តើសហគ្រិនវ័យក្មេង ដឹកនាំអាជីវកម្មខាងផ្ដល់សេវាកម្មជួសជុលបញ្ហាតាមគេហដ្ឋាន និងបញ្ហាជម្រាបទឹកដ៏លេចធ្លោរូបនេះ មានប្រវត្តិយ៉ាងណា?

លោក តុង សៀកអាន គឺជាក្មេងកំព្រា យកការតស៊ូ និងភាពស្មោះត្រង់ ធ្វើជាដើមទន់រហូតក្ដាប់បានឱកាសក្លាយជា ស្ថាបនិក ក្រុមហ៊ុន បច្ចេកវិទ្យាទំនើបមួយ ឈ្មោះថា CH Home Services ដែលជាក្រុមហ៊ុនឯកទេសជួសជុលបញ្ហាជម្រាបទឹក តាមបង្គន់ និងតំបូលលិចជ្រាប ដោយប្រើបច្ចេកវីទ្យាទំនើបចុងក្រោយដូចបណ្ដាប្រទេសជឿនលឿនលើពិភពលោក។

ប្រវត្តិការងារ លោក មានបទពិសោធន៍ ធ្លាប់ជាអ្នកគ្រប់គ្រងពិនិត្យគុណភាពឱ្យក្រុមហ៊ុនសហរដ្ឋអាមេរិក អស់រយៈពេលជាង 15ឆ្នាំ ក្នុងតួនាទីជាអ្នកគ្រប់គ្រងប្រចាំតំបន់អាសុីអាគ្នេយ៍។ ប្រវត្តិការងារលើជំនាញមួយនេះ ជាងមួយទស្សវត្សកន្លះនេះហើយ ដែលជាចំណុចខ្លាំង ដឹកនាំរូបលោក សៀកអាន ក្លាយជាអ្នកជំនាញដ៏បុិនប្រសព្វក្នុងការងារមួយនេះ។

បន្ថែមពីនេះ លោកក៏ទទួលបានសញ្ញាបត្រសិក្សា លើជំនាញជួសជុលជម្រាបទឹក ពីក្រុមហ៊ុនដែលមានប្រវត្តិក្នុងជំនាញនេះពីប្រទេសស្វីសផងដែរ។

បទពិសោធន៍ពេញខ្លួន ហើយទំនួលខុសត្រូវខ្ពស់ គួបផ្សំនឹងទឹកចិត្តដ៏សប្បុរសផងនោះ មានពេលខ្លះ យុវជនដែលមានប្រវត្តិជាកូនកំព្រាតាំងពីតូចរូបនេះ ថ្លែងថា ពេលខ្លះរូបលោក ជួយជួសជុលបញ្ហាជូនអតិថិជនដោយមិនយកប្រាក់ឈ្នួលក៏មានដែរ។

លោក សៀក តុងអាន ក៏បានចែករំលែកនូវទុនគំនិត ២សំខាន់ៗ

1- ត្រូវជឿលើខ្លួនឯងមួយទំហឹង
2- ត្រូវធ្វើការតិច បានផលច្រើន (យុត្តិសាស្រ្ត 20%/80%) កុំរវល់ច្រើន បានផលតិចវិញ។

សម្រាប់បងប្អូនមានបញ្ហាជម្រាបទឹក អាចទាក់ទងគាត់បាន៖ 010238566 / 012238556

The post លោក តុង សៀកអាន៖ បើខ្ញុំមិនអាចជួសជុលបញ្ហាជម្រាបទឹកជូនបងប្អូនអតិថិជនបានទេ ខ្ញុំនឹងមិនលើកដៃយកលុយដាច់ខាត appeared first on .

មានរឿងចាស់មួយដែលអ្នកប្រហែលជាធ្លាប់បានអានច្រើនដង ប៉ុន្តែ ខ្ញុំគិតថារឿងនេះមានគតិបណ្ឌិតល្អណាស់ដែលធ្វើឲ្យខ្ញុំសូមចែករំលែកគំនិតរបស់ខ្ញុំលើអត្ថបទនេះ។

បុរសម្នាក់បានយកដបទឹកពីធ្នើរក្នុងហាងទំនិញមួយ មកបង្ហាញកូនស្រីរបស់គាត់។ គាត់បានប្រាប់កូនរបស់គាត់ថា៖ “កូនស្រី ដបទឹកនេះនៅហាងនេះមានតម្លៃ ៤០០០រៀល។ ដបទឹកដូចគ្នានេះនៅភោជនីយដ្ឋានមួយមានតម្លៃ ៨០០០រៀល ហើយនៅក្នុងពិធីផ្សេងៗ ដបទឹកដដែលនេះអាចមានតម្លៃរហូតដល់ ១ម៉ឺនរៀល។ ដបគឺដូចគ្នា ហើយម៉ាកដូចគ្នា ដូច្នេះ ចូរកូនចាំថា រឿងតែមួយគត់ដែលផ្លាស់ប្តូរនោះគឺ “ទីកន្លែង” “។ កន្លែងនីមួយៗផ្តល់តម្លៃខុសៗគ្នាចំពោះវត្ថុដូចគ្នា។

