ធនាគារ wing

ធនាគារ វីង ប្រគល់វិញ្ញាបនបត្រលុបបំណុលផ្លូវការជូនយោធិនរងរបួស

អ្នកឧកញ៉ាវត្តភ្នំ — Sat, 20 Sep 2025 01:37:12 +0000

គ្រួសារយោធិន ៣ នាក់នៅខេត្តឧត្តរមានជ័យ ទទួលបានការលុបបំណុលសរុបជិត ៥0.000 ដុល្លារអាមេរិក

ធនាគារ វីង បានប្រគល់វិញ្ញាបនបត្រផ្លូវការបញ្ជាក់ពីការលុបបំណុលដែលមានទឹកប្រាក់សរុបជិត ៥០.០០០ ដុល្លារអាមេរិក ជូនដល់គ្រួសារយោធិនរងរបួសចំនួន ៣នាក់ នៅក្នុងខេត្តឧត្តរមានជ័យ ដែលរងគ្រោះដោយសារជម្លោះព្រំដែនខ្មែរ-ថៃ។

ដោយអនុវត្តតាមការអំពាវនាវរបស់សម្តេចមហាបវរធិបតី ហ៊ុន ម៉ាណែត និងតបតាមសេចក្ដីណែនាំរបស់ធនាគារជាតិនៃកម្ពុជាផងនោះ ធនាគារ វីង បានសម្រេចលុបចោលបំណុលទាំងស្រុងជូនដល់អតិថិជន ឬអ្នករួមខ្ចី ដែលជាយោធិនបានពលី ឬពិការក្នុងពេលបំពេញបេសកកម្ម និងលុបចោលបំណុលចំនួន ៧៥% សម្រាប់យោធិនដែលរងរបួស។ ចាប់តាំងពីចុងខែ កក្កដា ឆ្នាំ២០២៥មក ធនាគារ វីង បានធ្វើការដោយផ្ទាល់ជាមួយអាជ្ញាធរ និងគ្រួសារយោធិនដើម្បីធានាបាននូវដំណោះស្រាយឆាប់រហ័ស និងប្រកបដោយការគោរពដឹងគុណ។

ពិធីប្រគល់វិញ្ញាបនបត្រនេះត្រូវបានធ្វើឡើងនៅឯគេហដ្ឋានផ្ទាល់របស់គ្រួសារវីរយុទ្ធជនក្នុងខេត្តឧត្តរមានជ័យ។

លោក អ៊ុត សឿង អគ្គនាយករងប្រតិបត្តិ ទទួលបន្ទុកសេវាធនាគារបុគ្គល នៃធនាគារ វីង បានលើកឡើងថា៖ “តាងនាមឱ្យថ្នាក់ដឹកនាំជាន់ខ្ពស់នៃធនាគារ វីង ខ្ញុំសូមថ្លែងអំណរគុណយ៉ាងស្មោះអស់ពីដួងចិត្តជូនដល់វីរកងទ័ពចំពោះការពលីកម្មគ្រប់បែបយ៉ាង ដើម្បីជាតិមាតុភូមិរបស់យើង។ បងប្អូនគឺជាវីរបុរសដ៏អង់អាចនៃកម្ពុជាយើង។ យើងខ្ញុំសង្ឃឹមថា ការបន្ធូរបន្ថយបំណុលនេះនឹងជួយសម្រាលបន្ទុកក្រុមគ្រួសាររបស់បងប្អូនក្នុងអំឡុងពេលដ៏លំបាកនេះ។”

គ្រួសារយោធិននីមួយៗបានទទួលការលុបបំណុល ៧៥% ពីធនាគារ វីង។ ក្នុងចំណោមនោះ លោក ណន ធា ដែលជាយោធិនរងរបួសនៅក្នុងប្រតិបត្តិការសឹក មានទីលំនៅឋិតក្នុងខេត្តឧត្តរមានជ័យ បានថ្លែងអំណរគុណជូនចំពោះសម្ដេចធិបតី ហ៊ុន ម៉ាណែត និងធនាគារ វីង ដែលបានជួយគ្រួសាររបស់គាត់ក្នុងគ្រាដ៏សោកសៅនេះ។

