ធនាគារ វីង (ខេមបូឌា) ម.ក បានបើកសម្ពោធជាផ្លូវការនូវសាខាថ្មីមួយបន្ថែមទៀតហើយ ស្ថិតនៅក្នុងសង្កាត់ទឹកថ្លា ខណ្ឌសែនសុខ ដែលជាមជ្ឈមណ្ឌលពាណិជ្ជកម្មរីកចម្រើនលឿនបំផុតមួយក្នុងរាជធានីភ្នំពេញ។

ពិធីសម្ពោធនេះ បានប្រព្រឹត្តទៅដោយមានការចូលរួមពីសំណាក់ឯកឧត្តម ឯក ឃុនដឿន អភិបាលរង នៃគណៈអភិបាលរាជធានីភ្នំពេញ អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់ គ្រុប លោកជំទាវ អ្នកឧកញ៉ា ម៉ៅ ចំណាន អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប និងជាប្រធានសមាគមសិល្បករខ្មែរ ព្រមទាំងភ្ញៀវកិត្តិយសជាច្រើនរូបទៀត។

សាខាថ្មីរបស់ធនាគារ វីង មានទីតាំងស្ថិតនៅតាមបណ្តោយ​មហាវិថីសហព័ន្ធរុស្សី ដែលនៅ​ក្បែរនឹង​ក្រសួងពាណិជ្ជកម្ម និងសាកលវិទ្យាល័យភូមិន្ទភ្នំពេញទីតាំងទី២។ ទីតាំងនេះហ៊ុំព័ទ្ធទៅដោយមជ្ឈមណ្ឌលពាណិជ្ជកម្ម លំនៅឋាន និងទីតាំងអាជីវកម្មធំៗជាច្រើន ដែលស័ក្តិសមឥតខ្ចោះក្នុងការផ្តល់សេវាហិរញ្ញវត្ថុនៅក្នុងសហគមន៍ដែលកំពុងរីកចម្រើនឥតឈប់ឈរមួយនេះ។

ធនាគារ វីង សាខាទឹកថ្លា ផ្តល់ជូននូវ​ដំណោះស្រាយសេវា​ធនាគារដ៏សម្បូរបែបរួមមាន៖ គណនីសន្សំ ប្រាក់បញ្ញើដែលមានអត្រាការប្រាក់ប្រកួតប្រជែង ប្រាក់កម្ចីផ្ទាល់ខ្លួន និងអាជីវកម្ម ការផ្ទេរប្រាក់អន្តរជាតិ ការទូទាត់វិក្កយបត្រ ក៏ដូចជា​សេវាហិរញ្ញវត្ថុជាច្រើនទៀត ដែល​មាន​ក្នុង​ការិយាល័យមួយនេះ​ដោយផ្ទាល់តែម្តង។​

បណ្ឌិត Dmytro Kolechko អគ្គនាយកធនាគារ វីង បានលើកឡើងថា៖ “យើងខ្ញុំពិតជារីករាយណាស់ដោយបាននាំយកសេវាកម្មរបស់ធនាគារ វីង ដែលគួរជាទី​ទុកចិត្ត​ ដើម្បីបម្រើដល់សហគមន៍ក្នុងតំបន់ទឹកថ្លា។ មិនថាអតិថិជនមានតម្រូវការស្នើកម្ចី ដាក់ប្រាក់បញ្ញើ ឬត្រូវការប្រើប្រាស់សេវាកម្មធនាគារប្រចាំថ្ងៃនោះឡើយ គឺយើងបានត្រៀមខ្លួនរួចរាល់ដើម្បីបម្រើគ្រប់តម្រូវការរបស់អតិថិជនទាំងអស់។”

ដើម្បីអបអរសាទរសមិទ្ធផលដ៏សំខាន់នេះ ធនាគារ វីង មានការផ្តល់ជូននូវកម្មវិធីពិសេសៗជាច្រើន ដើម្បីជាការថ្លែងអំណរគុណចំពោះបងប្អូនប្រជាពលរដ្ឋ​នៅទីនេះ និងតំបន់ផ្សេងទៀតដែលបានស្វាគមន៍វត្តមានរបស់ធនាគារ វីង មកកាន់តំបន់ទឹកថ្លា។ អតិថិជនដែលបើកគណនីថ្មី នឹងទទួលការលើកលែងថ្លៃសេវាប្រចាំឆ្នាំសម្រាប់​ឆ្នាំ​ដំបូង​ចំពោះការប្រើប្រាស់ម៉ាស្ទ័រកាត វ័នកាត  កាតឥទាន និង​ កាតឥណពន្ធ វីសា​​ ក៏ដូចជា​កាត យូញៀនផេ របស់​ធនាគារ វីង ព្រម​ទាំងទទួល​បាន​កាតបន្ថែមមួយដោយឥតគិតថ្លៃ។

ចំពោះម្ចាស់អាជីវកម្មដែលកំពុងស្វែងរកទុនបន្ថែមដើម្បីពង្រីកមុខរបរ អតិថិជនក៏អាចទទួលបាននូវ​កម្ចីអាជីវកម្មក្នុងអត្រាការប្រាក់សមរម្យ​ត្រឹមតែ ៧,៥% ប៉ុណ្ណោះ​ក្នុងមួយឆ្នាំ ខណៈដែលគណនីសន្សំធម្មតាផ្តល់ជូនអត្រាការប្រាក់រហូតដល់ ៣% ទៀតផង។

អ្វីដែលកាន់តែពិសេសនោះ រាល់ការបើកគណនីប្រាក់រៀល នឹងទទួលបានការចាប់ឆ្នោតប្រចាំខែដោយស្វ័យប្រវត្តិ ដើម្បីមានឱកាសឈ្នះទូរសព្ទ iPhone ស៊េរីទំនើប ដែលជាការថ្លែងអំណរគុណពីធនាគារ វីង ជូនចំពោះអតិថិជន។ ការផ្តល់ជូនទាំងនេះនឹងមានសុពលភាពរហូតដល់ថ្ងៃទី ២៥ ខែវិច្ឆិកា ឆ្នាំ ២០២៥។

សាខាថ្មីនេះបើកដំណើរការពី ម៉ោង ៨:០០ ព្រឹក ដល់ ៤:០០ ល្ងាច ចាប់ពីថ្ងៃចន្ទ ដល់ថ្ងៃសុក្រ ដោយមានបុគ្គលិកមានជំនាញវិជ្ជាជីវៈច្បាស់លាស់ ព្រមទាំងមានកន្លែងចតរថយន្តធំទូលាយ ដើម្បីទទួលស្វាគមន៍ និងផ្តល់ជូននូវបទពិសោធន៍ប្រកបដោយភាពរាក់ទាក់សម្រាប់អតិថិជនទាំងអស់។

អស់រយៈពេល ១៧ឆ្នាំ នៃការបម្រើសេវាហិរញ្ញវត្ថុជូនប្រជាជនកម្ពុជា ធនាគារ វីង បានរីកចម្រើនក្លាយជាគ្រឹះស្ថានហិរញ្ញវត្ថុមួយដែលគួរឱ្យទុកចិត្តបំផុតរបស់កម្ពុជា ដោយគ្រប់គ្រងប្រាក់បញ្ញើជិត ៣ពាន់លានដុល្លារអាមេរិក និងផ្តល់ជូននូវដំណោះស្រាយហិរញ្ញវត្ថុជាង ១០០ ប្រភេទឯណោះ។

យោងតាមរបាយការណ៍ប្រចាំ​ឆ្នាំ ២០២៤ របស់ធនាគារជាតិនៃកម្ពុជាបានឱ្យ​​ដឹងថា​ ធនាគារ វីង បានជាប់ជាប់ចំណាត់ថ្នាក់ទី ៦ លើទ្រព្យសកម្មសរុប និងលើប្រាក់បញ្ញើសរុប ហើយជាប់ចំណាត់ថ្នាក់ទី១០លើការផ្តល់កម្ចី។

ការផ្តល់ជូននូវសេវាហិរញ្ញវត្ថុដ៏ទូលំទូលាយ តាមរយៈសាខាការិយាល័យ ២៦ ទីតាំង បណ្តាញភ្នាក់ងារធនាគារ វីង នៅទូទាំងប្រទេសជាង ១២.០០០ កន្លែង ភ្នាក់ងារ វីង​ ម៉ាស្ទ័រជិត ២០០ ទីតាំង និងកម្មវិធីទូរសព្ទដែលមានមុខងារសម្បូរបែប ធនាគារ វីង កំពុងបម្រើសេវាកម្មធនាគារដែលមានសុវត្ថិភាព ភាពច្នៃប្រឌិតទៅដល់អតិថិជនជាង ៩,៨ លានគណនីនៅទូទាំងប្រទេសកម្ពុជា។

ស្របពេលដែលរាជធានីភ្នំពេញកំពុងអភិវឌ្ឍយ៉ាងឆាប់រហ័សក្លាយជាមជ្ឈមណ្ឌលទីក្រុងដ៏មានសក្ដានុពលបំផុតមួយនៅតំបន់អាស៊ីអាគ្នេយ៍ ធនាគារ វីង នៅតែបន្តបេសកកម្មរបស់ខ្លួនយ៉ាងខ្ជាប់ខ្ជួនក្នុងការគាំទ្រនូវភាពរីកចម្រើនអតិថិជនទូទៅ អាជីវកម្ម និងសហគមន៍ សំដៅលើកកម្ពស់បរិយាបន្នហិរញ្ញវត្ថុ ក៏ដូចជាជំរុញកំណើនសេដ្ឋកិច្ចជាតិឱ្យកាន់តែរីកចម្រើនមួយកម្រិតទៀត៕

The post ធនាគារ វីង បើកសាខាថ្មីនៅទឹកថ្លា ជួយជំរុញកំណើនសេដ្ឋកិច្ចរាជធានីភ្នំពេញ appeared first on .

