ដោយមានការចូលរួមគាំទ្រពីសប្បុរសជន និងកិច្ចខិតខំប្រឹងប្រែងរបស់សមាជិកក្រុមការងារដែលមិនគិតពីភាពនឿយហត់ ជំនួយទ្រទ្រង់ទាំងនោះត្រូវបានចែកជូនដល់សហគមន៍ដែលបានភៀសខ្លួនចេញពីផ្ទះសម្បែងដោយសារជម្លោះព្រំដែន ស្ថិតក្នុងខេត្តឧត្ដរមានជ័យ សៀមរាប និងព្រះវិហារ ហើយសកម្មភាពដ៏ថ្លៃថ្លានេះមិនគ្រាន់តែចែកជូនសម្ភារៈចំាបាច់ប៉ុណ្ណោះទេ តែជាការផ្តល់នូវក្តីសង្ឃឹមសម្រាប់គ្រួសារភៀសសឹកផងដែរ។

ឯកឧត្តម អ៊ុក គឹមសាន អភិបាលរងខេត្តព្រះវិហារ បានកោតសរសើរ និងថ្លែងអំណរគុណយ៉ាងជ្រាលជ្រៅចំពោះការដឹកនាំ និងវត្តមានរបស់ក្រុមការងារ និងសិល្បករ ដែលដឹកនាំដោយលោកជំទាវអ្នកឧកញ៉ា ម៉ៅ ចំណាន។ ឯកឧត្តមបានកត់សម្គាល់ថា ការចូលរួមរបស់លោកជំទាវ បានឆ្លុះបញ្ចាំងពីស្មារតីយកចិត្តទុកដាក់ខ្ពស់បំផុត ក៏ដូចជាការបង្ហាញនូវស្មារតីសាមគ្គីភាពចំពោះប្រជាជនខ្មែរ។

សកម្មភាពមនុស្សធម៌នេះដឹកនាំដោយលោកជំទាវ អ្នកឧកញ៉ា ម៉ៅ ចំណាន អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប និងជាប្រធានសមាគមសិល្បករខ្មែរ បាននាំយកសម្ភារៈ និងគ្រឿងឧបភោគចែកជូនជនភៀសសឹកជាច្រើនរយនាក់កាលពីថ្ងៃសុក្រសប្ដាហ៍មុន ដោយបានប្រគល់ប៉ាឡែតឈើចំនួន ៣០០បន្ទះសម្រាប់ជំរំភៀសសឹកស្ថិតនៅវត្ដទួលអណ្ដែត និងព្រមទាំងសម្ភារៈ និងគ្រឿងឧបភោគត្រូវបានចែកជូនជនភៀសសឹកចំនួន ៥៤៤ គ្រួសារ ស្ថិតនៅវត្ដត្រាវគៀត ក្នុងខេត្តព្រះវិហារ។

ក្នុងឱកាសសំណេះសំណាលជាមួយក្រុមគ្រួសារដែលជម្លៀសចេញពីទំលំនៅ លោកជំទាវអ្នកឧកញ៉ា ម៉ៅ ចំណាន បានស្វែងយល់ពីស្ថានភាពរបស់ប្រជាជនភៀសសឹកឋិតនៅក្នុងគ្រាដ៏លំបាកមួយនេះ។ លោកជំទាវមានប្រសាសន៍ថា៖ “នៅក្នុងរយៈពេលជាងមួយខែមកនេះ ទោះបីជាពុកម៉ែបងប្អូនបានទទួលការយកចិត្តទុកដាក់ខ្ពស់ពីអាជ្ញាធរ រាជរដ្ឋាភិបាល និងសប្បុរសជនមកពីគ្រប់ពីទិសទីក៏ដោយ។ ប៉ុន្តែពួកយើងពិតជាដឹងយ៉ាងច្បាស់ថា ពុកម៉ែបងប្អូនប្រាកដជាមានអារម្មណ៍ឈឺចាប់ ភ័យខ្លាច និងអារម្មណ៍ឯកាជាក់ជាមិនខាន ព្រោះគ្មានទីកន្លែងណា មានក្តីសុខជាផ្ទះរបស់យើងទេ។ ទោះបែបនេះក្តី ពួកយើងសង្ឃឹមថា ស្រមោលខ្មៅដ៏អាក្រក់មួយនេះនឹងឆាប់រសាត់បាត់ទៅវិញជាក់ជាមិនខានឡើយ។”

ក្រុម​គ្រួសារ​នីមួយៗ​ទទួលបាន​កញ្ចប់ជំនួយ​ដែលរួមមាន​៖​ ទឹក​សុទ្ធ មី អង្ករ១០​គីឡូក្រាម ភួយ ក្រមា សម្លៀក​បំពាក់ និង​គ្រឿង​សម្ភារៈ​ចាំបាច់​មួយចំនួនទៀត​។ ហើយសម្ភារៈអំណោយទាំងនេះបានបង្ហាញពីសារដ៏រឹងមាំនៃសាមគ្គីភាព ក៏ដូចជារួមចំណែកជួយទ្រទ្រង់ជីវភាពរស់នៅប្រចាំថ្ងៃទៅដល់សហគមន៍ជម្លៀសពីលំនៅឋាន។

លោកស្រី កែវ សុផាន្នី​ បានភៀសខ្លួនពីលំនៅឋានរបស់គាត់ជាមួយក្រុមគ្រួសារ ហើយឥឡូវនេះកំពុងស្នាក់នៅវត្តជ្រោយនាងងួន ក្នុងខេត្តសៀមរាប។ លោកស្រី កែវ សុផាន្នី ស្ថិតក្នុងចំណោមពលរដ្ឋភៀសសឹកជាច្រើនដែលបានសម្តែងការអគុណចំពោះជំនួយសប្បុរសដ៏ថ្លៃថ្លានេះ។

គាត់បានបង្ហាញអារម្មណ៍លាយឡំនឹងក្តីសង្ឃឹមយ៉ាងដូច្នេះថា៖ “នាងខ្ញុំសូមថ្លែងអំណរគុណ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន ដែលបានផ្ដល់ជំនួយស្បៀងអាហារនេះដល់ពួកយើង។ អំណោយទាំងនេះបានជួយសម្រាលបន្ទុកយ៉ាងច្រើនសម្រាប់ជីវភាពប្រចាំថ្ងៃ។”

តាំងពីជម្លោះនៅព្រំដែនបានកើតឡើង ក្រុមគ្រួសារជាច្រើនត្រូវបានបង្ខំចិត្តចាកចេញពីលំនៅឋាន។ ដោយមើលឃើញពីទុក្ខលំបាកនេះ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន បានផ្តួចផ្តើម “មូលនិធិទ្រទ្រង់ជនភៀសសឹក” សម្រាប់ជួយទ្រទ្រង់ដល់គ្រួសាររងគ្រោះ ហើយបានអំពាវនាវដល់សាធារណជនឱ្យចូលរួមក្នុងការគាំទ្រដល់ពលរដ្ឋដែលត្រូវការជំនួយក្នុងគ្រាដ៏លំបាកនេះ។

សកម្មភាពសប្បុរសធម៌នេះបានធ្វើឡើងជាបន្តបន្ទាប់។ ចាប់តាំងពីដើមខែសីហា មក សមាជិកក្រុមហ៊ុន រ៉ូយ៉ាល់គ្រុប បាននាំយកអំណាយជាសម្ភារៈ  និងគ្រឿងឧបភោគចែកជូនពលរដ្ឋភៀសសឹកជាច្រើនទីតាំងរួមមាន៖

• នៅថ្ងៃទី២-៣ ខែសីហា៖ ការ​ចែកជូន​អំណោយត្រូវបានធ្វើឡើងនៅ​វត្តគិរីទួលអណ្តែត ដែលជាជំរុំជនភៀសសឹក​ក្នុងខេត្តព្រះវិហារ ដោយបានជួយដល់កុមារ និងគ្រួសារជាង៧០០នាក់។
• ថ្ងៃទី៦ ខែសីហា៖ ក្រុមការងារបាននាំយកជំនួយទៅកាន់ជំរំ​ក្នុងភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
• ថ្ងៃទី១១ ខែសីហា៖ ការចែកអំណោយបានធ្វើឡើងនៅភូមិតាមន្តសែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ។
• និងថ្ងៃទី១៩–២០ ខែសីហា៖ ក្រុមការងារបាននាំយកនូវសម្លៀកបំពាក់ សម្ភារប្រើប្រាស់ និងគ្រឿងឧបភោគបរិភោគ រួមជាមួយនឹងថវិកាមួយចំនួនជូនដល់គ្រួសារវីរកងទ័ព និងប្រជាពលរដ្ឋភៀសសឹក នៅទីតាំងវត្តជ្រោយនាងងួន ក្នុងខេត្តសៀមរាប ។

ក្នុងគ្រាមានទុក្ខលំបាកនេះ ជំនួយសប្បុរសប្រៀបបាននឹងពន្លឺនៃក្តីសង្ឈឹម។ តាមរយៈកិច្ចខិតខំប្រឹងប្រែងរួមគ្នាទាំងនេះ ធនាគារ វីង និងក្រុមហ៊ុន រ៉ូយ៉ាល់គ្រុប មិនគ្រាន់តែរួមចំណែកសកម្មភាពជំនួយមនុស្សធម៌ប៉ុណ្ណោះទេ តែជាកាយវិការដែលបង្ហាញនូវកម្លាំងចិត្ត ក្ដីមេត្តា និងជាស្មារតីមួយដែលកម្ពុជានឹងរួបរួមគ្នាជាធ្លុងមួយគ្រប់កាលទេស៕

The post ត្រឹមតែ១ខែប៉ុណ្ណោះ! ធនាគារ វីង ក្រុមហ៊ុន រ៉ូយ៉ាល់គ្រុប និងសមាគមសិល្បករខ្មែរ បាននាំយកអំណោយជូនជនភៀសសឹកជាង ២.០០០ គ្រួសារ appeared first on .

ធនាគារ វីង រួមជាមួយសមាជិកនៃក្រុមហ៊ុន រ៉ូយ៉ាល់គ្រុប និងសមាគមសិល្បករខ្មែរ បានផ្តល់នូវ​អំណោយ​ដល់ទាហាន និងគ្រួសារជនភៀសសឹក​កំពុង​ស្នាក់នៅក្នុងខេត្តសៀមរាបដែលរងផលប៉ះពាល់ដោយជម្លោះព្រំដែនខ្មែរថៃ។

ក្រោម​ការ​ដឹកនាំនៃ​លោកជំទាវ អ្នកឧកញ៉ា ម៉ៅ ចំណាន អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប និងជាប្រធានសមាគមសិល្បករខ្មែរ ក្រុមការងារស្ម័គ្រចិត្តបាននាំយកគ្រឿងឧបភោគ បរិភោគចាំបាច់​មួយចំនួនជូនដល់យោធិនចំនួន ៨០នាក់ ដែលកំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប និងមន្ទីរពេទ្យភូមិភាគ៤។ ក្រុមការងារស្ម័គ្រចិត្តនេះ​ក៏បានទៅកាន់​វត្តជ្រោយនាងងួន ក្នុងស្រុកស្រីស្នំ ដែលប្រជាពលរដ្ឋចំនួន ៧១៨ គ្រួសារបានកំពុង​តាំង​ទីជម្រក បន្ទាប់ពីបានភៀសខ្លួនចេញពីផ្ទះដោយសារជម្លោះព្រំដែន​។

គ្រួសារជនភៀសសឹក​ទាំងនេះ ដែលភាគច្រើនបានរត់គេចខ្លួនដោយយក​មក​នូវ​របស់របរបន្តិចបន្តួច​ជាប់ខ្លួន​ធ្វើ​ដំណើរ​តាម​​គោ​យន្ត ​ ឥឡូវនេះបានរស់​នៅក្នុងតង់កៅស៊ូ​ក្នុងវត្ត ដោយពឹងលើការឧបត្ថម្ភ​គាំទ្រពីវត្តអារ៉ាម អាជ្ញាធរមូលដ្ឋាន និងសប្បុរសជននានាសម្រាប់​ផ្គត់​ផ្គង់​ជីវភាព​ប្រចាំថ្ងៃ។

លោកជំទាវ អ្នកឧកញ៉ា ម៉ៅ ចំណាន មានប្រសាសន៍ថា៖​ “ដំណើរទស្សនៈកិច្ចថ្ងៃនេះ មិនត្រឹមតែជាការប្រគល់អំណោយប៉ុណ្ណោះទេ ប៉ុន្តែក៏ជាការបង្ហាញអំពីការគាំទ្រឥតងាករេរបស់យើងខ្ញុំ​ចំពោះបងប្អូនខ្មែរយើងផងដែរ។ យើងនៅ​ជាមួយបងប្អូន ហើយនឹងបន្តគាំទ្របងប្អូន។”

ក្រុម​គ្រួសារ​នីមួយៗ​ទទួលបាន​កញ្ចប់ជំនួយ​ដែលរួមមាន​៖​ ទឹក​សុទ្ធ១​កេស មី១​កេស អង្ករ១០​គីឡូក្រាម សម្លៀក​បំពាក់ និង​គ្រឿង​សម្ភារ​ចាំបាច់​មួយចំនួនទៀត​។

ក្នុងពិធីចែកអំណោយនេះ ក៏​មានវត្តមានថ្នាក់ដឹកនាំសំខាន់ៗជាច្រើនរូបនៃក្រុមហ៊ុនរ៉ូយ៉ាល់គ្រុប ដូចជា៖ ​លោក ហោ ប៊ុនថែ អគ្គនាយករងធនាគារ វីង លោក ឈុន វឌ្ឍនភក្តី នាយក​គ្រប់គ្រង​ផ្នែក​ទំនាក់ទំនងនៃ​ក្រុមហ៊ុន រ៉ូយ៉ាល់ គ្រុប និងលោក ឡៅ សៀងហៃ  នាយកគ្រប់គ្រងធនធានមនុស្សនៃ​ក្រុមហ៊ុន រ៉ូយ៉ាល់ គ្រុប ។

គណៈគ្រប់គ្រង និងបុគ្គលិកមកពីក្រុមហ៊ុនសែលកាត ខេមបូឌាន​ប្រតឃែសស្ទីសឺវីស ក្រុមហ៊ុនធានារ៉ាប់រងទូទៅ អ៊ីន​ហ្វីនីធី សណ្ឋាគារកាំបូឌីយ៉ាណា ក្រុមហ៊ុន រ៉ូយ៉ាល់ រេលវេ និងសមាគមសិល្បករខ្មែរ ក៏បានចូលរួមយ៉ាងសកម្មគាំទ្រកិច្ចការ​សប្បុរសធម៌ផងដែរនេះ។

នេះ​ជា​ការ​ចែកចាយ​ជំនួយ​សប្បុរសធម៌​លើក​ទី​៤​ដោយ​ក្រុមហ៊ុន​ រ៉ូយ៉ាល់​គ្រុប​ ។ ការ​ចែកជូន​ជំនួយលើកទី១ ត្រូវបានប្រគល់នៅថ្ងៃទី២-៣ ខែសីហា នា​វត្តគិរីទួលអណ្តែត ដែលជាជំរំជនភៀសសឹក​ក្នុងខេត្តព្រះវិហារ ដោយបានជួយដល់កុមារ និងគ្រួសារជាង៧០០នាក់។ ចំណែក​ការចែកលើកទី២ ត្រូវ​បាន​ធ្វើឡើងនៅថ្ងៃទី៦ ខែសីហា នៅជំរំ​ក្នុងភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ និងការចែកលើកទី៣ ត្រូវបានធ្វើឡើងនៅថ្ងៃទី១១ ខែសីហា នៅភូមិតាមន្តសែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ។

