ដោយនៅក្នុងលិខិតឆ្លើយបំភ្លឺរបស់លោកឧកញ៉ា នួន អក បានបង្ហាញឲ្យដឹងថា៖ ខ្ញុំបាទ នួន អក ភេទប្រុស ជនជាតិខ្មែរ សញ្ជាតិខ្មែរ មានអាស័យដ្ឋានបច្ចុប្បន្នភូមិញរ សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ សូមធ្វើការឲ្យឆ្លើយបំភ្លឺពាក់ព័ន្ធជាមួយសារព័ត៌មានមួយចំនួនដែលបានបង្ហោះជាប់ជាមួយរូបថតរបស់ខ្ញុំបាទថាខ្ញុំបាទជាម្ចាស់ភាគហ៊ុននៅក្រុមហ៊ុន អិមសុី នេតឈ័រ ផ្លេនីត ឯ.ក គឺមិនពិតនោះទេ។

លោកឧកញ៉ាម្ចាស់រីស៊តកំពតឋានសួគ៌បានបន្តថាជាក់ស្ដែងកន្លងមកខ្ញុំបាទពិតជាបានចូលរួមជួយផ្សព្វផ្សាយឱ្យក្រុមហ៊ុន អិមសុី នេតឈ័រ ផ្លេនីត ឯ.កនេះពិតប្រាកដមែនប៉ុន្តែខ្ញុំបាទពុំមានភាគហ៊ុនឬចំណែកណាមួយក្នុងក្រុមហ៊ុននោះទេ។ហើយខ្ញុំបាទនិងចូលរួមសហការជាមួយផ្លូវច្បាប់ជានិច្ចពីព្រោះខ្ញុំបានមិនបានពាក់ព័ន្ធនឹងអំពើដូចសារព័ត៌មានយកទៅចុះផ្សាយនោះទេ។

លោកឧកញ៉ាបានបញ្ជាក់ទៀតថា ដោយការផ្សព្វផ្សាយព័ត៌មានខាងលើនេះ បានធ្វើឱ្យប៉ះពាល់ដល់សេចក្ដីថ្លៃថ្នូរកិត្តិយសនិងធ្វើឲ្យមហាជនមានការភាន់ច្រឡំមកលើរូបខ្ញុំបាទ ជាពិសេសបានធ្វើឱ្យប៉ះពាល់ដល់ផលប្រយោជន៍អាជីវកម្មរបស់ខ្ញុំបាទយ៉ាងធ្ងន់ធ្ងរផងដែរ។

ជាមួយគ្នានោះដែរលោកឧកញ៉ា នួន អក ក៏បានលើកឡើងយ៉ាងដូច្នេះទៀតថា ដូច្នេះស្នើសុំសារព័ត៌មានទាំងអស់មេត្តាធ្វើការលុបរូបថតនិងព័ត៌មានដែលពាក់ព័ន្ធជាមួយខ្ញុំបាទចោលទាំងអស់និងបញ្ឈប់ជាបន្ទាន់នូវរាល់សកម្មភាពទាំងឡាយណាដែលធ្វើឲ្យប៉ះពាល់ដល់រូបខ្ញុំបាទ ក្នុងករណីមិនព្រមបញ្ឈប់ ខ្ញុំបាទនិងចំណាត់ការតាមផ្លូវច្បាប់ដោយមិនមានការលើកលែងឡើយ។ អាស្រ័យដូចបានជម្រាបជូនខាងលើសូមសារព័ត៌មានទាំងអស់ទទួលជ្រាបជាព័ត៌មាននិងទទួលនូវការគោរពរាប់អានអំពីខ្ញុំបាទ៕

ប្រភព៖ ផេក ឧកញ៉ា នួន អក

The post មេធាវីឧកញ៉ា នួន អក ចេញលិខិតឆ្លើយបំភ្លឺទាំងយប់ appeared first on .

