កញ្ញា កេង សុខចិន្តា ម្ចាស់ចំការដូងក្រអូប Daling Farm នៅក្នុងខេត្តបាត់ដំបង បានឱ្យដឹងថា ទីផ្សារដូងក្រអូបនៅដើមឆ្នាំ២០២៥នេះល្អប្រសើរជាងមុន រកតែដូងលក់មិនបាន ដោយពីមួយថ្ងៃទៅមួយថ្ងៃតម្លៃដូងឡើងថ្លៃដូចតម្លៃមាសដែរ។ហើយប្រទេសដែលនាំចេញដូងក៏មិនមានសល់ដូងមកខ្មែរដែរ ដោយសារតម្លៃកាន់តែឡើង ធ្វើឱ្យឈ្មួញមិនហ៊ានយកលក់បន្ត។

កញ្ញាបន្តថា កម្លាំងនៃការផលិតមួយថ្ងៃ៥ ០០០ផ្លែ ប៉ុន្តែក្នុងរដូវកាលដើមឆ្នាំ២០២៥នេះ មិនមានផ្លែដូងច្រើននោះទេ ដោយមួយខែអាចកែច្នៃបានត្រឹមតែ៣០០០ផ្លែប៉ុណ្ណោះ បើរដូវវស្សាមួយខែ៩ ០០០ រហូតដល់១ម៉ឺនផ្លែ។

បើតាមម្ចាស់ចម្ការរូបនេះ បច្ចុប្បន្នផ្លែដូងខ្ចី តម្លៃមូល លក់នៅចម្ការ តម្លៃ២ ៥០០រៀល ក្នុងមួយផ្លែ ខុសគ្នាជិត១០០% បើធៀបកាលឆ្នាំ២០២៤ បើវេចខ្ចប់ស្អាតហើយក្នុងមួយផ្លែបោះចេញបាន៤ ០០០រៀល ចំណែកឯប្រភេទដូងអុកលក់ក្នុងផ្សារទំនើប និងទីប្រជុំជន កន្លែងទេសចរជាដើម តម្លៃ៨ ០០០រៀល ក្នុងមួយផ្លែ។

សូមបញ្ជាក់ថា ដូងក្រអូបនៅតែមានទីផ្សារល្អ មិនថារដូវកាលណា ខែណានោះទេ ដូងក្រអូបនៅតែជាតម្រូវការរបស់ប្រជាជនទូទាំងប្រទេស ព្រោះដូងក្រអូបជាប្រភេទដំណាំប្រមូលផលរង្វិលជុំ វាមានរសជាតិផ្អែមឆ្ងាញ់ មានក្លិនក្រអូប អាចទទួលទានបានគ្រប់វ័យ ល្អសម្រាប់សុខភាព និងអាចច្នៃបានជាផលិតផលជាច្រើនបែប។

សូមជម្រាបផងដែរថា បើតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា គិតត្រឹមឆ្នាំ ២០២៣ ផ្ទៃដីដាំដូងសរុបនៅកម្ពុជាមានជិត២ម៉ឺនហិកតា ក្នុងនោះផ្ទៃដីប្រមូលផលដូងមាន ១៤.២២៥ ហិកតា ស្មើនឹង ៧១%។ ខេត្តកំពង់ស្ពឺ ជាខេត្តដែលផ្តល់ទិន្នផលផ្លែដូចច្រើនជាងគេ បន្ទាប់មកខេត្តកំពត និងខេត្តបាត់ដំបង៕

The post ឡើងមិនចាញ់មាសទេ! ដូងក្រអូបក្នុងស្រុកកាន់តែត្រូវប៉ាន់ ខណៈម្ចាស់ចំការមួយកន្លែងនៅបាត់ដំបងកែច្នៃផ្គត់ផ្គង់ទីផ្សារមិនគ្រប់ appeared first on .

