ទ្រី ដាណា

លោកស្រីឧកញ៉ា ទ្រី ដាណា ជ្រើសរើសទីតាំងសាលអ្នកឧកញ៉ា ថៃ ជាហួត ជាកន្លែងបដិសណ្ឋារកិច្ចភ្ញៀវកិត្តិយសចូលរួមពិសារភោជនាហារ

ឧកញ៉ាកោះក្របី — Mon, 04 Dec 2023 03:19:48 +0000

អ្នកជំនួញល្បីឈ្មោះក្នុងវិស័យគ្រឿងពេជ្រ ផលិតផលសំអាង និងផលិតបំប៉នសុខភាព លោកស្រីឧកញ៉ា ទ្រី ដាណា បានចូលរោងជ័យជាផ្លូវការហើយកាលពីថ្ងៃទី៣ ខែធ្នូ ឆ្នាំ២០២៣ ជាមួយលោក រស់ រាជ្ជសាល ដែលជាកូនអ្នកកោះក្របី ខណ្ឌច្បារអំពៅ រាជធានីភ្នំពេញ។

ពិធីរៀបចំអាពាហ៍ពិពាហ៍លោកស្រីឧកញ៉ា ទ្រី ដាណា និងលោក រស់ រាជ្ជសាល ធ្វើពិធីចូលចែចូវ និងនិមន្តព្រះសង្ឃចម្រើនព្រះបរិត្តនៅភូមិគ្រឹះរបស់លោកស្រីផ្ទាល់នៅខណ្ឌព្រែកព្នៅ ក្រោមវត្តមានលោកមេបាចាស់ទុំរាមច្បងទាំងសងខាង ក្នុងនោះក៏មានវត្តមានសម្តេចកិត្តិសង្គហបណ្ឌិត ម៉ែន សំអាន ឧត្តមប្រឹក្សាផ្ទាល់ព្រះមហាក្សត្រ និងលោកស្រីឧកញ៉ា ហ៊ុន ស៊ីណាត ជាប្អូនស្រីបង្កើតសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ។

ដោយឡែកសម្រាប់ពិធីហែជំនូនចូលរោងជ័យ កាត់សក់បង្កកសិរី សែនចងដៃសំពះផ្ទឹម និងទទួលបដិសណ្ឋារកិច្ចភ្ញៀវកិត្តិយសចូលរួមពិសារភោជនាហាររបស់លោកស្រីធ្វើឡើងនៅសាលសន្និបាត និងប្រារព្ធពិធីមង្គលការ ភីអេច ហ្រេ្គនហល PH Grand Hall របស់អ្នកឧកញ៉ា ថៃ ជាហួត ម្ចាស់ក្រុមហ៊ុនបុរី ប៉េងហួត គ្រុប ស្ថិតនៅខណ្ឌច្បារអំពៅ រាជធានីភ្នំពេញ។

ពិធីមង្គលការលោកស្រីឧកញ៉ា ទ្រី ដាណា ឃើញវត្តមានចូលរួមពីអ្នកឧកញ៉ា ឧកញ៉ា មន្រ្តីរាជការ សិល្បករ សិល្បការិនី អ្នកប្រដាល អ្នកជំនួញចាស់ក្មេងដែលភាគច្រើនសុទ្ធសឹងតែជាអ្នកជំនួញរកស៊ីក្នុងវិស័យគ្រឿងសំអាង ផលិតផលលក់លើបណ្តាញសង្គមនានានៅក្នុងប្រទេសកម្ពុជា៕

The post លោកស្រីឧកញ៉ា ទ្រី ដាណា ជ្រើសរើសទីតាំងសាលអ្នកឧកញ៉ា ថៃ ជាហួត ជាកន្លែងបដិសណ្ឋារកិច្ចភ្ញៀវកិត្តិយសចូលរួមពិសារភោជនាហារ appeared first on .

សម្តេចតេជោ ហ៊ុន សែន ណែនាំអ្នកចង់ផ្សព្វផ្សាយវប្បធម៌ខ្មែរ ត្រូវយកចិត្តទុកដាក់ទទួលយកការណែនាំពីក្រសួងវប្បធម៌

ឧកញ៉ាកោះក្របី — Wed, 08 Mar 2023 04:08:45 +0000

សម្តេចតេជោ ហ៊ុន សែន នាយករដ្ឋមន្ត្រី ណែនាំឲ្យលោកស្រី ទ្រី ដាណា ត្រូវយកចិត្តទុកដាក់ទទួលយកការណែនាំ និងកែតម្រូវតាមការកំណត់របស់ក្រសួងវប្បធម៌ និងវិចិត្រសិល្បៈ។ ការណែនាំរបស់ប្រមុខដឹកនាំនាពេលនេះ បន្ទាប់ពីលោកស្រី ទ្រី ដាណា ចោទប្រកាន់ក្រសួងវប្បធម៌ និងវិចិត្រសិល្បៈ ថាបានបង្កភាពលំបាកឲ្យក្រុមការងារលោកស្រីរៀបចំកម្មវិធីផ្សព្វផ្សាយអំពីវប្បធម៌ខ្មែរ នៅប្រាសាទអង្គរវត្ត នាថ្ងៃសង្គ្រាន្តពេលខាងមុខ។

ក្រោយផ្ទុះការវែកញែកជុំវិញរឿងរ៉ាវនេះ សម្ដេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី៨ ខែមីនានេះ តាមរយៈសារជាសំឡេងបានឱ្យដឹងថា «ចាប់តាំងពីថ្ងៃទី៧ ខែមីនា រហូតមកដល់ថ្ងៃទី៨ ខែមីនា សម្តេចបានយកចិត្តទុកដាក់ចំពោះការមិនយល់គ្នា ពាក់ព័ន្ធនឹងគោលបំណងរបស់លោកស្រី ទ្រី ដាណា ដែលមានគោលបំណងចូលរួមក្នុងការផ្សព្វផ្សាយវប្បធម៌ខ្មែរ ជាមួយនឹងគោលបំណង និងសំណូមពររបស់ក្រសួងវប្បធម៌ និងវិចិត្រសិល្បៈ»។

