បន្ទាប់ពីមានកិច្ចប្រជុំបិទទ្វារ គណៈកម្មាធិការទីផ្សារបើកចំហរបស់ធនាគារកណ្តាលសហរដ្ឋអាមេរិក (FOMC) នឹងប្រកាសការសម្រេចចិត្តរបស់ខ្លួន ជុំវិញអត្រាការប្រាក់ នៅថ្ងៃទី៣០ ខែកក្កដា ហើយបន្ទាប់មកនឹងមានសន្និសីទសារព័ត៌មានដែលត្រូវធ្វើឡើងដោយប្រធាន Fed លោក Kevin Warsh។

យ៉ាងណាក៏ដោយ ក្រុមវិនិយោគិនភាគច្រើន រំពឹងថាធនាគារកណ្តាលសហរដ្ឋអាមេរិក នឹងបន្តក្សាអត្រាការប្រាក់នៅត្រឹម ៣,៥០% ទៅ ៣,៧៥% សម្រាប់កិច្ចប្រជុំលើកទីប្រាំជាប់ៗគ្នា។

គួរឲ្យដឹងថា អតិផរណាអ្នកប្រើប្រាស់បានថយចុះមកត្រឹម ៣,៥ បៀបទៅនឹងខែមុន ប៉ុន្តែវាត្រូវបានគេរំពឹងថានឹងកើនឡើងម្តងទៀត ពាក់ព័ន្ធទៅនឹងតម្លៃប្រេងប្រែប្រួល ខណៈពេលដែលជម្លោះរវាងអាមេរិក និងអ៊ីរ៉ង់ ហាក់កំពុងមានការប្រយុទ្ធគ្នាឡើងវិញ ក្នុងរយៈពេលប៉ុន្មានសប្តាហ៍ថ្មីៗនេះ។

ចាប់តាំងពីកិច្ចប្រជុំចុងក្រោយរបស់ Fed កាលពីប្រាំមួយសប្តាហ៍មុន អ្នកធ្វើគោលនយោបាយមួយចំនួនបានបង្ហាញការព្រួយបារម្ភអំពីអតិផរណា ដែលនៅតែខ្ពស់ជាងគោលដៅរយៈពេលវែង ២% របស់ Fed អស់រយៈពេលជាងប្រាំឆ្នាំមកហើយ។

គួរជម្រាបជូនថា អតិផរណាអាមេរិក បានកើនឡើងយ៉ាងខ្លាំង បន្ទាប់ពីសង្គ្រាមរបស់លោក ត្រាំ លើអ៊ីរ៉ង់ ដែលបានធ្វើឱ្យតម្លៃថាមពល និងជីសកលកើនឡើងយ៉ាងខ្លាំង ហើយនៅពេលបន្ទាប់មក វាបានឃើញថាតម្លៃទំនិញផ្សេងៗទៀត ក៏បានហក់ឡើងផងដែរ៕​

The post ធនាគារកណ្តាលអាមេរិក Fed រំពឹងថានឹងរក្សាអត្រាការប្រាក់ដដែលមិនផ្លាស់ប្តូរ ដោយសារអតិផរណា appeared first on .

នៅថ្ងៃទី១ ខែកក្កដា នៅឯវេទិកាធនាគារកណ្តាលរបស់ ECB នៅប្រទេសព័រទុយហ្គាល់ លោក Kevin Warsh ប្រធានធនាគារកណ្តាល Fed បានបដិសេធមិនផ្តល់ការចង្អុលបង្ហាញណាមួយអំពីការសម្រេចចិត្តលើអត្រាការប្រាក់នៅក្នុងកិច្ចប្រជុំខែនេះ នៅឡើយនោះទេ។ តែទោះជាយ៉ាងណាក៏ដោយ លោកបានសង្កត់ធ្ងន់លើការព្រួយបារម្ភអំពីកម្រិតអតិផរណាដ៏ខ្ពស់របស់សហរដ្ឋអាមេរិកនាពេលបច្ចុប្បន្ន។

