លោក ហេង ឡុង ប្រធានសមាគមអ្នកសិល្បៈស្ម័គ្រចិត្តជួយសង្គម បានថ្លែងប្រាប់ Fresh News Plus នៅព្រឹកថ្ងៃទី២៧ ខែសីហា ឆ្នាំ២០២០ ថា ភាគីទាំងសងខាង (ផលិតកម្មថោន និងតារាចម្រៀងខេម) បានយល់ព្រមលុបចោលអ្វីដែលបានបង្ហោះរាងខ្លួន និងអធ្យាស្រ័យគ្នាទៅវិញទៅមក និងបន្តការរាប់អានគ្នាទៅមុខទៀត។

លោកបន្តថា «បន្ទាប់ពីចំណាយពេលជាង៣ម៉ោងរហូតដល់ម៉ោង១យប់ ខ្ញុំបាទបានរកដំណោះស្រាយឈ្នះឈ្នះ ដើម្បីបញ្ចប់ជម្លោះរវាងផលិតកម្មថោន និង តារាចម្រៀង ខេម។ ទីបំផុតភាគីទាំងពីរបានទទួលយកដំណោះស្រាយរួមមួយ ដោយបញ្ចប់ជម្លោះ អត់ឱនអធ្យាស្រ័យឲ្យគ្នា បញ្ចប់ការវាយប្រហារគ្នា បន្តការរាប់អានគ្នាជាបងប្អូនខ្មែរដូចគ្នា ក្រោមគោលការណ៍ឈ្នះឈ្នះ ដើម្បីបន្តជ្រកក្រោមម្លប់សន្តិភាព ក្រោមការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន។ អរគុណសន្តិភាព»។

គួរជម្រាបថា កាលពីថ្ងៃទី២៤ ខែសីហា ឆ្នាំ២០២០ ផលិតកម្មទីក្រុងភាពយន្ត «ថោន» បានចេញសេចក្ដីជូនដំណឹងដ៏គួឲ្យភ្ញាក់ផ្អើលមួយ ដើម្បីអញ្ជើញតារាចម្រៀង លោក ប៉ុន សុណារិន ហៅ ខេម ឲ្យខ្លួនមកផលិតកម្ម ក្នុងន័យបំភ្លឺលើកិច្ចសន្យាដែលផលិតកម្មអះអាងថា មិនទាន់ត្រូវបានបញ្ចប់ ហើយបានចេញបទចម្រៀង នៅក្នុងផលិតកម្មផ្សេង។ យ៉ាងណាមិញ រហូតមកទល់នឹងពេលនេះ ភាគីទាំងសងខាង បានទទួលដំណោះស្រាយមួយដ៏សមប្រកបហើយ ក្រោមការជួយអន្តរាគមន៍ពីលោក ហេង ឡុង ប្រធានសមាគមអ្នកសិល្បៈស្ម័គ្រចិត្តជួយសង្គម៕

ប្រភព៖ Fresh News Plus

The post ទីបំផុតជម្លោះរវាងផលិតកម្មថោន និងតារាចម្រៀង ខេម ត្រូវបានបញ្ចប់ appeared first on .

សេចក្ដី​ជូន​ដំណឹង​នេះ​ត្រូវ​បាន​បង្ហោះ​លើ​ទំព័រហ្វេសប៊ុក​ផ្លូវការ​របស់​ ផលិតកម្ម​ទីក្រុង​ភាពយន្ត (ថោន) កាល​ពី​​ថ្ងៃទី២៤ ខែសីហា​ ឆ្នាំ​ ២០២០នេះ​ ក្រោយ​ពី​លោក​ ខេម​ បាន​ចេញ​បទ​ចម្រៀង​ឲ្យ​ផលិតកម្ម​ផ្សេង ស្រប​ពេល​ខ្លួន​នៅ​ជាប់​កិច្ច​សន្យា​ជាមួយ​នឹង​ផលិតកម្ម​ ថោន​នៅឡើយ រហូត​ដល់​ខែធ្នូ​ ឆ្នាំ ២០២០​ទើប​ចប់​កុងត្រា។

មិន​បាន​ប៉ុន្មាន​ម៉ោង​ផង លោក ប៉ុន​ សុណារិន​ ហៅ​ខេម បាន​បញ្ចេញ​សារ​​​យ៉ាង​អន្លង់អន្លោច ឆ្លើយ​មក​ទៅ​អតីត​ថៅកែ​របស់​ខ្លួន ធ្វើ​ឲ្យ​អ្នក​គាំទ្រ តារា​ចម្រៀង​រូប​នេះ សម្ដែង​ការ​អាណិតអាសូរ​លោក​ជា​ខ្លាំង។ ខាង​ក្រោម​នោះ គឺ​ជា​ខ្លឹមសារ​ទាំង​ស្រុង របស់​ខេម ដែល​បាន​​សរសេរ​​ផេក​ផ្លូវ​ការ​របស់​​