ទន្ទឹមនឹងនេះដែរ សម្តេចតេជោ ហ៊ុន សែន បានសម្តែងនូវក្តីរីករាយដោយសារតែបងប្អូនប្រជាពលរដ្ឋ ពិសេសលោកស្រី ទ្រី ដាណា ដែលមានបំណងចង់បង្ហាញនូវវប្បធម៌របស់ខ្មែរ ជូនចំពោះពលរដ្ឋកម្ពុជា។ ប៉ុន្តែសម្តេចតេជោ ក៏សូមបង្ហាញនូវកង្វល់ដែលរួមជាមួយនឹងក្រសួងវប្បធម៌ និងវិចិត្រសិល្បៈ ទាក់ទងនឹងការបង្ហាញ។ ការបង្ហាញវប្បធម៌ខ្មែរទៅដល់ប្រជាពលរដ្ឋដែលរស់នៅបច្ចុប្បន្ន និងសម្រាប់ក្មេងជំនាន់ក្រោយតជំនាន់គឺ ជារឿងល្អ ប៉ុន្តែប្រសិនបើការបង្ហាញមិនបានគិតទៅតាមលក្ខណៈរបស់ដូនតាគឺ ស្មើនឹងការបំផ្លាញនូវវប្បធម៌ខ្មែរទៅវិញ។ ដូច្នេះ ខ្ញុំសូមស្នើឲ្យយកចិត្តទុកដាក់ ជាពិសេសទៅលើបញ្ហាទម្រង់ដែលត្រូវតែអនុវត្តឲ្យខាងតែបាន តាមការណែនាំរបស់ក្រសួងវប្បធម៌ និងវិចិត្រសិល្បៈ។

សម្តេចតេជោនាយករដ្ឋមន្រ្តីបានបញ្ជាក់ថា «ក្រសួងវប្បធម៌គឺ ជាសេនាធិការការពារវប្បធម៌ដូនតារបស់យើង បើក្រសួងបណ្ដែតបណ្ដោយឲ្យទាំងខុសពីរូបភាពដើមនោះ ក្រសួងនឹងទទួលខុសត្រូវចំពោះមុខរាជរដ្ឋាភិបាល និងចំពោះរដ្ឋសភា។ ដូច្នេះ លោកស្រី ទ្រី ដាណា ត្រូវយកចិត្តទុកដាក់ទទួលយកការណែនាំ និងកែតម្រូវតាមការកំណត់របស់ក្រសួងវប្បធម៌ និងវិចិត្រសិល្បៈ»៕

The post សម្តេចតេជោ ហ៊ុន សែន ណែនាំអ្នកចង់ផ្សព្វផ្សាយវប្បធម៌ខ្មែរ ត្រូវយកចិត្តទុកដាក់ទទួលយកការណែនាំពីក្រសួងវប្បធម៌ appeared first on .

កូនស្រីលោកជំទាវ ទ្រី ដាណា ជាប់លេខ២ ក្នុងការប្រកួតនិយាយអង់គ្លេស នៅសាលាប៊ែលធី

ឧកញ៉ាដែនដី — Mon, 08 Aug 2022 05:33:23 +0000

ដាណា ភីន ដែលជាកូនស្រីបង្កើតរបស់លោកស្រី ទ្រី ដាណា អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី បានទទួលចំណាត់ថ្នាក់លេខ២ ក្នុងការប្រកួតប្រជែងនិយាយជាភាសាអង់គ្លេស កម្រិតទី៩ (Level 9) ប្រចាំឆ្នាំ២០២២ នៅសាលា ប៊ែលធី អន្តរជាតិ។

កញ្ញា ដាណា ភីន បានលើកយកប្រធានបទអំពី “The Educational Sector is Heading to Digital Platform” ដែលមានន័យថា “វិស័យអប់រំ កំពុងឆ្ពោះទៅកាន់ទម្រង់ជាឌីជីថល” ក្នុងការប្រកួតប្រជែងនិយាយជាសាធារណៈរបស់ខ្លួន។ ទាំងការនិយាយ ទាំងកាយវិការ បូករួមទាំងខ្លឹមសារដ៏មានអត្ថន័យ របស់កញ្ញា ដាណា ភីន បានធ្វើឱ្យគណៈកម្មការផ្តល់ពិន្ទុ និងទស្សនិកជន ដែលបានទស្សនាផ្ទាល់ មានការកោតសរសើរយ៉ាងខ្លាំង។

ជាមួយគ្នានេះ ឧកញ៉ា យ៉ន សេងហាន បានបង្ហោះវីដេអូនិយាយរបស់កញ្ញា ដាណា ភីន ភ្ជាប់ជាមួយសារនៅលើហ្វេសប៊ុក នៅព្រឹកថ្ងៃចន្ទ ទី៨ ខែសីហានេះថា៖ “សួស្ដីបងប្អូនទាំងអស់គ្នា ស្គាល់គាត់ទេ? គាត់ឈ្មោះ ដាណា ភីន ជាកូនស្រី ជំទាវ ទ្រី ដាណា! ក្នុងនាមខ្ញុំជាគ្រូអប់រំ និងជាអ្នកស្រលាញ់ការសិក្សាម្នាក់ សូមត្រេកអរនិងមោទកភាព ចំពោះក្មួយស្រីដាណាភីន ដែលជាក្មេងឆ្លាត ឧស្សាហ៍ព្យាយាម ទៅជាសិស្សឆ្នើម ទោះបីរស់នៅក្នុងគំនរទ្រព្យសម្បត្តិម្តាយក៏ដោយ”។

