បទចម្រៀងថ្មី

ខែភ្ជុំ ព្រះចៅអធិការវត្តនិពន្ធចម្រៀង “ផ្លូវទៅវត្តអង្គប្រិយ៍” លំនាំបទ ផ្លូវណាទៅផ្ទះម៉ែក្មេក ថត MV ជូនពុទ្ធបរិស័ទស្ដាប់កម្សាន្ត

អ្នកឧកញ៉ាវត្តភ្នំ — Tue, 20 Sep 2022 06:56:01 +0000

ប្ដូរពីបទដើម ផ្លូវណាទៅផ្ទះម៉ែក្មេក មកជាទំនុកច្រៀងថ្មី “ផ្លូវទៅវត្តអង្គប្រីយ៍” ជាស្នាដៃនិពន្ធដោយព្រះតេជគុណ សច្ចភាណកោ សែម សុភា ជាព្រះចៅអធិការវត្តធម្មនិមិត្តអង្គប្រិយ៍ នៅខេត្តតាកែវ។

ព្រះតេជគុណ សែម សុភា មានសង្ឃដីកាថា៖ “បទចម្រៀង MV ដែលអាត្មាផ្ដួចផ្ដើមនិពន្ធ និងសហការផលិតនេះ ធ្វើឡើងក្នុងគោលបំណង ជំរុញឱ្យពុទ្ធបរិស័ទ ញាតិមិត្តព្រះធម៌ពីទីជិតឆ្ងាយ ជាពិសេសក្មួយៗយុវវ័យ បានស្គាល់វត្តអង្គប្រិយ៍កាន់តែច្រើន នាអំឡុងរដូវកាន់បិណ្ឌ និងបុណ្យភ្ជុំបិណ្ឌនេះ”។

ព្រះតេជគុណ សែម សុភា ចៅអធិការវត្តអង្គប្រីយ៍

ព្រះតេជគុណ មានសង្ឃដីកាបន្ថែមថា ក្រៅពីចង់បំផុសពីទីតាំងវត្តអង្គប្រីយ៍ហើយនោះ ចម្រៀងមួយបទនេះ ក៏ចង់ផ្ញើជូនញាតិញោមក្នុងឃុំលំចង់ ស្រុកសំរោង ខេត្តតាកែវ ក៏ដូចជា ញាតិញោមពុទ្ធបរិស័ទក្នុង និងក្រៅប្រទេស បានកម្សាន្តអារម្មណ៍ នារដូវបុណ្យភ្ជុំនេះផងដែរ។

MV “ផ្លូវទៅវត្តអង្គប្រីយ៍” សម្ដែង និងច្រៀង ដោយ យុវតី ភេម ស្រីនាថ ក្រុមការងារយុវជនមួយក្រុម ដែលឆ្លុះបញ្ចាំងពីទីតាំងវត្តអង្គប្រីយ៍ផ្ទាល់។ វត្តធម្មនិម្មិតអង្គប្រីយ៍ ហៅវត្តអង្គប្រីយ៍ មានទីតាំងស្ថិតនៅភូមិប្រសៀត ឃុំលំចង់ ស្រុកសំរោង ខេត្តតាកែវ។ បច្ចុប្បន្ន ទីអារាមមួយនេះ កំពុងទទួលការចាប់អារម្មណ៍ និងជាទីជ្រះថ្លាយ៉ាងខ្លាំង ពីសំណាក់ពុទ្ធបរិស័ទជិតឆ្ងាយ អញ្ជើញមកធ្វើបុណ្យ។

The post ខែភ្ជុំ ព្រះចៅអធិការវត្តនិពន្ធចម្រៀង “ផ្លូវទៅវត្តអង្គប្រិយ៍” លំនាំបទ ផ្លូវណាទៅផ្ទះម៉ែក្មេក ថត MV ជូនពុទ្ធបរិស័ទស្ដាប់កម្សាន្ត appeared first on .

វណ្ណដាចេញបទថ្មីប្លែងជាមួយរសជាតិថ្មីច្នៃបញ្ចូលបទចម្រៀង Rap នឹងបទភ្លេងចាប៉ីដងវែង លោកតា គង់ ណៃ ឡើងអេម!