ជំនួយសប្បុរសធម៌ទាំងនេះបានមកពី​​ “មូលនិធិទ្រទ្រង់ជនភៀសសឹក” ដែលផ្តួចផ្តើមដោយអ្នកឧកញ៉ា គិត ម៉េង និងលោកជំទាវ អ្នកឧកញ៉ា ម៉ៅ ចំណាន ព្រមទាំង​មានការគាំទ្រយ៉ាងពេញទំហឹងពីសមាជិកក្រុមហ៊ុន​ រ៉ូយ៉ាល់​គ្រុប និងការចូលរួម​វិភាគទានពីសប្បុរសជននានា។

ធនាគារ វីង បានចាត់វិធានការយ៉ាងម៉ឺងម៉ាត់ ដើម្បីគោរពដល់កងទ័ព​កម្ពុជា ដែលបានលះបង់សាច់ស្រស់ ឈាមស្រស់ក្នុងអំឡុងពេលជម្លោះព្រំដែនកម្ពុជា–ថៃ។​ ដោយ​អនុវត្ត​តាម​ការអំពាវនាវរបស់សម្តេចមហាបវរធិបតី ហ៊ុន ម៉ាណែត  និងតបតាមសេចក្ដីណែនាំរបស់ធនាគារជាតិនៃកម្ពុជា ធនាគារ វីង បានលុបចោលបំណុលទាំងស្រុងជូនដល់អតិថិជន ឬអ្នករួមខ្ចី ដែលជាយោធិនបានពលី ឬពិការក្នុងពេល​បំពេញ​បេសកកម្ម​ និងលុប​ចោល​បំណុលចំនួន ៧៥% សម្រាប់យោធិនដែលរងរបួស ដែលតម្លៃសរុប​ជិត ៥០.០០០ ដុល្លារអាមេរិក។ ធនាគារ វីង កំពុងធ្វើការដោយផ្ទាល់ជាមួយគ្រួសារយោធិនដើម្បីធានាបាននូវដំណោះស្រាយឆាប់រហ័ស និងប្រកបដោយការគោរពដឹងគុណ។

ដើម្បីប្រារព្ធខួបលើកទី ១៧ របស់ខ្លួន សម្រាប់រាល់គណនីថ្មីដែលបានបើក ធនាគារនឹងបរិច្ចាគ ២០០ រៀលដល់ “មូលនិធិទ្រទ្រង់ជនភៀសសឹក”។ មូលនិធិនេះជួយដល់គ្រួសារជនភៀសសឹក​ កងទ័ព​ដែល​ក្លាហានការពារអធិបតេយ្យភាពកម្ពុជា និងក្រុមគ្រួសារនៃវីរបុរសដែលបានបាត់បង់ជីវិត៕

The post ធនាគារ វីង និងសមាជិកក្រុមហ៊ុនរ៉ូយ៉ាល់គ្រុប ប្រគល់អំណោយដល់យោធិន និងគ្រួសារជនភៀសសឹកនៅខេត្តសៀមរាប appeared first on .

វីង បានផ្តើមពី​សេវាកម្ម​ផ្ទេរ​ប្រាក់​ក្នុង​ស្រុក​ដ៏​សាមញ្ញ​មួយ បច្ចុប្បន្នបាន​វិវឌ្ឍ​ខ្លួនក្លាយ​ជា​ធនាគារ​ដែល​គ្រប់គ្រង​ប្រតិបត្តិការ​រាប់​សិប​ពាន់​លាន​ដុល្លារ​ជា​រៀង​រាល់​ឆ្នាំ ព្រម​ទាំង​បម្រើ​សេវាហិរញ្ញវត្ថុ​ជូន​ប្រជាជនកម្ពុជា​រាប់​លាន​នាក់​តាម​រយៈ​បណ្ដាញ​ភ្នាក់ងារ​ទូទាំងប្រទេស ហើយបានពង្រីកខ្លួនឥតឈប់ឈររហូតដល់មាន​ការ​ទទួល​ស្គាល់​ជា​សកល ដែល​សមិទ្ធផលនេះ​គឺ​ជា​មោទនភាព​ថ្មី​មួយ​សម្រាប់​ប្រទេស​កម្ពុជា។

កាលពី ១៧ ឆ្នាំមុន វីង បានចាប់ផ្ដើមដំណើររបស់ខ្លួនជាមួយនឹងការប្ដេជ្ញាចិត្តដ៏សាមញ្ញមួយ នោះគឺការផ្ដល់ជូនប្រជាជនកម្ពុជានូវសេវាផ្ទេរប្រាក់ដែលមានភាពងាយស្រួល សុវត្ថិភាពខ្ពស់ លឿនរហ័សទាន់ចិត្ត ហើយនៅមិនឆ្ងាយពីគេហដ្ឋាន។ ចាប់ផ្តើមដំណើរការក្នុងនាមជាប្រតិបត្តិករផ្ទេរប្រាក់តាមទូរសព្ទដៃដំបូងគេបង្អស់នៅកម្ពុជា ម៉ូឌែលអាជីវកម្មដែលដឹកនាំដោយភ្នាក់ងាររបស់វីង បាននាំយកសេវាកម្មហិរញ្ញវត្ថុទៅដល់ដៃប្រជាជនដោយផ្ទាល់ មិនថានៅតាមទីផ្សារ ក្នុងភូមិ ឬតំបន់រោងចក្រឡើយ សេវាហិរញ្ញវត្ថុតាមប្រព័ន្ធឌីជីថលរបស់ វីង ត្រូវបានប្រើប្រាស់​សឹងតែគ្រប់ទីកន្លែង ពោលគឺមុនពេលពាក្យ «ហិរញ្ញវត្ថុឌីជីថល» ក្លាយជាពាក្យដែលគេស្គាល់យ៉ាងទូលំទូលាយទៅទៀត។

ក្នុងឆ្នាំ ២០១១ វីង បានក្លាយជាក្រុមហ៊ុនគ្រប់គ្រងដោយជនជាតិខ្មែរពេញលេញ ហើយជំរុញឱ្យមានការផ្លាស់ប្តូរថ្មីមួយ នោះគឺការផ្តោតលើភ្នាក់ងារធនាគារ និងធ្វើ​ប្រតិបត្តិការហិរញ្ញវត្ថុ​តាម​ទូរសព្ទដៃ ដែលប្រជាជនកម្ពុជាអាចប្រើ​ប្រាស់បានគ្រប់គ្នា។ សព្វថ្ងៃនេះ ធនាគារ វីង គឺជាធនាគារពាណិជ្ជរបស់ខ្មែរ ១០០% ដែលមានឈ្មោះផ្លូវការ ធនាគារ វីង (ខេមបូឌា) ម.ក ហើយថែមទាំងបានពង្រីកវិសាលភាពគ្រប់ដណ្តប់ទូទាំងប្រទេស ជាមួយនឹងចក្ខុវិស័យច្បាស់លាស់ ដែលអាចធានា​ថាប្រជាជនកម្ពុជាគ្រប់រូបទទួលបាននូវសេវាហិរញ្ញវត្ថុផ្លូវការ ដើម្បីសម្រួលជីវភាពរស់នៅប្រចាំថ្ងៃ។

ពីការបម្រើសេវាហិរញ្ញវត្ថុតាមសហគមន៍ ក្លាយជាធនាគារពាណិជ្ជ

ភាពជោគជ័យដ៏ត្រចះត្រចង់របស់ វីង ក្នុងការផ្តល់សេវាផ្ទេរប្រាក់ក្នុង និងក្រៅប្រទេស បានបង្ហាញឱ្យឃើញពីតម្រូវការជាក់ស្តែងនៃសេវាហិរញ្ញវត្ថុប្រកបដោយបរិយាបន្ន និងងាយស្រួលប្រើប្រាស់។ ដោយមើលឃើញពីតម្រូវការនេះ វីង បានពង្រីកខ្លួនជាធនាគារឯកទេសក្នុងឆ្នាំ ២០១៤ ហើយក្រោយមកបានក្លាយជាធនាគារពាណិជ្ជពេញលេញក្នុងឆ្នាំ ២០២០ ដែលការវិវឌ្ឍខ្លួនជាបន្តបន្ទាប់នេះគឺជាការពង្រីកសមត្ថភាពដើម្បីបម្រើសេវាកម្មហិរញ្ញវត្ថុគ្រប់តម្រូវការជូនដល់អតិថិជន។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានលើកឡើងថា៖ “វីង ចាប់ផ្តើមដំបូងដោយនាំយកសេវាហិរញ្ញវត្ថុទៅកៀកនឹងការរស់នៅរបស់ប្រជាជន មិនថានៅតាមភូមិ ឬផ្សារនោះឡើយ ពោលគឺបេសកកម្មរបស់យើងគឺផ្តល់នូវសេវាធនាគារដែលបម្រើប្រជាជនឋិតនៅកៀកនឹងលំនៅឋានពួកគាត់រស់នៅ។”

ការខិតខំប្រឹងប្រែងរបស់ វីង គឺលើសពីគោលដៅពង្រីកអាជីវកម្ម ពោលគឺជាការប្តេជ្ញាចិត្តមួយដើម្បីផ្តល់នូវសេវាធនាគារដែលប្រជាជនកម្ពុជាអាចប្រើប្រាស់បានគ្រប់គ្នា ក៏ដូចជាលើកកម្ពស់ចំណេះដឹង និងបរិយាបន្នហិរញ្ញវត្ថុបានកាន់តែប្រសើរ។

នវានុវត្តន៍ដែលនាំមកនូវការផ្លាស់ប្តូរជាវិជ្ជមាន៖ ពីការផ្តួចផ្តើមសេវាហិរញ្ញវត្ថុតាមទូរសព្ទ ភ្នាក់ងារធនាគារ រហូតដល់ការលើកកម្ពស់សិទ្ធអំណាចស្ត្រី

តាមរយៈ​បណ្ដាញ​ភ្នាក់ងារគ្របដណ្ដប់នៅ​ទូទាំង​ប្រទេស មិនថា​នៅ​ទីប្រជុំជន និង​តំបន់​ជនបទ ធនាគារ វីង បាន​នាំ​យក​សេវាកម្ម​ធនាគារដ៏សាមញ្ញដែលប្រជាជនកម្ពុជាអាចប្រើប្រាស់បានគ្រប់ៗគ្នា​ មិនថាសហគមន៍នៅតំបន់​ដាច់​ស្រយាល​ក៏ដោយ។ គួរកត់សម្គាល់ផងដែរថា ៨០% នៃភ្នាក់ងារធនាគារ វីង ទាំងអស់ គឺដឹកនាំដោយស្រ្តី ហើយ​ភាគច្រើនពួកគាត់​ជា​ស្ត្រី​មេផ្ទះ​ ដែល​បាន​ក្លាយ​ជា​អ្នក​ផ្ដល់​ដំណោះស្រាយ​ហិរញ្ញវត្ថុ​អាចទុកចិត្តបាន​សម្រាប់​អ្នក​ជិតខាង​រស់នៅក្នុងសហគមន៍របស់ពួកគាត់។ ការផ្លាស់ប្តូរជាវិជ្ជមាននេះផ្តល់នូវ​អត្ថប្រយោជន៍​ពីរ​យ៉ាង​ដូចជា៖ ​ការ​លើកកម្ពស់សិទ្ធអំណាចដល់​ស្ត្រី​មេផ្ទះតាមរយៈ​ការ​ផ្ដល់​ឱកាស​បង្កើត​ប្រាក់​ចំណូល​ទ្រទ្រង់​គ្រួសារ និង​ការ​ផ្តល់​ដំណោះស្រាយ​ហិរញ្ញវត្ថុអាចទុកចិត្តបានដើម្បីបំពេញតម្រូវការនៅក្នុងសហគមន៍ដោយផ្ទាល់។

លោក ហោ ប៊ុនថែ អគ្គនាយករងនៃធនាគារ វីង បានលើកឡើងថា៖ ”ភ្នាក់ងាររបស់យើង ដើរតួនាទីយ៉ាងសំខាន់ក្នុងការរួមចំណែកលើកស្ទួយជីវភាពសហគមន៍។ នៅពេលដែលស្ត្រីម្នាក់បើកអាជីវកម្មជាភ្នាក់ងារ វីង គាត់មិនគ្រាន់តែបង្កើតប្រាក់ចំណូលសម្រាប់គ្រួសារប៉ុណ្ណោះទេ ប៉ុន្តែក៏បានរួមចំណែកពង្រឹងសេដ្ឋកិច្ចនៅក្នុងសហគមន៍មូលដ្ឋានផងដែរ។” ។

មក​ទល់​បច្ចុប្បន្ន ធនាគារ វីង មាន​សាខា​​ជិត ៣០ ទីតាំង ដែល​គាំទ្រ​ដោយ​បណ្ដាញ​ភ្នាក់ងារ​វីង​ជាង ១២,០០០ កន្លែង និង​ភ្នាក់ងារ​វីង​ម៉ាស្ទ័រ​ជាង ១០០ កន្លែង​នៅ​ទូទាំង​ប្រទេសកម្ពុជា។ ដោយមាន​ការ​គាំទ្រ និង​ទំនុក​ចិត្ត​ពី​អតិថិជន ធនាគារ វីង កំពុង​គ្រប់គ្រង​ទំហំ​ប្រាក់​បញ្ញើ​ជិត ៣ ពាន់​លាន​ដុល្លារ​អាមេរិក និង​កំពុងបម្រើ​អតិថិជនជាង ៩.៥ លាន​គណនី។ លើស​ពី​នេះ​ទៀត អេប ធនាគារ​ វីង ផ្តល់ជូនសេវា​ធនាគារ និងហិរញ្ញវត្ថុជាង ១០០ ប្រភេទ ដែលអាច​ដោះស្រាយគ្រប់​តម្រូវការ​ហិរញ្ញវត្ថុ​ប្រចាំថ្ងៃ​របស់​អតិថិជន ហើយអាចធានាបានថាប្រតិបត្តិការ​ធនាគារ​មានភាពសាមញ្ញ ហើយ​អាច​ប្រើប្រាស់​បាន​គ្រប់ពេលវេលាដែលនេះសរបញ្ជាក់ឱ្យឃើញពីការ​រួម​បញ្ចូល​គ្នា​រវាង​បណ្ដាញ​ធនាគារ​ឌីជីថល និង​បណ្ដាញ​សាខា​ផ្ទាល់ អាច​ដំណើរការ​ទន្ទឹម​គ្នា​ប្រកបដោយ​ប្រសិទ្ធភាព​ខ្ពស់។

ឈ្នះពានរង្វាន់ ចំពោះការផ្តល់ដំណោះស្រាយប្រកបដោយភាពច្នៃប្រឌិត

ទិសដៅចម្បងរបស់ធនាគារ វីង គឺមានភាពច្បាស់លាស់គឺផ្តោតលើការផ្តល់សេវាហិរញ្ញវត្ថុប្រកបដោយភាពច្នៃប្រឌិតដែលប្រជាជនកម្ពុជាអាចប្រើប្រាស់បានគ្រប់គ្នា ក៏ដូចជាប្តេជ្ញាចិត្តលើកកម្ពស់ចំណេះដឹង និងបរិយាបន្នហិរញ្ញវត្ថុក្នុងសហគមន៍។ កត្តាអាទិភាពទាំងនេះហើយ បានជំរុញឱ្យមានការបង្កើតនូវផលិតផលជាច្រើនប្រភេទ ហើយ​ថែមទាំងមានការទទួលស្គាល់ជាសកល ក៏ដូចជាការគាំទ្រឥតងាករេពីអ្នកប្រើប្រាស់ប្រចាំថ្ងៃ។ខាងក្រោមនេះ គឺជាពានរង្វាន់ និងការទទួលស្គាល់មួយចំនួន ដែលធនាគារ វីង សម្រេចបានក្នុងរយៈពេលកន្លងមក៖

