នេះបើតាមរយៈទស្សនកិច្ចរបស់លោក ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ រួមទាំងគណៈប្រតិភូ នៅក្រុមហ៊ុនកាត់ដេរសម្លៀកបំពាក់ Agile Sweather (Cambodia) Ci.,Ltd និងក្រុមហ៊ុន Siglo (Cambodia) Co.,Ltd នៅទីស្នាក់ការក្រុមហ៊ុនកណ្តាលទីក្រុងហុងកុង នៃសាធារណរដ្ឋប្រជាមានិតចិន កាលពីថ្ងៃទី២១ ខែធ្នូ ឆ្នាំ២០២៤។

សូមបញ្ជាក់ថា ប្រទេសចិននៅតែជាប្រទេសដែលមានទុនវិនិយោគច្រើននៅកម្ពុជា។គិតត្រឹមរយៈពេល១១ខែ ឆ្នាំ ២០២៤នេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបប្រមាណ ៣៨៩គម្រោង គិតជាទឹកប្រាក់ជាង ៦,៤ពាន់លានដុល្លារអាមេរិក និងបង្កើតការងារជាង ៣០ម៉ឺនកន្លែង។

ដោយឡែកគិតក្នុងខែវិច្ឆិកា ការវិនិយោគមកពីប្រទេសវៀតណាម មកកាន់ប្រទេសកម្ពុជា ស្ថិតនៅលំដាប់លេខរៀងទី ១ រួមចំណែក ៥១% នៃទុនវិនិយោគសរុប ៩៤០លានដុល្លារអាម៉េរិក ចំណែកប្រទេសចិន មានទុនវិនិយោគប្រមាណ ២៤% ខណៈការវិនិយោគក្នុងស្រុកឈរលេខរៀងទី២ គ្របដណ្តប់ ១៤% នៃទុនវិនិយោគសរុប។

គួរបញ្ជាក់ថា គម្រោងវិនិយោគភាគច្រើនមានទីតាំងស្ថិតក្នុងខេត្តកំពង់ស្ពឺ និងភ្នំពេញ ហើយគម្រោងវិនិយោគមួយចំនួនទៀត មាននៅក្នុងខេត្តកំពង់ចាម និងខេត្តព្រះសីហនុជាដើម។ដោយគម្រោងវិនិយោគទាំងនេះ ភាគច្រើនផ្តោតទៅលើវិស័យឧស្សាហកម្ម ហេដ្ឋារចនាសម្ព័ន្ធ ថាមពល កសិកម្ម និងទេសចរណ៍ ជាដើម។

បើតាមលោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍកម្ពុជា ធ្លាប់បានគូសបញ្ជាក់ថា កម្ពុជាមានសង្ឃឹមថា នឹងទទួលបានអ្នកវិនិយោគ​កាន់តែច្រើន​បន្ថែមទៀតនៅឆ្នាំ២០២៥ ខាងមុខ ខណៈមានក្រុមហ៊ុនបរទេសមួយចំនួន​ចង់ប្ដូរ​ទី​តាំង​មកកម្ពុជាផងដែរ៕

The post ខេត្តកំពង់ស្ពឺ នឹងទទួលបានទុនវិនិយោគប្រមាណ ២,០០០លានដុល្លារ នៅដើមឆ្នាំ ២០២៥ តាមរយៈសម្ព័ន្ធអ្នកវិនិយោគចិន appeared first on .

នេះបើតាមការឱ្យដឹងនៅក្នុងជំនួបពិភាក្សាអំពីការពង្រឹងកិច្ចសហប្រតិបត្តិការទ្វេភាគី ក្នុងការអភិវឌ្ឍវិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រវាងលោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយលោក វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនកម្ពុជា កាលពីថ្ងៃទី៤ ខែវិច្ឆិកា ឆ្នាំ២០២៤។

នាឱកាសនោះ លោក ហែម វណ្ណឌី បានលើកឡើងថា៖ “កម្ពុជា និង​មិត្តចិន​មាន​ទំនាក់ទំនង​មិត្តភាព​ដ៏រឹងមាំ និង​យូរអង្វែង ហើយការអភិវឌ្ឍឧស្សាហកម្ម និងបច្ចេកវិទ្យា ​គឺជាចន្ទល់សំខាន់នៃកិច្ចសហប្រតិបត្តិការត្បូងពេជ្ររវាងប្រទេសទាំងពីរ។”