ឧកញ៉ាកោះក្របី — Mon, 29 Mar 2021 10:02:49 +0000

បទចម្រៀងថ្មីរបស់តារារ៉េប វណ្ណដា ជាមួយលោកព្រឹទ្ធាចារ្យ គង់ ណៃ គ្រាន់តែបង្ហោះចេញជាផ្លូវការភ្លាមទទួលការចាប់អារម្មណ៍និងមានការគាំទ្រយ៉ាងខ្លាំងត្រឹមរយៈពេលមួយថ្ងៃចំនួនអ្នកទស្សនាជាង ៨សែនដង។ បទ Time to Ries ប្លែងជាមួយរសជាតិថ្មីច្នៃបញ្ចូលបទចម្រៀង Rap ជាមួយនឹងបទភ្លេងចាប៉ីដងវែងរបស់ព្រឹទ្ធាចារ្យ គង់ ណៃ បានសហការគ្នាយ៉ាងល្អ។

លោក វណ្ណដា បានថ្លែងថា “ខ្ញុំពិតជាមានកិតិ្ដយសណាស់ដែល លោកគ្រូព្រឹទ្ធាចារ្យ គង់ ណៃ មានវត្តមានក្នុងបទចម្រៀងមួយនេះ ដែលគាត់គឺជានិមិត្តរូបម្នាក់ដែលមនុស្សជាច្រើនគោរពស្ងើចសរសើរ លើទេព្យកោសល្យតន្ត្រីចាប៉ីរបស់គាត់”។

បទចម្រៀងថ្មី Mix ជាមួយនឹងភ្លេងចាប៉ីដងវែងច្រៀង Featuring រវាង វណ្ណដា និងព្រឹទ្ធាចារ្យ គង់ ណៃស្ដាប់ហើយពិរោះ បូករួមទាំងអត្ថន័យនិងអត្ថរសប្លែក។ មួយបទនេះពិតត្រូវចិត្តយុវវ័យជាក់ជាមិនខាន ដែលវណ្ណដា និងលោកតា គង់ ណៃ បានបង្ហាញស្នាដៃរួមគ្នាដោយបញ្ចូលសិល្បៈបុរាណលាយសម័យ ជាហេតុធ្វើឱ្យមហាជនមានការកោតសរសើរនិងពេញចិត្តនូវស្នាដៃនេះគ្រប់ៗគ្នា។

វណ្ណដា ក៏សូមថ្លែងអំណរគុណជាពិសេសទៅកាន់ក្រសួង វប្បធម៌ និងវិចិត្រសិល្បៈ ក៏ដូចជាសារមន្ទីរជាតិ ដែលបានអនុញ្ញាតឲ្យពួកយើងមានឱកាសបានផលិតវីដេអូចម្រៀងមួយនេះ។

ក្នុងបទចម្រៀងថ្មីនេះ មិនត្រឹមតែភ្លេងបុរាណលាយជាមួយសម័យប៉ុណ្ណោះទេ ថែមទាំងរំលេចឈ្មោះសិល្បកររៀមច្បងដែលមានឈ្មោះបោះសំឡេងលើវិថីចម្រៀងជាច្រើនរូបផងដែរ រួមមាន៖ អធិរាជសំឡេងមាស លោកតា ស៊ិន ស៊ីសាមុត រស់សេរីសុទ្ធា ប៉ែន រ៉ន និងអ្នកចម្រៀងកំប្លែងថ្លុកមុខស្រស់ មាស សាម៉នជាដើម៕

The post វណ្ណដាចេញបទថ្មីប្លែងជាមួយរសជាតិថ្មីច្នៃបញ្ចូលបទចម្រៀង Rap នឹងបទភ្លេងចាប៉ីដងវែង លោកតា គង់ ណៃ ឡើងអេម! appeared first on .

មុនចង់ញ៉ែ តន់ ចន្ទសីម៉ា ត្រូវសមប៉ារ៉ូលឲ្យហើយសិន

កូនចៅឧកញ៉ា — Mon, 01 Mar 2021 06:39:44 +0000

បន្ទាប់ពីចេញបទឌឺដងគ្នារវាងអ្នកជិតខាងរស់នៅក្បែរគ្នា នៅព្រឹកនេះផលិតកម្ម Galaxy Navatra បានចេញបទថ្មីមួយបទទៀតឲ្យឲ្យ តន់ ចន្ទសីម៉ា និង ខេម មានចំណងជើងថា ”តែងប៉ារ៉ូលហើយនៅ?” ដែលនិយាពីក្បួនញ៉ែញ៉ងគ្នា។

ខេម ហាក់ដូចជាស្ទើរក្បូនញ៉ែបន្តិច បាននាំ តន់ ចន្ទសីម៉ា ចំអកដាក់ថា តែងប៉ារ៉ូលហើយនៅ ដូចជានិយាយប៉ិប៉ក់នៅឡើយ ខណៈមកចង់ញ៉ែនាងនោះ។ ចង់ដឹងថា ពួកគេឌឺដង ប្រើប៉ារ៉ូបែបណាខ្លះសូមទស្សនាបទ”តែងប៉ារ៉ូលហើយនៅ?” ទាំងអស់គ្នា៖

The post មុនចង់ញ៉ែ តន់ ចន្ទសីម៉ា ត្រូវសមប៉ារ៉ូលឲ្យហើយសិន appeared first on .