ធនាគារ វីង បាននាំមុខគេនៅក្នុងវិស័យហិរញ្ញវត្ថុ ដោយទទួលបានពានរង្វាន់ជាគ្រឹះស្ថានធនាគារដ៏លេចធ្លោនៅកម្ពុជា លើការទូទាត់មិនប្រើក្រដាសប្រាក់ និងការរួមចំណែកល្អបំផុតនៅក្នុងសង្គមឆ្នាំ ២០២៤ ប្រគល់ជូនដោយស្ថាប័នព័ត៌មានហិរញ្ញវត្ថុដ៏ល្បីល្បាញ CFI.co ដែលការទទួលស្គាល់នេះនឹងជួយពង្រឹងកិត្តិនាមធនាគារ វីង ឱ្យកាន់តែរឹងមាំលើការផ្តល់ដំណោះស្រាយហិរញ្ញវត្ថុងាយស្រួលប្រើប្រាស់ក្នុងវិស័យធនាគារដែលជំរុញដោយបច្ចេកវិទ្យាដ៏ទំនើប។

ជាលទ្ធផលនៃការប្តេជ្ញាចិត្តឥតឈប់ឈរចំពោះនវានុវត្តន៍ឌីជីថល ធនាគារ វីង បានដាក់ឱ្យដំណើរការនូវ ម៉ាស្ទ័រកាត វ័នកាត​ ដែលមានមុខងារឥណពន្ធ និងឥណទាន នៅក្នុងកាតតែមួយ។ ភាពលេចធ្លោនៃផលិតផលនេះ ត្រូវបានទទួលស្គាល់ជាអន្តរជាតិកាលពីដើមឆ្នាំកន្លងទៅ ជាមួយនឹងការប្រគល់ពានរង្វាន់ដ៏មានកិត្យានុភាពចំនួនបីប្រចាំឆ្នាំ២០២៤ពីក្រុមហ៊ុនម៉ាស្ទ័រកាតរួមមាន៖ ពានរង្វាន់ប្រតិបត្តិការកាតឥណពន្ធនាំមុខគេ ពានរង្វាន់ប្រតិបត្តិការឆ្លងដែននាំមុខគេ និងពានរង្វាន់នវានុវត្តន៍ឆ្នើម។

ដើម្បីឆ្លើយតបនឹងតម្រូវការបន្ទាន់របស់អតិថិជន មិនថាជាការចំណាយលើការព្យាបាលជំងឺ ថ្លៃសិក្សា ឬការពង្រីកអាជីវកម្មក្តី ធនាគារ វីង បានដាក់ឱ្យដំណើរការនូវសេវាកម្ចីឌីជីថល ដែលអនុញ្ញាតឱ្យអ្នកប្រើប្រាស់ស្នើសុំកម្ចីដោយផ្ទាល់តាមអេប ធនាគារ វីង ដែលអតិថិជនមិនចាំបាច់ធ្វើដំណើរទៅកាន់សាខាដោយផ្ទាល់ និងការបំពេញឯកសារស្មុគស្មាញនោះឡើយ។

ជាមួយគ្នានេះ សម្រាប់អតិថិជនដែលមានផែនការហិរញ្ញវត្ថុសម្រាប់អនាគត ធនាគារ វីង ក៏បានបង្កើតមុខងារ «សន្សំដើម្បីគោលដៅ» (Save for​ a Goal) ដែលអនុញ្ញាតឱ្យអ្នកប្រើប្រាស់អាចដាក់ប្រាក់សន្សំបានគ្រប់ពេលវេលា រហូតដល់គ្រប់ចំនួនទឹកប្រាក់តាមគោលដៅចង់បាន។ បន្ថែមពីលើនេះ ធនាគារ វីង ក៏ជួយជំរុញគោលដៅហិរញ្ញវត្ថុរបស់អតិថិជនសម្រេចបានកាន់តែឆាប់រហ័ស ដោយផ្តល់នូវអត្រាការប្រាក់ប្រកួតប្រជែងលើប្រាក់សន្សំ។​ គំនិតច្នៃប្រឌិតលើសេវាកម្មហិរញ្ញវត្ថុទាំងពីរនេះ បាននាំមកនូវការទទួលស្គាល់ជាអន្តរជាតិពីទស្សនាវដ្តី Global Brand Magazine ក្នុងឆ្នាំ ២០២៥ ផងដែរ។

ថ្នាលឌីជីថល Wingagri ដែលជាផ្នែកដ៏សំខាន់មួយនៃប្រព័ន្ធអេកូឡូស៊ីរបស់ធនាគារ វីង ទទួលបានពានរង្វាន់ «ស្ថាប័ន​ល្អបំផុតប្រចាំឆ្នាំ ពីកម្មវិធីពានរង្វាន់ឌីជីថលកម្ពុជាលើកទី ១០ ប្រចាំឆ្នាំ ២០២៤។ តាមរយៈការជួយឱ្យប្រតិបត្តិការទូទាត់ដំណើរការទៅដោយរលូន ភាពងាយស្រួលក្នុងការផ្សព្វផ្សាយផលិតផល និងការផ្សាភ្ជាប់រវាងអ្នកលក់ និងអ្នកទិញ Wingagri ជួយភ្ជាប់គម្លាតទាំងនេះបានកាន់តែប្រសើរនៅក្នុងវិស័យកសិកម្ម ដោយជួយឱ្យកសិករទទួលបាននូវឥណទានសមស្រប ការភ្ជាប់បណ្តាញទំនាក់ទំនងនៅក្នុងទីផ្សារ ព្រមទាំងជួយផ្តល់ដំណោះស្រាយវិភាគបែបទំនើបដើម្បីជាជំនួយស្មារតីសម្រាប់ប្រតិបត្តិការអាជីវកម្មក្នុងវិស័យកសិកម្មយ៉ាងមានប្រសិទ្ធភាពផងដែរ។

នៅឆ្នាំ ២០២៥ ធនាគារ វីង បាននាំមុខគេមួយជំហានទៀតក្នុងការធ្វើទំនើបកម្មវិស័យធនាគារនៅកម្ពុជា តាមរយៈការដាក់ឱ្យដំណើរការនូវសេវាកម្ម «ដកប្រាក់ឥតគិតថ្លៃ»។ នេះជាព្រឹត្តិការណ៍មិនធ្លាប់មានពីមុនមក ដែលអតិថិជនធនាគារ​ វីង ទាំងអស់អាចដកប្រាក់ពីគណនីធនាគារ វីង នៅតាមភ្នាក់ងារ វីង ឬម៉ាស៊ីន ATM ដោយមិនគិតសេវាបន្ថែមឡើយ ដែលនេះជាការវិវឌ្ឍថ្មីមួយសម្រាប់វិស័យធនាគារនៅកម្ពុជា។ តាមរយៈការលុបចោលទាំងស្រុងនូវការយកកម្រៃសេវាពីការដកប្រាក់របស់អតិថិជន ធនាគារ វីង បានជួយសម្រួលដល់អតិថិជនក្នុងការគ្រប់គ្រងហិរញ្ញវត្ថុរបស់ពួកគេកាន់តែពេញលេញ ព្រមទាំងលើកទឹកចិត្តឱ្យមានការប្រើប្រាស់គណនីឌីជីថល និងកសាងទំនុកចិត្តផ្នែកហិរញ្ញវត្ថុកាន់តែរឹងមាំទៀតផង។

បណ្ឌិត ឌីមីត្រូ កូលេកកូ បានគូសបញ្ជាក់ថា៖ ”ការដាក់ឱ្យដំណើរការសេវាដកប្រាក់ឥតគិតថ្លៃ គឺការផ្តល់ជូនអតិថិជននូវការគ្រប់គ្រងហិរញ្ញវត្ថុរបស់ពួកគាត់បានយ៉ាងពេញលេញ។ ។ ដរាបណាអតិថិជនមានលុយនៅក្នុងគណនីធនាគារ ពួកគាត់អាចដកយកប្រើប្រាស់បានគ្រប់ពេលវេលា និងគ្រប់ទីកន្លែង ដោយមិនចាំបាច់ចំណាយកម្រៃសេវាបន្ថែមនោះឡើយ។”

កិច្ចសហប្រតិបត្តិការដែលនាំកម្ពុជាទៅកាន់ពិភពលោក

ធនាគារ វីង កំពុងបន្តពង្រីកវិសាលភាពរបស់ខ្លួន តាមរយៈការបង្កើតភាពជាដៃគូយុទ្ធសាស្ត្រ ដើម្បីផ្តល់ជូនសេវាកម្មកាន់តែសម្បូរបែប, អត្ថប្រយោជន៍កាន់តែច្រើន, និងឱកាសកាន់តែទូលំទូលាយជូនដល់ប្រជាជនកម្ពុជា។ ជាក់ស្តែងក្នុងឆ្នាំ ២០២៥ នេះ ធនាគារបានសម្រេចនូវកិច្ចសហការជាយុទ្ធសាស្ត្រធំៗជាច្រើន ដើម្បីសម្រួលដល់ជីវភាពរស់នៅប្រចាំថ្ងៃ ក៏ដូចជាផ្តល់នូវ​ឱកាសថ្មីៗបន្ថែមទៀតជូនដល់អតិថិជនរបស់ខ្លួនរួមមាន៖

កិច្ចសហប្រតិបត្តិការរវាងធនាគារ វីង និងធនាគារ ស៊ីអាយអិមប៊ី សិង្ហបុរី នៅថ្ងៃទី៣ ខែមិថុនា ឆ្នាំ២០២៥តាមរយៈការចុះអនុស្សរណៈនៃការយោគយល់គ្នាជាយុទ្ធសាស្រ្ត លើការផ្តល់សេវាកម្មហិរញ្ញវត្ថុឆ្លងដែនសម្រាប់សហគ្រាសធុនតូច និងមធ្យម, ពាណិជ្ជករ, ក៏ដូចជាអតិថិជនទូទៅដែលមានតម្រូវការសេវាហិរញ្ញវត្ថុក្នុងប្រទេសទាំងពីរ។

កិច្ចសហការរវាងធនាគារ វីង និងក្រុមហ៊ុនតូតាល់ អេនើជី នៅថ្ងៃទី១០ ខែមិថុនា ឆ្នាំ២០២៥ ដែលភាគីទាំងពីរបានរួមគ្នាដាក់ឱ្យដំណើរការនូវកម្មវិធីកម្ចីពិសេសមួយ ក្នុងគោលបំណងគាំទ្រផ្នែកហិរញ្ញវត្ថុដល់ដៃគូចែកចាយប្រេងឥន្ធនៈ និងប្រេងម៉ាស៊ីនរបស់ក្រុមហ៊ុនតូតាល់ អេនើជី ដែលអាចមានលទ្ធភាពស្នើកម្ចីដល់ទៅ ៣លានដុល្លារអាមេរិក ក្នុងមួយគម្រោង សម្រាប់ការសាងសង់ កែលម្អហេដ្ឋារចនាសម្ព័ន្ធទីតាំង និងធ្វើទំនើបកម្មស្ថានីយសេវាកម្មនៅទូទាំងប្រទេស។

កិច្ចសហប្រតិបត្តិការរវាងធនាគារ វីង និងក្រុមហ៊ុនអាកាសចរណ៍ Singapore Airlines នៅថ្ងៃទី១ ខែសីហា ឆ្នាំ២០២៥ ៖ធនាគារ វីង បានប្រកាសពីភាពជាដៃគូជាផ្លូវការជាមួយក្រុមហ៊ុនអាកាសចរណ៍ Singapore Airlines ដែលចាប់ពីពេលនេះតទៅ អតិថិជនដែលប្រើប្រាស់ អេប ធនាគារ វីង អាចប្តូរ Wingpoints របស់ខ្លួនទៅ KrisFlyer miles។ កិច្ចសហការនេះ ផ្តល់ឱកាសឱ្យអ្នកដំណើរកម្ពុជាអាចធ្វើដំណើរទៅកាន់គោលដៅផ្សេងៗទូទាំងពិភពលោកបានកាន់តែងាយស្រួល និងទទួលបានអត្ថប្រយោជន៍ច្រើនជាងមុន។

កិច្ចសហប្រតិបត្តិការរវាងធនាគារ វីង និងកំពង់ផែស្វយ័តក្រុងព្រះសីហនុ នៅថ្ងៃទី៥ ខែសីហា ឆ្នាំ២០២៥៖ ភាគីទាំងពីរបានចុះហត្ថលេខាលើអនុស្សរណៈនៃការយោគយល់គ្នា ដើម្បីដាក់ឱ្យដំណើរការនូវដំណោះស្រាយទូទាត់តាមប្រព័ន្ធឌីជីថល សម្រាប់រាល់ប្រតិបត្តិការទូទាត់ថ្លៃសេវាកំពង់ផែ, សេវាភស្តុភារ, និងការដឹកជញ្ជូនទំនិញសំដៅជួយសម្រួលដល់លំហូរពាណិជ្ជកម្ម ក៏ដូចជាពង្រឹងការធ្វើពាណិជ្ជកម្មរបស់កម្ពុជានៅក្នុងតំបន់។ ។

កិច្ចសហប្រតិបត្តិការរវាងធនាគារ វីង និងសាលាអន្តរជាតិ ស៊ី អាយ អេ ហ្វឺសត៍ នៅថ្ងៃទី១២ ខែសីហា ឆ្នាំ២០២៥៖ ភាគីទាំងពីរបានចាប់ដៃគូជាយុទ្ធសាស្ត្រ ក្នុងគោលបំណងគាំទ្រដល់គ្រួសារ និងសិស្សានុសិស្ស តាមរយៈការដាក់ឱ្យដំណើរការប្រព័ន្ធទូទាត់ថ្លៃសិក្សាតាមឌីជីថល ការផ្តល់ជូនកញ្ចប់សេវាហិរញ្ញវត្ថុពិសេស និងការលើកកម្ពស់ចំណេះដឹងផ្នែកហិរញ្ញវត្ថុដល់សិស្សានុសិស្ស។ កិច្ចសហការនេះ នឹងរួមចំណែកធ្វើឱ្យការទទួលបានសេវាអប់រំប្រកបដោយគុណភាពខ្ពស់ កាន់តែមានភាពងាយស្រួលសម្រាប់សហគមន៍។

លើសពីសេវាធនាគារ៖ ត្រួសត្រាយផ្លូវថ្មីសម្រាប់ពាណិជ្ជកម្ម និងជីវភាពរស់នៅ

ការប្តេជ្ញាចិត្តរបស់ធនាគារ វីង ចំពោះនវានុវត្តន៍ មានវិសាលភាពធំធេងលើសពីសេវាហិរញ្ញវត្ថុតាមបែបប្រពៃណី។ តាមរយៈការវិនិយោគក្នុងវិស័យពាណិជ្ជកម្មអេឡិចត្រូនិក, កសិកម្ម, និងថ្នាលឌីជីថល ធនាគារ វីង កំពុងបង្កើតនូវដំណោះស្រាយថ្មីៗដើម្បីឱ្យអាជីវកម្ម និងសហគមន៍នៅទូទាំងប្រទេសកម្ពុជាអាចរីកចម្រើនលូតលាស់យ៉ាងរលូន។