លោកបានបន្ថែមថា៖ “ការវិនិយោគដែលមានប្រភពទុនពីប្រទេសចិនក្នុងវិស័យកម្មន្តសាលឈរលំដាប់ទី១នៅកម្ពុជា ហើយវិស័យនេះនឹងបន្តនាំមុខសម្រាប់កំណើនសេដ្ឋកិច្ចកម្ពុជានាពេលអនាគត។ ខណៈដែលកម្ពុជាកំពុងត្រៀមចាកចាញពីចំណាត់ថ្នាក់ប្រទេសអភិវឌ្ឍន៍តិចតួចនៅឆ្នាំ២០២៩។

លោកបន្តទៀតថា ការពង្រឹងកិច្ចសហប្រតិបត្តិការជាមួយមិត្តចិន ពិតជាមានសារៈសំខាន់ ជាពិសេសក្នុងការបង្កើនសមត្ថភាពផលិតវត្ថុធាតុដើមក្នុងស្រុក ដើម្បីបំពេញលក្ខខណ្ឌតម្រូវកាន់តែខ្ពស់របស់ទីផ្សារ។”

ជាមួយគ្នានោះ លោក វ៉ាង វិនពីន បានវាយតម្លៃខ្ពស់ចំពោះកិច្ចសហប្រតិបត្តិការកន្លងមក និងបានថ្លែងអំណរគុណដល់កម្ពុជាដែលបានគាំទ្រគំនិតផ្តួចផ្តើមរបស់រដ្ឋាភិបាលចិន ក្នុងក្របខណ្ឌនៃកិច្ចសហប្រតិបត្តិការអន្តរជាតិ។

គួរបញ្ជាក់ថា ក្នុងរយៈពេល១ឆ្នាំ (ខែកញ្ញា ឆ្នាំ២០២៣ ដល់ខែសីហា ឆ្នាំ២០២៤) នៃរាជរដ្ឋាភិបាល នីតិកាលទី៧ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងថ្មី និងគម្រោងពង្រីកផលិតកម្មចំនួន ៣៩១គម្រោង ដែលមានទុនវិនិយោគសរុបប្រមាណជាង ៧.៥ពាន់លានដុល្លារ និងអាចបង្កើតការងារបានប្រមាណ ៣៤១ពាន់កន្លែង។

ក្នុងនោះ ប្រភពទុនវិនិយោគមកពីប្រទេសចិនឈរនៅលំដាប់លេខរៀងទី១ ដោយបានរួមចំណែក ៦០.៤៤% នៃទុនវិនិយោគសរុប ខណៈពេលដែលការវិនិយោគក្នុងស្រុកគ្របដណ្តប់ ៣២.៣១% ដែលនេះបញ្ជាក់ថា ប្រទេសចិននៅតែជាប្រទេសស្ថិតលេខរៀងទី១ ក្នុងការបណ្តាក់ទុនវិនិយោគច្រើនជាងគេនៅកម្ពុជា៕

The post គិតត្រឹមខែតុលា ឆ្នាំ២០២៤ កម្ពុជាមានរោងចក្រដែលមានប្រភពវិនិយោគពីចិនក្នុងទុនរង្វង់ជាង ៩ពាន់ប៊ីលានដុល្លារ appeared first on .

