បទចម្រៀងខ្មែរ

តោះ! ចូលឆ្នាំទៅដើរលេងនៅខេត្តបាត់ដំបង ទាំងពិរោះ កំប្លុកកំប្លែង ស្តាប់រួច ស្រលាញ់ខេត្តបាត់ដំបងពេញបេះដូង

ឧកញ៉ាសម្រែ — Tue, 06 Apr 2021 07:13:14 +0000

នៅលើបណ្តាញផ្សព្វផ្សាយ YouTube តារាចម្រៀងថ្មីថ្មោងមួយក្រុម បានតែងនិពន្ធបទចម្រៀងថ្មី រៀបរាប់ពីចូលឆ្នាំនៅខេត្តបាត់ដំបង។ បទចម្រៀងដែលមានចំណងជើងថា “ចូលឆ្នាំទៅដើរលេងនៅខេត្តបាត់ដំបង” ច្រៀងដោយ ត្រីក្រហម/ត្រីដំរី/ត្រីសំណាង បាននាំមិត្តអ្នកស្តាប់បានស្គាល់ទីតាំងសំខាន់ៗនៅក្នុងខេត្តបាត់ដំបង ដែលជាខេត្តស៊ីវិល័យល្បីល្បាញតាំងពីសម័យសង្គមចាស់។

ក្រៅពីអាចឲ្យប្រិយមិត្តស្គាល់ខេត្តជង្រុកដ៏មួយនេះ បទចម្រៀងទៀតសោតក៏មានភាពកន្រ្តាក់អារម្មណ៍ និងកំប្លុកកំប្លែងផងដែរ៕

The post តោះ! ចូលឆ្នាំទៅដើរលេងនៅខេត្តបាត់ដំបង ទាំងពិរោះ កំប្លុកកំប្លែង ស្តាប់រួច ស្រលាញ់ខេត្តបាត់ដំបងពេញបេះដូង appeared first on .

ខេមនិងតង់ចន្ទសីម៉ាបង្កើតអាល់ ប៊ុមជាមួយគ្នាទៀតហើយ បន្ទាប់ពីផ្ទុះបទចង់សុំwifiដែលមានអ្នកទស្សនារហូត 29លានដង

កូនចៅឧកញ៉ា — Fri, 12 Feb 2021 03:59:54 +0000

បន្ទាប់ពីនាំ តន់ ចន្ទសីម៉ា និង ព្រាប សុវត្ថិ វាយលុកតំបន់ភាគឥសាន្ត ឥឡូវនេះផលិតកម្ម Galaxy Navatra បានងាកមកតំបន់ឋានសួគ៌បូគោវិញម្ដង ដោយទើបចេញបទថ្មីប្រមាណ១ម៉ោងមុននេះ។បទថ្មីនេះ មានចំណងជើងថា “ចង់បបួលអូនឡើងឋានសួគ៌” ។ កន្លងមក គ្រាប់ពេជ្ររបស់ផលិតកម្ម Galaxy Navatraទាំងពីររូបនេះធ្លាប់បាន ប្រវត្តិសាស្ត្រជាមួយគ្នាម្ដងមកហើយលើបទ”ចង់សុំwifi”ដែលមានអ្នកទស្សនាជិត ៣០លានដង។

ដូចគ្នានឹងស៊េរីបទអបអរបុណ្យចូលឆ្នាំប្រពៃណីជាតិរបស់ ព្រាប សុវត្ថិ និងសីម៉ា ដែលបានបង្ហាញសក្ដានុពលទេសចរណ៍របស់ខេត្តស្ថិតនៅភូមិភាគឥសាន្ត ដោយបទថ្មីនេះ ខាងផលិតកម្មបានងាកមកបង្ហាញពីទិដ្ឋភាពល៏ល្អប្រណិតនៃតំបន់ជួរភ្នំបូគោដ៏ល្បីរបស់ខេត្តកំពតវិញម្ដង។

