ក្នុងនាមរាជរដ្ឋាភិបាល ការប្រកាសដាក់អនុវត្តជាផ្លូវការនូវការប្រើប្រាស់ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស ដែលជាជំនួយគាំទ្រហិរញ្ញប្បទាន សហប្រតិបត្តិការបច្ចេកទេស និងការបណ្ដុះបណ្ដាល របស់អង្គការគយពិភពលោក គឺដើម្បីចូលរួមទប់ស្កាត់បទល្មើសឆ្លងដែន តាមបណ្ដាអាកាសយានដ្ឋានអន្តរជាតិ និងជំរុញកំណើនភ្ញៀវទេសចរ។

សេចក្តីប្រកាសដដែលបានឲ្យដឹងថា ការសម្រេចបាននូវសមិទ្ធផលនេះ គឺជាជោគជ័យថ្មីមួយទៀត របស់រាជរដ្ឋាភិបាលកម្ពុជា លើការអនុវត្តភារកិច្ចរបស់ខ្លួន ស្របតាមកម្មវិធីសន្តិសុខរបស់អង្គការគយពិភពលោក ក្នុងការប្រើប្រាស់ព័ត៌មាន API/PNR ដើម្បីត្រួតពិនិត្យការធ្វើដំណើរ របស់បុគ្គលមានហានិភ័យខ្ពស់ទាំងឡាយ ដែលស្ថិតក្រោមស្មារតីសេចក្តីសម្រេចជាបន្តបន្ទាប់ របស់ក្រុមប្រឹក្សាសន្តិសុខអង្គការសហប្រជាជាតិ។

គួរបញ្ជាក់ដែរថា ការអនុវត្តប្រព័ន្ធដែលជាឧបករណ៍បច្ចេកវិទ្យាថ្មី របស់រាជរដ្ឋាភិបាលក្នុងពេលនេះ គឺធ្វើឡើងក្នុងគោលបំណងដើម្បីតភ្ជាប់ និងបញ្ជូនទិន្នន័យព័ត៌មានអ្នកដំណើរជាមុន និងកំណត់ត្រាឈ្មោះអ្នកដំណើរ ពីបណ្ដាក្រុមហ៊ុនអាកាសចរណ៍ជាតិ និងអន្តរជាតិ ហោះហើរចេញ-ចូលកម្ពុជា មកកាន់ប្រព័ន្ធ GTAS ឆ្លងកាត់តាមថ្នាលផ្លាស់ប្តូរទិន្នន័យកម្ពុជា ដែលស្ថាប័នមានសមត្ថកិច្ច អាចប្រើប្រាស់ដើម្បីវិភាគហានិភ័យ តាមតួនាទីនិងភារកិច្ចរៀងៗខ្លួន។

មិនតែប៉ុណ្ណោះ ប្រព័ន្ធនេះ នឹងផ្តល់នូវអត្ថប្រយោជន៍ជាច្រើន ដូចជាបង្កើនប្រសិទ្ធភាពការងាររបស់ អគ្គនាយកដ្ឋានគយ និងរដ្ឋាករកម្ពុជា, ចូលរួមទប់ស្កាត់បទល្មើសឆ្លងដែន តាមបណ្ដាអាកាសយានដ្ឋានអន្តរជាតិ, ចូលរួមប្រឆាំងការសម្អាតប្រាក់ និងហិរញ្ញប្បទានភេរវកម្ម, ចូលរួមប្រឆាំងនឹងចរាចរណ៍គ្រឿងញៀន, លើកកម្ពស់កិច្ចសម្រួលពាណិជ្ជកម្មស្របច្បាប់ និងចូលរួមជំរុញរំហូរភ្ញៀវទេសចរ, មិនតម្រូវឱ្យយកកម្រៃសេវាពីភ្ញៀវទេសចរ និងមិនតម្រូវឱ្យបន្ថែមបន្ទុកចំណាយថវិការដ្ឋ ដែលជាការចូលរួមគាំទ្រដល់ ផែនទីចង្អុលផ្លូវ ស្ដីពីផែនការស្ដារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិកូវីដ-១៩ ដែលរាជរដ្ឋាភិបាលបានដាក់ចេញកាលពីពេលថ្មីៗកន្លងមក ៕ អត្ថបទ៖រង្សី

The post កម្ពុជា ប្រកាសអនុវត្តប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស ដើម្បីទប់ស្កាត់បទល្មើសឆ្លងដែន appeared first on .

