បង្ហាតារាជាតិ

នេន ទុំ ជួបគ្រោះថ្នាក់រថយន្តដ៏រន្ធត់មួយយប់មិញ

កូនចៅឧកញ៉ា — Thu, 12 Mar 2020 02:26:34 +0000

តាមព័ត៌មានពីមិត្តសិល្បៈដូចគ្នាបានឲ្យដឹងថា តារាចម្រៀងរ៉េប នេន ទុំ បានជួបគ្រោះថ្នាក់ចរាចរណ៍ដ៏រន្ធត់មួយកាលពីយប់ថ្ងៃទី១១ ខែ មិនា ឆ្នាំ ២០២០ ក្នុងពេលលោកបើកឡានធ្វើដំណើរទៅខេត្ត។ នេះបើតាមការបញ្ជាក់ពី វីជេ ដាដា ដែលជាមិត្តជិតស្និទ្ធម្នាក់របស់លោក។

ផ្អែក តាមលើ វីជេ ដាដា បានសរសេរលើគណនីយ Facebook ផ្ទាល់ខ្លួនលោក ថា សំឡាញ់របស់លោក បានជួបគ្រោះថ្នាក់ចរាចរណ៍ដោយបើករថយន្តម៉ាកឡិចស៊ីសរបស់លោកបុកជាមួយនឹងក្របី នៅលើកំណាត់ផ្លូវជាតិលេខ៤ គ្រាដែលតារាចម្រៀង នេទុំ នឹងក្រុមការងារ ធ្វើដំណើរទៅ កំពង់សោម ដើម្បីថតMV។

តាមការស្រង់សំដី របស់សារព័ត៌មានក្នុងស្រុកមួយដែលបានសម្ភាសន៍ វីជេ ដាដា នោះ តារាចម្រៀងរ៉េប នេនទុំ បានចេញដំណើរពីភ្នំពេញ នៅម៉ោងប្រមាណ៨ យប់ ក្នុងគោលបំណងទៅថតMV ជាមួយក្រុមការងារ ៣ទៅ៤នាក់ផ្សេងទៀត ហើយនៅម៉ោងប្រហែលជាង១រំលង អាធ្រាត្រ ពេលធ្វើដំណើរហួស យាយម៉ៅបន្តិច ក៏បានជួបគ្រោះថ្នាក់តែម្ដង ដោយរថយន្តរបស់លោក បុកជាមួយក្រមី១ក្បាល បណ្ដាលឲ្យក្របីនោះស្លាប់ភ្លាមៗនេះកន្លែងកើតហេតុ ចំណែករថយន្តបានរងការខួចខាត ខ្ទេចផ្នែកខាងមុខ រីឯមនុស្សក្នុងរថយន្តរងរបួស ធ្ងន់នឹងស្រាល ប៉ុន្តែមិនបណ្ដាល គ្រោះថ្នាក់ដល់ជីវិតឡើយ។

វីជេ ដាដា ថា ពេលនោះ នេទុំ បានបបួលខ្លួនទៅជាមួយដែរប៉ុន្តែ ដោយសារតែលោកជាប់ការងារច្រើននៅភ្នំពេញ ទៅខ្លួន បដិសេធន៍។

ក្រោយពីកើតហេតុ នេទុំនឹងក្រុមការងារលោក ត្រូវបានដឹកយកទៅសង្គ្រោះនៅមន្ទីរពេទ្យ ក្បែរនោះ ចំណែករថយន្ត ត្រូវបានឡានស្ទូចមកភ្នំពេញ។ នៅមិនទាន់មានព័ត៌មានលម្អិត អំពីគ្រោះថ្នាក់នេះ និងថា ពេលនេះ នេន ទុំ សុខទុក្ខយ៉ាងណាមិនទាន់ដឹងឡើយ ដោយទាំងសាមីខ្លួន នេន ទុំ មិនទាន់អាចទាក់ទងបាននៅឡើយ៕

The post នេន ទុំ ជួបគ្រោះថ្នាក់រថយន្តដ៏រន្ធត់មួយយប់មិញ appeared first on .

