ការកាន់កាប់មាសរបស់ធនាគារជាតិប៉ូឡូញបានឈានដល់ចំនួន ៥៥០ តោន ដែលមានតម្លៃសរុបប្រមាណ ៦៣ពាន់លាន់អឺរ៉ូ ឬស្មើនឹងជាង ៧៥ពាន់លានដុល្លារ ពោលគឺលើសពីការកាន់កាប់របស់ ECB ដែលមានចំនួនសរុបជាង ៥០៦ តោន។

គួរឲ្យដឹងផងដែរថា មាសឥឡូវនេះមានចំនួន ២៨,២% នៃទុនបម្រុងប្តូរប្រាក់បរទេសរបស់ប្រទេសប៉ូឡូញ ពោលគឺបានកើនឡើងពី ១៦,៩% ក្នុងឆ្នាំ២០២៤ ដែលជាការផ្លាស់ប្តូរលឿនបំផុតមួយក្នុងចំណោមធនាគារកណ្តាលផ្សេងទៀតលើសកលលោក។

ជុំវិញការបង្កើនទុនបម្រុងមាសនេះ លោក Adam Glapinski អភិបាលធនាគារជាតិប៉ូឡូញ (NBP) បានបង្ហាញឲ្យដឹងថា មាសមិនមានហានិភ័យឥណទាន ហើយវាមានឯករាជ្យពីការសម្រេចចិត្តគោលនយោបាយរូបិយវត្ថុរបស់ប្រទេសដទៃទៀត និងមានភាពធន់ទៅនឹងការប៉ះពាល់ផ្នែកហិរញ្ញវត្ថុ។

មិនតែប៉ុណ្ណោះ លោក Glapinski បាននិយាយទៀតថា NBP មានគោលបំណងបង្កើនទុនបម្រុងមាសរបស់ខ្លួនឲ្យដល់ចំនួន ៧០០ តោន ជាមួយនឹងតម្លៃមាសសរុបប្រមាណ ៩៤ពាន់លានអឺរ៉ូ។

ជម្រាបជូនថា ការទិញមាសធំបំផុតរបស់ NBP បានកើតឡើងនៅចុងឆ្២០២៥ ក្នុងអំឡុងពេលមានការប្រែប្រួលទីផ្សារកាន់តែខ្លាំង។ យុទ្ធសាស្ត្ររបស់ធនាគារនេះ ស្របនឹងការព្រួយបារម្ភកាន់តែទូលំទូលាយអំពីភាពធន់នៃសេដ្ឋកិច្ច និងទេសភាពរូបិយវត្ថុអន្តរជាតិដែលកំពុងផ្លាស់ប្តូរ៕​

The post ទុនបម្រុងមាសរបស់ប៉ូឡូញ កើនឡើងលើសធនាគារកណ្តាលអឺរ៉ុប ដល់តម្លៃសរុបជាង ៧៥ពាន់លានដុល្លារ appeared first on .

យ៉ាងណាមិញ​ ខាងក្រោមនេះគឺជាប្រទេសកំពូលៗទាំង ១០ ដែលមានទុនបម្រុងមាសច្រើនជាងគេបំផុតនៅលើពិភពលោក គិតនៅត្រឹមចុងឆ្នាំ២០២៥ កន្លងទៅ ដោយផ្នែកតាមរបាយការណ៍ពី World Gold Council ៖

១០. ប្រទេសតួកគី មានទុនបម្រុងមាសកើនឡើងដល់ ៦២៣,៩ តោន

៩. ប្រទេសជប៉ុន មានទុនបម្រុងមាសកើនឡើងដល់ ៨៤៥,៩ តោន

៨. ប្រទេសឥណ្ឌា មានទុនបម្រុងមាសកើនឡើងដល់ ៨៨០ តោន

៧. ប្រទេសស្វីស មានទុនបម្រុងមាសកើនឡើងដល់ ១ ០៣៩,៩ តោន

៦. ប្រទេសចិន មានទុនបម្រុងមាសកើនឡើងដល់ ២ ២៩៨,៥ តោន

៥. ប្រទេសរុស្ស៊ី មានទុនបម្រុងមាសកើនឡើងដល់ ២ ៣៣២,៧ តោន

៤. ប្រទេសបារាំង មានទុនបម្រុងមាសកើនឡើងដល់ ២ ៤៣៧ តោន

៣.ប្រទេសអ៊ីតាលី មានទុនបម្រុងមាសកើនឡើងដល់ ២ ៤៥១,៨ តោន

២. ប្រទេសអាឡឺម៉ង់ មានទុនបម្រុងមាសកើនឡើងដល់ ៣ ៣៥១,៥ តោន ជាប្រទេសដែលមានទុនបម្រុងមាសច្រើនជាងគេបំផុតនៅអឺរ៉ុប