Wingmall៖ បានដាក់ឱ្យដំណើរការក្នុងអំឡុងពេលនៃការរាតត្បាតជំងឺកូវីដ-១៩​ ហើយបានដើរតួនាទីយ៉ាងសំខាន់ក្នុងការជួយផ្សាភ្ជាប់សហគ្រាសធុនតូច និងមធ្យម ទៅកាន់សហគមន៍ ក្នុងអំឡុងពេលនៃការរឹតបន្តឹងការធ្វើដំណើរ។ នៅពេលដែលការរាំងស្ទះពាណិជ្ជកម្មនៅតាមព្រំដែនជាមួយប្រទេសថៃបានប៉ះពាល់ដល់អាជីវកម្មក្នុងស្រុក Wingmall បានសម្រេចលុបចោលកម្រៃជើងសារ ក្នុងគោលបំណងគាំទ្រដល់ការងើបឡើងវិញនៃសេដ្ឋកិច្ច និងធានាឱ្យលំហូរពាណិជ្ជកម្មក្នុងស្រុកអាចបន្តដំណើរការទៅមុខបាន។

Wingshop៖ ឈរលើភាពជោគជ័យរបស់ Wingmall, Wingshop បានពង្រីកវិសាលភាពរបស់ខ្លួនទៅលើផលិតផលក្រៅពីម្ហូបអាហារ ព្រមទាំងធ្វើសមាហរណកម្មជាមួយអេប Taobao។ គំនិតផ្តួចផ្តើមនេះ មានគោលបំណងផ្តល់ជូនអតិថិជនកម្ពុជានូវបទពិសោធន៍ទិញទំនិញអនឡាញកាន់តែឆាប់រហ័ស, ងាយស្រួល, និងមានតម្លៃសមរម្យជាងមុន។

WingAgri និង WingMarket៖ ថ្នាលឌីជីថលទាំងនេះ ជួយពង្រឹងសមត្ថភាពកសិករ និងអ្នកចែកចាយ តាមរយៈការផ្តល់លទ្ធភាពឱ្យពួកគេទទួលបានសេវាហិរញ្ញវត្ថុងាយស្រួលប្រើប្រាស់, សេវាដឹកជញ្ចូន, ក៏ដូចជាភាពងាយស្រួលគ្រប់គ្រងជាមួយប្រព័ន្ធទូទាត់ឌីជីថល។ តាមរយៈការធ្វើទំនើបកម្មខ្សែច្រវ៉ាក់ផ្គត់ផ្គង់កសិកម្មតាមប្រព័ន្ធឌីជីថល ធនាគារ វីង កំពុងរួមចំណែករក្សាតម្លៃស្របតាមបរិការណ៍សេដ្ឋកិច្ចក្នុងស្រុក ក៏ដូចជាជំរុញកំណើនប្រកបដោយនិរន្តរភាព។

គំនិតផ្តួចផ្តើមទាំងអស់នេះ បង្ហាញពីចក្ខុវិស័យរបស់ធនាគារ វីង ក្នុងការប្រើប្រាស់បច្ចេកវិទ្យា និងហិរញ្ញវត្ថុ ដើម្បីជំរុញវឌ្ឍនភាពជាតិ ពង្រឹងការអភិវឌ្ឍក្នុងសហគមន៍ និងលើកកម្ពស់ជីវភាពរស់នៅប្រចាំថ្ងៃរបស់ប្រជាជនឱ្យកាន់តែប្រសើរឡើង។

ការប្តេជ្ញាចិត្តរបស់ធនាគារ វីង ចំពោះសហគមន៍

ធនាគារ វីង តែងតែប្រកាន់ខ្ជាប់នូវទំនាក់ទំនងយ៉ាងស៊ីជម្រៅជាមួយសហគមន៍។ តាមរយៈកម្មវិធីទំនួលខុសត្រូវសង្គម ធនាគារ វីង បានបង្កើតគំនិតផ្តួចផ្តើមជាវិជ្ជមានដល់ប្រជាជនរាប់ពាន់នាក់ ដោយផ្តោតលើវិស័យអាទិភាពដូចជា៖ សហគ្រិនភាព, ការអប់រំ, បរិស្ថាន, សុខភាព, និងការងារមនុស្សធម៌។

សហគ្រិនភាព និងនវានុវត្តន៍៖ ធនាគារ វីង គឺជាដៃគូគាំទ្រដ៏រឹងមាំនៃប្រព័ន្ធអេកូឡូស៊ីសម្រាប់ធុរកិច្ចថ្មីដែលប្រើប្រាស់បច្ចេកវិទ្យានៅកម្ពុជា។ តាមរយៈកិច្ចសហការយ៉ាងជិតស្និទ្ធជាមួយមជ្ឈមណ្ឌលបណ្តុះធុរកិច្ចថ្មី តេជោ ចាប់តាំងពីឆ្នាំ២០២០មក ធនាគារបានគាំទ្រដល់កម្មវិធីធំៗជាច្រើនដូចជា៖ កម្មវិធីនវានុវត្តន៍បញ្រ្ចាស (ចាប់ពីរដូវកាលទី ១ ដល់ទី ៤), កម្មវិធីពន្លឿនអាជីវកម្មសហគ្រាសធុនតូច និងមធ្យមឌីជីថល ២០២១, កម្មវិធី Turning Hackathon រដូវកាលទី៦, ដំណើរទស្សនកិច្ចស្វែងយល់ពីប្រព័ន្ធធុរកិច្ចថ្មីនៅប្រទេសវៀតណាម និង កម្មវិធីពន្លឿនអាជីវកម្មថ្នាលឌីជីថល រដូវកាលទី ១,  រដូវកាលទី ២ និង រដូវកាលទី ៤ ជា​ដើម។ សរុបជារួម កម្មវិធីទាំងអស់នេះបានគាំទ្រដល់ធុរកិច្ចថ្មី ចំនួន ១៦០អាជីវកម្ម និងបានរួមចំណែកបង្កើតឱកាសការងារថ្មីៗជាង ២,០០០កន្លែង។

ការអប់រំ និងការអភិវឌ្ឍយុវជន៖ ធនាគារ វីង បានចូលរួមគាំទ្រវិស័យអប់រំ តាមរយៈការឧបត្ថម្ភថវិកាចំនួន ៧២,៨០៧ ដុល្លារអាមេរិក ដល់កម្មវិធីអប់រំ STEM សម្រាប់សិស្សនារីវ័យក្មេងរបស់អង្គការមូលនិធិកុមារកម្ពុជា ដែលកំពុងសិក្សានៅសាលាTomorrow Academy។ គំនិតផ្តួចផ្តើមនេះ បានផ្តល់ការគាំទ្រយ៉ាងពេញលេញដល់សិស្សានុសិស្សចំនួន ១៣៨នាក់ ក្នុងនោះមានសិស្សនារីវ័យក្មេងចំនួន ៨៨នាក់ តាមរយៈការផ្តល់ការប្រឹក្សានិងតម្រង់ទិស, ឱកាសកម្មសិក្សា, និងការសិក្សាដោយផ្ទាល់នៅក្នុងថ្នាក់ ដើម្បីកសាងមូលដ្ឋានគ្រឹះដ៏រឹងមាំសម្រាប់អ្នកដឹកនាំរបស់កម្ពុជានាពេលអនាគត។

ការចូលរួមចំណែកផ្នែកបរិស្ថាន៖ ក្នុងឱកាសប្រារព្ធរុក្ខទិវា បុគ្គលិកធនាគារ វីង ជាង ៣០០នាក់ បានសហការជាមួយអាជ្ញាធរមូលដ្ឋាន ចូលរួមដាំដើមឈើ និងកែលម្អសោភ័ណភាពទីធ្លាសាលារៀន។ ទន្ទឹមនឹងនេះ ធនាគារ វីង ក៏បានឧបត្ថម្ភថវិកាប្រមាណ ៨,០០០ ដុល្លារអាមេរិក សម្រាប់គម្រោងកែលម្អហេដ្ឋារចនាសម្ព័ន្ធនៅសាលាបឋមសិក្សាក្នុងមូលដ្ឋាននោះផងដែរ។ សកម្មភាពទាំងនេះ សរបញ្ជាក់យ៉ាងច្បាស់ពីការប្តេជ្ញាចិត្តរបស់ធនាគារចំពោះការលើកកម្ពស់និរន្តរភាពបរិស្ថាន។

ការចូលរួមចំណែកក្នុងវិស័យសុខាភិបាល៖ ចាប់តាំងពីឆ្នាំ២០២០មក ធនាគារ វីង បានក្លាយជាដៃគូគាំទ្រដ៏យូរអង្វែងរបស់មន្ទីរពេទ្យកុមារអង្គរ តាមរយៈការបន្តផ្តល់ការឧបត្ថម្ភផ្នែកហិរញ្ញវត្ថុ ដើម្បីធានាថា កុមារកម្ពុជាដែលងាយរងគ្រោះទទួលបានការព្យាបាលប្រកបដោយគុណភាព និងឥតគិតថ្លៃ។

ការគាំទ្រផ្នែកមនុស្សធម៌៖ ដើម្បីចូលរួមជួយសម្រាលទុក្ខលំបាកប្រជាជននៅតាមបណ្តោយព្រំដែនកម្ពុជា-ថៃ ធនាគារ វីង រួមជាមួយសមាជិកផ្សេងទៀតនៃក្រុមហ៊ុនរ៉ូយ៉ាល់គ្រុប បានរួមគ្នាផ្តល់ជំនួយសង្គ្រោះបន្ទាន់ជូនដល់ប្រជាពលរដ្ឋដែលបានផ្លាស់ទីលំនៅដោយបង្ខំនៅក្នុងខេត្តព្រះវិហារ។

បណ្ឌិត ឌីមីត្រូ កូលេកកូ បានបន្ថែមថា៖ ” ភាពជោគជ័យរបស់យើងមិនគ្រាន់តែវាស់វែងតាមរយៈលទ្ធផលកំណើនអាជីវកម្មនោះឡើយ ប៉ុន្តែគំនិតផ្តួចផ្តើម​ដែលនាំមកនូវផលវិជ្ជមានសម្រាប់ការរស់របស់ប្រជាជនក្នុងសហគមន៍ ក៏ជាផ្នែកមួយនៃតម្លៃស្នូលរបស់យើងផងដែរ។”

ការប្តេជ្ញាចិត្តរបស់ធនាគារ វីង ចំពោះការអភិវឌ្ឍសហគមន៍ ត្រូវបានទទួលស្គាល់ជាបន្តបន្ទាប់ក្នុងកម្រិតថ្នាក់ជាតិ។ ការទទួលស្គាល់ទាំងនេះ មិនមែនជាគោលដៅចម្បងនោះទេ ប៉ុន្តែជាសក្ខីភាពដែលឆ្លុះបញ្ចាំងពីគុណតម្លៃស្នូលរបស់ធនាគារ វីង។ ជាក់ស្តែង ធនាគារ វីង បានទទួលពានរង្វាន់ធំៗចំនួនពីររួមមាន៖

• ពានរង្វាន់បរិយាបន្នឌីជីថល (Digital Inclusion Award)៖ ត្រូវបានផ្តល់ចំពោះកិច្ចសហការដ៏មានឥទ្ធិពល និងយូរអង្វែងជាមួយមជ្ឈមណ្ឌលបណ្តុះធុរកិច្ចថ្មី តេជោ តាំងពីឆ្នាំ២០២០មក ក្នុងការគាំទ្រដល់នវានុវត្តន៍ និងសហគ្រិនភាពនៅកម្ពុជា។
• ពានរង្វាន់លើកកម្ពស់ចំណេះដឹងហិរញ្ញវត្ថុ (Financial Literacy Award)៖ ត្រូវបានផ្តល់សម្រាប់កិច្ចសហការជាមួយ “អេបកត់លុយ” លើកម្មវិធី «យុវជន និងហិរញ្ញវត្ថុ» កាលពីខែតុលា ឆ្នាំ២០២៤។

១៧ឆ្នាំ និងដំណើរឆ្ពោះទៅអនាគត

ក្នុងរយៈពេល ១៧ឆ្នាំកន្លងមកនេះ ធនាគារ វីង នៅតែបន្តប្រកាន់ខ្ជាប់នូវគោលជំហររបស់ខ្លួនឥតងាករ នោះគឺការនាំយកសេវាកម្មហិរញ្ញវត្ថុទៅដល់ប្រជាពលរដ្ឋកម្ពុជានៅគ្រប់ទីកន្លែង។ ប៉ុន្តែពេលនេះ បេសកកម្មនោះត្រូវបានគាំទ្រដោយសក្តានុពលពេញលេញនៃធនាគារពាណិជ្ជ, បណ្តាញភ្នាក់ងារដែលដឹកនាំដោយស្ត្រី, ផលិតផលឌីជីថលប្រកបដោយនវានុវត្តន៍ដែលទទួលបានពានរង្វាន់, និងភាពជាដៃគូយុទ្ធសាស្ត្រដែលជំរុញការធ្វើពាណិជ្ជកម្មក្នុងតំបន់។ ហើយការប្តេជ្ញាចិត្តនៅតែបន្តអនុវត្តយ៉ាងជាប់លាប់រហូតមកនោះគឺ៖ ការផ្តល់សេវាហិរញ្ញវត្ថុប្រកបដោយភាពច្នៃប្រឌិត ហើយងាយស្រួល ដែលប្រជាជនកម្ពុជាអាចប្រើប្រាស់បានគ្រប់គ្នា។

ពីសេវាកម្មផ្ទេរប្រាក់ដ៏តូចមួយនៅតាមសហគមន៍ ក្លាយទៅជាធនាគារពាណិជ្ជដែលមានចក្ខុវិស័យជាសកល ដំណើរដ៏វែងឆ្ងាយរបស់ធនាគារ វីង គឺជាសក្ខីភាពនៃការប្រកាន់ភ្ជាប់ចក្ខុវិស័យដ៏ច្បាស់លាស់ ការផ្តោតលើភាពច្នៃប្រឌិត និងការប្តេជ្ញាចិត្តដ៏មោះមុត។ នេះគឺជារឿងរ៉ាវដែលបង្ហាញពីក្រុមហ៊ុនដែលរីកធំធាត់ក្នុងស្រុក ហើយបន្តពង្រីកខ្លួនឥតឈប់ឈរក្លាយជាស្ថាប័នសកល ដើម្បីនាំមកនូវផលវិជ្ជមានយូរអង្វែងសម្រាប់សហគមន៍។

ស្របពេលដែលធនាគារ វីង ឈានចូលឆ្នាំទី១៨ ការប្តេជ្ញាចិត្តមិនប្រែប្រួលឡើយ ពោលគឺការជួយឱ្យប្រជាជនកម្ពុជាទទួលបាននូវមធ្យោបាយ, ចំណេះដឹង, និងឱកាសដែលពួកគេត្រូវការដើម្បីរីកលូតលាស់។

បណ្ឌិត ឌីមីត្រូ កូលេកកូ បានបន្ថែមទៀតថា៖ ”ដ្បិតយើងបានឆ្លងកាត់ដំណើរដ៏វែងឆ្ងាយ  ប៉ុន្តែនេះគ្រាន់តែជាការចាប់ផ្តើមប៉ុណ្ណោះ។ អនាគតគឺឋិតលើការរិះរកនូវការបង្កើតគំនិតច្នៃប្រឌិតថ្មីៗ ហើយធនាគារ វីង នឹងបន្តប្តេជ្ញាចិត្តឥតងាករេក្នុងការបង្កើតដំណោះស្រាយឌីជីថលថ្មីៗបន្ថែមទៀតដើម្បីគាំទ្រភាពរីកចម្រើនរបស់កម្ពុជា។”

The post វីង អបអរសាទរខួប ១៧ ឆ្នាំ ក្នុងការបម្រើសេវាហិរញ្ញវត្ថុនៅកម្ពុជា appeared first on .

