អ្នកនាំពាក្យរដ្ឋាភិបាលថៃ លោកស្រី Ratchada Thanadirek បាននិយាយថា ក្រសួងពាណិជ្ជកម្មថៃបានណែនាំការិយាល័យទីក្រុងគូឡាឡាំពួររបស់ខ្លួនឱ្យតាមដានការវិវត្តន៍យ៉ាងដិតដល់បន្ទាប់ពីការផ្អាកដែលបានចូលជាធរមាននៅថ្ងៃទី១ ខែមិថុនា។

គួរឲ្យដឹងផងដែរថា ចនលារបស់ប្រទេសម៉ាឡេស៊ីនេះ គឺជាផ្នែកមួយនៃការគ្រប់គ្រងយ៉ាងតឹងរ៉ឹងលើផលិតនេសាទពីប្រទេសថៃ ដោយក្នុងការបង្គាជាច្រើនប្រភេទត្រូវបានរងផលប៉ះពាល់ នឹងមិនអាចនាំចេញមកកាន់ប្រទេសម៉ាឡេស៊ី បាននោះឡើយ។

យ៉ាងណាមិញ លោកស្រី Ratchada បាននិយាយទៀតថា រដ្ឋាភិបាលថៃ នៅតែប្តេជ្ញាដោះស្រាយបញ្ហានេះ តាមរយៈការពិភាក្សាទ្វេភាគី ហើយប្រសិនបើវានៅតែមិនអាចដោះស្រាយបាន នោះប្រទេសថៃបានត្រៀមខ្លួនរួចជាស្រេច ដើម្បីលើកយកបញ្ហានេះ ទៅកាន់វេទិកា WTO និងអាស៊ាន។

ជុំវិញការផ្លាស់ប្តូរនេះកើតឡើងនៅពេលដែលប្រទេសថៃដាក់ចេញវិធានការមួយចំនួនដើម្បីកាត់បន្ថយផលប៉ះពាល់នៃការផ្អាកនេះ ទៅលើអ្នកចិញ្ចឹមបង្គា និងអ្នកនាំចេញបង្គា។

លោកស្រី Ratchada បាននិយាយថា នាយករដ្ឋមន្ត្រី លោក Anutin Charnvirakul បានសម្តែងការព្រួយបារម្ភអំពីផលប៉ះពាល់ដែលអាចកើតមានលើអ្នកចិញ្ចឹមបង្គា ជាពិសេសអ្នករស់នៅភាគខាងត្បូងប្រទេសថៃ ហើយបានណែនាំដល់ភ្នាក់ងារពាក់ព័ន្ធឱ្យទប់ស្កាត់ការធ្លាក់ចុះនៃតម្លៃបង្គា ខណៈពេលដែលរដ្ឋាភិបាលមានការធានាទីផ្សារជំនួសសម្រាប់អ្នកផលិតដែលរងផលប៉ះពាល់។

ជម្រាបជូនផងដែរថាកន្លងមក ប្រទេសថៃ ធ្លាប់បាននាំចេញបង្គាប្រហែល ៤០០ តោន ដែលមានតម្លៃប្រមាណ ៤៤លានបាត (១,៣៥លានដុល្លារ) ក្នុងមួយខែ ទៅកាន់ប្រទេសម៉ាឡេស៊ី៕​

The post ថៃ​ គ្រោងប្តឹងអង្គការពាណិជ្ជកម្មពិភពលោក ជុំវិញការហាមឃាត់ការនាំចូលបង្គារបស់ម៉ាឡេស៊ី appeared first on .

គួរឲ្យដឹងថា ការហាមឃាត់នេះ នឹងត្រូវចូលជាធរមាននៅថ្ងៃចន្ទសប្តាហ៍ក្រោយ ដោយគ្របដណ្តប់លើប្រភេទអាហារសមុទ្រចំនួនប្រាំប្រភេទ។ ក្រសួងកសិកម្ម និងសន្តិសុខចំណីអាហាររបស់ប្រទេសម៉ាឡេស៊ីនិយាយថា វិធានការនេះនឹងនៅតែមានសុពលភាពរហូតដល់អាជ្ញាធរថៃឆ្លើយតបទៅនឹងការសាកសួរអំពីសុវត្ថិភាពចំណីអាហារ។

