តាមការចុះផ្សាយពីសារព័ត៌មាន CNA បានបង្ហាញឲ្យដឹងថា លោក Li បានជួបជាមួយនាយករដ្ឋមន្ត្រីម៉ាឡេស៊ី លោក Anwar Ibrahim នៅក្នុងរដ្ឋធានីនៃរដ្ឋ Putrajaya បន្ទាប់ពីលោកបានមកដល់ទីក្រុង​កូឡាឡាំពួរ​ កាលពីថ្ងៃអង្គារ។

នៅក្នុងដំណើរទស្សនកិច្ចនេះ លោក Li បាននិយាយនៅក្នុងសេចក្តីថ្លែងការណ៍មួយថា ប្រទេសចិនបានត្រៀមខ្លួនជាស្រេច ដើម្បីធ្វើការជាមួយម៉ាឡេស៊ី។ លោកក៏បានបន្ថែមទៀតថា វិស័យផ្តោតសំខាន់រួមមានយុទ្ធសាស្រ្តអភិវឌ្ឍ កិច្ចសហប្រតិបត្តិការដែលមានផលប្រយោជន៍ទៅវិញទៅមក និងការដោះដូរផ្សេងៗដើម្បីលើកកម្ពស់ដល់ការកសាងសហគមន៍ចិន-ម៉ាឡេស៊ី។

បន្ទាប់ពីកិច្ចប្រជុំទល់មុខគ្នា កាលពីថ្ងៃពុធ លោក Li និងលោក Anwar បានធ្វើជាសាក្សី ក្នុងការចុះហត្ថលេខាលើកិច្ចព្រមព្រៀងជាង ១១ ស្តីពីកិច្ចសហប្រតិបត្តិការលើវិស័យជាច្រើនរាប់ចាប់ពីសេដ្ឋកិច្ចឌីជីថល រហូតដល់ការអភិវឌ្ឍបៃតង លំនៅដ្ឋាន ទេសចរណ៍ និងទំនាក់ទំនង ក្នុងចំណោមផ្នែកផ្សេងៗទៀត។

ទន្ទឹមនឹងនេះ ចំពោះកិច្ចព្រមព្រៀងសហប្រតិបត្តិការសេដ្ឋកិច្ចរយៈពេលប្រាំឆ្នាំថ្មីដែលនឹងដំណើរការរហូតដល់ឆ្នាំ២០២៨ គឺផ្តល់សម្រាប់កិច្ចសហប្រតិបត្តិការជាយុទ្ធសាស្រ្តក្នុងវិស័យធំៗដូចជា ពាណិជ្ជកម្ម ការវិនិយោគ កសិកម្ម ផលិតកម្ម ហេដ្ឋារចនាសម្ព័ន្ធ និងសេវាកម្មហិរញ្ញវត្ថុ។

បើតាមសេចក្តីថ្លែងការណ៍ផ្លូវការមួយក៏បានបន្ថែមឲ្យដឹងទៀតថា ប្រទេសចិនក៏បានយល់ព្រមអនុញ្ញាតឲ្យមានការនាំចូលផ្លែ​ទុរេន​ស្រស់ពីប្រទេសម៉ាឡេស៊ីផងដែរ បន្ទាប់ពីវាត្រូវបានបំពេញតាមតម្រូវការអនាម័យត្រឹមត្រូវ។

ជម្រាបថាប្រទេសចិន គឺជាដៃគូពាណិជ្ជកម្មដ៏ធំបំផុតរបស់ម៉ាឡេស៊ី ចាប់តាំងពីឆ្នាំ២០០៩ មក ខណ:បើតាមក្រសួងការបរទេស បាននិយាយថាទំហំពាណិជ្ជកម្មសរុបរវាងប្រទេសទាំងពីរមានតម្លៃដល់ទៅ ៩៨,៩ពាន់លានដុល្លារ គិតក្នុងឆ្នាំ២០២៣៕

The post ចិន និងម៉ាឡេស៊ី ចុះហត្ថលេខាលើកិច្ចព្រមព្រៀងសំខាន់ៗជាច្រើន ក្នុងខួបទំនាក់ទំនង ៥០ឆ្នាំនៃប្រទេសទាំងពីរ appeared first on .