ឆែកឆេរផ្ទះលក់គ្រឿងសំអាង២ទីតាំងសង្ស័យក្លែងក្លាយអត់ច្បាប់ដែលនាង ខ្ញុង ឡាយលក់រាល់ថ្ងៃ

កូនចៅឧកញ៉ា — Fri, 10 Jan 2020 01:47:26 +0000

ភ្នំពេញ៖គណៈកម្មាធិការ ប្រយុទ្ធប្រឆាំង ផលិតផលក្លែងក្លាយដែលគ្រោះថ្នាក់មានហានីភ័យខ្ពស់ដល់សុខភាពនិងសុវត្តិភាពសង្គម នៃក្រសួងមហាផ្ទៃចុះឆែកឆេរទីតាំង ផលិតផលគ្រឿងសំអាងម៉ាកN&Kចំនួន២ទីតាំង ដែល តារាកំប្លែងនាងខ្ញុង តារាកំម្លែងដ៏ល្បី ឡាយលក់តាមបណ្តាញសង្គមរាល់ថ្ងៃសង្ស័យថាជាផលិតផល ក្លែងក្លាយ និងខូចគុណភាពស្តុកទុកចែកចាយនៅក្នុងបណ្ដាញទំនាក់ទំនងសង្គមដែលអាចគ្រោះថ្នាក់ដល់ប្រជាពលរដ្ឋ។

ប្រតិបត្តិការចុះត្រួតពិនិត្យ នោះធ្វើឡើងនៅវេលាព្រឹកម៉ោង៩ ថ្ងៃទី៨ខែ មករា ឆ្នាំ២០២០រហូតដល់វេលារសៀល នៅផ្ទះលេខ៤៨Zតាមផ្លូវ លេខ១៣៤ សង្កាត់ផ្សារដេប៉ូ២ ខណ្ឌទួលគោក។

ទីតាំងទី២នៅផ្ទះលេខ៥០Zផ្លូវ១៣៤ សង្កាត់ផ្សារដេប៉ូ២ខណ្ឌទួលគោក ដែលមានម្ចាស់ឈ្មោះយ៉ាង ផាន់ណា ភេទប្រុស ស្នាក់នៅទីតាំងខាងលើ ។

ដោយមានការដឹកនាំពី លោកចែសុងព្រះអាជ្ញារងអមសាលាដំបូងរាជធានីភ្នំពេញ និងអាជ្ញាធរមូលដ្ឋានព្រមទាំងប៉ូលិសមូលដ្ឋានផងដែរ ។

បើ តាមនគរបាលឱ្យថាយើងមានមានការសង្ស័យ ថា ទីតាំងខាងលើ លួចលាក់ក្លែងបន្លំលក់ផលិតផលគ្រឿងសំអាងក្លែងក្លាយនិងអត់ច្បាប់ ហើយសមត្ថកិច្ច ក៍បានសុំគោលការណ៍ពីព្រះរាជ្ញាចុះឆែកឆេរ តែម្តង ។

ជាលទ្ធផលសមត្ថកិច្ច បានរកឃើញ ផលិផលគ្រឿងសំអាងម៉ាកN Kជាច្រើនមុខ ។បន្ទាប់ពីធ្វើការត្រួតពិនិត្យ សមត្ថកិច្ច ក៍បានធ្វើការដកហូត ផលលិតផល មួយចំនួនធំទៅធ្វើការត្រួតពិនិត្យក្រសួងមហាផ្ទៃ និងណែនាំ អោយម្ចាស់ទៅទីស្នាក់ការដើម្បីសាកសួរ ផងដែរ ។

បែបនេះក្ដី នៅមិនទាន់អាចសុំការបំភ្លឺពីម្ចាស់ទីតាំខាងលើបានទេ ដោយសារម្ចាស់ទីតាំងមិនសហការជាមួយអ្នកសារព័ត៌មាន ហើយចំពោះនាង ខ្ញុងដែលជា អ្នកធ្លាប់ឡាយលក់នោះក៏មិនអាចទាក់ទងដើម្បីធ្វើការបកស្រាយលំអិតផងដែរ៕

The post ឆែកឆេរផ្ទះលក់គ្រឿងសំអាង២ទីតាំងសង្ស័យក្លែងក្លាយអត់ច្បាប់ដែលនាង ខ្ញុង ឡាយលក់រាល់ថ្ងៃ appeared first on .