យោងតាមរបាយការណ៍ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១០ ខែមិថុនា ឆ្នាំ២០២៤នេះ បានឲ្យដឹងថា ក្នុងខែឧសភា ឆ្នាំ២០២៤កន្លងទៅ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងថ្មី និងគម្រោងពង្រីកផលិតកម្ម សរុបចំនួន ២៥គម្រោង ដែលទុនវិនិយោគសរុបប្រមាណ ២៤៦ ៣០៥ ០០៣ដុល្លាអាមេរិក និងបង្កើតការងារចំនួនប្រមាណ ១៥ ១៣៩កន្លែង។ បើប្រៀបធៀបក្នុងខែឧសភាឆ្នាំ២០២៣ កើតឡើងជាង ៣០៨% លើទុនវិនិយោគ។

ដោយនៅក្នុងនោះ ការវិនិយោគមកពីប្រទេសចិនស្ថិតនៅលំដាប់លេខ រៀងទី ១ ដោយបានរួមចំណែកជិត ៥០% នៃទុនវិនិយោគសរុប ខណៈពេលដែលការវិនិយោគក្នុងស្រុកគ្រប ដណ្តប់ប្រមាណជិត ៣១% នៃទុនវិនិយោគសរុប។

បើតាមក្រុមប្រឹក្សាអភិវឌ្ឍន៍កម្ពុជា ប្រទេសដែលជាប្រភពទុនវិនិយោគនៅកម្ពុជារួមមាន៖ ចិនលេខ១ មានទុនវិនិយោគប្រមាណ ៤៩,៦៧%, កម្ពុជាលេខ២ ប្រមាណ ៣០,៨៥%, សិង្ហបុរីលេខ៣ ប្រមាណ ១០,១៥% និងប្រមាណ៩% មកពីបណ្តាប្រទេសផ្សេងៗ ដូចជា អូស្ត្រាលី លេខ៤ ប្រមាណ ២,៣៣% វៀតណាមលេខ៥ ប្រមាណ ២,២៩% កូរ៉េ លេខ៦ ប្រមាណ ២,០៥% សេណេហ្គាល់ លេខ៧ ប្រមាណ ២,០៣% និងសហរដ្ឋអាមេរិក លេខ៨ ប្រមាណ ០,៦៣%។

គួរបញ្ជាក់ផងដែរថា ក្នុងត្រីមាសទី១ ឆ្នាំ២០២៤ ការវិនិយោគក្នុងស្រុកឈរនៅលំដាប់លេខរៀងទី១ រីឯការវិនិយោគមកពីប្រទេសចិនស្ថិតនៅលំដាប់លេខរៀងទី២ ដោយបានរួមចំណែកប្រមាណជាង ៩៣% នៃការវិនិយោគសរុប។

ថ្វីត្បិតក្នុងត្រីមាសទី១ ចិនស្ថិតក្នុងលេខ២ តែលំហូរទុនវិនិយោគឯកជនចិននៅកម្ពុជាមានការកើនឡើង ពោល ប្រមាណ២២%នៅឆ្នាំ២០២៣ បើធៀបនឹងឆ្នាំ២០២២។ភាគច្រើនគម្រោងវិនិយោគនេះ គឺចិនបានឈរនៅលំដាប់លេខរៀងទី១ មានប្រមាណ ៦៦% ចំណែកក្នុងស្រុកមានប្រមាណ២៤% ក្រៅពីនេះគឺបន្ទាប់បន្សំ។

ចំណែកខែឧសភា ឆ្នាំ២០២៤កន្លងទៅនេះ ប្រទេសចិនជាប់លេខ១ ដែលជាប្រទេសមានប្រភពទុនវិនិយោគនៅកម្ពុជាជិត៥០%។ចំណែកឯទំហំពាណិជ្ជកម្មកម្ពុជា-ចិនក៏បានកើនឡើងដល់ប្រមាណ១២ ប៊ីលានដុល្លារក្នុងឆ្នាំ២០២៣ មានកំណើនប្រមាណជិត៥% បើធៀបឆ្នាំ២០២២។ដោយឡែកបើគិតត្រឹមរយៈពេល៤ខែ ឆ្នាំ២០២៤នេះ កម្ពុជាសម្រេចទំហំពាណិជ្ជកម្មបានជាង ១៦ ៩១៣ លានដុល្លារ មានកំណើនប្រមាណជិត ១២% ក្នុងនោះប្រទេសចិនស្ថិតនៅលេខរៀងទី៣ បន្ទាប់ពីអាមេរិក និងវៀតណាម៕

The post ក្នុងខែឧសភា ចិននៅតែជាប្រទេសដែលមានប្រភពទុនវិនិយោគច្រើនជាងគេនៅកម្ពុជា appeared first on .