ធនាគារ វីង (ខេមបូឌា) ម.ក បានរៀបចំអបអរខួបលើកទី ១៧ឆ្នាំ នៃការចូលរួម​អភិវឌ្ឍ​សេវាហិរញ្ញវត្ថុរបស់ប្រទេសកម្ពុជា ដោយវិវឌ្ឍខ្លួនពីក្រុមហ៊ុន​សេវាផ្ទេរប្រាក់តាមទូរសព្ទដំបូងគេនៅក្នុងប្រទេស ទៅជាធនាគារពាណិជ្ជ របស់​កូន​ខ្មែរ ១០០% ដែលមានប្រតិបត្តិការទឹកប្រាក់រាប់សិបពាន់លានដុល្លារក្នុងមួយឆ្នាំៗ និងបម្រើដល់អ្នកប្រើប្រាស់រាប់លាននាក់នៅទូទាំងប្រទេស។

ដោយចាប់ផ្តើមចេញពីការតាំងចិត្ត​ដ៏សាមញ្ញមួយដើម្បី​ផ្តល់សេវា​ផ្ញើប្រាក់​ដែល​មានភាពងាយស្រួល​ប្រើប្រាស់​ មានសុវត្ថិភាព និងអាច​ប្រើប្រាស់បានគ្រប់គ្នា​នោះ​ ភ្នាក់ងារ​ វីង ក្លាយជាសេវាទូរសព្ទដៃដំបូងគេដែលភ្ជាប់ប្រជាជនកម្ពុជាទៅនឹងសេវាធនាគារមុនពេល “សេវាហិរញ្ញវត្ថុបែបឌីជីថល” បានរីកសុះសាយជាសកល។ ភ្នាក់ងារជាង ១២.០០០ កន្លែង ដែលក្នុងនោះ​មានជាង ៨០% ជាស្ត្រី កំពុងដំណើរ​ការ​នៅគ្រប់ខេត្តទូទាំងប្រទេស ដោយបានកាត់បន្ថយនូវគម្លាតរវាងសហគមន៍ និងសេវាកម្មហិរញ្ញវត្ថុ។

បន្ទាប់ពីអតិថិ​ជន​ជា​ច្រើ​នទទួលបាន​​នូវ​សេវា​ផ្ទេរប្រាក់ប្រកបដោយសុវត្ថិភាព និងងាយស្រួល ក្រុមហ៊ុន​ វីង បានក្លាយខ្លួន​ជាធនាគារឯកទេស នៅក្នុងឆ្នាំ ២០១៤ ហើយក្រោយមកបានក្លាយជាធនាគារពាណិជ្ជដ៏ពេញលេញ ដែលមានលទ្ធភាពក្នុងការបំពេញតម្រូវការហិរញ្ញវត្ថុជូនដល់ប្រជាពលរដ្ឋបានកាន់តែទូលំទូលាយ។ សព្វថ្ងៃនេះ វីង មានបណ្តាញសាខាធនាគារជិត ៣០ សាខា, ម៉ាស៊ីន ATM ដាក់ និងដកប្រាក់ ជិត​ ៥០គ្រឿង និងភ្នាក់ងារវីង ម៉ាស្ទ័រ ជាង  ១២០ កន្លែង ។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានមានប្រសាសន៍ថា៖ “វីង ត្រូវ​បានបង្កើតឡើងនៅ​តាម​ផ្លូវ​ និង​មុខហាងនានា យើង​តែងតែ​បន្តខិតខំនាំ​​យក​សេវា​ធនាគារឱ្យ​ខិតទៅ​ជិត​ប្រជាជន ដោយ​មិនចាំបាច់ឱ្យ​ប្រជាជន​មករកយើងនោះទេ។”  ការផ្តល់ដំណោះស្រាយដំបូងសម្រាប់សហគមន៍នេះ បានទទួលការទទួលស្គាល់តាមរយៈ​ពាន​រង្វាន់ជាសកលជា​ច្រើន​រួមមាន៖ ពានរង្វាន់ធនាគារដែលផ្តល់ផលវិជ្ជមានបំផុត ឆ្នាំ២០២៤ (Best Social Impact Bank 2024), និងពានរង្វាន់ភាពឈានមុខគេសម្រាប់ការមិនប្រើប្រាស់ក្រដាសប្រាក់ ឆ្នាំ២០២៤ (Cashless Leadership Award 2024 ) ពី CFI.co, និងពានរង្វាន់ជាច្រើនផ្សេងទៀតពីក្រុមហ៊ុនម៉ាស្ទ័រកាត និងទស្សនាវដ្តី Global Brand Magazine សម្រាប់ការផ្តល់សេវាកម្ចីឌីជីថល និងគណនីសន្សំដើម្បីគោលដៅ។ ភាពច្នៃប្រឌិតដូចជា៖ ម៉ាស្ទ័រកាត វ័នកាត ដែលមានមុខងារឥណពន្ធ និងឥណទាន ក្នុងកាតតែមួយដំបូងគេនៅកម្ពុជា និងសេវាដកប្រាក់ដោយឥតគិតថ្លៃ ដែលអនុញ្ញាតឱ្យអតិថិជនអាចដកប្រាក់បានតាម ភ្នាក់ងារ វីង ឬ ម៉ាស៊ីន ATM ដោយមិនគិតថ្លៃសេវា ដែលផ្តល់ជូននូវគោលការប្រកបដោយតម្លាភាព និងភាពងាយស្រួលក្នុងវិស័យធនាគារ។

ការរីកចម្រើនទៅមុខរបស់ វីង ក៏បានមកតាមរយៈ​ការ​ចាប់​ដៃគូយុទ្ធសាស្ត្រនានា​ផងដែរ។ គ្រាន់តែ​នៅឆ្នាំ ២០២៥ ប៉ុណ្ណោះ​ ធនាគារ វីង បានសហការជាមួយធនាគារ CIMB Singapore ដើម្បី​ជំរុញសេវា​ហិរញ្ញវត្ថុអន្តរជាតិ​, ក្រុមហ៊ុន TotalEnergies ដើម្បីផ្តល់ហិរញ្ញប្បទានសម្រាប់កែលម្អ​ស្ថានីយប្រេងឥន្ធនៈទូទាំងប្រទេស, ក្រុមហ៊ុនអាកាសចរណ៍ Singapore Airlines ទៅលើការប្តូរ Wingpoints ទៅ KrisFlyer miles, កំពង់ផែស្វយ័តក្រុងព្រះសីហនុ សម្រាប់សេវា​ទូទាត់ឌីជីថល, និងសាលាអន្តរជាតិ CIA First ទៅលើការធ្វើទំនើបកម្មការទូទាត់ថ្លៃសិក្សា និងលើកកម្ពស់ចំណេះដឹងផ្នែកហិរញ្ញវត្ថុ។ ក្រៅពីសេវា​ធនាគារ ក្រុមហ៊ុ​ វីង ក៏​មានថ្នាលឌីជីថលដូចជា៖ Wingmall, Wingshop, Wingagri, និង Wingmarket  ជាដើម ដែលបានជួយដល់សហគ្រាសធុនតូច និងមធ្យម, កសិករ, និងអ្នក​ផ្គត់ផ្គង់​ខ្សែច្រវាក់ផ្គត់ផ្គង់ក្នុងស្រុក ដែល​បាន​បង្ហាញថាបច្ចេកវិទ្យា និងសេវា​ហិរញ្ញវត្ថុអាចធ្វើការរួមគ្នាដើម្បីជំរុញកំណើនសេដ្ឋកិច្ច។

ធនាគារ វីង បានចូលរួមកិច្ចការ​សង្គមនានាយ៉ាងសកម្ម។ កម្មវិធីទំនួលខុសត្រូវសង្គមរបស់ វីង បានជួយដល់សហគ្រិនភាព, ការអប់រំ, គំនិតផ្តួចផ្តើមផ្នែកបរិស្ថាន និងសុខភាពសាធារណៈ តាមរយៈការ​ឧបត្ថម្ភ​កម្មវិធី​ជាច្រើនដូចជា៖ កម្មវិធី STEM សម្រាប់កុមារី, កម្មវិធីពន្លឿននៃភាពច្នៃប្រឌិត, កម្មវិធី​ដាំដើមឈើ និងការរៀបចំការបរិច្ចាគឈាមប្រចាំឆ្នាំ​ជាដើម​។ សម្រាប់ឆ្នាំនេះផងដែរ ដើម្បីប្រារព្ធខួបលើកទី ១៧ របស់ខ្លួន វីង បានរៀបចំគំនិតផ្តួចផ្តើមថ្មីមួយផ្សេងទៀត នោះគឺរាល់ការ​បើក​គណនីធនាគារ វីង ថ្មី​​ ក្រុមហ៊ុន​នឹងបរិច្ចាគថវិកាចំនួន ២០០ រៀល ដល់មូលនិធិទ្រទ្រង់ជនភៀសសឹក ដែលជួយដល់គ្រួសារជនភៀសសឹកក្នុងជម្លោះព្រំដែនខ្មែរ-ថៃ, វីរកងទ័ព ដែលបម្រើការពារអធិបតេយ្យភាពកម្ពុជា និងគ្រួសារយោធិនពលី។ បណ្ឌិត កូលេកកូ មានប្រសាសន៍បន្ថែមថា៖ “បើ​យើងរួមគ្នា នោះ​សកម្មភាពតូចមួយ​ ក៏​អាច​នាំឱ្យមានការផ្លាស់ប្តូរដ៏ធំមួយបានដែរ។”

ស្របពេលដែល វីង ប្រារព្ធខួបលើកទី​ ១៧  ធនាគារ វីង នៅតែបន្តជាមួយនឹងបេសកកម្មដ៏ច្បាស់លាស់ ដោយធានាថាប្រជាជនកម្ពុជាគ្រប់រូបនឹងទទួលបានសេវាហិរញ្ញវត្ថុដ៏ប្រសើរ ក៏ដូចជា​បន្ត​នូវ​ការ​ច្នៃប្រឌិត​ថ្មី​ៗ និងចាប់ដៃគូសហការបន្ថែមទៀត​ ដើម្បី​ចាប់​យក​ឱកាសថ្មីៗទាំងក្នុងប្រទេស និងនៅ​ជុំវិញ​ពិភពលោក។ បណ្ឌិត កូលេកកូ បន្ថែមថា៖ ​“អនាគត គឺជារបស់បុគ្គលដែលមានភាពច្នៃប្រឌិត ហើយ វីង នៅតែ​បន្តឈានមុខគេជានិច្ច។”​

The post ធនាគារ វីង ប្រារព្ធខួបលើកទី 17ឆ្នាំ នៃភាពរីកចម្រើន ភាពជាដៃគូ និងលើកស្ទួយជាវិជ្ជមានដល់សង្គម appeared first on .