(យប់ជ្រៅហើយ

អរគុណគ្រប់យ៉ាងមេ មេពិតជាមេដ៏ល្អមែន ច្រើនឆ្នាំមកហើយដែលឆ្កែមួយក្បាលនេះបម្រើម្ចាស់មិនដែលទាមទាអ្វីឡើយ ហើយក៏មិនដែលធ្វើអ្វីអោយមេលំបាកនោះទេ គ្រាន់តែឃើញលិខិតមួយដែលមេបង្ហោះជាសាធារណៈថាឆ្កែមួយក្បាលដែលស្មោះត្រង់រាប់ឆ្នាំនេះបំពានកុងត្រានោះគឺពិតជាភ្ញាក់ផ្អើលហួសចិត្ត ព្រោះឆ្កែមួយក្បាលនេះមិនដែលមានបំណងឡើយហើយឆ្កែមួយក្បាលនេះគឺសុំលាឈប់ដោយត្រឹមត្រូវមានទំាងលិខិតលាឈប់ព្រោះគិតថាផុតកុងត្រាហើយ តែមេថានៅកុងត្រា តែឆ្កែមួយក្បាលសុំមើលជាច្រើនលើកហើយ ថាបើនៅនឹងនៅច្រៀងទៀតតែមេគេចវេសរុញទៅអ្នកនេះអ្នកនោះមិនឱ្យមើល (ឬមេចង់អោយខ្ញុំបង្ហាញភ័ស្តតាងតាមហ្វេសបុកនេះ) ខ្ញុំមិននឹកស្មានថាមេខ្ញុំដែលសព្វថ្ងៃជា ប្រធានមន្ទីសេដ្ឋកិច្ច និងហិរញវត្តុក្រុងភ្នំពេញមានលុយរាប់សិបលានដុល្លា ហៀរចាយមិនអស់ ជាមនុស្សដែលមានចំណេះដឹងខ្ពស់បែរមានគំនិតចង់បំផ្លាញឆ្កែមួយក្បាលដែលធ្លាប់រស់នៅបម្រើជាច្រើនឆ្នាំ បក្សពួកនិយមក្នុងក្រុមហ៊ុនដែលបែងចែកការស្រលាញ់យ៉ាងឆ្ងាយផុតលេខ ទោះដឹងថាមេស្រលាញ់ពួកគេនោះក្នុងឋានះអ្វីក៏ដោយ ទាំងដែលឆ្កែមួយក្បាលនេះប្រឹងព្រុសអោយម្ចាស់ខ្លាំងជាងគេនៅក្រុមហ៊ុន ទោះបីមេមិនដែលខ្វល់នឹងបោះឆ្អឹងអោយក៏ដោយក៏ឆ្កែមួយក្បាលនេះគោរពនឹងស្រលាញ់ម្ចាស់ស្មោះស្ម័គ្របំផុត ។ មេអើយមេ មេមើលឃើញតែអ្នកពិសេសរបស់មេទាំងពីរនាក់ដែលមេផ្ដល់អោយគ្រប់យ៉ាងតែឆ្កែមួយក្បាលនេះមេមិនដែលខ្វល់ទេចង់អោយព្រុសក៏ហៅទៅព្រុស ។ មេកុំបង្ខំអោយឆ្កែអនាថាមួយក្បាលនេះចេះខាំអី មេអើយទុកអោយគ្នារកឆ្អឹងចញ្ចឹមជីវិតនិងម្ដាយជាស្ត្រីមេម៉ាយដ៏កំសត់ផង មេក៏ដឹង មេមានដឹងទេថាឆ្កែអនាថាមួយក្បាលនេះដេកហូរទឹកភ្នែកប៉ុន្មានឆ្នាំមុននឹងសំរេចចិត្តចេញពីម្ចាស់ ប៉ុន្មានឆ្នាំចុងក្រោយសូម្បីតែចង់បានចម្រៀងចេញក៏ឆ្កែនេះត្រូវរត់ត្រុកៗដើរកបទខ្លួនឯងដែរ មេដែលមើលកំហុសខ្លួនឯងដែលធ្វើដាក់ឆ្កែនេះទេ? បើម្ចាស់ផ្ដល់ភាពកក់ក្ដៅអោយតែ5%នៃមនុស្សពិសេសទាំងពីរបស់មេឆ្កែមួយក្បាលនេះសុខចិត្តបំរើម្ចាស់ដល់ថ្ងៃចុងក្រោយ។ឆ្កែម្នាក់នេះទ្រាំខាំធ្មេញសង្កត់បំផុតព្រោះស្រឡាញ់ម្ចាស់ មានពេលមួយនោះខ្ញុំគេងយំម៉ែសួរខ្ញុំថាកើតអីកូន? ខ្ញុំប្រាប់វិញថាខ្ញុំមិនចង់ចាកចេញពីកន្លែងចាស់ទេ ខ្ញុំមានអនុស្សាវរីយច្រើណាស់ ម៉ែប្រាប់ថាគ្មានការជួបណាដែលមិនបែកនោះទេកូនត្រូវស្ងប់ស្ងាត់ ម៉ែកូនទ្រាំច្រើនពេកហើយមែនទេ? កូនល្ងង់ណាស់មែនទេ? ឬមកពីគ្រួសារយើងគ្មានឪពុក គ្មានបងប្អូន គ្មានខ្សែ គ្មានខ្នង ទើបខ្ញុំទទួលរឿងទាំងនេះម៉ែអើយតើខ្ញុំគួរទ្រាំទៀតទេ ។

មែនហើយចេតនាមេពេលនេះចង់អោយឆ្កែមួយក្បាលនេះត្រូវគេស្អប់ទ័លច្រកបូករួមទាំងកន្លែងថ្មីមេចង់អោយគេស្អប់ខ្ពើមមែនទេ? មេមិនពិបាកធ្វើទេរឿងនេះ ។

លិខិតអញ្ចើញរបស់មេមួយសន្លឹកនេះគឺពិតជាឃើញទឹកចិត្តដ៏ថ្លៃថ្លាណាស់សំរាប់ឆ្កែមួយក្បាលនេះណាស់ ទោះបី ដីកាកោះរបស់តុលាកាក៏ទុកពេលអោយបានយូរជាងនេះដែរបើនិយាយពីផ្លូវច្បាប់ តើមេមានបំណងអ្វី? ហៅថ្ងៃនេះអោយទៅស្អែក ពីព្រោះស្អែកនេះមេដឹងថាឆ្កែនេះទទួលកម្មវិធីគេរកចំណីចញ្ចឹមក្រពះមែនទេ ។ មេក៏ដឹងថាខ្ញុំបានបញ្ចប់ការងាជាមួយគ្នាហើយមុនពេលចាកចេញមេចង់មានកម្មពារជាមួយគ្នាធ្វើអី ឬមេពិបាកទទួលយកនៃភាពជោគជ័យរបស់ខ្ញុំ

មេអើយឆ្កែមួយក្បាលនេះមេកុំបង្ខំវាអី វាសុំមួយរស់ទេមានរឿងច្រើនណាស់ដែលឆ្កែមួយក្បាលនេះលាក់ក្នុងចិត្តដោយការឈឺចាប់បំផុត មេអាចដាក់កំហុសគ្រប់យ៉ាងមកឆ្កែអនាថានេះបានដើម្បីកិត្តិយសមេ តែបើមេព្យាយាមវៃក្បាលឆ្កែនេះអាចនឹងពេលមួយវាទ័លច្រក )៕

ខាង​ក្រោម​នេះ ជា​ការ​​បញ្ចេមតិ របស់ តារា​ចម្រៀង​ក៏​ដូច​ជា អ្នក​ផលិតកម្មវិធី របស់​ថោន បន្ទាប់​ពី​មាន​ការផុសខ្លឹមសារ ខាង​លើ​របស់ខេម

The post ខេម ចាត់​ទុក​ខ្លួន​ឯង​ជា​ឆ្កែ ឆ្លើយ​បក​ទៅ​ថៅកែ​ថោន អាន​ហើយ​ស្ទើរ​ស្រក់​ទឹក​ភ្នែក​តាម appeared first on .

ប៉ុន្មានម៉ោងមុននេះ ម្តាយរបស់តារាចម្រៀងត្រកូន អោក ទាំង៤ បានលាចាកលោកនេះហើយ ដោយសារតែរោគាពាធ ។ ពេលនេះក្រុមគ្រួសាររបស់ពួកគេកំពុងធ្វើបុណ្យសពជូនម្តាយទៅតាមប្រពៃណី ខ្មែរ ។

បើតាមសាររបស់តារាចម្រៀង អោក សុម៉ារីម៉ា ដែលកំពុងរស់នៅសហរដ្ឋអាមេរិក បានរៀបរាប់ប្រាប់ថា « ម៉ាក់អើយទ្រាំបន្តិចណាម៉ាក់ណា កូននឹងទៅជួបម៉ាក់ហើយ ឆាប់ជាសះស្បើយណាម៉ាក់ណា សូមទេវតាថែរក្សាម៉ាក់ខ្ញុំផង » ។ គ្រាន់តែនិយាយឡាយវិដេអូជាមួយម្តាយមិនបានប៉ុន្មានផង ស្រាប់តែ ម្តាយរបស់នាងបានផុតដង្ហើមទៅហើយ ។
អោក សុម៉ារីម៉់ា មានការសោកស្តាយយ៉ាងខ្លាំងនៅពេលដែលមកមិនទាន់ដង្ហើមម្តាយជាទីស្រឡាញ់ ។

នាងបានត្រឹមតែបង្ហូរទឹកភ្នែកពីចំងាយប៉ុណ្ណោះ ។ អោក សុម៉ារីម៉ា នៅពុំទាន់ប្រាកដថានឹងចុះមកស្រុកកំណើតភ្លាមៗនៅឡើយទេ ដោយសារតែពេលនេះ នាងកំពុងឈឺផងដែរ ណាមួយការចេញចូលក្រៅប្រទេសក្នុងគ្រានេះ លំបាកណាស់ ដោយសារការរឹតត្បិតសុវត្ថិភាពពី កូវីដ១៩។

ក្នុងពេលនេះគេក៏បានឃើញ ក្រុមអ្នករួមរង្វង់សិល្បៈជាច្រើននាក់ ក៏កំពុងចូលរួមរំលែកមរណទុក្ខដ៏ក្រៀមក្រំរបស់ក្រុមគ្រួសារនៃសពផងដែរ៕

The post ម្ដាយ តារា​ចម្រៀងឳក សុម៉ារីម៉ា ស្លាប់ appeared first on .