កំពង់ផែស្វយ័តក្រុងព្រះសីហនុ (PAS) ដែលជាក្រុមហ៊ុនចុះបញ្ជីជាសាធារណៈបានចុះហត្ថលេខាលើអនុស្សរណៈនៃការយោគយល់គ្នា ជាមួយធនាគារ វីង (ខេមបូឌា) ម.ក ដើម្បីធ្វើឱ្យ​ប្រសើរឡើង​នូវ​ដំណោះស្រាយទូទាត់តាមប្រព័ន្ធឌីជីថល ក្នុងគោលបំណងសម្រួលការគ្រប់គ្រងទំនិញ និងពង្រីកលទ្ធភាពទទួល​បាន​សេវា​ហិរញ្ញវត្ថុសម្រាប់ម្ចាស់​អាជីវកម្ម ព្រមទាំង​ក្រុមហ៊ុន​ផ្តល់សេវាដឹកជញ្ជូននៅទូទាំងប្រទេសកម្ពុជា។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានមានប្រសាសន៍ថា៖​ “ធនាគារ វីង​ ដែលជាក្រុមហ៊ុន​របស់​ខ្មែរ​សុទ្ធ​សាធ ហើយ​តែងតែ​ប្តេជ្ញាចិត្តបម្រើប្រជាជនកម្ពុជាគ្រប់រូប មានសេចក្តី​សោមនស្ស​រីក​រាយ​ដែល​បានសហការ​ជាមួយកំពង់ផែស្វយ័តក្រុងព្រះសីហនុ ដើម្បីបំពេញការងារ​ប្រកបដោយអត្ថន័យជាមួយ​កំពង់ផែផ្ទាល់ បុគ្គលិក  និងម្ចាស់អាជីវកម្មដែលប្រើប្រាស់​សេវាកម្មរបស់កំពង់ផែ”។

ពិធីចុះហត្ថលេខាលើអនុស្សរណៈយោគយល់គ្នានេះ ត្រូវបានប្រារព្វ​ឡើងក្រោមអធិបតីភាពឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ ព្រមទាំង​​អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន​រ៉ូយ៉ាល់គ្រុប។

នេះគឺជាជំហានដ៏សំខាន់មួយឆ្ពោះទៅរកប្រព័ន្ធកំពង់ផែបែប​ទំនើប ដែលអាច​ឆ្លើយតបកាន់តែឆាប់​រហ័ស​ចំពោះ​តម្រូវ​កា​រ​ផ្សេងៗ។ ការទូទាត់តាមឌីជីថលនឹងជួយ​ពន្លឿនការដឹក​ជញ្ជូន​ទំនិញ កាត់បន្ថយការកកស្ទះ និងធ្វើប្រសើរឱ្យ​ឡើងនូវការផ្តល់សេវា​សង្វាក់ដឹកជញ្ជូនទាំងមូល។

តាមរយៈភាពជាដៃគូនេះ អតិថិជនរបស់កំពង់ផែស្វយ័តក្រុងព្រះសីហនុ ឥឡូវនេះអាចទូទាត់តាមរយៈកម្មវិធី PAS Mobile ដោយប្រើប្រាស់​គណនី​ និង KHQR របស់​ធនាគារ វីង​ ដែលផ្តល់នូវ​ការទូទាត់​ឆាប់រហ័ស និង​មានសុវត្ថិភាពខ្ពស់​ ​។

ភាពជាដៃគូនេះគឺជាព្រឹត្តិការណ៍ដ៏សំខាន់មួយនៅក្នុងដំណើររបស់ប្រទេសកម្ពុជាឆ្ពោះទៅរកប្រព័ន្ធពា​ណិជ្ជកម្មមួយ​ជា​លក្ខណៈ​ឌីជីថល​ មាន​ប្រសិទ្ធភាព និងភ្ជាប់ទំនាក់ទំនង​ច្រើន​ជាង​មុន​៕

The post ធនាគារ វីង ក្លាយ​ជាដៃគូទូទាត់ផ្លូវការកំពង់ផែស្វយ័តក្រុងព្រះសីហនុ appeared first on .

ខេត្តកំពង់ធំ, ថ្ងៃទី ២១ ខែកក្កដា ឆ្នាំ២០២៥៖ ធនាគារ វីង (ខេមបូឌា) ម.ក បានបន្តពង្រីកវត្តមានរបស់ខ្លួនបន្ថែមទៀត ជាមួយនឹងការបើកសម្ពោធសាខាថ្មី​របស់ខ្លួនក្នុងខេត្តកំពង់ធំ ដែលជាផ្នែកមួយនៃការប្តេជ្ញាចិត្តក្នុងការនាំយកសេវាធនាគារដ៏សម្បូរបែប ឱ្យ​កាន់តែជិតក្នុងសហគមន៍នៅទូទាំងប្រទេសកម្ពុជា។

ពិធីសម្ពោធនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ថោង ខុន ទេសរដ្ឋ​​​​​​មន្ដ្រីទទួលបន្ទុកបេសកកម្មពិសេស និងជាអនុប្រធានទី១ ក្រុមការងារគណបក្សចុះមូលដ្ឋានខេត្តកំពង់ធំ,លោក គង់ ចំណាប់ នាយកសាខាធនាគារជាតិនៃកម្ពុជា ខេត្តកំពង់ធំ តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា។

កម្មវិធីនេះក៏មានការផ្តល់កិត្តិយសអញ្ជើញចូលរួមពី ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ, អ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប, លោកជំទាវ អ្នកឧកញ៉ា ម៉ៅ ចំណាន នាយិកាប្រតិបត្តិការនៃធនាគារ វីង, អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប និងជាប្រធានសមាគមសិល្បករខ្មែរ, ឧកញ៉ា គិត ស៊ូឡា នាយកគ្រប់គ្រងផ្នែកប្រតិបត្តិការ ក្រុមហ៊ុនរ៉ូយ៉ាល់គ្រុប អន្តរជាតិ ព្រមទាំងវត្តមានភ្ញៀវកិត្តិយសជាច្រើនរូបទៀត។

មានទីតាំងស្ថិតនៅចំកណ្តាលក្រុងកំពង់ធំ ទល់មុខវិមានឯករាជ្យ សាខាថ្មីនេះនឹងផ្តល់ជូននូវសេវាកម្មធនាគារដ៏សម្បូរបែបដែលរួមមាន៖ សេវាកម្ចី ប្រាក់បញ្ញើ ការផ្ទេរប្រាក់ទៅក្រៅប្រទេស ការទូទាត់វិក្កយបត្រផ្សេងៗ ព្រមទាំងដំណោះស្រាយហិរញ្ញវត្ថុជាច្រើនផ្សេងទៀត ដែលអាចឆ្លើយតបទៅនឹងតម្រូវការសហគ្រាសធុនតូច និងមធ្យម ក្រុមហ៊ុនសាជីវកម្ម និងអតិថិជនទូទៅ។

បំពាក់ជាមួយម៉ាស៊ីន ATM និងម៉ាស៊ីនដាក់ប្រាក់​ ដែលអតិ​ថិជនអាចចូលទៅប្រើប្រាស់ ២៤ ម៉ោងពេញមួយសប្តាហ៍ រួមជាមួយបន្ទប់ប្រជុំធំប្រកបដោយផាសុកភាព និងចំណតរថយន្តធំទូលាយ ការិយាល័យ​ថ្មីនេះត្រូវ​បានរចនាឡើងយ៉ាងចិត្តទុកដាក់ដើម្បីបំពេញគ្រប់តម្រូវការរបស់អតិថិជនទាំងអស់។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានគូសបញ្ជាក់ពីសារសំខាន់នៃវត្តមានសាខាថ្មីនេះថា៖ “ក្នុងនាមជាធនាគារខ្មែរសុទ្ធសាធ ការពង្រីកសាខាថ្មីរបស់យើងនីមួយៗគឺប្រៀបបានទៅនឹងស្ពានចម្លងទៅរកកាលានុវត្តភាពមួយ​ដែលផ្សាភ្ជាប់ប្រជាពលរដ្ឋ អាជីវកម្ម និងសហគមន៍ឆ្ពោះទៅកាន់អនាគតមួយដ៏ត្រចះត្រចង់។ ជាមួយនឹងសក្ដានុពលសេដ្ឋកិច្ចដ៏រស់រវើករបស់ខេត្តកំពង់ធំ យើងពិតជារំភើបដែល​បាន​រួមចំណែកដល់ការ​រីក​ចម្រើន​របស់​ខេត្តនេះ។”

ខេត្តកំពង់ធំ ដែលមានប្រជាជនជិតមួយលាននាក់ ហើយក៏មានអំណោយផលខ្ពស់លើវិស័យកសិកម្មដោយ​បានរួមចំណែកប្រមាណ ៤% នៃទំហំសេដ្ឋកិច្ចទាំងមូលរបស់ប្រទេសកម្ពុជា ត្រូវបានគេរំពឹងថានឹងមានការអភិវឌ្ឍបន្ថែមទៀត ដោយសារទីតាំងភូមិសាស្ត្រស្ថិតនៅចំកណ្តាលប្រទេស និងមានប្រព័ន្ធដឹកជញ្ជូនដ៏រឹងមាំ។

វត្តមានសាខាថ្មីនេះ នឹងបំពេញបន្ថែមទៅលើបណ្តាញដែលមានស្រាប់របស់ធនាគារ វីង ដែលរួមមាន៖ ភ្នាក់ងារធនាគារ​ វីង ចំនួន ៤៦៦ ទីតាំង និងភ្នាក់ងារវីង ម៉ាស្ទ័រចំនួន ១១ កន្លែងនៅទូទាំងខេត្តកំពង់ធំដើម្បីធានាបានថាប្រជាពលរដ្ឋទាំងអស់អាចទទួលបានសេវាហិរញ្ញវត្ថុងាយស្រួលប្រើប្រាស់សម្រាប់ការរស់នៅប្រចាំថ្ងៃ ទោះបីស្ថិតនៅតំបន់ដាច់ស្រយាលក៏ដោយ។

ដើម្បីអបអរសាទរដល់​ការបើកសម្ពោធសាខាថ្មី ធនាគារ វីង ផ្តល់ជូននូវ​អត្រា​ការ​ប្រាក់ខ្ពស់ ៦% ក្នុងមួយឆ្នាំ ដែលខ្ពស់ជាងអត្រាការប្រាក់ធម្មតា ១,៥% ហើយសម្រាប់អតិថិជនក្នុងខេត្តកំពង់ធំដែល​បើកគណនីបញ្ញើមានកាលកំណត់រយៈពេលចាប់ពី ១២ខែឡើងទៅ។ ការផ្តល់នូវ​អត្រា​ការ​ប្រាក់​ខ្ពស់នេះ មានសុពលភាពរហូតដល់ដំណាច់ខែសីហា ឆ្នាំ២០២៥ តែប៉ុណ្ណោះ ដើម្បីលើកទឹកចិត្តដល់ការសន្សំ ក៏ដូចជាពង្រឹងភាពធន់ហិរញ្ញវត្ថុសម្រាប់ប្រជាជនខេត្តកំពង់ធំផ្ទាល់តែម្តង។

រយៈពេលជិត ១៧ ឆ្នាំនៃការបម្រើសេវាហិរញ្ញវត្ថុនៅក្នុងប្រទេសកម្ពុជា ធនាគារ វីង បានវិវឌ្ឍខ្លួនក្លាយជាជាគ្រឹះស្ថានហិរញ្ញវត្ថុឈានមុខគេមួយ ដោយបច្ចុប្បន្នធនាគារ​ វីង កំពុងបម្រើអតិថិជនជាង ៩,៥ លានគណនី គ្រប់គ្រងប្រាក់បញ្ញើអតិថិជនជិត ៣ ពាន់លានដុល្លារអាមេរិក ព្រមទាំងមាន​សេវាធនាគារ និង​​ហិរញ្ញវត្ថុជាង ១០០ ប្រភេទនៅលើអេប ធនាគារ វីង។ ហើយជាមួយនឹងការមកដល់នៃ ធនាគារ វីង សាខាខេត្តកំពង់ធំ នឹងដើរតួនាទីយ៉ាងសំខាន់បន្ថែមទៀតសំដៅជំរុញកំណើនសេដ្ឋកិច្ច និងបរិយាបន្នហិរញ្ញវត្ថុនៅក្នុងខេត្តនេះកាន់តែប្រសើរ៕

The post ធនាគារ វីង បើកសាខាថ្មីក្នុងខេត្តកំពង់ធំ ដើម្បីជំរុញបរិយាបន្នហិរញ្ញវត្ថុក្នុងសហគមន៍ appeared first on .

អ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប បានកោតសរសើរចំពោះកិច្ចការបម្រើសង្គមរបស់សមាគម TYDA។ អ្នកឧកញ៉ា មានប្រសាសន៍ថា៖ “យើងខ្ញុំសូមកោតសរសើរយ៉ាងស្មោះស្ម័គ្រចំពោះក្រុមគ្រូពេទ្យជំនាញ ក៏ដូចជាក្រុមការងារស្ម័គ្រចិត្តទាំងអស់របស់សមាគមTYDA សម្រាប់ការផ្តល់ពិនិត្យសុខភាព និងព្យាបាលជំងឺ ដោយការយកចិត្តខ្ពស់ និងប្រកបដោយក្តីមេត្តា ដែលសកម្មភាពនេះនឹងជួយពង្រឹងសុខុមាលភាពសហគមន៍ឱ្យកាន់តែរឹងមាំ។ ហើយការលះបង់របស់ក្រុមការងារនៃសមាគម TYDA សក្តិសមនឹងទទួលបានការគោរពដ៏ខ្ពស់បំផុត។”

ជាក់ស្តែង កម្មវិធីមនុស្សធម៌មួយត្រូវបានរៀបចំឡើងកាលពីពេលថ្មីៗនេះនៅឯមណ្ឌលមែកឈើ មានទីតាំងស្ថិតនៅភូមិលិចវត្ដ សង្កាត់កំបូល ខណ្ឌកំបូល រាជធានីភ្នំពេញ ដែលធនាគារ វីង បានចូលរួមគាំទ្រកិច្ចការមនុស្សធម៌ដ៏ថ្លៃថ្លានេះជាមួយសមាគម TYDA ដើម្បីផ្តល់ជូននូវការពិនិត្យ និងព្យាបាលឥតគិតថ្លៃ។ ក្រុមគ្រូពេទ្យស្ម័គ្រចិត្តជំនាញបានផ្តល់សេវាថែទាំសុខភាពជាច្រើនដូចជា៖ ការពិនិត្យជំងឺទូទៅ, ជំងឺមាត់ធ្មេញ, ជំងឺបេះដូង, ពិនិត្យជំងឺភ្នែក, ជំងឺសើរស្បែក, ជំងឺត្រចៀក ច្រមុះ បំពងក, ពិនិត្យឈាម និងជំងឺផ្សេងៗទៀត។

កិច្ចការមនុស្សធម៌នេះ បានផ្តល់ការពិនិត្យ និងព្យាបាលទៅដល់ប្រជាពលរដ្ឋចំនួន ៣៥០ នាក់ ឬស្មើនឹង ៥៨៣ ករណី ដែលរួមមាន៖ កុមារកំពា្រ ចាស់ជរា បុគ្គលិកបម្រើការនៅក្នុងមណ្ឌល និងអង្គការខាងលើ ព្រមទាំងប្រជាពលរដ្ឋរស់នៅក្បែរតំបន់នោះផងដែរ។

បច្ចុប្បន្នមណ្ឌលមែកឈើ បានផ្តល់ជាជម្រក និងការអប់រំទៅដល់កុមារជាង ២០០នាក់ ដែលពួកគេរស់នៅក្នុងបរិយាកាសមួយដ៏មានសុវត្ថិភាព និងការចិញ្ចឹមបីបាច់ដ៏ល្អ​។ ជាផ្នែកមួយនៃសកម្មភាពមនុស្សធម៌នេះ​ ប្រជាពលរដ្ឋ និងកុមារ ក៏ទទួលបាននូវអំណោយជាស្បៀងអាហារ​ សម្ភារៈសិក្សា និងថវិកា ដើម្បីជួយទ្រទ្រង់ដំណើរការរបស់មណ្ឌលមែកឈើ ក៏ដូចជាលើកកម្ពស់សុខុមាលភាពរបស់កុមារនៅក្នុងមណ្ឌលនេះឱ្យកាន់តែប្រសើរថែមទៀត។

ធនាគារ វីង បានប្តេជ្ញាចិត្តឥតងាករេ​ក្នុងការគាំទ្ររាល់​ការខិតខំប្រឹងប្រឹងរបស់សមាគម TYDA ចំពោះបុព្វហេតុសកម្មភាពមនុស្សធម៌។ ចាប់តាំងពីឆ្នាំ ២០២២មក ធនាគារ​ វីងបានឧបត្ថម្ភ​ថវិកាចំនួន ១០០.០០០ ដុល្លារអាមេរិកជារៀងរាល់ឆ្នាំ ដែលមានរយៈពេល ៥ ឆ្នាំ ដើម្បីជួយពង្រឹងសកម្មភាពមនុស្សធម៌របស់សមាគម TYDA លើការលើកកម្ពស់សុខុមាលភាពក្នុងសហគមន៍។ ភាពជាដៃគូដ៏ជាប់លាប់នេះបានអនុញ្ញាតឱ្យធនាគារ វីង ចូលរួមជាមួយសមាគម TYDA ក្នុងបេសកកម្មចុះពិនិត្យ និងព្យាបាលប្រជាពលរដ្ឋដោយឥតគិតថ្លៃនៅតាមបណ្តាខេត្តជាច្រើនក្នុងប្រទេសកម្ពុជា ដែលបង្ហាញពីការតាំងចិត្តបន្ថែមទៀតរបស់ធនាគារ វីង ក្នុងការលើកកម្ពស់សេវាថែទាំសុខភាព ក៏ដូចជា​ពង្រឹងនូវសុខុមាលភាព​សង្គមប្រកបដោយសមធម៌នៅទូទាំងប្រទេសកម្ពុជា៕

The post ធនាគារ វីង គាំទ្រសកម្មភាពមនុស្សធម៌ជាបន្តបន្ទាប់របស់សមាគមគ្រូពេទ្យស្ម័គ្រចិត្តយុវជនសម្តេចតេជោ appeared first on .

