ធនាគារកាណាឌីយ៉ា

ធនាគាររបស់ អ្នកឧកញ៉ា ពុង ឃាវសែ ឈ្នះពានក្នុងកម្មវិធី Asian Technology Excellence Award 2023

ឧកញ៉ាដែនដី — Wed, 11 Oct 2023 00:30:00 +0000

ធនាគារ កាណាឌីយ៉ា ដែលជាធនាគារពាណិជ្ជឈានមុខគេមួយនៅកម្ពុជារបស់អ្នកឧកញ៉ា ពុង ឃាវសែ បានឈ្នះពានរង្វាន់ Cambodia Technology Excellence Award in Digital Banking នៅក្នុងកម្មវិធី Asian Technology Excellence Award ឆ្នាំ២០២៣ ពីស្ថាប័ន Asian Business Review ដែលជាស្ថាប័នព័ត៌មានវិភាគផ្នែកហិរញ្ញវត្ថុ និងអាជីវកម្ម ដ៏មានកិត្តិនាមមួយក្នុងទ្វីបអាស៊ី កាលពីពេលថ្មីៗនេះ។

ពានរង្វាន់នេះបញ្ជាក់យ៉ាងច្បាស់អំពីការទទួលស្គាល់ឧត្តមភាពរបស់គម្រោងបរិវត្តកម្មឌីជីថលរបស់ធនាគារ កាណាឌីយ៉ា ក្នុងការប្រើប្រាស់បច្ចេកវិទ្យា និងនវានុវត្ត ដើម្បីនាំយកមកនូវផលិតផល និងសេវាកម្មធនាគារដ៏ល្អជូនទៅកាន់អតិថិជនរបស់ខ្លួន។ គម្រោងបរិវត្តកម្មឌីជីថលរបស់ធនាគារ កាណាឌីយ៉ា បានបានបង្កើនល្បឿនរបស់ខ្លួនចាប់ពីឆ្នាំ២០២០ ហើយបានដំណើរការពេញសមត្ថភាព នៅពីឆ្នាំ២០២២។ ស្នូលនៃគម្រោងបរិវត្តកម្មឌីជីថលរបស់ ធនាគារ កាណាឌីយ៉ា មានដូចជាការដាក់ឱ្យប្រើប្រាស់នូវកម្មវិធី Canadia Bank App ការពង្រីកនូវសាខា Smart Bank និងប្រព័ន្ធអេកូឌីជីថលពេញលេញសម្រាប់អាជីវកម្ម ជាដើម។

លោក Raymond Sia នាយកប្រតិបត្តិ និងសមាជិកក្រុមប្រឹក្សាភិបាល នៃធនាគារ កាណាឌីយ៉ា មានប្រសាសន៍ថា៖ “យើងខ្ញុំមានសេចក្តីសោមន្សរីករាយណាស់ ដែលបានទទួលពានរង្វាន់មានការទទួលស្គាល់ពីគម្រោងបរិវត្តកម្មឌីជីថល និងការខិតខំប្រឹងប្រែងរបស់យើងទៅលើនវានុវត្តន៍ និងនាំយកនូវសេវាកម្មធនាគារដែលមានគុណភាពខ្ពស់ទៅកាន់អតិថិជន។ យើងខ្ញុំនឹងបន្តវិនិយោគទៅលើធនធានមនុស្ស និងបច្ចេកវិទ្យា ដើម្បីនាំយកមកនូវផលិតផល ដំណោះស្រាយ និងសេវាកម្មធនាគារ ប្រកបដោយគំនិតច្នៃប្រឌិត ដើម្បីបន្តជា ដៃគូហិរញ្ញវត្ថុដ៏ល្អ សម្រាប់អតិថិជន”។