លោក លាវ ខាត់ គឺ​ជា​សិល្បករ​ជើង​ចាស់​ផ្នែក​ចម្រៀង និង​ភ្លេង​ប្រពៃណី​ខ្មែរ​តាំង​ពី​អំឡុង​ឆ្នាំ​១៩៩០។ លោក​ធ្លាប់​មាន​ឈ្មោះ​បោះ​សំឡេង​ខ្លាំង​បន្ទាប់​ពី​លោក​បាន​ឡើង​បង្ហាញ​សមត្ថភាព​សិល្បៈ​ប្រពៃ​ណី​ខ្មែរ​របស់​លោក​នៅ​លើ​កញ្ចក់​ទូរទស្សន៍ជា​ញឹកញាប់ ហើយ​លោក​ថែម​ទាំង​បាន​បណ្ដុះបណ្ដាល​កូន​ៗ​របស់​លោក​ទាំង​៩​នាក់​ឲ្យ​ស្គាល់​ពី​សិល្បៈ​ប្រពៃណី​ខ្មែរ​ទៀត​ផង​នោះ។

កូន​របស់​លោក​​មួយ​ចំនួន​ធំ បាន​​បន្ត​ចាប់​អាជីព​ជា​​ជា​អ្នក​សិល្ប​នឹង​មួយ​ចំនួន​ទៀត បាន​ចេញ​ទៅ​រស់​នៅ​ក្រៅ​ប្រទេស​បន្ទាប់​ពី​មាន ស្វាមី​​​របស់​នៅ​ក្រៅ​ប្រទេស។

មរណភាព​លោកគ្រូ លាវ ខាត់ ដែល​ជា ឪពុក​បង្កើត​របស់​អ្នក​នាង ខាត់ សុឃីម​នេះ បាន​ធ្វើ​ឲ្យ​មហាជន​មាន​​សម្ដែង​ការ​​សោកស្ដាយ នឹង អាណិតអាសូរ​ជា​ខ្លាំង។ ក្រុម​អ្នក​សិល្បៈ​ដែល​ធ្លាប់​មាន​អនុស្សាវរីយ៍ ជា​មួយ​​ត្រកូល​ខាត់ មួយ​នេះ បាន​បង្ហោះ​នៅ​សារ​​សម្ដែង​ការ​សោកស្ដាយ នឹង ចូល​រួម​ចែក​រំលែក​​ទុក្ខ​ជា​ច្រើន​អ្នក​។ ក្នុង​នោះ​ដែរ អ្នក​ខ្លះ​ក៏​បាន​ទៅ ចូល​បុណ្យ​សប​ដោយ​ផ្ទាល់ ផង​ដែរ។

ឪពុក​របស់​អ្នក​នាង ខាត់ សុឃីម ត្រូវ​​បាន​គេ​ដឹង​ថា មាន​ជំងឺ​លើស​ឈាម​ប្រចាំ​កាយ ហើយ​កូន​ៗ​របស់ លោក​ក៏​ធ្លាប់​យក​ទៅ​ព្យាបាល​នៅ​មន្ទីរពេទ្យ​កាល់​ម៉ែត្រ ជា​ច្រើន​លើក​ផង​ដែរ។ បច្ចុប្បន្ន​សព​លោក​គ្រូ ត្រូវ​បាន​គ្រួសារ​ធ្វើ​បុណ្យ​តាម​ប្រពៃណី​ខ្មែរ នៅ​ឯ​ស្រុក​កំណើត នា​ភ្នំ​ប្រសិទ្ធិ ស្រុក​ពញាឮ ខេត្ត​កណ្ដាល៕

The post ឪពុក​របស់​អ្នកនាង ខាត់ សុឃីម ទទួលមរណភាព appeared first on .

នៅ​ក្នុង​ពាក្យ​បណ្ដឹង​ដែល​លោកជំទាវ ហ៊ុន ស៊ីណាត ដែល​បាន​ដាក់​ចូល​សាលាដំបូង​រាជធានី ភ្នំពេញ​នៅ​ថ្ងៃទី​១៦ ខែ​មិថុនា ឆ្នាំ​២០២០ នេះ បាន​រៀបរាប់​ថា តារា​ចម្រៀង​ម៉េង ម៉េង​កែវពេជ្ជតា បាន​និយាយ​នូវ​ពាក្យ​សម្ដី​ធ្ងន់​ៗ​តាម​ហ្វេសប៊ុក​ Live នូវ​រឿង​មួយ​ដែល​ទាក់ទង​ដល់​ឈ្មោះ​របស់​​លោក​ជំទាវ កាល​ពី​ថ្ងៃ​ទី​៣០ ខែ​ឧសភា ឆ្នាំ ២០២០។ ដូច្នេះ​ហើយ ទើប​លោក​ជំទាវ ហ៊ុន ស៊ីណាត បាន​សម្រេច​ប្ដឹង​សុំ​ឲ្យ​តុលាការ​ផ្ដន្ទាទោស អ្នកនាង​ ម៉េង កែវពេជ្ជតា តាម​ផ្លូវ​ច្បាប់ ហើយ​ក៏ទាមទារ​សំណង​ជំងឺ​ចិត្ដ​តាម​ផ្លូវ​ច្បាប់​ផង​ដែរ។

តាម​ការ​វាយ​ត្រា​បញ្ជាក់​លើ​​ពាក្យ​បណ្ដឹង​ បាន​ឲ្យ​ដឹង​ថា បណ្ដឹង​នេះ​បាន​ចូល​ដល់​អយ្យការ​អម​សាលា​ដំបូងរាជធានី​ភ្នំពេញ នៅ​ម៉ោង ៩ និង ២៥​នាទី​ព្រឹក។ យ៉ាង​ណា មិន​ទាន់ឃើញ​អ្នក​នាង ម៉េង កែវពេជ្ជតា មាន​ប្រតិកម្ម​យ៉ាង​ណា​នៅ​ឡើយ។