ភ្នំពេញ ថ្ងៃទី២៣ ខែសីហា ឆ្នាំ២០២៤៖​ ធនាគារ វីង (ខេមបូឌា) ម.ក និងក្រុមហ៊ុន ខេ អិន អិន ខេមបូឌា ដែលជាក្រុមហ៊ុនមេរបស់ JETOUR Cambodia បានចុះហត្ថលេខាលើអនុស្សរណៈយោគយល់ ដើម្បីផ្តល់ជម្រើសនៃដំណោះស្រាយហិរញ្ញវត្ថុដ៏មានភាពទាក់ទាញ​ ដែលអតិថិជនអាចក្លាយជាម្ចាស់រថយន្ត JETOUR ស៊េរីទំនើបគ្រប់ម៉ូឌែលជាមួយកម្ចីពីធនាគារ វីង រហូតដល់ទៅ ១០០% នៃតម្លៃរថយន្ត។

កិច្ចសហការនេះត្រូវបានរៀបចំធ្វើឡើងដែលមានការអញ្ជើញចូលរួមជាសក្ខីភាពដ៏ខ្ពង់ខ្ពស់ពីសំណាក់អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប និងអ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល ក្រុមហ៊ុន ខេ អិន អិន ខេមបូឌា ព្រមទាំងមានការចូលរួមពីគណៈគ្រប់គ្រងនៃស្ថាប័នទាំងពីរ និងភ្ញៀវកិត្តិយសជាច្រើនផងដែរ។

លោក ហោ ប៊ុនថែ អគ្គនាយករងធនាគារ វីង បានលើកឡើងថា៖ “យើងខ្ញុំពិតជាមានសេចក្តីសោមនស្សរីករាយចំពោះភាពជាដៃជាមួយ JETOUR Cambodia ដែលឥឡូវនេះពលរដ្ឋកម្ពុជាអាចក្លាយជាម្ចាស់រថយន្តក្នុងក្តីស្រមៃ ដោយមិនចាំបាច់ត្រូវចំណាយសាច់ប្រាក់ផ្ទាល់ខ្លួនទាំងស្រុង ឬចំណាយប្រាក់កក់មុនឡើយ។”

លោក ហោ ប៊ុនថែ បានបន្តថា៖ “ជាមួយការគាំទ្រហិរញ្ញវត្ថុពីធនាគារ វីង យើងអាចជួយឱ្យពួកគាត់ប្រែក្លាយក្តីសុបិនទៅជាការពិត ​ដោយទទួលបាននូវរថយន្តផ្ទាល់ខ្លួនមួយសម្រាប់បំពេញតម្រូវការរស់នៅប្រចាំថ្ងៃ ក៏ដូចជាផ្តល់នូវភាពរីករាយ និងស្នាមញញឹមជាមួយក្រុមគ្រួសារក្នុងធ្វើដំណើរកម្សាន្តនានាផងដែរ។”

តាមរយៈកិច្ចសហការនាពេលនេះ អតិថិជននឹងទទួលបានអត្ថប្រយោជន៍ពីការស្នើកម្ចីពីធនាគារ វីង ដែលមានភាពងាយស្រួល នឹងអនុម័តកម្ចីលឿនតាមដែលអាចធ្វើទៅបាន បន្ទាប់ពីអតិថិជនបានបំពេញឯកសារចាំបាច់ និងឆ្លងកាត់ដំណើរការវាយតំលៃរបស់ធនាគាររួចរាល់។ លក្ខខណ្ឌក្នុងការផ្តល់ឥណទាន រថយន្តនេះ គឺមានភាពបត់បែនខ្ពស់ ដែលអតិថិជនអាចទទួលបានទំហំកម្ចីរហូតដល់ទៅ ១០០ ភាគរយ នៃតម្លៃរថយន្ត ជាមួយនឹងការសងត្រលប់មានរយៈពេលរហូតដល់ ៨៤ខែ។​

លោកអ៉ឹង មុយហ្គេច នាយកប្រតិបត្តិប្រតិបត្តិការ​ នៃក្រុមហ៊ុន ខេ អិន អិន ខេមបូឌា បានថ្លែងថា៖ ​“ យើងខ្ញុំជឿជាក់ថារថយន្ត មិនមែនគ្រាន់តែជាមធ្យោបាយធ្វើដំណើរតែមួយប៉ុណ្ណោះទេចំពោះអតិថិជនយុគសម័យថ្មីនេះ តែអ្វីដែលអតិថិជនរំពឹងចង់បាននោះគឺ ការបង្កើនភាពងាយស្រួល ការបំពាក់បច្ចេកវិទ្យាជំនួយបើកបរ ប្រព័ន្ធសុវត្ថិភាពកម្រិតខ្ពស់ និងការបង្កើតពេលវេលាដ៏រំភើបរាល់ពេលធ្វើដំណើរជារៀងរាល់ថ្ងៃ ហើយ JETOUR គឺមាននូវអ្វីគ្រប់យ៉ាងទាំងអស់ដែលអតិថិជនចង់បាន។ តាមរយៈភាពជាដៃគូនេះជាមួយធនាគារវីង នឹងបើកទ្វារឈានទៅរកឪកាសថ្មីៗសម្រាប់ក្រុមហ៊ុនទាំងពីរ តាមរយៈការរួមបញ្ចូលគ្នានូវភាពខ្លាំង និងគុណសម្បត្តិរបស់ស្ថាប័នទាំង២ យើងអាចផ្តល់នូវដំណោះស្រាយ និងការគាំទ្រហិរញ្ញវត្ថុ ប្រកបដោយភាពឆ្នៃប្រឌិត ដល់អតិថិជន និងចុងក្រោយរួមចំណែកដល់ការអភិវឌ្ឍន៍សេដ្ឋកិច្ចកម្ពុជា ។ ”

អតិថិជនអាចអញ្ជើញមកទស្សនានៅអគារតាំងបង្ហាញរថយន្ត JETOUR Cambodia ដែលមានទីតាំងនៅ​ អគារលេខ ២៣៩H ផ្លូវជាតិលេខ ៦A សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ដើម្បីស្វែងយល់បន្ថែមអំពីការផ្តល់ជូន និងស្នើកម្ចីទិញរថយន្តពីធនាគារ វីង។

ធនាគារ វីង គឺជាគ្រឹះស្ថានធនាគារដែលផ្តល់នូវដំណោះស្រាយហិរញ្ញវត្ថុសំបូរបែប ហើយបានវិវឌ្ឍខ្លួនក្លាយជាធនាគារឌីជីថលយ៉ាងឆាប់រហ័សមួយនៅក្នុងប្រទេសកម្ពុជា។ អស់រយៈពេល ១៦ឆ្នាំនៃការផ្តល់សេវាកម្មហិរញ្ញវត្ថុជូនប្រជាជនកម្ពុជា  ធនាគារ វីង បានក្លាយជាធនាគារលំដាប់កំពូលទាំង១០ ទៅលើប្រាក់បញ្ញើ ឈរលើលំដាប់ទី១១ លើទ្រព្យសកម្មសរុប និងទី១៦ទៅលើប្រាក់កម្ចី។

ចំណែកឯ JETOUR Cambodia ជាក្រុមហ៊ុននាំចូល ផ្ដាច់មុខរថយន្ដទំនើបម៉ាក JETOUR និងជាបុត្រសម្ព័ន្ធមួយរបស់ក្រុមហ៊ុន ខេ​ អិន អិន​ ខេមបូឌា ដែលជាក្រុមហ៊ុនក្នុងស្រុកមានបទពិសោធន៍ជាង ២០ឆ្នាំលើការចែកចាយផ្តាច់មុខម៉ាកល្បីៗពី កូរ៉េ ជប៉ុន និងអ៊ីរ៉ុប លើវិស័យគ្រឿងចក្រ និងរថយន្តធន់ធ្ងន់ អចលនទ្រព្យ និងផ្សារទំនើបបែបសហគមន៍៕

អំពីធនាគារ វីង (ខេមបូឌា) ម.ក

ធនាគារ វីង (ខេមបូឌា) ម.ក ដែលជាធនាគារសម្រាប់ប្រជាជនកម្ពុជា បានធ្វើទំនើបកម្មទៅលើមធ្យោបាយសម្រាប់ប្រជាជនកម្ពុជាអាចទទួលបានសេវាហិរញ្ញវត្ថុ។ ចាប់តាំងពីបង្កើតឡើងនៅឆ្នាំ 2008 ធនាគារ វីងបានក្លាយទៅជាធនាគារពាណិជ្ជដែលមានភាពរីកចម្រើនយ៉ាងឆាប់រហ័ស និងស្ថិតក្នុងចំណោមគ្រឹះស្ថានហិរញ្ញវត្ថុដែលទទួលបានការជឿទុកចិត្តខ្ពស់បំផុតនៅក្នុងប្រទេសកម្ពុជា។ ដោយមានចក្ខុវិស័យច្បាស់លាស់ក្នុងការប្រើប្រាស់ដំណោះស្រាយឌីជីថលដើម្បីលើកកម្ពស់ជីវភាពរស់នៅប្រចាំថ្ងៃរបស់ប្រជាជនកម្ពុជាគ្រប់រូប ធនាគារ វីង ក៏សម្រេចបានការវិវឌ្ឍគួរឱ្យកត់សម្គាល់ ហើយបច្ចុប្បន្ននេះក៏មាននូវប្រព័ន្ធអេកូឡូហ្ស៊ីធំបំផុតនៅក្នុងប្រទេស។ ធនាគារ វីង ដំណើរការសាខាចំនួន 21 ទីតាំង, ភ្នាក់ងារវីង ម៉ាស្ទ័រ 80 កន្លែង, បណ្តាញភ្នាក់ងារ 11,000 កន្លែង និងផ្តល់ជូននូវមុខងារប្រើប្រាស់ច្រើនជាង 100 មុខ តាមរយៈអេប Wing Bank ដែលមានភាពងាយស្រួលប្រើប្រាស់។

ធនាគារ វីង ប្តេជ្ញាចិត្តលើភាពច្នៃប្រឌិតផ្នែកឌីជីថល ដែលបង្ហាញឱ្យឃើញនៅក្នុងផលប័ត្រចម្រុះនៃសេវាហិរញ្ញវត្ថុ និងសេវាមិនមែនហិរញ្ញវត្ថុ។ រាប់ចាប់ពីកម្ចី ប្រាក់បញ្ញើ និងការផ្ទេរប្រាក់ទៅដល់ផលិតផលធានារ៉ាប់រង ការទូទាត់ទឹកភ្លើង និងវិក្កយបត្រ ការទូទាត់ខ្សែច្រវាក់ផ្គត់ផ្គង់ សេវាកម្មបើកប្រាក់បៀវត្ស ការផ្ទេរប្រាក់អន្តរជាតិ ការផ្ទេរប្រាក់ក្នុងស្រុក កម្ចីតាមប្រព័ន្ធឌីជីថល និងសូម្បីតែការបញ្ចូលទឹកប្រាក់ទូរសព្ទ ធនាគារ វីង ផ្តល់សេវាកម្មយ៉ាងទូលំទូលាយ ទាំងតម្រូវការហិរញ្ញវត្ថុ និងតម្រូវការមិនមែនហិរញ្ញវត្ថុ។ ក្នុងនាមជាគ្រឹះស្ថានហិរញ្ញវត្ថុប្រកបដោយថាមវ័ន្តនិងមានភាពច្នៃប្រឌិតធនាគារ វីង បន្តព្យាយាមបង្កើនឥទ្ធិពលវិជ្ជមានដល់ជីវភាពរស់នៅរបស់ប្រជាជនកម្ពុជាគ្រប់រូប។សេវាធនាគារឌីជីថលដែលមានភាពងាយស្រួលនិងការប្តេជ្ញាចិត្តចំពោះបរិយាបន្នហិរញ្ញវត្ថុបានធ្វើឱ្យធនាគារ វីង ក្លាយជាធនាគារជម្រើសទីមួយសម្រាប់ប្រជាជនកម្ពុជារាប់លាននាក់៕

អំពីក្រុមហ៊ុន ខេ អិន​ អិន ខេមបូឌា

ក្រុមហ៊ុន ខេអិនអិន ខេមបូឌា គីជាក្រុមហ៊ុនដែលផ្គត់ផ្គង់ឈានមុនគេ លើគ្រឿងចក្រជាច្រើនប្រភេទ មានដូចជាគ្រឿងចក្រធន់ធ្ងន់សម្រាប់ការងារសាងសង់ទូទៅ គ្រឿងចក្រប្រតិបត្តិការ លាយផលិត និងបាញ់បេតុង គ្រឿងចក្រប្រតិបត្តិការការងារកំពង់ផែ រថយន្តដឹកជញ្ជូនទំនិញធន់ធ្ងន់ គ្រឿងចក្រសាងសង់ផ្លូវថ្នល់ និងគ្រឿងចក្រប្រត្តិបត្តិការពិសេសផ្សេងៗជាច្រើនទៀត។   ហើយឥឡូវនេះក្រុមហ៊ុន ខេ អិន អិន បានបោះជំហ៊ានចូលក្នុងវិស័យយានយន្តបន្ថែមទៀតនាចុងឆ្នាំ២០២៣ ក្រោមបេសកកម្មប្តេជ្ញា នាំយករថយន្តដ៏ល្អប្រណិត មានសុវត្ថិភាពខ្ពស់ និងបច្ចេកវិទ្យាទំនើបដ៏សំបូរបែប សេវាកម្មដ៏មានទំនុកចិត្តផ្តល់ជូនដល់អតិថិជន ជាមួយនឹងចក្ខុវិស័យដ៏ច្បាស់លាស់សម្រាប់អាជីវកម្មរថយន្ត គឺ ក្រុមហ៊ុន ខេ អិន អិន នឹងបន្តរ ពង្រីកវិសាលភាពអាជីវកម្មបន្ថែមទៀត នៅក្នុងវិស័យរថយន្តនេះ ។ 

Jetour គឺជាម៉ាកសញ្ញារថយន្តរបស់ Chery Group ដែលជាសម្ព័ន្ធក្រុមហ៊ុនផលិតរថយន្តដ៏ល្បីទូទាំងពិភពលោក ដោយកំណត់យកការប្តេជ្ញាចិត្តឥតងាករេចំពោះឧត្តមភាព និងភាពរីកចម្រើនផ្នែកបច្ចេកវិទ្យាអស់ជាច្រើនទសវត្សរ៍មកហើយ។ Jetour បានបង្ហាញពីការលាយបញ្ចូលគ្នានៃវិស្វកម្មទំនើប បច្ចេកវិទ្យា និងការរចនាដ៏ស៊ីវិល័យឈានមុខបំផុត ដោយកំណត់យកស្តង់ដារបច្ចេកវិទ្យាខ្ពស់កម្រិតពិភពលោក បំពាក់ទៅក្នុងរថយន្តទាំងអស់គ្រប់ម៉ូដែលរបស់ខ្លួន ហើយសព្វថ្ងៃនេះក្រុមហ៊ុន ខេអិនអិន ខេមបូឌាដែលជាអ្នកនាំចូលផ្តាច់មុខរថយន្ត JETOUR បាននាំចូលនូវរថយន្ត JETOUR ចំនួន២ម៉ូដែលគឺ ប្រភេទរថយន្ត SUV បច្ចេកវិទ្យា ប្រណីត JETOUR DASHING និង ប្រភេទរថយន្តSUV ប្រណីត ប្រភេទ OFF ROAD កំលាំងខ្លាំង JETOUR T2 ។

The post ធនាគារ វីង និង JETOUR Cambodia សហការផ្តល់កម្ចី១០០%ទិញរថយន្តស៊េរីទំនើប appeared first on .