គួរបញ្ជាក់ថា ធនាគារ កាណាឌីយ៉ា ដែលមានវត្តមានលើទីផ្សារហិរញ្ញវត្ថុកម្ពុជា រយៈពេលជាង៣០ឆ្នាំ បានបើកដំណើរការដំបូង កាលថ្ងៃទី១១ ខែវិច្ឆិកា ឆ្នាំ១៩៩១។ ធនាគារ ដែលមានអ្នកឧកញ៉ា ពុង ឃាវសែ ជាស្ថាបនិក និងជាប្រធានក្រុមប្រឹក្សាភិបាលមួយនេះ នៅឆ្នាំ២០២២ បានឈ្នះពានរង្វាន់ធំៗជាច្រើន រួមទាំងពានធនាគារក្នុងស្រុកល្អបំផុត (Best Domestic Bank in Cambodia) និងពានក្រុមហ៊ុនក្នុងក្តីស្រមៃចង់បម្រើការនៅកម្ពុជា (Dream Company to Work For in Cambodia) ដែលទទួលស្គាល់ពី World HRD Congress ផងដែរ៕

The post ធនាគាររបស់ អ្នកឧកញ៉ា ពុង ឃាវសែ ឈ្នះពានក្នុងកម្មវិធី Asian Technology Excellence Award 2023 appeared first on .

តើក្រុមហ៊ុនណាចូលរួមសាងសង់អគារកាណាឌីយ៉ា ខ្ពស់ដំបូងបង្អស់នៅកម្ពុជា

ឧកញ៉ាកោះក្របី — Sun, 14 Aug 2022 02:54:06 +0000

អគារពាណិជ្ជកម្មចម្រុះកម្ពស់ ៣២ ជាន់នេះ ជាសំណង់អគារខ្ពស់ដំបូងនៅរាជធានីភ្នំពេញ ក្នុងអំឡុងពេលជាង ១០ឆ្នាំមុន។

កាណាឌីយ៉ា នៅមិនឆ្ងាយពីតំបន់ប្រជុំជន ទីស្តីការគណៈរដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ ស្ថានីយរថភ្លើងភ្នំពេញ ផ្សារធំថ្មី និងតំបន់កម្សាន្តដ៏ពេញនិយមដូចជាវត្តភ្នំ និងមាត់ទន្លេជាដើម។

អគារកំពស់ដំបូងគេកាលពីជាង ១០ឆ្នាំមុននេះ វិនិយោគដោយសហគ្រិនកូនខ្មែររះពីប្រទេសកាណាដា អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ដែលជាក្រុមហ៊ុនវិនិយោគអចលនទ្រព្យក្នុងទំហំទឹកប្រាក់ពាន់លាន់ដុល្លារយ៉ាងសម្រើមនៅកម្ពុជា។

កាណាឌីយ៉ា ត្រូវបានចូលរួមសាងសង់គម្រោងពីក្រុមហ៊ុន MORGAN Group របស់វិនិយោគិនចិន ខណៈដែលកាលណោះក្រុមហ៊ុនទើបតែមកដល់ប្រទេសកម្ពុជានៅឆ្នាំ២០០៧ ដើម្បីអភិវឌ្ឍអចលនទ្រព្យ ដែលប្រើពេលវេលាប្រមាណជាង ៣ឆ្នាំដើម្បីបញ្ចប់គម្រោង។

ក្រុមហ៊ុនអចលនទ្រព្យនេះ ដឹកនាំដោយផ្ទាល់ពី លោក Ding Yongjun ប្រធានក្រុមហ៊ុន Morgan Group ជាជនជាតិចិន ដែលបានមករស់នៅកម្ពុជាច្រើនឆ្នាំមកហើយ។

ក្រុមហ៊ុន Morgan Group ក៏បានបោះទុនលើគម្រោងសាងសង់អគារ Morgan Tower ជាអគារការិយាល័យតំណាងតំបន់ លំដាប់ 5A របស់ប្រទេសកម្ពុជា មានផ្ទៃដីសាងសង់សរុបប្រហែល ១០ម៉ឺន៥ពាន់ ម៉ែត្រការ៉េ (10.5000 m2) ដែលទទួលបាន ពានរង្វាន់មាស LEED អន្តរជាតិដំបូងគេរបស់កម្ពុជា និង ទទួលបានពានរង្វាន់មាស Guru Asia ចំនួនបី ដែលវិញ្ញាបនបត្រទាំងពីរប្រភេទនេះ ទទួលស្គាល់ថាជាអគារការិយាល័យកម្រិត A ៕

The post តើក្រុមហ៊ុនណាចូលរួមសាងសង់អគារកាណាឌីយ៉ា ខ្ពស់ដំបូងបង្អស់នៅកម្ពុជា appeared first on .

