នាយករដ្ឋមន្ត្រីស្រីលង្កា

អតីតប្រធានាធិបតីស្រីលង្កា អាចវិលចូលស្រុកវិញនៅចុងសប្ដាហ៍នេះ

ឧកញ៉ាសំពៅ — Fri, 02 Sep 2022 07:47:41 +0000

លោក Gotabaya Rajapaksa អតីតប្រធានាធិបតីស្រីលង្កា អាចនឹងវិលចូលស្រុកកំណើតវិញ បន្ទាប់ពីធ្វើការរត់ភៀសខ្លួនអស់រយៈពេលជាច្រើនសប្ដាហ៍ ខណៈប្រទេសថៃអាចនឹងជាគោលដៅចុងក្រោយ បើសិនអតីតមេដឹកនាំម្នាក់នេះសម្រេចវិលចូលស្រុកវិញនៅចុងសប្ដាហ៍នេះ។ នេះបើតាមការចុះផ្សាយពី CNA។

ប្រភពដដែលបន្ថែមថា បុរសវ័យ ៧៣ ឆ្នាំទំនងនឹងបញ្ចប់ការស្នាក់នៅប្រទេសថៃ និងវិលត្រឡប់ទៅស្រីលង្កាវិញនៅថ្ងៃសៅរ៍ ទី ៣ កញ្ញាខាងមុខ បន្ទាប់ពីការចំណាយនៅប្រទេសអាស៊ានមានតម្លៃថ្លៃពេក។

“គាត់ (Gotabaya) គឺបានរស់នៅសណ្ឋាគារនៅប្រទេសថៃ ប្រៀបដូចជាអ្នកទោស ហើយបានស្នើសុំវិលចូលស្រុកវិញ ហើយពួកយើងត្រូវបានគេផ្ដល់ដំណឹងថា គាត់នឹងវិលមកវិញនៅព្រឹកព្រលឹមថ្ងៃសៅរ៍នេះ”។ នេះបើតាមសម្ដីរបស់រដ្ឋមន្ត្រីក្រសួងការពារជាតិម្នាក់បានប្រាប់ AFP។

សូមជម្រាបដែរថា ទាក់ទងនឹងដំណឹងនៃការវិលត្រឡប់មកវិញរបស់អតីតប្រធានាធិបតីខាងលើ រដ្ឋាភិបាលស្រីលង្កាក៏បានត្រៀមកម្លាំងដើម្បីការពារសុវត្ថិភាពរបស់អតីតមេដឹកនាំខាងលើផងដែរ ពោលមានទាំងកងការពារ និងរថយន្តត្រៀមចាំទទួលស្រេច។ នេះបើតាមការចុះផ្សាយពី CNA៕

The post អតីតប្រធានាធិបតីស្រីលង្កា អាចវិលចូលស្រុកវិញនៅចុងសប្ដាហ៍នេះ appeared first on .

ការបោះឆ្នោតជ្រើសរើសប្រធានាធិបតីស្រីលង្កាថ្មី នឹងធ្វើឡើងក្នុងរយៈពេល ៧ ថ្ងៃ

ឧកញ៉ាសំពៅ — Fri, 15 Jul 2022 09:31:48 +0000

កាលពីពេលថ្មីៗនេះ លោក Gotabaya Rajapaksa បានផ្ញើលិខិតលាលែងតំណែងជាប្រធានាធិបតីស្រីលង្កា ហើយរដ្ឋាភិបាលបានសម្រេចឲ្យលោក Ranil Wickremesinghe កាន់កាប់តំណែងមួយនេះបណ្ដោះអាសន្ន។

ទន្ទឹមនឹងនោះ សារព័ត៌មាន Timesofindia បានចុះផ្សាយថា សមាជិកសភានឹងបើកកិច្ចប្រជុំពាក់ព័ន្ធនឹងការជ្រើសរើសប្រធានាធិបតីថ្មីនៅថ្ងៃសៅរ៍ ហើយបុគ្គលដែលជាប់ឆ្នោតនឹងត្រូវឡើងកាន់តំណែងបន្តពីលោក Rajapaksa រហូតដល់ចប់អាណត្តិនៅឆ្នាំ ២០២៤។

ការបោះឆ្នោតជ្រើសរើសប្រធានាធិបតីថ្មីទាំងតក់ក្រហល់មួយនេះ នឹងរំពឹងថាត្រូវធ្វើឡើងក្នុងរយៈពេល ៧ ថ្ងៃទៀត។