នៅក្នុងសន្និសីទសារព័ត៌មាន ធ្វើឡើងនារសៀលថ្ងៃទី២៤ ខែសីហា នេះ លោកឧកញ៉ា ភិរម្យ វិចិត្រដារ៉ា បានថ្លែងបញ្ជាក់ថា «ខ្ញុំបាទសូមធ្វើការបដិសេធទាំងស្រុង ទៅលើវីដេអូមានការកាត់ត ជារូបភាពបញ្ចូលគ្នា ហើយចោទប្រកាន់ថា ខ្ញុំបានប្រើអំពើហិង្សាទៅលើនារីម្នាក់, សូមបងប្អូនធ្វើការពិនិត្យទៅលើវីដេអូនោះ គឺជាប្រភេទវីដេអូកាត់តបញ្ចូលគ្នា,-ខ្ញុំសូមបដិសេធទៅលើការចោទប្រកាន់ថា ខ្ញុំបានប្រើអំពើហិង្សា»។

លោកបន្តថា «ខ្ញុំធ្វើដំណើរកំសាន្តទៅខេត្តព្រះសីហនុ ជាលក្ខណៈគ្រួសារ ដោយក្នុងនោះ ខ្ញុំមានកូនតូច ម្ដាយក្មេក ម្ដាយមីង និងភរិយារបស់ខ្ញុំ ហើយមានជនមួយក្រុម មកបង្កបញ្ហាដោយបានថតរូបរបស់ខ្ញុំ ហើយខ្ញុំស្នើសុំ កុំឲ្យមានការថតរូបខ្ញុំ ក៏ទាញទូរសព្ទរបស់គាត់ចេញពីដៃរបស់គាត់ ទៅដាក់នៅលើតុ ហើយខ្ញុំក៏ដើរចុះទៅខាងក្រោម ដោយគាត់ឈររារាំងផ្លូវខ្ញុំ ខ្ញុំទាយគាត់ចេញហើយខ្ញុំដើរចុះទៅបន្ទប់របស់ខ្ញុំ បែរជាគាត់ចោទប្រកាន់ថា ខ្ញុំបានប្រើអំពើហឹង្សាលើគាត់។ ខ្ញុំសូមជម្រាបជូន ដល់បងប្អូនសារព័ត៌មាន ក៏ដូចជា​បងប្អូន ក្នុងបណ្ដាញសង្គមហ្វេសប៊ុក ហើយបានជាថា ខ្ញុំបាទសូមបដិសេធទាំងស្រុង នៅការចោទប្រកាន់នេះ ហើយមេធាវីរបស់ខ្ញុំគាត់បានកំពុងរៀបចំឯកសារផ្លូវច្បាប់ ដើម្បី​​ដាក់ពាក្យបណ្ដឹងទៅតាមផ្លូវច្បាប់»។

លោកឧកញ៉ា ភិរម្យ វិចិត្រដារ៉ា បានថ្លែងបន្ថែមថា រូមលោកនិងស្រ្តីម្នាក់នោះ ពីមុនមកមិនដែលស្គាល់គ្នានោះទេ ហើយលោកគិតថា នេះជាការរៀបចំគម្រោងមួយ ដើម្បីធ្វើបាបរូបលោក និងធ្វើឲ្យប៉ះបាល់ដល់កិត្តិយសរបស់លោក។ លោកថា ការងារដែលលោកខំសាង និងការងារមនុស្សធម៌ជាច្រើនទៀត គឺលោកចូលចិត្តធ្វើ ហើយពាក់ព័ន្ធជាមួយជម្លោះជាមួយនរណាម្នាក់ គឺលោកមិនចូលចិត្តនោះឡើយ ព្រោះលោកជាមនុស្សមិនចេះឈ្លោះ។

យ៉ាងណាមិញ រហូតមកដល់ពេលនេះ លោកឧកញ៉ា ភិរម្យ វិចិត្រដារ៉ា បានបញ្ជាក់ថា លោកកំពុងតែពិភាក្សាជាមួយមេធាវី ដើម្បីដាក់ពាក្យបណ្ដឹងតបវិញ ព្រោះបានធ្វើឲ្យប៉ះពាល់កិត្តិយសរបស់លោកធ្ងន់ធ្ងរ។​ លោកក៏ចង់បញ្ជាក់ពីភាពស្អាតស្អំរបស់លោកក្នុងរឿងនេះ ហើយទទូចដល់ភាគីម្ខាងទៀត ចូលខ្លួនមកតតាំងគ្នាផ្ទាល់ជាមួយរូបលោក ដើម្បីរកខុសត្រូវឲ្យឃើញ ជៀសវាងមានបណ្ដឹងប្ដឹងប្ដល់គ្នាវែងឆ្ងាយបន្ថែមទៀត។