ធនាគារ វីង (ខេមបូឌា) ម.ក ដែលជាធនាគារឌីជីថលដែលបង្កើតឡើងដោយជនជាតិខ្មែរ​ ១០០% បានចាប់ដៃគូជាមួយក្រុមហ៊ុនអាកាសចរណ៍ Singapore Airlines ដើម្បីដាក់ឱ្យដំណើរការជាផ្លូវនូវកម្មវិធីប្តូរយករង្វាន់ ដែលជាព្រឹត្តិការណ៍នៃភាពច្នៃប្រឌិតមួយដ៏សំខាន់តាមរយៈការផ្តល់ជូននូវអត្ថប្រយោជន៍ពិសេសៗមិនធ្លាប់មានសម្រាប់អតិថិជន។

ពិធីអបអរសាទរភាពជាដៃគូនេះ បានប្រព្រឹត្តទៅក្រោមអធិបតីភាព ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍,​ ឯកឧត្តមបណ្ឌិត ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការ នៃអគ្គលេខាធិការដ្ឋាន អាជ្ញាធរសេវាហិរញ្ញវត្ថុមិនមែនធនាគារ, និងអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប។

ក្នុងនោះក៏មានការអញ្ជើញចូលរួមពីតំណាងក្រុមហ៊ុន Singapore Airlines រួមមាន៖ លោក Bryan Koh អនុប្រធានផ្នែកទីផ្សារ, លោក Zechariah Chai អ្នកគ្រប់គ្រងប្រចាំតំបន់នៃភាពជាដៃគូ KrisFlyer, និងកញ្ញា Berlinda Yong អ្នកគ្រប់គ្រងទូទៅនៃក្រុមហ៊ុន Singapore Airlines ប្រចាំប្រទេសកម្ពុជា។

ចាប់ពីថ្ងៃនេះតទៅ អតិថិជនធនាគារ វីង ទាំងអស់ អាចប្រើប្រាស់ Wingpoints ប្តូរយកពិន្ទុនៅក្នុងកម្មវិធី KrisFlyer Miles បានយ៉ាងងាយស្រួល ដែលជាការផ្តល់ជូននូវអត្ថប្រយោជន៍ដ៏ពិសេសសម្រាប់ដំណើរកម្សាន្ត និងធ្វើឱ្យគុណភាពជីវិតកាន់តែស្រស់បំព្រង។ កិច្ចសហការជាយុទ្ធសាស្ត្រនេះ បានបង្ហាញពីការយកចិត្តទុកដាក់របស់ស្ថាប័នទាំងពីរក្នុងការផ្តល់ជូននូវបទពិសោធន៍ប្រើប្រាស់របស់អតិថិជនកាន់តែប្រសើរ ក៏ដូចជាជំរុញការប្រើ​ប្រាស់ប្រព័ន្ធហិរញ្ញវត្ថុឌីជីថល។

តាមរយៈការធ្វើសមាហរណកម្មនៃ​ផ្លេតហ្វមឌីជីថល រវាងធនាគារឌីជីថលឈានមុខគេរបស់ប្រទេសកម្ពុជា និងក្រុមហ៊ុនអាកាសចរណ៍ដែលមានកិត្តិនាមដ៏ល្បីល្បាញនៅលើពិភពលោក  ភាពជាដៃគូនេះនឹងផ្តល់លទ្ធភាពឱ្យអ្នកប្រើប្រាស់អាចបង្កើនអត្ថប្រយោជន៍ពីការទូទាត់ប្រចាំថ្ងៃជាមួយធនាគារ វីង និងការទិញទំនិញនៅលើអេប Wingmall នូវឱកាសធ្វើដំណើរកម្សាន្តទៅកាន់ពិភពលោកតាមរយៈការប្រើប្រាស់Wingpoints ដែលទទួលបាន ដោយប្តូរទៅជា ពិន្ទុ KrisFlyer Milesដែលអាចប្រើប្រាស់ដើម្បីទូទាត់ថ្លៃសំបុត្រយន្តហោះជាមួយក្រុមហ៊ុន Singapore Airlines ឬប្តូរយកផលិតផលដ៏សម្បូរបែបពីផ្សារឌីជីថល KrisShop។

បណ្ឌិត ឌីមីត្រូ ខូលេកកូ អគ្គនាយកធនាគារ វីង បានលើកឡើងថា៖ “នេះមិនគ្រាន់តែជាការផ្តល់ជូននូវកម្មវិធីរង្វាន់ធម្មតានោះឡើយ តែវាក៏ជាជម្រើសនៃដំណោះស្រាយដ៏មានភាពច្នៃប្រឌិតមួយដែលជួយឱ្យអតិថិជនបង្កើនបទពិសោធន៍ធ្វើដំណើរទៅកាន់ពិភពលោក។​ ក្នុងនាមជាគ្រឹះស្ថានហិរញ្ញវត្ថុក្នុងស្រុក យើងខ្ញុំពិតជាមានសេចក្តីសោមនស្សរីករាយក្នុងការបម្រើជូនអតិថិជនរបស់យើង​នូវអត្ថប្រយោជន៍ពីការទូទាត់ប្រចាំថ្ងៃ ហើយអាចប្រែក្លាយទៅជាបទពិសោធន៍ទូទាត់ជាសកល និងធ្វើដំណើរទៅកាន់ពិភពលោក។​”

ការប្តូរយកពិន្ទុរង្វាន់គឺមានភាពងាយស្រួល ដោយគ្រាន់តែធ្វើឡើងតាមរយៈអេប Wing Bank ។ អ្នកប្រើប្រាស់គ្រាន់តែជ្រើសរើសមុខងារ ‘Earn Wingpoints’ រួចជ្រើសរើស ‘Redeem KF Miles’ ដើម្បីប្តូរពី Wingpoints យកពិន្ទុរង្វាន់ KrisFlyer Miles ហើយរីករាយជាមួយអត្ថប្រយោជន៍ភ្លាមៗ។​ អតិថិជនក៏នឹងទទួលបាន ១.០០០ Wingpoints បន្ថែម បន្ទាប់ពីធ្វើប្រតិបត្តិការប្តូររង្វាន់ពី Wingpoints ទៅ KrisFlyer Miles បានដោយជោគជ័យ។

ដើម្បីអបអរសាទរនៃភាពជាដៃគូនេះ អ្នកប្រើប្រាស់ធនាគារ វីង ទាំងអស់នឹងទទួលបាននូវភាពរីករាយ ក្នុងការបញ្ចុះតម្លៃពិសេសជាមួយក្រុមហ៊ុន Singapore Airlines។ ចាប់ពីថ្ងៃទី១៣ ខែសីហា ដល់ថ្ងៃទី២ ខែកញ្ញា ឆ្នាំ២០២៥ សម្រាប់អ្នកដំណើរដែលកក់សំបុត្រយន្តហោះពីភ្នំពេញទៅសិង្ហបុរី នឹងទទួលបានការបញ្ចុះតម្លៃ ៥% ដោយគ្រាន់តែបញ្ចូលលេខកូដប្រូម៉ូសិន SQWING25 ពេលកក់សំបុត្រ។

អតិថិជន​អាចធ្វើដំណើរ ចាប់ពីថ្ងៃទី១៣ ខែសីហា ដល់ថ្ងៃទី៣១ ខែតុលា ឆ្នាំ២០២៥ ដែលជាឱកាសដ៏ល្អសម្រាប់ការរៀបចំទុក​ជាមុន។ រួសរាន់ឡើង ការផ្តល់ជូននេះមានកំណត់។ 

ភាពជាដៃគូនេះ គឺជាការបោះជំហានដ៏សំខាន់មួយក្នុងការជំរុញវិស័យទេសចរណ៍ក្នុងតំបន់ ក៏ដូចជាជំរុញនវានុវត្តន៍ហិរញ្ញវត្ថុ ដែលនឹងផ្តល់ជូនប្រជាជនកម្ពុជានូវអត្ថប្រយោជន៍កាន់តែច្រើន, ភាពងាយស្រួល និងឱកាសធ្វើដំណើរជុំវិញពិភពលោក៕

The post ធនាគារ វីង និង Singapore Airlines រួមគ្នាបង្កើតកម្មវិធីប្តូរយករង្វាន់ដំបូងគេនៅកម្ពុជា appeared first on .

កាល​ពី​ថ្ងៃទី ២-៣ ខែសីហា ជំនួយលើកទីមួយត្រូវបានបញ្ជូនទៅកាន់វត្តគិរីទួលអណ្តែត ដែលជាជំរំជនភៀសសឹក​ក្នុងខេត្តព្រះវិហារ ហើយ​បច្ចុប្បន្នកំពុងផ្តល់ជម្រកដល់កុមារ និងក្រុមគ្រួសាររបស់ពួកគេជាង ៧00 នាក់។

កិច្ចខិតខំប្រឹងប្រែងកៀរគរជំនួយនិង​ថវិកា​ត្រូវ​បានចាប់ផ្តើមនៅថ្ងៃទី ១ ខែសីហា​ ហើយ​ក្រុមអ្នកស្ម័គ្រចិត្តបាន​ជួបជុំគ្នា​នៅចំណតរថយន្ត Royal One ដើម្បីប្រមូល​ និងរៀបចំជំនួយសប្បុរសធម៌ទាំងនោះមុនពេល​យក​ទៅ​ចាត់ចែង​បន្ត​។ កិច្ច​ការនេះត្រូវ​ដឹកនាំដោយតំណាងក្រុមហ៊ុន រ៉ូយ៉ាល់ គ្រុប រួមមាន​ លោក ឡៅ សៀងហៃ លោក​ ឈុន វឌ្ឍនភក្តី លោក វ៉ាន សុធារី  ព្រមទាំង​លោក ហោ ប៊ុនថែ អគ្គនាយករងធនាគារ វីង និងក្រុមការងារដឹកជញ្ជូនស្ម័គ្រចិត្ត​ជាច្រើននាក់ទៀត ​។ ទោះបីជាមានការព្រួ​យ​បារម្ភអំពីសុវត្ថិភាពក៏ដោយ ក៏បេសកកម្មមួយនេះ​ត្រូវ​បានដំណើរការដូចការគ្រោងទុក។ នៅថ្ងៃទី ៣ ខែសីហា រថយន្តចំនួន ៤ គ្រឿងបានធ្វើដំណើរដឹក​អំណោយ​​ទៅដល់ជំរំ​ជន​ភៀសសឹក​។ ជំនួយបន្ថែមក៏ត្រូវបានផ្តល់ជូនដល់មន្រ្តី​នៅ​ជួរមុខ ដោយមានការគាំទ្រពីក្រុមហ៊ុន Cellcard ដែលជាសមាជិក​របស់ក្រុមហ៊ុន ​រ៉ូយ៉ាល់ គ្រុប។