ខេមនិងតង់ចន្ទសីម៉ាបង្កើតអាល់ ប៊ុមជាមួយគ្នាទៀតហើយ បន្ទាប់ពីផ្ទុះបទចង់សុំwifiដែលមានអ្នកទស្សនារហូត 29លានដង

កូនចៅឧកញ៉ា — Fri, 12 Feb 2021 03:59:54 +0000

បន្ទាប់ពីនាំ តន់ ចន្ទសីម៉ា និង ព្រាប សុវត្ថិ វាយលុកតំបន់ភាគឥសាន្ត ឥឡូវនេះផលិតកម្ម Galaxy Navatra បានងាកមកតំបន់ឋានសួគ៌បូគោវិញម្ដង ដោយទើបចេញបទថ្មីប្រមាណ១ម៉ោងមុននេះ។បទថ្មីនេះ មានចំណងជើងថា “ចង់បបួលអូនឡើងឋានសួគ៌” ។ កន្លងមក គ្រាប់ពេជ្ររបស់ផលិតកម្ម Galaxy Navatraទាំងពីររូបនេះធ្លាប់បាន ប្រវត្តិសាស្ត្រជាមួយគ្នាម្ដងមកហើយលើបទ”ចង់សុំwifi”ដែលមានអ្នកទស្សនាជិត ៣០លានដង។

ដូចគ្នានឹងស៊េរីបទអបអរបុណ្យចូលឆ្នាំប្រពៃណីជាតិរបស់ ព្រាប សុវត្ថិ និងសីម៉ា ដែលបានបង្ហាញសក្ដានុពលទេសចរណ៍របស់ខេត្តស្ថិតនៅភូមិភាគឥសាន្ត ដោយបទថ្មីនេះ ខាងផលិតកម្មបានងាកមកបង្ហាញពីទិដ្ឋភាពល៏ល្អប្រណិតនៃតំបន់ជួរភ្នំបូគោដ៏ល្បីរបស់ខេត្តកំពតវិញម្ដង។

ប្រិយមិត្តបានសរសើរថា វីដេអូចម្រៀងរបស់តារាចម្រៀងប្រុសស្រីមួយគូនេះ បានបង្ហាញយ៉ាងពិសេសទិដ្ឋភាពដ៏ស្អាតអស្ចារ្យ ឃើញហើយមានអារម្មណ៍ជ្រះថ្លាល្អ ហើយងាកទៅបទភ្លេងទៀតសោត ក៏ពីរោះថែមទៀត។ បទនេះ ត្រូវបានគេរំពឹងថា នឹងផ្ទុះម្ដងទៀត បន្ទាប់ពីបទ “ចង់សុំ Wifi” ដែលពួកគេបានច្រៀងរួមគ្នាម្ដងកាលពីឆ្នាំមុន ដែលគិតមកដល់ពេលនេះ មានអ្នកចុចចូលទស្សនា ជិត ៣០លានដងហើយ។

ចង់ដឹងថា បទ”ចង់បបួលអូនឡើងឋានសួគ៌” មានអត្ថន័យ ព្រមទាំងមាន ទេសភាពស្រស់ស្អាតកម្រិតណាសូមទស្សនាទាំងអស់គ្នា៖

The post ខេមនិងតង់ចន្ទសីម៉ាបង្កើតអាល់ ប៊ុមជាមួយគ្នាទៀតហើយ បន្ទាប់ពីផ្ទុះបទចង់សុំwifiដែលមានអ្នកទស្សនារហូត 29លានដង appeared first on .

អ្នកណាខ្លះមិនធ្លាប់ទៅលេងបឹងយក្សឡោមអាចបទ”រកស៊ីជាមួយយក្ស” បង្ហាញពីរូបភាពដ៏ស្រស់ស្អាតរបស់បឹងយក្សឡោម

កូនចៅឧកញ៉ា — Wed, 10 Feb 2021 06:56:14 +0000

បទ “រកស៊ីជាមួយយក្យ” របស់កំពូលតារាចម្រៀងព្រាប សុវត្ថិ និង តន់ ចន្ទសីម៉ា ដែលបានថតនៅទេសភាពស្អាតៗជាច្រើននៅរមណីយដ្ឋានបឹងយក្សឡោម នោះ កំពុងតែទទួលបានការចាប់អារម្មណ៍និងគាំទ្រខ្លាំង ក្នុងមួយសប្ដាហ៍សោះមានអ្នកviews២លាន៣សែនដង ។