១. សហរដ្ឋអាមេរិក មានទុនបម្រុងមាសកើនឡើងដល់ ៨ ១៣៣,៥ តោន ជាប្រទេសដែលមានទុនបម្រុងមាសច្រើនជាងគេបំផុតលើលោក៕

The post ប្រទេសកំពូលៗទាំង១០ កាន់កាប់ទុនបម្រុងមាសច្រើនជាងគេបំផុតនៅលើពិភពលោក appeared first on .

យ៉ាងណាមិញ ខាងក្រោមនេះគឺជា​ប្រទេសកំពូលៗទាំង១០ ដែលមានទុនបម្រុងមាសច្រើនជាងគេបំផុតនៅលើពិភពលោក គិតនៅត្រឹមឆ្នាំ២០២៥ នេះ ដោយផ្នែកតាមការទិន្នន័យពី World Gold Council ៖

១០. ប្រទេសហូឡង់ មានទុនបម្រុសកើនឡើងដល់ ៦១២ តោន

៩. ប្រទេសឥណ្ឌា មានទុនបម្រុសកើនឡើងដល់ ៨០០ តោន

៨. ប្រទេសជប៉ុន មានទុនបម្រុសកើនឡើងដល់ ៨៤៦ តោន

៧. ប្រទេសស្វីស មានទុនបម្រុសកើនឡើងដល់ ១ ០៤០ តោន

៦. ប្រទេសចិន មានទុនបម្រុសកើនឡើងដល់ ២ ២៣៥ តោន

៥. ប្រទេសរុស្ស៊ី មានទុនបម្រុសកើនឡើងដល់ ២ ៣៣០ តោន

៤. ប្រទេសបារាំង មានទុនបម្រុសកើនឡើងដល់ ២ ៤៣៧ តោន

៣.ប្រទេសអ៊ីតាលី មានទុនបម្រុសកើនឡើងដល់ ២ ៤៥២ តោន

២. ប្រទេសអាឡឺម៉ង់ មានទុនបម្រុសកើនឡើងដល់ ៣ ៣៥២ តោន

១. សហរដ្ឋអាមេរិក មានទុនបម្រុសកើនឡើងដល់ ៨ ១៣៣ តោន ជាប្រទេសដែលមានទុនបម្រុងមាសច្រើនជាងគេបំផុតលើលោក៕

The post ​មកស្គាល់ប្រទេសកំពូលៗទាំង ១០ មានទុនបម្រុងមាសច្រើនបំផុតលើលោក ក្នុងឆ្នាំ២០២៥ appeared first on .

ដ្បិតថាជា ប្រទេសសំបូរធនធានធម្មជាតិរ៉ែមាស តែឡាវកំពុងផុងខ្លួនក្នុងវិបត្តិយ៉ាងជ្រៅ។ ថ្មីៗនេះក្រសួងហិរញ្ញវត្ថុឡាវ បានចុះកិច្ចព្រមព្រៀងជាមួយក្រុមហ៊ុនក្នុងស្រុក PTL Holding បង្កើតចេញជាធនាគារមាសមួយឡើងឈ្មោះថា Lao Bullion Bank (LBB)។

ធនាគារនេះជាការបណ្ដាក់ទុនរួមគ្នា ដើម្បីជាយន្តការអន្តរាគមន៍បន្ទាន់ទប់ទល់នឹងវិបត្តិសេដ្ឋកិច្ចជាតិ ក៏ដូចជាដើម្បីផ្តល់មូលនិធិបម្រុងសម្រាប់ប្រព័ន្ធសេដ្ឋកិច្ចនិងហិរញ្ញវត្ថុរបស់ប្រទេស ហើយក៏ជាធនាគារដែលដើរតួនាទីជាស្ថាប័នកណ្តាលក្នុងទីផ្សារមាសក្នុងប្រទេស។

រដ្ឋាភិបាលឡាវ សម្រេចបង្កើតធនាគារមាសនេះឡើង ដើម្បីយកមាសធ្វើជាមធ្យោបាយមួយកសាងទុនបម្រុងជាមាស ពង្រឹងស្ថិរភាពហិរញ្ញវត្ថុ និងរក្សាតម្លៃរូបិយប័ណ្ណជាតិ ក៏ដូចជាគាំទ្រគោលនយោបាយរូបិយវត្ថុនិងសារពើពន្ធផងដែរ។