និយ័តករមូលបត្រកម្ពុជា និងធនាគារ វីង (ខេមបូឌា) ម.ក បានប្រកាសកិច្ចសហការ ដើម្បីជួយសម្រួលទៅដល់វិនិយោគិន​​ក្នុងការដាក់ស្នើ ក៏ដូច​ជាបន្តសុពលភាពលេខអត្តសញ្ញាណ ដោយផ្តល់ជូននូវការប្រើប្រាស់សេវាទូទាត់តាមប្រព័ន្ធអេឡិចត្រូនិកដ៏រលូនតាមរយៈធនាគារ វីង។

ពិធីចុះហត្ថលេខាលើកិច្ចព្រមព្រៀងនេះ ត្រូវបានរៀបចំធ្វើឡើងក្រោមវត្តមានឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា និងលោក Han Peng Kwang អគ្គនាយកធនាគារ វីង។ កិច្ចសហការនេះបង្ហាញពីការបោះជំហាន​ដ៏សំខាន់មួយទៀត​សំដៅជំរុញសក្តានុពលទីផ្សាមូលបត្រឱ្យកាន់តែរីកចម្រើន។

ឯកឧត្តម ស៊ូ សុជាតិ បានថ្លែងថា៖ “កិច្ចសហប្រតិបត្តិការរបស់យើងជាមួយធនាគារ វីង គឺជាការវិវឌ្ឍឆ្ពោះទៅមុខដ៏សំខាន់មួយ សំដៅបង្កលក្ខណៈកាន់តែងាយស្រួល និងប្រសិទ្ធភាពសម្រាប់ទីផ្សារមូលបត្រកម្ពុជា។”

ឯកឧត្តម ស៊ូ សុជាតិ បានបន្តថា៖ “តាមរយៈការចាប់យកនូវដំណោះស្រាយឌីជីថល យើងអាចប្រាកដថាវិនិយោគិនរបស់យើងចូលរួមក្នុងទីផ្សារកាន់តែងាយស្រួល និងប្រកបដោយទំនុកចិត្តខ្ពស់បំផុត។”

តាម​រយៈកិច្ចសហការដ៏សំខាន់នេះ ធនាគារ វីង ទទួលបានការអនុញ្ញាតជាផ្លូវការ​ដើម្បីប្រមូលថ្លៃសេវាជូននិយ័តករមូលបត្រកម្ពុជា ក៏ដូចជាផ្តល់នូវជម្រើសងាយស្រួលបន្ថែមទៀតដល់វិនិយោគិនក្នុងការទូទាត់ប្រាក់សម្រាប់ការបង់ថ្លៃសេវាស្នើសុំ និងការបន្តសុពលភាពលេខអត្តសញ្ញាណវិនិយោគិនតាមអនឡាញ។

គិតត្រឹមត្រីមាសទី​២ ឆ្នាំ២០២៤ និយ័តករមូលបត្រកម្ពុជាបានផ្តល់លេខអត្តសញ្ញាណវិនិយោគិនសរុបចំនួន ៥១,៧៧១ លេខអត្តសញ្ញាណវិនិយោគិន និងមានការបើកគណនីជួញដូរសរុបចំនួន ៥៣,៧១២គណនីនៅក្នុងទីផ្សារមូលបត្រកម្ពុជា។ ឯកឧត្តមស៊ូ សុជាតិ មានការរំពឹងទុកថាបុគ្គលិកធនាគារ វី​ង នឹងចូលរួមបង្កើតលេខ​អត្តសញ្ញាណវិនិយោគិន និងគណនីជួញដូរឱ្យបានកាន់តែច្រើន។

លោក ហាន ប៉េងក្វាង បានថ្លែងអំណរគុណ និយ័តករមូលបត្រកម្ពុជាចំពោះកិច្ចសហការដ៏មានសារៈសំខាន់នេះ។ លោកបានលើកឡើងថា៖ “យើងខ្ញុំសូមថ្លែអំណរគុណទៅដល់និយ័តករមូលបត្រកម្ពុជា ដែលបានផ្តល់ទំនុកចិត្តដល់យើងខ្ញុំចំពោះភារកិច្ចប្រកបដោយទំនួលខុសត្រូវ និងស្មារតីនៃការបេ្តជ្ញាចិត្តនេះ។”

លោក ហាន ប៉េងក្វាង បានបន្ថែមថា៖ “ធនាគារ វីង ពិតជាមានមោទនភាពក្នុងចូលរួមគាំទ្រក្នុងបេសកកម្មរបស់និយ័តករមូលបត្រកម្ពុជាដើម្បីអភិវឌ្ឍទីផ្សារមូលធននៅកម្ពុជា។ តាមរយៈការប្រើប្រាស់ជំនាញរបស់យើង ដោយប្រើប្រាស់នូវប្រព័ន្ធទូទាត់ឌីជីថលដ៏ទំនើប យើងខ្ញុំមានគោលបំណងរួមចំណែកធ្វើឱ្យដំណើរការបង្កើតលេខ​អត្តសញ្ញាណវិនិយោគិនកាន់តែងាយស្រួល និងប្រកបដោយប្រសិទ្ធភាព​ទៅដល់វិនិយោគិនទាំងអស់។

ធនាគារ វីង និង និយ័តករមូលបត្រកម្ពុជា ឈរនៅលើស្សនៈវិស័យផ្អែកលើកិច្ចសហការខិតខំប្រឹងប្រែងរួមគ្នាដើម្បីជំរុញកំណើនសេដ្ឋកិច្ច និងវិស័យបច្ចេកវិទ្យារបស់កម្ពុជា ដែលនេះសបញ្ជាក់ឱ្យឃើញពីភាពជាដៃគូសហការរវាងវិស័យរដ្ឋ និងឯកជនក្នុងការជំរុញបរិវត្តកម្មឌីជីថលឆ្ពោះទៅមុខសម្រាប់កំណើនសេដ្ឋកិច្ចកម្ពុជា។​

និយ័តករមូលបត្រកម្ពុជា តែងតែរក្សាការប្តេជ្ញាចិត្តយ៉ាងខ្ជាប់ខ្ជួនក្នុងការយកចិត្តទុកដាក់ទៅលើបរិយាកាសហិរញ្ញវត្ថុដោយផ្តោតលើការផ្តល់សុវត្ថិភាព តម្លាភាព នវានុវត្តន៍ និងបរិយាបន្ន។ ដោយមើលឃើញពីបច្ចេកវិទ្យាមានការរីកចម្រើនយ៉ាងឆាប់រហ័ស វាពិតជាសំខាន់ណាស់ដែលថាការចាប់យកនូវបច្ចេកវិទ្យាទាំងនេះអាចផ្តល់សេវាកម្មទៅដល់វិនិយោគិនទាំងអស់កាន់តែមានភាពងាយស្រួល និងប្រសិទ្ធភាពខ្ពស់។

អស់រយៈពេល​១៦ឆ្នាំនៃការផ្តល់សេវាកម្មហិរញ្ញវត្ថុជូនប្រជាជនកម្ពុជា ការប្តេជ្ញាចិត្តឥតងាករេរបស់ធនាគារ វីង ចំពោះការច្នៃប្រឌិតថ្មីៗត្រូវបានបង្ហាញឱ្យឃើញតាមរយៈសេវាកម្មហិរញ្ញវត្ថុដ៏សម្បូរបែបរបស់ខ្លួន។ ក្នុងនោះមានប្រមាណ ១៦៥.០០០អាជីវកម្ម, ស្ថាប័នរដ្ឋាភិបាលចំនួន ១០ ស្ថាប័ន, សហគ្រាសធុនតូច និងមធ្យមប្រមាណ ៣.០០០សហគ្រាស និងមានក្រុមហ៊ុនសាជីវកម្ម ៩០០ ក្រុមហ៊ុន ដែលទទួលបានផលប្រយោជន៍ពីសេវាកម្មរបស់ធនាគារ វីង។

ធនាគារ វីង មានអ្នកប្រើប្រាស់ជាង ១៤,៥ លានគណនី​ និងបានក្លាយជាដៃគូដ៏ទុកចិត្តពីសំណាក់អាជីវកម្មគ្រប់មជ្ឈដ្ឋានតាមរយៈការផ្តល់សេវាកម្មធនាគារដ៏ទំនើបរបស់ខ្លួន រួមមានទាំងការទូទាត់តាមឌីជីថល និង​សេវា​បើកប្រាក់បៀវត្ស​ជាដើម​។

ភាពជាដៃគូនេះពិតជាមានសារៈសំខាន់ក្នុងការជំរុញទីផ្សារមូលបត្រនៅកម្ពុជាកាន់តែមាន​ភាពរឹងមាន និងរីកលូតលាស់ឆ្ពោះទៅមុខ ដែលគាំទ្រដោយកត្តាប្រសិទ្ធភាព និងបរិយាកាសងាយស្រួលទៅដល់អ្នកចូលរួមក្នុងទីផ្សារនេះ៕

The post ធនាគារ វីង និងនិយ័តករមូលបត្រកម្ពុជាសហការផ្តល់សេវាទូទាត់អេឡិចត្រូនិចដល់វិនិយោគិនក្នុងទីផ្សារមូលបត្រ appeared first on .

ធនាគារ វីង (ខេមបូឌា) ម.ក ជាធនាគារឌីជីថលរីកចម្រើនយ៉ាងឆាប់រហ័សមួយនៅកម្ពុជា​ បានសហការជាមួយក្រុមហ៊ុន វីសា ដែលជាក្រុមហ៊ុននាំមុខគេក្នុងបច្ចេកវិទ្យាទូទាត់សាច់ប្រាក់តាមរយៈឌីជីថល បានដាក់ឱ្យដំណើរការ វីងវីសាអ៊ីនហ្វីនីតក្រេឌីតកាត ​តែមួយគត់​ក្នុងព្រះរាជាណាចក្រកម្ពុជា ដែលផ្តល់ជូនម្ចាស់កាតនូវបទពិសោធន៍កម្រិតពិភពលោក។

ពិធីដ៏អធិកអធមនេះត្រូវបានរៀបចំឡើងក្រោមវត្តមានអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប និងលោកជំទាវអ្នកឧកញ៉ា ម៉ៅ​ ចំណាន ព្រមទាំងភ្ញៀវកិត្តិយស និងឥស្សរជនជាច្រើនរូបទៀត។​

លោក ហាន ប៉េងក្វាង អគ្គនាយកធនាគារ វីង បានលើកឡើងថា៖ “វីងវីសាអ៊ីហ្វីនីតក្រេឌីតកាត របស់ធនាគារ​យើងខ្ញុំ ផ្តល់ជូនលោកអ្នកនូវការប្រើប្រាស់ឥណទានដែលគ្មានគូប្រៀប អាចធ្វើប្រតិបត្តិការតាមអនឡាញ និងទីតាំងហាងដោយផ្ទាល់យ៉ាងរលូន ក៏ដូចជាអត្ថប្រយោជន៍នៃការធ្វើដំណើរដែលសក្តិសមឥតខ្ចោះសម្រាប់បំពេញតម្រូវការជូនអតិថិជនរបស់យើង។”

មានត្រឹមតែ​ វីងវីសាអ៊ីនហ្វីនីតក្រេឌីតកាត​ នៅក្នុងដៃ ម្ចាស់កាតមានលទ្ធភាពទទួលបានហិរញ្ញវត្ថុកាន់តែច្រើន ដោយអាចស្នើទំហំឥណទានរហូតដល់១លានដុល្លារអាមេរិក និងទទួលបានការអនុគ្រោះមិនបង់ការប្រាក់រយៈពេល៥៥ថ្ងៃ ដែលជួយឱ្យអតិថិជនអាចធ្វើការគ្រប់គ្រងរំហូរសាច់ប្រាក់របស់ពួកគេបានយ៉ាងងាយស្រួលបន្ថែមទៀត។

អ្នកស្រី Ivana Tranchini នាយិកាគ្រប់គ្រងក្រុមហ៊ុន វីសា ប្រចាំប្រទេសកម្ពុជាបានមានប្រសាសន៍ថា៖ “វីសាអ៊ីនហ្វីនីតក្រេឌីតកាត​ របស់ធនាគារ វីង តំណាងឱ្យការរួបរួមគ្នានៃដំណោះស្រាយទូទាត់តាមរយៈឌីជីថលដ៏ទំនើប និងថ្មីបំផុត របស់ក្រុមហ៊ុនវីសា និងការប្តេជ្ញាចិត្តយ៉ាងមុះមុតរបស់ ធនាគារ វីង ដើម្បីបំពេញសេចក្តីត្រូវការរបស់អតិថិជនខ្លួន។”

តាមរយៈការប្រើប្រាស់វីសាអ៊ីនហ្វីនីតក្រេឌីតកាត របស់ធនាគារ វីង ម្ចាស់កាតអាចទទួលបានសាច់ប្រាក់ត្រលប់មកវិញរហូតដល់ទៅ ១,១%  ឬ៥00 ដុល្លារអាមេរិកលើការបញ្ជាទិញប្រចាំខែ។

អ្នកស្រី Ivana Tranchini មានប្រសាសន៍បន្ថែមទៀតថា៖ “ភាពរីកចម្រើននៃសេដ្ឋកិច្ចកម្ពុជាបានបង្កើតនូវតម្រូវការពិតប្រាកដសម្រាប់សេវាធនាគារ ដែលបម្រើដល់តម្រូវការតែមួយគត់របស់ទីផ្សារ។ យើងមានមោទនភាពក្នុងការគាំទ្រធនាគារ វីង ក្នុងការឆ្លើយតបទៅនឹងតម្រូវការនេះ និងដាក់ចេញនូវសំណើពិសេសដែលផ្តល់នូវគុណតម្លៃ សុវត្ថិភាព និងភាពជឿជាក់ដល់អតិថិជនរបស់ពួកគេ។”