បច្ចុប្បន្នអាល់ប៊ុបរបស់កំពូលតារាចំរៀងព្រាបសុវត្ថិ នឹងកំពូលតារាចម្រៀងវ័យក្មេងតន់ច័ន្ទស៊ីម៉ា កំពុងស្ទុះឡើងរហូតគ្មានគូប្រជែង ហើយរឿងដែលពិសេសនោះគឺគាត់កំពុងតែផ្សារភ្ជាប់ជាមួយរមណីយដ្ឋាននានានៅព្រះរាជាណាចក្រកម្ពុជាដើម្បីជម្រុញកំណើនទេសចរណ៍ក្នុងស្រុក ដោយឡែកសម្រាប់បទរកស៊ីជាមួយយក្សនេះ គាត់បានទៅថតផ្តិតយកវីដេអូនៅបឹងយក្សឡោមខេត្តរតនគិរី។ បើនិយាយពីបឹងយក្សឡោម បងប្អូនពិតជាធ្លាប់ឮហើយ បឹងយក្សឡោមគឺជាបឹងដែលមាននៅក្នុងរឿងព្រេងនិទានខ្មែរ ហើយក៏ជារមណីយដ្ឋានដែលមានប្រជាប្រិយភាពមួយនៅក្នុងព្រះរាជាណាចក្រកម្ពុជា ។

The post អ្នកណាខ្លះមិនធ្លាប់ទៅលេងបឹងយក្សឡោមអាចបទ”រកស៊ីជាមួយយក្ស” បង្ហាញពីរូបភាពដ៏ស្រស់ស្អាតរបស់បឹងយក្សឡោម appeared first on .

ប្រិយមិត្ត ស្គាល់តំបន់ទេសចរណ៍បទ”មាន់កម្សត់”នៅទីណាទេ?

កូនចៅឧកញ៉ា — Tue, 09 Feb 2021 08:16:12 +0000

ក្នុងចំណោមអាលប៊ុមចូលឆ្នាំថ្មី របស់ផលិតកម្ម Galaxy Navatra បទ”មាន់កម្សត់” ដែលជាការច្រៀងរួមគ្នារបស់កំពូលតារាចម្រៀង លោក ព្រាប សុវត្ថិ និង កញ្ញា តន់ ចន្ទលីម៉ា បានក្លាយជាបទចម្រៀងមួយកំពុងតែទទួលបានគាំទ្រច្រើន ដោយគិតមកដល់ថ្ងៃនេះមានអ្នកviewsជាច្រើនលានដង ត្រឹមតែរយៈពេលដ៏ខ្លីប៉ុណ្ណោះ ។ អ្វីដែលជាការចាប់អារម្មណ៍ក្រៅពីទឹកដមសំនៀងឆ្លើយឆ្លងដ៏ពីរោះរណ្ដំរបស់កំពូលតារាចម្រៀងទាំងពីរ ប្រិយមិត្តមានចាប់អារម្មណ៍លើទេសភាពនៃតំបន់ទេសចរណ៍ក្នុងវីដេអូបទចម្រៀងនោះដែរឬទេ ថាតើថតនៅទីតាំងណា?

ទឹកជ្រោះដ៍ស្រស់ស្អាតក្នុងវីដេអូដែលប្រិយមិត្តបានឃើញនោះ គឺស្ថិតនៅទឹកដី ខេត្ត រតនគីរី
ឈ្មោះថា”ទឹកជ្រុះ៧ជាន់ អូរស៊ីនលែរ “។ ទឹកជ្រោះ៧ជាន់ អូរស៊ីនលែរ ស្ថិតក្នុងតំបន់ព្រៃភ្នំ ជំរុំបីស្រុក (ស្រុកលំផាត់) ដែលមានចំងាយ២២គីឡូម៉ែត្រពីទីរួមខេត្តរតនគិរី។

ជារឿយៗគេតែងឃើញ ផលិតកម្ម Galaxy Navatra បានចុះថតMV របស់ខ្លួននៅរមណីយដ្ឋានជាច្រើននៅក្នុងប្រទេសកម្ពុជា ដើម្បីចែកជូនអ្នកគាំទ្របានទស្សនា។ជាស្ដែង ក្នុងចំណោមអាលប៊ុមចូលឆ្នាំថ្មីនេះ ទេសភាពធម្មជាតិល្បីៗជាច្រើន ក្នុងប្រទេសកម្ពុជា ត្រូវបានផលិតកម្មបញ្ជូនក្រុមផលិតចុះថត ហើយពេលខ្លះថែមទាំងប្រើយន្តហោះដឹកតួ ចុះទៅថតដោយផ្ទាល់ក៏មាន។