ក្នុង​រយៈ​ពេល​ចុង​ក្រោយ​នេះ តារា​ចម្រៀង ម៉េង កែវពេជ្ជតា ត្រូវ​បាន​គេ​មើល​ឃើញ​ថា រង​នូវ​ការ​រិះគន់​ផង និង​គាំទ្រ​ផង ក្រោយ​ពី​នាង​ បាន​Live ហ្វេសប៊ុក បរិយាយ​ជា​បន្ដ​បន្ទាប់​ទាក់ទង​នឹង​សកម្មភាព​សិល្បៈ និង​កេរ្តិ៍​ឈ្មោះ​របស់​អ្នក​នាង​នៅ​ក្នុង​សង្គម។ ថ្មីៗ​នេះៗ តារា​ចម្រៀង​រូប​​នេះ​​ទើប​តែ​ទទួល​រង​នៅ​ពាក្យ​បណ្ដឹង​ពី​ស្ត្រី​ម្នាក់​​​​​​​​​ឈ្មោះ រស់ សោភ័ណ្ឌ​​​​​​​​​​​​​​​​​​​​​​​​​​​​​​​​​​​​​​​​​ដែល​គេ​សង្ស័យ​ថា ជា​ភរិយា​អតីត​ស្វាមី​នាង​​​​​​​​​​​​​​​​​​​​​​​​​​ ដោយ​ប្ដឹង​​អ្នក​នាង​ពី​បទ​​​​​​​​​​​​​​​​​​​​​បរិហារកេរ្តិ៍​ជា​សាធារណៈ និង​សម្លុត​កុំឲ្យដាក់ពាក្យបណ្តឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​តាម​បណ្ដាញ​សង្គម​Facebook ផង​ដែរ ហើយ​​បណ្ដឹង​នោះ​នៅ​មិន​ទាន់​ដឹង​ថា បាន​ដោះស្រាយ​នៅ​ឡើយ​នោះ​ទេ៕

The post ម៉េង កែវពេជ្ជតា ត្រូវ​ប្អូន​ស្រី​បង្កើត​សម្ដេច​​តេជោ​​ដាក់​ពាក្យ​ប្ដឹង​ពី​បទ​បរិហារកេរ្តិ៍​ជា​សាធារណៈ appeared first on .

មាស សុខសោភា បាន​បញ្ចេញ​សារ​ប្រាប់​ប្រិយមិត្ត​អ្នក​គាំទ្រ​របស់​នាង ដោយ​នាង​បាន​បញ្ជាក់​ថា នេះ​ជា​វេលា​ដ៏​តានតឹង​បំផុត​របស់​នាង។ ” ថ្ងៃ​នេះ​គឺ​ជា​ថ្ងៃ​ដ៏​តានតឹង​មួយ​របស់​នាង​ខ្ញុំ ដែល​នាង​ខ្ញុំ​ត្រូវ​ចាកចេញ​ពី​ផលិតកម្ម Town។ អរគុណ​ដល់​បងប្រុស បង​ស្រី​ដែល​បាន​មើល​ថែ​ប្អូន​រយៈ​ពេល ៩​ឆ្នាំ​នេះ អនុស្សាវរីយ៍ និង​អំពើ​ល្អ​របស់​បង​ទាំង​ពីរ​នៅ​តែ​ស្ថិត​ក្នុង​បេះដូង​របស់​ប្អូន​ជានិច្ច”។

បន្ថែម​ពី​លើ​នេះ សោភា បាន​ថ្លែង​អរគុណ​ដល់​បណ្តា​ផលិតកម្ម​ទាំង​អស់ ដែល​បាន​ផ្តល់​ឱកាស​ដល់​នាង​នា​ពេល​កន្លងមក ហើយ​បន្ទាប់​ពី​ប្រកាស​ដើរ​ចេញ​ពី​ថោន​នេះ នាង​ក៏​បាន​ប្រកាស​បើក​ចំហ​សម្រាប់​ការ​សហការ​ផលិត​បទ​ចម្រៀង ពី​បណ្តា​ផលិតកម្ម​ទាំង​អស់​ដូច​គ្នា ជាមួយ​នឹង​ការ​តាំង​ចិត្ត​ថា នឹង​ខិត​ខំ​ប្រឹង​ប្រែង​ផលិត​នូវ​បទ​ចម្រៀង​ថ្មីៗ ដើម្បី​បងប្អូន​ទាំង​អស់​គ្នា​ជានិច្ច។ដំណឹង​នេះ បាន និង​កំពុង​ធ្វើ​ឲ្យ​មាន​ការ​រំជើប​រំជួល​ក្នុង​ចង្កោម​អ្នក​គាំទ្រ​របស់​នាង ខណៈ​ដំណឹង​ចង់​ចាក​ចេញ​ពី​ថោន​បាន​កើត​ឡើង​ជា​យូរ​មក​ហើយ ខណៈ​នាង​ត្រូវ​បាន​ភ្ជាប់​ជាមួយ​ផលិតកម្ម​មួយ​ផ្សេង​ទៀត។

បែប​នេះ​ក្ដី តាម​ប្រភព​មួយ​ពី​ក្នុង​ផលិតកម្ម​ថោន បាន​បង្ហើប​ថា អ្វី​ៗ​មិន​ទាន់​ផ្លូវ​ការ​នៅ​ឡើយ ហើយ​ថា នេះ​មិន​មែន​ជា​លើក​ទី​១​ដែរ ដែល​តារា​ចម្រៀង​ស្រី បាន​ប្រកាស​ដូច្នេះ ពោល​គឺ​ច្រើន​ដង​មក​ហើយ ប៉ុន្តែ​បន្ទាប់​ពី​ការ​សម្រុះសម្រួល​គ្នា​រវាង​ភាគី​តារា​ចម្រៀង និង​ផលិតផល​ឈាន​ដល់​ព្រមព្រៀង​គ្នា នាង​​បន្ត​នៅ​ដដែល។

ដោយ​ឡែកលោក មាស សុខរតនៈ ជាបងប្រុសបង្កើត​វិញ​ បានថ្លែងប្រាប់ ​សារព័ត៌មាន​ក្នុង​ស្រុក​មួយ​ថា រូប​លោកបានសម្រេចចិត្តចាកចេញពីផលិតកម្ម ថោន ជាមួយនឹងប្អូនស្រី ដោយ​សារតែ​ដល់​ថ្ងៃ​កំណត់ បញ្ចប់​កិច្ចសន្យា​ជា​មួយនឹងផលិតកម្ម។ ម្យ៉ាងវិញទៀត លោក និង​ប្អូនស្រី​ក៏ត្រូវមើល​ការខុស​ត្រូវ មុខជំនួញរកស៊ីរបស់ខ្លួនផងដែរ ទើបសម្រេចចិត្តចាកចេញ ដោយមិន​បន្តកិច្ចសន្យា​ទៀត​ឡើយ។

តារាចម្រៀង មាស សុខសោភា មួយរយៈធំចុងក្រោយនេះ នាងហាក់ដូចជាមិន​មាន​សកម្មភាព​សិល្បៈខ្លាំង ចេញបទច្រៀងច្រើនក្នុងផលិតកម្ម ដូចពីពេលមុននោះទេ ព្រោះ​តែនាង​មាន​ភារកិច្ច ​រវល់ជាប់មើលថែរក្សាប្ដីរបស់នាង ដែលមានជំងឺ ស្របពេលជំងឺកូវីដ១៩វាយ​លុក​នៅ​ក្នុង​ប្រទេសកម្ពុជា និងសកលលោក។ យ៉ាងណាមិញ ខណៈដែលនាង ជាតារាចម្រៀងប្រចាំ​ក្នុង​ផលិតកម្ម ថោន មាស សុខសោភា ក៏មានផលិតកម្មផ្ទាល់ខ្លួនមួយទៀតដែរ គឺផលិតកម្ម «Camtrax» ដែល​មាន​ស្វាមីរបស់នាង គឺលោក អ៊ឹត រ៉ាដា ​ជា​អ្នក​គ្រប់គ្រង។

