នាឡិកា

ណែនាំឲ្យស្គាល់នាឡិកាដៃ របស់មហាសេដ្ឋីមានដាច់គេនៅលើពិភពលោកទាំងបីរូប

monyokn — Fri, 15 Mar 2024 05:48:24 +0000

បច្ចុបន្នបើនិយាយអំពីអ្នកមានដាច់គេនៅលើពិភពលោក ប្រាកដណាស់នឹងនឹកដល់មហាសេដ្ឋីលោក Bernard Arnault លោក Jeff Bezos ក៏ដូចជាលោក Elon Musk ជាដើម។ ចុះមានឆ្ងល់ទេ ថាតើអ្នកទាំងបីរូបខាងលើចាយវាយទ្រព្យសម្បត្តិដ៏មហាសាលរបស់ខ្លួន ទៅលើសម្ភារៈនិយម ជាពិសេសនោះទៅលើនាឡិកាដៃប្រណីតៗរបស់ពួកគេយ៉ាងដូចម្តេច?

ខាងក្រោមនេះ គឺជានាឡិកាដៃប្រណីតៗរបស់មហាសេដ្ឋីមានបំផុតនៅលើពិភពលោកទាំងបីរូប ដោយផ្អែកតាមការចុះផ្សាយពីសារព័ត៌មាន VN Express ៖

១. ស្ថាបនិកក្រុមហ៊ុន LVMH លោក Bernard Arnault ថ្មីៗនេះគេឃើញលោកមានពាក់នាឡិកាដៃប្រភេទ Tiffany Patek Philippe Nautilus 5740 ដែលជាម៉ូឌែលត្រូវបានគេផលិតឡើងដោយមានកំណត់ ហើយត្រូវបានចេញលក់កាលពីខែធ្នូ ឆ្នាំ២០២១ ជាមួយនឹងតម្លៃ ៦,៥លានដុល្លារនៅក្នុងការដេញថ្លៃ។ ម្យ៉ាងវិញទៀត លោក Bernard Arnault ក៏មាននូវប្រភេទនាឡិកាដៃថ្លៃៗ និងប្រណីតៗជាច្រើនផ្សេងទៀតរួមមាន Tag Heuer, Hublot និង Dior ផងដែរ។

២. ស្ថាបនិកក្រុមហ៊ុនយក្ស Amazon លោក Jeff Bezos ត្រូវបានគេប្រទះឃើញថា លោកកំពុងពាក់នាឡិកាដៃប្រភេទ Ulysse Nardin Dual Time អស់រយៈពេលជាច្រើនឆ្នាំមកហើយ ខណៈម៉ូឌែលនេះត្រូវបានក្រុមហ៊ុនឈប់ផលិតតទៅទៀតហើយ ក៏ប៉ុន្តែយើងអាចប្រហាក់ប្រហែលបានថា វាមានតម្លៃខ្ទង់ ១២ ៩០០ដុល្លារ នេះបើយោងតាមគេហទំព័រ Business Insider ។

៣. លោក Elon Musk ដែលជានាយកប្រតិបត្តិនៃក្រុមហ៊ុនផលិតរថយន្តអគ្គិសនី Tesla ត្រូវបានគេមើលឃើញជាធម្មតាថា លោកតែងតែពាក់នាឡិកាដៃប្រភេទ Richard Mille 029 ដែលមានតម្លៃប្រហែល ២៥០ ០០០ដុល្លារ ម្យ៉ាងវិញទៀតលោកក៏មាននាឡិកាដៃប្រភេទ TAG Heuer Carrera Calibre 1887 SpaceX Chronograph ដែលជានាឡិកាដៃត្រូវបានរចនាឡើង តាមរយៈការសហការរួមគ្នាជាមួយក្រុមហ៊ុន Space X ផងដែរ៕

The post ណែនាំឲ្យស្គាល់នាឡិកាដៃ របស់មហាសេដ្ឋីមានដាច់គេនៅលើពិភពលោកទាំងបីរូប appeared first on .