តាមការឲ្យពីក្រុមអ្នកថតរបស់ ផលិតកម្ម Galaxy Navatra បទ”មាន់កម្សត់” ត្រូវបានថត២ទីតាំង មាន”ទឹកជ្រុះ៧ជាន់ អូរស៊ីនលែរ” និង លើរីស៊តរបស់កំពូលតារាចម្រៀងព្រាប សុវត្ថិ ដែលនៅម្ដុំបឹងយក្សឡោមតែម្ដង។

ដើម្បីឲ្យស្គាល់កាន់តែច្បាស់តោះ!ទៅទស្សនាបទ “មាន់កម្សត់”នេះម្ដងទៀតទាំងអស់គ្នា៖

The post ប្រិយមិត្ត ស្គាល់តំបន់ទេសចរណ៍បទ”មាន់កម្សត់”នៅទីណាទេ? appeared first on .

បទ”Gang Gang”ព្រាប សុវត្ថិ ត្រូវបានក្រុមDJ បរទេសយកទៅធ្វើវីដេអូ Reaction កក្រើកពេញyoutube

កូនចៅឧកញ៉ា — Mon, 08 Feb 2021 06:58:16 +0000

នៅប៉ុន្មានឆ្នាំចុងក្រោយ ជនជាតិបរទេសបានធ្វើ Reaction លើបទចម្រៀងខ្មែរជាច្រើន ប៉ុន្តែនេះជាលើកទី១ ដែលឃើញពួកគេបានធ្វើវីដេអូ Reaction លើបទចម្រៀងរបស់កំពូលតារាចម្រៀងលោក ព្រាប សុវត្ថិ លើបទ “Gang Gang”។

បទ “Gang Gang” គឺជាស្នាដៃរបស់កូនពៅរបស់លោក ព្រាប សុវត្ថិ និពន្ធឡើងឲ្យឪពុកច្រៀង ដោយបានចេញកាលពីសប្ដាហ៍មុន។ បទនេះ បានធ្វើឲ្យមានការចាប់អារម្មណ៍ ខ្លាំងដោយសារថា នេះជាលើកទី១មួយដែលលោក ព្រាប សុវត្ថិ ល្បីឈ្មោះ ប្រមាណ ២ទសវត្សរ៍ហើយ ទើបមានចេញបទចម្រៀងប្រភេទ Hip Hop នាដើមឆ្នាំ ២០២១ នេះ។ ភ្លាមៗ បានធ្វើឲ្យក្រុមតារាចម្រៀងរ៉េប បានសម្ដែងបានការភ្ញាក់ផ្អើល និងមិនគួរឲ្យជឿ។

សូម្បីលោក ងួន ចាន់ដេវីដ តារារ៉េបពេញនិយមមួយរូប ក៏បានបញ្ចេញសារក្នុងន័យថា លោកនឹងទៅរកស៊ីបញ្ចូលបទភ្លេងវិញ ប្រសិនបើតារារ៉េបច្បង បានលុកលុយមកដល់សិល្បៈចម្រៀងរ៉េបទៅហើយ។ ជាមួយគ្នា ប្រិយមិត្តរបស់តារាចម្រៀងផ្ទាល់ ក៏ភ្ញាក់ផ្អើល និងមិនគិតថា កំពូលតារាចម្រៀងរបស់ពួកគេអាចឈានមកលុកលុយបទប្រភេទឡើយ។

យ៉ាងណាក៏ដោយគេមើលឃើញថា តារាចម្រៀងជើងចាស់នៅតែធ្វើបានល្អ និងបានទទួលការសរសើរជាច្រើនដែរថា លោកពិតជាតារាចម្រៀងដែលមានទេពកោសល្យខ្ពស់ អាចច្រៀងបានគ្រប់ប្រភេទបទ ហើយក្នុងនោះប្រិយមិត្តខ្លះលើកឡើងថា លោក រ៉េប បានញាប់ជាងតារារ៉េបអាជីពទៅទៀត។

ស្ថានភាពនេះហើយ បានល្បីសុះសាយទៅដល់ក្រុមធ្វើ Reaction បរទេស រហូតពួកគេនៅមិនសុខចេញមក Reaction លើបទរបស់លោក ព្រាប សុវត្ថិ ជាលើកដំបូង។ ក្រុមនោះគេឃើញមានជនជាតិអាមេរិក ៣នាក់ យកមកធ្វើ Reaction ដែរ ប៉ុន្តែមិនដឹងពួកគេ និយាយអ្វីខ្លះនោះទេ។ យ៉ាងណា អ្នកធ្វើ Reaction ជាជនជាតិខ្មែរមួយរូប បានលើកឡើងថា បទរបស់ កំពូលតារាចម្រៀងរូបនេះ ពិតជាផ្ទុះខ្លាំង ហើយថា អ្វីដែលលោក ព្រាប សុវត្ថិ បានធ្វើ គឺថាមានភាពខុសប្លែកខ្លាំងមែនទែន!