មូលនិធិនេះត្រូវបានបង្កើតឡើងដោយអ្នកឧកញ៉ា គិត ម៉េង និងលោកជំទាវ អ្នកឧកញ៉ា ម៉ៅ ចំណាន ដោយមានការគាំទ្រយ៉ាងពេញទំហឹងពីសមាជិកនៃក្រុមហ៊ុន រ៉ូយ៉ាល់ គ្រុប និងសមាគមសិល្បករខ្មែរ។ កន្លែងទទួល​មូលនិធិពីសប្បុរសជន​ចំនួន៨ ត្រូវបានដំឡើងនៅតាម​ការិយាល័យរបស់​​សមាជិកនៃក្រុមហ៊ុន រ៉ូយ៉ាល់ គ្រុប និងសមាគមសិល្បករខ្មែរ ក្នុងរាជធានីភ្នំពេញ ដើម្បីប្រមូលវិភាគទានជាថវិកា និងជាសម្ភារៈ​ផ្សេងៗ​។

លោក ឈុន វឌ្ឍនភក្តី នាយក​គ្រប់គ្រង​ផ្នែក​ទំនាក់ទំនងនៃ​ក្រុមហ៊ុន រ៉ូយ៉ាល់ គ្រុប បានមានប្រសាសន៍ថា៖ “លំនៅដ្ឋាន​ជាច្រើនត្រូវបានបំផ្លាញនៅតាមព្រំដែន។ ទោះ​បី​ជាការប្រយុទ្ធបានបញ្ចប់ គ្រួសារទាំងនេះប្រហែលជាគ្មានផ្ទះ​សម្បែងត្រូវត្រឡប់ទៅវិញ​នោះទេ។ ពួកគេនឹងត្រូវការពេលវេលា មធ្យោបាយ​ និងការគាំទ្រជាច្រើន​ដើម្បីកសាងជីវភាព​របស់ពួកគេឡើងវិញ​។ មូលនិធិនេះជួយ​ដល់ប្រជាជនក្នុង​រយៈពេលយូរ។”

លោក ឡៅ សៀងហៃ  នាយកគ្រប់គ្រងធនធានមនុស្សនិងវប្បធម៌ការងារនៃ​ធនាគារ វីង បានឱ្យដឹងថា៖ “នៅក្នុងគ្រាមានវិបត្តិ សាមគ្គី​ភាព​គឺជាកម្លាំងដ៏អស្ចារ្យបំផុតរបស់យើង”។

លោក ហោ ប៊ុនថែ បានបន្ថែមថា៖ “ខណៈដែលជម្លោះអាចត្រូវការពេលវេលាដើម្បីដោះស្រាយ មានគ្រួសារជា​ច្រើន​កំពុងរងទុក្ខលំបាក​នៅពេលនេះ។ ពួកគេមិនអាចរង់ចាំបានយូរទៀតទេ ហើយយើងក៏​មិនអាចមើលរំលងទុក្ខ​លំបាករបស់ពួកគេបានដែរ ។ នេះគឺជាពេលមួយសម្រាប់ខ្មែរគ្រប់រូប មិន​ថា​ជា​រស់នៅ​ទីក៏ដោយ​ ត្រូវ​រួមគ្នាតែមួយ។ ទឹក​ចិត្ត​សប្បុរសធម៌​មិនត្រឹមតែអាច​ជួយ​អ្នក​ខ្វះខាត​ប៉ុណ្ណោះទេ ប៉ុន្តែថែម​បាន​ជួយ​សង្គ្រោះជីវិតប្រជាជន​ផងដែរ​” ។

ប្រជាជនកម្ពុជាដែលរស់នៅក្រៅប្រទេសក៏​អាចចូលរួមចំណែកដោយផ្ទាល់ដល់មូលនិធិទ្រទ្រង់​ជនភៀសសឹកបានផងដែរ តាមរយៈដៃគូអន្តរជាតិរបស់ធនាគារវីង រួមមាន៖ Gmoney, E9Pay និង Hanpass នៅក្នុងប្រទេសកូរ៉េខាងត្បូង​ City Express និង JME នៅប្រទេសជប៉ុន; និង Western Union និង MoneyGram នៅក្នុងប្រទេសផ្សេងដ៏ទៃ​ទៀត។

ដើម្បីបរិច្ចាគថវិកា​ គ្រាន់តែជ្រើសរើស “Account Transfer”នៅលើកម្មវិធីទូរស័ព្ទ វាយ​បញ្ចូល “Foundation for Refugees Assistance” បញ្ចូលចំនួនទឹកប្រាក់បរិច្ចាគ និងបញ្ជាក់ប្រតិបត្តិការជា​ការស្រេច។

សម្ភារៈ និង​ថវិកាបរិច្ចាគទាំងអស់ត្រូវបានគ្រប់គ្រងដោយធានាបាន​នូវ​សុវត្ថិភាព និងចែកចាយប្រកបដោយតម្លាភាព ដើម្បីជួយ​ទៅដល់ប្រជាជន​ខ្វះខាតឱ្យ​ទាន់ពេលវេលា សម្រាប់ថ្ងៃនេះ និង​ពេលខាងមុខទៀត។

ធនាគារ វីង, ក្រុមហ៊ុន​ រ៉ូយ៉ាល់ គ្រុប, និងសមាគមសិល្បករខ្មែរ សូមថ្លែងអំណរគុណយ៉ាងជ្រាលជ្រៅចំពោះម្ចាស់ជំនួយទាំងអស់​ ប្រជាជនទូទៅ​ អង្គការ និងសហគមន៍នានា​ទាំង​ជិត និងឆ្ងាយ ដែលមានចិត្តសប្បុរស និងក្តីមេត្តា។ ក្នុងចំណោមសប្បុរសជនទាំងនេះ មានសិស្សានុសិស្ស​ដែល​លះបង់ប្រាក់សម្រាប់​បាយ​ថ្ងៃត្រង់ អ្នកលក់តាមដងផ្លូវដែលបាន​យក​ប្រាក់ចំណូលប្រចាំថ្ងៃរបស់ពួកគេមកបរិច្ចាគ​ ហើយ​សូម្បីតែអតីតយុទ្ធជនពិការក៏​បាន​បរិច្ចាគនូវធនធាន​​ដែលខំ​សន្សំសំចៃ​ទុក​ដាក់នាពេល​កន្លងមក​។ សកម្មភាពទាំងនេះ​បាន​បន្លឺ​សម្លេងលឺខ្លាំង​ជាង​សម្តីដែល​និយាយទៅទៀត។​ ភាពមិនអាត្មានិយមរបស់ពួកគេគឺជាការរំលឹកថាទឹក​ចិត្ត​សប្បុរសមិន​មាន​ព្រំដែនកំណត់នោះ​ទេ ហើយការផ្លាស់ប្តូរពិតប្រាកដនៅក្នុង​សង្គមមួយ​គឹអាច​ចាប់ផ្តើមទៅ​បាន​នៅពេលដែលយើងម្នាក់ៗទទួលខុសត្រូវចំពោះគ្នាទៅវិញទៅមក។

The post ធនាគារ វីង, ក្រុមហ៊ុនរ៉ូយ៉ាល់គ្រុប, និងសមាគមសិល្បករខ្មែរ រៀបចំមូលនិធិទ្រទ្រង់​ជនភៀសសឹក​ក្នុងពេលមានវិបត្តិព្រំដែន appeared first on .

តាមរយៈការប្រកាសរបស់ធនាគារ វីង នៅថ្ងៃទី៣០ កក្កដានេះថា ធនាគារ វីង បានសម្រេចលុបចោលបំណុលជូនដល់យោធិនដែលបានចូលរួមក្នុងសមរភូមិការពារបូរណភាពទឹកដីកម្ពុជាដូចខាងក្រោម៖
១-យោធិនពលី ១០០%
២-យោធិនពិការ ១០០%
៣-យោធិនរងរបួស ៧៥% ។

ទន្ទឹមនឹងនេះ ក្រុមការងារធនាគារ វីង នឹងធ្វើការដោយផ្ទាល់ជាមួយក្រុមគ្រួសារយោធិន ដើម្បីដោះស្រាយបញ្ហានេះឱ្យបានឆាប់បំផុត។

សូមបញ្ជាក់ថា ការប្រកាសលុបចោលនូវបំណុលខាងលើ គឺតបតាមការអំពាវនាវរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីល្ងាចថ្ងៃទី២៩ កក្កដា ២០២៥ ដើម្បីជួយដល់យោធិនពលី និងយោធិនរបួស ពិការនៅសមរភូមិក្នុងបុព្វហេតុការពារជាតិ និងការពារបូរណភាពទឹកដីរបស់យើង៕

The post ធនាគារ វីង អ្នកឧកញ៉ា គិត ម៉េង នឹងលុបបំណុលជូនយោធិនពលី និងយោធិនពិការ ១០០% appeared first on .