ឧកញ៉ា យ៉ន សេងហាន បានបន្តថា សូមកោតសរសើរដល់ ជំទាវ ទ្រី ដាណា ដែលបានអប់រំកូនបានយ៉ាងល្អ ទោះបីលោកជំទាវ មានអាជីពធំ និងច្រើនយ៉ាងណាក៏ដោយ។ នេះជាគម្រូមួយដ៏ល្អសំរាប់អាណាព្យាបាលកូនទាំងអស់ ទោះបីរវល់ការងារយ៉ាងណា ក៏ត្រូវមានពេលអប់រំណែនាំកូនដែរ។ បើយើងប្រឹងរកលុយបានមក កូនមិនល្អ រៀនមិនពូកែ មិនដើរតាមកន្លងធម៌ លុយដែលរកបានមកនោះ ក៏គ្មានន័យសំរាប់ជីវិតយេីងដែរ។

គួរបញ្ជាក់ថា លោកស្រី ទ្រី ដាណា ទើបតែបើកសម្ពោធ ហាងពេជ្រ ដាណាទ្រី សាខាច្បារអំពៅ ថ្មីមួយទៀតជាផ្លូវការ កាលពីថ្ងៃទី២៥ ខែកក្កដា ឆ្នាំ២០២២ កន្លងទៅថ្មីៗនេះ បន្ទាប់ពីហាងពេជ្ររបស់លោកស្រី ទទួលបានជោគជ័យដ៏ធំធេង នៅសាខាធំ លើមហាវិធីឈ្នះ-ឈ្នះ ខណ្ឌព្រែកព្រៅ រាជធានីភ្នំពេញ៕

សូមទស្សនាវីដេអូខាងក្រោម៖

The post កូនស្រីលោកជំទាវ ទ្រី ដាណា ជាប់លេខ២ ក្នុងការប្រកួតនិយាយអង់គ្លេស នៅសាលាប៊ែលធី appeared first on .

លោកស្រី ទ្រី ដាណា៖ ទិញមាសតែ១ជី អាចមានសំណាងឈ្នះឡាន ឬម៉ូតូ ស៊េរីឆ្នាំ២០២២

ឧកញ៉ាដែនដី — Sun, 26 Jun 2022 01:11:17 +0000

លោកស្រី ទ្រី ដាណា អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី កំពុងមានកម្មវិធីពិសេសមួយ សម្រាប់អតិថិជនរបស់ខ្លួន គឺទិញមាសត្រឹមតែចាប់ពី១ជីឡើងទៅ នោះនឹងមានឱកាសឈ្នះរង្វាន់ជាច្រើន ក្នុងនោះក៏មានរង្វាន់ធំដូចជាម៉ូតូ Honda Dream 125 CC ស៊េរីឆ្នាំ២០២២ និងរថយន្តទំនើប Ford Ranger ឆ្នាំ២០២២ ផងដែរ។

តាមរយៈការបញ្ជាក់ក្នុងវីដេអូផ្សាយផ្ទាល់ នាពេលថ្មីៗនេះ លោកស្រី ទ្រី ដាណា បានលើកឡើងថា អតិថិជនអាចមកទិញពេជ្រ ឬមាសចាប់ពី១ជីឡើងទៅ នឹងទទួលបានវិក័យបត្រចំនួនពីរ៖ វិក័យបត្រទី១ ដើម្បីចាប់ឆ្នោតភ្លាមៗ ដែលមានរង្វាន់ដូចជា ម៉ូតូ Honda Dream 125 CC 2022, ទូរសព្ទដៃ iPhone 13 Pro Max, ទូរសព្ទដៃ Samsung, ទូរទស្សន៍ LED Sony និងផលិតផល NNP ១កន្ត្រក (តម្លៃជាង ២០០ដុល្លារ) ហើយសន្លឹកឆ្នោតនីមួយៗគឺគ្មានពាក្យថា “សូមអរគុណ” នោះទេ។ រីឯវិក័យបត្រទី២ គឺត្រូវបំពេញឈ្មោះ អាសយដ្ឋាន និងលេខទូរសព្ទ ដើម្បីចាប់ឆ្នោតផ្សងយករង្វាន់ធំ រថយន្តទំនើប Ford Ranger ស៊េរីឆ្នាំ២០២២ នៅថ្ងៃទី៣ នៃថ្ងៃសម្ពោធសាខាថ្មី នៅខណ្ឌច្បារអំពៅ។

លោកស្រី ទ្រី ដាណា បានបញ្ជាក់បន្ថែមថា ហាងរបស់លោកស្រី ជាធម្មតាមិនសូវមានការលក់បញ្ចុះតម្លៃ ឬ Promotion អ្វីនោះទេ ប៉ុន្តែកម្មវិធីពិសេសខាងលើនេះ គឺធ្វើឡើងក្នុងគោលបំណង ដើម្បីអបអរសាទរការដាក់សម្ពោធហាងពេជ្រ ដាណាទ្រី ដ៏ធំសម្បើមមួយទៀត (៧ជាន់) នៅសាខាច្បារអំពៅ ក្នុងពេលឆាប់ៗខាងមុខ ហើយកម្មវិធីសម្ពោធនេះ នឹងធ្វើរយៈពេល៣ថ្ងៃ។

គួររំឭកថា កាលពីថ្ងៃទី០៩ ខែឧសភា ឆ្នាំ២០២២ ក្រុមហ៊ុន ដាណា ទ្រី (ខេមបូឌា) ត្រេឌីងខូអិលធីឌី ក៏បានបើកសម្ពោធអាគារពាណិជ្ជកម្មថ្មីមួយផងដែរ ដែលមានទីតាំងនៅលើមហាវិថីឈ្នះ-ឈ្នះ ខណ្ឌព្រែកព្នៅ រាជធានីភ្នំពេញ បន្ទាប់ពីមុខជំនួញរបស់លោកស្រី ទទួលបានជោគជ័យ និងរីកចម្រើនយ៉ាងឆាប់រហ័ស៕

The post លោកស្រី ទ្រី ដាណា៖ ទិញមាសតែ១ជី អាចមានសំណាងឈ្នះឡាន ឬម៉ូតូ ស៊េរីឆ្នាំ២០២២ appeared first on .