បើយោងតាមម្ចាស់ចំការដូងក្រអូបនៅខាង វាលរេញ ខេត្តព្រះសីហនុម្នាក់បានឱ្យដឹងថា ក្នុងនាមជាកសិករប្រកបមុខរបរដំាដូងក្រអូបនៅក្នុងស្រុកមួយរូបដែលបាននិងកំពុងតែធ្វើកិច្ចការលើរឿងនេះ  នៅពេលបានដឹងថាដូងស្រស់មានទីផ្សារបន្ថែមនៅប្រទេសចិន ចាត់ទុកថាជាដំណឹងល្អសម្រាប់ប្រជាកសិករក្នុងស្រុកដែលរកស៊ីជួញដូរលើដូងក្រអូបនេះ។

លោក ប៊ុត គឹមឆាយ មានប្រសាសន៍ថា មកដល់បច្ចុប្បន្ននេះប្រជាពលរដ្ឋខ្មែរ គាត់មានការយល់ដឹងបានច្រើនអំពីរឿងដូងក្រអូប ខុសពីមុនគាត់ធ្លាប់តែហូបដូងធម្មតាដែលមានផ្លែដូងធំៗ តែមកដល់សម័យនាពេលសព្វថ្ងៃនេះ ក្រៅពីចូលចិត្តហូបសាច់និងទឹកដូង គាត់នៅមានទិញពូជដូងនិងដើមដូងធំៗយកទៅដំាថែមទៀត ពោលគាត់លែងចង់ហូបដូងធម្មតាដូចកាលពីមុនទៀតហើយ។

លោកគូសបញ្ជាក់ថា «ខ្ញុំគិតហើយមានការជឿជាក់យ៉ាងមុតមំាថានៅពេលផ្លែដូងស្រស់កម្ពុជាអាចនាំចេញទៅទីផ្សារចិនបាននៅថ្ងៃខាងមុខ ប្រជាកសិករដែលប្រកបរបរដំាដូងក្រអូបនៅក្នុងស្រុក ពួកគាត់នឹងបង្កើនការដំាដុះបន្ថែមទៅលើផ្ទៃដីទំនេរដែលពីមុនមិនទាន់បានដំាដុះ ព្រោះដំណាំដូងក្រអូបនេះងាយស្រួលថែទំានិងទទួលបានផលច្រើនពីមួយឆ្នំាទៅមួយឆ្នំាខុសពីដំណំាផ្សេងៗ។ដូចនេះ កសិករនឹងងាកមកដំាដុះដូងក្រូបនេះ និងបង្កើនការថែទំាដូងក្រអូបរបស់ខ្លួន ព្រោះយើងមានឱកាសនិងមានទីផ្សារនៅពេលខាងប្រទេសចិនបានបើកផ្លូវ»។

បើតាមម្ចាស់ចំការដូងក្រអូបខាងលើរូបនេះ ក្នុងរយៈពេល២០ឆ្នំាមកនេះក្រៅពីបានពង្រីកការដាំដុះដូងក្រអូបលើផ្ទៃដី៤០ហិកតារួចរាល់ លោកតែងតែទទួលបានជោគជ័យនៅក្នុងមុខរបរដំាដូងក្រអូបរបស់ខ្លួនទំាងការលក់ពូជដូងនិងផ្លែដូងស្រស់។

លោកបញ្ជាក់ថា «ក្នុង១ឆ្នំា ខ្ញុំអាចបញ្ចេញផ្លែដូងក្រអូបបានជាង១០ម៉ឺន ហើយអាចលក់បានថ្លៃជាមធ្យម២៥០០រៀលក្នុង១ផ្លែ។មុខរបរដំាដុះដូងក្រអូបអស់រយៈពេល២០ឆ្នំាមកនេះ វាបានចូលរួមជួយលើកកម្ពស់ជីវភាពគ្រួសារបានមួយផ្នែកធំ។ក្រៅពីនេះ យើងបានចូលរួមផ្តល់ការងារនិងប្រាក់ចំណូលដល់ពលរដ្ឋក្នុងមូលដ្ឋានមួយចំនួនដែលអត់មានការងារធ្វើ»។

បើតាមម្ចាស់ចំការដូង នៅខាងខេត្តព្រះសីហនុរូបនេះ បានបង្ហាញទស្សនៈនិងចាត់ទុកថាដូងក្រអូបនៅលើទីផ្សារនៅពេលខាងមុខ ថានឹងលែងមានបញ្ហាចោទទៀតហើយសម្រាប់ប្រជាកសិករ នៅពេលដែលផ្លែដូងក្រអូបអាចនាំចេញទៅទីផ្សារចិនបាន។