នាយចឺមត្រូវបុរសម្នាក់ជាអតីតកីឡាករបាល់ទាត់វាយនឹងឈើជ្រុងដេរក្បាល៥ថ្នេរដោយចោទថាផ្ញើសារញ៉ែសង្សារគេ

កូនចៅឧកញ៉ា — Thu, 19 Dec 2019 04:33:12 +0000

មានរឿងភ្ញាក់ផ្អើលមួយក្នុងចង្កោមអ្នកសិល្បៈ និងមហាជនក្រោយពីតារាកំប្លែង លោកសុខ មេសា ហៅនាយចឺមត្រូវបានបុរសម្នាក់ដែលគេស្គាល់ថាជាអតីតកីឡាករបាល់ទាត់បាន យកកំណាត់ឈើជ្រុងវាយបណ្ដាលឲ្យរងរបួសក្បាល ដៃ និងជើង ដោយចោទតារាចម្រៀងរូបនេះ បានឆាតទៅញ៉ែសង្សាររបស់ខ្លួន។

អំពើហិង្សាទៅលើតារាចម្រៀងប្រចាំផលិតកម្មសាន់ដេរូបនេះ បានកើតឡើង វេលាម៉ោង៤និង២០នាទីល្ងាចនៅថ្ងៃទី១៨ ខែធ្នូ ឆ្នាំ២០១៩ នៅចំណុចបុរីម្កុដពេជ្រ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

យោងតាមរបាយការណ៍របស់សមត្ថកិច្ចស្នងការនគរបាលខេត្តប៉ៃលិន បានឲ្យដឹងថា ជនសង្ស័យឈ្មោះ ង៉ែត លីទី ភេទប្រុស អាយុ២២ឆ្នាំ គេស្គាល់ថាជាអតីតកីឡាករបាល់ទាត់មួយរូប ធ្លាប់លេងជាច្រើនក្លឹបដូចជាបឹងកេត ក្រសួងការពារជាតិ និងក្លឹបលីកទី៤ថៃ បច្ចុប្បន្នមានមុខរបរ បុគ្គលិកក្រុមហ៊ុន រស់នៅភូមិផ្សារព្រំជើង ឃុំស្ទឹងកាច់ សាលាក្រៅ ខេត្តប៉ៃលិន បានយកកំណាត់ ឈឺ ប្រវែងប្រហែល០,៥ម៉ែត្រមក វាយ ជនរងគ្រោះ ឈ្មោះ សុខ មេសា ហៅនាយចឺម ភេទប្រុស អាយុ២២ឆ្នាំ មុខរបរជាតារាចម្រៀងប្រចាំនៅផលិតកម្មសាន់ដេ រស់នៅភូមិត្រាចកោះ ឃុំមហាឬស្សី ស្រុកគងពីសី ខេត្តកំពង់ស្ពឺ បណ្តាល ឲ្យមានមានរងរបួសត្រង់កំភួនដៃទាំងសងខាង និងបែកក្បាលចំនួន ៥ថ្នេរ (ធ្ងន់) ព្រមទាំងបណ្ដាលឲ្យបែកទូរស័ព្ទម៉ាក IphoneX ចំនួន ១ គ្រឿងរបស់ជនរងគ្រោះ (ខូចទាំងស្រុង)។

ក្រោយកើតហេតុ ជនសង្ស័យ ត្រូវបានសមត្ថកិច្ចឃាត់ខ្លួន នៅអធិការដ្ឋាននគរបាលស្រុកសាលាក្រៅ ដើម្បីកសាងសំណុំរឿងបញ្ជូនទៅតុលាចាត់ការតាមនីតិវិធីច្បាប់។ ចំពោះមូលហេតុ ត្រូវបានសមត្ថកិច្ចបញ្ជាក់ថា ដោយសារជនសង្ស័យប្រច័ណ្ឌ នឹងជនរងគ្រោះ រឿងឆាតទៅរកសង្សាររបស់ខ្លួន។