ណែនាំឲ្យស្គាល់ធនាគារឯកជនកំពូលទាំង ៥ នៅស្រុកខ្មែរ មានមួយបង្កើតតាំងពីឆ្នាំ១៩៧៩

ឧកញ៉ាសំពៅ — Thu, 22 Jul 2021 02:38:03 +0000

គ្រប់ធនាគារនៅប្រទេសកម្ពុជាគឺស្ថិតក្រោមការគ្រប់គ្រងរបស់ធនាគារជាតិកម្ពុជាដែលកកើតដំបូងឆ្នាំ ១៩៥៤ បន្ទាប់ពីកម្ពុជាទទួលបានឯករាជ្យពីបារាំង។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

អត្ថបទមួយនេះ ឧកញ៉ាញូវស៍សូមលើកបង្ហាញពីប្រវត្តិត្រួសៗនៃធនាគារឯកជនកំពូលទាំង ៥ ដែលកំពុងមានសក្ដានុពលបំផុតនៅប្រទេសកម្ពុជាដូចតទៅ៖

ធនាគារអេស៊ីលីដា

ធនាគារ ACLEDA Bank Plc បង្កើតឡើងនៅក្នុងឆ្នាំ ១៩៩៣ ដែលមានទីតាំងកណ្ដាលនៅទីក្រុងភ្នំពេញ និងមាន ២៦១ សាខាទូទាំងប្រទេស ហើយថែមទាំងមាន ៤២ សាខានៅប្រទេសឡាវ និង ៧ថែមទៀតនៅប្រទេសមីយ៉ាន់ម៉ា។ ធនាគារអេស៊ីលីដា ត្រូវបានចាត់ទុកជាធនាគារធំជាងគេនៅកម្ពុជា បើគិតទៅលើចំនួនអតិថិជន និងស្ថិតិទ្រព្យសម្បត្តិសរុប។
-ប្រាក់ចំណូលគិតត្រឹមឆ្នាំ ២០២០៖ ៤០៥,៩៦ លានដុល្លារ
-ប្រាក់ចំណេញគិតត្រឹមឆ្នាំ២០២០៖ ១៤១,៥ លានដុល្លារ
-ទ្រព្យសម្បត្តិសរុប២០២០៖ ៦,៥៥ ពាន់លានដុល្លារ

ធនាគារកាណាឌីយ៉ា

ជាធនាគារធំបំផុតមួយប្រចាំប្រទេស ដែលមានទំហំទីផ្សារនៃប្រាក់បញ្ញើ និងប្រាក់កម្ចីច្រើនបំផុត។ ធនាគារមួយនេះមានទីតាំងកណ្ដាលនៅទីក្រុងភ្នំពេញ និងមាន ៥៧ សាខាទូទាំងប្រទេស បង្កើតឡើងក្នុងឆ្នាំ ១៩៩១ ដែលគ្រានោះមានឈ្មោះ Canadia Gold & Trust Corporation Ltd។ ២ ឆ្នាំបន្ទាប់ប្ដូរឈ្មោះទៅជាធនាគារ Canadia Bank Ltd., និងនៅឆ្នាំ ២០០៣ ប្ដូរទៅជា ធនាគារ Canadia Bank Plc រហូតមកទល់សព្វថ្ងៃ។
-ប្រាក់ចំណូលគិតត្រឹមឆ្នាំ ២០១៩៖ ២១៧,២ លានដុល្លារ
-ប្រាក់ចំណេញគិតត្រឹមឆ្នាំ២០១៩៖ ១២២,៦ លានដុល្លារ
-ទ្រព្យសម្បត្តិសរុប២០១៩៖ ៦,៥៥ ពាន់លានដុល្លារ