ទាក់ទងនិងដំណាំដូងក្រអូបនេះ បើយោងតាមក្រសួងកសិកម្ម រុក្ខាប្រមាញ់និងនេសាទកន្លងមកនេះបានឱ្យដឹងថា អគ្គនាយកដ្ឋានកសិកម្ម នឹងចាត់មន្ដ្រីជំនាញចុះវាយតម្លៃស្របតាមនីតិវិធីបច្ចេកទេសដូចមានចែងនៅក្នុងពិធីសារ មុននឹងបញ្ជូនបញ្ជីឈ្មោះចម្ការ និងរោងចក្រកែច្នៃវេចខ្ចប់ផ្លែដូងស្រស់ទៅកាន់ភាគីចិន នៅដើមខែធ្នូ ឆ្នាំ២០២៣ខាងមុខ ដើម្បីភាគីចិនពិនិត្យ និងវាយតម្លៃបញ្ចប់ មុននឹងឈានដល់ការនាំចេញជាផ្លូវការ។

ក្រសួងគូបញ្ជាក់ថា «គិតត្រឹមឆ្នាំ២០២២ នៅប្រទេសកម្ពុជាសព្វថ្ងៃ មានផ្ទៃដីដាំដុះដំណាំដូងចំនួន ១ម៉ឺន៧ពាន់ហិកតា ក្នុងនោះ ផ្ទៃដីប្រមូលផលមានចំនួន ១ម៉ឺន៤ពាន់ហិកតា។ ចំណែកទិន្នផលសរុបនៅក្នុងឆ្នាំ២០២២ នៅទូទាំងប្រទេស មានចំនួនសរុប ២៤ម៉ឺន៨ពាន់តោន»៕

អត្ថបទ៖សារេត

The post ប្រជាកសិករប្រកបមុខរបរដំាដូងក្រអូបក្នុងស្រុក ចាប់ផ្តើមមានជំនឿមុតមាំចំពោះទីផ្សារនាពេលខាងមុខ appeared first on .

អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២០ ខែកញ្ញានេះ បានជូនដំណឹងដល់ម្ចាស់ចម្ការដូង សហគមន៍កសិកម្មដូងក្រអូប និងម្ចាស់កែច្នៃនិងវេចខ្ចប់ផ្លែដូងស្រស់ ដែលមានបំណងផលិតនិងកែច្នៃវេចខ្ចប់ផ្លែដូងស្រស់ទៅកាន់ទីផ្សារប្រទេសចិន សូមរួសរាន់ដាក់ពាក្យស្នើសុំចុះបញ្ជីចម្ការ និងរោងចក្រកែច្នៃនិងវេចខ្ចប់ផ្លែដូងស្រស់ សម្រាប់នាំចេញទៅកាន់ប្រទេសចិនផងដែរ។

ពាក់ព័ន្ធនឹងការនាំចេញផ្លែដូងពីកម្ពុជា ទៅចិននេះ លោក សួង ណយ ស្ថាបនិកសហគមន៍ដូងក្រអូបកម្ពុជា និងជាអគ្គលេខាធិការរងគណៈកម្មាធិការជាតិជម្រុញភូមិមួយផលិតផលមួយ បានឱ្យដឹងថា ទីផ្សារដូងក្រអូបកម្ពុជាល្អ មានការគាំទ្រច្រើន។ហើយការអនុញ្ញាតនាំចេញផ្លែដូងពីកម្ពុជាទៅប្រទេសចិន វាជាការល្អ ឱ្យតែមានប្រទេសចង់នាំចេញផលិតផលកម្ពុជាច្រើន ជាពិសេសផ្លែដូងក្រអូប។

លោកបញ្ជាក់ថា «ក្នុងនោះសហគមន៍ដូងក្រអូបកម្ពុជាក៏បានបន្ថែមបន្តុំផលិតតាមខេត្ត ដើម្បីប្រមូលយកមកវិចខ្ចប់កែច្នៃ ផ្គត់ផ្គង់ទាំងក្នុងស្រុក និងក្រៅប្រទេស ជាពិសេសប្រទេសចិនតែម្តង។ហើយចំពោះការចុះបញ្ជីនៅក្រសួងកសិកម្ម យើងនឹងបំផុសបំផុលឱ្យសមាជិកចុះជាសហគមន៍ជាក់ស្តែងតាមការជជែកជាមួយនឹងក្រសួងកសិកម្ម»។