ពិធីសម្ពោធនេះ ត្រូវ​បានរៀបចំនៅថ្ងៃទី១៦ ខែមិថុនា ប្រព្រឹត្តទៅក្រោមអធិបតី​ភាព​របស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង, ឯកឧត្តម ថុង ណារុង ប្រធានក្រុមប្រឹក្សាខេត្តកោះកុង, ឯកឧត្ដម នាយឧត្ដមសេនីយ៍ យន្ត មីន រដ្ឋលេខាធិការ ក្រសួងការពារជាតិ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកោះកុង, ព្រមទាំងលោក សាផល រិទ្ធីយ៉ា ប្រធានសាខាធនាគារជាតិ នៃកម្ពុជា ខេត្តកោះកុង និងជាតំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គ​ទេសាភិបាល ធនាគារជាតិនៃកម្ពុជា។​

ក្នុងនោះ​ក៏មាន​វត្តមានអ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប, ឧកញ៉ា គិត សូឡា អគ្គនាយកប្រតិបត្តិការ នៃក្រុមហ៊ុន រ៉ូយ៉ាល់គ្រុប អន្តរជាតិ ព្រមទាំងមានការអញ្ជើញចូលរួមពីភ្ញៀវកិត្តិយស និងមន្ត្រីអាជ្ញាធរមូលដ្ឋានជាច្រើនរូបទៀត។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានលើកឡើងថា៖ “ក្នុងនាមជាធនាគាររបស់​កូនខ្មែរ សុទ្ធសាធ​ យើងខ្ញុំពិតជា​មានមោទនភាពក្រៃលែងក្នុងនាមជាគ្រឹះស្ថានហិរញ្ញវត្ថុក្នុងស្រុក ហើយ​បាន​ប្តេជ្ញាចិត្តចូលរួម​លើកកម្ពស់ជីវភាពរបស់​សហគមន៍។ យើងខ្ញុំក៏​សូមថ្លែងអំណរគុណចំពោះការស្វាគមន៍យ៉ាងកក់ក្តៅពីសំណាក់ប្រជាពលរដ្ឋខេត្តកោះកុង ហើយយើងខ្ញុំ​បាន​​ត្រៀមខ្លួនរួច​ជាស្រេច​ក្នុង​ការ​គាំទ្រកំណើនសេដ្ឋកិច្ច​រយៈពេល​វែង​ក្នុង​ខេត្តនេះ​។”

កោះកុង​ គឺជាខេត្តមួយដែលមានសក្ដានុពលធំធេង សម្បូរទៅដោយធនធានធម្មជាតិ ហើយកំពុងមានការអភិវឌ្ឍហេដ្ឋារចនាសម្ព័ន្ធគួរឱ្យកត់សម្គាល់។ វត្តមានសាខាធនាគារ វីង ក្នុងខេត្តកោះកុង នឹងក្លាយជាកត្តាជំរុញដ៏សំខាន់មួយទៀតសំដៅគាំទ្រដល់ការកសាងប្រព័ន្ធហិរញ្ញវត្ថុដែលចាំបាច់ ដើម្បីជួយសម្រួលដល់ប្រជាពលរដ្ឋទូទៅ ម្ចាស់​អាជីវកម្មខ្នាតតូច និងសហគ្រាសនានា ឱ្យ​រីកលូតលាស់ក្នុងបរិបទសេដ្ឋកិច្ចដែល​កំពុងមានសម្ទុះកំណើនយ៉ាងឆាប់រហ័ស។

មានទីតាំងស្ថិតនៅតាមបណ្តោយផ្លូវជាតិលេខ ៤៨ ក្បែរសាលាខេត្ត និងស្ពានកោះកុង សាខាថ្មីធនាគារ វីង ផ្តល់ជូននូវសេវាកម្មធនាគារដ៏សម្បូរបែបរួមមាន៖ កម្ចី ប្រាក់បញ្ញើ ផ្ទេរប្រាក់ ទូទាត់វិក្កយបត្រទឹកភ្លើង និងបង់ធានារ៉ាប់រង ការទូទាត់ខ្សែសង្វាក់ផ្គត់ផ្គង់ សេវាបើកប្រាក់បៀវត្ស ព្រមទាំងសេវាហិរញ្ញវត្ថុផ្សេងៗជាច្រើនទៀតដើម្បីបំពេញតម្រូវការអតិថិជនទូទៅ សហគ្រាសខ្នាតតូច និងមធ្យម ក៏ដូចជាសហគ្រាសធំៗជាដើម។

សាខានេះនឹងបំពេញ​តួនាទី​បន្ថែមពីលើ​ភ្នាក់ងារធនាគារ វីង ប្រមាណ ១២០ ទីតាំងនៅទូទាំងខេត្តកោះកុង ដើម្បីធានាថាប្រជាពលរដ្ឋទាំងអស់អាចទទួលបានសេវាហិរញ្ញវត្ថុងាយស្រួលប្រើប្រាស់សម្រាប់ការរស់នៅប្រចាំថ្ងៃ។

រយៈពេលជិត ១៧ ឆ្នាំនៃការបម្រើសេវាហិរញ្ញវត្ថុនៅក្នុងប្រទេសកម្ពុជា ធនាគារ វីង បានវិវឌ្ឍខ្លួនក្លាយជាជាគ្រឹះស្ថានហិរញ្ញវត្ថុឈានមុខគេមួយ ដោយមានការិយាល័យ​ធនាគារ​ចំនួនជិត ៣០ ​ទីតាំង ភ្នាក់ងារធនាគារ វីង ជាង ១២.០០០ កន្លែង និងភ្នាក់ងារ វីង ម៉ាស្ទ័រ ជាង ១០០ កន្លែង ដែលគ្រប់ដណ្តប់នៅទូទាំងប្រទេសកម្ពុជា។

ក្រៅពីនេះ​ទៀត​ អេប ​របស់​ធនាគារ វីង​​ មាន​សេវាធនាគារ និង​​ហិរញ្ញវត្ថុជាង ១០០ ប្រភេទ ដើម្បីឆ្លើយតបគ្រប់តម្រូវការរបស់អតិថិជនយ៉ាង​ឆាប់រហ័សប្រកបដោយ​សុវត្ថិភាព ​។ ដោយទទួលបាន​នូវ​ការ​ទុក​ចិត្ត​ពី​ប្រជាជន​ដ៏​ច្រើន​សន្ធឹ​ក​សន្ធា​ប់​ ពេលនេះ ធនាគារ វីង មានអ្នក​ដាក់ប្រាក់បញ្ញើសរុបជិត ៣ ពាន់លានដុល្លារអាមេរិក ហើយកំពុងបម្រើអតិថិជនដែលមានជាង ៩,៥ លានគណនី។

ដើម្បីអបអរសាទរដល់​ការបើកសម្ពោធសាខាថ្មី ធនាគារ វីង ផ្តល់ជូននូវ​អត្រា​ការ​ប្រាក់ខ្ពស់ ៦% ក្នុងមួយឆ្នាំ ដែលខ្ពស់ជាងអត្រាការប្រាក់ធម្មតា ១,៥% ហើយសម្រាប់អតិថិជនក្នុងខេត្តកោះកុងដែល​បើកគណនីបញ្ញើមានកាលកំណត់  ។ ការ​ផ្តល់ជូន​នេះ មានគោលបំណងលើកទឹកចិត្តដល់ការសន្សំ ក៏ដូចជា​ជំរុញ​ភា​ព​បត់បែន​ផ្នែក​ហិរញ្ញវត្ថុក្នុងសហគមន៍នៃខេត្តកោះកុងផងដែរ​។ ការផ្តល់នូវ​អត្រា​ការ​ប្រាក់​ខ្ពស់នេះ មានសុពលភាពរហូតដល់ដំណាច់ខែមិថុនា ឆ្នាំ២០២៥ តែប៉ុណ្ណោះ៕

The post ធនាគារ វីង បើកសាខាថ្មីក្នុងខេត្តកោះកុង appeared first on .

តាមរយៈកិច្ចសហការនេះ ធនាគារ វីង នឹងផ្តល់ជូននូវដំណោះស្រាយហិរញ្ញវត្ថុ ក៏ដូចជាឥណទានតបតាមតម្រូវការជាក់ស្តែងដើម្បីគាំទ្រនូវកំណើនអាជីវកម្ម និងការពង្រីកដៃគូចែកចាយរបស់ក្រុមហ៊ុនតូតាល់អេនើជី នៅទូទាំងប្រទេសកម្ពុជា​ ដោយអនុញ្ញាតឱ្យដៃគូចែកចាយទាំងនោះទទួលបានសេវាហិរញ្ញវត្ថុងាយស្រួលប្រើប្រាស់​ប្រកបដោយទំនុកចិត្តដើម្បីបង្កើនប្រតិបត្តិការអាជីវកម្មឱ្យរីកចម្រើន​ជាងមុន។

លោកស្រី Dinah Jogia Kumar អគ្គនាយិកា ក្រុមហ៊ុនតូតាល់អេនើជី បានលើកឡើងថា៖ “ដៃគូចែកចាយរបស់យើង គឺជាឆ្អឹងខ្នងក្នុងការជំរុញកំណើនប្រតិបត្តិការអាជីវកម្មរបស់យើងឱ្យរីកលូតលាស់ជាលំដាប់។ ហើយកិច្ចសហការជាមួយធនាគារ វីង នាពេលនេះ គឺដើម្បីធានាថាពួកគាត់មានមធ្យោបាយដ៏ល្អបន្ថែមទៀតដើម្បីឆ្ពោះទៅមុខជាមួយភាពរីកចម្រើន។ តាមរយៈការផ្តល់ដំណោះស្រាយហិរញ្ញវត្ថុដែលមានភាពបត់បែន​ យើងមិនគ្រាន់តែអាចពង្រីកទីតាំងស្ថានីយច្រើនជាងមុនប៉ុណ្ណោះទេ តែក៏នឹងនាំមកនូវភាពរីកចម្រើន និងវឌ្ឍនភាពនៅទូទាំងប្រទេសកម្ពុជាទៀតផង។”