យ៉ាងណាមិញ ជុំវិញបញ្ហានេះ អ្នកចិញ្ចឹមបង្គានៅក្នុងប្រទេសថៃកំពុងជំរុញឱ្យរដ្ឋាភិបាលដឹកនាំដោយនាយករដ្ឋមន្ត្រី អនុទីន ឆានវីរៈគុល ធ្វើការចរចាជាមួយប្រទេសម៉ាឡេស៊ី។

ពួកគេនិយាយថា ការរឹតបន្តឹងនេះនឹងធ្វើឱ្យប៉ះពាល់ដល់ឧស្សាហកម្មនេះ ហើយប្រឈមមុខទៅនឹងការខាតបង់ដល់ទៅរាប់សិបលានបាត ក្នុងមួយថ្ងៃ។ ប្រទេសម៉ាឡេស៊ីត្រូវបានគេនិយាយថាមានចំនួនប្រហែល ៥% នៃការនាំចេញបង្គារបស់ប្រទេសថៃ។

គួរជម្រាបជូនផងដែរថា សុវត្ថិភាពចំណីអាហារ គឺជាបញ្ហាចម្រូងចម្រាសកើតមានឡើងយូរមកហើយរវាងប្រទេសទាំងពីរ។ ប្រទេសថៃបានដាក់កម្រិតលើការនាំចូលត្រីពីប្រទេសម៉ាឡេស៊ីក្នុងឆ្នាំ២០២៤។ ប្រព័ន្ធផ្សព្វផ្សាយក្នុងស្រុកនិយាយថា វិធានការចុងក្រោយបំផុតរបស់ប្រទេសម៉ាឡេស៊ី គឺជាការឆ្លើយតបទៅនឹងវិធានការនេះ៕

The post ថៃ ព្រឈមមុខខាតបង់រាប់សិបលានបាត បន្ទាប់ពីម៉ាឡេស៊ី ចេញបម្រាមនាំចូលបង្គាពីប្រទេសនេះ appeared first on .

តាមរយ:គម្រោងមួយ ដែលមានឈ្មោះថា កំណែទម្រង់ហេដ្ឋានរចនាសម្ព័ន្ធសម្រាប់វារីវប្បកម្មបង្គា ត្រូវបានរៀបចំឡើង ដើម្បីជួយដល់ក្រសួងកិច្ចការសមុទ្រ និងជនផលឥណ្ឌូនេស៊ី ក្នុងការណែនាំឱ្យមានការចិញ្ចឹមបង្គា ប្រកបដោយប្រសិទ្ធភាព និងនិរន្តភាព ដើម្បីបង្កើនផលិតភាព និងគុណភាព ក្នុងគោលបំណងផ្តល់ប្រាក់ចំណេញ និងអភិរក្សបរិស្ថាន នៅក្នុងតំបន់ចិញ្ចឹមបង្គា សម្រាប់កសិដ្ឋានខ្នាតតូច។

គួរឱ្យដឹងថា ខេត្តចំនួន ៧ ដែលត្រូវបានដាក់បញ្ចូលនៅក្នុងគម្រោងនេះ រួមមាន កោះបាលី , Banten , កោះជ្វាកណ្តាល , កោះជ្វាខាងកើត , Lampung , Nanggroe Aceh Darussalam និង South Sulawesi។

យ៉ាងណាមិញ លោក Eric Quincieu អ្នកឯកទេសផ្នែកធនធានទឹក របស់ ADB ប្រចាំតំបន់អាស៊ីអាគ្នេយ៍ បានពន្យល់ថា ឥណ្ឌូនេស៊ី គឺជាប្រទេសដ៏សំខាន់មួយ នៅក្នុងទីផ្សារពិភពលោក ជាមួយនឹងចំណែកទីផ្សារ ៨,៧% ដែលបានធ្វើឱ្យពួកគេ ក្លាយជាអ្នកចញ្ចឹមបង្គាធំជាងគេទី ៥ លើពិភពលោក ហើយក៏ជាអ្នកនាំចេញដ៏ចម្បងមួយ ទៅកាន់សហភាពអឺរ៉ុប ជប៉ុន និងសហរដ្ឋអាមេរិក ។