តាមប្រភពព័ត៌មានឮល្ហិចល្ហៀងពីអ្នកសិល្បៈ​ដូចគ្នា បានបង្ហើបថា តារាចម្រៀង មាស សុខសោភា បន្ទាប់​ពី​ដើរចេញពីផលិតកម្ម ថោន នាងអាចនឹងដឹកដៃបងប្រុសរបស់ខ្លូន ចូលក្នុងផលិតកម្ម រស្មី​ហង្សមាស​ ប៉ុន្តែពេលនេះកំពុងស្ថិតនៅក្នុងការពិចារណា និងចរចាគ្នាសិន។

ប្រសិន​បើ​ជា​ការ​ពិត​មែន​នោះ វា​ជា​ការ​ចាក់​ចេញ​គ្រាប់​ពេជ្រ​ដ៏​មាន​តម្លៃ​មហា​ហាល​មួយ​របស់​ផលិតកម្ម​ថោន។ សម្រាប់​ផលិតកម្ម​ថោន ថ្មីៗ​នេះ លោក ខេម ក៏​ត្រូវ​បាន​គេ​ទម្លាយ​ឲ្យ​ដឹង​ថា ក៏​បាន​ចាក់​ចេញ​ពី​ទ្រនំ​នេះ​ដូច​គ្នា ដោយ​លោក​បាន​ចូល​​នៅ​ផលិតកម្ម Galaxy Navatra របស់​​លោក​ឧកញ៉ា វ័យ​ក្មេង ឡេង ណាវ៉ាត្រា​ផង​ដែរ៕

The post មាស សុខសោភា ប្រកាស​ដើរចេញពីផលិតកម្ម ថោន ទាំងអារម្មណ៍តានតឹង appeared first on .

(ក្រោយពីខ្ញុំបានបកស្រាយអំពីការពិតនៅពីក្រោយនៃសម្លេងជេររបស់ខ្ញុំ​ក្នុងខ្សែរអាត់​ និង​ពាក្យ​មួល​បង្កាច់​​មួយ​ចំនួន​ដែលជនថោកទាបបានធ្វើ​ដើ​ម្បីអោយគេស្អប់ខ្ញុំ ពេលនេះខ្ញុំ​ និងកូន​បាន​ទទួល​យុត្តិ​ធម៌​អំពីមហាជនរាប់​លាននាក់ហើយ​ គឺលែងមានការយល់ច្រលំ​ និងបានទទួលនូវការអាណិត​ ការ​ផ្តល់​កម្លាំងចិត្តយ៉ាងកក់ក្តៅ​ ។ ម្តាយកូនយេីងខ្ញុំសូមគោរពអរគុណលោកទាំងអស់ខ្លាំងណាស់​ ������

…ប៉ុន្តែអតីត​ ស្វាមីបោះត្រារបស់ខ្ញុំ​ ដែលពាក់ផ្កាយលើ​ស្មាដោយសារខ្ញុំ​ បានដឹកដៃ​ប្រពន្ធចុង​ក្មេង​ជាង​៣០​ឆ្នាំ​មកប្តឹងខ្ញុំអោយឡើ​ងតុលាការទៅវិញ ! ផ្កាយលេីស្មានេះបានធ្វើ​បាបខ្ញុំ​ និង​កូន​កាល​ពី​១០​ឆ្នាំ​មុន​ម្តងហេីយ។ ពិតជាសក្តិសមនិងកិត្តិយស​ឯកឧត្តមផ្កាយបីនៃក្រសួងមហាផ្ទៃមែន​ ក្លាហាន​ណាស់​ ក្លាហានបានតែជាមួយ​មនុស្សស្រី​ និងកូនក្មេង​ ។ ដើម្បីផ្គាប់ចិត្តស្រី​ចុង​ ហ៊ាន​លើក​ដៃ​ធ្វើ​បាប​កូនខ្លួនឯង​ !

បងប្អូនណាអាចឆ្លើយនឹងខ្ញុំបាន​ ?​ក្នុងលោកនេះ​ តើ​មាន​ស្ត្រីប៉ុន្មាននាក់ដែលត្រូវប្តីថោកទាប​ផិតក្បត់​ដេញ​ប្រពន្ធ​កូន​ចេញពីផ្ទះ​ ហើ​យ​ដឹកដៃប្រពន្ធចុងមកប្តឹងប្រពន្ធដើម​ ? ? ក្នុង​លោកនេះ​ តើមានកូន​ប៉ុន្មាន​នាក់​ដែលត្រូវរង​ភាពកំព្រាឪ​ ព្រោះតែឪស្រីស្រាល្បែង​ ?

ក្នុង​លោក​នេះ​ ​តើមានកូនប៉ុន្មាននាក់ដែលត្រូវឪពុកចិត្តតិរិច្ឆាន​ តាមយាយីសូម្បីសល់ម្តាយ​តែមួយ​ហើ​យនៅមកតាមបំផ្លាញដោយមិនខ្វល់ដល់ការរស់នៅរៀនសូត្រ​ និងអារម្មណ៍​កូន ឥត​ល្ហែរ​បែប​នេះ​​ ?​តើ​ឯណាទៅកត្តិយសជានាយនគរបាលជាតិ​ ? ឯណា​ទៅកិត្តិយសជាមនុស្ស ? ឯណា​ទៅ​កិត្តិយស​ជាឪពុក​ ?

គិតទៅ​ គ្រាន់តែខ្ញុំចង់រកយុត្តិធម៌​ និងកិត្តិយសដែលបាត់បង់អស់រយៈ១០ឆ្នាំដោយសារពួកគេសោះ​ ក៏​ពួក​គេមិនព្រមដែរ ពួកគេចង់អោយខ្ញុំរស់ក្នុងឈ្មោះថោកទាប​ និងយល់ច្រលំ​ជារៀងរហូត ទើប​ពួក​គេ​សុខ​ចិត្ត​ពួកគេពិតជាមិនចង់អោយខ្ញុំទទួលបាន​យុត្តិធម៌ទេ​ ។ ពេលនេះ​ជុំវិញខ្ញុំសុតតែបីសាច​ និង​ខ្មោច​ព្រាយ​ចូល​មករារាំង​ ..ប៉ុន្តែខ្ញុំមិនខ្លាច​ឡេីយ​ ! យុត្តិធម៌ត្រូវតែមានសម្រាប់ខ្ញុំ​ !

ទោះ​ជាពិបាកយ៉ាងណា​ ក៏ខ្ញុំមិនព្រមសូមទោសអាមនុស្សក្បត់ប្រពន្ធកូន​ ក្បត់ប្រពៃណីយ​ទាំងពីរ​នាក់​ឯងជាដាច់ខាត​ !​ ! !)

បែប​​ណា​ក្ដី ទាក់​ទិនទៅ​នឹងបណ្ដឹងនេះ​​​​​​​​​​​​​​​​​​​​​​​​​​​​​​ គេ​នៅ​ទាន់​ឃើញ​មាន​ប្រតិកម្ម​យ៉ាង​ណា​ពី​ភាគី​ម្ខាង​បន្ត​ទៀត​នៅ​ឡើយ​ទេ​នោះ​ទេ​​​​​​​​​​​​​​​​​​​​​​​​​​​​​​​​​​​​​​​​​​​​​៕

The post ទ្រាំ​លែង​បាន ម៉េង កែវពេជ្ជតា ឆ្លើយ​បក ករណី​បណ្ដឹង​ពី​ស្ត្រី​ម្នាក់​មក​លើ​នាង appeared first on .