ក្នុងរយៈពេលប្រាំឆ្នាំកន្លងមកនេះ ក្រុមហ៊ុនតូតាល់អេនើជី បានពង្រីកបណ្តាញស្ថានីយសេវាកម្មរបស់ខ្លួនពី ១០០ទីតាំង​ កើនដល់ជាង ១៤០ទីតាំង ដែលនេះបង្ហាញពីការប្តេជ្ញាចិត្តដ៏មុតមាំក្នុងការជំរុញកំណើនអាជីវកម្មរបស់ខ្លួននៅទូទាំងប្រទេសកម្ពុជា។​ ដើម្បីឆ្លើយតបទៅនឹងកំណើនតម្រូវការដៃគូចែកចាយ ជាមួយនឹងដំណោះស្រាយហិរញ្ញវត្ថុងាយស្រួលប្រើប្រាស់ ភាពជាដៃគូនេះនឹងជួយឱ្យដៃគូចែកចាយរបស់ក្រុមហ៊ុនតូតាល់អេនើជី ទទួលបាននូវលទ្ធភាពក្នុងការវិនិយោគលើហេដ្ឋារចនាសម្ព័ន្ធចាំបាច់នានា ពង្រីកប្រតិបត្តិការ ព្រមទាំងលើកម្ពស់សេវាកម្មឱ្យកាន់តែប្រសើរ។

បណ្ឌិត ឌីមីត្រូ កូលេកកូ អគ្គនាយកធនាគារ វីង បានលើកឡើងថា៖ “យើងខ្ញុំពិតជាមានសេចក្តីរីករាយដែលបានសហការជាមួយក្រុមហ៊ុនតូតាល់អេនើជី ដើម្បីផ្តល់ដំណោះស្រាយហិរញ្ញវត្ថុងាយស្រួលប្រើប្រាស់ដែលគាំទ្រដល់ដៃគូចែកចាយរបស់ក្រុមហ៊ុនតូតាល់អេនើជី ដើម្បីជំរុញភាពរីកលូតលាស់អាជីវកម្ម ក៏ដូចជារួមចំណែកអភិវឌ្ឍក្នុងសហគមន៍ផងដែរ។ តាមរយៈការផ្តល់នូវជម្រើសហិរញ្ញវត្ថុដែលឆ្លើយតបទៅនឹងតម្រូវការ យើងអាចជួយដល់ដៃគូចែកចាយក្រុមហ៊ុនតូតាល់អេនើជី ទទួលបាននូវឱកាសរីកចម្រើន​លាស់ បង្កើតឱកាសការងារ ក៏ដូចជាលើកកម្ពស់កំណើនសេដ្ឋកិច្ចក្នុងសហគមន៍ឱ្យកាន់តែរឹងមាំ។

 ​តាមរយៈភាពជាដៃគូនេះ ធនាគារ វីង នឹងផ្តល់ជូនដៃគូអាជីវកម្មចែកចាយរបស់ក្រុមហ៊ុនតូតាល់អេនើជី ទាំងអស់ ជាមួយការស្នើទំហំកម្ចីដល់ទៅ ៣លានដុល្លារអាមេរិក ​ដែលនឹងជួយបំពេញតម្រូវការអាជីវកម្ម និងជំរុញភាពរីកចម្រើន​កាន់តែខ្លាំងឡើង។ កម្ចីទាំងនេះផ្តល់ជូនអត្រាការប្រាក់ប្រកួតប្រជែង លក្ខណ្ឌទ្រព្យបញ្ចាំមិនមានភាពស្មុគស្មាញ ហើយការសងត្រលប់ទៀតសោតក៏ផ្តល់ជូននូវភាពបត់បែនសមស្របតាមតម្រូវការអាជីវកម្មទៀតផង។​ ហិរញ្ញប្បទាននេះនឹងត្រូវប្រើប្រាស់ដើម្បីជួយដល់ការអភិវឌ្ឍសេវាកម្មថ្មីៗនៅតាមស្ថានីយ៍ ការកែលម្អហេដ្ឋារចនាសម្ព័ន្ធទីតាំង និងការពង្រីកសមត្ថភាពចែកចាយ ដែលអនុញ្ញាតឱ្យដៃគូចែកចាយទាំងអស់អាចពង្រីកប្រតិបត្តិការអាជីវកម្មដែលឆ្លើយតបទៅនឹងកំណើនតម្រូវការ​ទីផ្សារ។

ឥឡូវនេះដៃគូអាជីវកម្មចែកចាយរបស់ក្រុមហ៊ុនតូតាល់អេនើជីទាំងអស់ អាចស្នើឥណទាននេះបានយ៉ាងស្រួលដោយគ្រាន់តែទាក់ទងទៅកាន់ក្រុមការងាររបស់ក្រុមហ៊ុនតូតាល់អេនើជី​ ដើម្បីប្រឹក្សាយោបល់ និងការណែនាំបន្ថែមផ្សេងៗទៀត។

ភាពជាដៃគូនេះគឺជាការបើកទំព័រថ្មីមួយសម្រាប់កិច្ចសហប្រតិបត្តិការសាជីវកម្មនៅក្នុងប្រទេសកម្ពុជា ដែលនឹងក្លាយជាកម្លាំងជំរុញកំណើនសេដ្ឋកិច្ចប្រកបដោយបរិយាបន្ន ពង្រឹងដំណើរការអាជីវកម្មក្នុងស្រុក ក៏ដូចជាគាំទ្រនូវចក្ខុវិស័យវែងឆ្ងាយសម្រាប់ការអភិវឌ្ឍប្រទេសជាតិឱ្យរីកចម្រើនប្រកបដោយចីរភាព៕

The post ក្រុមហ៊ុនតូតាល់អេនើជី និង ធនាគារ វីង សហការជំរុញកំណើនអាជីវកម្មនៅក្នុងប្រទេសកម្ពុជា appeared first on .

ក្នុងឱកាសអបអរសាទរទិវាសុខភាពពិភពលោកឆ្នាំ ២០២៥ ធនាគារ វីង បានដឹកនាំបុគ្គលិកចូលរួមបរិច្ចាគឈាម ព្រមទាំងផ្តល់​ការពិគ្រោះ និង​ពិនិត្យសុខភាពជាមួយក្រុមគ្រូពេទ្យជំនាញនៅក្នុងពិព័រណ៍សុខភាព​ដោយ​ឥតគិតថ្លៃសេវា ហើយទន្ទឹមគ្នានេះ​ដែរ ក៏មាន​ការដាក់ឱ្យ​ដំណើរការនូវ​​មជ្ឈមណ្ឌលលំ​ហាត់ប្រាណដ៏ទំនើបសម្រាប់បុគ្គលិក ដែលស្ថិតក្នុងអគារធនាគារ វីងថៅវើ នៅចំកណ្តាលរាជធានីភ្នំពេញផងដែរ។

ដោយមានកិច្ចសហការជាមួយមជ្ឈមណ្ឌលជាតិផ្តល់ឈាម ធនាគារ វីង បានរៀបចំកម្មវិធី​បរិច្ចាគឈាម ដើម្បីលើកទឹកចិត្តបុគ្គលិកឱ្យចូលរួមជួយសង្គ្រោះអ្នកជំងឺដែលត្រូវការព្យាបាលបន្ទាន់។

បណ្ឌិត Dmytro Kolechko អគ្គនាយកនៃធនាគារ វីង បានលើកឡើងថា៖ “ក្នុងឱកាសនេះ ខ្ញុំសូមថ្លែងអំណរគុណយ៉ាងជ្រាលជ្រៅចំពោះបុគ្គលិករបស់យើងដែលមានសមានចិត្តចូលរួមដើម្បីសុខុមាលភាពសហគមន៍។ គ្រប់ដំណក់ឈាមដែលបានបរិច្ចាគ គឺជាពន្លឺនៃក្តីសង្ឃឹមដែលផ្តល់ជីវិតថ្មីដល់អ្នកដែលកំពុងត្រូវការ។”

យោងតាមការ​ផ្សព្វផ្សាយរបស់​សារព័ត៌មានក្នុង​ស្រុក​កាលពី​ពេល​ថ្មីៗនេះ​បានឱ្យដឹងថា នៅក្នុងប្រទេសកម្ពុជាបច្ចុប្បន្ននេះ​ មានអ្នក​ត្រូវការឈាមមួយប្លោកដើម្បីជួយសង្គ្រោះជីវិតអ្នកជំងឺ រៀងរាល់៥នាទីម្ដង។ជាក់ស្តែងនៅតាមមន្ទីរពេទ្យរដ្ឋក្នុងរាជធានីភ្នំពេញត្រូវការឈាមចន្លោះពី ៣០០ ទៅ ៣៥០ ប្លោកជារៀងរាល់ថ្ងៃ ហើយតម្រូវការឈាមនៅទូទាំងប្រទេសកើនដល់ប្រមាណ ១៤៣.១៤៣ ប្លោកក្នុងមួយថ្ងៃ។ យ៉ាងណាមិញមជ្ឈមណ្ឌលជាតិផ្តល់ឈាម បានគូសបញ្ជាក់ថាការផ្គត់ផ្គង់នេះអាចបំពេញតម្រូវការបានតែ ៧៥%ប៉ុណ្ណោះ ហេតុដូច្នេះកម្មវិធី​បរិច្ចាគឈាម​ដែលធនាគារ វីង រៀបចំឡើងនាពេលនេះពិតជាមានសារៈសំខាន់ណាស់ដើម្បីឆ្លើយតបទៅនឹងតម្រូវការដ៏ចាំបាច់ក្នុងការសង្គ្រោះអាយុជីវិត។

ក្រៅពីជំរុញ​ការបរិច្ចាគឈាម​ ធនាគារ វីង ក៏បានរៀបចំពិព័រណ៍សុខភាព ដើម្បីផ្តល់ឱកាសដល់បុគ្គលិកទទួលបានការពិគ្រោះយោបល់ដោយផ្ទាល់ជាមួយក្រុមគ្រូពេទ្យជំនាញមកពីស្ថាប័នថែទាំសុខភាពឈានមុខគេជាច្រើននៅកម្ពុជា។

បណ្ឌិត Kolechko បន្ថែមថា៖ “ក្នុងជីវិតរស់នៅប្រចាំថ្ងៃ ទាមទារឱ្យយើងធ្វើការងារ​ជាច្រើន ក៏ប៉ុន្តែការថែរក្សាសុខភាពរបស់យើងឱ្យល្អគឺជាកត្តាអាទិភាពមួយ​។​ តាមរយៈការតាមដានពិនិត្យសុខភាពជាប្រចាំ និងទទួលបាន​ការណែនាំពីអ្នកជំនាញ យើងអាចរកឃើញ ហើយអាចដោះស្រាយបញ្ហាសុខភាពបានទាន់ពេលវេលា​ ដើម្បីប្រាកដថាយើងមានសុខភាពរឹងមាំដើម្បី​ដោះស្រាយ​ការងា​ជាច្រើននៅក្នុងជីវិត។”

