នាវាខ្នាតយក្សដែលស្គាល់ឈ្មោះថា Amadea នេះ មានតម្លៃប្រមាណជាង ៣០០លានដុល្លារ ត្រូវបានរឹបអូសពីមហាសេដ្ឋី Kerimov នៅក្នុងប្រទេសហ្វីជី ក្នុងអំឡុងខែមេសា ឆ្នាំ២០២២ ហើយបច្ចុប្បន្នកំពុងចតទុកចោលនៅរដ្ឋ San Diego សហរដ្ឋអាមេរិក។

គួរឲ្យដឹងផងដែរថា ជុំវិញការដាក់ដេញថ្លៃនេះ​ គ្រោងនឹងបិទការទទួលពាក្យ រហូតដល់ថ្ងៃទី១០ ខែកញ្ញា ដោយក្រុមហ៊ុន National Maritime Services មានមូលដ្ឋាននៅរដ្ឋ Florida ដែលជាអ្នកគ្រប់គ្រងលើការលក់នាវានេះ។ ចំពោះអ្នកចូលរួមដាក់ដេញថ្លៃ​ តម្រូវឲ្យតម្កល់ប្រាក់កក់មុនចំនួន ១០លានដុល្លារ។

ជម្រាបជូនផងដែរថា លោក Kerimov ត្រូវបានដាក់ទណ្ឌកម្មជាលើកដំបូងដោយសហរដ្ឋអាមេរិក ក្នុងឆ្នាំ២០១៨ និងជាថ្មីម្តងទៀត នៅក្នុងឆ្នាំ២០២២ បន្ទាប់ពីការលុកលុយរបស់រុស្ស៊ី ទៅលើប្រទេសអ៊ុយក្រែន ៕​

The post នាវាខ្នាតយក្សតម្លៃជាង ៣០០លានដុល្លារ ដែលរឹបអូសពីមហាសេដ្ឋីរុស្ស៊ី គ្រោងដាក់ដេញថ្លៃលក់នៅអាមេរិក appeared first on .

មន្ទីរទេសចរណ៍ខេត្តព្រះសីហនុ បានឲ្យដឹងថា កាលពីថ្ងៃសុក្រ ទី០៩ ខែកុម្ភៈ មាននាវាទេសចរណ៍ ឈ្មោះ SEABOURN ENCORE សញ្ជាតិ BAHAMAS ចេញដំណើរមកពីប្រទេសថៃ បានចូលចតនៅកំពង់ផែស្វយ័តក្រុងព្រះសីហនុ ដែលមាននាវិក និងភ្ញៀវទេសចរសរុបចំនួន ៩៨៥នាក់ មាន ២៨សញ្ជាតិ។ ក្នុងនោះសញ្ជាតិដែលមានភ្ញៀវច្រើនជាងគេគឺ អាមេរិក និងអង់គ្លេស ក្នុងគោលបំណងមកទស្សនាប្រទេសកម្ពុជារយៈពេល១ថ្ងៃ ក្នុងខេត្តព្រះសីហនុ និងទៅទស្សនាប្រាសាទអង្គរវត្ត។ នាវានេះចាកចេញទៅវិញនៅថ្ងៃខែឆ្នាំដដែលឆ្ពោះទៅប្រទេសវៀតណាម។

ដោយឡែកនៅថ្ងៃទី១០ខែកុម្ភៈ មាននាវាទេសចរណ៍មួយគ្រឿងឈ្មោះRIVIERA សញ្ជាតិ MARSHALL ISLAND មកពីប្រទេសវៀតណាម ក៏បានចូលចតនៅកំពង់ផែក្រុងព្រះសីហនុ ដោយមានភ្ញៀវទេសចរ សរុប ១១៨៣នាក់ មាន៣៤សញ្ជាតិ និងនាវិកចំនួន ៧៦៤នាក់ចំនួន ៤៤សញ្ជាតិ​ ភ្ញៀវទេសចរភាគច្រើនជាងគេ ជនជាតិអាមេរិក​ និងកាណាដា គោលដៅភ្ញៀវទេសចរទៅទស្សនាមានតំបន់ឆ្នេរ វត្តអារាមនិងផ្សារនៅក្រុងព្រះសីហនុ ភ្នំពេញ សៀមរាប កំពត កែប និងកំពង់ស្ពឺជាដើម។ នាវាទេសចរណ៍នេះនឹងចាកចេញវិញនៅថ្ងៃខែឆ្នាំដដែល។