ឯកឧត្តម​ អ៊ូក សោភ័ណ​ ឯកអគ្គរាជទូត អម​ដោយ​មន្ត្រីការទូតកម្ពុជា នា​ព្រឹក​ថ្ងៃទី២ ខែតុលា ឆ្នាំ២០២០ បានចូលជួបសម្តែងការគួរសម និងជួបប្រជុំការងារជាមួយឯកឧត្តម សុឆាត ឈុំគ្លិន រដ្ឋមន្ត្រីក្រសួងការងារថៃ នៅទីស្តីការក្រសួងការងារថៃ និងមានការចូលរួមពីក្រសួងពាក់ព័ន្ធ អាជ្ញាធរខេត្ត ស្រុករបស់ថៃ។ ស្ថានទូតបានស្នើសុំ៤ចំនុចទៅរដ្ឋមន្ត្រីក្រសួងការងារថៃ ដូចខាងក្រោម៖

១-ស្នើសុំភាគីថៃជួយសម្រួលដល់ពលករកម្ពុជាដែលបានដំណើរការចូលមកធ្វើការក្នុងប្រទេសថៃតាមប្រពន្ធ័MoU ប៉ុន្តែមិនទាន់បានដំណើរការឯកសាររួចរាល់ ដោយសារតែបញ្ហាវិបត្តជំងឺកូវីដ១៩ អាចស្នាក់នៅ និងធ្វើការបណ្តោះអាសន្ននៅថៃសិន និងរង់ចាំក្រសួងការងារថៃបើកឲ្យដំណើរការឯកសារ MoU ឡើងវិញ ។

២-ស្នើសុំបញ្ចុះតម្លៃទិដ្ឋាការស្នាក់នៅ ពី១, ៩០០បាត ក្នុង១ឆ្នាំ ទៅតម្លៃ ៥០០បាត សម្រាប់រយៈពេល២ឆ្នាំ ដល់ពលករខ្មែរ។

៣-ស្នើសុំសម្រួលបើកឱ្យនាំចូលពលករបរទេសចូលមកធ្វើការក្នុងប្រទេសថៃតាមប្រព័ន្ធ MOU ដោយបន្ធូរបន្ថយការចំណាយលើថ្លៃចត្តាឡីស័កចំនួន ១៤ថ្ងៃ។

៤-ស្នើសុំការនាំពលករចូលមកធ្វើការនៅខេត្តចាន់ថាក់បុរី ដើម្បីប្រមូលផលផ្លែមៀន ដោយឱ្យសមាគមន៍ និងនិយោជក ជាអ្នកទទួលបន្ទុកលើចំណាយក្នុងការចត្តាឡីស័ក ១៤ថ្ងៃ ដោយវគ្គដំបូងនឹងនាំពលករចំនួន ១,០០០នាក់ ដែលប្រើប្រាស់ប័ណ្ណព្រំដែន (border pass)។

ភាគីថៃបានឆ្លើយតប និងស្នើ:

-ភាគីថៃនឹងពិភាក្សាផ្ទៃក្នុងបន្ទាន់លើចំនុចទាំង៤ ខាងលើ និងជម្រាបមកភាគីកម្ពុជាវិញឲ្យបានឆាប់ ។

-ស្នើឲភាគីកម្ពុជាជួយពន្លឿនបញ្ជូនពលករចំនួន ១,០០០នាក់ ដែលប្រើប័ណ្ណព្រំដែន ចូលតាមច្រកបានឡែម ខេត្តចាន់ថាក់បុរី និងច្រកដូង ខេត្តបាត់ដំបង៕

ប្រភព៖ ស្ថានទូតកម្ពុជាប្រចាំប្រទេសថៃ

The post កម្ពុជា ស្នើថៃ ៤ចំនុចដើម្បីជួយពលករខ្មែរ អំឡុងកូវីដ១៩ appeared first on .