ជា​រឿង​ដែល​គួ​ឲ្យ​ចាប់អារម្មណ៍​ដែល តារា​ចម្រៀង​ស្រី​ជើងចាស់​ល្បីឈ្មោះ ម៉េង កែវពេជ្ជតា ល្បី​​ខាង​ឧស្សាហ៍​​រ​បង្ហោះ​វីដេអូ​វាយប្រហារ​គូស​ត្រូវ​តាម​បណ្ដាញ​សង្គម​ហ្វេ​ស​ប៊ុ​ក ​ត្រូវបាន​គេ​ប្តឹង​ហើយ​ពីបទ​បរិហារកេរ្តិ៍​។បើតាមក្នុងពាក្យបណ្តឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ដាក់ចូលតុលាការកាលពីថ្ងៃទី២៨ ខែឧសភា ឆ្នាំ២០២០នេះ ស្ត្រី ​​​​​​​​​​​​​​​​​​​​​​​ដែលទំនងជាប្រពន្ធក្រោយរបស់លោកឧត្តមសេនីយ៍​​​​​​​​​​​​​​​​​​​​​​​​​​​​​​​​​​​​​ មួង ឃីម ​​​​​​​​​​​​​​​​​​​​​​​​​​​​​​​​​​​​​​​​​ជាអតីតប្តីរបស់អ្នកនាង ម៉េង កែវពេជ្ជតា ​​​​​​​​​​​​​​​​​​​​​​​​​​​​​បានប្តឹងទាមទារសំណងជំងឺចិត្ត ១០០រៀល ​​​​​​​​​​​​​​​​​​​​​​​​និងសុំឲ្យចោទប្រកាន់​​​​​​​​​​​​​​​​​​​​​​​​​​​​​​​​​​​​​​​​​​​​​​​ ផ្តន្ទាទោសតាមច្បាប់ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និង​សុំឲ្យប្រកាសសុំទោសលើបណ្តាញសង្គមហ្វេសបុកជាសាធារណៈ​​​​​​​​​​​​​​​​​​​​​​​​​​​​​​​​​​​​​​។

ជា​ការ​កត់​សម្គាល់ មុន​មាន​ពាក្យ​បណ្ដឹង​នេះ អ្នកនាង ម៉េង កែវពេជ្ជតា បាន​Live​វីដេអូ រៀបរាប់​ពី​ការ​ប្រឹង​ប្រែង តស៊ូ​ក្នុង​ឆាក​ជីវិត ដើម្បី​កូនប្រុស​ស្រី ក្រោយ​លែងលះ​ស្វាមី​។ ពេល​Live​វីដេអូ​នោះ មាន​គណនី​ហ្វេ​ស​ប៊ុ​កមួយ​បាន​ចូលទៅ​Comment សួរ​អំពី​រឿង​ប្រាក់​ដែល​នាង​បាន​ទទួល​ក្រោយ​ការ​លែង​លះ​គ្នា​នោះ ធ្វើ​ឲ្យ​នាង​ក្ដៅ​ចុង​ច្រមុះ ក៍​ចាប់​ផ្តើម​បើក​កកាយ​រឿង​ជូរចត់​របស់​នាង​នៅ​ពេល​រួមរស់​ជា​មួយ​ស្វាមី និង​ក្រោយពេល​លែង​លះ​គ្នា​។​

​ក្នុង​វីដេអូ ​Live​នោះ អ្នក​នាង​បាន​លើកឡើង​ពី​ការដែល​ត្រូវ​ក្លាយ​ខ្លួន​ជា​ភរិយា និង​រង​នូវ​ភារៈ​មើល​ការ​ខុស​ត្រូវ​ជាច្រើន ក្រោយពេល​រួមរស់​ជាមួយ​អតីត​ស្វាមី រហូត​ជួប​រឿង​រកាំរកូស ការ​មើល​ងាយ ជេរ​ប្រមាថ ការវាយដំ ការរំលោភ​សិទ្ធិសេរីភាព ការ​បង្ខូច​កិត្តិយស និង​ទម្លាក់កំហុស​ជាច្រើន​បន្តបន្ទាប់ រហូត​លែងលះគ្នា ដែល​ទីបំផុត នាង​ទទួល​បាន​ត្រឹមតែ​ការ​មើល​ថែកូន​ទាំងពីរ និង​មិន​ទទួល​បាន​ទ្រព្យសម្បត្តិ​ដែល​ប្រឹងប្រែង​រកបាន​រួមគ្នា​នោះ​សោះ​។

​អ្នកនាង ម៉េង កែវពេជ្ជតា បាន​ថ្លែង​ថា អតីត​ស្វាមី​នៅតែ​ចិញ្ចឹម​ចិត្ត​ព្យាបាទ​នាង និង​មិនបាន​បំពេញ​តួនាទី​ជា​ឪពុក​គឺ​មានតែ​ការ​រំខាន និង​រារាំង​មិន​ឲ្យ​កូន​ចេញទៅ​រៀន​នៅ​បរទេស​ជាដើម​។ ទោះ​មានឈ្មោះ​ជា​ស្ត្រី​មេម៉ាយ​ក្តី ប៉ុន្តែ​នាង​មើល​ថែរ​កូនប្រុស​ស្រី​របស់​នាង​បាន​យ៉ាង​ល្អ​។​​នៅក្នុង​វីដេអូ​ឡាយ​ចំនួន ៣​ឃ្លី​ប ដែលមាន​រយៈពេល​ជាច្រើន​ម៉ោង​នោះ អ្នកនាង ម៉េង កែវពេជ្ជតា សង្កត់​ហើយ​សង្កត់​ទៀត​ទៅលើ​ចំណុច​ត្រង់​ថា ប្ដី​ប្រពន្ធ​ឈ្លោះប្រកែក​គ្នា ជេរ​គ្នា ហេតុអ្វី​ក៏​ត្រូវ​បញ្ចេញ​សំឡេង​របស់​នាង​ដែល​ត្រូវ​អតីត​ស្វាមី​លួច​ថត តែ​ភាគី​អ្នកនាង​ម្ខាង ឱ្យ​ពិភពលោក​បាន​ស្ដាប់​អ៊ីចឹង ហើយ​ចុះ​សំឡេង​អតីត​ប្ដី​ដែល​ជេរ​នាង​ក្ដែងៗ ម៉េច​មិន​បញ្ចេញ​សំឡេង​មក​ក្រៅ​ផង។

ចំណុច​នេះ អ្នក​នាង​គិត​ថា វា​ហាក់បីដូចជា​អយុត្តិធម៌​ពេក​ចំពោះ​នាង​ពេក​ហើយ ដែល​កន្លងមក​អ្នក​នាង ខិតខំ​ថែរក្សា​កិត្តិយស​ឱ្យ​ប្ដី​អស់​ជាច្រើន​ឆ្នាំ ទាំង​បិទមាត់​សង្កត់ចិត្ត​។ អ្នកនាង ម៉េង កែវពេជ្ជតា បាន​ឌឺដង​ទៅកាន់​លោក មួង ឃីម ជា​អតីត​ស្វាមី​ថា ប្រពន្ធ​ថ្មី​ក្រោយ​ដែល​លោក មួង ឃីម បាន​មក​នោះ គឺ​សម​នឹង​ទទួល​កម្ម​ពារ​ពី​នាង​ហើយ។ ភាព​វេទនា​របស់​នាង​និង​កូនៗ គឺ​មាន​ច្រើន​ណាស់​ក្នុង​រយៈ​១០​ឆ្នាំ​មកនេះ​។