សូមជម្រាបដែរថា លោក Gotabaya Rajapaksa បានភៀសខ្លួនពីប្រទេសស្រីលង្កា ក្រោយក្រុមបាតុករឡោមព័ទ្ធភូមិគ្រឹះរបស់លោក ហើយបច្ចុប្បន្នលឺល្ហៀងៗថា អតីតប្រធានាធិបតីរូបនេះកំពុងសំងំនៅប្រទេសសិង្ហបុរី៕

The post ការបោះឆ្នោតជ្រើសរើសប្រធានាធិបតីស្រីលង្កាថ្មី នឹងធ្វើឡើងក្នុងរយៈពេល ៧ ថ្ងៃ appeared first on .

ប្រធានាធិបតី និងនាយករដ្ឋមន្ត្រីស្រីលង្កា ប្រកាសចុះចេញពីអំណាច

ឧកញ៉ាតូច — Sun, 10 Jul 2022 08:19:02 +0000

ប្រធានាធិបតីស្រីលង្កា លោក ហ្កោតាបាយ៉ា រ៉ាចាប៉ាក់សាចុះចេញពីអំណាចក្រោយមានសកម្មភាពតវ៉ាដ៏កក្រើក ដោយក្រុមបាតុករនាំគ្នាចូលលុកលុយ វិមានប្រធានាធិបតី ហើយថែមទាំងបានដុតបំផ្លាញគេហដ្ឋានរបស់នាយករដ្ឋមន្រ្តី នៅក្នុងរដ្ឋធានីកូឡុំបូ។ បើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអាទិត្យ ទី១០ កក្កដានេះ។

ប្រធានសភាស្រីលង្កា បានឱ្យដឹងថា លោក ហ្កោតាបាយ៉ា នឹងចុះចេញពីតំណែងជាប្រធានាធិបតី នៅថ្ងៃពុធសប្តាហ៍ក្រោយ។ ទន្ទឹមនឹងនេះលោកក៏អំពាវនាវឱ្យប្រជាជនគោរពច្បាប់ និងរក្សាសន្តិភាពផងដែរ។

ជាមួយគ្នានេះដែរ នៅថ្ងៃសៅរ៍ម្សិលមិញ នាយករដ្ឋមន្រ្តីស្រីលង្កា លោក រ៉ានីល វីគរ៉េម៉េស៉ីងហ្កេ ក៏បានប្រកាសថា លោកនឹងចុះចេញពីតំណែងដូចគ្នា។

ការប្រកាសចុះចេញពីអំណាចរបស់មេដឹកនាំកំពូលទាំងពីររបស់ប្រទេសស្រីលង្កា ទំនងកើតឡើងបន្ទាប់ពីបាតុកម្មប្រឆាំងរដ្ឋាភិបាល បានកើតមានឡើងជាច្រើនខែមកហើយនៅស្រីលង្កា ដោយសារតែវិបត្តិសេដ្ឋកិច្ចដ៏ធ្ងន់ធ្ងរបំផុត ដែល ប្រទេសដីកោះមានប្រជាជន២២លាននាក់នេះ ទទួលរងគ្រោះនូវបញ្ហាអតិផរណាកម្រិតខ្ពស់ខ្លាំង ហើយមិនមានសមត្ថភាព ក្នុងការនាំចូលទំនិញមូលដ្ឋាន ដូចជា ស្បៀងអាហារ ប្រេងឥន្ធនៈ និងឱសថជាដើម៕

People wait in a queue to buy diesel at a Ceylon Petroleum Corporation fuel station in Colombo on April 9, 2022. – The shortages of essentials have been caused by a wide-ranging import ban as Sri Lanka seeks to conserve its meagre foreign currency reserves to pay its debts. (Photo by AFP) (Photo by -/AFP via Getty Images)

The post ប្រធានាធិបតី និងនាយករដ្ឋមន្ត្រីស្រីលង្កា ប្រកាសចុះចេញពីអំណាច appeared first on .