សូមបញ្ជាក់ថា ហេតុការណ៍នៃអំពើហិង្សានេះ គឺ បានកើតឡើងកាលពីវេលាម៉ោង២១៖៣០នាទី ថ្ងៃទី២០ ខែសីហា ឆ្នាំ២០២០ នៅចំណុចសណ្ឋាគារមួយកន្លែងឈ្មោះ «ឡា វ៉ូត» ស្ថិតនៅសង្កាត់លេខ៤ ក្រុងព្រះសីហនុ ខេត្តព្រះសីហនុ។

យោងតាមពាក្យបណ្តឹង ចុះថ្ងៃទី២១ ខែសីហា ឆ្នាំ២០២០នេះ បានបញ្ជាក់ថា ជនរងគ្រោះឈ្មោះ គឹម ចាន់សុធី ភេទស្រី អាយុ២៧ឆ្នាំ បានរៀបរាប់ថា កាលពីថ្ងៃទី១៩ ខែសីហា ឆ្នាំ២០២០ បងស្រីរបស់ជនរងគ្រោះឈ្មោះ គឹម ចាន់សុធា បានមកពីភ្នំពេញ មកលេងនៅខេត្តព្រះសីហនុ។ នៅយប់ថ្ងៃទី២០ ខែសីហា ឆ្នាំ២០២០ ពួកគេមានគ្នា៤នាក់ មានប្រុស២នាក់ បាននាំគ្នាទៅហូបអាហារនៅហាង ឡា វ៉ូត។ ពេលនោះ បានឃើញឈ្មោះ យ៉េន ម៉ារ៉ាណង ភេទស្រី និង អ្នកមកជាមួយបងប្អូនរបស់គាត់ មកហូបអាហារនៅហាងនេះដែរ។ ខណៈនោះ​បងស្រីជនរងគ្រោះ បានបង្ហួសទៅសួរនាំឈ្មោះ យ៉េន ម៉ារ៉ាណង ស្រាប់តែឈ្មោះ យ៉េន ម៉ារ៉ាណង បានស្រែកជេរបងស្រីជនរងគ្រោះ។

ដោយឃើញហេតុការណ៍មិនស្រួល ជនរងគ្រោះបានលើកទូរស័ព្ទរកថតសកម្មភាពនេះ ស្រាប់តែមានមនុស្សប្រុសម្នាក់ (លោកឧកញ៉ា ភិរម្យ វិចិត្រដារ៉ា) ត្រូវជាបងប្អូនជីដូនមួយជាមួយឈ្មោះ យ៉េន ម៉ារ៉ាណង បានស្ទុះមកទាញទូរស័ព្ទរបស់ជនរងគ្រោះម៉ាក សាំងសុង យកទៅបោកកម្ទេច និងវៃជនរងគ្រោះតែម្តង។ ជុំវិញបញ្ហានេះ ជនរងគ្រោះឈ្មោះ គឹម ចាន់សុធី បានថ្លែង​ថា រហូតមកទល់ពេលនេះ អ្នកនាងពុំទាន់ទទួលបានយុត្តិធម៌នៅឡើយទេ ដោយសារភាគីជនបង្ក បានមកសម្របសម្រួល តែអ្នកនាងពុំព្រម ព្រោះចង់ឲ្យច្បាប់ចាត់ការរឿងនេះ​៕

The post ឧកញ៉ា ភិរម្យ វិចិត្រដារ៉ា ចេញមុខបដិសេធ ការចោទប្រកាន់របស់ស្ត្រីម្នាក់ ថាបានប្រើហិង្សាយ៉ាងព្រៃផ្សៃមកលើខ្លួន​ appeared first on .

សពរបស់លោកឧកញ៉ា ត្រូវបានតម្កល់ធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនា នៅវត្តស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ សពរបស់លោក នឹងដង្ហែយកទៅបញ្ចុះនៅភូមិថ្លើក ឃុំពើក ស្រុកអង្គស្នួល ខេត្តកណ្តាល នៅព្រឹកថ្ងៃសៅរ៍ ទី២៥ ខែកក្កដា ឆ្នាំ២០២០។

សូមបញ្ជាក់ថា ឧកញ៉ា ខូវ ជីលី ជាមហាសេដ្ឋី និងជាអ្នកជំនួញដ៏ល្បាញល្បីមួយរូប ហើយបានក្តោបក្តាប់មុខជំនួញ និងក្រុមហ៊ុនជាច្រើននៅកម្ពុជា៕

The post ឧកញ៉ា ខូវ ជីលី ទទួលមរណភាពក្នុងជន្មាយុ ៩១ឆ្នាំ appeared first on .