មិនធម្មតា DJ Khaled ជះលុយប្រមាណ ៣ លានដុល្លារទិញនាឡិកាលំដាប់មហាសេដ្ឋីមួយគ្រឿង

ឧកញ៉ាសំពៅ — Fri, 28 Jan 2022 08:52:36 +0000

មិនត្រឹមតែជាអ្នកផលិតចម្រៀងល្បីល្បាញមួយរូបលើលោកហើយ DJ Khaled ក៏ជាអ្នកចូលចិត្តប្រមែប្រមូលគ្រឿងអលង្ការមានតម្លៃថ្លៃៗលើលោកផងដែរ ហើយកាលពីពេលថ្មីៗនេះតារាចម្រៀងខាងលើទើបនឹងចំណាយលុយខ្ទង់លានដុល្លារទិញនាឡិកាមួយគ្រឿងទៀតផង។

នាឡិកាដែលបុរសវ័យ ៤៦ ឆ្នាំរូបនេះបានទិញគឺជានាឡិកា Jacob & Co. ដែលមានឈ្មោះថា Billionaire III និងមានតួខ្លួនស្រោបដោយពេជ្រជាច្រើនរយគ្រាប់ ហើយតម្លៃរបស់វាគឺ ៣ លានដុល្លារ។

លក្ខណៈពិសេសរបស់នាឡិកាលំដាប់មហាសេដ្ឋីនេះគឺ ខ្សែរបស់វាគឺផលិតឡើងដោយមាសពណ៌ស 18k ជាមួយនឹងត្បូងមរកតចំនួន ៥០៤ គ្រាប់ដាំដោយដៃផ្ទាល់ ខណៈផ្ទៃរបស់នាឡិកាគឺស្រោបដោយត្បូងចំនួន ២០៩ គ្រាប់ផ្សេងទៀត ដែលធ្វើឲ្យនាឡិកាមួយនេះមានត្បូងពេជ្រសរុប ៧១៣ គ្រាប់។

បន្ថែមពីនោះ ផ្ទៃខាងក្នុងរបស់នាឡិកាគឺអាចមើលធ្លុះ ដែលមានន័យថាការផលិតរបស់វាគឺមិនមានបំពាក់គ្រឿងដែកដើម្បីទប់លំនឹងបន្ថែមឡើយ ស្របពេលទំងន់សរុបរបស់វាគឺច្រើនជាង ១២៩ ការ៉ាត់ សមល្មមនឹងទាក់ទាញចំណាប់អារម្មណ៍មនុស្សជុំវិញម្ចាស់របស់វាបានយ៉ាងស្រួល៕

ប្រភព: xdigitalnews

The post មិនធម្មតា DJ Khaled ជះលុយប្រមាណ ៣ លានដុល្លារទិញនាឡិកាលំដាប់មហាសេដ្ឋីមួយគ្រឿង appeared first on .

ដឹង Ronaldo ចាយអស់ប៉ុន្មានទេ ទម្រាំក្លាយជាម្ចាស់នាឡិកា Rolex ថ្លៃបំផុតលើលោក?

ឧកញ៉ាសំពៅ — Sun, 14 Nov 2021 02:18:04 +0000

កីឡាករបាល់ទាត់ល្បីឈ្មោះ Cristiano Ronaldo បានក្លាយជាម្ចាស់នាឡិកា Rolex មួយគ្រឿងដែលគេអះអាងថា ជានាឡិកាថ្លៃបំផុតលើលោក ដែលនាឡិកាមួយគ្រាប់នេះមិនមែនគ្រប់គ្នាសុទ្ធតែមានសំណាងទិញវាបាន ឬបានឃើញរាល់ថ្ងៃឡើយ។

យ៉ាងណា បើតាមការចុះផ្សាយពី Daily Star បានឲ្យដឹងថា នាឡិកាមួយគ្រឿងនេះ គឺ Ronaldo បានទិញកាលពីឆ្នាំ ២០១៩ អំឡុងពេលប្រធានក្រុមព័រទុយហ្គាល់ប្រកបអាជីពនៅក្លឹប Juventus ប្រទេសអ៊ីតាលី។