ស្រីលង្ការកបាននាយករដ្ឋមន្ត្រីថ្មី តែប្រជាពលរដ្ឋនៅបង្ហាញការមិនពេញចិត្ត

ឧកញ៉ាសំពៅ — Sat, 14 May 2022 08:35:18 +0000

កាលពីពេលថ្មីៗនេះ រដ្ឋបាលប្រទេសស្រីលង្កាបានប្រកាសថា នឹងចាត់តាំងលោក Ranil Wickremesinghe មកកាន់តំណែងជានាយករដ្ឋមន្ត្រីថ្មី ជំនួសលោក Mahinda Rajapaksa ដែលបានលាលែងតំណែងកាលពីដើមសប្ដាហ៍នេះ។

បុរសដែលត្រូវមកចូលកាន់តួនាទីជំនួសបងប្រុសប្រធានាធិបតីខាងលើ គឺធ្លាប់ទទួលបន្ទុកមួយនេះ ៥ ជំនាន់មកហើយ ខណៈសារនេះគឺជាលើកទី ៦ នៃការក្លាយជានាយករដ្ឋមន្ត្រីនៃប្រទេសស្រីលង្កា ខណៈកន្លងមកលោកកាន់តួនាទីពុំដែលជាប់អាណត្តិឡើយ។

យ៉ាងណា ការចូលមកកាន់តំណែងសំខាន់មួយនៅជួររដ្ឋាភិបាលរបស់បុរសវ័យ ៧៣ ឆ្នាំ ហាក់មិនសូវទទួលបានការគាំទ្រពីសំណាក់ប្រជាពលរដ្ឋឡើយ ដ្បិតពួកក្រុមបាតុករជឿថា Wickremesinghe គឺមានទំនាក់ទំនងស្អិតល្មួតជាមួយនឹងគ្រួសារត្រកូល Rajapaksa ហើយការកាន់តំណែងរបស់លោកនេះ គឺដើម្បីតែធានាសុវត្ថិភាពរបស់ក្រុមគ្រួសារប្រធានាធិបតីប៉ុណ្ណោះ។

បើទោះជាប្រជាពលរដ្ឋបានបង្ហាញការមិនពេញចិត្តខ្លាំងបែបណាក្ដី តែការធ្វើសម្បថសច្ចាចូលកាន់តំណែងរបស់លោកបានបញ្ចប់ជាស្ថាពរ ហើយលោកបានសន្យាថា នឹងដោះស្រាយវិបត្តិសេដ្ឋកិច្ចឲ្យបានក្នុងពេលឆាប់ៗនេះ។

បញ្ជាក់ដែរថា លោក Wickremesinghe គឺជាថ្នាក់ដឹកនាំមួយរូបមកពីគណបក្សប្រឆាំង ខណៈមូលហេតុចំបងដែលប្រជាពលរដ្ឋមិនពេញចិត្តជាមួយនាយករដ្ឋមន្ត្រីថ្មីរូបនេះ គឺដោយសារលោកមានទំនាក់ទំនងល្អជាមួយគ្រួសារប្រធានាធិបតី បើទោះជាលោកជាថ្នាក់ដឹកនាំគណបក្សប្រឆាំង ស្របពេលប្រជាពលរដ្ឋយល់ឃើញថា លោកគឺគ្រាន់តែជាខែលការពារគ្រួសារ Rajapaksa តែប៉ុណ្ណោះ៕

ប្រភព: BBC

The post ស្រីលង្ការកបាននាយករដ្ឋមន្ត្រីថ្មី តែប្រជាពលរដ្ឋនៅបង្ហាញការមិនពេញចិត្ត appeared first on .

ប្រជាជននាំគ្នាភៀសខ្លួន ស្របពេលវិបត្តិសេដ្ឋកិច្ចស្រីលង្កានៅមិនទាន់មានដំណោះស្រាយ

ឧកញ៉ាសំពៅ — Thu, 12 May 2022 08:47:44 +0000

នៅថ្ងៃទី ១២ ឧសភានេះ ប្រជាជនស្រីលង្កាជាច្រើនរយនាក់បាននាំគ្នាភៀសខ្លួនចាកចេញពីទីក្រុងកូឡុំបូតាមរយៈឡានក្រុង ដើម្បីត្រឡប់ទៅស្រុកកំណើតរបស់ពួកគេ ខណៈពេលមេដឹកនាំធំៗកំពុងជួបប្រជុំគ្នាដោះស្រាយវិបត្តិសេដ្ឋកិច្ចដែលកំពុងកើតមាន។

វិបត្តិសេដ្ឋកិច្ចនៅប្រទេសស្រីលង្កាបានបង្ហាញភាពធ្ងន់ធ្ងរពីមួយកម្រិតទៅមួយកម្រិត ពោលកាលពីថ្ងៃច័ន្ទកន្លងទៅ មានការផ្ទុះករណីហិង្សារវាងក្រុមបាតុករជាមួយនឹងក្រុមប៉ូលិស ស្របពេលអតីតនាយករដ្ឋមន្ត្រី ម៉ាហ៊ីនដា រ៉ាចាបាកសា (Mahinda Rajapaksa) ប្រកាសលាលែងពីតំណែង។