1. ខ្ញុំអរគុណ COVID-19ដែលធ្វើអោយខ្ញុំមានពេល វេលាអានសៀវភៅ ជាច្រើននឹង ទទួល​បាន​ចំណេះ​ដឹង​ពី​សៀវភៅយ៉ាងមហស្ចារ្យ

2. ខ្ញុំអរគុណ COVID-19 ដែលធ្វើអោយខ្ញុំមាន​ឱកាសបាន​ពង្រឹងសមត្ថភាព​ខ្លួនឯងកាន់​តែខ្លាំងជាង​មុន ដែល​ពីមុនខ្ញុំរវល់ស្ទើរតែគ្មានពេលវេលា​អភិវឌ្ឍន៍ខ្លួន

3. ខ្ញុំអរគុណ COVID-19 ដែលធ្វើអោយ​ខ្ញុំកាន់តែ​មានសមត្ថភាពជ្រើសមនុស្សល្អៗ​ច្បាស់ជាងមុន​ក្នុងការដើរ​ទៅរកភាពជោគជ័យរួមគ្នាលើមាគ៌ាជំនួញគ្រួសារកក់ក្តៅ

4. ខ្ញុំអរគុណ COVID-19 ដែលធ្វើអោយខ្ញុំបានដឹងថា ខ្ញុំស្រលាញ់មុខជំនួញ​គ្រួសារកក់ក្តៅ​ខ្ញុំខ្លាំង​ប៉ុណ្ណា​ ក្រោយពីខ្ញុំសំរាកក្នុងការធ្វើសកម្មភាពជាង២ខែមកនេះ

5. ខ្ញុំអរគុណ COVID-19 ដែលធ្វើអោយខ្ញុំស្គាល់ពីតម្លៃលុយដែលខ្ញុំមានកាន់តែច្បាស់ ខ្ញុំមិនទាន់​មាន​លុយច្រើនដេកសុីរយះពេលយូរបាននោះទេ អញ្ចឹងខ្ញុំត្រូវតែប្រឹងប្រែងរកលុយអោយបានច្រើន ដើម្បី​ពេលចូលនិវត្តន៍មិនបារម្មណ៍ពីការរកលុយទៀត

6. ខ្ញុំអរគុណ COVID-19 ដែលធ្វើអោយខ្ញុំស្គាល់ពីការអនាម័យមានតម្លៃប៉ុណ្ណា មានសុវត្ថិភាពប៉ុណ្ណា​នៅ​ក្នុង​ជីវិតរស់នៅប្រចាំថ្ងៃ

7. ខ្ញុំអរគុណ COVID-19 ដែលធ្វើអោយខ្ញុំស្គាល់ពីតម្លៃជីវិតរបស់ខ្ញុំមានតម្លៃប៉ុណ្ណា ខ្ញុំនឹងមិនធ្វើ​អោយ​ជីវិត​ខ្ញុំបាត់តម្លៃនោះទេ ទោះជាជីវិតខ្ញុំធ្លាក់ដល់កំរិតណាក៏ដោយ អោយតែមាន​ជីវិត​ខ្ញុំ​ពិត​ជាកសាង​អ្វីៗ​គ្រប់​យ៉ាងឡើងមកវិញបាន

8. ខ្ញុំអរគុណ COVID-19 ដែលធ្វើអោយខ្ញុំបានដឹងថា ខ្ញុំមានរឿងជាច្រើនដែលខ្ញុំមិនទាន់អាច​សំរេច​បាន​ ខ្ញុំនឹងមិនខ្ជះខ្ជាយពេលវេលាបន្តទៀតនោះទេ

9. ខ្ញុំអរគុណ COVID-19 ដែលធ្វើខ្ញុំមានឱកាសជួបជុំក្រុមគ្រួសារកាន់តែច្រើនជាមុន

10. ជាចុង​ក្រោយ ខ្ញុំអរគុណខ្លួនឯងដែលក្លាយជាសេដ្ឋីទាំងវ័យក្មេង ខ្ញុំនឹងប្រើប្រាស់ជីវិតពេល​នេះ​អោយ​កាន់​តែ​មានន័យ នឹងកសាងអ្វីៗគ្រប់យ៉ាងដើម្បីអោយក្តីស្រម៉ៃក្លាយជាការពិត

credit: Oknha Sambath ឧកញ៉ា សម្បត្តិ

The post សេដ្ឋី​វ័យ​​ក្មេងកម្ពុជា​ម្នាក់អរគុណ​COVID-19 ដែល​ធ្វើ​ឲ្យ​ជំនួញ​​​លោក​កាន់​តែ​ជោគជ័យ appeared first on .