មិនទាន់ទទួលបានការបញ្ជាក់យ៉ាងណានៅឡើយពីម្ចាស់បទ”នារក៨ជាន់” នាយចឺម នោះបាននៅឡើយទេ ខណៈទូរស័ព្ទចូលប៉ុន្តែគ្មានអ្នកទទួល។ ប៉ុន្តតាមការបញ្ជាក់របស់នាយក្រូចជាពូ បានលើកឡើងថា រឿងនេះគឺជារឿងពិត ខណៈសមត្ថកិច្ចបាននឹងកំពុងស្រាវជ្រាវបន្ត។ លោកថា ហេតុការណ៍នេះកើតក្រោយពេលដែលនាយចឺម និងលោកត្រូវបានមិត្តភ័ក្កិអញ្ជើញឲ្យចូលរួមក្នុងពិធីខួបកំណើតមួយ។ លោកថាដោយការស្រលាញ់រាប់អានលោកនិងនាយចឺមបានទៅចូលរួម ប៉ុន្តែរថយន្តរបស់លោកខួចទើបត្រូវនៅត្រឹមខេត្តបាត់ដំបង ទើបលោកទុករថយន្តចោលហើយវិលមកភ្នំពេញដើម្បីចូលរួមកម្មវិធីនៅភ្នំពេញវិញ ខណៈនាយចឺមបានទៅចូលរួមដោយផ្ទាល់ហើយក៏ជួបហេតុការណ៍បែបនេះ។

លោកថា ទូរស័ព្ទរបស់នាងចឺមរវល់រហូតព្រោះមានអ្នកទាក់ទងទៅច្រើនដែលលោកពិបាកនឹងទំនាក់ទំនង។ លោកថាតាមដំណឹងបឋមសកម្មភាពនៃវាយធ្វើបាបនេះត្រូវបានថតជាប់ដោយកាំមេរ៉ាសុវត្ថិភាពផងដែរ ហើយសម្រាប់ការចោទថានាយចឺមផ្ញើសារទៅញ៉ែសង្សារគេ ឬមួយក៏គេឆាតញ៉ែគាត់មុនឬក៏យ៉ាងណាហើយថាតើកំហុសរបស់ខាងណាឲ្យពិតបា្រកដ។ លោកអរគុណចំពោះទស្សនិកជនដែលបារម្ភគាំទ្រលោក និងក្រុមគ្រួសារ៕

https://www.facebook.com/chornchan.lakhena.9/videos/2668290016574078/

The post នាយចឺមត្រូវបុរសម្នាក់ជាអតីតកីឡាករបាល់ទាត់វាយនឹងឈើជ្រុងដេរក្បាល៥ថ្នេរដោយចោទថាផ្ញើសារញ៉ែសង្សារគេ appeared first on .

បង្ហាតារាជាតិ

នេន ទុំ ជួប​គ្រោះ​ថ្នាក់​រថយន្ត​ដ៏​រន្ធត់​មួយ​យប់មិញ

ឆែកឆេរផ្ទះ​លក់​គ្រឿង​សំអាង​​២​ទី​តាំង​​សង្ស័យក្លែង​ក្លាយអត់​​ច្បាប់​ដែល​​នាង​ ខ្ញុង ឡាយ​លក់រាល់​ថ្ងៃ

នាយចឺមត្រូវបុរសម្នាក់ជាអតីតកីឡាករបាល់ទាត់វាយនឹងឈើជ្រុងដេរក្បាល៥ថ្នេរដោយចោទថាផ្ញើសារញ៉ែសង្សារគេ

នេន ទុំ ជួបគ្រោះថ្នាក់រថយន្តដ៏រន្ធត់មួយយប់មិញ

ឆែកឆេរផ្ទះលក់គ្រឿងសំអាង២ទីតាំងសង្ស័យក្លែងក្លាយអត់ច្បាប់ដែលនាង ខ្ញុង ឡាយលក់រាល់ថ្ងៃ