ក្រោម​តម្រិះ​ផ្តួចផ្តើម​ដ៏ខ្ពង់ខ្ពស់បំផុត​របស់​ ឯកឧត្ដម​មហាសេនា​ប្រមុខ​ គីម​ អុីល​សុង​ មហាអគ្គមគ្គុទ្ទេសក៍​ដ៏​ឆ្នេីម​នៃប្រជាជាតិ​កូរ៉េ​ បាន​បញ្ជាឲ្យឈូស​ឆាយ​តំបន់កូន​ភ្នំ​មួយ​ ហេីយចាត់ចែង​កសាង​ព្រះ​រាជ​តំណាក់​ ឆាង​ ស៊ូអ៊ុន​ នៅក្នុង​ទសវត្ស​ទី​៨០​ ថ្វាយជាមហាកត្តិយស​ដ៏ធំធេងចំពោះ ​ព្រះ​ករុណា​ ព្រះបាទសម្តេចព្រះ នរោត្តម សីហនុ ព្រះមហា​វីរក្សត្រ​ ព្រះ​វររាជ​បិតា​ឯករាជ្យ​ បូរណភាពទឹកដី​ ឯកភាព​ជាតិ​ខ្មែរ​ ព្រះបរមរតនកោដ្ឋ និងសម្តច​ព្រះ​មហា​ក្សត្រី​ ព្រះ​វររាជ​មាតា​ជាតិ​ខ្មែរ ជាទីគោរពសក្ការៈដ៏ខ្ពង់ខ្ពស់បំផុត ស្តេច​គង់ប្រថាប់ ។ ទោះបី​ជាពេល ព្រះអង្គ មិន​គង់ប្រថាប់​នៅ​ប្រទេស​កូរ៉េ​ក៏​ដោយ ​ក៏​ថ្នាក់​ដឹកនាំ​កំពូលកូរ៉េ​មិន​អនុញ្ញាត​ជូន​ដល់​ថ្នាក់​ដឹកនាំ​ជាតិ​ ឬអន្តរជាតិ​ឯទៀត​ស្នាក់នៅក្នុងព្រះរាជដំណាក់នេះ​ដែរ​ ព្រមទាំង​មាន​ការថែទាំយ៉ា​ងហ្មត់ចត់​រហូត​មកដល់ពេល​បច្ចុប្បន្ន​នេះ​ ។

នៅខាងមុខ​ព្រះ​រាជ​ដំណាក់​ មាន​បឹងដ៏ធំ​មួយ​ឈ្មោះ​ថា​ បឹង​សុភមង្គល​ សម្រាប់​ទុក​ទឹក​ប្រើប្រាស់​បព្ចូាន​ទៅ​ស្រែ​របស់​ប្រជាជន​ដែល​នៅ​ជុំវិញ​តំបន់​នោះ ចំណែកឯនៅបរិវេណខាងក្នុងព្រះរាជដំណាក់ មានការរចនាដ៏ស្រស់វិចិត្រ រួមជាមួយទេសភាពដ៏ស្រស់ត្រកាល។

ព្រះ​រាជ​ដំណាក់​ ឆាង​ស៊ូអ៊ុន​ ជាទីកន្លែងប្រវត្តិសាស្រ្ត ដែលបានទទួលការប្រជុំ និងជំនួបសំខាន់ៗ​ជាច្រើន ដូចជា នៅក្នុង​ឆ្នាំ​១៩៩១ បានទទួលការប្រជុំ​ត្រី​ភាគី​ រួមមាន​ សម្តេច​ឪ​ សម្តេច​ ហ៊ុន​សែន​ និង​សម្តេច​ សឺន​ សាន​ ដេីម្បី​ស្វែងរក​ដំណោះស្រាយ​នយោបាយ​បង្រួបបង្រួម​ជាតិ​ ជូនដល់ប្រជាជាតិកម្ពុជា។

ប្រភព៖ Royal du Cambodge
ប្រភពរូបភាពផ្នែកខ្លះនៃព្រះរាជដំណាក់ ៖ លោកជំទាវ តាន់ ម៉េងហួយ

The post រាជ​ដំណាក់ ដែលកូរ៉េខាងជើងរក្សាថ្វាយព្រះមហាវីរក្សត្រខ្មែរ ត្រូវ​​​​បាន​រក្សា យ៉ាង​ល្អ​បំផុត appeared first on .