ទន្ទឹមនឹងនេះ លោក Warsh បានថ្លែងថា៖”បើយើងក្រឡេងមើលជុំវិញ យើងពិតជាបានមើលឃើញថាតម្លៃនៃការរស់នៅកំពុងមានការកើនឡើងយ៉ាងខ្លាំង។ ប្រសិនបើគ្រួសារ អាជីវកម្ម ឬវិនិយោគិនជឿថាធនាគារកណ្តាលសហរដ្ឋអាមេរិកកំពុងតែបន្តទទួលយកអតិផរណាដែលមានកម្រិតលើសពី ២% នោះច្បាស់ណាស់ពួកគេនឹងខកចិត្ត។ យើងសន្យាថានឹងនាំតម្លៃនៅសហរដ្ឋអាមេរិកឱ្យវិលមករកស្ថិរភាពវិញ”។

គួរជម្រាបជូនថា សន្ទស្សន៍ចំណាយប្រើប្រាស់ផ្ទាល់ខ្លួន (PCE) របស់សហរដ្ឋអាមេរិកបានកើនឡើង ៤,១% នៅក្នុងខែឧសភា បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ដែលជាកម្រិតខ្ពស់បំផុតក្នុងរយៈពេលបីឆ្នាំចុងក្រោយ។ កម្រិត PCE នេះគឺជារង្វាស់អតិផរណាដែលធនាគារកណ្តាលសហរដ្ឋអាមេរិកតែងប្រើប្រាស់។ ហើយ អស់រយៈពេលជាងប្រាំឆ្នាំមកហើយ អតិផរណារបស់សហរដ្ឋអាមេរិកមិនទាន់បានវិលត្រឡប់ទៅរកកម្រិតគោលដៅ ២% របស់ខ្លួនវិញ នៅឡើយទេ៕​

The post ប្រធានធនាគារកណ្តាល Fed ទទួលស្គាល់ថាអតិផរណានៅអាមេរិកមានកម្រិតខ្ពស់ខ្លាំង appeared first on .

នៅថ្ងៃទី២៥ ខែមិថុនា ទិន្នន័យជួញដូរនាពេលអនាគតរបស់ក្រុមហ៊ុនវិភាគ CME Group បានបង្ហាញថា វិនិយោគិនបានកាត់បន្ថយការព្យាការរបស់ពួកគេលើការដំឡើងអត្រាការប្រាក់របស់ធនាគារកណ្តាលសហរដ្ឋអាមេរិក (Fed) ដែលអាចនឹងត្រូវធ្វើឡើងនៅក្នុងកិច្ចប្រជុំនាខាងកក្កដា។ ប្រូបាបដែលការកាត់បន្ថយអត្រាការប្រាក់នៅក្នុងខែកក្កដានោះមានត្រឹមតែ ៣០% ប៉ុណ្ណោះ ពោលគឺធ្លាក់ចុះពីជិត ៤០% ពីការព្យាករមុន។

តែទោះជាយ៉ាងណាក៏ដោយ ប្រូបាបដែលធនាគារកណ្តាលសហរដ្ឋអាមេរិក អាចដំឡើងអត្រាការប្រាក់នៅក្នុងខែកញ្ញា បានកើនឡើងដល់ ៨០%។ នៅក្នុងកិច្ចប្រជុំសប្តាហ៍មុន ធនាគារកណ្តាលសហរដ្ឋអាមេរិក បានបន្តរក្សាអត្រាការប្រាក់គោលរបស់ខ្លួនមិនឱ្យផ្លាស់ប្តូរនៅចន្លោះពី ៣,៥-៣,៧៥% ដដែល។

ទន្ទឹមនឹងនេះ​ កាលពីសប្តាហ៍មុន ធនាគារធំៗដូចជា Bank of America (BofA) និង Deutsche Bank ក៏បានរំពឹងថា ធនាគារកណ្តាលសហរដ្ឋអាមេរិក នឹងដំឡើងអត្រាការប្រាក់នៅក្នុងខែកញ្ញាខាងមុខនេះផងដែរ។ នេះគឺដោយសារតែភាពរឹងមាំជាបន្តបន្ទាប់នៃសេដ្ឋកិច្ចសហរដ្ឋអាមេរិក និងជំហរអព្យាក្រឹតរបស់ប្រធាន Fed ថ្មី លោក Kevin Warsh។