ធនាគារ ABA Bank

ជាធនាគារលេចធ្លោលើការប្រើប្រាស់បច្ចេកវិទ្យាឈានមុខគេ ដែលផ្ដល់នូវសេវាកម្មរហ័សទាន់ចិត្តដល់អតិថិជន។ ធនាគារ ABAបង្កើតឡើងនៅឆ្នាំ ១៩៩៦ ដែលកាលនោះមានឈ្មោះ Advanced Bank of Asia Limited។
-ប្រាក់ចំណូលគិតត្រឹមឆ្នាំ ២០១៩៖ ២១២,៤ លានដុល្លារ
-ប្រាក់ចំណេញគិតត្រឹមឆ្នាំ២០១៩៖ ១២៧,៤ លានដុល្លារ
-ទ្រព្យសម្បត្តិសរុប២០១៩៖ ៤,៣៩ ពាន់លានដុល្លារ

ធនាគារពាណិជ្ជកម្មក្រៅប្រទេសនៃកម្ពុជា

Foreign Trade Bank of Cambodia ឬគេនិយមហៅកាត់ FTB គឺជាធនាគារមានវ័យចំណាស់ជាងគេនៅកម្ពុជា ពោលគឺបានបង្កើតឡើងតាំងពីឆ្នាំ ១៩៧៩ ហើយឈរជើងមានឈ្មោះបោះសំឡេងដល់សព្វថ្ងៃ។
-ប្រាក់ចំណូលគិតត្រឹមឆ្នាំ ២០១៩៖ ៣៧,៤៥ លានដុល្លារ
-ប្រាក់ចំណេញគិតត្រឹមឆ្នាំ២០១៩៖ ២៥ លានដុល្លារ
-ទ្រព្យសម្បត្តិសរុប២០១៩៖ ១,៤៩ ពាន់លានដុល្លារ

ធនាគារ J Trust Royal Bank

កាលពីដើមឡើយវាមានឈ្មោះថា ANZ Royal Bank ដែលបានបង្កើតឡើងក្នុងឆ្នាំ ២០០៥ តែក្រោយមកនៅខែសីហា ២០១៩ ក៏បានប្ដូរឈ្មោះទៅជាធនាគារ J Trust Royal និងដំណើរការជាក្រុមហ៊ុនបុត្រសម្ព័ន្ធរបស់ក្រុមហ៊ុន J Trust Co., Ltd។
-ប្រាក់ចំណូលគិតត្រឹមឆ្នាំ ២០១៦៖ ៤៧,៤៤ លានដុល្លារ
-ប្រាក់ចំណេញគិតត្រឹមឆ្នាំ២០១៦៖ ២១,០៣ លានដុល្លារ
-ទ្រព្យសម្បត្តិសរុប២០១៦៖ ១,០៤ ពាន់លានដុល្លារ៕

ប្រភព: corporatefinanceinstitute

The post ណែនាំឲ្យស្គាល់ធនាគារឯកជនកំពូលទាំង ៥ នៅស្រុកខ្មែរ មានមួយបង្កើតតាំងពីឆ្នាំ១៩៧៩ appeared first on .

មកដឹងប្រវត្តិការងារ CEO ធនាគារកាណាឌីយ៉ា ?

ឧកញ៉ាកោះក្របី — Fri, 25 Jun 2021 08:42:16 +0000

ឈរជើងក្នុងវិស័យហិរញ្ញវត្ថុជាង ៣០ឆ្នាំជាមួយនឹងផលិតផលនិងសេវាកម្មប្រកបដោយភាពច្នៃប្រឌិត ខណៈនាពេលបច្ចុប្បន្ន ធនាគារកាណាឌីយ៉ាមានទ្រព្យសម្បត្តិ $6.5B, ហើយបានក្លាយធនាគារកំពូលនៅស្រុកខ្មែរ The Top Banks in Cambodia Include។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

ធនាគារកាណាឌីយ៉ា ការចាប់ផ្តើមបើកទ្វារជាលើកដំបូងក្នុងឆ្នាំ១៩៩១ ក្រោមការបោះទុនវិនិយោគ និងដឹកនាំដោយផ្ទាល់ពីមហាសេដ្ឋីលំដាប់កំពូល ពុង ឃាវសែ ដែលត្រូវបានចាត់ថា ជាសហគ្រិនឆ្នើមនិងជាអ្នកដឹកនាំធុរកិច្ចគួរឱ្យគោរពនៅប្រទេសកម្ពុជានិងប្រទេសកាណាដា បានដើរតួនាទីយ៉ាងសំខាន់ក្នុងត្រួសត្រាយឧស្សាហកម្មធនាគារនៅកម្ពុជា។

