ទ្រព្យ តារា

បំពេញក្ដីស្រមៃ ករុណា ពេជ្រ នាំឪពុក ចូលនៅផ្ទះវីឡាដ៏ស្កឹមស្កៃតម្លៃខ្ទង់រាប់ម៉ឺនដុល្លារ

កូនចៅឧកញ៉ា — Tue, 01 Jun 2021 08:41:59 +0000

តារាចម្រៀង ករុណា ពេជ្រ បានរៀបចំពិធីឡើងផ្ទះក្នុងសភាពស្ងប់ស្ងាត់ ស្របពេលដែលតារារូបនេះបានសន្សាថា នឹងរៀបចំផ្ទះអោយរួចរាល់ នឹងឆាប់បាននាំយកលោកឪពុកមករស់នៅ ជុំគ្នាក្នុងផ្ទះតែមួយ ខណៈដែលពេលមុនលោកឪពុករបស់ករុណា បានត្រឹមសម្រាកព្យាបាលនៅក្នុងមន្ទីរពេទ្យអស់ជាច្រើនខែ ។

អស់រយៈពេលជាង៣ឆ្នាំ លោកករុណា ពេជ្រ បានជំរុញទាំងទឹកប្រាក់ និងទឹកចិត្ត ព្រោះតែការពុះពារធ្វើយ៉ាងណាពន្លឿនក្នុងការសាងសង់អោយបានឆាប់រហ័ស និងអាចឆាប់យកអ្នកមានគុណដែលកំពុងសម្រាន្តមភលើគ្រែពេទ្យមករួមរស់ជុំគ្នាក្នុងដំបូលផ្ទះតែមួយ ។

ចំណែកផ្ទះវីឡាដ៏ស្កឹមស្កៃនេះ ត្រូវបានគេដឹងថា ចំណាយទឹកប្រាក់ប្រមាណជាង៦០ម៉ឺនដុល្លារ ប៉ុន្តែស្របពេលកំពុងផ្ទុះការរីករាលដាលជំងឺកូវីដ-១៩ បែបនេះ បានធ្វើឱ្យលោក ករុណា ពេជ្រ រៀបចំឡើង ផ្ទះវីឡាយ៉ាងសាមញ្ញ និងស្ងប់ស្ងាត់។

លោកពិតជាស្រឡាញ់លោកឪពុកណាស់ ទោះលំបាកបែបណាក៏ដោយ ក៏លោកនៅតែខិតខំបំពេញបំណងរបស់លោកឪពុក។ តារាប្រុសរូបនេះ រមែងបំពេញការងារមនុស្សធម៌ ដើម្បីចែករំលែកបុណ្យកុសល ជូនដល់លោកឪពុកអោយបានបន្តរស់រានមានជីវិត ជុំកូនជុំចៅ សុខសប្បាយតទៅ។

The post បំពេញក្ដីស្រមៃ ករុណា ពេជ្រ នាំឪពុក ចូលនៅផ្ទះវីឡាដ៏ស្កឹមស្កៃតម្លៃខ្ទង់រាប់ម៉ឺនដុល្លារ appeared first on .

លំដាប់សេដ្ឋហើយ! ត្រឹមប្រមាណ ៣ខែសោះ G-Devith និង បូព្រឹក្ស ទិញរថយន្តស៊េរី High ដល់ទៅ ៤គ្រឿង

កូនចៅឧកញ៉ា — Wed, 07 Oct 2020 07:32:00 +0000

គូសង្សារវ័យក្មេង G-Devith និងកញ្ញា ទេព បូព្រឹក្ស បានបង្ហាញពីជីវិតហ៊ឺហាកាន់តែខ្លាំងឡើងពីមួយថ្ងៃទៅមួយថ្ងៃ ដោយត្រឹមរយៈពេលប្រមាណជាង ៣ខែសោះ ពួកគេបានទិញរថយន្តដល់ទៅ ៤គ្រឿង សុទ្ធជាស៊េរី High។