ទី១. បង្ហាញនូវសាមគ្គីភាពជាមួយរដ្ឋាភិបាលចិន ក៏ដូចជាប្រជាពលរដ្ឋចិននៅក្នុងគ្រាលំបាកនេះ

ទី២. ដើម្បីពង្រឹងនូវស្មារតី និងជំនឿចិត្តសម្រាប់ប្រជាពលរដ្ឋ និងនិស្សិតកម្ពុជារស់នៅ និងសិក្សានៅប្រទេសចិន ឱ្យបន្តស្នាក់នៅប្រទេសចិនទៀត តស៊ូជាមួយប្រជាពលរដ្ឋចិន

ទី៣. បញ្ជូនសារទៅប្រជាពលរដ្ឋកម្ពុជា ជំងឺរបស់ពលរដ្ឋកម្ពុជា មិនមែនជំងឺបង្កឡើងដោយមេរោគ «កូរ៉ូណា» នោះទេ គឺជំងឺភ័យខ្លាច ហើយមកដល់ពេលនេះមិនទាន់ពលរដ្ឋកម្ពុជាណាម្នាក់កើតជំងឺនេះទេ។ សម្តេចតេជោ បានគូសបញ្ជាក់ដែរថា ប្រទេសខ្លះហាក់បីដូចជាធ្វើសង្គ្រាមចិត្តសាស្ត្រធ្វើឱ្យមានការភ័យខ្លាចដល់ប្រជាពលរដ្ឋ។

លោកប្រធានាធិបតីចិន បានគូសបញ្ជាក់ថា សម្តេចតេជោនាយករដ្ឋមន្ត្រី បានប្រកាសថា គាំទ្រប្រទេសចិន ហើយកម្ពុជា បានចូលរួម រួមសុខ រួមទុក្ខជាមួយប្រទេសចិន លោក​ពិតជាអរគុណចំពោះទឹកចិត្តរបស់កម្ពុជា។ លោក​បានគូសបញ្ជាក់ដែរថា ចាប់ពីឆ្នាំកន្លងទៅនេះ ទំនាក់ទំនងកម្ពុជា និងចិន ចាប់ផ្តើមក្នុងទំព័រសករាជថ្មី ដោយបានអនុវត្តនូវនយោបាយជោគវាសនារួមគ្នា ហើយអាចដាក់ទំនាក់ទំនងរវាងប្រទេសទាំងពីរនៅក្នុងកម្រិតថ្មីមួយទៀតចាប់ពីពេលនេះតទៅ។

លោក​បន្តថា ប្រជាពលរដ្ឋចិន ក៏ដូចជារដ្ឋាភិបាលចិន កំពុងប្រឈមនឹងការរីករាលដាលនៃជំងឺផ្លូវដង្ហើមបង្កដោយមេរោគ «កូរ៉ូណា»នេះ ហើយចំពោះប្រជាពលរដ្ឋកម្ពុជា ជាពិសេសនិស្សិតកម្ពុជាកំពុងរស់នៅក្នុងប្រទេសចិន រដ្ឋាភិបាលចិនកំពុងយកចិត្តទុកដាក់។

លោក ស៊ី ជិនពីង បានគូសបញ្ជាក់ថា បើរដ្ឋាភិបាលចិន មិនចាត់វិធានការភ្លាមៗ និងច្បាស់លាស់ទេ ជំងឺនេះអាចមានគ្រោះថ្នាក់ និងធ្ងន់ធ្ងរជាងនេះ។ កន្លងមកនេះ រដ្ឋាភិបាលចិន បានបង្កើតគណៈកម្មការចំនួន៣ ធ្វើការប្រយុទ្ធប្រឆាំងជាមួយជំងឺនេះ។ រដ្ឋាភិបាលចិន បានទទួលការគាំទ្រ និងអបអរសាទរពីអង្គការសុខភាពពិភពលោក WHO ចំពោះការព្យាយាមដោះស្រាយនូវជំងឺនេះ។

