ដើម្បីចូលរួមអបអរសាទរពិធីបុណ្យជាតិដ៏ធំនេះ អ្នកឧកញ៉ា ទ្រី ភាព និងភរិយា អ្នកឧកញ៉ា គៀន ស្រីនាង បានឧបត្ថម្ភទាំងស្រុងដល់ទូកងឈ្មោះ «ទ្រីភាពសែនជ័យបារមីតេជោ» ជារៀងរាល់ឆ្នាំ។

សម្រាប់ឆ្នាំនេះ អ្នកឧកញ៉ាបានឧបត្ថម្ភសំលៀកបំពាក់ គ្រឿងឧបភោគបរិភោគ និងទឹកប្រាក់ប្រមាណ ១៥០០០ដុល្លារអាមេរិក។ ជាមួយគ្នានេះអ្នកឧកញ៉ាក៏បានឧបត្ថម្ភថវិកាជាច្រើនលានរៀលដល់ក្រុមការងារផ្សាយទូរទស្សន៍ជាតិកម្ពុជា ទទក ផងដែរ។ នេះបើតាមអ្នកអត្ថាធិប្បាយព្រះរាជពិធីបុណ្យអុំទូក។

អំឡុងពេលឡើងមកប្រកួតនៅរាជធានីភ្នំពេញ ទូក-ង ទ្រីភាពសែនជ័យ បាមីតេជោ បានស្នាក់នៅទីតាំងកំពង់ផែទេសចរណ៍ភ្នំពេញ  ក្នុងការប្រណាំងទូកចំនួន បីថ្ងៃពេញក្នុង ពិធីបុណ្យអុំទូកប្រពៃណីជាតិ។

សូមជម្រាបជូនថា ទូក-ង ទ្រីភាពសែនជ័យ បាមីតេជោ ដែលឧបត្ថម្ភពីអ្នកឧកញ៉ា និងលោកស្រីអ្នកឧកញ៉ា គៀន ស្រីនាង ស្ថិតនៅវត្តសូរភី (ហៅវត្តក្បាលកោះ) ភូមិព្រែកអុងប៉ាង ឃុំទឹកវិល ស្រុកស្អាង ខេត្តកណ្ដាល៕

The post អ្នកឧកញ៉ា ទ្រី ភាព ចំណាយថវិកាជាង ១ម៉ឺនដុល្លារឧបត្ថម្ភទូកងឈ្មោះអ្វី? appeared first on .

ថ្ងៃនេះឧកញ៉ាញូស៍ សូមណែនាំទូកងមួយទូកដែលត្រូវបានអ្នកឧកញ៉ា ហ៊ុន តូ ឧបត្ថម្ភមកពីខេត្តកំពង់ចាម។ ទូកង «ចៅពេជ្រកុមារបុប្ផាជ្រោយថ្ម» ចំណុះចំនួន ៧៥នាក់ នៅវត្តសុទស្សនារាមជ្រោយថ្ម ស្ថិតនៅសង្កាត់កំពង់ចាម ក្រុងកំពង់ចាម ខេត្តកំពង់ចាម។

ទូកង «ចៅពេជ្រកុមារបុប្ផាជ្រោយថ្ម» សម្រាប់ឆ្នាំ២០២៣នេះ ត្រូវបានឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ ព្រមទាំងលោកជំទាវ។

ក្នុងព្រះរាជពិធីបុណ្យអ៊ុំទូក បណ្ដែតប្រទីប នៅរាជធានីភ្នំពេញ កាលថ្ងៃទី១ម្សិលមិញ «ចៅពេជ្រកុមារបុប្ផាជ្រោយថ្ម» ជាប់ចំណាត់ថ្នាក់លេខ ៦ នៅទូទាំងប្រទេស។ ទូកងជាការផ្តួចផ្តើម និងឧបត្ថម្ភដោយសម្តេចឧត្តមទេពញាណ ហ៊ុន ណេង អតីតអភិបាលខេត្តកំពង់ចាម ជាបងប្រុសសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ៕

The post មកស្គាល់ «ទូកង» ល្បីឈ្មោះខ្នាតអន្តរជាតិ ឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ appeared first on .