នៅថ្ងៃទី១០ខែកុម្ភៈដដែល មាននាវាទេសចរណ៍មួយគ្រឿងឈ្មោះ AIDABELLA សញ្ជាតិ ITALY មកពីប្រទេសវៀតណាម បានចូលចតនៅកំពង់ផែក្រុងព្រះសីហនុ មានភ្ញៀវទេសចរ សរុប ១៩៧៦នាក់ មាន២០សញ្ជាតិ និងនាវិកចំនួន ៦២៥នាក់ មានចំនួន ២៨សញ្ជាតិ​។ ភ្ញៀវទេសចរភាគច្រើនជាងគេ ជនជាតិអាល្លឺម៉ង និងអូទ្រីស ហើយគោលដៅភ្ញៀវទេសចរទៅទស្សនាមានតំបន់ឆ្នេរ វត្តអារាមនិងផ្សារនៅក្រុងព្រះសីហនុ ភ្នំពេញ សៀមរាប កំពត កែប និងកំពង់ស្ពឺជាដើម។ នាវាទេសចរណ៍នេះនឹងចាកចេញពីកម្ពុជានៅថ្ងៃខែឆ្នាំដដែល។

ទន្ទឹមនឹងដំណើរទេសចរណ៍ហូរចូលតាមកំពង់ផែស្វយ័តក្រុងព្រះសីហនុនៅពេលនេះ មន្ទីរទេសចរណ៍ខេត្ត បានស្នើឲ្យអាជីវករចូលរួមផ្ដល់សេវាកម្មឲ្យបានល្អ និងតម្លៃសមរម្យដើម្បីឲ្យភ្ញៀវទេសចរមកកម្សាន្ដប្រកបដោយភាពរីករាយ នឹងត្រឡប់មកលេងកម្សាន្ដនៅពេលក្រោយទៀត។ ជាមួយគ្នានេះ មន្ទីរទេសចរណ៍ ក៏បានអំពាវនាវភ្ញៀវទេសចរដែលបានដើរលេងកម្សាន្ដតាមរមណីយដ្ឋាននានា ចូលរួមទុកដាក់សម្រាមឲ្យបានត្រឹមត្រូវផងដែរ៕

The post រយៈពេល២ថ្ងៃបុណ្យចូលឆ្នាំចិន នាវាទេសចរណ៍ខ្នាតធំ៣គ្រឿងផ្ទុកមនុស្សប្រមាណ ១ម៉ឺន១ពាន់នាក់ចូលទស្សនាកម្ពុជា appeared first on .

មន្ទីរទេសចរណ៍ខេត្តព្រះសីហនុ បានឲ្យដឹងថា នាព្រឹកថ្ងៃទី១០ ខែកុម្ភៈនេះ មាននាវាទេសចរណ៍មួយគ្រឿងឈ្មោះ AIDABELLA សញ្ជាតិ ITALY មកពីប្រទេសវៀតណាម បានចូលចតនៅកំពង់ផែក្រុងព្រះសីហនុ មានភ្ញៀវទេសចរសរុប ១៩៧៦នាក់ ក្នុងនោះស្រី ១០២៩នាក់ មាន២០សញ្ជាតិ និង នាវិកចំនួន ៦២៥នាក់ស្រី ១៣១នាក់ ចំនួន ២៨សញ្ជាតិ​។

មន្ទីរទេសចរណ៍ខេត្តព្រះសីហនុ បញ្ជាក់ថា ភ្ញៀវទេសចរភាគច្រើនជាងគេជនជាតិ អាល្លឺម៉ង ១៨១០នាក់​ អូទ្រីស ៥១នាក់។ ទន្ទឹមនេះគោលដៅភ្ញៀវទេសចរទៅទស្សនាមានតំបន់ឆ្នេរ វត្តអារាមនិងផ្សារនៅក្រុងព្រះសីហនុ ភ្នំពេញ សៀមរាប កំពត កែប និងកំពង់ស្ពឺជាដើម។ នាវាទេសចរណ៍នេះនឹងចាកចេញពីប្រទេសកម្ពុជានៅម៉ោង ១៨:០០ ថ្ងៃសៅរ៍នេះវិញ។

ជាមួយគ្នានេះដែរ មន្ទីរទេសចរណ៍ ស្នើសូមឲ្យអាជីវករចូលរួមផ្ដល់សេវាកម្មឲ្យបានល្អ និងតម្លៃសមរម្យដើម្បីឲ្យភ្ញៀវទេសចរមកកម្សាន្ដប្រកបដោយភាពរីករាយ នឹងត្រឡប់មកលេងកម្សាន្ដនៅពេលក្រោយទៀត។ ហើយភ្ញៀវទេសចរដែលបានដើរលេងកម្សាន្ដតាមរមណីយដ្ឋាននានា ចូលរួមទុកដាក់សម្រាមឲ្យបានត្រឹមត្រូវ៕

The post នាវា AIDAbella ដឹកភ្ញៀវទេសចរណ៍ជនជាតិអាល្លឺម៉ង និងអូទ្រីស ជិត២ពាន់នាក់មកដើរលេងកម្ពុជា appeared first on .