នៅពេលលេចឡេីងក្នុងយុគសម័យថ្មីមួយ ធនាគារកាណាឌីយ៉ា នៅតែបន្តរីកចម្រើនច្នៃប្រឌិតប្រកបដោយទំនួលខុសត្រូវដើម្បីធានាយកចិត្តទុកដាក់ដល់អតិថិជននិងយល់ពីតម្រូវការរបស់ពួកគេ។ ឧកញ៉ាញូស៍ សូមស្លេះប៉ុណ្ណេះសិន បង្វែរអាម្មណ៍ប្រិយមិត្តមកស្គាល់ CEO ធនាគារ កាណាឌីយ៉ា វិញម្តង ដែលជាអ្នកនៅពីក្រោយ ហើយបាននាំមកនូវភាពជោគជ័យ និងកិត្តិនាមល្បាញល្បីជាង ៣ទស្សវត្សន៍មកឲ្យធនាគារ កាណាឌីយ៉ា ក្រោមបុត្តសម្ព័ន្ធសហគ្រា កាណាឌីយ៉ា។

លោក Raymond Sia Say Guan ជាប្រធាននាយកប្រតិបត្តិ និងនាយកប្រតិបត្តិនៃធនាគារកាណាឌីយ៉ា (Chief Executive Officer and Executive Board Director of Canadia Bank.)។ មុនពេលចូលបម្រើការងារនៅធនាគារកាណាឌីយ៉ា លោក Raymond បានបម្រើការងារក្នុងតួនាទីគ្រប់គ្រងនិងដឹកនាំជាន់ខ្ពស់ជាច្រើនជាមួយធនាគារអន្តរជាតិនិងក្នុងតំបន់នៅប្រទេសម៉ាឡេស៊ី និងវៀតណាមដូចជា ធនាគារសាធារណៈ, ធនាគារ Standard Chartered Bank (ម៉ាឡេស៊ីនិងវៀតណាម) និងធនាគារ Hong Leong ដែលលោកកាន់តំណែងជានាយកប្រតិបត្តិ / អគ្គនាយក។

លោក Raymond មុខកាន់តួនាទីធំៗក្នុងវិស័យឧស្សាហកម្មធនាគាររបស់មហាសេដ្ឋីល្បីៗដូចនាពេលបច្ចុប្បន្ន លោក Raymond ធ្លាប់បានចូលធ្វើការតំបូងជាអ្នកហាត់ការ ក្រោយពីបញ្ចប់ការសិក្សា។ បន្ទាប់មកលោកក៏បានចូលរំរើការងារក្នុងធនាគារសាធារណៈនៅប្រទេសម៉ាឡេស៊ី ដែលគាត់បានចំណាយពេល ១១ ឆ្នាំក្នុងតួនាទីផ្សេងៗ ដូចជា ប្រធានផ្នែកភាគហ៊ុន និងមូលធនទីផ្សារ នឹងប្រធានដំណើរការឥណទាន។

នៅធនាគារ Standard Chartered លោក Raymond មានតួនាទីដឹកនាំផ្សេងៗពីនាយកសាជីវកម្មក្នុងស្រុករហូតដល់ប្រធានក្រុមហ៊ុនសាជីវកម្មសកលដោយមានមុខតំណែងចុងក្រោយជាប្រធានធនាគារខ្នាតតូចនិងមធ្យម និងជានាយកប្រតិបត្តិនៃសាខាហាណូយ, ធនាគារ Standard Chartered Bank ។

លោក Raymond Sia មានបទពិសោធន៍ជោគជាំប្រមាណជាង ២៥ ឆ្នាំ ជាមួយសេវាកម្មរតនាគារនិងហិរញ្ញវត្ថុ។ តាមរយៈតួនាទីគ្រប់គ្រងជាន់ខ្ពស់ជាច្រើននៅក្នុងប្រទេសកម្ពុជា, ម៉ាឡេស៊ី, និងវៀតណាម រហូតប្រែក្លាយលោកមកាន់កាប់ដំណែងជា CEO ធនាគារ កាណាឌីយ៉ា របស់មហាសេដ្ឋីលំដាប់កំពូល ពុង ឃាវសែ។