គួរជម្រាបជូនផងដែរថា ការរំពឹងទុកចំពោះការដំឡើងអត្រាការប្រាក់នេះ បានកើតឡើង បន្ទាប់ពីមានទិន្នន័យពីក្រសួងពាណិជ្ជកម្មសហរដ្ឋអាមេរិក ដែលបានបង្ហាញថាសន្ទស្សន៍ចំណាយផ្ទាល់ខ្លួន (PCE) ក្នុងខែឧសភាបានកើនឡើង ៤,1% ធៀបនឹងឆ្នាំមុន ដែលជាកម្រិតខ្ពស់បំផុតចាប់តាំងពីខែមេសា ឆ្នាំ២០២៣ មក។ PCE គឺជាវិធានការអតិផរណាដែលធនាគារកណ្តាលសហរដ្ឋអាមេរិកតែងតែធ្វើការម្រេចចិត្តចំពោះការដំឡើងអត្រាការប្រាក់របស់ខ្លួន៕​

The post ធនាគារកណ្តាលអាមេរិក Fed ទំនងដំឡើងអត្រាការប្រាក់ជាលើកដំបូង នៅខែកញ្ញាខាងមុខ appeared first on .

ពិធីស្បថតំណែងនេះធ្វើឡើងនៅសេតវិមាន ដោយមានការចូលរួមពីឥស្សរជនលេចធ្លោជាច្រើនរូប រួមទាំងចៅក្រមតុលាការកំពូល លោក Clarence Thomas និង Brett Kavanaugh ប្រធានសភា លោក Mike Johnson និងអ្នកនយោបាយ សមាជិកគណៈរដ្ឋមន្ត្រីជាច្រើន។

លោក Warsh បានមានប្រសាសន៍បន្ទាប់ពីពិធីស្បថចូលកាន់តំណែងថា ៖”បេសកកម្មរបស់យើងនៅធនាគារកណ្តាល គឺដើម្បីលើកកម្ពស់ស្ថិរភាពតម្លៃ និងបង្កើនការងារឱ្យបានអតិបរមា”។

លោកបន្ថែមទៀតថា តាមរយៈការបន្តគោលដៅទាំងនោះ ដោយប្រាជ្ញា និងភាពច្បាស់លាស់ ឯករាជ្យភាព និងការសម្រេចចិត្ត អតិផរណាអាចទាបជាង កំណើនសេដ្ឋកិច្ចកាន់តែរឹងមាំ ប្រាក់ចំណូលពិតប្រាកដរបស់ប្រជាជនកាន់តែខ្ពស់ អាមេរិកកាន់តែមានវិបុលភាព និងសំខាន់ដូចគ្នានេះដែរ តំណែងរបស់អាមេរិកនៅក្នុងពិភពលោកអាចត្រូវបានពង្រឹងបន្ថែមទៀត។

ចាប់តាំងពីឆ្នាំមុនមក អតីតប្រធានធនាគារកណ្តាល លោក Jerome Powell ត្រូវបានរិះគន់ម្តងហើយម្តងទៀតដោយប្រធានាធិបតីសហរដ្ឋអាមេរិក ចំពោះការមិនកាត់បន្ថយអត្រាការប្រាក់តាមអ្វីដែលលោកចង់បាន។

ហើយយ៉ាងណាមិញ ចំពោះពិធីស្បថចូលកាន់តំណែងរបស់ប្រធានថ្មី នៅថ្ងៃទី២២ ខែឧសភា កន្លងទៅនេះ ក៏បានបង្ហាញពីកម្រិតនៃការជ្រៀតជ្រែកដែលមិនធ្លាប់មានពីមុនមកដោយលោក ត្រាំ ជាមួយធនាគារកណ្តាលសហរដ្ឋអាមេរិក ក្នុងអំឡុងពេលនៃអាណត្តិទីពីររបស់លោកផងដែរ។

គួរជម្រាបជូនថា លោក Warsh គឺជាប្រធាន Fed ដំបូងគេដែលបានស្បថចូលកាន់តំណែងនៅសេតវិមានចាប់តាំងពីលោក Alan Greenspan ក្នុងឆ្នាំ១៩៨៧ មក។ សូម្បីតែក្រោយពីការការប្រកាសនោះ ប្រធានាធិបតីអាមេរិក បាននិយាយថាអត្រាការប្រាក់នឹងធ្លាក់ចុះ “យ៉ាងឆាប់រហ័ស” ដែលបញ្ជាក់ពីការរំពឹងទុករបស់លោកចំពោះ Fed ក្រោមការដឹកនាំរបស់លោក Warsh៕​

The post លោក Kevin Warsh ឡើងកាន់តំណែងជាប្រធានធនាគារកណ្តាលអាមេរិក ក្រោយការជ្រោមជ្រែងពីលោក ត្រាំ appeared first on .