ការដាក់ឱ្យដំណើរការ​មជ្ឈមណ្ឌលលំ​ហាត់ប្រាណថ្មី

ជាផ្នែកមួយនៃចក្ខុវិស័យរបស់ខ្លួនក្នុងការបង្កើតបរិយាកាសការងារដែលមាន​ផាសុខ​ភាពសម្រាប់​បុគ្គលិក​ ធនាគារ វីង បានដាក់ឱ្យប្រើប្រាស់មជ្ឈមណ្ឌលលំ​ហាត់ប្រាណថ្មីនៅជាន់ទី៦នៃទីស្នាក់ការកណ្តាលរបស់ខ្លួន។ មជ្ឈមណ្ឌលលំ​ហាត់ប្រាណដ៏ទំនើបនេះ ផ្តល់ជូនបុគ្គលិកនូវការចូលហាត់ប្រាណដោយឥតគិតថ្លៃ ដោយ​បំពាក់នូវ​សម្ភារៈ​ប្រណីតៗ រួមជាមួយនឹងថ្នាក់យូហ្គាដ៏ស្រស់ស្រាយបន្ទាប់ពីបំពេញ​ការងារ​រួចរាល់​។

មជ្ឈមណ្ឌលហាត់ប្រាណនេះ ត្រូវបានរចនាឡើងដោយ​ផ្តោតលើ​​សោភ័ណភាព និងមុខងារជា​សំខាន់ៗ ដោយបានបំពាក់នូវម៉ាស៊ីនហាត់ប្រាណទំនើប ឧបករណ៍សម្រាប់​ហ្វឹកហាត់កម្លាំង និងស្ទូឌីយោយូហ្គាដ៏មនោរម្យ​​ដែល​អាចមើលឃើញទិដ្ឋភាពស្រស់ស្អាតនៃទីក្រុងភ្នំពេញថែមទៀតផង។

​មជ្ឈមណ្ឌលហាត់ប្រាណនេះមាន​នូវ​ទូសម្រាប់ទុកដាក់សម្ភារៈធំទូលាយ បន្ទប់ទឹកស្អាត និងកន្លែងសម្រាកដ៏កក់ក្ដៅ ទីនេះ​បានក្លាយ​ជា​កន្លែងហាត់ប្រាណដ៏ទាក់ទាញ។ ដោយមានពន្លឺធម្មជាតិជះចូលទៅក្នុងអគារគ្រប់គ្រាន់ ក៏ដូច​ជា​ពណ៌ស្រាលស្រទន់ អមដោយការតុបតែងប្រកបដោយ​ភាព​ទាក់ទាញ មជ្ឈ​មណ្ឌលនេះ​បាន​​ជំរុញលើកទឹកចិត្តបុគ្គលិកទាំងអស់ឱ្យ​គិតគូ​លើសុខភាពរបស់ពួកគេកាន់តែខ្លាំង​។

លើសពីកន្លែងធ្វើការ

អគារធនាគារ វីងថៅវើ ក៏មានការ​ផ្តល់ជូន​ជាច្រើនថែម​ទៀត​ ដែលជួយ​លើក​កម្ពស់​បរិយកាសការងារប្រចាំថ្ងៃរបស់​បុគ្គលិក​។ ទាំងនេះរួមមានហាងកាហ្វេ Coffee Hub ចំនួនពីរកន្លែង ដោយមានមួយនៅ​ជាន់ផ្ទាល់ដី និងមួយទៀតស្ថិតនៅជាន់ខាងលើ ព្រមទាំងមានអាហារដ្ឋានដែលផ្តល់ជូននូវអាហារឆ្ងាញ់ៗជាច្រើនជម្រើស ហើយមានតម្លៃសមរម្យ។

ជាន់នីមួយៗនៃអាគារនេះមានបន្ទប់ផ្ទះបាយ និងកន្លែងសម្រាក ដើម្បីផ្តល់នូវភាពងាយស្រួល និងផាសុកភាពសម្រាប់បុគ្គលិកទាំងអស់ពេញមួយថ្ងៃ។

ដោយបច្ចុប្បន្នមានបុគ្គលិកបម្រើការងារនៅទូទាំងប្រទេសជាង ៣.០០០នាក់ ដែលក្នុងនោះប្រហែល ៤០% គឺជាបុគ្គលិកស្ត្រី ធនាគារ វីង បានបង្កើតសហគមន៍ចម្រុះ និងប្រកបដោយថាមពល។

ធនាគារ វីង បានយកចិត្តទុកដាក់លើការវិនិយោគអភិវឌ្ឍសមត្ថភាពបុគ្គលិកតាមរយៈកម្មវិធីបណ្តុះ​បណ្តាលយ៉ាង​ទូលំទូលាយដែលមានគោលបំណងបំពាក់បំប៉នបុគ្គលិកនូវជំនាញដែលពួកគេត្រូវការដើម្បីទទួលបានភាពរីកចម្រើនប្រកបដោយវិជ្ជាជីវៈ។

ក្នុងត្រីមាសទីមួយនៃឆ្នាំ ២០២៥ ធនាគារ វីង បានផ្តល់ការ​បណ្តុះបណ្តាលចំនួន ១១៥ វគ្គ​ ដែលជួយលើកកម្ពស់សមត្ថភាព បុគ្គលិកជិត២.០០០នាក់ ដើម្បីពង្រីកជំនាញរបស់ពួកគេ ក៏ដូចជាជំរុញឱ្យធនាគារ​​ វីង បន្តនូវភាពបានជោគជ័យដ៏រឹងមាំ៕

The post ធនាគារ វីង គាំទ្រសកម្មភាព​សុខមាលភាពសហគមន៍ appeared first on .

ក្រសួងទេសចរណ៍កម្ពុជា បានចាប់ដៃគូជាផ្លូវការជាមួយធនាគារ វីង (ខេមបូឌា) ម.ក ដើម្បីផ្តល់ដំណោះស្រាយទូទាត់តាមប្រព័ន្ធឌីជីថលដ៏ទំនើប និងងាយស្រួល ទៅដល់ម្ចាស់អាជីវកម្មដែល​ត្រូវការស្នើសុំ​អាជ្ញាបណ្ណបើកអាជីវកម្មនានាពាក់ព័ន្ធនឹងវិស័យទេសចរណ៍។ កិច្ចសហការនេះធ្វើឡើងតាមរយៈការចុះអនុស្សរណៈនៃការយោគយល់មួយដែល​ត្រូវបាន​រៀបចំឡើង​កាលពីថ្ងៃទី ១៧ ខែមីនា ឆ្នាំ២០២៥ នៅការិយាល័យក្រសួងទេសចរណ៍ ដែលនេះ​ជាជំហានដ៏សំខាន់មួយ​ក្នុងការធ្វើឱ្យការងាររដ្ឋបាលក្នុងវិស័យទេសចរណ៍កាន់តែទំនើប។

ពិធីចុះហត្ថលេខានេះត្រូវ​បាន​រៀបចំឡើងក្រោមអធិបតីភាពឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប រួមជាមួយវត្តមាននៃការចូលរួមពីសំណាក់ភ្ញៀវកិត្តិយសជាច្រើនទៀត។

ឯកឧត្តម សុង តុងហាប់ រដ្ឋលេខាធិការក្រសួងទេសចរណ៍ បានមានប្រសាសន៍ថា៖ “កិច្ចសហការថ្មីនេះគឺជាជំហានមួយទៀតរបស់​ក្រសួង​ក្នុងកិច្ច​ខិតខំប្រឹងប្រែងពង្រឹងសេវាសាធារណៈពាក់ព័ន្ធនឹងវិស័យទេសចរណ៍ឱ្យបានកាន់តែប្រសើរឡើង។ យើងខ្ញុំប្តេជ្ញាចិត្ត​បន្តខិតខំប្រឹងប្រែងជំរុញវិស័យទេសចរណ៍កម្ពុជាឱ្យកាន់តែរីកចម្រើនតាមរយៈការប្រើប្រាស់បច្ចេកវិទ្យា​ប្រកប​ដោយ​ភាព​ច្នៃប្រឌិត និងផ្តល់នូវភាពងាយស្រួលក្នុងការប្រើប្រាស់ទៅដល់ភាគីពាក់ព័ន្ធទាំងអស់។”

ក្រសួងទេសចរណ៍ និងធនាគារ វីង បានសហការដើម្បីជំរុញបរិវត្តកម្មឌីជីថលនៅក្នុងវិស័យទេសចរណ៍តាំងពីយូរណាស់មកហើយ។ ហើយកិច្ចសហការនៅថ្ងៃនេះ ត្រូវបាន​ធ្វើឡើង​បន្ថែម​ពី​លើ​កិច្ច​សហការដែលត្រូវបានបង្កើតឡើងនៅក្នុងឆ្នាំ២០១៦ ដោយអនុញ្ញាតឱ្យអ្នកប្រើប្រាស់គេហទំព័រក្រសួងទេសចរណ៍ (https://www.cambodiatourismindustry.org/) អាចទូទាត់កម្រៃសេវាយ៉ាងងាយស្រួលតាមរយៈ​ធនាគារ វីង។