ស្រ្តីអ្នករកស៊ីអនឡាញ២រូប ទទួលជោគជ័យសឹងមិនគួរឱ្យជឿ

ឧកញ៉ាកោះក្របី — Wed, 22 Jun 2022 06:13:57 +0000

ពាណិជ្ជករស្រ្តីនៅកម្ពុជា កំពុងមានកំណើនកើនឡើងគួរឱ្យកត់សម្គាល់នារយៈពេលប៉ុន្មានឆ្នាំចុងក្រោយនេះ។ ការណ៍នេះអាចនិយាយថា ពាក្យស្រ្តីបង្វិលចង្រ្កានមិនជុំហាក់ផ្ទុយស្រឡះបាត់ទៅហើយ ខណៈស្ត្រីមានតួនាទី និងសមត្ថភាពអាចគ្រប់គ្រងនិងដឹកនាំមុខជំនួញបានជោគជ័យដូចបុរសៗដែរ។

ការដែលចង់មានមុខរបរ ឬអាជីវកម្មមួយវាជាក្តីសុបិនដ៏ធំរបស់មនុស្សគ្រប់គ្នា ប៉ុន្តែរឿងសំខាន់ជាងគេនោះគឺថាបន្ទាប់ពីបើកដំណើរការហើយតើអាចឈរជើងបានយូរកម្រិតណានៅក្នុងទីផ្សារដ៏ចង្អៀតមួយនេះ។ ដោយឡែក សហគ្រិនស្ត្រី២រូប ក្នុងវិស័យអនឡាញបានវិវត្តខ្លួនទទួលជោគជ័យត្រឹមរយៈពេលខ្លីស្ទើរមិនគួរឱ្យជឿ។

នាយទុនទាំង ២រូបនោះគឺលោកស្រី នួន សន្ទរី ហៅស្រីអូន និងលោកស្រី ទ្រី ដាណា ដែលបច្ចុប្បន្នកំពុងធ្វើព្យុះធ្វើភ្លៀងផ្អើលកក្រើកប្រទេសកម្ពុជាក្នុងពិភពជំនួញអនឡាញ។ ស្រ្តីអ្នកជំនួញ២រូបនេះមានវ័យប្រហាក់ប្រហែលគ្នា ចេញមកចាប់ផ្តើមមុខជំនួញនាំចូលផលិតផលអាហារបំប៉នសុខភាពដូចគ្នា ប៉ុន្តែទទួលបាននូវភាពជោគជ័យដ៏ធំធេងត្រឹមរយៈពេលខ្លីដូចៗគ្នា។

លោកស្រី នួន សុន្ទរី ហៅស្រីអូន ជាម្ចាស់ទុននៃក្រុមហ៊ុន សម្រស់ធម្មជាតិ ដែលនាំចូល និងចែកចាយផលិតផលអាហារបំប៉នសុខភាព ម៉ាកសញ្ញា ឃូស៊ី កំពុងទទួលបានប្រជាប្រិយភាពខ្លាំងក្នុងចំណោមអ្នករកស៊ីក្នុងវិស័យនេះ។ ស្រីអូន ជាសហគ្រិនស្ត្រីជោគជ័យមួយពព្រិចភ្នែកដែលបង្កើតប្រាក់ពាន់លានដុល្លារក្នុងមួយឆ្នាំៗ។

សមិទ្ធផលនានារបស់ស្រីអូន ត្រូវបានមហាជនចោទសួរសំនួរជាច្រើនផងដែរ ជុំវិញភាពជោគជ័យ តើលោកស្រីមានអ្វីពិសេស? តាមសាវតារ លោកស្រីមានកើតនៅស្រុកបាធាយ ខេត្តកំពង់ចាម។ មានឱពុកជាពាណិជ្ជករនាំចូលរថយន្តពីសហរដ្ឋអាមេរិក និងកាណាដា ក្រោយមកជំនួញរបស់ឱពុកនាងក៏មានការខាតបង់ឡុងចុងរហូតធ្លាក់ខ្លួនមករត់ម៉ូតូឌុបវិញម្តងក្នុងឆ្នាំ១៩៩០។ ហើយឆ្លៀតពីរត់ម៉ូតូឌុបឱពុកលោកស្រីបានចាប់ផ្តើមចេញគូបចេរដី ឬផ្ទះ (ភ្នាក់ងារអចលនទ្រព្យ) ប៉ុន្តែនៅតែទទួលបរាជ័យ។

ស្រីអូន មិនមែនជាកូនអ្នករៀនសូត្របានខ្ពង់ខ្ពស់នោះទេ ដោយបញ្ចប់ត្រឹមថ្នាក់ទី ៨ប៉ុណ្ណោះ។ ព្រោះតែបញ្ហាគ្រួសារលោកស្រីបានចាប់ផ្តើមចូលរៀនផ្នែកសាឡនបានជោគជ័យទទួលសញ្ញាបត្រផ្នែកផាត់មុខ និងធ្វើសក់។ អាជីពមួយនេះហើយដែលនាំឱ្យលោកស្រីទទួលបានថវិកាខ្លះសម្រាប់ផ្គត់ផ្គង់គ្រួសារ និងអាចឱ្យលោកស្រីមានលទ្ធភាពយកលុយផ្ទាល់ខ្លួនខ្លះ និងខ្ចីគេខ្លះមកបើកតូបអ៊ុតសក់នៅផ្សារទួលគោក ដោយសង្ឃឹមថានឹងជោគជ័យ ប៉ុន្តែអ្វីៗមិនដូចការគិត គឺបានត្រឹមទទួលបរាជ័យ។

តែយ៉ាងណា បន្ទាប់ពីស្វាមីសល់លុយ ៧០០០ដុល្លារ ដែលបានពីការធ្វើការងារនៅសហរដ្ឋអាមេរិក លោកស្រីក៏យកលុយនោះនាំចូលផលិតអនឡាញ ដូចជា ផលិតផលឡេជាដើម រហូតខាតដើមខាតចុងម្តងទៀតអស់ ៧០០០ដុល្លារ។