នេះជារឿងកម្រមួយនៅក្នុងសង្គមសិល្បៈខ្មែរ។ ដំបូងឡើយ ភាគីខាងប្រុស គឺលោក ងួន ចាន់ដេវី ឬ G-Devith បានធ្វើឲ្យមានភ្ញាក់ផ្អើលកាលពីពាក់កណ្ដាលខែកក្កដា ដោយពេលនោះ លោកបានទិញរថយន្តលំដាប់អភិជន Roll Royce មួយគ្រឿងជូនគូស្នេហ៍ ដើម្បីអបអរខួបពួកគេបានស្រឡាញ់គ្នាគម្រប់ ៤ឆ្នាំ។ រថយន្តនេះ បើតាមអ្នកជំនាញខាងរថយន្តបានធ្វើការប៉ាន់ប្រមាណថា មានតម្លៃខ្ទង់ ៣០ម៉ឺនដុល្លារអាមេរិកឯណោះ។

ដេវីដ ធ្វើរឿង មុនតែប៉ុន្មានថ្ងៃប៉ុណ្ណោះ ដែលលោកនឹងត្រូវលាគូស្នេហ៍ទៅបួសរយៈពេលខ្លី។ ក្រោយមកទៀត បន្ទាប់ពីនោះមិនប៉ុន្មានថ្ងៃផង តារាប្រុសរូបនេះ ក៏បានលេចមុខទៅទិញរថយន្តស៊េរីខ្ពស់មួយគ្រឿងទៀតម៉ាក Tundra ពីហ្គារ៉ាស់អ្នកស្គាល់គ្នាមួយ ក្នុងហេតុផលថា ពួកគេត្រូវការរថយន្តប្រភេទនេះសម្រាប់ចុះធ្វើការងារតាមខេត្ត។ ងាកតម្លៃរបស់វាវិញ ត្រូវបានគេប៉ាន់ប្រមាណថា ខ្ទង់ ៣ម៉ឺនដុល្លារអាមេរិក។បន្តមក ដេវីដ ក៏បានលាអ្នករាល់គ្នាទៅសាងផ្នួសរយៈពេលជាង ១ខែនៅឯខេត្តបាត់ដំបងដែលស្រុកកំណើតបាត់ទៅ។ ក្រោយពីគូស្នេហ៍ចេញទៅកោរសក់បួសសងគុណឪពុកម្ដាយ ដល់វេនភាគីខាងស្រីម្ដង។ ទេព បូព្រឹក ត្រូវបានគេឃើញទិញរថយន្តប្រណិតមួយគ្រឿងម៉ាក KIA Canival បន្ថែមទៀត។ ប៉ុន្តែនាងមិនមែនទិញទុកប្រើខ្លួនឯងនោះទេ គឺទិញជូនប្អូនប្រុសរបស់នាង ទុកជាអំណោយថ្ងៃខួបកំណើត។ ចំពោះតម្លៃមានការប៉ាន់ប្រមាណថា ខ្ទង់ជាង ៤ម៉ឺនដុល្លារអាមេរិក។

មិនទាន់អស់នៅឡើយ នៅថ្មីៗនេះទៀត តារាស្រីបានធ្វើរឿងភ្ញាក់ផ្អើលធំមួយ ដោយនាងបានទិញរថយន្តប្រណិតមួយគ្រឿងម៉ាក Mercedes G63 មួយគ្រឿងជូនភាគីខាងប្រុសបណ្ដូលស្នេហ៍ថែមទៀត ទុកជាដំណោយថ្ងៃខួបកំណើត។ ងួន ចាន់ដេវីត បានបញ្ចេញរឿងនេះនៅលើទំព័រហ្វេសប៊ុករបស់ខ្លួន។ភ្ជាប់ជាមួយរូបមួយសន្លឹកលោក អោនសំពះអគុណគូស្នេហ៍ ដេវីដ បានសរសេរថា៖ “ធ្លាប់សន្យាហើយថា នឹងអោយឥឡូវទិញមែន ជីវិតអើយអីក៏សំណាងម្ល៉េះ ប្រពន្ធស្អាតហើយចិត្តល្អទៀត!”។