លើសពីនេះ លោក Eric បានបង្ហាញលម្អិតថា គម្រោងប្រាក់កម្ចីនេះ នឹងធ្វើឱ្យប្រសើឡើងនូវលទ្ធភាព ក្នុងការផ្តល់ចំណេះដឹងបន្ថែមទៅកាន់ក្រសួងកិច្ចការសមុទ្រ និងជលផលឥណ្ឌូនេស៊ី ក្នុងការបង្កាត់កូនបង្គា ដែលមានហ្សែនគុណភាពខ្ពស់ និងកាត់បន្ថយការពឹងផ្នែកទៅលើការនាំចូលពូជពីក្រៅប្រទេស ៕

The post ឥណ្ឌូនេស៊ី ទទួលបានប្រាក់កម្ចីជាង ៩០​ លានដុល្លារ ពី ADB ដើម្បីជំរុញដល់ការចិញ្ចឹមបង្គា appeared first on .

ជាក់ស្តែងកំណើននេះ គឺមានចំនួនខ្ពស់ជាង ៨ ដងនៃការនាំចេញបង្គាសរុប ដែលបានកើនឡើង ២,៦% ក្នុងចំនួនទឹកប្រាក់ ២,៧ ពាន់លានដុល្លារអាមេរិក ។

មិនតែប៉ុណ្ណោះ សមាគមអ្នកនាំចេញ និងផលិតគ្រឿងសមុទ្រវៀតណាម (VASEP) បានបង្ហាញពីកំណត់ត្រាថ្មីៗនេះថា តម្រូវការរបស់សហរដ្ឋអាមេរិក នៅតែមានកម្រិតខ្ពស់ ជាពិសេសនៅពេលដែលសេដ្ឋកិច្ច កំពុងចាប់ផ្តើមងើបឡើងវិញ បន្ទាប់ពីការផ្ទុះឡើងននៃកូវីដ ១៩ និងជាពិសេសនៅពេលរដូវកាលទិញទំនិញចុងឆ្នាំនេះ ខិតជិតមកដល់ ។

យ៉ាងណា គិតនៅត្រឹមខែកញ្ញា គឺជាខែទី ១០ ជាប់ៗគ្នាហើយ ដែលការនាំចូលបង្គារបស់សហរដ្ឋអាមេរិក មានកើនឡើងខ្លាំង ដោយជាមធ្យមពួកគេ បាននាំចូលនៅក្នុងចំនួនទឹកប្រាក់ប្រមាណជាង ៨០០ លានដុល្លារ ក្នុងមួយខែៗ សម្រាប់រយ:ពេល ១០ ខែកន្លងមកនេះ ។

ជាមួយគ្នានេះ VASEP បាននិយាយទៀតថា សហរដ្ឋអាមេរិកបាននឹងកំពុងបង្កើនការនាំចូលបង្គា ពីតំបន់អេក្វឌ័រតាំងពីដើមឆ្នាំនេះមកម្លេះ ប៉ុន្តែដោយសារតែនៅទីនោះបានប្រឈមមុខជាមួយនឹងកង្វះខាតការផ្គត់ផ្គង់ ដូច្នេះហើយទើបបានបើកដៃឲ្យវៀតណាម មានឱកាសជំរុញការនាំចេញរបស់ខ្លួន ទៅកាន់អាមេរិកខ្លាំង ។

លើសពីនេះ ក្រុមហ៊ុននាំចេញរបស់វៀតណាម ក៏ទំនងជានឹងទទួលបានអត្ថប្រយោជន៍ផងដែរ ពីរដូវកាលទិញទំនិញ នៅពេលបុណ្យណូអែលក្នុងទំបន់អឺរ៉ុបខិតជិតមកដល់ ដែលធ្វើឲ្យតម្រូវការនឹងមានការកើនឡើង ៕

ប្រភព: VN Express

The post វៀតណាម នាំចេញបង្គារបស់ខ្លួន ទៅកាន់ទីផ្សាអាមេរិក បានជិត ៨០០ លានដុល្លារ ត្រឹមតែរយ:ពេល ៩ ខែ appeared first on .