លោក ណន ធា បាននិយាយថា៖ “ខ្ញុំនឹកស្មានមិនដល់ថា នឹងមានអ្នកណាមកជួយខ្ញុំដោយក្ដីមេត្តាបែបនេះឡើយ ខ្ញុំពិតជាអរគុណយ៉ាងជ្រាលជ្រៅជូនចំពោះសម្ដេចធិបតី ហ៊ុន ម៉ាណែត និងធនាគារ វីង ចំពោះសមានចិត្តនៃការយកចិត្តទុកដាក់ និងការជួយសម្រាលបន្ទុកដល់គ្រួសារខ្ញុំ។”

ចំណែកជនរងគ្រោះពីរគ្រួសារទៀតគឺ លោក ណុប វ៉ាន់ ជាយោធិនរងរបួសនៅក្នុងប្រតិបត្តិការសឹក និងអ្នកស្រី ផង់ ស្រីដាវ ដែលស្វាមីរបស់គាត់ជាមន្ត្រីប៉ូលីសការពារព្រំដែនហើយរងរបួសនៅក្នុងជម្លោះនេះផងដែរ។

តាំងពីជម្លោះនៅព្រំដែនបានកើតឡើង ក្រុមគ្រួសារជាច្រើនត្រូវបានបង្ខំចិត្តចាកចេញពីលំនៅឋាន។ ដោយមើលឃើញពីទុក្ខលំបាកនេះ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន បានផ្តួចផ្តើម “មូលនិធិទ្រទ្រង់ជនភៀសសឹក” សម្រាប់ជួយទ្រទ្រង់ដល់គ្រួសាររងគ្រោះ ហើយបានអំពាវនាវដល់សាធារណជនឱ្យចូលរួមគាំទ្រផ្តល់ជំនួយដល់ពលរដ្ឋដែលរងគ្រោះ។ រហូតមកដល់បច្ចុប្បន្ន គ្រួសារជាង ២.០០០ គ្រួសារបានទទួលជំនួយតាមរយៈគំនិតផ្ដួចផ្ដើមនេះរួចមកហើយ៕

The post ធនាគារ វីង ប្រគល់វិញ្ញាបនបត្រលុបបំណុលផ្លូវការជូនយោធិនរងរបួស appeared first on .

សេវលេខធនាគារធំ ៣ នេះទុក ការពារវេរលុយខុសកុង ប្រញាប់ខលទាក់ទងបន្ទាន់

ឧកញ៉ាសម្រែ — Mon, 15 Nov 2021 08:47:26 +0000

ករណីអតិថិជនវេរលុយខុសកុង កើតមានជាហូរហែដោយសារការភណ្ឌច្រឡំ។ បើតាមប្រភពពីបុគ្គលិកធនាគារមួយរូបបានប្រាប់ថា នៅពេលកើតមានបញ្ហាវេរលុយខុសកុង អតិថិជនត្រូវប្រញាប់ទាក់ទងមកធនាគារជាបន្ទាន់ ដើម្បីបង្កកសាច់ប្រាក់។ យ៉ាងណាករណីធនាគារក៏មិនអាចបញ្ជាក់បានថា អតិថិជននឹងអាចទទួលបានទឹកប្រាក់នោះវិញដែរឬយ៉ាងណាទេ ប៉ុន្តែខាងធនាគារនឹងព្យាយាមដោះស្រាយជូនតាមដែលអាចធ្វើបាន។

ករណីនេះធនាគារមួយចំនួនក៏នឹងគិតថ្លៃសេវាពីអតិថិជន ដែលបានផ្ទេរខុសដើម្បីទទួលបានទឹកប្រាក់ត្រឡប់ទៅវិញ។