ឯកឧត្តមបណ្ឌិត ម៉ុង ឫទ្ធី បាន​សរសេរ​រៀប​រាប់​លើ​ផេក​ផ្លូវ​ការ​របស់​លោក​ឧកញ៉ា​បណ្ឌិត​បែប​នេះ​ថា( ថ្ងៃ​ចន្ទ​ទី​១១​ ខែឧសភា​ ឆ្នាំ​២០២០នេះ​ខ្ញុំ​បានឃើញ​សារព័ត៌មាន​មួយបាន​ចុះផ្សាយ​ថា​ខារ៉ាអូខេ​( រិត​តែ​ស្រស់​ )ហ៊ាន​ដល់សាងសង់​របងរំលោភ​យកស្រះ​ទឹក​លោក​ម៉ុង​ ឫទ្ធី​ទៀត​ ឈ្លៀតក្នុង​ឱកាស​នេះ​ខ្ញុំ​សូម​ជំរាប​ជូន​សាធារណជន​មេត្តា​ជ្រាបថា​កាល​ទសវត្សរ៍​ឆ្នាំ​៩០​ សម្តេច​អគ្គ​មហា​សេនាបតី​តេជោ​ហ៊ុន​ សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ បាន​ចាត់តាំងអោយ​រូប​ខ្ញុំ​ចុះទៅជួយ​អភិវឌ្ឍន៍​ នៅលេីទឹកដី​ឃុំរវៀង​ ស្រុកសំរោង​ ខេត្ត​តាកែវ​ ដេីម្បី​ជា​ស្នូលនៃ​ការអភិវឌ្ឍន៍នេះ​សម្តេច​តេជោ​លោកបាន​ ប្រសិទ្ធិនាម​ហៅថា​តំបន់​អភិវឌ្ឍន៍​កសិទេចរណ៍​ហ៊ុន​ សែន​ភ្នំជីសូរ​ពេលនោះ​ខ្ញុំ​បាន​ចាប់ផ្តេីម​សាងសង់​ទំនប់ទឹក​ធ្នួសតាគង់​ ទំនប់ទឹក​ទួលលលក​ និង​ទំនប់ទឹក​សែនពារាម​ប្រវែង​សរុប​១៦គីឡូម៉ែត្រ​ រួមជាមួយ​ផ្លូវ​ស្ពាន​ សាលា​រៀន​ វត្ត​អារាម​ សាលាតំណាក់​ ស្រះទឹក​ជាច្រើន​កន្លែង​ទៀត​ផង​ ក្នុង​នោះក៏មាន​ស្រះទឹក​អ្នកតា​ក្រាំងលាវដែល​កំពង់តែ​មាន​ទំនាស់​នេះផងដែ​ ។

ជាចុងក្រោយ​ខ្ញុំ​សូម​បញ្ជាក់​ថា​ស្រះទឹក​នេះ​ខ្ញុំ​បាន​ជិកស្តារ​អោយ​ប្រជាជន​ប្រេីប្រាស់​ជារួម​ មិនមែន​ជា​ទ្រព្យ​សម្បត្តិ​របស់ខ្ញុំ​ឬ​បុគ្គល​ណាមួយ​នោះទេ​ ហេីយករណី​នេះខ្ញុំ​នៅតែ​តាម​ដាន​មេីល​ជាប្រចាំ​ថាតេី​ អាជ្ញាធរ​ដែលមាន​សមត្ថកិច្ច​ពាក់ព័ន្ធ​លេី​ករណី​នេះ​នឹង​​ផ្តល់​យុត្តិធម៌​អោយមកខាងណានោះទេ​ ហេីយខ្ញុំ​ក៏មិន​ហ៊ាន​ថាខាងណា​ខុសខាងណា​ត្រូវ​នោះដែ​មកពីរូប​ខ្ញុំ​មិនមែន​ជា​តុលាការ​ ។)

The post ឧកញ៉ា ម៉ុង ឫទ្ធី ប្រតិសកម្ម​ហាង ខារ៉ាអូខេ​មួយ​កន្លែង សាងសង់​របង​រំលោភ​យក​ស្រះ​ទឹក​លោក appeared first on .