លោក Powell បានថ្លែងនៅថ្ងៃទី២៩ ខែមេសា ក្នុងអំឡុងពេលសន្និសីទសារព័ត៌មានមួយបន្ទាប់ពីកិច្ចប្រជុំគោលនយោបាយរបស់ Fed ថា ៖”បន្ទាប់ពីអាណត្តិរបស់ខ្ញុំជាប្រធានបញ្ចប់នៅថ្ងៃទី១៥ ខែឧសភា ខ្ញុំនឹងនៅតែជាក្រុមប្រឹក្សាភិបាលរបស់ធនាគារមួយរយៈពេលវែងទៀត”។

គួរឲ្យឹងថា អាណត្តិរបស់លោក Powell នៅក្នុងក្រុមប្រឹក្សាភិបាលរបស់ Fed នៅតែបន្តរហូតដល់ឆ្នាំ២០២៨។ ជាធម្មតា ប្រធាន Fed នឹងត្រូវចាកចេញពីក្រុមប្រឹក្សាភិបាល នៅចុងបញ្ចប់នៃអាណត្តិរបស់ខ្លួន។ ប៉ុន្តែទោះជាយ៉ាងណា សម្រាប់លោក Powell លោកបានសង្កត់ធ្ងន់ថា ការដែលលោកមិនទាន់ចាកចេញភ្លាមៗ គឺចង់បញ្ចប់ការស៊ើបអង្កេតផ្នែកច្បាប់ប្រឆាំងនឹងរូបលោកជាមុនសិន។

​ជម្រាបជូនថា នៅថ្ងៃទី២៩ ខែមេសា លោក Powell បានបញ្ជាក់សារជាថ្មីអំពីក្តីបារម្ភរបស់លោកថា បញ្ហាប្រឈមផ្នែកច្បាប់ពីរដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ កំពុងគំរាមកំហែងដល់សមត្ថភាពរបស់ធនាគារកណ្តាលសហរដ្ឋអាមេរិកក្នុងការធ្វើការសម្រេចចិត្តដោយឯករាជ្យលើគោលនយោបាយរូបិយវត្ថុ៕​

The post លោក Powell នឹងបន្តកាន់តំណែងធំក្នុងធនាគារកណ្តាលអាមេរិក ទោះបីលែងជាប្រធានក៏ដោយ appeared first on .

យោងតាមការចុះផ្សាយពីសារព័ត៌មាន AFP នៅថ្ងៃទី២៩ ខែមេសា បន្ទាប់ពីកិច្ចប្រជុំគោលនយោបាយរយៈពេលពីរថ្ងៃ ធនាគារកណ្តាលអាមេរិក បានសម្រេចចិត្តរក្សាអត្រាការប្រាក់គោលរបស់ខ្លួនមិនផ្លាស់ប្តូរ នៅចន្លោះ ៣,៥-៣,៧៥%។

ជុំវិញការវិធានការនេះ គឺស្រដៀងគ្នាទៅនឹងកិច្ចប្រជុំដែលធ្វើឡើងនៅក្នុងខែមករា និងខែមីនាដែរ ខណៈកាលពីឆ្នាំមុន Fed បានសម្រេចកាត់បន្ថយអត្រាការប្រាក់គោលរបស់ខ្លួនចំនួនបីដងជាប់ៗគ្នា។

ធនាគារកណ្តាលសហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយរបស់ខ្លួនបន្ទាប់ពីកិច្ចប្រជុំថា ៖”អតិផរណាកំពុងកើនឡើង ដែលឆ្លុះបញ្ចាំងពីការកើនឡើងនៃតម្លៃថាមពលសកលថ្មីៗនេះ។ ស្ថានភាពនៅមជ្ឈិមបូព៌ាកំពុងរួមចំណែកដល់ការកើនឡើងនៃភាពមិនប្រាកដប្រជាយ៉ាងខ្លាំង នៅក្នុងទស្សនវិស័យសេដ្ឋកិច្ចអាមេរិក”។