ប្រិយមិត្តបានសរសើរថា វីដេអូចម្រៀងរបស់តារាចម្រៀងប្រុសស្រីមួយគូនេះ បានបង្ហាញយ៉ាងពិសេសទិដ្ឋភាពដ៏ស្អាតអស្ចារ្យ ឃើញហើយមានអារម្មណ៍ជ្រះថ្លាល្អ ហើយងាកទៅបទភ្លេងទៀតសោត ក៏ពីរោះថែមទៀត។ បទនេះ ត្រូវបានគេរំពឹងថា នឹងផ្ទុះម្ដងទៀត បន្ទាប់ពីបទ “ចង់សុំ Wifi” ដែលពួកគេបានច្រៀងរួមគ្នាម្ដងកាលពីឆ្នាំមុន ដែលគិតមកដល់ពេលនេះ មានអ្នកចុចចូលទស្សនា ជិត ៣០លានដងហើយ។

ចង់ដឹងថា បទ”ចង់បបួលអូនឡើងឋានសួគ៌” មានអត្ថន័យ ព្រមទាំងមាន ទេសភាពស្រស់ស្អាតកម្រិតណាសូមទស្សនាទាំងអស់គ្នា៖

The post ខេមនិងតង់ចន្ទសីម៉ាបង្កើតអាល់ ប៊ុមជាមួយគ្នាទៀតហើយ បន្ទាប់ពីផ្ទុះបទចង់សុំwifiដែលមានអ្នកទស្សនារហូត 29លានដង appeared first on .

គុយលី ឈានមួយកម្រិតទៀត និពន្ធបទឲ្យខេម រាំលេងបែកខ្ទិះឆ្នាំថ្មីនេះ

កូនចៅឧកញ៉ា — Mon, 01 Feb 2021 03:54:05 +0000

ទោះបីជារវល់លើការងារជាច្រើនជំនួសដៃជើង អ្នកឧកញ៉ាឡេង ណាវ៉ាត្រាក្ដី តារាចម្រៀងពលករ លោកគុយលី មិនបោះបង់ចោលអាជីពសិល្បៈឡើយជារឿយៗលោកតែងតែឆ្លៀតនិពន្ធបទចម្រៀងច្រៀងដោយខ្លួនឯង និពន្ធរឿងអប់រំខ្លីជាដើម។ តារាចម្រៀងដែលអ្នកឧកញ៉ាឡេង ណាវ៉ាត្រា ស្រលាញ់ដូចជាប្អូនបង្កើតរូបនេះ ត្រូវបានលោក យឹម តាស្រង់ ថ្នាក់ដឹកនាំផលិតកម្ម Galaxy Navatra ឲ្យបញ្ចេញស្នាដៃថ្មីនិពន្ធ Melody និងទំនុកច្រៀង ឲ្យតារាចម្រៀងច្រៀងថែមទៀតផង។

បទដំបូងក្នុងផលិតកម្មល្បីឈ្មោះមួយនេះ មានចំណងជើងថា”ធ្លាប់បានបងនៅ?” ច្រៀងដោយតារាចម្រៀងខេម។ ដែលជាបទសម្រាប់ការរាំលេងកម្សាន្តនារដូវចូលឆ្នាំខ្មែរខាងមុខនេះ ពីអ្នកនិពន្ធ Melody និងទំនុកច្រៀង គុយលី ចម្រៀងពលករ។ និពន្ធបទភ្លេង ប្រុស ម៉ៅ នឹងដឹកនាំសម្តែង Jonathan។ បទ”ធ្លាប់បានបងនៅ?” ត្រូវការផលិតកម្ម Galaxy NavatraផុសលើChannel ផ្លូវការនៅព្រឹកនេះតែម្ដង ដោយទទួលបានការគាំទ្រច្រើន។

តាមការបញ្ជាក់ពីលោក យឹម តាស្រង់ ផលិតកម្ម Galaxy Navatra តែងតែផ្ដល់ឱកាសព្រមលើកទឹកចិត្តដល់យុវវ័យដែលមានស្នាដៃលើការតែងនិពន្ធ ទាំងMelody ទំនុកច្រៀង និពន្ធបទភ្លេង ក៏ដូចជាអ្នកដឹកនាំសម្ដែងថតកាត់តជាដើម។ លោកថា ប្រសិនបើបទទី១”ធ្លាប់បានបងនៅ?” ទទួលបានការគាំទ្រច្រើន ផលិតកម្ម Galaxy Navatra នឹងឲ្យលោក គុយ លី បញ្ចេញនៅស្នាដៃជាបន្តបន្ទាប់ទៀត។