ដើម្បីរៀបចំការភ្ញៀវទេសចរណ៍របស់វានាខ្នាតយក្សនេះ រដ្ឋបាលខេត្តព្រះសីហនុ កាលពីថ្ងៃទី១១ ខែធ្នូ ឆ្នាំ២០២៣ បើកកិច្ចប្រជុំផ្នែកពាក់ព័ន្ធត្រៀមរៀបចំទទួលការមកដល់របស់នាវាទេសចរណ៍ WESTERDAM ដែលនឹងមកដល់ខេត្តព្រះសីហនុ នាថ្ងៃទី២៨ ខែធ្នូ ឆ្នាំ២០២៣ និងមានអ្នកដំណើរសរុបប្រមាណ ៣៥០០នាក់។

សូមជម្រាបជូនថា នាវា​ Westerdam ធ្លាប់បានចូលចតនៅ​កម្ពុជាម្តងមកហើយ កាលពីខែកុម្ភៈ ឆ្នាំ២០២០ ដោយ​ផ្ទុក​អ្នកដំណើរ ១៤៥៥នាក់ និង​សមាជិក​នាវិក ៨០២នាក់ បន្ទាប់ពីប្រទេសមួយចំនួនមិនឲ្យអនុញ្ញាតិឲ្យចូលចត ដោយសារតែការភ័យខ្លាចពីការឆ្លងជំងឺកូវីដ-១៩ ទោះបីជានាវានោះអះអាងថា​មិនមានអ្នក​ដំណើរ​ណា​មួយមានឆ្លងជំងឺនេះក៏ដោយ ដែលធ្វើឱ្យនាវាប្រឈមនឹងការខ្វះស្បៀង ទឹក និងប្រេង។

ការមកដល់របស់ភ្ញៀវទេសចរណ៍នាវា Westerdam នៅពេលនោះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន អតីតនាយករដ្ឋមន្ត្រី បានអញ្ជើញទទួលបដិសណ្ឋារកិច្ចស្វាគមន៍ ដែលបានតែលតោលនៅលើសមុទ្រ អស់រយៈពេលពីរសប្តាហ៍កន្លងមក ដោយសារប្រទេសមួយចំនួន មិនអនុញ្ញាតឱ្យចូលចត។

ការអនុញ្ញាតឱ្យនាវា Westerdam ដែលមានអ្នកទេសចរ ១,៤៥៥នាក់ និងសហនាវិក ៨០២នាក់ទៀតចូលចតនេះ សម្ដេចតេជោនាយករដ្ឋមន្ត្រីនាពេលនោះទទួលការស្ញប់ស្ញែង និងវាយតម្លៃខ្ពស់បំផុតពីអ្នកដំណើរនៅលើនាវា ប្រធានាធិបតីអាមេរិក លោក ដូណាល់ ត្រាំ ព្រមទាំងបណ្តាប្រទេស ដែលមានជនជាតិខ្លួននៅលើនាវា និងមេដឹកនាំអង្គការអន្តរជាតិជាច្រើនផ្សេងទៀត។

ការសម្រេចចិត្តរបស់សម្តេចតេជោ ហ៊ុន សែន ក្នុងការជួយសង្គ្រោះមនុស្សលើនាវានេះ នាំឱ្យមនុស្សជាតិលើពិភពលោក បានកោតសរសើរកម្ពុជាថា ជាជាតិសាសន៍មួយពោរពេញដោយបេះដូងមនុស្សធម៌ «កម្ពុជាជាប្រទេសតូច តែបេះដូងធំ»៕

The post នាវាខ្នាតយក្ស​ Westerdam របស់អាមេរិកនឹងដឹកអ្នកដំណើរសរុប ៣៥០០នាក់មកទស្សនាខេត្តព្រះសីហនុ​ appeared first on .