បើតាមលោក សួង ណយ ថា បើសិនជាប្រទេសជិតខាង តួយ៉ាងប្រទេសចិន អនុញ្ញាតឱ្យមានការនាំចេញផលិតផលខ្មែរជាពិសេសដូងក្រអូបគឺជារឿងល្អមែនមែន ព្រោះបានផ្តល់ផលប្រយោជន៍ជាច្រើនដល់កសិករម្ចាស់ចំការ អាចបានតម្លៃទាំងក្នុងស្រុកនិងក្រៅស្រុក ហើយកាលណាកសិករលក់បានតម្លៃថ្លៃ នោះកសិករមានជីវភាពធូរធារ ធ្វើឱ្យមានការអភិវឌ្ឍន៍សេដ្ឋកិច្ចជាតិផងដែរ។ទោះបីជាយ៉ាងណា ក៏មានបញ្ហាដែរ នោះគឺខ្លាចមិនមានដូងនាំចេញ ដោយសារបច្ចុប្បន្នខ្មែរយើងមិនមានដូងគ្រប់គ្រាន់សម្រាប់ផ្គត់ផ្គង់ទីផ្សារក្នុងស្រុកនៅឡើយទេ ពោលនៅមានការនាំចូលពីប្រទេសថៃ ប្រទេសវៀតណាមមិនតិចជាង៧០%នោះទេ។

លោកបន្តថា ដើម្បីនាំចេញឬផ្គត់ផ្គង់ដូងឱ្យស្របទៅតាមតម្រូវការប្រទេសចិនបាន លុះត្រាតែសហគមន៍ដូងក្រអូបកម្ពុជា ឬអ្នកកែច្នៃ អ្នកប្រមូលទិញដូង អាចពង្រីកសក្តានុពល ពង្រីកការដាំ ក៏ដូចជាពង្រឹងគុណភាពផងដែរ។

លោក បន្ថែមថា ក្នុងនាមជាសហគមន៍ដូងក្រអូបកម្ពុជា ក៏មានវិធានការផ្សេងៗផងដែរ ទី១,ប្រមូលចងក្រងសមាជិកបន្ថែម,ទី២ ត្រូវរកទុនថវិកាដើម្បីប្រមូលផ្តុំកែច្នៃ រួចនាំចេញ, ទី៣ ត្រូវពង្រឹងសមត្ថភាពសក្តានុពល ក្នុងការវេចខ្ចប់កែច្នៃឱ្យទំនើបទាន់សម័យ,និងទី៤ ម្ចាស់ចំការនីមួយៗត្រូវតែពង្រីកការដាំដុះឱ្យស្របតាមទីផ្សារក្នុងស្រុក និងក្រៅប្រទេស៕

The post ការនាំចេញផ្លែដូងកម្ពុជា ទៅកាន់ប្រទេសចិន នឹងឆាប់ផ្តើមនាពេលឆាប់ៗនេះ appeared first on .

ម្ចាស់ចំការដូងក្រអូប Daling Farm នៅក្នុងខេត្តបាត់ដំបង កញ្ញា សុខ ចិន្តា បានឱ្យដឹងថា តម្លៃផ្លែដូង និងពូជដូងក្រអូប មានការហក់ឡើងខ្លាំង ខណៈការផ្គត់ផ្គង់នៅតែមិនទាន់គ្រប់គ្រាន់សម្រាប់ទីផ្សារនៅឡើយ ចំណែកការកម្ម៉ង់ទិញវិញ មានតែការកើនឡើងជាលំដាប់់ ដោយត្រឹមតែផ្គត់ផ្គង់លើទីផ្សារក្នុងស្រុកសឹងមិនគ្រប់លើការកម្ម៉ង់ផង។

កញ្ញា សុខ ចិន្តា បន្ថែមទៀតថា ចំពោះចំការដូងក្រអូបកញ្ញាមិនទាន់អាចផ្គត់ផ្គត់លើទីផ្សារក្នុងស្រុកបាននៅឡើយទេ ខណៈបច្ចុប្បន្ន ដូងក្រអូបកញ្ញានាំចូលក្នុងទីផ្សារម៉ាក្រូ ១ខែ៤ដង ទាំង៣សាខា ( សៀមរាប ជ្រោយចង្វា សែនសុខ)ក្នុងមួយដងប្រមាណ១ពាន់ ទៅ២ពាន់ផ្លែ។កញ្ញា បន្តថា ដោយមានការគាំទ្រកាន់តែច្រើន ថ្ងៃអនាគតម៉ាក្រូអាចមានតម្រូវការដូងក្រអូបរហូតដល់ ១ម៉ឺនផ្លែ នៅក្នុងមួយខែ។