ចង់ដឹងបទ”ធ្លាប់បានបងនៅ?” ដែលជាស្នាដៃ និពន្ធMelody និងទំនុកច្រៀង ដោយលោក គុយលី ចម្រៀងពលករ ពីរោះរណ្ដំយ៉ាងណានោះស្ដាប់ទាំងអស់គ្នា៖

The post គុយលី ឈានមួយកម្រិតទៀត និពន្ធបទឲ្យខេម រាំលេងបែកខ្ទិះឆ្នាំថ្មីនេះ appeared first on .

ខ្លាំង!បទ “ចង់សុំ Wifi” កំពុងឈរលើគេបំផុតនៅលើ Tik Tok

កូនចៅឧកញ៉ា — Fri, 07 Aug 2020 02:32:29 +0000

បទឆ្លងឆ្លើយគ្នាមួយបទរបស់តារាចម្រៀង ខេម និង តន់ ច័ន្ទសីម៉ា មានចំណងជើងថា “ចង់សុំWifi” ចេញផ្សាយនៅលើយូធូបកាលពី៣សប្ដាហ៍មុននោះ ឥឡូវនេះបានបំបែកកំណត់ត្រាមួយនៅលើប្រព័ន្ធ TikTok។

តាមព័ត៌មានទទួលបាន គិតត្រឹមរសៀលថ្ងៃទី ៦សីហា នេះបទចម្រៀងរបស់តារាប្រុស ស្រីទាំងពីរ បាននិង កំពុងឈរនៅលំដាប់លេខ១ ក្នុងនាមជាបទចម្រៀងជាតិដែលមានអ្នកពេញចិត្ត ហើយយកទៅធ្វើវីដេអូកម្សាន្តសប្បាយបន្តបង្ហោះនៅលើកម្មវិធីពេញនិយមរបស់ចិនមួយនេះ។ នេះបើតាមលោក យឹម តាស្រង់ នាយកគ្រប់គ្រងផលិតកម្ម Galaxy Navatra បានបង្ហើបឲ្យដឹង។

លោក យឹម តាស្រង់ ប្រាប់ថា ថ្មីៗនេះលោកបានឲ្យក្រុមការងាររបស់លោកធ្វើការស្រាវជ្រាវមើលនៅលើកម្មវិធី TikTok ដើម្បីចង់ដឹងពីលទ្ធផលនាំមុខសម្រាប់ជាតិ នាមជាបទចម្រៀងដែលត្រូវបានអ្នកប្រើប្រាស់យកកាត់តធ្វើវីដេអូបង្ហោះលេងកម្សាន្តបន្ត។ ជាលទ្ធផល បទ “ចង់សុំ Wifi” របស់ផលិតកម្មលោក ច្រៀងតារាចម្រៀង ខេម និង តន់ ច័ន្ទសីម៉ា ស្ថិតនៅលើគេ។

ទិន្នន័យនេះបានធ្វើឲ្យថ្នាក់ដឹកនាំផលិតកម្មខាងលើមានការភ្ញាក់ផ្អើល។ តាស្រង់ លើកឡើងថា លោកមានការភ្ញាក់ផ្អើលយ៉ាងខ្លាំង សឹងមិនជឿពិតមែន និងពិតជារឿងនឹកស្មានមិនដល់។ តាមតួលេខបញ្ចេញដោយអ្នកដឹកនាំរូបនេះ បទ “ចង់សុំ Wifi” មានអ្នកប្រើប្រាស់នៅលើកម្មវិធី TikTok របស់ចិន យកថត (ចម្រៀង Background) វីដេអូបន្តដល់ទៅចំនួនដល់ទៅជិត ៤០ម៉ឺនវីដេអូប៉ុណ្ណោះ ពោលគឺ 398.1k។
តួលេខនេះ នាំឲ្យបទរបស់ ខេម និង សីម៉ា ឈរនៅលំដាប់លើគេ នាមជាបទចម្រៀងជាតិពេញនិយមបំផុតលើ TikTok ដោយឡែកលេខ២ បានទៅលើបទរបស់ផលិតកម្មក្នុងស្រុកមួយផ្សេងទៀតដែលតួលេខប្រើប្រាស់ចំនួនជាង ៣៦ម៉ឺនវីដេអូ។ យ៉ាងណា របាយការណ៍របស់លោក យឹម តាស្រង់ មិនមានបង្ហាញពីបទចម្រៀងលំដាប់លេខ៣នោះទេ។