បន្ទាប់​ពី​មាន​ការ​ឡាយ ​Live​វីដេអូ នោះ​មក មិន​បាន​ប៉ុន្មាន​ថ្ងៃ​​ផង ស្រាប់​តែ​មាន​ពាក្យ​​បណ្ដឹង ដូច​រៀប​រាប់​ខាង​លើ មក​លើ​រូប​​អ្នក​នាង ​តែ​ម្ដង។ ស្ត្រី​ឈ្មោះ រស់ សោភ័ណ្ឌ ​​​​​​​​​​​​​​​​​​​​​​​​​​​​​​​​​​​​​​​​​ដែល​​ជា​ដើម​បណ្ដឹង ត្រូវ​បាន​​គេ​សង្ស័យ​ថា ទំនង​ជា​ប្រពន្ធ​ក្រោយ​របស់​លោក​ឧត្តមសេនីយ៍​​​​​​​​​​​​​​​​​​​​​​​​​​​​​​​​​​​​​ មួង ឃីម ​​​​​​​​​​​​​​​​​​​​​​​​​​​​​​​​​​​​​​​​​ជា​អតីត​ប្តី​របស់​អ្នក​នាង​ ម៉េង កែវពេជ្ជតា នេះ​ឯង។

បែប​​ណា​ក្ដី ទាក់​ទិនទៅនឹងបណ្ដឹងនេះ​​​​​​​​​​​​​​​​​​​​​​​​​​​​​​ គេនៅទាន់ឃើញ​មាន​ប្រតិកម្មយ៉ាង​ណា​ពី​អ្នកនាង​​​​​​​​​​​​​​​​​​​​​​​​​​​​​​​​​​​​ ម៉េង ​​​​​​​​​​​​​​កែវពេជ្ជតា ​​​​​​​​​​​​​​​​​​​​​​​​​​​​​នៅ​ឡើយ​ទេ​នោះ​ទេ​​​​​​​​​​​​​​​​​​​​​​​​​​​​​​​​​​​​​​​​​​​​​​​។បច្ចុប្បន្ន​អ្នកនាង​​​​​​​​​​​​​​​​​​​​​​​​​​​​​​​​​​​​ ម៉េង ​​​​​​​​​​​​​​កែវពេជ្ជតា ក្រៅ​ពី​​ទទួល​រង​នៅ​ពាក្យ​បណ្ដឹង​​ខាង​លើ តារា​ចម្រៀង​ជើង​ចាស់​រូប​នេះ​ក៏​កំពុងតែ​​​ រង​នៅ​​សង្គ្រាម​​ពាក្យ​សម្ដី​គ្នា លើ​ការ​យក​បទ​​ចម្រៀង​គ្នា​ច្រៀង​ផង​ដែរ៕

The post កាន់​តែ​ក្ដៅ​ហើយ អ្នក​នាង ម៉េង កែវ​ពេជ្ជតា​​រង​​បណ្ដឹង​ពី​ស្ត្រី​ម្នាក់… appeared first on .

លោកគ្រូ ទិត្យ សែម សាស្ត្រាចារ្យផ្នែកល្ខោនខោល​បាន​ទទួល​មរណភាព​ហើយ កាល​ថ្ងៃទី២៣ ខែ​ឧសភា ឆ្នាំ ២០២០ នៅ​ថ្ងៃ​​បុណ្យ​សព្វ វិញ្ញាណ​របស់​លោក​បាន​​​ចូល​សណ្ឋិត​ចាំ​ប្រុស​ដែល​មិន​ដែល​ចេះ​រាំ​សោះ ទៅ​រាំ​​​នៅ​មុខ​មជ្ឈូស ធ្វើ​ឲ្យ​ម្នាក់ៗ​​​​ដែល​ចូល​រួម​ពិធី​បុណ្យ​​នោះ ព្រឺ​សម្បុរ​គ្រប់ៗ​​គ្នា។

មិន​មាន​ឯកសារ​ណា​មួយ បាន​​លំអិត ពី​ប្រវត្តិ លោកគ្រូ ទិត្យ សែម នោះ​ទេ ប៉ុន្តែ​លោក​ត្រូវ​បាន​មហាជន​ស្គាល់​ថា សាស្ត្រាចារ្យ​ផ្នែកល្ខោន​ខោល​ជំនាញតួយក្ស និង​ជា​អ្នក​ដំឡើង​រាល់​ស្នាដៃ​របស់​សិស្ស ដែល​សិក្សា​នៅ​សាលាមធ្យមវិចិត្រសិល្បៈផ្នែក​ល្ខោនខោល​ជាង​៤០​ឆ្នាំ​មក​ហើយ។ ជាង​៤០​ឆ្នាំ​ នៃ​ជីវិត​លើ​វិថី​សិល្បៈ​នេះ លោក ទិត្យ សែម បាន​សាង​ស្នាដៃ​ជា​ច្រើន​ធ្វើ​ឲ្យ​សិស្សានុសិស្ស​ដែល​បាន​សិក្សា​ជា​មួយ​លោក គោរព​ស្រលាញ់​ជា​ខ្លាំង។ ក្នុង​នោះ​ដែរ ក្រៅ​ពី​សម្ដែង​ក្នុង​ស្រុក លោក​​ធ្លាប់​បាន​ចេញ​សម្ដែង ជំនាញ​សិល្បៈ​របស់​លោក​នៅ​ក្រៅ​ប្រទេស​ជា​ច្រើន​ប្រទេស។ លោក បាន​ទទួលមរណភាព​កាល​ថ្ងៃ​ទី​២៣ ខែ​ឧសភា ឆ្នាំ ២០២០​ដោយ​​រោគាពាធ។

ក្រៅ​ពី​ការ​សោកស្ដាយ​អាឡោះអាល័យ នៅ​ការ​បាត់​បង់​ធនធាន​សិល្បៈ ដ៍​សំខាន់​មួយ​នេះ អ្វី​ដែល​ធ្វើ​ឲ្យ​មហាជន​​មាន​ការ​ចាប់​អារម្មណ៍​នោះ គឺ​​ធ្វើ​ពិធី​បុណ្យ​សព​តាម​ប្រពៃណី ដើម្បី​​ជា​កិច្ច​ជូន​ដំណើរ​លោក​ទៅកាន់ទីឋានដែលសុខសាន្ត​នោះ ស្រាប់​តែមានហេតុការណ៍មួយបានកើតឡើង​ ដែល​ធ្វើឲ្យ​មាន​ការភ្ញាក់​ផ្អើលយ៉ាងខ្លាំងនៅក្នុងរោងពិធីបុណ្យ។

បុរស​ម្នាក់​ដែល គេ​ស្គាល់​ថា ជា​ចៅ​បង្កើត​របស់ លោក បាន​ងើប​ឡើង​រាំ ក្បាច់​យក្ស​នឹង​ក្បាច់​ស្វា ស្រប​​ពេល​ដែល​ភ្លេងពិណពាទ្យ​កំពុង​តែ​លេង​កំដរ រោង ដោយ​​ចៅ​ប្រុស​ម្នាក់​នោះ​កន្លង​មក មិន​ធ្លាប់​ចេះ​រាំ សូម្បី​តែ​បន្តិច។ ដំណើរ​នៃ​ការ​រាំ​​របស់​ចៅ​ប្រុស​ម្នាក់​នោះ ​​អ្នក​ដែល​ចូល​ក្នុង​ពិធី និយាយ​ថា មាន​លក្ខណៈ​​ដូច​នឹង​​លោកគ្រូ ទិត្យ សែម តែ​ម្ដង ហើយ​ម្នាក់​គិត​ថា វិញ្ញាណ​​​របស់​លោក​បាន​ចូល​សណ្ឋិត ។ ពេល​ឃើញ​សកម្មភាព​រាំ​​របស់ ចៅ​ប្រុស​ម្នាក់​នោះ ម្នាក់ៗ​បាន​ទាញ​ទូសព្ទ​ថត ទាំង​ព្រឺ​សម្បុរ​គ្រប់ៗ​គ្នា៕

The post ​​​ព្រឺ​សម្បុរ​គ្រប់​គ្នា! សាស្ត្រាចារ្យ​ផ្នែក​ល្ខោនខោល​ម្នាក់ ស្លាប់ វិញ្ញាណ​​ចូល​សណ្ឋិត​ចាំ​ប្រុស​រាំ​​មុខ​ម្ឈូស appeared first on .