ដោយឡែកតម្លៃនាឡិកាមួយគ្រឿងនេះ គឺប្រមាណ ៣៧១ ០០០ ផោន ឬជិតកន្លះលានដុល្លារអាមេរិកនាពេលនោះ ដែលវាគឺជាតម្លៃថ្លៃបំផុតមួយប្រចាំក្រុមហ៊ុននាឡិកាលំដាប់ពិភពលោក Rolex។

គ្រឿងបង្គំដែលធ្វើឲ្យតម្លៃនាឡិកាមួយនេះថ្លៃដល់ថ្នាក់នេះ គឺដោយសារវាបំពាក់ជាមួយនឹងមាសពណ៌ស ១៨ ការ៉ាត់នៅតួនាឡិកា និងគ្រាប់ពេជ្រ ៣០ ការ៉ាត់ផងដែរ ខណៈនាឡិកាមួយនេះមានឈ្មោះថា GMT Master Ice ។

បញ្ជាក់ដែរថា គិតមកទល់ពេលនេះ ទ្រព្យសម្បត្តិរបស់ CR7 គឺមានលើសពី ១ ពាន់លានដុល្លារ ខណៈរូបលោកក៏ជាកីឡាករបាល់ទាត់ស៊ីថ្លៃឈ្នួលខ្ពស់បំផុតប្រចាំលីគកំពូល Premier League ពោលទទួលបានប្រមាណកន្លះលានផោន/សប្ដាហ៍៕

ប្រភព: Sportbible

The post ដឹង Ronaldo ចាយអស់ប៉ុន្មានទេ ទម្រាំក្លាយជាម្ចាស់នាឡិកា Rolex ថ្លៃបំផុតលើលោក? appeared first on .

ទើបប្រកាសប្រាប់ពិភពលោកបើកប្រទេសឡើងវិញ ថៃនឹងរៀបចំពិព័រណ៍នាឡិកាធំបំផុតប្រចាំឆ្នាំ

ឧកញ៉ាសំពៅ — Tue, 12 Oct 2021 04:16:56 +0000

ពិព័រណ៍នាឡិកាធំបំផុតប្រចាំឆ្នាំ ២០២១ Central International Watch Fair 2021 បានប្រកាសធ្វើឡើងនៅប្រទេសថៃ ដែលមានទីតាំងជាក់លាក់នៅផ្សារទំនើប Central Chidlom ជាន់ទី ៣ The Event Hall ខណៈនៅព្រឹត្តិការណ៍លំដាប់ពិភពលោកនេះនឹងមានដាក់បង្ហាញនាឡិកាម៉ាកល្បីៗជាង ១០០ ម៉ាក រហូតដល់ថ្ងៃទី ៣១ តុលា។

ដោយសារជាប់ងារជាការតាំងបង្ហាញនាឡិកាធំបំផុតប្រចាំឆ្នាំ ច្បាស់ណាស់នេះគឺជាឱកាសដ៏ល្អសម្រាប់ការរកទិញនាឡិកា Brand មានគុណភាព និងពេញនិយមដូចជា Franck Muller, Tag Heuer, Maurice Lacroix, Frederique Constant, Rado, Mido, Hamilton, Salvatore Ferragamo, Citizen, Casio, Emporio Armani និងនៅមានច្រើនម៉ាកទៀត។

អ្វីដែលកាន់តែពិសេសគឺព្រឹត្តិការណ៍មួយនោះ នឹងមានបង្ហាញនូវនាឡិកាតែមួយគ្រឿងគត់ដែលមាននៅប្រទេសថៃ គឺ Amadeo Amadeo នាឡិកាពណ៌ផ្កាឈូក រចនាម៉ូដបែប Fleurisanne ដែលអាចមើលធ្លុះដល់គ្រឿងក្នុងនាឡិកា ខណៈតម្លៃវិញគឺជិត ១០ លានបាត។