យ៉ាងណាក៏ដោយ ទីភ្នាក់ងារនេះបានរក្សាការពិពណ៌នារបស់ខ្លួនអំពីរបៀបដែលធនាគារកណ្តាលសហរដ្ឋអាមេរិក នឹងវាយតម្លៃលើវិសាលភាព និងពេលវេលានៃការកែតម្រូវអត្រាការប្រាក់បន្ថែមទៀត។ ដែលឃ្លានេះ បញ្ជាក់ថាអត្រាការប្រាក់អាចនឹងត្រូវបានបន្ទាបនៅពេលក្រោយ។

ជម្រាបជូនថា បន្ទាប់ពីការប្រកាសរបស់ធនាគារកណ្តាលសហរដ្ឋអាមេរិក សន្ទស្សន៍ភាគហ៊ុនសំខាន់ៗរបស់សហរដ្ឋអាមេរិកបានធ្លាក់ចុះបន្ថែមទៀត។ បច្ចុប្បន្ន ភាគហ៊ុន S&P 500 និង Nasdaq Composite បានធ្លាក់ចុះ ០,២៧% ខណៈភាគហ៊ុន DJIA បានធ្លាក់ចុះដល់ទៅ ០,៧%៕​

The post ធនាគារកណ្តាលអាមេរិក Fed បន្តរក្សាអត្រាការប្រាក់មិនផ្លាស់ប្តូរជាលើកទីបីជាប់ៗគ្នា appeared first on .

នៅក្នុងបទសម្ភាសមួយនៅលើ Fox Business លោក ត្រាំ បានបញ្ជាក់ជាថ្មីអំពីការស៊ើបអង្កេតព្រហ្មទណ្ឌទៅលើលោក Jerome Powell ដោយបញ្ជាក់ទៀតថានេះគឺជាមធ្យោបាយមួយ ដើម្បីបញ្ជាក់ថាប្រធានរបស់ Fed រូបនេះ គ្មានសមត្ថភាពគ្រប់គ្រាន់ ហើយថែមទាំងបានគំរាមបណ្តេញលោក Powell ចេញពីតំណែងភ្លាមៗទៀតផង។

គួរឲ្យដឹងថាអាណត្តិរបស់លោក Powell ក្នុងនាមជាប្រធានធនាគារកណ្តាល Fed នឹងត្រូវបញ្ចប់នៅខែឧសភា ឆ្នាំ២០២៦។ តែទោះជាយ៉ាងណាក៏ដោយ អាណត្តិរបស់លោកនៅក្នុងក្រុមប្រឹក្សាភិបាលធនាគារកណ្តាលនេះ នឹងនៅតែបន្តរហូតដល់ឆ្នាំ២០២៨។

ក្រុមប្រឹក្សាភិបាល Fed គឺជាស្ថាប័នគ្រប់គ្រងខ្ពស់បំផុតរបស់ធនាគារកណ្តាលសហរដ្ឋអាមេរិក ដែលមានសមាជិកប្រាំពីររូបទទួលខុសត្រូវក្នុងការកំណត់គោលនយោបាយរូបិយវត្ថុ ត្រួតពិនិត្យធនាគារ និងធានាស្ថិរភាពហិរញ្ញវត្ថុជាតិ។

ជម្រាបជូនថា ការមិនចុះសម្រុងគ្នារវាងលោក ត្រាំ និងលោក Powell បានកើតឡើងអស់រយៈពេលជាច្រើនឆ្នាំមកហើយ ទោះបីជាលោក ត្រាំ ខ្លួនឯងផ្ទាល់ជាអ្នកតែងតាំងលោក Powell ឲ្យកាន់តំណែងជាប្រធានធនាគារកណ្តាល Fed នេះក៏ដោយ។

លោក ត្រាំ បានសំដែងការមិនពេញចិត្តនឹងលោក Powell ជារឿយៗ ដោយសារតែធនាគារកណ្តាលសហរដ្ឋអាមេរិក បានដំឡើងអត្រាការប្រាក់ម្តងហើយម្តងទៀត ហើយបរាជ័យក្នុងការបន្ទាបអត្រាការប្រាក់ទាំងនោះ នៅពេលខ្លះដែលប្រធានាធិបតីអាមេរិក ចាត់ទុកថាជាពេលសមរម្យដើម្បីគាំទ្រដល់កំណើនសេដ្ឋកិច្ច៕

The post លោក ត្រាំ បន្តគំរាមបណ្តេញប្រធានធនាគារកណ្តាលអាមេរិក ជាថ្មីម្តងទៀត appeared first on .