បើតាមកញ្ញា សុខ ចិន្តា «ថ្ងៃអនាគតមិនដឹងទីផ្សារយ៉ាងណាទេ ប៉ុន្តែបច្ចុប្បន្ន លក់តែក្នុងប្រទេសមិនទាន់គ្រប់ផង នៅតែមានការនាំចូលពីខាងក្រៅប្រទេសនៅឡើយ ដូចជាប្រទេសថៃ ប្រទេសវៀតណាមជាដើម។នេះដោយសារយើងអត់ទាន់ដាំខ្លួនឯងបានច្រើន នៅខ្វះបច្ចេកទេសច្រើន ខ្មែរយើងនៅស្ទើរក្នុងការវេចខ្ចប់ ហើយស្ទើរក្នុងការដឹកជញ្ជូននៅពេលការវេចខ្ចប់រួចរាល់ លើសពីនោះ ក៏មានបញ្ហាមួយទៀត គឺយើងនៅស្ទើរបច្ចេកទេសក្នុងការដាំឱ្យបានផ្លែច្រើន»។

ម្ចាស់ចំការខាងលើ បានបន្ថែមថា ទោះជាយ៉ាងណា ដូងក្រអូបនៅតែមានទីផ្សារល្អ មិនថារដូវកាលណា ខែណានោះទេ ដូងក្រអូបនៅតែជាតម្រូវការរបស់ប្រជាជនទូទាំងប្រទេស ព្រោះដូងក្រអូបជាប្រភេទដំណាំប្រមូលផលរង្វិលជុំ ណាមួយវាមានរសជាតិផ្អែមឆ្ងាញ់ មានក្លិនក្រអូប អាចញ៉ាំបានគ្រប់វ័យ ហើយវាល្អសម្រាប់សុខភាព និងអាចច្នៃបានជាផលិតផលជាច្រើនបែប ដូច្នេះហើយតម្រូវការដូងក្រអូបនៅតែកើនឡើងជាលំដាប់ និងមានសន្ទុះកាន់តែខ្លាំង។

គួរបញ្ជាក់ថា កាលពីពេលថ្មីនេះ ក្រសួងកសិកម្ម និងអគ្គរដ្ឋបាលគយចិន (GACC) បានបើកកិច្ចប្រជុំ និងចុះវាយតម្លៃហានិភ័យសមាសភាពចង្រៃលើដំណាំដូងកម្ពុជា ដើម្បីឈានដល់ការរៀបចំ និងការចុះហត្ថលេខាលើពិធីសារ ស្ដីពីលក្ខខណ្ឌតម្រូវភូតគាមអនាម័យ សម្រាប់ការនាំចេញផ្លែដូងស្រស់ ពីកម្ពុជាទៅកាន់ប្រទេសចិន។

ពាក់ព័ន្ធនឹងការនាំចេញនេះ បើតាមលោក សួង ណយ ប្រធានសមាគមដូងក្រអូបកម្ពុជា និយាយថា ទីផ្សារដូងក្រអូបនៅកម្ពុជាល្អ មានការគាំទ្រច្រើន។បើសិនជាប្រទេសជិតខាងឬក៏ប្រទេសឆ្ងាយអនុញ្ញាតឱ្យមានការនាំចេញផលិតផលខ្មែរជាពិសេសដូងក្រអូបគឺជារឿងល្អ ប៉ុន្តែអ្វីជាបញ្ហានោះគឺខ្លាចមិនមានដូងនាំទៅ ដោយសារបច្ចុប្បន្នខ្មែរយើងមិនមានដូងគ្រប់គ្រាន់សម្រាប់ផ្គត់ផ្គង់ទីផ្សារក្នុងស្រុកខ្មែរទេ។

លោកបន្តថា សព្វថ្ងៃនេះជាពិសេសដូង មានការនាំចូលពីប្រទេសថៃ ប្រទេសវៀតណាមមិនតិចជាង៧០%ទេ។លោក បន្ថែមថា ប្រហែលជាឆ្នាំ២០២៥ ទើបខ្មែរមានដូងច្រើន ដើម្បីផ្គត់ផ្គង់ទីផ្សារខ្លួនឯង និងអាចនាំចេញទៅក្រៅប្រទេសខ្លះៗ៕

The post ដូងក្រអូបនៅតែមានទីផ្សារល្អ ខណៈការផ្គត់ផ្គង់ក្នុងស្រុកនៅមិនទាន់គ្រប់គ្រាន់ appeared first on .