ដោយ​អនុវត្តន៍តាមបទបញ្ជាដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និង​ជា​ស្នង​ការ​នគ​របាល​រាជធានីភ្នំពេញ និង លោក សុខ ពេញវុធ អភិបាល នៃគណៈអភិបាល ខណ្ឌ​ដូនពេញ អធិការដ្ឋាន ប៉ុស្តិ៍ បានកាល​ពី​ថ្ងៃទី​១៦ ខែមេសា ឆ្នាំ២០២០ វេលាម៉ោង១៧h០០នាទី កន្លង​ទៅ​នេះ​បើក​ការ​ស្រាវ​ជ្រាវ​បង្គ្រាប​ករណីជួញដូរនិងប្រើប្រាស់​ដោយខុសច្បាប់នូវសារ​ធាតុ​ញៀន​ ស្ថិត​នៅ​ចំណុចបាចតុមុខ ផ្លូវ​ជាតិលេខ៥ ភូមិ១៦ សង្កាត់ស្រះចក ខណ្ឌដូនពេញ។

-ជាលទ្ធផលនៃកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការ​ឃាត់ខ្លួនជន​សង្ស័យ​ចំនួន០៧​នាក់ ក្នុង​នោះ​មាន​ស្រី០៣​នាក់ រួមមាន÷

១/ឈ្មោះ ឈួន សំណាង ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ​ទីតាំង​ខាង​លើ ( ជា​អ្នក​ជួញដូរ)។

២/ឈ្មោះ ឈួន រ៉ាទី ភេទស្រី អាយុ១៦ឆ្នាំ ជនជាតិខ្មែរ ស្នាក់​នៅទីតាំងខាងលើ មុខរបរមិនពិត​ប្រាកដ​(ជា​អ្នក​ប្រើប្រាស់)។

៣/ឈ្មោះ វណ្ណា វណ្ណី ភេទប្រុស អាយុ៣០ឆ្នាំ ជនជាតិខ្មែរ ស្នាក់​នៅនិងមុខរបរមិន​ពិតប្រាកដ​(​ជា​អ្នក​ប្រើប្រាស់) ។

៤/ឈ្មោះ រ៉េន សុធារី (ហៅ ខ្មឹប ) ភេទស្រី អាយុ៤៦ឆ្នាំ ជនជាតិខ្មែរ ស្នាក់នៅនិងមុខរបរមិនពិត​ប្រាកដ(​ជា​អ្នក​ប្រើប្រាស់)។

៥/ឈ្មោះ ប្រាក់ បញ្ញា ភេទប្រុស អាយុ១៩ឆ្នាំ ជនជាតិខ្មែរ ស្នាក់នៅនិងមុខរបរមិនពិតប្រាកដ​(​ជា​អ្នក​ប្រើប្រាស់)។

៦/ឈ្មោះ មុត បញ្ញា ភេទប្រុស អាយុ៣០ឆ្នាំ ជនជាតិខ្មែរ ស្នាក់នៅនិងមុខរបរមិនពិតប្រាដក​(​ជា​អ្នក​ប្រើ​ប្រាស់)។

៧/ឈ្មោះ ម៉ៅ ម៉ាប់ ភេទ​ស្រី អាយុ៣៥ឆ្នាំ ជនជាតិខ្មែរ ស្នាក់នៅនិងមុខរបរមិនពិតប្រាកដ(​ជា​អ្នក​ប្រើប្រាស់)។

ក្នុង​ប្រតិបត្តិការ​បង្ក្រាប​ខាង​លើ​វត្ថុតាង​ដក​ហូតរួមមាន÷

១/​ក្រាមពណ៌សថ្លាសង្ស័យជាគ្រឿងញៀនចំនួន១៥កញ្ចប់។

២/​ថង់ប្លាស្ទិច​សំរាប់​ច្រកគ្រឿង​ញៀនមួយចំនួន។

៣/ឧបករណ៍​ប្រើប្រាស់​គ្រឿង​ញៀន​មួយ​ចំនួន។

បច្ចុប្បន្ន​ជន​​សង្ស័យ​ទាំង​អស់ កំពុង​តែ​ឃុំ​ខ្លួន​បណ្ដោះ​អាសន្ន អធិការដ្ឋាន ខណ្ឌ​ដូនពេញ ហើយ​កម្លាំងជំនាញ បាន​សួរ​ចម្លើយ​បន្ត​ស្រាវ​ជ្រាវ​រកបក្ខពួកនិង​ក្រុម​ដទៃ​ផ្សេង​ទៀត​ព្រមទាំង​កសាង​សំណុំ​រឿង​ដើម្បី​បញ្ជូន​ទៅ​សាលា​ដំបូង​រាជធានីភ្នំពេញអនុវត្តតាមនីតិវិធី។

សូម​រំលឹក​ផង​ដែរ​ថា អតីត​ប្រពន្ធ​នាយ ហុងដាក នាង​ឈ្មោះ រ៉េន សុធារី ហៅ ខ្មឹប ធ្លាប់​ត្រូវ​បាន​គេ​ដឹង​ថា ​បាន​ជាប់​ពាក់ព័ន្ធ​ការ​ប្រើប្រាស់​គ្រឿន​ជា​ច្រើន​លើក​មក​ហើយ បន្ទាប់​ពី​នាង ត្រូវ​បាន​អតីត​ស្វាមី​នាង លែងលះ។ ជា​មួយ​គ្នា​នោះ​ផង​ដែរ កូន​​ប្រុស ឮ​របស់​នាង ដែល​នាយ ហុយដា យក​ទៅ​ចិញ្ចឹម​ក៏ ជា​អ្នក​ប្រើប្រាស់​គ្រឿងញៀន​នេះ​ដូច​គ្នា ហើយ​កូន​ប្រុស​ម្នាក់​នោះ​​បាន​ថែម​ទាំង សម្លាប់​ប្រពន្ធ​ក្រោយ​របស់​នាយ​ហុងដា រហូត​ជាប់​ទោស ឃុំ​ខ្លួន​នៅ​ព្រៃស រហូត​មក​ដល់​បច្ចុប្បន្ន។

The post នាង​ឃ្មឹប នឹង​​ជន​សង្ស័យ​៦​នាក់​ផ្សេង​ទៀត ត្រូវ​ប៉ូលិស​​ឃាត់​ខ្លួន appeared first on .