តោះ…ស្ដាប់បទនេះម្ដងទៀតមើល៍៖

ប្រភព៖ Sabay

The post ខ្លាំង!បទ “ចង់សុំ Wifi” កំពុងឈរលើគេបំផុតនៅលើ Tik Tok appeared first on .

កាន់តែសម្រុក ផលិតកម្ម Galaxy ប្រកាសចេញបទចម្រៀង៣០បទជាប់ៗគ្នា

កូនចៅឧកញ៉ា — Thu, 16 Apr 2020 01:58:11 +0000

បន្ទាប់ពីថ្ងៃចូលឆ្នាំប្រពៃណីខ្មែររួច ផលិតកម្ម Galaxy Navatra បានប្រកាសថាខ្លួន នឹងចេញបទចម្រៀងមួយថ្ងៃមួយបទ រយៈពេលមួយខែពេញ តាមរយៈChanel Yutub និង Facebook page ផ្លូវការរបស់ខ្លួន ដើម្បីបម្រើអារម្មណ៍ប្រិយមិត្ត។

ស្ថាបនិក និងជាកវីនិពន្ធទំនុកច្រៀងប្រចាំផលិតកម្ម Galaxy Navatra លោក យឹម តាស្រង់ និយាយថា បទចម្រៀងដែលផលិតកម្មគ្រោងបញ្ចេញ ភាគច្រើន នៃបទចម្រៀងទាំង៣០បទ គឺជាបទសង់ទីម៉ង់ ប៉ុន្ដែក្នុងនោះក៏មានបទញាក់ពីរ ទៅ បីបទដែរ។

លោកបានបញ្ជាក់ពីហេតុផល នៃការចេញបទចម្រៀងផ្ទួនៗគ្នានេះថា ផលិតកម្មចង់ផ្សព្វផ្សាយបទចម្រៀងរបស់ខ្លួនឲ្យបានច្រើន ហើយម្យ៉ាងក៏ចង់សាកល្បងផ្លាស់ប្ដូរកម្មវិធីផលិតបទចម្រៀងខ្លះដែរ ដើម្បីទិសដៅថ្ងៃខាងមុខ។ បច្ចុប្បន្នមួយចំនួនធំបាន និពន្ធនឹងផលិតរួចរាល់ជាបណ្ដើរៗហើយ ចង់ចាំតែថ្ងៃ ផុសជាផ្លូវការប៉ុណ្ណោះ។

នៅដើមឆ្នាំ២០២០ នេះ កវីនិពន្ធ យឹម តាស្រង់ នឹងជាអ្នកគ្រប់គ្រងទូទៅរបស់ផលិតកម្ម Galaxy Navatra បានចេញបទចម្រៀងពីរោះ និងញាក់កន្ត្រាក់អារម្មណ៍ជាច្រើនបទ ហើយទទួលបានការគាំទ្រយ៉ាងច្រើនពីប្រិយមិត្តអ្នកស្ដាប់ ក្រោមការនិពន្ធដោយក្រុមអ្នកនិពន្ធជាច្រើន។

បទទាំងនោះមានដូចជា៖”បទ”យល់ច្រឡំថាគេស្រឡាញ់យើង”, បទ”គេនោះជាស្រីកាប់ដាវ”, បទ”ឡានសារ៉ែន”,បទ”អគុណធនាគារ” បទ”មិត្តប្រុសចេះ Marketing” បទ “ចូលដណ្ដឹងបងទៅ”ជាដើម។