ដំណឹងនេះ បានធ្វើឲ្យអ្នកគាំទ្រជាច្រើនបានចូលរួមអបអរ ខណៈសាមីខ្លួនតារាប្រុស ក៏ញញឹមបិទមាត់មិនជិត ហើយនៅតែពោលសរសើរសំណាងខ្លួនឯងម្ដងហើយម្ដងទៀត ដែលបានជួបប្រសព្វជាមួយនារីម្នាក់ស្រស់ស្អាតហើយ មានសន្ដានចិត្តល្អថែមទៀត។ការទិញរថយន្តជាអំណោយឲ្យគ្នាទៅវិញទៅមក គឺជារឿងថ្មីមួយសម្រាប់ ដេវីដ និង បូព្រឹក្ស។ ប៉ុន្តែទម្លាប់ជូនគ្នាទៅវិញទៅមករបស់គូស្នេហ៍វ័យក្មេងនេះ គឺកើតមានរាប់ឆ្នាំមកហើយ ពោលគឺពួកគេរមែងទិញគ្រឿងអលង្ការ និងរបស់ប្រើប្រាស់ឲ្យគ្នាក្នុងឱកាសពិសេសណាមួយ៕

ប្រភព៖Sabay

The post លំដាប់សេដ្ឋហើយ! ត្រឹមប្រមាណ ៣ខែសោះ G-Devith និង បូព្រឹក្ស ទិញរថយន្តស៊េរី High ដល់ទៅ ៤គ្រឿង appeared first on .

កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ

កូនចៅឧកញ៉ា — Mon, 10 Feb 2020 04:47:39 +0000

បន្ទាប់ពីសម្ពោធហាងឲ្យប្រពន្ធជិត៣០ម៉ឺនដុល្លារជូនប្រពន្ធកាលពីពេលថ្មីៗនេះ តារាចម្រៀងជួរមុខក្នុងផលិតកម្មសាន់ដេ លោក កែវ វាសនា បានបង្ហើបឲ្យដឹងថា លោកគ្រោងធ្វើពិធីឡើងវីឡា១បន្ថែមទៀត នៅពេលឆាប់ៗខាងមុខនេះ ដោយពិធីនោះខ្លួនមានគម្រោងអញ្ជើញភ្ញៀវច្រើន ពោលស្ទើរគ្រប់មិត្តភ័ក្ដិទាំងអស់នឹងត្រូវអញ្ជើញ។
វីឡាដែលតារាចម្រៀងខាងលើត្រៀមធ្វើពិធីចូលស្នាក់នៅ តាមទំនៀមទម្លាប់ប្រពៃណីនោះ គឺស្ថិតក្នុងបុរីដែលលោកកំពុងតែស្នាក់នៅតែម្ដង ហើយតម្លៃវិញត្រូវបានគេដឹងថា តម្លៃច្រើនជាង១លានដុល្លារឯណោះបើប្រៀបធៀបនឹងទីផ្សារបច្ចុប្បន្ន តែបែបណាក្ដី លោក កែវ វាសនា មិនបានប្រាប់ពីតម្លៃ នៃវិឡា ដែលលោកត្រៀមឡើងនោះឡើយ។

លោក កែវ វាសនា គ្រាន់តែបានប្រាប់ថា វីឡានោះ លោកបានទិញតាំងពីដំណាក់កាលបុកគ្រឹះឯណោះ ដែលគិតមកដល់ពេលនេះ ជាង១ឆ្នាំមកហើយ បច្ចុប្បន្នជាងកំពុងសម្រុកដេគ័រខាងក្នុង នៅដើមខែ មេសា ឆ្នាំ ២០២០ ខាងមុខនេះ នឹងធ្វើពិធីចូលនៅតែម្ដង។ ក្នុងពិធីឡើង គេហដ្ឋានថ្មីនេះលោកប្រាប់ថា ធ្វើឡើងមិនចាញ់ ពិធីមង្គលការរបស់ខ្លួននាពេលកន្លងមកឡើយ ពោលស្ទើរគ្រប់មិត្តភ័ក្ដិទាំងអស់នឹងត្រូវអញ្ជើញ។
នេះគឺជាជោគជ័យធំមួយ ដែលមានមកពីការងារសិល្បៈ នឹង មុខរបររកស៊ីប្រចាំថ្ងៃ ដោយប្រពន្ធតារាចម្រៀងល្បីឈ្មោះរូបនេះ ត្រូវបានគេដឹងថា ពូកែខាងរកស៊ីមិនចាញ់ប្ដីនោះឡើយ។