បរាជ័យច្រើនលើកច្រើនសាររបស់ស្រីអូន បានបង្រៀនឲ្យលោកស្រីចេះតស៊ូព្យាយាមរហូតទទួលបានជោគជ័យក្នុងការនាំចូលផលិតម៉ាក ឃូសុី មកចែកចាយលក់ក្នុងទីផ្សារកម្ពុជា ដែលមានអ្នកគាំទ្រលើសលប់ពីអតិថិជន។ លើសពីនេះលោកស្រីក៏ចាប់ផ្តើមងែកមកប្រឡូកក្នុងវិស័យអចលនទ្រព្យបន្ថែមទៀត ដោយសាងសង់បុរី មានឈ្មោះថា បុរីបុស្បា នៅរាជធានីភ្នំពេញ។

មនុស្សជាច្រើន ស្គាល់អ្នកស្រី ទ្រី ដាណា អគ្គនាយកក្រុមហ៊ុន NNP ។ លោកស្រី ទ្រី ដាណា ជាកូនទី៣ ក្នុងចំណោមបងប្អូន៥នាក់ ដែលមានទីកន្លែងកំណើតនៅភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ អ្នកជំនួញឆ្នើមរូបនេះ មានឪពុកឈ្មោះ ងួន ទ្រី និងអ្នកម្ដាយឈ្មោះ សៀង ជូរ ប៉ុន្តែលោកទាំង២ បានទទួលមរណៈភាពទៅហើយ ដោយជំងឺប្រចាំកាយ។

លោក ទ្រី ដាណា មានជីវិតធ្លាប់ជាអ្នកលក់ខោអាវជជុះនៅម្ដុំផ្សារសំហាន់ ប៉ុន្តែក្រោយមកលោកស្រីបានព្យាយាមក្រោកឈរឡើងវិញ តស៊ូជម្នះវាសនា ជម្នះការមើលងាយ ដើម្បីខិតខំរកលុយក្នុងនាមជាក្មេងកំព្រា។

បន្ទាប់ពីមានប្រាក់មួយចំនួនក្នុងដៃ លោកស្រីក៏បានប្រថុយយកគ្រឿងសម្អាងពីគេមកលក់តាមផ្សារ។ ភាពរួសរាយរាក់ទាក់ សម្ដីសំដៅប្រកបដោយទឹកដម បានធ្វើឱ្យលោកស្រី ទ្រី ដាណា មានម៉ូយកាន់តែច្រើន ហើយក៏ប្រថុយយកគ្រឿងសម្អាងពីប្រទេសថៃមកលក់បន្ត។ រហូតសម្រេចក្ដីស្រមៃបើកសម្ពោធក្រុមហ៊ុនមួយជាផ្លូវការ កាលពីថ្ងៃទី ១៣ ខែឧសភា ឆ្នាំ២០១៩ មានឈ្មោះថា ក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី។

បន្ទាប់ពីជោគជ័យលើមុខជំនួញគ្រឿងសម្អាង អ្នកស្រី ទ្រី ដាណា ក៏បានងាកមកបើកហាងលក់គ្រឿងអលង្ការ មាស ពេជ្រ មួយទៀត នៅថ្ងៃទី២២ ខែឧសភា ឆ្នាំ២០១៩ មានឈ្មោះថា ដាណា៕

The post ស្រ្តីអ្នករកស៊ីអនឡាញ២រូប ទទួលជោគជ័យសឹងមិនគួរឱ្យជឿ appeared first on .

មកស្គាល់ហាងលក់មាស ៣ កន្លែងល្បីនៅភ្នំពេញ

ជំទាវឧកញ៉ាស្រីទីន — Wed, 08 Jun 2022 02:50:39 +0000

បើនិយាយពីហាងលក់មាសពេជ្រនៅរាជធានីភ្នំពេញមានច្រើន តែហាងលក់មាសពេជ្រ ៣ កន្លែងនេះកំពុងសាងកេរ្តិ៍ឈ្មោះ និងមានការគាំទ្រច្រើនពីមហាជន។

ហាងលក់មាសពេជ្រ លី ហួរ

ឧកញ៉ា លី ហួរ ជាអ្នកជំនួញជើងចាស់ដែលមនុស្សភាគច្រើនស្គាល់ជាអ្នកជំនួញរកស៊ីលក់មាសប្ដូរប្រាក់លី ហួរ តាំងពីទសវត្ស ៨០ មកម៉្លេះ។

នៅឆ្នាំ១៩៨៥ ឧកញ៉ាលី ហួរ និងភរិយា បានមើលឃើញឱកាសទីផ្សារទិញលក់មាស ក៏បានចាប់ផ្ដើមជួញដូរទិញលក់មាស ដោយចាប់ផ្ដើមពីដើមទុនមាសចំនួនពីរជី។ បច្ចុប្បន្ន លី ហួរ គ្រុប ត្រូវបានទទួលស្គាល់ជាក្រុមហ៊ុនធំមួយ មានប្រតិបត្តិការអាជីវកម្មច្រើនប្រភេទក្នុងពហុវិស័យ និងមានកេរ្តិ៍ឈ្មោះល្បីល្បាញ។

ហាងលក់មាសពេជ្រ ហេង ឆៃទិត

នៅម្តុំផ្សារធំថ្មីមានហាងលក់មាសពេជ្រជាច្រើនកន្លែង ប៉ុន្តែហាងលក់មាស ហេង ឆៃទិត ជាហាងដ៏ធំមួយមានការស្គាល់ច្រើនពីមហាជន។

ហាងលក់មាសពេជ្រ ហេង ឆៃទិត ល្បីខ្លាំងកាលពីជំនាន់ទសវត្សរ៍ ៩០ និងដើមឆ្នាំ២០០០ ដោយសារមានការផ្សព្វផ្សាយតាមបណ្តាញកញ្ចក់ទូរទស្សន៍ រួមទាំងប្រព័ន្ធផ្សព្វផ្សាយនានា ដែលនាំកេរ្តិ៍ឈ្មោះហាងលក់មាសដ៏ធំនេះទទួលស្គាល់ច្រើនក្នុងចំណោមមហាជនទូទៅ។