តោះ…ទស្សនាពួកគេទាំងអស់គ្នា៖

The post បទ”Gang Gang”ព្រាប សុវត្ថិ ត្រូវបានក្រុមDJ បរទេសយកទៅធ្វើវីដេអូ Reaction កក្រើកពេញyoutube appeared first on .

“លក់ឡានប្រញាប់”ព្រាប សុវត្ថិ ប្រើស្ដាយញ៉ែ តន់ ចន្ទសីម៉ា ទន់លោង

កូនចៅឧកញ៉ា — Sat, 06 Feb 2021 01:36:22 +0000

នៅព្រឹកនេះផលិតកម្ម Galaxy Navatraបានចេញ១បទទៀតហើយ គឺបទ”លក់ឡានប្រញាប់” ដោយក្នុងអត្ថន័យនៃបទចម្រៀង កំពូលតារាចម្រៀងលោកព្រាប សុវត្ថិ បានប្រើស្ដាយញ៉ែ តន់ ចន្ទសីម៉ា ឡើងទន់លោងតែម្ដង។

ជារសជាតិថ្មីប្លែកសម្រាប់បម្រើអារម្មណ៍ បងប្អូនច្រៀងរាំលេងសប្បាយនារដូវចូលឆ្នាំនេះតែម្ដង ហើយបើនិយាយពីអត្ថន័យនៃបទចម្រៀងវិញ កំពូលតារាចម្រៀងលោកព្រាប សុវត្ថិ បានដើរតួជាអ្នកគក់ជេឡាន ថែមទាំងពូកែប្រូ ញ៉ែតួស្រី តន់ ចន្ទសីម៉ា ឡើងបែកខ្ទិះតែម្ដង។

គិតមកដល់ថ្ងៃនេះ ផលិតកម្ម Galaxy Navatra បានចេញបទចម្រៀងដែលជាការច្រៀងរួមគ្នាជា រវាងកំពូលតារាចម្រៀង ព្រាប សុវត្ថិ និង តន់ ចន្ទសីម៉ា មានចំនួន៧បងមកហើយក្នុងនោះមានដូចជា ទី១បទ”កាត់ឆុង” ,ទី២បទ”ប្រហុក”,ទី៣បទ”រកស៊ីជាមួយយក្ស”ទី៤បទ” អរគុណកាមេរ៉ា”ទី៥ បទ”មាន់កម្សត់” ទី៦បទ”ឡានទំនើប” និងបទ”លក់ឡានប្រញាប់”។ស្ទើរគ្រប់បទចម្រៀងទាំងអស់សុទ្ធតែទទួលបានការគាំទ្រខ្លាំង មិននឹកស្មានដល់ ដោយគ្រាន់តែចេញភ្លាមមានអ្នកviewsរាប់លានដង។

តាមផែនការផលិតកម្មដែលមានថៅកែធ្លាប់មានប្រវត្តិជាអតីតពលករនៅប្រទេសកូរ៉េខាងត្បូង ទើបតែទទួលបានគោរមងារជាអ្នកឧកញ៉ារូបនេះ គឺសម្រុកផលិតបទចម្រៀង១ថ្ងៃយ៉ាងហោចបាន១បទ។ ទទឹមគ្នានោះដែរ ដើម្បីឲ្យឈានដល់គោលដៅ ផលិតកម្ម Galaxy Navatra ក៏កំពុងតែត្រូវការអ្នកនិពន្ធគ្រប់ផ្នែកទាំងអស់ ក្នុងតម្លៃខ្ពស់ ព្រមទាំងមានរង្វាន់លើកទឹកចិត្តខ្ពស់ មិនធ្លាប់លើ ទីផ្សារការតែងនិពន្ធ។

ចង់ដឹងថា បទ”លក់ឡានប្រញាប់” របស់កំពូលតារាចម្រៀង ព្រាប សុវត្ថិ និង តន់ ចន្ទសីម៉ា ប្រើស្ដាយញ៉ែគ្នាបែបណាតោះ!ប្រិយមិត្តស្ដាប់លេងទាំងអស់គ្នា៖

The post “លក់ឡានប្រញាប់”ព្រាប សុវត្ថិ ប្រើស្ដាយញ៉ែ តន់ ចន្ទសីម៉ា ទន់លោង appeared first on .