មន្ទីរទេសចរណ៍ខេត្តព្រះសីហនុ បានឲ្យដឹងថា នាវានេះ មានឈ្មោះ VIKING ORION សញ្ជាតិ NORWAY ដែលមានចំនួននាវិកចម្រុះជាតិសាសន៍ (៥០សញ្ជាតិ) ៤៦៩នាក់ (ស្រី៩៤) មានផ្ទុកភ្ញៀវទេសចរចំនួន ៨៦៨នាក់ ស្រី៤៥០ ក្នុងនោះមានជាតិសាសន៍សរុបចំនួន ១៨សញ្ជាតិ។

ការចូលចតនៅកំពង់ផែស្វយ័តក្រុងព្រះសីហនុនៅពេលនេះ ត្រូវបានក្រុមការងារបដិសណ្ឋារកិច្ច នៃមន្ទីរទេសចរណ៍ខេត្តព្រះសីហនុ បានទទួលភ្ញៀវទេសចរ និងសមត្ថកិច្ចគ្រប់ផ្នែកបានរៀបចំរក្សាសន្តិសុខសុវត្ថិភាពជូនភ្ញៀវ គ្រប់កន្លែងដែលភ្ញៀវទេសចរទៅទស្សនាយ៉ាងយកចិត្តទុកដាក់បំផុត។

បើតាមមន្ទីរទេសចរណ៍ខេត្តព្រះសីហនុ នាវានេះមុនមកដល់ប្រទេសកម្ពុជា បានឆ្លងកាត់ប្រទេសវៀតណាម ហើយបន្ទាប់ពីដើរកម្សានូវតាមតំបន់ទេសចរណ៍មួយចំនួននៅប្រទេសកម្ពុជារួចហើយនោះ ដោយឡែកនៅរសៀលថ្ងៃទី០៥ ខែវិច្ឆិកា នាវា VIKING ORION នឹងបន្តដំណើរកាន់ប្រទេសថៃ៕

The post នាវាខ្នាតធំមួយគ្រឿងដឹកភ្ញៀវទេសចរណ៍ ១ពាន់នាក់មកទស្សនាកម្ពុជា appeared first on .

យោងតាមការចុះផ្សាយពី TheRichest បានបង្ហាញឲ្យដឹងថា សម្រាប់ឆ្នាំ ២០២៣ នេះ មាន​ក្រុមហ៊ុន​នាវាទេសចរណ៍ ៨ ដែលមាន​នាវាទេសចរណ៍​ថ្លៃ​បំផុត​លើលោក ហើយ​ក្រុមហ៊ុននីមួយៗ​សុទ្ធតែចំណាយ​លុយអស់ខ្ទង់ពាន់លានដុល្លារ ដើម្បី​សាងសង់​វា​ឡើង។

ដើម្បី​ឲ្យ​អតិថិជន​ទទួល​បាន​បទពិសោធន៍ប្លែក​អារម្មណ៍ ក្រុមហ៊ុន​ទាំងនោះ​បាន​បំពាក់​នូវគ្រឿង​បរិក្ខារ​ទំនើបៗ និង​ផ្ដល់ជូន​នូវ​ការ​កម្សាន្ត​ប្លែកៗ រាប់បញ្ចូល​ទាំង​ការ​សម្ដែងពី​តារា​ល្បីៗ ដែលធ្វើឲ្យកប៉ាល់ទាំងនេះ ប្រៀបដូចជារមណីយដ្ឋានបណ្តែតទឹក ដែលផ្តល់ភាពសប្បាយរីករាយដល់ភ្ញៀវ នៅពេលពួកគេធ្វើដំណើរ​ជាមួយនាវាទាំងនោះ។

ខាងក្រោមនេះគឺជាបញ្ជីឈ្មោះ​នាវាទេសចរណ៍ទាំង ៨ ដែល​ចំណាយការ​សាងសង់ថ្លៃបំផុត​លើលោក៖

8/ Quantum Of The Seas ចំណាយអស់ប្រហែល ១,១ពាន់លានដុល្លារ សម្រាប់ការសាងសង់

7/ Norwegian Epic ចំណាយអស់ប្រហែល ១,២ពាន់លានដុល្លារ សម្រាប់ការសាងសង់

6/ MSC World Europa ចំណាយអស់ប្រហែល ១,២៥ពាន់លានដុល្លារ សម្រាប់ការសាងសង់

5/ The Wonder Of The Seas ចំណាយអស់ប្រហែល ១,៣៥ពាន់លានដុល្លារ សម្រាប់ការសាងសង់

5/ Symphony Of The Seas ចំណាយអស់ប្រហែល ១,៣៥ពាន់លានដុល្លារ សម្រាប់ការសាងសង់

5/ Harmony Of The Seas ចំណាយអស់ប្រហែល ១,៣៥ពាន់លានដុល្លារ សម្រាប់ការសាងសង់

2/ Oasis Of The Seas ចំណាយអស់ប្រហែល ១,៤ពាន់លានដុល្លារ សម្រាប់ការសាងសង់

1/ The Allure Of The Seas ចំណាយអស់ប្រហែល ១,៥ពាន់លានដុល្លារ សម្រាប់ការសាងសង់៕

The post មកស្គាល់នាវាទេសចរណ៍ថ្លៃបំផុតលើលោក តម្លៃខ្ទង់ពាន់លានដុល្លារ appeared first on .