ហាងលក់មាសពេជ្រ ទ្រី ដាណា

វិវឌ្ឍពីអាជីវកម្មលក់ផលិតផលសុខភាពនិងសម្រស់ ហាងលក់មាសពេជ្រ ទ្រី ដាណា ទើបតែចាប់បើកដំណើរការប៉ុន្មានឆ្នាំនេះទេ តែសាងកេរ្តិ៍ឈ្មោះនិងគាំទ្រពីមហាជន តាមរយៈប្រជាប្រិយភាពរបស់អ្នកស្រី ទ្រី ដាណា ជាម្ចាស់ហាងផ្ទាល់តែម្តង។

មានប្រវត្តិជាក្មេងលំបាកក្រខ្សត់ ដើរលក់របស់តាមផ្សារតាំងពីនៅតូចៗ ដើម្បីរកអង្ករច្រកឆ្នាំង ហើយដោយសារតែការតស៊ូបានខិតខំរកស៊ី ដាក់ដើមទុនពីមុខរបរលក់គ្រឿងសម្អាងទទួលបានភាពជោគជ័យ រហូតមានលទ្ធភាពបើកហាងលក់មាសពេជ្រដ៏ធំមួយ។

ហាងលក់មាសពេជ្រ ទ្រី ដាណា ឃើញថាពង្រីកខ្លួនធំទៅៗនៅម្តុំព្រែកព្នៅ ខណៈអាជីវកម្មលក់ដូររាល់ថ្ងៃកាន់តែកាក់កប មានអតិថិជនចេញចូលឥតដាច់៕

The post មកស្គាល់ហាងលក់មាស ៣ កន្លែងល្បីនៅភ្នំពេញ appeared first on .

លោកស្រី ទ្រី ដាណា៖ “ធ្វើការខ្លះដើរលំហែខ្លះ ទើបជីវិតមានន័យ”

ឧកញ៉ាដែនដី — Tue, 31 May 2022 02:23:17 +0000

កាលពីថ្ងៃចន្ទម្សិលមិញនេះ លោកស្រី ទ្រី ដាណា អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី បានបង្ហោះសារខ្លីដ៏មានអត្ថន័យមួយនៅលើបណ្តាញសង្គម ដែលធ្វើឱ្យសាធារណៈជនចាប់អារម្មណ៍យ៉ាងខ្លាំង។

ភ្ជាប់ជាមួយរូបភាពដ៏ស្រស់ស្អាតជាច្រើនសន្លឹក នៅតំបន់រមណីយដ្ឋានបៃតងមួយកន្លែង លោកស្រីបានលើកឡើងថា “ធ្វើការខ្លះដើរលំហែខ្លះ ទើបជីវិតមានន័យ”។ យ៉ាងណាក្តី លោកស្រី ពុំបានបញ្ជាក់ប្រាប់ទីតាំងនៃតំបន់រមណីយដ្ឋាននោះទេ ប៉ុន្តែមានមតិមួយចំនួនបញ្ជាក់ថា រមណីយដ្ឋានដែលលោកស្រី ទ្រី ដាណា ទៅកម្សាន្តនោះគឺនៅតំបន់ ឈៀងម៉ៃ នៃប្រទេសថៃ។

លោកស្រី ទ្រី ដាណា គឺជាស្រ្តីគំរូម្នាក់ ដែលស្រ្តីជាច្រើន ចង់យកគំរូតាម ព្រោះលោកស្រីក៏ជាមនុស្សស្រីម្នាក់ ដែលធ្លាប់ឆ្លងកាត់ជីវិតដ៏ជូរចត់ ជាច្រើនរួចមកហើយ ទើបយកបទពិសោធន៍ មកប្រាប់ដល់ស្រ្តីគ្រប់រូបឲ្យមានភាពរឹងមាំ ហ៊ានក្រោកឈរ ចេញមករកស៊ីដោយខ្លួនឯង។ កាលពីថ្ងៃទី០៩ ខែឧសភា ឆ្នាំ២០២២ ក្រុមហ៊ុន ដាណា ទ្រី (ខេមបូឌា) ត្រេឌីងខូអិលធីឌី ក៏បានបើកសម្ពោធអាគារពាណិជ្ជកម្មថ្មីមួយទៀតផងដែរ បន្ទាប់ពីមុខជំនួញរបស់លោកស្រី ទទួលបានជោគជ័យ និងរីកចម្រើនយ៉ាងឆាប់រហ័ស៕

The post លោកស្រី ទ្រី ដាណា៖ “ធ្វើការខ្លះដើរលំហែខ្លះ ទើបជីវិតមានន័យ” appeared first on .

មហាជនគ្រប់ទិសទី អាចចូលទស្សនាអគារក្រុមហ៊ុន ដាណា ទ្រី ដោយសេរីបាន

ឧកញ៉ាដែនដី — Mon, 02 May 2022 13:25:13 +0000

ចាប់ពីថ្ងៃទី១០ ខែឧសភា ឆ្នាំ២០២២ តទៅ មហាជនពីគ្រប់ទិសទី អាចចូលទស្សនាអគារក្រុមហ៊ុន ដាណា ទ្រី ដោយសេរីបាន។ នេះបើតាមការប្រកាសឱ្យដឹងពីលោកស្រី ទ្រី ដាណា អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី នៅថ្ងៃនេះ។