កាន់តែពិសេសជាងនេះទៅទៀតនោះ ក្នុងអំឡុងពេលរង់ចាំការហោះហើរ អតិថិជនទាំងអស់អាចប្រើប្រាស់ វីងវីសាអ៊ីនហ្វីនីតក្រេឌីតកាត ដើម្បីចូលប្រើប្រាស់កន្លែងរង់ចាំក្នុងអាកាសយានដ្ឋាននៅជុំវិញពិភពលោក​ឥតដែនកំណត់ អាចធ្វើការស្នើសុំកាតសម្រាប់សមាជិកគ្រួសារបានរហូតដល់ទៅ៥កាត និងអាចប្រើប្រាស់កន្លែងរង់ចាំ Premier Banking Lounges ដោយសេរីនៅគ្រប់សាខាធនាគារ វីង ទូទាំងប្រទេសផងដែរ។

បន្ថែមលើនេះ អតិថិជនក៏អាចទូទាត់តាមម៉ាស៊ីន POS និងតាមអនឡាញ នៅគ្រប់ទីកន្លែងជុំវិញពិភពលោកដែលមានទទួលការទូទាត់តាមរយៈវីសា​ ហើយក៏អាចរីករាយជាមួយនឹងការផ្តល់ជូនពិសេស ពីហាងដៃគូវីសាជាច្រើននៅទូទាំងពិភពលោកផងដែរ។

លោក ហាន ប៉េងក្វាង បានលើកឡើងថា៖ “វីសាអ៊ីនហ្វីនីតក្រេឌីតកាតរបស់យើង​ត្រូវបានផលិតឡើងយ៉ាងសម្រិតសម្រាំង ប្រកបដោយភាពច្នៃប្រឌិតខ្ពស់ និងទំនើបសម្រាប់គ្រប់សម័យកាល ដែលឆ្លុះបញ្ចាំងពីប្រណីតភាពខ្ពស់ ហើយសក្តិសមយ៉ាងល្អឥតខ្ចោះទៅនឹងចំណង់ចំណូលចិត្តបែបអភិជនភាពសម្រាប់អតិថិជន​របស់យើង។​”

វីសាអ៊ីនហ្វីនីតក្រេឌីតកាត ធនាគារ វីង​ ត្រូវបានរចនាឡើងដោយគិតគូពីប្រណីតភាព និងសុវត្ថិភាព ដែលបង្ហាញពីការរចនាគ្មានលេខប្រកបដោយភាពច្នៃប្រឌិត ព្រមទាំងបំពាក់មកជាមួយបច្ចេកវិទ្យាមុខងារសុវត្ថិភាព EMV 3-D ដ៏ទំនើប ដែលធានានូវសុវត្ថិភាពខ្ពស់រាល់ការធ្វើប្រតិបត្តិការរបស់អតិថិជន និងម្ចាស់ហាង។

មុខងារគ្មានលេខរបស់កាតនេះ នឹងបង្កើននូវវិធានការសុវត្ថិភាពបានកាន់តែខ្ពស់ ដែលជួយឱ្យអ្នកប្រើប្រាស់អាចបើ​ក ឬបិទដំណើរកាត​បានឆាប់រហ័សនៅនឹងចុងម្រាមដៃតាមរយៈអេប Wing Bank ផ្ទាល់តែម្តង ក្នុងករណីដែលកាតជ្រុះបាត់ ឬត្រូវបានគេលួច។

ដើម្បីរីករាយជាមួយប្រណីតភាព និងឯកសិទ្ធិជាច្រើនមិនធ្លាប់មានជាមួយវីសាអ៊ីនហ្វីនីតក្រេឌីតកាតរបស់ ធនាគារ វីង​ អតិថិជនគ្រាន់តែស្នើកាតនេះនៅតាមសាខាធនាគារ វីង ទូទាំងប្រទេស ដើម្បីឆ្ពោះទៅកាន់ពិភពលោកមួយពោរពេញទៅដោយអភិជនភាព៕

The post ធនាគារ វីង​ ដាក់ឱ្យដំណើរការ វីសាអ៊ីនហ្វីនីតក្រេឌីតកាត ដ៏ប្រណិតបំផុតដំបូងគេនៅកម្ពុជា​ appeared first on .

ឧកញ៉ា គិត ស៊ូឡា នាយកគ្រប់គ្រងផ្នែកប្រតិបត្តិការ នៃក្រុមហ៊ុន រ៉ូយ៉ាល់គ្រុប អន្តរជាតិ មានមោទនភាពក្នុងការប្រកាសពីកិច្ចព្រមព្រៀងថ្មីនេះ។ ឧកញ៉ា គិត ស៊ូឡា បានមានប្រសាសន៍ថា៖ “នេះគឺជាលទ្ឋផលការងារយ៉ាងសកម្មរយៈពេល 6 ខែ ដើម្បីកំណត់ទីតាំងយុទ្ឋសាស្ត្រនៃការអភិវឌ្ឍរបស់យើង។ ការជ្រើសរើសដៃគូជាមួយ The Ritz-Carlton បានឆ្លុះបញ្ចាំងពីមហិច្ឆតាលើឧត្តមភាព និងស្របតាមចក្ខុវិស័យនៃការផ្លាស់ប្តូរតាមរយៈការបង្កើតស្នាដៃថ្មីៗ។ កិច្ចព្រមព្រៀងនេះគឺជាព្រឹត្តិការណ៍ដំបូងដ៏សំខាន់នៃសករាជថ្មីលើវិស័យបដិសណ្ឋារកិច្ចកម្ពុជា!”។

ស្ថិតនៅចំបេះដូងនៃរាជធានី សណ្ឋាគារ Ritz-Carlton Phnom Penh នឹងផ្តល់នូវទស្សនីយភាពជាមួយទេសភាពនៃអគារដ៍ល្បីក្នុងទីក្រុងភ្នំពេញ រួមមានព្រះបរមរាជវាំង និងទន្លេមេគង្គដ៏ធំ និងមានភាពស្រស់ស្អាត។ ការអភិវឌ្ឍដ៏មានកិត្យានុភាពនេះបានត្រៀមខ្លួនក្លាយជាទីតាំងកំណត់ថ្មីមួយសម្រាប់បដិសណ្ឋារកិច្ចដ៏ប្រណិតនៅកម្ពុជានិងក្នុងតំបន់អាស៊ីអាគ្នេយ៍ផងដែរ។

អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាអគ្គនាយកប្រតិបត្តិ នៃក្រុមហ៊ុន រ៉ូយ៉ាល់ គ្រុប មានសោមនស្សក្រៃលែងចំពោះការចុះកិច្ចព្រមព្រៀងដ៍សំខាន់នេះ ដោយមានប្រសាសន៍ថា ៖ “យើងមានក្ដីរីករាយយ៉ាងខ្លាំងក្នុងការប្រកាសអំពីការបើកដំណើរការ The Ritz-Carlton Phnom_Penh ដែលជាគម្រោងអភិវឌ្ឍន៍ក្នុងវិស័យអចលនទ្រព្យដែលតំណាងឱ្យចក្ខុវិស័យ របស់យើងក្នុងការស្វែងរកឱកាសថ្មីៗ និងបង្កើនស្តង់ដាក្នុងកម្រិតដែលមិនធ្លាប់មានពីមុនមក។ ការអភិវឌ្ឍដ៏ល្អឥតខ្ចោះនេះមិនត្រឹមតែលើកស្ទួយវិស័យបដិសណ្ឋារកិច្ចនិងអចលនទ្រព្យនៅកម្ពុជាប៉ុណ្ណោះទេ ប៉ុន្តែថែមទាំងផ្តល់នូវបទពិសោធន៍ដ៏ប្រណីតមិនគួរឱ្យជឿដល់អតិថិជនផងដែរ។ យើងប្តេជ្ញាក្នុងការផ្តល់នូវភាពល្អឥតខ្ចោះលើគ្រប់វិស័យ ដោយធានាថា The Ritz-Carlton Phnom Penh នឹងក្លាយជានិមិត្តសញ្ញាដ៏មានភាពលេចធ្លោនៅក្នុងតំបន់។”

កិច្ចព្រមព្រៀងនេះបង្ហាញពីការប្ដេជ្ញាចិត្តរបស់ក្រុមហ៊ុន រ៉ូយ៉ាល់គ្រុប ក្នុងការគាំទ្រនូវចក្ខុវិស័យសេដ្ឋកិច្ច និងវិស័យទេសចរណ៍របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ សម្តេចនាយករដ្ឋមន្ត្រីបានធ្វើឱ្យវិស័យទេសចរណ៍ក្លាយជាចំណុចសំខាន់ក្នុងការលើកស្ទួយសេដ្ឋកិច្ចជាតិ។

គម្រោងអចលនទ្រព្យថ្មីនេះបានចាប់ផ្ដើមការសាងសង់ហើយ ដែលនឹងដើរតួនាទីក្នុងការធ្វើឱ្យព្រះរាជាណាចក្រកម្ពុជាក្លាយជាទិសដៅមួយយ៉ាងសំខាន់សម្រាប់អ្នកធ្វើដំណើរបែបស៊ីវិល័យនៅក្នុងតំបន់អាស៊ីអាគ្នេយ៍ រួមទាំងជួយលើកកម្ពស់ប្រទេសកម្ពុជានៅលើឆាកអន្តរជាតិ និងលើកស្ទួយទីក្រុងភ្នំពេញឱ្យក្លាយជា “ទីក្រុងគុជនៃអាស៊ី”។

ជាងនេះទៅទៀត ការអនុវត្តគម្រោងនេះគឺស្របទៅនឹងគោលនយោបាយរបស់រាជរដ្ឋាភិបាលកម្ពុជាក្នុងការអភិវឌ្ឍទីក្រុង ការធ្វើឱ្យសេដ្ឋកិច្ចកាន់តែរីកចម្រើន និងការធានាស្ថេរភាពសង្គម តាមរយៈការវិនិយោគទុនដ៏សំខាន់ និងការបង្កើតការងារថ្មី។

The Ritz-Carlton Phnom Penh សន្យាថានឹងផ្តល់នូវបទពិសោធន៍ស៊ីវិល័យបំផុតដោយរចនាយ៉ាងរស់រវើក ដើម្បីបម្រើអារម្មណ៍អតិថិជន។ ការអភិវឌ្ឍដ៏អស្ចារ្យនេះនឹងបង្ហាញពីប្រណីតភាពគ្រប់ជ្រុងជ្រោយ ចាប់ពីសេវាកម្មដែលស្របតាមតម្រូវការរហូតដល់បទពិសោធន៍ដែលប្លែកមិនធ្លាប់មានរបស់អតិថិជន ស្ថិតនៅលើមហាវិថីដ៏មានកិត្យានុភាពបំផុតនៅក្នុងទីក្រុងភ្នំពេញ ភោជនីយដ្ឋានលំដាប់កំពូលចំនួនប្រាំ នឹងផ្តល់ជូននូវកន្លែងទទួលទានអាហារ រួមជាមួយស្ថាបត្យកម្មដ៏អស្ចារ្យដែលមានភាពទាក់ទាញ និងបរិក្ខារទំនើបឈានមុខគេលើសពីការរំពឹងទុក។

ការអភិវឌ្ឍអចលនទ្រព្យនេះគឺស្ថិតនៅលើមហាវិថីព្រះនរោត្ដម និងជាផ្នែកមួយនៃគម្រោងអភិវឌ្ឍន៍អចលនទ្រព្យបែបពហុអគារដែលមានសណ្ឋាគារ លំនៅឋាន និងការិយាល័យ។ ទាំងនេះនឹងក្លាយជាបទពិសោធថ្មីស្រឡាងនៅលើវេហានៃទីក្រុងភ្នំពេញ។ នៅពីក្រោយភាពជាដៃគូអន្តរជាតិនេះ ក្រុមហ៊ុន រ៉ូយ៉ាល់គ្រុប អន្ដរជាតិ មានគោលដៅក្នុងការស្ដារឡើងវិញនូវគុណភាពនៃស្តង់ដានៅក្នុងវិស័យអចលនទ្រព្យ និងពង្រឹងទំនុកចិត្តរបស់វិនិយោគិនអន្តរជាតិផងដែរ។

អំពីក្រុមហ៊ុនរ៉ូយ៉ាល់គ្រុប

ក្រុមហ៊ុន រ៉ូយ៉ាល់គ្រុប គឺជាក្រុមហ៊ុនចម្រុះឈានមុខគេនៅកម្ពុជាក្នុងការបង្កើតវិស័យអភិវឌ្ឍន៍គម្រោងអចលនទ្រព្យ។ ក្រុមហ៊ុន រ៉ូយ៉ាល់គ្រុប គឺជាក្រុមហ៊ុនគ្រប់គ្រងការវិនិយោគ ជាយុទ្ឋសាស្រ្តរបស់ប្រទេសកម្ពុជាហើយត្រូវបានទទួលស្គាល់ថាជាក្រុមហ៊ុនអាជីវកម្មដែលមានថាមពល និងភាពចម្រុះបំផុតរបស់ប្រទេស ដែលមានបុត្រសម្ព័ន្ធអាជីវកម្មជាច្រើនរួមមាន ការអភិវឌ្ឍ អចលនទ្រព្យ ថាមពល ទូរគមនាគមន៍ ការដឹកជញ្ជូន ព័ត៍មាននិងការកម្សាន្ត ធនាគារនិងហិរញ្ញវត្ថុ ការធានារ៉ាប់រង សណ្ឋាគារនិងរមណីយដ្ឋាន ការអប់រំ និងផ្នែកថែទាំសុខភាព។

ក្រុមហ៊ុន រ៉ូយ៉ាល់គ្រុប គឺជាក្រុមហ៊ុនការវិនិយោគជាយុទ្ឋសាស្រ្តរបស់កម្ពុជាដោយមានប្រវត្តិជោគជ័យលើភាពជាដៃគូឈានមុខគេក្នុងទីផ្សារសេរីដែលគ្របដណ្តប់លើអាជីវកម្មជាច្រើន និង ផ្តល់នូវសក្តានុពលវិនិយោគយ៉ាងល្អប្រសើរក្នុងតំបន់ទន្លេមេគង្គនៃអាស៊ី។ ក្រុមហ៊ុន រ៉ូយ៉ាល់គ្រុប ជាតួអង្គយ៉ាងសំខាន់នៃកំណើនសេដ្ឋកិច្ចរបសកម្ពុជា។

អំពីក្រុមហ៊ុន Marriott International:

Marriott International, Inc. គឺជាក្រុមហ៊ុនបម្រើសេវាបដិសណ្ឋារកិច្ចឈានមុខគេដែលមាន អចលនទ្រព្យជាង 8,900 ជុំវិញ 141 ប្រទេស និងក្នុងតំបន់។ ផលប័ត្ររបស់ក្រុមហ៊ុនរួមមានម៉ាក ល្បីៗដូចជា The Ritz-Carlton ដែលត្រូវបានទទួលស្គាល់ថាជាសណ្ឋាគារដែលផ្តល់នូវ​បទពិសោធស្នាក់នៅដ៏ល្អឥតខ្ចោះនិងគ្មានគូប្រៀបលំដាប់ថ្នាក់សកល។

The post ក្រុមហ៊ុន រ៉ូយ៉ាល់គ្រុប អន្តរជាតិ និង Marriott International ប្រកាសពីការនាំយកយីហោសណ្ឋាគារ & រេស៊ីដេនលំដាប់ផ្កាយ6 The Ritz-Carlton ចូលមកប្រទេសកម្ពុជា appeared first on .