ចំណុចពិសេសមួយទៀតផលិតកម្ម Galaxy Navatra ដែលមានលោក ឧកញ៉ា ឡេង ណាវ៉ាត្រាជា ចាងហ្វាងនេះ ក្រៅពីមានការគាំទ្រ លើបទចម្រៀង គឺតារាចម្រៀងក្នុងផលិតកម្មមួយនេះ បានស្ម័គ្រចិត្តផ្តល់ប្រាក់ចំណូលគ្រប់កម្មវិធីប្រគុំតន្ត្រី និងស្ពតពាណិជ្ជកម្មទាំងអស់ ដល់អ្នកនិពន្ធ ២០ភាគរយ ដើម្បីជាការដឹងគុណ ដែលចំណុចនេះក្នុងប្រវត្តិសាស្ត្រ តារាវិស័យចម្រៀងខ្មែរ មិនទាន់មានតារាចម្រៀងណាមួយហ៊ានធ្វើនៅឡើយនោះទេ៕

The post កាន់តែសម្រុក ផលិតកម្ម Galaxy ប្រកាសចេញបទចម្រៀង៣០បទជាប់ៗគ្នា appeared first on .

រសជាតិថ្មី “«បទផ្ទុះ» សួន ពិសិដ្ឋ ច្រៀងជាមួយ ខាន់ ជេមស៍ ត្រៀមរាំចូលឆ្នាំខ្មែរ

កូនចៅឧកញ៉ា — Wed, 04 Mar 2020 09:29:48 +0000

លោក សួន ពិសិដ្ឋ ដែលទស្សនិកជនបានស្គាល់ថា ជាអ្នកនិពន្ធបទភ្លេង ទំនុកច្រៀង ដ៏មានប្រជាប្រិយភាពមួយរូប ពេលនេះលោកបានងាកមកចាប់ដៃគូ បកស្រាយនូវបទចម្រៀងរួមគ្នាជាមួយនឹងតារាចម្រៀងក្នុងផលិតកម្មសាន់ដេ គឺលោក ខាន់ ជេមស៍ បទថ្មីមួយបទថែមទៀតហើយ ដែលបទចម្រៀងនោះ មានចំណងជើងថា «បទផ្ទុះ»។

ជាការពិតណាស់ មុននេះបន្តិចផលិតកម្មសាន់ដេ បានបញ្ចេញនូវបទចម្រៀងដែលជាចង្វាក់កន្រ្តឹមមួយបទ ដែលមានចំណងជើងថា «បទផ្ទុះ» ខណៈទចម្រៀងមួយបទនេះ គឺជាការបកស្រាយរួមគ្នាជាមួយ កំពូលតារាចម្រៀងលោក ខាន់ ជេមស៍ និងកវីនិពន្ធល្បីឈ្មោះ គឺលោក សួន ពិសិដ្ឋ។

អ្វីដែលធ្វើឲ្យទស្សនិកជន មានការចាប់អារម្មណ៍ខ្លាំងនោះ គឺលោក សួន ពិសិដ្ឋ ដែលធ្លាប់តែនិពន្ធបទភ្លេង ក៏ដូចជាទំនុកច្រៀង បែរជាងាកមក បកស្រាយនូវបទចម្រៀង បានយ៉ាងពីរោះ ជាមួយនឹងដៃគូដ៏សាកសមគឺលោក ខាន់ ជេមស៍។

ដោយឡែក «បទផ្ទុះ» ដែលជាបទចម្រៀងដំបូងរវាងតារាចម្រៀងលោក ខាន់ ជេមស៍ ជាមួយនឹងលោក សួន ពិសិដ្ឋ មួយនេះ កំពុងទទួលបានការចាប់អារម្មណ៍ និងផ្ទុះការគាំទ្រច្រើនពីទស្សនិកជន ព្រោះបទនេះមិនត្រឹមតែមានចំណងជើងប្លែកគួរឲ្យចាប់អារម្មណ៍នោះទេ បើនិយាយពីចង្វាក់ភ្លេង អត្ថន័យរួមទាំងការបកស្រាយទៀតសោត គឺពីរោះគួរឲ្យទាក់ទាញ ហើយអ្វីដែលកាន់តែពិសេសនោះ គឺជាការចាប់ដៃគូច្រៀងរួមគ្នាជាលើកទីមួយ ពីតារាចម្រៀង និងអ្នកនិពន្ធ។