លោកស្រី ទ្រី ដាណា បានបង្ហោះសារលើបណ្តាញសង្គម Facebook ថា៖ “សូមជម្រាបជូនដំណឹងដល់បងប្អូនតំណាងចែកចាយ ដៃគូអាជីវកម្មទាំងអស់ ឱ្យបានជ្រាបថា អគារពាណិជ្ជកម្មថ្មី នៃក្រុមហ៊ុន ដាណា ទ្រី គឺសម្រាប់បងប្អូនតំណាងចែកចាយទាំងតូច ទាំងធំ និងមហាជនទាំងអស់ អាចចូលដោយសេរី មិនថាក្នុងគោលបំណងថតរូបលេង ទស្សនាកម្សាន្ត ចូលទទួលព័ត៌មានពីការរកស៊ី ធ្វើអាជីវកម្មជាមួយក្រុមហ៊ុន ដាណា ទ្រី ជាដើម ឬចង់ជាវផលិតផលថែរក្សាសម្រស់ ប្រឹក្សាយោបល់ពីបញ្ហាសម្រស់ជាដើម មានផលិតផលល្អៗជាច្រើនរង់ចាំបងប្អូន។ ដូចនេះ ចាប់ពីថ្ងៃទី១០ ខែឧសភា តទៅ បងប្អូនតំណាងចែកចាយទាំងអស់ និងមហាជនពីគ្រប់ទិសទី អាចចូលទស្សនាអគារក្រុមហ៊ុន ដាណា ទ្រី ដោយសេរី”៕

The post មហាជនគ្រប់ទិសទី អាចចូលទស្សនាអគារក្រុមហ៊ុន ដាណា ទ្រី ដោយសេរីបាន appeared first on .

ជំទាវឧកញ៉ា នឹម វណ្ណៈ បង្ហាញសក្តានុពលរកស៊ីរបស់ទ្រី ដាណា មានកម្លាំងដូចមនុស្សយន្តទម្រាំលក់បានលុយក្នុងមួយថ្ងៃប៉ុណ្ណឹង

ឧកញ៉ាកោះក្របី — Sun, 13 Feb 2022 06:08:03 +0000

តាមរយៈមុខជំនួញ និងកិច្ចការមនុស្សធម៌នៅកម្ពុជាច្រើនឆ្នាំមកនេះ ស្ទើរមួយជំហៀងប្រទេសបានស្គាល់លោកស្រី ទ្រី ដាណា ជានិច្ចកាលតែងតែបង្ហាញវត្តមានចូលរួមបរិច្ចាគធនធានជាច្រើនលានដុល្លារជូនដល់រាជរដ្ឋាភិបាល អង្គការ សមាគម និងជនទីទលក្រជាដើម។

លោកស្រីត្រូវបានចាត់ថា ជាសហគ្រិនស្រ្តីជោគជ័យក្នុងមុខជំនួញបង្កើតប្រាក់ចំណូលពាន់លានដុល្លារទៅលើអាជីវកម្មហាង ពេជ្រ និងផលិតផលគ្រឿងសម្អាង ព្រមទាំងផលិត សារាយសមុទ្រNNP ដែលមានអតិថិជនគាំទ្រល្បីឈ្មោះស្ទើរជិតមួយប្រទេសកម្ពុជា។

មុខជំនួញរីកចម្រើន កេរ្តិ៍ឈ្មោះល្បាញល្បីរបស់លោកស្រី ទ្រី ដាណា ក្នុងការឈរជើងប្រកួតប្រជែងនៅលើទីផ្សារច្រើនមកនេះ លោកស្រីក៏បានបង្ហាញនូវឧបសគ្គ តស៊ូខំប្រឹងប្រែង ឈោងចាប់ក្តីសុបិនស និងពុះពារសម្រេចគោលដៅ ក្នុងនាមជាសហគ្រិនស្រ្តី។

លោកស្រី ទ្រី ដាណា ថ្លែងយ៉ាងដូច្នេះថា៖ “ទម្រាំតែខ្ញុំលក់បានលុយក្នុងមួយថ្ងៃ ប៉ុណ្ណឹង ខ្ញុំប្រឹងណាស់ ខ្ញុំខំណាស់ណាស់ ខ្ញុំចំណាយលុយច្រើនណាស់ ខ្ញុំហត់ខ្លាំងណាស់ ទាំងឈឺទាំងជា មិនហ៊ានឈប់សម្រាក មិនហ៊ានបន្ធូរដៃម្តងណាឡើយ ទើបខ្ញុំបានសម្រេចគោលដៅ និងលែងមានពាក្យថា ជំពាក់គេ”។

លោកស្រីបានគូសបញ្ជាក់ថា រហូតមកដល់ពេលនេះ លោកស្រីនៅតែប្រឹងកាន់តែខ្លាំងជាងមុនទៅទៀត ដោយសារ ពាក្យថា ទំនួលខុសត្រូវ ភាពជាអ្នកដឹកនាំ ទើបធ្វើឲ្យតំណាងចែកចាយលក់ដាច់គ្រប់គ្នា ប៉ុន្តែទាល់តែអ្នកនោះប្រឹងដែរ បើអង្គុយចាំតែឲ្យគេមកទិញគឺមិនអាចលក់ដាច់នោះទេ។

លោកស្រីសង្កត់ធ្ងន់ថា៖ “ខ្ញុំឃើញច្រើនដែរ មួយរយៈនេះ មេក្រុមមួយចំនួនមិនជួយកូនចៅទេ គិតតែចង់ឲ្យគ្នាទិញអីវ៉ាន់ពីខ្លួនទាំងខ្លួនឯងមិនធ្វើអ្វីសោះ សុំឆ្លើយប្រាប់បន្តិចថា សូមអ្នក ទទួលយកការពិតផង គ្មានអ្នកណាជួយយើងបានក្រៅពីខ្លួនឯងនោះទេ បើអ្នកឈប់សម្រាកអ្នកនិងអត់លុយចូល ហើយកុំស្រែកណា ខ្ញុំមិនចូលចិត្តទេ ព្រោះខ្ញុំខំប្រឹងណាស់ បានខ្ញុំបានលុយ បើអ្នកចង់បានលុយអ្នកត្រូវហ៊ានលំបាក”។

ទន្ទឹមនឹងនោះ តាមរយៈទំព័រហ្វេសបុកនៅថ្ងៃអាទិត្យ ទី១៣ កុម្ភៈនេះ ដៃគូសហការដ៏ល្អរបស់លោកស្រី ទ្រី ដាណា ក៏បានចេញមកបញ្ជាក់ពីទំហំនៃការខិតខំប្រឹងប្រែងរបស់លោកស្រីដែលជាដៃគូរសហការមានកម្លាំងខ្លាំងដូចមនុស្សយន្ត។