កំណត់ហេតុដែលបានចេញផ្សាយកាលពីថ្ងៃទី៨ ខែមេសា បានបញ្ជាក់ថា សមាជិកមួយចំនួននៃ Fed ជឿជាក់ថាមានមូលដ្ឋានរឹងមាំសម្រាប់លទ្ធភាពនៃការដំឡើងអត្រាការប្រាក់នាពេលអនាគត។ ទស្សនៈនេះ គឺបានកើតឡើងនៅក្នុងបរិបទនៃជម្លោះនៅមជ្ឈិមបូព៌ា ដែលបានជំរុញឲ្យតម្លៃថាមពលកើនឡើងអស់រយៈពេលជាងមួយខែកន្លងមកនេះ។

គួរឲ្យដឹងថា នៅក្នុងកិច្ចប្រជុំខែមីនារបស់ខ្លួន ធនាគារកណ្តាលសហរដ្ឋអាមេរិក បានរក្សាអត្រាការប្រាក់គោលរបស់ខ្លួនមិនផ្លាស់ប្តូរនៅចន្លោះ ៣,៥-៣,៧៥%។ ប៉ុន្តែស្ថាប័ននេះ ក៏បានកត់សម្គាល់ផងដែរថា ជម្លោះនៅអ៊ីរ៉ង់ កំពុងបង្កើតភាពមិនប្រាកដប្រជាថ្មីសម្រាប់ទស្សនវិស័យសេដ្ឋកិច្ចសហរដ្ឋអាមេរិក។

ជម្រាបជូនថា ធនាគារកណ្តាលសហរដ្ឋអាមេរិក បានចេញផ្សាយកំណត់ហេតុនេះ ពោលគឺមួយថ្ងៃបន្ទាប់ពីសហរដ្ឋអាមេរិក និងអ៊ីរ៉ង់ បានប្រកាសពីបទឈប់បាញ់រយៈពេលពីរសប្តាហ៍ និងឈានដល់ការបើកច្រកសមុទ្រ Hormuz ឡើងវិញ៕​

The post ធនាគារកណ្តាលអាមេរិក បើកចំហចំពោះលទ្ធភាពដំឡើងអត្រាការប្រាក់បន្ថែម appeared first on .

នៅថ្ងៃទី១៨ ខែមីនា បន្ទាប់ពីកិច្ចប្រជុំគោលនយោបាយរយៈពេលពីរថ្ងៃ ធនាគារកណ្តាលសហរដ្ឋអាមេរិក បានសម្រេចចិត្តរក្សាអត្រាការប្រាក់គោលរបស់ខ្លួនមិនផ្លាស់ប្តូរ ពោលនៅចន្លោះ ៣,៥-៣,៧៥% ដដែល។ ចលនានេះគឺស្រដៀងគ្នាទៅនឹងកិច្ចប្រជុំកាលពីក្នុងខែមករាដែរ ខណៈកាលពីឆ្នាំមុន ធនាគារកណ្តាល បានកាត់បន្ថយអត្រាការប្រាក់របស់ខ្លួនចំនួនបីដង។

យ៉ាងណាមិញ ជុំវិញការសម្រេចចិត្តបែបនេះ​ធនាគារកណ្តាលសហរដ្ឋអាមេរិក បាននិយាយថា សកម្មភាពសេដ្ឋកិច្ចបន្តកើនឡើងក្នុងល្បឿនរឹងមាំ។ តែទោះជាយ៉ាងណាក៏ដោយ អតិផរណាក៏កំពុងបង្កើនល្បឿនផងដែរ ស្របពេលទីផ្សារការងារនៅតែមិនផ្លាស់ប្តូរស្ទើរតែទាំងអស់ ក្នុងរយៈពេលប៉ុន្មានខែថ្មីៗនេះ។