គ្រាន់តែដឹងត្រួសៗ បើរាប់ទាំង១វីឡា ដែលគ្រោងចូលនៅនោះ លោក កែវ វាសនា មានផ្ទះយ៉ាងតិច៣ទៅហើយ ក្នុងនោះមានវីឡាភ្លោះដែលលោកកំពុងរស់នៅរាល់ថ្ងៃ១ Shop Houseដែលលោកកំពុងតែ បើកហាងរាល់ថ្ងៃ១ ។ មុនប៉ុន្មានថ្ងៃនៃថ្ងៃដែលលោកបើកហាងជូនប្រពន្ធនោះ តារាចម្រៀងរូបនេះ បានទិញLexus 570 ស៊េរី2020 តម្លៃជាង២០ម៉ឺនដុល្លារ បន្ថែមលើរថយន្តជាច្រើនគ្រឿង ដែលលោកកំពុងជិះរាល់ថ្ងៃថែមទៀតផង។
មិនត្រឹមតែ ប៉ុណ្ណោះ លោក កែវ វាសនា ក៏ត្រូវបានគេដឹងថា មានដីជាច្រើនកន្លែង ប៉ុន្តែតារាចម្រៀងរូបនេះមិនធ្លាប់បញ្ចេញថា ខ្លួនជាអ្នករកស៊ីខាងអចលនទ្រព្យនោះឡើយ ខណៈដែលតារាចម្រៀងជាច្រើនទៀត បានចេញមុខរកស៊ី ដី ដោយបើកចំហក្ដី។

ទោះបីជាមិនចេញមុខដោយបើកចំហលើជំនួញអចលនទ្រព្យ ប៉ុន្តែលោកចេញមុខ រកស៊ី លើផលិតផល ថែរក្សាសម្រស់ជាមួយភរិយា ដោយបើកចំហ ហើយចំណូលរបស់ពូកគេ ត្រូវបានគេដឹងថា មិនតិចនោះទេ ដែលជា ហេតុនាំឲ្យ ពួកគេមានលទ្ធភាព មានទ្រព្យដូចបានរៀបរាប់ខាងលើ៕

ប្រភព៖ សប្បាយ

The post កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ appeared first on .

ទ្រព្យ តារា

បំពេញ​ក្ដី​ស្រមៃ​ ករុណា ពេជ្រ នាំ​ឪពុក​ ចូល​នៅ​ផ្ទះ​វីឡា​ដ៏​ស្កឹមស្កៃ​តម្លៃ​ខ្ទង់​រាប់​ម៉ឺន​ដុល្លារ

លំដាប់​សេដ្ឋ​ហើយ! ត្រឹម​ប្រមាណ ៣ខែ​សោះ G-Devith និង បូព្រឹក្ស ទិញ​រថយន្ត​ស៊េរី High ដល់​ទៅ ៤គ្រឿង

កែវ វាសនា ត្រៀម​ ឡើង​ វីឡា ​តម្លៃ​ជាង​១លានដុល្លារឆាប់ៗ​នេះ

បំពេញក្ដីស្រមៃ ករុណា ពេជ្រ នាំឪពុក ចូលនៅផ្ទះវីឡាដ៏ស្កឹមស្កៃតម្លៃខ្ទង់រាប់ម៉ឺនដុល្លារ

លំដាប់សេដ្ឋហើយ! ត្រឹមប្រមាណ ៣ខែសោះ G-Devith និង បូព្រឹក្ស ទិញរថយន្តស៊េរី High ដល់ទៅ ៤គ្រឿង

កែវ វាសនា ត្រៀម ឡើង វីឡា តម្លៃជាង១លានដុល្លារឆាប់ៗនេះ