បងប្រុសរបស់ប្រធានាធិបតី ហ្គោតាបាយ៉ា រ៉ាចាបាកសា (Gotabaya Rajapaksa) កំពុងសំងំលាក់ខ្លួននៅបន្ទាយទាហាននៅភាគឦសាននៃប្រទេស ស្របពេលថ្នាក់ដឹកនាំកំពូលនៃប្រទេសដីកោះបានទម្លាយថា នឹងចាត់តាំងនាយករដ្ឋមន្ត្រី រួមទាំងគណៈរដ្ឋមន្ត្រីថ្មីនៅសប្ដាហ៍នេះផងដែរ។

បើទោះជាបានជួបពិភាក្សារកដំណោះស្រាយក៏ពិតមែន ប៉ុន្តែមេដឹកនាំគណបក្សប្រឆាំងទាំងអស់បាននិយាយថា ពួកគេនឹងមិនសហការជាមួយឡើយ បើសិនជាលោកហ្គោតាបាយ៉ា មិនព្រមចុះចេញពីតំណែង។

បញ្ជាក់ដែរថា ទេសាភិបាលនៃធនាគារកណ្ដាលនៃប្រទេសស្រីលង្កាបានបង្ហើបឲ្យដឹងកាលពីថ្ងៃពុធថា ពួកគេបរាជ័យក្នុងការរកដំណោះស្រាយចំពោះបញ្ហាមួយនេះ ហើយក្នុងរយៈពេល ១ ទៅ ២ សប្ដាហ៍ខាងមុខ នឹងមានការផ្ដាច់អគ្គិសនីពី ១០ ទៅ ១២ ម៉ោងក្នុងមួយថ្ងៃ៕

ប្រភព: Swissinfo

The post ប្រជាជននាំគ្នាភៀសខ្លួន ស្របពេលវិបត្តិសេដ្ឋកិច្ចស្រីលង្កានៅមិនទាន់មានដំណោះស្រាយ appeared first on .

នាយករដ្ឋមន្ត្រីស្រីលង្កា សម្រេចចិត្តលាលែងពីតំណែង ក្រោយប្រទេសជាប់គាំងសេដ្ឋកិច្ចធ្ងន់ធ្ងរ

កូនចៅឧកញ៉ា — Mon, 09 May 2022 13:58:46 +0000

នាយករដ្ឋមន្ត្រីស្រីលង្កា លោក Mahinda Rajapaksa សម្រេចចិត្តលាលែងពីតំណែង ខណៈការតវ៉ាទ្រុងទ្រាយធំបន្តកើតមាន ក្នុងការដោះស្រាយវិបត្តិសេដ្ឋកិច្ចរបស់រដ្ឋាភិបាលលោក។ នេះបើតាមការចេញផ្សាយដោយ សារព័ត៌មាន BBC នៅថ្ងៃចន្ទ ទី០៩ ខែឧសភា ឆ្នាំ២០២២នេះ។

ប្រភពពីក្រុមមន្ត្រីបានឱ្យដឹងថា ការសម្រេចនេះបានកើតឡើង នៅពេលដែលប្រទេសដីកោះមួយនេះ ត្រូវបានដាក់នៅក្រោមបម្រាមគោចរ បន្ទាប់ពីមានការប៉ះទង្គិចគ្នាដោយហិង្សារវាងអ្នកគាំទ្រ លោក Mahinda Rajapaksa និងក្រុមអ្នកតវ៉ាប្រឆាំងរដ្ឋាភិបាលនៅទីក្រុងកូឡុំបូ។

អ្នកនាំពាក្យរបស់លោកបាននិយាយថា៖ «លោក Rajapaksa ដែលមានអាយុ ៧៦ឆ្នាំបានផ្ញើលិខិតលាលែងពីតំណែងទៅកាន់ប្រធានាធិបតីស្រីលង្កាគឺលោក tabaya Rajapaksa ដែលត្រូវជាប្អូនប្រុសរបស់លោក»។