គួររំលឹកផងដែរថា ប្រទេសឡាវ ពឹងផ្អែកខ្លាំងលើការនាំចូលប្រេងឥន្ធនៈ និងស្បៀងអាហារហើយបានជួបវិបត្តិមូល ធនហូរចេញក្រៅប្រទេស តាំងពីឆ្នាំ ២០២២ ខណៈដែលការនាំចេញសំខាន់ៗរួមមាន រ៉ែមាស និងដុំមាស ក្រដាសសុទ្ធ ការផលិតផលក្រដាស ឈើ សំណល់ ក្រដាស ជ័រកៅស៊ូ ដំឡូងមី រ៉ែដែក ចេក សម្លៀកបំពាក់ គ្រឿងអគ្គិសនី ជី និងស្បែកជើង ជាដើម៕

អត្ថបទបន្ត៖ ប្រទេសផលិតមាសទាំង ១០ នៅលើពិភពលោក​ដែល​​ជីកបាន​រ៉ែ​មាស​ច្រើន​ជាង​គេ​បំផុត
ដកស្រង់និងប្រែសម្រួលពី៖ Link | Link

The post ឡាវ ជីករ៉ែមាសបានច្រើនជាង ៨ តោន ខណៈ​ដែល​រដ្ឋបង្កើត​ធនាគារ​មាស​ថ្មីមួយទប់ទល់នឹងវិបត្តិសេដ្ឋកិច្ច appeared first on .

ទុនបម្រុង​អន្តរជាតិ (Foreign Exchange Reserves) គឺជា​ទ្រព្យសម្បត្តិ​របស់​ប្រទេសមួយ​ដែល​ទទួលស្គាល់​ជា​អន្តរជាតិ និង​គ្រប់គ្រង​ដោយ​អាជ្ញាធរ​រូបិយវត្ថុទុក​ប្រើប្រាស់​ក្នុងករណី​ចាំបាច់ ដូចជា ការផ្តល់​ហិរញ្ញប្បទាន​ដល់​ជញ្ជីងទូទាត់ ប្រសិនបើ​មាន​តម្រូវការ​ ការធ្វើអន្តរាគមន៍​លើ​ទីផ្សារ​ប្តូរប្រាក់​ដើម្បី​គ្រប់គ្រង​ការប្រែប្រួល​អត្រា​ប្តូរប្រាក់ និង​ការរក្សា​ជំនឿ​ទុកចិត្ត​លើ​រូបិយវត្ថុ​និង​សេដ្ឋកិច្ចជាតិ​។

ទុនបម្រុងអន្តរជាតិទាំងនេះមានសារៈសំខាន់ណាស់ ជាពិសេសដើម្បីរក្សាតម្លៃលុយជាតិមិនឱ្យប្រែប្រួលខ្លាំង និងដើម្បីប្រើប្រាស់ក្នុងគោលនយោបាយរូបិយវត្ថុផ្សេងៗផងដែរ។

គួរំលឹកដែរថា បច្ចុប្បន្ន​ធនាគារជាតិ​នៃកម្ពុជា រក្សាមាស​ ៣៦,៥តោន ដែលក្នុងនោះរួមមាន៖ មាស ​ដែល​ជាកេរមរតកតាំងពីមុនសម័យសង្គ្រាម មានចំនួន ១២,៤តោន ដែល​កំពុង​រក្សាទុក​នៅប្រទេសស្វីស មាស​ចំនួន ១៤,១ តោន កំពុងវិនិយោគ​នៅធនាគារកណ្តាលអង់គ្លេស និងមាស​ចំនួន ១០តោន ត្រូវបាន​រក្សាទុកនៅកម្ពុជា៕

The post «ទុន​បម្រុង​អន្តរជាតិរបស់​កម្ពុជា» ​ឆ្នាំ ២០២៤ ទាំង​លុយ និង​មាស តើ​សរុប​មាន​​ប៉ុន្មាន​ប៊ីលាន​ដុល្លារ? appeared first on .