ចង់ដឹងថា «បទផ្ទុះ» របស់លោក ខាន់ ជេមស៍ និងលោក សួន ពិសិដ្ឋ មានអត្ថន័យ និងការបកស្រាយបានពីរោះយ៉ាងណា សូមប្រិយមិត្តទស្សនិកជនរីករាយសណ្ដាប់ និងទស្សនាទាំងអស់គ្នា៖

https://www.facebook.com/SUNDAY.PRODUCTION.SD/videos/2589186554696712/

The post រសជាតិថ្មី “«បទផ្ទុះ» សួន ពិសិដ្ឋ ច្រៀងជាមួយ ខាន់ ជេមស៍ ត្រៀមរាំចូលឆ្នាំខ្មែរ appeared first on .

គុយលី ចំណាយជាង ១០ដុល្លារ ធ្វើ MV បទមិត្ត ងួន កែវពេជ្រពិសិដ្ឋ ដែលស្លាប់ ទាល់តែបានសម្រេច

កូនចៅឧកញ៉ា — Wed, 24 Jul 2019 13:35:26 +0000

ដោយនៅអាល័យមិត្តភ័ក្ដិ គឺលោក ងួន កែវពេជ្រពិសិដ្ឋ តារាចម្រៀង Original Song ដែលបានស្លាប់ដោយជំងឺមហារីកកាលពីពេលថ្មីៗនេះ លោក គុយលី សម្រេចធ្វើបទចម្រៀងមួយរបស់មិត្តឡើងវិញ ដោយចំណាយដើមទុនតិចតួចប៉ុណ្ណោះ ហើយបទនោះទើបបានចេញជាវីដេអូចម្រៀងផ្លូវការថ្មីៗនេះ។

បទចម្រៀងមួយនោះ ក្នុងចំណោមបទចម្រៀងរបស់ កែវពេជ្រពិសិដ្ឋ មានចំណងជើងថា “កុំទុកបងជា Power Bank”។ បទនេះ ត្រូវលោក គុយលី ដែលជាមិត្តភ័ក្ដិជិតស្និទ្ធនោះ បានជ្រើសរើសមកថតជា MV ឡើងម្ដងទៀត ដោយលោក គុយ លី ច្រៀងផ្ទាល់ម្នាក់ឯងតែម្ដង។ចំពោះមូលហេតុ តារាចម្រៀងអតីតជាអ្នកពលករចិញ្ចឹមបង្គានៅប្រទេសថៃរូបនេះ នៅតែមិនអស់អាល័យជាលោក ងួន កែវពេជ្រពិសិដ្ឋ ទោះលោកស្លាប់ទៅហើយក្ដី ក៏ព្រោះតែអ្នកទាំងពីរមានអនុស្សាវរីយជាមួយគ្នាច្រើនកាលនៅរស់ ។

គុយ លី ថ្លែងឲ្យដឹងថា លោកបានថតជាសំឡេងបទ”កុំទុកបងជា Power Bank” នេះ តាំងពី មិត្តកម្សត់នៅមានជីវិតម្ល៉េះ ពោលប្រហែល១ខែ មុនស្លាប់។ ជាមួយនឹងការច្រៀងបទចម្រៀងនេះ ម្ចាស់បទដើមគឺ លោក ងួន កែវពេជ្រពិសិដ្ឋ ក៏បានសរសើរថា ខ្លួនច្រៀងពីរោះជាងម្ចាស់បទដើមទៀតផង។ មិនបាន១ខែស្រួលបួសផង មិត្តភ័ក្ដិរបស់លោកបានស្លាប់ទាំងអាល័យ ហើយ គុយ លី បានសន្យានឹងខ្លួនឯងថា ត្រូវផលិតបទចម្រៀងនេះជា MV ឲ្យទាល់តែបាន ដើម្បីជាអនុស្សាវរីយ៍ ចុងក្រោយជាមួយមិត្តសម្លាញ់ម្នាក់នេះ។