យ៉ាងណាមិញ ឧកញ៉ាញូស៍នឹងបង្ហាញលេខទូរសព្ទធនាគារធំ ៣ សេវទុកមានធនាគារ ABA ធនាគារ Wing និងធនាគារ Aceleda សុទ្ធតែជាធនាគារធំបំផុតដែលមានប្រើសេវាវេរលុយមានសកម្មភាពច្រើនជាងគេ។

1/ធនាគារ ABA

ធនាគារ ABA គឺជាគ្រឹះស្ថានហិរញ្ញវត្ថុឯកជនឈានមុខមួយរបស់កម្ពុជា។ សេវាធនាគារអនឡាញ និងធនាគារតាមទូរសព្ទដ៏ទំនើប ធ្វើឲ្យធនាគារ ABA ទទួលការគាំទ្រក្លាយជាសេវាហិរញ្ញវត្ថុដ៏ទំនើបសម្បូរបែប។

អតិថិជនមានបញ្ហាបន្ទាន់ណាមួយអាចទំនាក់ទំនងតាមលេខ៖ ០23 225 333/០98 203 203 ។

2/ធនាគារ Wing

ធនាគារឯកទេសវីង ទើបទទួលបានអាជ្ញាប័ណ្ណជាធនាគារពាណិជ្ជពីធនាគារជាតិនៃកម្ពុជា ហើយអាជ្ញាប័ណ្ណនេះអនុញ្ញាតឱ្យវីងធ្វើប្រតិបត្តិការជាធនាគារពាណិជ្ជក្រោមឈ្មោះ “ធនាគារ វីង (ខេមបូឌា) ម.ក”។ សេវាកម្មហិរញ្ញវត្ថុបែបឌីជីថលរបស់វីងដែលមានស្រាប់ តាមរយៈភ្នាក់ងារវីងដែលមានជាង ៩៣០០ កន្លែង និងកម្មវិធីស្មាតហ្វូនវីង ដែលបង្កើតបណ្តាញវេរលុយយ៉ាងទូលំទូលាយទូទាំំងប្រទេស។

អតិថិជនមានបញ្ហាបន្ទាន់ណាមួយអាចទំនាក់ទំនងតាមលេខ៖ ០23 999 989/ 012 999 489

3/ធនាគារ Aceleda

សេវាផ្ទេរប្រាក់ គឺជាសេវាមួយដែលធនាគារ Aceleda អនុញ្ញាតឱ្យអតិថិជន ធ្វើការផ្ទេរ ឬទទួលប្រាក់ទូទាំងប្រទេស និងផ្ទេរ ឬទទួលប្រាក់ក្រៅប្រទេស ។ បច្ចុប្បន្ននេះធនាគារអេស៊ីលីដា មានបម្រើសេវាផ្ទេរប្រាក់ដូចខាងក្រោម ៖

សេវាផ្ទេរប្រាក់ក្នុងស្រុក
សេវាផ្ទេរប្រាក់ក្រៅប្រទេសតាមរយៈប្រព័ន្ធ SWIFT
សេវាផ្ទេរប្រាក់ក្រៅប្រទេសតាមរយៈ វ៉េសស្ទឺន យូញៀន

អតិថិជនមានបញ្ហាបន្ទាន់ណាមួយ អាចទំនាក់ទំនងតាមលេខ៖ ០២៣ ៩៩៤ ៤៤៤/015 999 233

The post សេវលេខធនាគារធំ ៣ នេះទុក ការពារវេរលុយខុសកុង ប្រញាប់ខលទាក់ទងបន្ទាន់ appeared first on .

ធនាគារ wing

ធនាគារ វីង ប្រគល់វិញ្ញាបនបត្រលុបបំណុលផ្លូវការជូនយោធិនរងរបួស

សេវ​លេខ​ធនាគារ​ធំ ៣ នេះទុក ការពារ​​វេរលុយ​ខុស​កុង​ ប្រញាប់ខល​ទាក់ទង​បន្ទាន់

សេវលេខធនាគារធំ ៣ នេះទុក ការពារវេរលុយខុសកុង ប្រញាប់ខលទាក់ទងបន្ទាន់