ក្រោមការដឹកនាំរបស់លោក Raymond ធនាគារលំដាប់កំពូលមួយនេះទទួលបានពានរង្វាន់ជាបន្តបន្ទាប់។ កាលពីដើមខែមេសា ឆ្នាំ២០២១នេះ រាជរដ្ឋាភិបាលតាមអគ្គនាយកពន្ធដារ បានប្រកាសកោតសរសើរនូវការរួមចំណែកក្នុងការបំពេញកាតព្វកិច្ចបង់ពន្ធដារផ្ទៃក្នុងជូនរដ្ឋ និងជាសហគ្រាសដែលបានបង់ពន្ធច្រើនជាងគេលំដាប់ទី ៩ ក្នុងឆ្នាំ២០២០។

ធនាគារ កាណាឌីយ៉ា ក.អ ក៏បានទទួល វិញ្ញាបនបត្រនៃការអនុលោមភាពសារពើពន្ធ ប្រភេទ ‍“មាស” ពីអគ្គនាយកដ្ឋានពន្ធដារ នៅក្នុងខែធ្នូ ឆ្នាំ២០២០ កន្លងទៅនេះ ដែលមានសុពលភាព ២ឆ្នាំចាប់ពី ឆ្នាំ២០២១ ដល់ ឆ្នាំ២០២២។

តាមរយៈការផ្តល់ជូននូវបទពិសោធន៍ដ៏អស្ចារ្យដល់អតិថិជននិងការពង្រីកផលិតផលនិងសេវាកម្មរបស់ខ្លួន ធនាគារទទួលបានបទពិសោធន៍រីកចម្រើនជាច្រើនឆ្នាំហើយបានក្លាយជាធនាគារធំនិងគួរឱ្យទុកចិត្តបំផុតនៅកម្ពុជា។

យោងតាមគេហទំព័រធនាគារកាណាឌីយ៉ាផ្ទាល់ បានបង្ហារបាយការណ៍អំពីទ្រព្យសម្បត្តិសរុបប្រមាណ $6.5B ប្រាក់ចំណូលសរុប $388M និងប្រាក់ចំណេញសុទ្ធ $122M ខណៈឆ្នាំ២០១៩ គឺជាកំណត់ត្រាចំណេញបំផុតជាមួយនឹងប្រាក់ចំណូលសុទ្ធលើសពី$១២២លាន។ គិតមកដល់បច្ចុប្បន្ន កាណាឌីយ៉ា មានបុគ្គលិកប្រមាណ ៣ពាន់នាក់ មានសាខាងលើសពី ៦០ សាខា ជាមួយទូអេធីអិម ATM លើសពី ១៦០ទូ ដែលកំពុងប្រតិបត្តិការ៕

The post មកដឹងប្រវត្តិការងារ CEO ធនាគារកាណាឌីយ៉ា ? appeared first on .

ធនាគារកាណាឌីយ៉ា

ធនាគាររបស់ អ្នកឧកញ៉ា ពុង ឃាវសែ ឈ្នះពានក្នុងកម្មវិធី Asian Technology Excellence Award 2023

តើក្រុមហ៊ុនណាចូលរួមសាងសង់អគារកាណាឌីយ៉ា ខ្ពស់ដំបូងបង្អស់នៅកម្ពុជា

​ណែនាំ​ឲ្យ​ស្គាល់​ធនាគារ​ឯកជន​កំពូលទាំង ៥ ​នៅ​ស្រុក​ខ្មែរ​ មាន​មួយ​បង្កើត​តាំង​ពី​ឆ្នាំ​១៩៧៩

មកដឹងប្រវត្តិការងារ CEO ធនាគារកាណាឌីយ៉ា ?

ណែនាំឲ្យស្គាល់ធនាគារឯកជនកំពូលទាំង ៥ នៅស្រុកខ្មែរ មានមួយបង្កើតតាំងពីឆ្នាំ១៩៧៩