ឧទាហរណ៍នេះបង្ហាញពីទំនាក់ទំនងដ៏សំខាន់រវាងតម្លៃដែលយើងផ្តល់ឲ្យវត្ថុ ឬរបស់ផ្សេងៗដោយផ្អែកលើទីកន្លែងដែលវត្ថុ ឬរបស់ទាំងនោះស្ថិតនៅ។ គ្រប់ៗគ្នាមិនមែនមើលឃើញតម្លៃនៃវត្ថុ ឬរបស់ផ្សេងៗដូចគ្នានោះទេ។ ដូចកំណាព្យបុរាណមួយពោលថា “សំណល់របស់មនុស្សម្នាក់គឺជាសម្បត្តិរបស់មនុស្សម្នាក់ទៀត”។ សូមស្វែងរកតម្លៃផ្ទាល់ខ្លួនរបស់អ្នកនៅទីកន្លែងដែលអ្នកត្រូវបានផ្តល់តម្លៃឲ្យ ហើយចងចាំថា មនុស្សគ្រប់គ្នាតែងតែមានទីកន្លែងណាមួយដែលផ្តល់តម្លៃឲ្យគ្រប់គ្រាន់។

សូមមានភាពរីករាយ ការដឹងគុណ ការផ្តល់តម្លៃ និងផ្តល់ការគោរពដល់អ្នកដទៃ និងខ្លួនឯង៕

The post អ្នកឧកញ៉ា គិត ម៉េង តំណាលរឿងគតិបណ្ឌិតខ្លីស្ដីពីពាក្យថា “តម្លៃ” និង”ទីកន្លែង” appeared first on .

អ្នកឧកញ៉ា ប្រធានក្រុមប្រឹក្សាភិបាល និងជាស្ថាបនិកក្រុមហ៊ុន រ៉ូយ៉ាល់ គ្រុប បានរៀបរាប់យ៉ាងដូ​ច្នេះថា៖ “បន្តិចបន្តួចសម្រាប់អ្នក ដើម្បីសម្រេចបានលទ្ធផលប្រសើរនៅក្នុងកិច្ចការប្រចាំថ្ងៃ នោះគឺការជំរុញលើកទឹកចិត្តធ្វើឱ្យអ្នកក្លាយជាម្ចាស់ការលើខ្លួនឯងបាន។ រឿងរ៉ាវខ្លះល្អ ហើយពេលខ្លះ អ្វីៗមិនល្អប្រសើរនោះទេ។ ចំពោះរឿងរ៉ាវមិនល្អ អ្នកត្រូវទទួលយកវាទៅ។ ចំណែករឿងដែលធ្វើឱ្យល្អប្រសើរនោះគឺខ្លួនអ្នកផ្ទាល់។ សូមធ្វើអ្វីដែលជារឿងត្រឹមត្រូវ ដែលនឹងជួយអ្នកឲ្យកាន់តែល្អប្រសើរទ្បើងគ្រប់ពេល”។

ក្នុងសំណេរបង្កប់ដោយសារដាស់តឿន និងគោលគំនិតល្អៗដដែលនោះ ក៏បានបញ្ជាក់ទៀតថា សច្ចភាពមិនអាចប្រកែកបាន គឺពិភពលោកតែងតែមានភាពប្រែប្រួល ហើយភាពប្រែប្រួលនោះឯង បានរារំាងដល់ផែនការដ៏ល្អរបស់អ្នក ហើយបង្អាក់ភាពរីកចម្រើនរបស់អ្នក។ ប៉ុន្តែ អ្នកត្រូវតែរឹងមំា ដើម្បីជម្នះរឿងរ៉ាវទំាងអស់នោះ។

ដើម្បីភាពរីកចម្រើន ការផ្លាស់ប្តូរ និងចេញជាលទ្ធផលផ្លែផ្កា អ្នកត្រូវតែខ្លំាងរឹងមំា វាងវៃ និងមានភាពប្រាកដប្រជាដោយខ្លួនអ្នកផ្ទាល់។ សូមឈ្វេងយល់ពីអ្វីដែលអ្នកបានកំណត់គោលដៅ និងអ្វីដែលមិនបានកំណត់។ លើសពីនេះ សូមទទួលយកនូវអ្វីជាទីពេញចិត្ត និងមិនពេញចិត្តដោយខ្លួនឯង។ នោះជាដំណើរជីវិតដ៏ពិតបា្រកដមួយ។ ការសម្រេចចិត្តប្រកបដោយមនសិការមិនមែនមានន័យថា អ្នកមិនអាចប្រឈមទៅនឹងឧបសគ្គជីវិតនោះទេ។

ក្នុងសំណេរនៃឃ្លាចុងក្រោយ អ្នកឧកញ៉ា គិត ម៉េង បានសង្កត់ធ្ងន់ថា៖ “ដូច្នេះ សូមប្រើប្រាស់គន្លឹះនេះ ដើម្បីជម្នះឧបសគ្គទំាងឡាយ ព្រោះថា មានតែខ្លួនអ្នកផ្ទាល់ប៉ុណ្ណោះជាម្ចាស់លើជោគវាសនារបស់ខ្លួននោះ”៕

The post ទុនគំនិតពី អ្នកឧកញ៉ា គិត ម៉េង គន្លឹះជំរុញទឹកចិត្តធ្វើឱ្យយើងក្លាយជាមនុស្សម្ចាស់ការលើខ្លួនឯង appeared first on .