នៅមាននាឡិកាប្រណីតផ្សេងទៀតដូចជា Montblanc-Star Legacy Exo Tourbillon Slim 42mm Limited Edition 8 នាឡិកាពណ៌ទឹកមាសជាមួយគ្រីស្តាល់ត្បូងកណ្តៀងត្បូងពេជ្រចំនួន ១៥ គ្រាប់នៅលើលេខ និងគ្រាប់ពេជ្រ Wesselton ចំនួន ៦៤ គ្រាប់នៅលើតួផងដែរ។

នាមជាពិព័រណ៍នាឡិកាធំបំផុតច្បាស់ជាមាននាឡិកាគ្រប់ប្រភេទជាមិនខាន ជាក់ស្ដែងក៏មានតំបន់បង្ហាញនាឡិកាឆ្លាតវៃដូចជា Apple, Garmin, Samsung និង Huawei ជាដើម។

កាន់តែអស្ចារ្យនោះគឺ អតិថិជនអាចជ្រើសរើសម៉ូដដែលពួកគេស្រឡាញ់តាមរយៈការមើលតាមការផ្សាយផ្ទាល់ មុននឹងសម្រេចចិត្តមកមើលផ្ទាល់នៅហាង ខណៈការផ្សាយផ្ទាល់នឹងធ្វើឡើងតាមរយៈ Facebook Page ផ្លូវការCentral Department Store ហើយក៏នៅមានការបញ្ចុះតម្លៃផ្សេងៗដល់ទៅ ៣០% ផងដែរសម្រាប់ការទិញឥវ៉ាន់នៅក្នុងកម្មវិធីមួយនេះ៕

ប្រភព: bangkokpost

The post ទើបប្រកាសប្រាប់ពិភពលោកបើកប្រទេសឡើងវិញ ថៃនឹងរៀបចំពិព័រណ៍នាឡិកាធំបំផុតប្រចាំឆ្នាំ appeared first on .

មិនចង់ឲ្យជឿ សេដ្ឋីមានបំផុតលើលោក ពាក់នាឡិកាដៃតម្លៃត្រឹម ៧០ ដុល្លារ

ឧកញ៉ាសំពៅ — Wed, 14 Jul 2021 23:28:00 +0000

ជាអ្នកជំនួញជោគជ័យមួយរូប នាឡិកាដៃមិនមែនពាក់សម្រាប់ត្រឹមមើលម៉ោងប៉ុណ្ណោះទេ តែវាក៏ជាអត្តសញ្ញាណដែលអាចឆ្លុះបង្ហាញឲ្យឃើញមានភាពថ្លៃថ្នូរផងដែរ។

សេដ្ឋីមានលុយចាយមិនខ្វះ ជះលុយរាប់ម៉ឺន រាប់សែនដុល្លារដើម្បីទិញនាឡិកាមួយគ្រឿង តែជាមួយគ្នានេះក៏មានអ្នកខ្លះទៀតមិនមែនជាមនុស្សសម្ភារៈនិយម ដែលមិនចូលចិត្តចាយវាយច្រើនដើម្បីតែរបស់ប្រើប្រាស់បែបនេះដូចគ្នា។

តួយ៉ាងលោក Bill Gates ស្ថាបនិក Microsoft និងធ្លាប់ជាសេដ្ឋីមានបំផុតលើលោក ប្រើប្រាស់នាឡិកាដៃតម្លៃត្រឹម ៧០ ដុល្លារប៉ុណ្ណោះ។

តទៅនេះ គឺជាបញ្ជីតម្លៃនាឡិកាដែលពាក់ដោយអ្នកជំនួញជោគជ័យ និងនាយកប្រតិបត្តិក្រុមហ៊ុនធំៗបំផុតក្នុងពិភពលោកដូចតទៅ៖