ផេក​ឯកឧត្តមបណ្ឌិត ម៉ុង ឫទ្ធី​បាន​សរសេរ​បែប​នេះ​ថា( រូបខ្ញុំ​ព្រមទាំង​ក្រុម​គ្រួសារ​សុំ​ថ្លែង​អំណរ​គុណ​យ៉ាង​ជ្រាលជ្រៅ​បំផុត​ ចំពោះ​ឯកឧត្តម ស៊្រី ថាមរ៉ុង ដែល​បាន ឈ្លៀត​ឱកាស​ដ៏​មាន​តម្លៃ​ មកចូលរួម​ក្នុង​ពិធី​បុណ្យ​សព​បងស្រី​របស់​ខ្ញុំ​ក្នុង​ចម្ងាយ​ផ្លូវ​៤៨គីឡូម៉ែត្រ​ បងជា​មន្ត្រី​ជាន់ខ្ពស់​ទី១​ហើយ​ដែល​មាន​វត្តមាន​ក្នុង​ពិធី​បុណ្យ​នេះ​ ខ្ញុំ​សុំវាយ​តម្លៃ​ខ្ពស់​បំផុត​ចំពោះ​វត្តមាន​ដ៏​ឧដុង្គ​ឧត្ដម​នេះ​ ។)​

សូម​បញ្ជាក់​​ផង​ដែរ​ថា លោក​ឧកញ៉ា​បណ្ឌិត ម៉ុង មានបងប្អូន​១២នាក់​ ស្លាប់ក្នុង​របបខ្មែរ​ក្រហម​អស់​៧នាក់​ នៅសល់៥នាក់៕

The post ជា​មន្ត្រី​ជាន់​ខ្ពស់​​មាន​ប្រជាប្រិយ​​ពិត​មែន បងស្រី​បង្កើត ឧកញ៉ា ម៉ុង ឫទ្ធី ស្លាប់​មាន​តែ​មន្ត្រី​ជាន់​ខ្ពស់​តែ​ម្នាក់​ប៉ុណ្ណោះ​បាន​ចូល​​​បុណ្យ appeared first on .

ព្រះរាជក្រឹត្យ​បញ្ចប់​ងារ​ឧកញ៉ា លើ​មេ​ប៉ូលិស​ចំនួន ៣៦​នាក់ ធ្វើ​ឡើង​កាល​ពី​ថ្ងៃ​ទី​២៣ វិច្ឆិកា តែ​ទើប​ត្រូវ​បាន​ផ្សព្វផ្សាយ នៅ​ដើមខែ​ធ្នូ​កន្លងទៅនេះ​។ ក្នុង​ព្រះរាជក្រឹត្យ​នោះ មាន​មេ​ប៉ូលិស ចាប់ពី​ថ្នាក់​នាយ​ឧត្ដមសេនីយ៍ ដល់​ថ្នាក់​អនុសេនីយ៍ឯក ត្រូវ​បាន​បញ្ចប់​គោរមងារ​ឧកញ៉ា​។ មេ​ប៉ូលិស​ទាំង ៣៦​នាក់ ដែល​ត្រូវ​បាន​បញ្ចប់​គោរមងារ​ឧកញ៉ា​នេះ មាន​ដូចជា អគ្គ​ស្នងការ​​រង​នគរបាល​ជាតិ និង​ជា​មេបញ្ជាការ ទទួលបន្ទុក​ទិស​ភូមិភាគ​៤ និង​ភូមិភាគ​៥ ប្រាសាទ​​ព្រះវិហារ អគ្គនាយករង​នៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ នៃ​ក្រសួងមហាផ្ទៃ ជាដើម។

ការ​បញ្ចប់​គោរមងារ​ឧកញ៉ា ក្នុង​ជួរ​កងកម្លាំង​ប៉ូលិស​នេះ ធ្វើឡើង​តាម​គោលការណ៍​ស្ម័គ្រចិត្ត ដូច​ករណី​បញ្ចប់​ងារ​ឧកញ៉ា នៅ​ជួរ​កង​កម្លាំងយោធា​ដែរ​។

កាលពី​ខែ​កញ្ញា ប្រធាន​ព្រឹទ្ធសភា ក្នុង​នាម​ជា​ប្រមុខ​រដ្ឋ​ស្ដីទី សម្តេចវិបុលសេនាភក្តី សាយ ឈុំ បាន​ចេញ​ព្រះរាជក្រឹត្យ បញ្ចប់​គោរមងារ​ឧកញ៉ា លើ​មេ​យោធា ចំនួន ៧៥​នាក់៕

The post ព្រះមហាក្សត្រ​បញ្ចប់​គោរមងារ ​ឧកញ៉ា​៣៦រូប ពី​ស្ថាប័ន​ប៉ូលិស appeared first on .