ប្រទេសស្រីលង្កា កំពុងតែស្ថិតនៅក្នុងវិបតិ្តសេដ្ឋកិច្ចដ៏អាក្រក់បំផុតមិនធ្លាប់ ខណៈដែលការផ្ទុះតវ៉ានានាពីក្រុមបាតុកម្ម នៅក្នុងប្រទេសប្រឆាំងទៅនឹងវិធានការដោះស្រាយវិបត្តិដែលកំពុងតែកើតឡើង។ ជាមួយគ្នានេះ ក្រុមបាតុករក៏បានតវ៉ា ទាមទារឱ្យប្រធានាធិបតី លោក ហ្កូតាបាយ៉ា រ៉ាចាប៉ាកសា (Gotabaya Rajapaksa) ចុះចេញពីតំណែងទៀតផង ។

យ៉ាងណា ប្រធានាធិបតីរូបនេះ បានបញ្ជាក់យ៉ាងច្បាស់ៗថា រូបលោកនឹងមិនចុះចេញពីតំណែងនោះឡើយ ប៉ុន្តែលោកសន្យាថានឹងរិះរកវិធីសាស្រ្តគ្រប់បែបយ៉ាង ដើម្បីទាញយកប្រទេសស្រីលង្កា ឱ្យចេញពីវិបត្តិសេដ្ឋកិច្ចដ៏ធ្ងន់ធ្ងរនេះវិញ។

ទន្ទឹមនឹងនោះ កាលពីខែមេសាកន្លងទៅ មូលនិធិរូបិយប័ណ្ណអន្តរជាតិ ហៅកាត់ IMF បានពិចារណាក្នុងការផ្ដល់ជំនួយផ្នែកហិរញ្ញវត្ថុរហរហ័សៅកាន់ប្រទេសដែលកំពុងជាប់បំណុលវ័ណ្ឌកស្រីលង្កា ក្រោយមានការសម្របសម្រួលពីអ្នកតំណាងឥណ្ឌា។

ប្រទេសឥណ្ឌា ក៏បានសន្យាថានឹងផ្តល់ជំនួយហិរញ្ញវត្ថុចំនួន ៥០០ លានដុល្លារ បន្ថែមទៀត ដល់ប្រទេសស្រីលង្កា ដើម្បីអាចឱ្យប្រទេសដែលកំពុងធ្លាក់ចូលទៅក្នុងវិបត្តិសេដ្ឋកិច្ចដ៏ធ្ងន់ធ្ងរមួយនេះ អាចមានលទ្ធភាពចំណាយ លើការទិញប្រេង។

ដោយឡែក ប្រទេសបង់ក្លាដែសក៏មានឆន្ទ: អនុញ្ញាតឱ្យស្រីលង្កា ធ្វើការពន្យាពេលក្នុងការសងត្រលប់មកវិញ នូវហិរញ្ញប្បទាន ចំនួន ៤៥០ លានដុល្លារ ផងដែរ។

រដ្ឋមន្ត្រីការបរទេសស្រីលង្កា លោក G L Peiris បាននិយាយថា ” ជំនួយរបស់ IMF នឹងត្រូវចំណាយពេលប្រហែល ៦ ខែ ទើបបានមកដល់ដៃរបស់យើង ហើយជំនួយនេះនឹងអាចជួយយើងបានមួយផ្នែកធំ ។ ប៉ុន្តែនៅក្នុងអំឡុងពេលអន្តរាគមន៍នេះ យើងចាំបាច់ត្រូវតែស្វែងរកមូនិធិបន្ថែមទៀត ដើម្បីធានាជូនប្រជាជនយើង នូវការផ្គត់ផ្គង់ សម្រាប់សម្ភារចាំបាច់ ” ។

បញ្ជាក់ផងដែរថា ប្រទេសស្រីលង្កា បានប្រឈមមុខជាមួយនឹងវិបត្តិសេដ្ឋកិច្ចកាន់តែអាក្រក់ទៅ ពីមួយថ្ងៃទៅមួយថ្ងៃ ស្របពេលទំនិញចាំបាច់ជាច្រើន ដូចជា ប្រេង ស្បៀអាហារ ថ្នាំពេទ្យ និងរួមទាំងអគ្គិសនីផងនោះ កំពុងតែមានភាពខ្វះខាតខ្លាំង៕

The post នាយករដ្ឋមន្ត្រីស្រីលង្កា សម្រេចចិត្តលាលែងពីតំណែង ក្រោយប្រទេសជាប់គាំងសេដ្ឋកិច្ចធ្ងន់ធ្ងរ appeared first on .