ទីផ្សារមាសនៅប្រទេសថៃ បានបង្ហាញពីកំណើននិងភាពធន់ ខណៈការវិនិយោគរបារមាសនិងកាក់មាសក៏កើនឡើង ២២% ដល់ ៧ តោនស្របពេលតម្លៃមាសកំពុងហក់ឡើងខ្ពស់ក្នុងនិន្នាការសកល ឈានដល់កម្រិតតម្លៃខ្ពស់បំផុតមិនធ្លាប់មាន។

តម្រូវការមាសសម្រាប់ប្រើប្រាស់កើនឡើងខ្លាំងនៅទូទាំងពិភពលោក ក៏ដូចជាក្នុងតំបន់អាស៊ាន បានជំរុញឲ្យឈ្មួញនិងអ្នកវិនិយោគប្រមូលទិញមាសទុក។ ទំនោរនៃការសម្រុកទៅទិញមាសយ៉ាងគំហុកនេះអាចបណ្ដាលមកពី ការដាំក្បាលចុះនៃតម្លៃប្រាក់បាត និងអស្ថិរភាពសេដ្ឋកិច្ចក្នុងប្រទេសចេះតែកើនឡើងគួរឱ្យព្រួយបារម្ភនាំឲ្យ មាស ក្លាយជាទ្រព្យសកម្មដ៏មានសុវត្ថិភាពខ្ពស់ជាងគេនៅក្នុងការទប់ទល់នឹងស្ថានការណ៍បែបនេះ។

តួលេខបង្ហាញថា តម្រូវការមាសជាសកលបានកើនឡើង ៤ ភាគរយដល់១.២៥៨ តោន ស្របពេលមានកំណើនប្រតិបត្តិការទិញ-លក់មាស មានការកើនឡើងគួរឱ្យកត់សម្គាល់ក្នុងរង្វង់ ៥៣ ភាគរយដល់ ៣២៩ តោនក្នុងត្រីមាសទី២ដូចគ្នា។

ចំពោះបណ្តាធនាគារកណ្តាលនានា ក៏បានបន្តបង្កើនទុនបម្រុងមាស ដោយបន្ថែមមាសចំនួន ១៨៣ តោនទៅក្នុងទុងបម្រុងនៅទូទាំងពិភពលោកកើនឡើង ៦ ភាគរយបើធៀបនឹងរយៈពេលដូចគ្នាកាលពីឆ្នាំមុន៕


អត្ថបទពាក់ព័ន្ធ៖ «មាស ច្រើន​ជាង ១៧០ តោន​​ត្រូវបាន​​ចរា​ចរ​លើ​ទីផ្សារ​ក្នុងប្រទេសតំបន់អាស៊ាន»
ដកស្រង់និងប្រែសម្រួលពី៖ Link

The post ថៃ មានតម្រូវការមាសច្រើន​ជាង​គេ​នៅ​​អាស៊ាន​កើន​ឡើង​ដល់​​ «៩ តោន» appeared first on .

ខាងក្រោមនេះ គឺជាប្រទេសទាំង១០ ដែលមានទុនបម្រុងមាសច្រើនបំផុតនៅក្នុងតំបន់អាស៊ី ផ្អែកតាមទិន្នន័យផ្ដល់ឲ្យដោយគេហទំព័រ Trading Economics គិតត្រឹមដំណាច់ឆ្នាំ២០២៣ ៖

១/ប្រទេសចិន មានទុនបម្រុងមាសច្រើនជាងគេសរុបរហូតដល់ទៅ ២ ២៦៥តោន

២/ប្រទេសជប៉ុន មានទុនបម្រុងមាសសរុបចំនួន ៨៤៦តោន

៣/ប្រទេសឥណ្ឌា មានទុនបម្រុងមាសសរុប ៨០៤តោន

៤/កោះតៃវ៉ាន់ មានទុនបម្រុងមាសសរុប ៤២៤តោន

៥/ប្រទេសអូបេគីស្ថាន មានទុនបម្រុងមាសសរុប ៣៧១តោន

៦/ប្រទេសអារ៉ាប៊ីសាអូឌីត មានទុនបម្រុងមាសសរុប ៣២៣តោន

៧/ប្រទេសកាហ្សាក់ស្ថាន មានទុនបម្រុងមាសសរុប ២៩៤តោន

៨/ប្រទេសលីបង់ មានទុនបម្រុងមាសសរុប ២៨៧តោន

៩/ប្រទេសថៃ មានទុនបម្រុងមាសសរុប ២៤៤តោន

១០/ប្រទេសសិង្ហបុរី មានទុនបម្រុងមាសសរុប ២៣០តោន

ជម្រាបបន្ថែមថា មូលហេតុចម្បងដែលនាំឲ្យប្រទេសនីមួយៗ តែងតែខិតខំសន្សំមាសទុកជាទុនបម្រុងជាតិនោះ គឺដោយសារតែតម្លៃនៃហាងឆេងមាសគឺមានលំនឹងល្អ ផ្ដល់ការគាំទ្រដល់រូបិយវត្ថុក្នុងស្រុក ហើយវានឹងកាន់តែមានតម្លៃខ្ពស់ នៅពេលដែលមានវិបត្តិសង្គ្រាម ឬវិបត្តិសេដ្ឋកិច្ចផ្ទុះឡើង៕

The post តើប្រទេសណាខ្លះ ដែលមានទុនបម្រុងមាសច្រើនជាងគេនៅតំបន់អាស៊ី? appeared first on .

