ ទី១ លោក កេត វុធដុង ទី២ លោក វ៉ាន់ សុខហេង និង ទី៣ លោក សុខ សៀងឌី ជាតារាចម្រៀងពលករម្នាក់ផងដែរ៕

The post ក្រុមហ៊ុនដីឡូតិបង្កើតឡើងដោយអតីតពលករខ្មែរធ្វើការនៅកូរ៉េមួយ ចែករង្វាន់លើកទឹកចិត្តបុគ្គលិក១ម៉ឺនដុល្លារម្នាក់ appeared first on .

កំពង់ស្ពឺ នឹងមានអគារភ្លោះ កម្ពស់កប់ពពក

កូនចៅឧកញ៉ា — Fri, 17 May 2019 10:42:58 +0000

គម្រោងវិនិយោគសាងសង់អគារភ្លោះ ខ្ពស់កប់ពពកមួយទៀត នឹងលេចឡើងនៅក្នុងខេត្តកំពង់ស្ពឺ នាពេលខាងមុខ។ នេះបើតាមប្រសាសន៍ លោក វ៉ី សំណាង អភិបាលខេត្តកំពង់ស្ពឺ កាលពីពេលថ្មីៗនេះ។

លោក វ៉ី សំណាង បន្ថែមថា អគារភ្លោះ នឹងត្រូវសាងសង់នៅកណ្តាលក្រុងច្បារមន ខេត្តកំពង់ស្ពឺ ដោយវិនិយោគិនខ្មែរ ខណៈការសិក្សាពីគម្រោង និងប្លង់បានបញ្ចប់រួចរាល់ហើយ ដោយរង់ចាំតែការសម្រេច ពីប្រមុខរាជរដ្ឋាភិបាលកម្ពុជាតែប៉ុណ្ណោះ។ លោកថាការសាងសង់អគារភ្លោះខ្ពស់កប់ពពកនេះ ក៏ជាការទាក់ទាញវិយោគិនកាន់តែច្រើនឡើង មកបណ្តាក់ទុនក្នុងខេត្តកំពង់ស្ពឺផងដែរ ខណៈកំពង់ស្ពឺ គឺជាតំបន់តភ្ជាប់រវាងប៉ូលសេដ្ឋកិច្ចសំខាន់ពីររបស់កម្ពុជា គឺរាជធានីភ្នំពេញ និងខេត្តព្រះសីហនុ។

លោកអភិបាលខេត្តកំពង់ស្ពឺ ថ្លែងថា៖ “ឥឡូវនេះវាពាក់ព័ន្ធនឹងបញ្ហាដីធ្លី ដែលយើងត្រូវយកកន្លែងរបស់រដ្ឋពីរកន្លែង ដើម្បីធ្វើការសាងសង់។ ការសាងសង់នេះ គឺជាការទាក់ទាញមួយឱ្យអ្នកវិនិយោគសម្លឹងមើលឃើញសក្តានុពលសេដ្ឋកិច្ចកម្ពុជា ថាពិតជាខ្លាំង ដែលមិនធ្លាប់មានអស់រយៈពេលជាង ៥០០ឆ្នាំកន្លងមកហើយ”។

ដោយមិនបានបញ្ជាក់ឈ្មោះក្រុមហ៊ុនបោះទុនវិនិយោគ និងទំហំទឹកប្រាក់ លោកអភិបាលខេត្តបានឱ្យដឹងថា អគារភ្លោះនេះទី១ មានកម្ពស់ ៣២ជាន់ និងទី២ មានកម្ពស់ ៦៤ជាន់ ដោយមានផ្សារទំនើប អគារការិយាល័យ និងកន្លែងកម្សាន្តជាដើម។