លោកជំទាវឧកញ៉ា នឹម វណ្ណៈ អគ្គនាយកក្រុមហ៊ុនមេធាវី HNS Law Group មានប្រសាសន៍ថា៖ “ដៃគូរសហការរបស់ខ្ញុំដល់ខ្លាំងម្នាក់ ទំរាំបានដូចសព្វថ្ងៃគាត់ខំប្រឹងណាស់ ធ្វើការជាមួយគាត់ទើបខ្ញុំដឹងថាគាត់ពិតជាខ្លាំងមែន។ ខ្ញុំតែងតែហៅគាត់ថា ជាមេដឹកនាំដែលមានកំលាំងដូចមនុស្សយន្ត គឺមិនដែលឃើញគាត់បង្ហាញពីភាពហត់នឿយរបស់គាត់ដល់ដៃគូរសហការនិងតំណាងចែកចាយម្តងណាឡើយ”។

លោកស្រី ទ្រី ដាណា បានផ្តល់ដំបូន្មានថា៖ “លើលោកនេះគ្មានអ្វីស្ថិតស្ថេរទេ មានតែភាពស្មោះត្រង់និងទំនួលខុសត្រូវមួយគត់ដែលធ្វើអោយអ្នក ដើរទៅមុខទទួលបានភាពជោគជ័យរហូត។ ស្មោះត្រង់នឹងដៃគូសហការមិនគិតតែប្រយោជ៍ផ្ទាល់ខ្លួនខ្លាំងពេក ត្រូវគិតដល់ដៃគូសហការ ហើយកុំកេងចំណេញលើគេពេក នោះអ្នកនឹងទទួលបាននូវភាពរីកចំរើនរហូត។ មួយវិញទៀត រកសុីត្រូវចេញដើមខ្លះ ហ៊ានចំណាយខ្លះ ទើបទៅមុខលឿនបាន”៕

The post ជំទាវឧកញ៉ា នឹម វណ្ណៈ បង្ហាញសក្តានុពលរកស៊ីរបស់ទ្រី ដាណា មានកម្លាំងដូចមនុស្សយន្តទម្រាំលក់បានលុយក្នុងមួយថ្ងៃប៉ុណ្ណឹង appeared first on .

ឱកាសពិសេស! លោកស្រី ទ្រី ដាណា ជ្រើសរើស ៥០០០នាក់ រកស៊ីជាមួយដោយមិនចំណាយដើមទុន

ឧកញ៉ាកោះក្របី — Sat, 10 Jul 2021 02:24:45 +0000

លោកស្រី ទ្រី ដាណា គឺជាម្ចាស់ក្រុមហ៊ុននាំចូលផលិតផលគ្រឿងសម្អាងជាច្រើនមុខ និងជាម្ចាស់ហាងពេជ្រដ៏ធំមួយនៅព្រែកព្នៅ រាជធានីភ្នំពេញ។ ដោយសារមើលឃើញថាប្រជាជនជាច្រើនកំពុងជួបការលំបាកដោយវិបត្តិកូវីដ១៩ លោកស្រី បានប្រកាសផ្ដល់ឱកាសដល់អ្នកដែលគ្មានការងារ ឬមុខរបរ ៥០០០នាក់ មករកស៊ី និងធ្វើការជាមួយក្រុមហ៊ុនលោកស្រី ដោយមិនចាំបាច់ចំណាយដើមទុនឡើយ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លោកស្រី បានបញ្ជាក់នៅលើទំព័រ Facebook របស់ខ្លួនថា ៥០០០នាក់ដែលជ្រើសរើស នឹងត្រូវចម្រាញ់យកអ្នកដែលតស៊ូពិតប្រាកដ ហើយអ្នកដែលខំប្រឹងនឹងទទួលបានអនាគតល្អជាក់ជាមិនខាន។ លោកស្រីបានបន្ថែមថា បន្ទាប់ពីជ្រើសរើសរួច នឹងមានការបង្ហាត់បង្រៀន ផ្ដល់មុខរបរ ហើយប្រាក់ចំណូលអាចទទួលបានជាសប្ដាហ៍ ឬខែ ទៅតាមអ្នកដែលខំប្រឹង។ ចំណែកការចុះឈ្មោះ អាចទាក់ទងដេប៉ូ តំណាងចែកចាយនៃផលិតផល NNP ឬអាចទាក់ទងតាមទូរសព្ទលេខ 016 59 11 18/088 2000 522/096 777 83 66 រៀងរាល់ម៉ោងធ្វើការ។

លោកស្រី ទ្រី ដាណា បានសរសេររៀបរាប់បែបនេះថា៖ “មកដល់ហើយ សម្រាប់បងប្អូនដែលមិនមានការងារ នាងខ្ញុំនឹងផ្ដល់ឱកាសការងារយ៉ាងពិសេសពិសេសសម្រាប់ ៥០០០នាក់ដំបូង ក្នុងការរកស៊ីជាមួយនាងខ្ញុំ ដោយមិនប្រើដើមទុនសោះសម្រាប់បងប្អូនដែលខ្វះខាតជីវភាពខ្លាំង ត្រូវការរៀនរកស៊ី និងទទួលបានចំណេះដឹងផ្នែករកស៊ី។

លោកស្រីបានបញ្ជាក់បន្ថែមថា៖ “នៅក្នុងនោះផងដែរ មានការបង្វឹកបង្រៀនបន្ថែមពីក្រុមការងារ និងតំណាងចែកចាយរបស់ខ្ញុំផ្ទាល់ ដោយទទួលបានការងារពិសេស ហើយអាចបើកប្រាក់ប្រចាំខែក៏បាន ឬប្រចាំសប្តាហ៍ក៏បាន។ អ្នកណាខំ អ្នកនោះទទួលបានឱកាសការងារ និងប្រាក់ចំណូល។”

The post ឱកាសពិសេស! លោកស្រី ទ្រី ដាណា ជ្រើសរើស ៥០០០នាក់ រកស៊ីជាមួយដោយមិនចំណាយដើមទុន appeared first on .