ជាទូទៅ ប្រទេស​នីមួយៗ​តែងតែ​មាន​ទុន​បម្រុងជាតិ ខណៈ​ភាគច្រើន​ពួកគេ​តែង​យក​រូបិយប័ណ្ណ​លុយ​ដុល្លារ​ជា​ធំ ដោយសារ​លុយ​ដុល្លារ​គឺ​ជា​រូបិយប័ណ្ណ​មាន​ការ​ទទួល​ស្គាល់​ទូទាំង​ពិភពលោក ប៉ុន្តែ​ប្រទេស​មហាអំណាច​មួយ​ចំនួន​ក៏​បាន​សន្សំ​មាស​ជា​ទុនបម្រុង​របស់​ពួកគេ​ផង​ដែរ។

មូលហេតុដែលមហាអំណាចធំៗ តែងតែសន្សំមាសជាទុនបម្រុងជាតិនោះ គឺដោយសារតម្លៃនៃហាងឆេងមាស គឺមានលំនឹងល្អ ផ្ដល់ការគាំទ្រដល់រូបិយវត្ថុក្នុងស្រុក និងកាន់តែមានតម្លៃខ្លាំង នៅពេលដែលមានវិបត្តិសង្គ្រាម ឬវិបត្តិសេដ្ឋកិច្ចផ្ទុះឡើយ។

ខាងក្រោមនេះ គឺជាប្រទេសចំនួន១០ ដែលមានទុនបម្រុងមាសច្រើនបំផុតលើលោក ផ្អែកតាមទិន្នន័យផ្ដល់ឲ្យដោយគេហទំព័រ World Gold Council៖

១/សហរដ្ឋអាមេរិក មានទុនបម្រុងមាសសរុប ៨ ១៣៣,៥តោន សរុបជាទឹកប្រាក់ ៤៨៩,១ពាន់លានដុល្លារ

២/ប្រទេសអាល្លឺម៉ង់ មានទុនបម្រុងមាសសរុប ៣ ៣៥២,៦តោន សរុបជាទឹកប្រាក់ ២០១,៦ពាន់លានដុល្លារ

៣/ប្រទេសអ៊ីតាលី មានទុនបម្រុងមាសសរុប ២ ៤៥១,៨តោន សរុបជាទឹកប្រាក់ ១៤៧,៤ពាន់លានដុល្លារ

៤/ប្រទេសបារាំង មានទុនបម្រុងមាសសរុប ២ ៤៣៦,៩តោន សរុបជាទឹកប្រាក់ ១៤៦,៥ពាន់លានដុល្លារ

៥/សហព័ន្ធរុស្ស៊ី មានទុនបម្រុងមាសសរុប ២ ៣៣២,៧តោន សរុបជាទឹកប្រាក់ ១៤០,៣ពាន់លានដុល្លារ

៦/ប្រទេសចិន មានទុនបម្រុងមាសសរុប ២ ១៩១,៥តោន សរុបជាទឹកប្រាក់ ១៣១,៨ពាន់លានដុល្លារ

៧/ប្រទេសស្វីស មានទុនបម្រុងមាសសរុប ១ ០៤០តោន សរុបជាទឹកប្រាក់ ៦២,៥ពាន់លានដុល្លារ

៨/ប្រទេសជប៉ុន មានទុនបម្រុងមាសសរុប ៨៤៦តោន សរុបជាទឹកប្រាក់ ៥០,៨ពាន់លានដុល្លារ

៩/ប្រទេសឥណ្ឌា មានទុនបម្រុងមាសសរុប ៨០០,៨តោន សរុបជាទឹកប្រាក់ ៤៨,២ពាន់លានដុល្លារ

១០/ប្រទេសហូឡង់ មានទុនបម្រុងមាសសរុប ៦១២,៥តោន សរុបជាទឹកប្រាក់ ៣៦,៩ពាន់លានដុល្លារ៕

The post ណែនាំឲ្យស្គាល់ប្រទេសចំនួន១០ មានទុនបម្រុងមាសច្រើនបំផុតលើលោក appeared first on .