កញ្ញា សុខ ចិន្តា មានវ័យ ៣២ឆ្នាំ ជាម្ចាស់ចំការដូងក្រអូប Daling Farm វ័យក្មេងមួយរូប ក្នុងស្រុកសំពៅលូន ខេត្តបាត់ដំបង។ សព្វថ្ងៃកញ្ញាមានដូងចំនួន ២០០០ដើម លើទំហំផ្ទៃដីប្រមាណ៥ហិកតា ជាមួយនិងបទពិសោធន៍កញ្ញា និងក្រុមគ្រួសារមានប្រហែល១៥ឆ្នាំមកហើយ។

កញ្ញា សុខ ចិន្តា បានឱ្យដឹងថា តម្លៃផ្លែដូង និងពូជដូងក្រអូប មានការហក់ឡើងខ្លាំង ខណៈការផ្គត់ផ្គង់នៅតែមិនទាន់គ្រប់គ្រាន់សម្រាប់ទីផ្សារនៅឡើយ ចំណែកការកម្ម៉ង់ទិញវិញ មានតែការកើនឡើងជាលំដាប់់ ដោយត្រឹមតែផ្គត់ផ្គង់លើទីផ្សារក្នុងស្រុកសឹងមិនគ្រប់លើការកម្ម៉ង់ផង ដោយបច្ចុបន្នចម្ការកញ្ញា បានពង្រីកខ្លួនចូលក្នុងទីផ្សារទំនើបម៉ាក្រូ ដែលជាផ្សារទំនើបបោះដុំធំមួយនៅកម្ពុជាផងដែរ។

កញ្ញាបានបន្តទៀតថា ទោះជារដូវកាលណា ខែណាក៏ដោយ ដូងក្រអូបនៅតែជាតម្រូវការរបស់ប្រជាជនទូទាំងប្រទេស ព្រោះដូងក្រអូបជាប្រភេទដំណាំប្រមូលផលរង្វិលជុំ ណាមួយវាមានរសជាតិផ្អែមឆ្ងាញ់ មានក្លិនក្រអូប អាចញ៉ាំបានគ្រប់វ័យ ហើយវាល្អសម្រាប់សុខភាព និងអាចច្នៃបានជាផលិតផលជាច្រើនបែប ដូច្នេះហើយតម្រូវការដូងក្រអូបនៅតែកើនឡើងជាលំដាប់ និងមានសន្ទុះកាន់តែខ្លាំង។

ម្ចាស់ចំការវ័យក្មេងរូបនេះ បានលើកឡើងទៀតថា បច្ចុបន្នតម្លៃដូងក្រអូបមានការកើនឡើង ដោយបោះដុំទៅឈ្មួញកណ្តាលក្នុងមួយផ្លែតម្លៃចាប់ពី ២០០០ ទៅ ៣០០០រៀល ក្នុងមួយផ្លែ បើប្រៀបធៀបទៅឆ្នាំមុន(២០២២) មានតម្លៃ ចន្លោះពី១៥០០ ទៅ ១៨០០រៀល ក្នុងមួយផ្លែតែប៉ុណ្ណោះ ។

ជាមួយគ្នានោះដែរ កញ្ញា ចង់ឱ្យបងប្អូនកសិករដែលរួមដំណើរក្នុងវិស័យដូងក្រអូប មានភាពជោគជ័យក្នុងវិស័យមួយនេះ ដោយមិនចង់ឱ្យប្រើប្រាស់បច្ចេកទេសខុស ក្នុងន័យនេះ កញ្ញាចង់ឱ្យបងប្អូនប្រជាកសិករដែលមានបំណងចង់ដាំឬកំពុងតែដាំដំណាំដូងក្រអូប គួរណាស់សិក្សាឱ្យបានគ្រប់គ្រាន់លើដំណាំប្រភេទនេះ ទាំងការដាំ ការធ្វើប្រព័ន្ធធារាសាស្ត្រ និងការថែទាំឱ្យស្របទៅតាមស្តង់ដារ ដោយចំណាយដើមទុនតិច ក៏ប៉ុន្តែជម្រុញឱ្យទទួលបានលទ្ធផលល្អជាលំដាប់៕អត្ថបទ៖ មុន្នី

The post ដូងក្រអូប បន្តវាយលុកខ្លាំងលើទីផ្សារ ខណៈការផ្គត់ផ្គង់មិនទាន់គ្រប់គ្រាន់នៅឡើយ appeared first on .