នៅលើបណ្ដាញសង្គមផ្លូវការរបស់លោកឧកញ៉ា យឹម តាស្រង់ កាលពីពេលថ្មីៗនេះ បានឱ្យដឹងថា « ថ្ងៃនេះខ្ញុំបាទ យឹម តាស្រង់ និងភរិយាបានធ្វើដំណើរមកដល់ខេត្តព្រះវិហារ រួមជាមួយបងប្អូនពួកខ្ញុំ ដែលជាមេបោះដុំធំៗរបស់ក្រុមហ៊ុនទឹកយិនស៊ិន ម៉ាក់អ៊ីអ៊ី និងប្អូនស្រីពិដោរព្រមទាំងស្វាមី»។

លោកឧកញ៉ា បានបន្ដថា «ថ្ងៃនេះខ្ញុំបាទ និងភរិយាបាននាំមកនូវទឹកយិនស៊ិន ម៉ាក់អ៊ីអ៊ី ចំនួន៥០០កេស (ស្មើរនឹងទឹកប្រាក់ $19000 ) រួមទំាងថវិកា៥លានរៀល រីឯប្អូនស្រីពិដោរនិងស្វាមី មេបោះដុំធំទឹកយុនស៊ិនម៉ាក់អ៊ីអ៊ី ក៏បានឧបត្ថម្ភថវិការ២លានរៀលផងដែរ»។

តាមការបញ្ជាក់របស់លោកឧកញ៉ា ទឹកប្រាក់ និងទឹកយិនស៊ិនដែលនាំមកជូនដល់កងទ័ពនាពេលនេះ បើសរុបជាថវិកាទាំងអស់ជាង 2 ម៉ឺនដុល្លារ។

ស្ថិតនៅក្នុងស្មារតីគាំទ្រឥតងាករេដល់កងទ័ពជួរមុខ លោកឧកញ៉ា យឹម តាស្រង់ បានគូសបញ្ជាក់ថា «ក្នុងនាមពួកយើងជាពលរដ្ឋខ្មែរដែលរស់ក្រោមដំបូលសន្តិភាព សូមគោរពដឹងគុណ និងមានតែការចូលរួមចំណែកលើកទឹកចិត្តតាមលទ្ធភាព ទោះតិចក្កី ច្រើនក្តី ដោយសេចក្កីរំភើប រីករាយ ចំពោះកងទ័ពដ៏អង់អាចក្លាហានក្នុងការ ការពារបូរណភាពទឹកដីរបស់ខ្មែរយើង»៕

The post ប៉ូវកម្លាំងដល់កងទ័ពជួរមុខ! ឧកញ៉ា យឹម តាស្រង់ និងលោកជំទាវ នាំយកទឹកប្រាក់ និងទឹកយិនស៊ិនម៉ាក់អ៊ីអ៊ី៥០០កេះជូនដល់កងទ័ពជួរមុខដែលកំពុងឈរជើងការពារបូរណភាពទឹកដីរបស់ខ្មែរនៅខេត្ដព្រះវិហារ appeared first on .