តាម​ការ​រៀបរាប់​ពី​គណនី​Facebook ឈ្មោះ​Pyn Bun ដែល​មាន​ប្រភព​មួយ​អះអាង​ថា ជា​ភរិយា​លោក​ឧកញ៉ា សុខ ប៊ុន ​បាន​សរសេរ​រៀបរាប់​​អម​​ទាំង​ភស្តុតាង​នឹង​រូប​ភាព​ជន​បង្ក​យ៉ាង​បែប​នេះ​ថា​”

( មានឋានៈ​ ជាឯកឧត្តម​)
កូនក្មេងលេង​ តែលោកជាឯកឧត្តម(មនុស្សចាស់​ អាយុ40+ )ស្ងាត់ៗ​ក៏វាយ​ក្មេង​ទាំងកម្រោលចូល​ទាំង​ក្មេងស្រែកយំរហូតដល់ជីដូនមកទាន់ឃើ​ញផ្ទាល់ភ្នែកគាត់​ ចៅ​របស់​គាត់​កំពុងត្រូវជន​កម្រោល​ចូល​ ចាប់គៀបជើង​ចៅគាត់ជាប់ក្នុងក្លេជើង​មនុស្សចាស់​ ចំណែចដៃ​ទាំង​ពីរ​របស់ជន​ដៃដល់ចាប់​សង្កត់​ស្មារទាំងពីររបស់កូនខ្ញុំ​ ទៅក្រោម​ គាត់មិន​ព្រមលែង​ទេ​នូវ​ពេល​ដែល​ក្មេងស្រែកយំ​ រហូត​ជីដូន​ចាប់ចេញ។នាងខ្ញុំសុខចិត្តបញ្ចប់រឿង​ត្រឹមប៉ុននេះពីព្រោះគិត​ថា​នៅ​ក្នុង​ពិធីបុណ្យ។

( មានឋានៈ​ ជាឯកឧត្តម​) កូនក្មេងលេង​ តែលោកជាឯកឧត្តម(មនុស្សចាស់​ អាយុ40+ )ស្ងាត់ៗ​ក៏វាយ​ក្មេង​ទាំងកម្រោលចូល​ទាំង​ក្មេងស្រែកយំរហូតដល់ជីដូនមកទាន់ឃើ​ញផ្ទាល់ភ្នែកគាត់​ ចៅ​របស់​គាត់​កំពុងត្រូវជន​កម្រោល​ចូល​ ចាប់គៀបជើង​ចៅគាត់ជាប់ក្នុងក្លេជើង​មនុស្សចាស់​ ចំណែចដៃ​ទាំង​ពីរ​របស់ជន​ដៃដល់ចាប់​សង្កត់​ស្មារទាំងពីររបស់កូនខ្ញុំ​ ទៅក្រោម​ គាត់មិន​ព្រមលែង​ទេ​នូវ​ពេល​ដែល​ក្មេងស្រែកយំ​ រហូត​ជីដូន​ចាប់ចេញ។នាងខ្ញុំសុខចិត្តបញ្ចប់រឿង​ត្រឹមប៉ុននេះពីព្រោះគិត​ថា​នៅ​ក្នុង​ពិធីបុណ្យ។

មិន​នឹកស្មានពីរថ្ងៃក្រោយមកគាត់(ជាជនដៃដល់) ក៏បានហៅខ្ញុំចូលក្នុងផ្ទះក៏ស្រែកជេរនាងខ្ញុំ ពេល​នោះ​អំពើ​ហឹង្សារទាំងគម្រោលក៏បានកើត​ឡើង​ម្តងទៀតមកលើ​រូបខ្ញុំ​ជាម្ដាយ​ ជនដៃដល់​ងារ​ជា​ឯកឧត្ដម​មិនត្រឹមតែវាយតប់​ ទះកំផ្លៀងខ្ញុំយ៉ាងដំណំ​ រួម​ទាំងគម្រាមសំលាប់​តែមួយគ្រាប់គឺខ្ញុំងាប់​ ហើយ​គាត់មិនអាចមានសម្ថកិច្ចធ្វើ​អីគាត់បានទេ។ ការប៉ុនប៉ងហេងឹង្សា​ និងមនុស្សឃាត​ដោយមាន​ចេតនា​គិតទុកជាមុនមកលើ​ខ្លួនខ្ញុំផ្ទាល់​។