លោក​ប្រធានាធិបតី បានឱ្យដឹង​ថា ទីក្រុងវូហាន មានប្រជាពលរដ្ឋប្រមាណ ១០លាននាក់ ហើយនៅខេត្តហូប៉ី មានប្រជាពលរដ្ឋចន្លោះពី៦០ ទៅ៧០លាននាក់។ ដោយសារតែមានចំណាត់ការច្បាស់លាស់ និមានប្រសិទ្ធភាព ទើបធ្វើឱ្យការរីករាលដាលជំងឺនេះមានការថមថយ៕


ប្រភព៖ ខ្លីៗ
អត្ថបទ និងរូបថត៖ ហ្វេសប៊ុកសម្តេច ហ៊ុន សែន

The post សម្តេច ហ៊ុន សែន ប្រាប់​លោក ស៊ី ជិនពីង​ថា ទោះចិន​ត្រៀមម៉ាសឱ្យ ក៏​សម្តេច​មិនពាក់ដែរ appeared first on .

ជំហរបែបនេះ គឺសម្តេចតេជោ ហ៊ុន សែន ធ្លាប់បានសម្រេចរួចហើយនៅប្រទេសជប៉ុន ក្នុង​ពេលដែលប្រទេសនេះជួបគ្រោះរញ្ជួយផែនដីដែលបានធ្វើអោយប៉ះពាល់ដល់រ៉េអាក់ទ័រអគ្គីសនីដើរដោយថាមពលនុយក្លេអែរដែលបង្កការប៉ះពាល់ដល់ជីវិតមនុស្ស និងទ្រព្យសម្បត្តិពលរដ្ឋជប៉ុនយ៉ាងច្រើន។ ក្នុងពេលនោះ គឺកម្ពុជាមិនបញ្ជូនសិស្សនិស្សិត មន្រ្តីកុងស៊ុល និងមន្រ្តីទូតចេញពីជប៉ុនទេ គឺយើងរក្សាទុកនៅទីក្រុងតូក្យូទាំងអស់ ហើយធ្វើតាមការណែនាំរបស់រដ្ឋាភិបាលជប៉ុន។ ទន្ទឹមនឹងនោះដែរ គឺកម្ពុជាបានចូលរួមរៃអង្គាសមូលនិធិជួយជប៉ុនថែមទៀតផង ទោះបីច្រើនឬតិចក្តី ។ កម្ពុជាជាប្រទេសក្រីក្រពិតមែន តែទឹកចិត្តយើងអត់ក្រទេ ហើយមិត្តជប៉ុនក៏បានអរគុណកម្ពុជាចំពោះទឹកចិត្តនិងមិត្តភាពដ៏ល្អនេះ។

ករណីមួយទៀតគឺយើងបានសម្រេចដូចគ្នានៅប្រទេសកូរ៉េខាងត្បូង នៅពេលដែលប្រទេស​កូរ៉េខាងជើងប្រកាសធ្វើសង្គ្រាម ក៏កម្ពុជាមិនជម្លៀសពលរដ្ឋ សិស្ស និស្សិតខ្មែរចេញពីកូរ៉េខាងត្បូងដែរ គឺយើងនៅរួមសុខទុក្ខជាមួយគ្នា ។ ដោយសារភាពស្មោះត្រង់ និងគុណធម៍ដែលកម្ពុជាមានចំពោះប្រទេសកូរ៉េខាងត្បូង គឺប្រទេសនេះបានទទួលយកបងប្អូនកូនក្មួយកម្មករជាច្រើនពីកម្ពុជាទៅធ្វើការនៅប្រទេសកូរ៉េ។

នៅពេលនេះ ប្រទេសចិនជាមិត្តក៏កំពុងជួបបញ្ហាដែលកម្ពុជាមិនអាចរត់ចោលមិត្តបានឡើយ គឺដូចពាក្យខ្មែរយើងដែលតែងនិយាថា “ស្រឡាញ់គ្នាក្នុងគ្រាក្រ ហើយក៏មិនរត់​ចោល​គ្នាក្នុងគ្រអាសន្នលំបាកឡើយ”៕

The post សម្ដេច ហ៊ុន សែន៖ កម្ពុជាមិនរត់ចោលមិត្តចិនទេ appeared first on .