នៅក្នុងសន្និសីទសារព័ត៌មានជាបន្តបន្ទាប់ ប្រធានធនាគារកណ្តាលសហរដ្ឋអាមេរិក លោក Jerome Powell បាននិយាយថា ៖”យើងជឿជាក់ថាជំហរគោលនយោបាយរូបិយវត្ថុបច្ចុប្បន្នរបស់យើងគឺសមរម្យ ពោលគឺបន្ទាប់ពីមានការសម្រេចចិត្តគោលនយោបាយ និងការព្យាករចុងក្រោយបំផុតរបស់ Fed ទៅលើការដោះស្រាយជម្លោះនៅមជ្ឈិមបូព៌ា”។

លោក Powell បានបន្តទៀតថា៖ “ផលប៉ះពាល់នៃការវិវឌ្ឍនៅមជ្ឈិមបូព៌ាលើសេដ្ឋកិច្ចសហរដ្ឋអាមេរិកនៅតែមិនច្បាស់លាស់។ ក្នុងរយៈពេលខ្លី តម្លៃថាមពលកើនឡើងនឹងជំរុញឲ្យអតិផរណាទាំងមូលកើនឡើង ប៉ុន្តែវានៅតែឆាប់ពេកក្នុងការវាយតម្លៃពីទំហំ និងរយៈពេលនៃផលប៉ះពាល់ដែលអាចកើតមានលើសេដ្ឋកិច្ច”៕​

The post ធនាគារកណ្តាលអាមេរិក បន្តរក្សាអត្រាការប្រាក់ដដែលមិនផ្លាស់ប្តូរ ជាលើកទីពីរនៅឆ្នាំនេះ appeared first on .

ដោយបាននិយាយទៅកាន់សារព័ត៌មាន CNBC លោក Goolsbee បានលើកឡើងថា ៖” ប្រសិនបើយើងអាចបង្ហាញថាយើងកំពុងស្ថិតនៅលើផ្លូវឆ្ពោះទៅរកអតិផរណា ២% នោះខ្ញុំនៅតែគិតថាមានការកាត់បន្ថយអត្រាការប្រាក់ជាច្រើនទៀត ដែលអាចកើតឡើងនៅឆ្នាំ២០២៦ នេះ។ ប៉ុន្តែយើងត្រូវតែរង់ចាំមើលសិន នៅក្នុងការបង្ហាញទិន្នន័យនាពេលខាងមុខ”។

គួរឲ្យដឹងថា ធនាគារកណ្តាលអាមេរិក Fed បានរក្សាអត្រាការប្រាក់គោលរបស់ខ្លួនឲ្យនៅថេរ ក្នុងចន្លោះពី ៣,៥%​ ទៅ ៣,៧៥%​ នៅក្នុងកិច្ចប្រជុំកាលពីថ្ងៃទី២៧-២៨ ខែមករា ហើយវាត្រូវបានគេរំពឹងទុកថា Fed អាចនឹងបន្តធ្វើដូច្នេះម្តងទៀត នោក្នុងកិច្ចប្រជុំបន្ទាប់ នាថ្ងៃទី១៧-១៨ ខែមីនា ខាងមុខ។

ជម្រាបជូនផងដែរថា យោងតាមទិន្នន័យថ្មីៗនេះ បានធ្វើឲ្យធនាគារកណ្តាលអាមេរិក រក្សាស្ថានភាពរបស់ខ្លួន នៅពេលដែលកំណើនការងារនៅក្នុងខែមករា បានកើនឡើងខ្ពស់ជាងការរំពឹងទុកចំនួន ១៣០ ០០០ កន្លែង ស្របពេលអត្រាគ្មានការងារធ្វើបានធ្លាក់ចុះបន្តិចមកនៅត្រឹម ៤,៣% និងបានកាត់បន្ថយការព្រួយបារម្ភមួយចំនួនដែលថាទីផ្សារការងារហៀបនឹងធ្លាក់ចុះ និងកាត់បន្ថយអំណះអំណាងមួយចំនួនផ្សេងទៀត សម្រាប់ការកាត់បន្ថយអត្រាការប្រាក់ភ្លាមៗ៕​

The post ធនាគារកណ្តាលអាមេរិក អាចនឹងបន្តកាត់បន្ថយអត្រាការប្រាក់ច្រើនដង បើអតិផរណាឈានដល់ ២% appeared first on .