ក្រៅពីអគារពាណិជ្ជកម្មខាងលើ កំពង់ស្ពឺ ក៏ជាខេត្តដែលកំពុងតែមានសក្តានុពលផ្នែករោងចក្រឧស្សាហកម្ម និងកសិឧស្សាហកម្មខ្ពស់ជាងខេត្តនានាផងដែរ ជាក់ស្តែងកាលពីថ្ងៃទី ៩-១០ ខែមេសា ឆ្នាំ២០១៩ កន្លងទៅ លោក វ៉ី សំណាង ដែលបានបំពេញទស្សនកិច្ចនៅខេត្តក្វាងទុង សាធារណៈរដ្ឋប្រជាមានិតចិន បានអះអាងថា ប្រតិភូកម្ពុជាបានទទួលលទ្ធផលជាវិជ្ជមាន ដោយទទួលការវិនិយោគបន្ថែម និងធ្វើឲ្យប្រជាពលរដ្ឋមានការងារធ្វើច្រើន ព្រមទាំងការអភិវឌ្ឍរោងចក្រយីហោល្បីៗចំនួន ៩ក្រុមហ៊ុន ក្នុងនោះរាប់បញ្ចូលទាំងក្រុមហ៊ុនទូរសព្ទចំនួន ២គឺ OPPO និង VIVO ដែលសរុបទុនវិនិយោគខ្ទង់ពាន់លានដុល្លារអាមេរិក សម្រាប់មកវិនិយោគក្នុងទឹកដីខេត្តកំពង់ស្ពឺឆ្នាំ ២០១៩ នេះ៕

ប្រភព៖ Sabay News អត្ថបទ៖ សុផល

The post កំពង់ស្ពឺ នឹងមានអគារភ្លោះ កម្ពស់កប់ពពក appeared first on .

មិនធម្មតា ក្រុមហ៊ុនសំណង់របស់ចិន និងកូរ៉េជាង30ក្រុមហ៊ុន កំពុងសម្រេចចិត្តវិនិយោគតំបន់ព្រំដែនប៉ោយប៉ែត

កូនចៅឧកញ៉ា — Fri, 17 May 2019 05:32:25 +0000

ទឹកដី ប៉ោយប៉ែតមួយរយៈចុងក្រោយនេះ ទីផ្សារអចលនទ្រព្យមានសន្ទុះខ្លាំងគួរឲ្យកត់សំគាល់។ ដីនៅលើទឹកដីជាប់ព្រំប្រទល់ប្រទេសថៃនេះកំពុងតែត្រូវបានអ្នកវិនិយោគនៅក្រៅប្រទេសចាប់អារម្មណ៍ជាច្រើន ជាក់ស្ដែងគ្រាន់តែគម្រោងទីក្រុងរណប ឆាយណាប៉ោយប៉ែតស៊ីធីឡាយស៊ីតធី មានក្រុមហ៊ុនមិនក្រោម៣០ទេ កំពុងតែចង់វិនិយោគជាមួយ។ នេះបើតាមការលើកឡើងរបស់ ផេក ឧកញ៉ា ឡេង ណាវ៉ាត្រា។

តាមរយៈផេកលោកឧកញ៉ាល្បីឈ្មោះខាងលើបានបង្ហាញថា គម្រោងទីក្រុងរណបឆាយណាប៉ោយប៉ែតស៊ីតធីឡាយស៊ីតធី បន្ទាប់ពីខ្ញុំធ្វើបទបង្ហាញ និងសិក្សាដោយផ្ទាល់ការចាប់ឱកាស និងស្វែងយល់ ពីសក្ដានុពលអស់រយៈពេលជាច្រើនសប្ដាហ៍។

ដោយគិតមកដល់ពេលនេះ លោកឧកញ៉ាថា ក្រុមហ៊ុនមួយចំនួន ក្នុងចំណោមក្រុមហ៊ុនទាំងនោះកំពុងតែសិក្សាផ្លូវច្បាប់។ ដើម្បីឈានទៅដល់ការចុះកិច្ចសន្យាធ្វើការអភិវឌ្ឍន៍ ថែមទាំងសន្យាទាញដៃគូបន្ថែម ចូលរួមវិនិយោគជាមួយគ្នា។

The post មិនធម្មតា ក្រុមហ៊ុនសំណង់របស់ចិន និងកូរ៉េជាង30ក្រុមហ៊ុន កំពុងសម្រេចចិត្តវិនិយោគតំបន់ព្រំដែនប៉ោយប៉ែត appeared first on .

ទីផ្សារដី

កំពង់ស្ពឺ នឹងមានអគារ​ភ្លោះ ​កម្ពស់​កប់​ពពក

កំពង់ស្ពឺ នឹងមានអគារភ្លោះ កម្ពស់កប់ពពក