ប្រហែលពិបាកទប់ទល់Galaxy Navatraហើយឆ្នាំនេះ បទផ្ទុះស្ទើរតែទាំងអស់

កូនចៅឧកញ៉ា — Fri, 05 Feb 2021 03:31:57 +0000

ដូចប្រិយមិត្តធ្លាប់បានដឹងហើយថា ផលិតកម្មGalaxy Navatraកំពុងតែសម្រុកផលិតបទចម្រៀងចូលឆ្នាំជាច្រើន ខណៈដែលផលិតកម្មផ្សេងទៀតហាក់មិនទាន់បានបញ្ចេញច្រើននៅឡើយ។ គិតមកដល់ថ្ងៃនេះមានបទចម្រៀងមិនក្រោមជាង១០បទឡើយដែល ផលិតកផលិតកម្មរGalalaxy Navatraបានបញ្ចេញ ហើយការបញ្ចេញនោះ គឺធ្វើឡើងជារៀងរាល់ថ្ងៃតែម្ដង។ ស្ទើរគ្រប់បទចម្រៀងទាំងអស់សុទ្ធតែទទួលបានការគាំទ្រខ្លាំង មិននឹកស្មានដល់ ដោយគ្រាន់តែចេញភ្លាមមានអ្នកviewsរាប់លានគ្រប់បទ។

កំពូលតារាចម្រៀងព្រាប សុវត្ថិ និងកំតារាវ័យក្មេង តន់ ចន្ទសីម៉ា ត្រូវបានគេមើលឃើញថា មានបទចម្រៀងច្រើនជាងគេ ទាំងបទឆ្លើយឆ្លង ទាំងបទច្រៀងទោលម្នាក់ឯង។ ចំពោះបទឆ្លើយឆ្លងអ្នកទាំងពីរមានរហូតដល់ទៅ៦បទមកហើយ ក្នុងនោះដូចជា ទី១បទ”កាត់ឆុង” ,ទី២បទ”ប្រហុក”,ទី៣បទ”រកស៊ីជាមួយយក្ស”ទី៤បទ” អរគុណកាមេរ៉ា”ទី៥ បទ”មាន់កម្សត់” ទី៦បទ”ឡានទំនើប”។

បទចម្រៀងទាំង៦បទដែលកំពូលតារាចម្រៀងទាំងពីរច្រៀងរួមគ្នានេះ ត្រូវបានគេសង្កេតឃើញថា ភាគច្រើនជាបទរាំលេងកម្សាន្តបែបសប្បាយៗ មានគ្រប់ចង្វាក់ដែលងាយស្រួលសម្រាប់បងប្អូនរាំលេង ពេលជួបជុំគ្នា យ៉ាងសប្បាយរីករាយ ហើយគ្រប់បទចម្រៀងនីមួយៗ មានអ្នកviewsរាប់លានដង។ ចំណុចទាំងនេះ បានធ្វើឲ្យមហាជនវាយតម្លៃថា សម្រាប់ឆ្នាំនេះ ប្រហែលពិបាកទប់ទល់ នឹងផលិតកម្មGalaxy Navatraហើយឆ្នាំនេះ ត្បិតអីបទស្ទើរតែទាំងអស់បែបនេះនោះ។

ផ្អែកលើផេក Galaxy Navatra ក៍បានក៍បានក៏បានបង្ហាញពិត ចំនួន អ្នកចូលviews បទចម្រៀងរបស់ខ្លួនផងដែរ គឺពិតជាមានរាប់លានដងគ្រប់បទច្រៀងដែលបានចេញក្នុងអាលប៊ុមចូលឆ្នាំនេះ ដែលចំនួននេះ មានការទទួលលើសការរំពឹងទុក។ ជាមួយគ្នានោះដែរអ្នកគាំទ្រជាច្រើនអ្នក បានចូលComment លើChannel youtube Galaxy Navatra ដោយកោតសរសើរ ព្រមទាំងបង្ហាញការពេញចិត្តជាខ្លាំង។

លោក យឹម តាស្រង់ ក៏បានសរសើរមិនដាច់ពីមាត់ថាកំពូលតារាចម្រៀងលោកព្រាប សុវត្ថិ និង តន់ ចន្ទសីម៉ា គឺពិតជាដៃគូស័ក្ដិសមបំផុតសម្រាប់បទចម្រៀងចូលឆ្នាំនេះ ផលិតកម្មGalaxy Navatra នឹងបន្តផលិតបទចម្រៀងឲ្យអ្នកទាំងពីរជាច្រើនបទបន្ថែមទៀត៕

The post ប្រហែលពិបាកទប់ទល់Galaxy Navatraហើយឆ្នាំនេះ បទផ្ទុះស្ទើរតែទាំងអស់ appeared first on .

