ក្នុងពិធីប្រគល់សញ្ញាបត្រដល់និស្សិតចំនួន ១,០៥១ អង្គ-នាក់ លើកទី១០ នៅសណ្ឋាគារសូហ្វីតែលភ្នំពេញ កាលពីថ្ងៃទី២៧សីហាម្សិលមិញ លោក វ៉េង សិរីវុឌ្ឍ បានបញ្ជាក់ថា បច្ចុប្បន្នសាកលវិទ្យាល័យបញ្ញាសាស្ត្រកម្ពុជា និងសាលាបញ្ញាសាស្ត្រអន្តរជាតិមានទី តាំងសរុបចំនួន ១០កន្លែង ក្នុងនោះមាន៖ សាខា៨ ស្ថិតនៅក្នុងរាជធានីភ្នំពេញ និងទីតាំង២ទៀត ស្ថិតនៅក្នុងខេត្តសៀមរាប និងខេត្តបាត់ដំបង។

លោកបន្តថា ក្រោមការដឹកនាំរបស់សម្តេចតេជោ ហ៊ុន សែន ដែលផ្តោតទៅលើជំនឿយ៉ាងមោះមុតថា វិស័យអប់រំ គឺជាគន្លឹះសម្រាប់ពង្រឹង សន្តិភាព និងអភិវឌ្ឍន៍ជាតិ សាកលវិទ្យាល័យបញ្ញាសាស្ត្រ បានបំពេញតួនាទី របស់ខ្លួន ឲ្យអស់ពីសមត្ថភាពដើម្បីអនុវត្តចក្ខុវិស័យនេះ ឲ្យបានដល់ទិសដៅ ព្រោះថាកាលណាប្រជាពលរដ្ឋមានការ សិក្សាចេះដឹងជ្រៅជ្រះប្រកបដោយសមត្ថភាពខ្ពស់ និងវិជ្ជាជីវៈដ៏ត្រឹមត្រូវប្រជាពលរដ្ឋ នឹងមានលទ្ធភាព ចូលរួមយ៉ាងសកម្ម ក្នុងការកសាងសង្គមជាតិ ឲ្យកាន់តែរីកចម្រើនឡើង ។

លោកបន្ថែមថា ឈរលើទស្សនៈនេះ សាកលវិទ្យាល័យបញ្ញាសាស្ត្រ ខំប្រឹងផ្តល់ជូននិស្សិតនូវកម្មវិធី អប់រំប្រកបដោយគុណធម៌ខ្ពស់ ដើម្បីឆ្លើយតបនឹងសេចក្តីត្រូវការរបស់សង្គមជាតិ និងសហគមន៍ពិភពលោកដោយសង្កត់ធ្ងន់ទៅលើគុណភាពនៃ ការអប់រំ ឈរលើមូលដ្ឋាន ស្រាវជ្រាវ ការសិក្សាពីសន្តិភាព ការអភិវឌ្ឍសេដ្ឋកិច្ច និងការទទួលខុសត្រូវចំពោះសង្គម៕

The post មុនវិបត្តិកូវីដ១៩ សាកលវិទ្យាល័យបញ្ញាសាស្ត្រ ទទួលបាននិស្សិតជាង ២ម៉ឺននាក់ក្នុងមួយឆ្នាំ appeared first on .

អ្នកឧកញ៉ា ហុង ពីវ បានថ្លែងថា តាមរយៈសមិទ្ធផលថ្មីមួយនេះ សាលាបញ្ញាសាស្ត្រអន្តរជាតិ នឹងបើកដំណើរការក្នុង ៤ទីតាំង នៃបុរី ពិភពថ្មី រួមមាន បុរី ពិភពថ្មី ឈូកវ៉ា, បុរី ពិភពថ្មី កួរស្រូវ, បុរី ពិភពថ្មី កំបូល, និងបុរី ពិភពថ្មី ផ្លូវជាតិលេខ៣ ចាប់ពីថ្នាក់មត្តេយ្យ ដល់ថ្នាក់ទី១២។ លោកបន្តថា អតិថិជន ដែលរស់នៅក្នុងបុរីពិភពថ្មី នឹងទទួលបានការបញ្ចុះតម្លៃយ៉ាងពិសេស។

អតីតទេសរដ្ឋមន្រ្តី រដ្ឋមន្រ្តីក្រសួងអប់រំយុវជន និងកីឡា លោកបណ្ឌិត កុល ផេង បានបញ្ជាក់ថា ក្រោយពីរាជរដ្ឋាភិបាលសម្រេចឲ្យមានស្ថាប័នអប់រំដោយវិស័យឯកជន គឺសាកលវិទ្យាល័យបញ្ញាសាស្ត្រ ក៏បានបង្កើតឡើងនៅឆ្នាំ២០០០ ហើយក្រោយមកបាន ១ឆ្នាំ សាលាបញ្ញាសាស្ត្រអន្តរជាតិ ក៏ត្រូវបានបង្កើតឡើង។

បើតាមលោកបណ្ឌិត កុល ផេង សាកលវិទ្យាល័យបញ្ញាសាស្ត្រ និងសាលាបញ្ញាសាស្ត្រអន្តរជាតិ មានចក្ខុវិស័យវែងឆ្ងាយក្នុងការអប់រំសិស្ស និស្សិតឲ្យប្រកបវិជ្ជាជីវៈ ដោយសមត្ថភាពខ្ពស់ មានលក្ខណៈនិងចរិយាសម្បត្តិប្រកបដោយសីលធម៌និងគុណធម៌។ ការបង្រៀនត្រូវប្រើភាសាអង់គ្លេស និងភាសាខ្មែរជាយាន។

លោកបញ្ជាក់ថា៖ “គោលដៅចម្បងគឺអប់រំកូនខ្មែរ ឲ្យក្លាយជាពលរដ្ឋគំរូដើម្បីសាងសង្គមជាតិ ឲ្យបានថ្កុំថ្កើងប្រកបដោយសីលធម៌ និងព្រហ្មវិហារធម៌។ មាតាបិតា និងគ្រូបង្រៀនមានតួនាទីសំខាន់ណាស់ ក្នុងការអប់រំទាំងកុមារ និងយុវជន”។

គួររម្លឹកថា គិតមកដល់ពេលនេះ បុរី ពិភពថ្មី មានបទពិសោធន៍សាងសង់លំនៅដ្ឋានរយៈពេលជាង ១៨ឆ្នាំហើយ និងបានសង់សម្រេចបាន ចំនួន ៤៣ទីតាំង នៅទូទាំងរាជធានី-ខេត្ត សរុបចំនួន ៥៧,០០០ផ្ទះ មានអតិថិជនរស់នៅជាង ២២ម៉ឺននាក់៕

The post អ្នកឧកញ៉ា ហុង ពីវ ចាប់ដៃជាមួយបណ្ឌិត កុល ផេង វិនិយោគលើវិស័យអប់រំ នៅតាមបុរីពិភពថ្មី appeared first on .