ជាមួយនឹងការផលិត MV បទចម្រៀង១បទនេះ គុយលី បានថ្លែង ការចំណាយគឺ អស់ត្រឹមតែជាង ១០ដុល្លារ ប៉ុណ្ណោះ ដែលចំនួននេះ គឺតិចបំផុតអាចនិយាយបានថា ក្នុងចំណោមការថត MV នៅស្រុកខ្មែរ គ្មានបទចម្រៀងណាថត អស់តិចជាងលោកឡើយ។ ទាំងនេះក៏ព្រោះ តែទាំងកាមេរ៉ា ជាងថត អ្នកកាត់ត គឺ ជាមិត្តភ័ក្ដិ ដូចនេះ ម្នាក់ៗមិនបានគិតប្រាក់ពីលោកឡើយ គ្រាន់តែទិញអីញ៉ាំជុំគ្នាប៉ុណ្ណោះ។

គុយលី មិនបានរំពឹងថា បទចម្រៀង១បទនេះ អាចធ្វើឲ្យខ្លួនល្បីអីឡើយ ដូចបានលើកឡើង លោកផលិតឡើងគ្រាន់តែសម្រាប់ជាអនុស្សាវរីយជាមួយលោក ងួន កែវពេជ្រពិសិដ្ឋ ដែលជាមិត្តភ័ក្ដិរបស់ខ្លួនប៉ុណ្ណោះ។ ចង់ដឹងថា “កុំទុកបងជា Power Bank” ម្ចាស់ដើមលោក ងួន កែវពេជ្រពិសិដ្ឋ ច្រៀងឡើងវិញ ដោយ គុយ លី ពីរោះយ៉ាងណាតោះស្ដាប់ទាំងអស់គ្នា៕

https://www.facebook.com/kuylykheng/videos/472918416855668/

ប្រភព៖ sabay

The post គុយលី ចំណាយជាង ១០ដុល្លារ ធ្វើ MV បទមិត្ត ងួន កែវពេជ្រពិសិដ្ឋ ដែលស្លាប់ ទាល់តែបានសម្រេច appeared first on .

បទចម្រៀងខ្មែរ

គុយលី ឈានមួយកម្រិតទៀត និពន្ធបទឲ្យខេម រាំលេងបែកខ្ទិះឆ្នាំថ្មីនេះ

ខ្លាំង!បទ “ចង់​សុំ Wifi” កំពុង​ឈរ​លើ​គេ​បំផុត​នៅ​លើ Tik Tok

កាន់​តែ​សម្រុក ផលិតកម្ម Galaxy ប្រកាសចេញបទចម្រៀង៣០បទជាប់ៗ​គ្នា

រសជាតិថ្មី “«បទផ្ទុះ» សួន ពិសិដ្ឋ ច្រៀង​​ជាមួយ ខាន់ ជេមស៍ ត្រៀមរាំចូលឆ្នាំខ្មែរ

គុយ​លី ចំណាយ​ជាង ១០​ដុល្លារ ធ្វើ MV បទ​មិត្ត ងួន កែវ​ពេជ្រ​ពិសិដ្ឋ ដែល​ស្លាប់ ទាល់​តែ​បាន​សម្រេច

ខ្លាំង!បទ “ចង់សុំ Wifi” កំពុងឈរលើគេបំផុតនៅលើ Tik Tok

កាន់តែសម្រុក ផលិតកម្ម Galaxy ប្រកាសចេញបទចម្រៀង៣០បទជាប់ៗគ្នា

រសជាតិថ្មី “«បទផ្ទុះ» សួន ពិសិដ្ឋ ច្រៀងជាមួយ ខាន់ ជេមស៍ ត្រៀមរាំចូលឆ្នាំខ្មែរ

គុយលី ចំណាយជាង ១០ដុល្លារ ធ្វើ MV បទមិត្ត ងួន កែវពេជ្រពិសិដ្ឋ ដែលស្លាប់ ទាល់តែបានសម្រេច