ព្រាប សុវត្ថិ និងតន់ ចន្ទសីម៉ា ក្រឡុកបទថ្មី១បទទៀតហើយ រាំបែកអាចម៍ខ្លៀក

កូនចៅឧកញ៉ា — Thu, 04 Feb 2021 02:04:53 +0000

ខណៈដែលរដូវចូលឆ្នាំខ្មែរនៅសល់ត្រឹមតែជាង២ខែប៉ុណ្ណោះនឹងឈានមកដល់ ផលិតកម្ម Galaxy Navatra ហាក់កំពុងតែសម្រុកផលិតបទចូលឆ្នាំខ្មែរយ៉ាងចាស់ដៃតែម្ដង ដោយបទចម្រៀងទាំងនោះភាគច្រើនជាបទច្រៀងរួមគ្នា របស់កំពូលតារាចម្រៀងព្រាប សុវត្ថិ និង តន់ ចន្ទសីម៉ា។

បទចម្រៀងទាំងនោះមានដូចជា ទី១បទ”កាត់ឆុង” ,ទី២បទ”ប្រហុក”,ទី៣បទ”រកស៊ីជាមួយយក្ស”ទី៤បទ” អរគុណកាមេរ៉ា”ទី៥ បទ”មាន់កម្សត់” ហើយនៅព្រឹកនេះផលិតកម្ម Galaxy Navatra បានបញ្ចេញ១បទថ្មីទៀតហើយគឺបទ”ឡានទំនើប”។

លោក យឹម តាស្រង់ អ្នកចាត់ការទូទៅផលិតកម្ម Galaxy Navatra បានទទួលស្គាល់ថា ខាងផលិតកម្មពិតជា កំពុងតែសម្រុកធ្វើបទចូលឆ្នាំថ្មីជាច្រើនបទឲ្យគ្រប់តារាចម្រៀងទាំងអស់នៅក្នុងផលិតកម្ម ដែលតាមផែនការគឺ បញ្ចេញជារៀងរាល់ថ្ងៃតែម្ដង ដើម្បីការកម្សាន្តដល់អ្នកគាំទ្រ។

អ្នកដឹកនាំផលិតកម្មរូបនេះថ្លែងថា បន្ទាប់ពីបានកំពូលតារាចម្រៀងទាំងពីរខាងលើបានច្រៀងរួមគ្នាជាច្រើនបទសម្រាប់ចូលឆ្នាំ ឃើញថា កំពូលតារាចម្រៀងលោកព្រាប សុវត្ថិ និង តន់ ចន្ទសីម៉ា គឺពិតជាដៃគូស័ក្កិសមបំផុត។

ចង់ដឹងថា បទបទ”ឡានទំនើប”របស់កំពូលតារាចម្រៀងព្រាប សុវត្ថិ និង តន់ ចន្ទសីម៉ា ពីរោះរណ្ដំព្រមទាំងចង់រាំលេងតាម យ៉ាងណានោះស្ដាប់ទាំងអស់គ្នា៖

The post ព្រាប សុវត្ថិ និងតន់ ចន្ទសីម៉ា ក្រឡុកបទថ្មី១បទទៀតហើយ រាំបែកអាចម៍ខ្លៀក appeared first on .

បទចម្រៀងថ្មី

មុន​ចង់​ញ៉ែ តន់ ចន្ទសីម៉ា ត្រូវ​សម​ប៉ារ៉ូល​ឲ្យ​ហើយ​សិន

អ្នកណាខ្លះមិនធ្លាប់ទៅលេងបឹងយក្សឡោម​អាច​បទ”រកស៊ីជាមួយយក្ស” បង្ហាញ​ពីរូបភាពដ៏ស្រស់ស្អាតរបស់បឹងយក្សឡោម

ប្រិយមិត្ត ​ស្គាល់​តំបន់​ទេសចរណ៍​បទ”​មាន់​កម្សត់​”នៅ​ទីណា​ទេ?

បទ”Gang Gang”ព្រាប សុវត្ថិ ត្រូវ​បាន​ក្រុម​DJ បរទេស​យក​ទៅ​​ធ្វើ​វីដេអូ Reaction កក្រើក​ពេញ​youtube​

“លក់​ឡាន​ប្រញាប់​”ព្រាប សុវត្ថិ ប្រើ​ស្ដាយ​ញ៉ែ តន់ ចន្ទសីម៉ា ទន់​លោង

ប្រហែល​ពិបាក​ទប់ទល់​Galaxy Navatra​ហើយ​ឆ្នាំ​នេះ បទ​​ផ្ទុះស្ទើរ​តែ​ទាំង​អស់