វាយក្មេងអាយុ៥ឆ្នាំ​ (ដែលជាកូនខ្ញុំ) និង​គំរាមសំលាប់អួតអាងថាគ្មានអ្នកណាធេី្វអីគាត់បាននោះ ក្រោមម្លប់នៃការដឹកនាំប្រទេសរបស់សម្តេច​ ជនដៃដល់ងារជាឯឧ​ រូបនេះគាត់អាងអី?នាងខ្ញុំមាន​អារម្មណ៍​ឈឺ​ចាប់ណាស់​ដែលគាត់ធ្វើដាក់រូបនាងខ្ញុំ​ជាមនុស្សស្រីនិងកូនក្មេង​ម្នាក់យើងយ៉ាង​បែប​នេះ។ សូមសម្ថកិច្ច​ ជួយរកយុត្តធ៌មអោយខ្ញុំនិងកូនខ្ញុំ។ តើ​​ខ្ញុំ​គួរ​ធ្វើ​ដូចម្តេច​?នាងខ្ញុំសុំយោបល់​ពី​បងប្អូន​ទាំងអស់​គ្នាដោយក្តីរាប់អាន​។

អរគុណ។)

ទោះ​យ៉ាង​ណា ឧកញ៉ា​ញ៉ូ មិន​ទាន់​សុំ​ការ​អធិប្បាយ​ពី​ភាគី​ម្ខាង​ទៀត​បាន​ឡើយ ទាក់ទង​នឹង​រឿងរ៉ាវ​​ខាង​លើ៕

ប្រភព៖ Facebook Pyn Bun

The post ឧកញ៉ា សុខ ប៊ុន វ៉ៃ​គេ​ជាប់​គុក ចុះ​ប្រុស​ម្នាក់​នេះ​វ៉ៃ​ប្រពន្ធ​លោក​ឧកញ៉ា វិញ អាច​ជាប់​គុល​ឬ​អត់? appeared first on .

ចំនួន៤នាក់ ទី១៖ ថោង សារ៉ាត់, ទី២៖ ហួយ ចាន់ថុល, ទី៣៖ មាស សម្បត្តិ ហៅ ទូច និង ទី៤៖ ឈ្មោះ ឃុន ចិត្រា ដោយតុលាការបានដាក់លក្ខខណ្ឌ៤ចំណុចដូចជា៖

១៖ ជនជាប់ចោទមិនត្រូវចាកចេញពីព្រះរាជាណាចក្រកម្ពុជា ដោយមិនមានការអនុញ្ញាតពីតុលាការ។

២៖ ហាមផ្លាស់ប្តូរលំនៅដ្ឋាន។

៣៖ ត្រូវបង្ហាញខ្លួននៅការិយាល័យស្នងការនគរបាលរាជធានីភ្នំពេញរៀងរាល់សប្តាហ៍ទី១ រៀងរាល់ខែ ។

៤៖ ចូលបង្ហាញខ្លួនតាមការកោះហៅរបស់តុលាការ ឬ អាជ្ញាធរមានសមត្ថកិច្ចដែលចាត់តាំងដោយតុលាការ ។

គួររម្លឹកថា កាលពីថ្ងៃទី២៦ ខែមីនា ឆ្នាំ២០១៩ តុលាការសាលាដំបូងរាជធានីភ្នំពេញ បានសម្រេចផ្តន្ទាទោសអតីត ឧកញ៉ា ថោង សារ៉ាត់ និងអង្គរក្សចំនួន ៤នាក់ ដាក់ពន្ធនាគារក្នុងម្នាក់ៗ អស់មួយជីវិត ពីបទ ឃាតកម្មគិតទុកជាមុន ក្នុងផែនការបាញ់សម្លាញ់ ឧកញ៉ា អ៉ឹង ម៉េងជឺ កាលពីល្ងាចថ្ងៃទី២២ ខែវិច្ឆិកា ឆ្នាំ២០១៤ នៅមុខហាងលក់ផ្លែឈើ យីហោ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ៕

The post សាលាឧទ្ធរណ៍ដោះលែងឧកញ៉ា ថោង សារ៉ាត់ និងអង្គរក្ស ៣នាក់ជាបណ្តោះអាសន្ន appeared first on .