ក្នុងឱកាសនោះ អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកនៃក្រុមហ៊ុន រ៉ូយ៉ាល់គ្រុប បានសម្តែងការសាទរចំពោះពិធីចុះហត្ថលេខាលើភាពជាដៃគូដ៏មានសារៈសំខាន់នេះ។ អ្នកឧកញ៉ា គិត ម៉េង មានប្រសាសន៍ថា​៖ “ខ្ញុំមានការជឿជាក់យ៉ាងមុតមាំថាកិច្ចសហការនៅថ្ងៃនេះ នឹងបង្កើនកិច្ចសហប្រតិបត្តការ រវាង ធនាគារ វីង និងក្រសួងទេសចរណ៍ឱ្យកាន់តែរឹងមាំ និងធ្វើការរួមគ្នាកាន់តែជិតស្និតថែមទៀត។ ភាពជាដៃគូនេះ មិនគ្រាន់តែលើកកម្ពស់នៃការធ្វើទំនើបកម្មលើការទូទាត់ប៉ុណ្ណោះទេ យើងនឹងពង្រីកកិច្ចសហការថ្មីៗ ដើម្បីផ្តល់សេវាកម្ម ក៏ដូចជាជំរុញវិស័យទេសចរណ៍ឱ្យកាន់តែមានសម្ទុះខ្លាំងក្លាថែមទៀត ក្រោមការដឹកនាំរបស់ឯកឧត្តមរដ្ឋមន្រ្តី ហួត ហាក់ ជាពិសេសក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាក្នុងអាណត្តិទី៧ ហើយទាំងអស់នេះគឺជាមរតកគ្រឹះមួយដែលឈានទៅរកសន្តិភាព និងការអភិវឌ្ឍ ជាពិសេសយើងមិនអាចបំភ្លេចបានឡើយនូវគុណបំណាច់ដ៏ខ្ពង់ខ្ពស់របស់អតីតនាយករដ្ឋមន្រ្តី សម្តេចតេជោ ហ៊ុន សែន ដែលលោកបានខិតខំជំរុញ និងអភិវឌ្ឍ ដែលនាំមកនូវស្ថិរភាពនយោបាយ ការបង្រួបបង្រួមជាតិ សន្តិភាព និងឯកភាពជាតិរបស់យើងទាំងស្រុង។”

កិច្ចព្រមព្រៀងថ្មីនេះនឹងជួយលើកកម្ពស់វិស័យទេសចរណ៍ឱ្យ​បានប្រសើរមួយកម្រិតទៀត ដោយអនុញ្ញាតឱ្យសាធារណជនទូទាត់កម្រៃសេវាជា​ច្រើនប្រភេទដែលពាក់ព័ន្ធវិស័យទេសចរណ៍តាមគណនីធនាគារ វីង ប្រព័ន្ធទូទាត់KHQRដែលអនុញ្ញាត​ឱ្យ​អ្នកប្រើគណនីធនាគារផ្សេងដែល​ជា​សមាជិកនៃប្រព័ន្ធបាគង​ក៏អាចទូទាត់ជាមួយធនាគារ វីង ឬក៏សាធារណជនអាចទូទាត់កម្រៃសេវាទាំងនោះដោយផ្ទាល់នៅតាមការិយាល័យធនាគារ វីងទាំង ២៣ទីតាំង និងភ្នាក់ងារធនាគារ វីងទាំង ១១.០០០ កន្លែនៅទូទាំងប្រទេសកម្ពុជាបានយ៉ាងងាយស្រួលបំផុត។​

លោក Dmytro Kolechko អគ្គនាយកធនាគារ វីង បានថ្លែងអំណរគុណចំពោះក្រសួងទេសចរណ៍ដែលតែងតែផ្តល់ទំនុកចិត្តលើសេវាទូទាត់​តាម​ប្រព័ន្ធ​ឌីជីថលរបស់ធនាគារ វីង តាំងពី​ដើម​រហូតមក។ លោក Dmytro Kolechko បានលើកឡើងថា៖ “យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ​ក្រសួងទេសចរណ៍ដែល​ផ្តល់នូវទំនុកចិត្តដល់ធនាគារ វីង តាមរយៈ​ការរួមចំណែកគំនិតផ្តួចផ្តើមដ៏មានសារៈសំខាន់មួយ​នេះ។​ យើង​រួមគ្នាឆ្ពោះ​ទៅកាន់​​ជំនាន់ថ្មី​នៃ​បរិវត្តកម្មឌីជីថល​ជាមួយគ្នា​ ហើយ​​រួមគ្នា​កសាងអនាគតដ៏ត្រចះត្រចង់សម្រាប់វិស័យទេសចរណ៍របស់កម្ពុជា និងលើសពីនេះទៅទៀត។​”

កិច្ចសហការនេះត្រូវបានធ្វើឡើងដោយផ្អែកលើភាពជោគជ័យនៃប្រព័ន្ធអាជ្ញាបណ្ណទេសចរណ៍អនឡាញ(OTLS) ដែលត្រូវបាន​ដាក់​ឱ្យដំណើរដោយក្រសួងទេសចរណ៍។ ប្រព័ន្ធ OTLS នេះបានធ្វើទំនើបកម្មដល់ការស្នើសុំសេវាទេសចរណ៍ជាច្រើន​ដូចជា៖ សំណើសុំអាជ្ញាបណ្ណអាជីវកម្មទេសចរណ៍ថ្មី, ការបន្តនិងការធ្វើវិសោធនកម្មអាជ្ញាបណ្ណទេសចរណ៍ទាំងអស់,  សំណើសុំចំណាត់ថ្នាក់សណ្ឋាគារ និង រមណីយដ្ឋាន,  និង​សេវាទូទាត់ប្រាក់តាមប្រព័ន្ធអនឡាញ។

ដំណោះស្រាយដ៏មានភាពច្នៃប្រឌិតនេះជួយលុបបំបាត់ការធ្វើដំណើរទៅក្រសួងដោយផ្ទាល់ កាត់បន្ថយការចំណាយពេលវេលា ជាពិសេសសម្រាប់អាជីវករនៅតំបន់ឆ្ងាយៗ។ ដោយសេវា​ទូទាត់តាម​ប្រព័ន្ធ​ឌីជីថល​អាចប្រើបាន ២៤ ម៉ោងក្នុងមួយសប្តាហ៍ ​ការទូទាត់កម្រៃសេវាអាចធ្វើបានគ្រប់ពេល គ្រប់ទីកន្លែង ងាយស្រួល និងលឿនរហ័ស។

តាមរយៈការរួមបញ្ចូលសេវាបង់ប្រាក់តាមប្រព័ន្ធឌីជីថលរបស់ធនាគារ វីង នាពេលនេះ ក្រសួងទេសចរណ៍កំពុងឈានទៅមុខមួយជំហានទៀត ដើម្បីបង្កើនប្រសិទ្ធភាពការងារ និងជួយជំរុញវិស័យទេសចរណ៍កម្ពុជាឱ្យរីកចម្រើន៕

The post ក្រសួងទេសចរណ៍ និងធនាគារ វីង សហការធ្វើឱ្យសេវាសាធារណៈពាក់ព័ន្ធនឹងវិស័យទេសចរណ៍កាន់តែទំនើបតាមបច្ចេកវិទ្យាឌីជីថល appeared first on .

សេចក្តី​ជូនដំណឹងរបស់​ធនាគារ វីង​ មានខ្លឹមសារដូច​ខាង​ក្រោម៖​

នៅធនាគារ វីង យើងខ្ញុំបានចាត់ទុកអតិថិជនគឺជាបេះដូងនៃអ្វីៗគ្រប់យ៉ាងដែលយើងខ្ញុំខិតខំក្នុងការបម្រើសេវាកម្មជូន។ យើងខ្ញុំសូមសម្តែងការខន្តីអភ័យទោសយ៉ាងអស់ពីដួងចិត្តចំពោះការអាក់រអួលនៃសេវាកម្មរបស់យើងខ្ញុំ ដែលបានកើតឡើងកាលពី ថ្ងៃទី 12 ខែមីនា ឆ្នាំ 2025 កន្លងទៅ ដោយមូលហេតុយើងខ្ញុំបានធ្វើនូវវឌ្ឍនភាពផ្នែកបច្ចេកទេសរបស់ធនាគារ វីង។ យើងខ្ញុំយល់យ៉ាងច្បាស់ថា ការរអាក់រអួលនេះបានបង្កឱ្យមានការប៉ះពាល់មួយចំនួន ហើយយើងខ្ញុំពិតជាមានការសោកស្តាយយ៉ាងខ្លាំងចំពោះការរំខានណាមួយដែលបានប៉ះពាល់ដល់បទពិសោធន៍នៃការប្រើប្រាស់សេវាធនាគាររបស់លោកអ្នក។

ជាការប្តេជ្ញាចិត្តរបស់យើងខ្ញុំ គឺនឹងនៅតែបន្តក្នុងការផ្តល់ជូនលោកអ្នកនូវដំណោះស្រាយធនាគារដែលគួរឱ្យទុកចិត្ត ងាយស្រួល និងមានភាពច្នៃប្រឌិត។ ខណៈពេលដែលយើងខ្ញុំនៅតែបន្តធ្វើឱ្យប្រសើរឡើងនូវប្រព័ន្ធប្រតិបត្តិការរបស់យើងខ្ញុំដើម្បីបម្រើសេវាកម្មឱ្យកាន់តែប្រសើរ យើងខ្ញុំក៏សូមថ្លែងអំណរគុណចំពោះការអត់ធ្មត់ និងការយោគយល់អាធ្យាស្រ័យរបស់លោកអ្នក។

យើងខ្ញុំសូមថ្លៃអំណរគុណយ៉ាងជ្រាលជ្រៅចំពោះការផ្តល់ទុកចិត្ត និងបន្តគាំទ្រ ហើយយើងខ្ញុំក៏សង្ឃឹមយ៉ាងមុតមាំក្នុងការផ្តោតជាសំខាន់ទៅលើអតិថិជនបន្តទៅពេលអនាគត។

សូមបញ្ជាក់ផងដែរថា នៅពេលនេះ​​សេវារបស់​ធនាគារ វីង​ បានត្រលប់មកស្ថានភាពប្រក្រតីវិញហើយ។ អតិថិជន​ អាចធ្វើការ​ដាក់ប្រាក់ ដកប្រាក់ និង​សេវាផ្សេងៗទៀតបានដូចធម្មតា។ ក្នុង​ករណី​អតិថិជន​ មាន​​បញ្ហាអ្វីមួយ ​សូម​ទាក់ទងទំព័រ​ហ្វេសប៊ុក​ផ្លូវការ​របស់​ធនាគារ វីង បាន​គ្រប់ពេល៕​

The post ធនាគារ វី​ង សូមការ​អធ្យាស្រ័យចំពោះភាព​រអាក់រអួល​នៃសេវាធនាគារ ដែលបណ្តាលមកពី​ការកែលម្អផ្នែក​បច្ចេកទេស​ appeared first on .