Bill Gates ស្ថាបនិកក្រុមហ៊ុន Microsoft ពាក់នាឡិកា Casio Duro តម្លៃ ៧០ ដុល្លារ
Doug McMillon នាយកប្រតិបត្តិក្រុមហ៊ុន Walmart ពាក់នាឡិកា Apple Watch តម្លៃ ៣៩៩ ដុល្លារ
Tim Cook នាយកប្រតិបត្តិក្រុមហ៊ុន Apple ពាក់នាឡិកា Apple Watch តម្លៃ ៣៩៩ ដុល្លារ
Satya Nadella នាយកប្រតិបត្តិក្រុមហ៊ុន Microsoftពាក់នាឡិកា Breitling Colt Automatic តម្លៃ ៣ ៦២០ ដុល្លារ
Jeff Bezos ស្ថាបនិកក្រុមហ៊ុន Amazon ពាក់នាឡិកា Ulysse Nardin Dual Time 233-88-7តម្លៃ ១២ ៩០០ ដុល្លារ
Akio Toyada នាយកប្រតិបត្តិក្រុមហ៊ុន Toyota ពាក់នាឡិកា Patek Philippe Calatrava 5119G តម្លៃ ២២ ៦៨០ ដុល្លារ

ក្រៅពីអ្នកជំនួញជោគជ័យខាងលើដែលចាយលុយមិនស្ទើរសម្រាប់នាឡិកាមួយគ្រឿង ងាកមកមើលអត្តពលិកមានដាច់គេក្នុងលោក Cristiano Ronaldo វិញក៏ចាយលុយប្រមាណ ២,៥ លានដុល្លារសម្រាប់នាឡិកាម៉ាក Jacob & Co Caviar ដែលដាំពេជ្រប្រមាណ ៤០០ គ្រាប់ឯណោះ ហើយសម្រាប់ស្ដេចប្រដាល់ Floyd Mayweather ដែលត្រូវគេស្គាល់ថាជាអ្នកស្រឡាញ់នាឡិកា ធ្លាប់ទម្លាយលើបណ្ដាញសង្គមផ្ទាល់ខ្លួនថា នាឡិកាថ្លៃបំផុតដែលលោកទិញគឺមានតម្លៃ ១៨ លានដុល្លារ៕

ប្រភព: Businessinsider

The post មិនចង់ឲ្យជឿ សេដ្ឋីមានបំផុតលើលោក ពាក់នាឡិកាដៃតម្លៃត្រឹម ៧០ ដុល្លារ appeared first on .

នាឡិកា

ណែនាំឲ្យស្គាល់នាឡិកាដៃ របស់មហាសេដ្ឋីមានដាច់គេនៅលើពិភពលោកទាំងបីរូប

មិនធម្មតា DJ Khaled ជះ​លុយ​ប្រមាណ ៣ លាន​ដុល្លារ​ទិញ​នាឡិកា​លំដាប់​មហាសេដ្ឋី​មួយ​គ្រឿង

ដឹង Ronaldo ចាយ​អស់​ប៉ុន្មាន​ទេ ទម្រាំ​ក្លាយជា​ម្ចាស់​នាឡិកា​ Rolex ថ្លៃ​បំផុត​លើលោក?

ទើប​ប្រកាស​ប្រាប់ពិភពលោក​​​បើកប្រទេស​​ឡើង​វិញ​ ថៃ​នឹង​រៀបចំ​ពិព័រណ៍​នាឡិកា​ធំ​បំផុត​ប្រចាំ​ឆ្នាំ

មិន​ចង់​ឲ្យ​ជឿ​ សេដ្ឋី​មាន​បំផុត​លើ​លោក​ ​ពាក់នាឡិកា​ដៃ​តម្លៃ​ត្រឹម ៧០ ដុល្លារ

មិនធម្មតា DJ Khaled ជះលុយប្រមាណ ៣ លានដុល្លារទិញនាឡិកាលំដាប់មហាសេដ្ឋីមួយគ្រឿង

ដឹង Ronaldo ចាយអស់ប៉ុន្មានទេ ទម្រាំក្លាយជាម្ចាស់នាឡិកា Rolex ថ្លៃបំផុតលើលោក?

ទើបប្រកាសប្រាប់ពិភពលោកបើកប្រទេសឡើងវិញ ថៃនឹងរៀបចំពិព័រណ៍នាឡិកាធំបំផុតប្រចាំឆ្នាំ

មិនចង់ឲ្យជឿ សេដ្ឋីមានបំផុតលើលោក ពាក់នាឡិកាដៃតម្លៃត្រឹម ៧០ ដុល្លារ