ក្នុង​​សន្និសីទសារព័ត៌មានក្រោយបិទបញ្ចប់សន្និសីទ​​​អាស៊ាន​ណាប៉ូល ​លើកទី​៤០ នាយឧត្តមសេនីយ៍ គៀត ច័ន្ទ​ថារិទ្ធិ អគ្គនា​យក នៃអគ្គ​នាយកដ្ឋាននគរបាលអន្តោប្រវេសន៍ បានបញ្ជាក់ថា​ អង្គសន្និសីទបានផ្លាស់ប្តូរ​នូវសភាព​ការណ៍ លទ្ធផលការងារ និងបទពិសោធន៍ល្អៗឱ្យគ្នាទៅ វិញទៅមកទាក់ទង​នឹងបទល្មើស​ឆ្លង​ដែន និងបទល្មើសមិនប្រពៃណីមួយចំនួន ក្នុងនោះបានផ្ដោតសំខាន់លើបទល្មើសឆ្លងដែនចំនួន​១០ រួមមាន បទល្មើសជួញដូរគ្រឿងញៀនខុសច្បាប់ សម្មភាពភេរវកម្ម ការជួញដូរអាវុធ​ខុស​ច្បាប់ ការជួញដូរមនុស្ស ការជួញដូរសត្វព្រៃ បទល្មើសលើផ្ទៃសមុទ្រ បទល្មើសពាណិជ្ជកម្ម ធនាគារ និងបណ្ណឥណទានក្លែងក្លាយ បទល្មើសបច្ចេកវិទ្យា ឯកសារធ្វើដំណើក្លែងក្លាយ​និងបទល្មើសឆ្លងដែន។

នាយឧត្តមសេនីយ៍ គៀត ច័ន្ទថារិទ្ធិ បានបន្ថែមថា អង្គសន្និសីទក៏បានពិភាក្សាផងដែរអំពី​កិច្ច​សហប្រតិបត្តិ​ការជួយគ្នាទៅវិញទៅមកពេលមានគ្រាអាសន្ន ការបណ្ដុះបណ្ដាលពង្រឹង​សមត្ថភាព​កងកម្លាំង​នគរបាលក្នុងប្រទេសអាស៊ាន ការបន្ត អភិវឌ្ឍន៍ប្រព័ន្ធទិន្នន័យអាស៊ាន​ណាប៉ូល e-ADS 2.0 និងបណ្តាញក្រុមការងារវិទ្យាសាស្ត្រកោសល្យ វិច្ឆ័យនគរបាលអាស៊ាន។

ជាមួយនោះ នាយឧត្តមសេនីយ៍ បានបន្តថា សន្និសីទក៏បានឯកភាពទទួលយកសំណូមពររបស់​ប្រទេស ស្ថាប័នចំនួន ០៤ មានដូចជា នគរបាល Bangladesh នាយកដ្ឋានសន្តិសុខ​សា​ធារ​ណៈ​​​អ៊ីតាលី ក្រសួងមហាផ្ទៃ អារ៉ាប់រួម និងនគរបាលសហព័ន្ធ Argentine ធ្វើជាអ្នកសង្កេត​ការណ៍​របស់អាស៊ានណាប៉ូល ព្រមទាំងបានឯកភាពគ្នាលើកិច្ចការមួយចំនួនទាក់ទង​នឹងកា​ររៀប​​ចំពង្រឹង​ដំណើរការលេខាធិការដ្ឋានអាស៊ានណាប៉ូលផងដែរ។

គួរបញ្ជាក់ថា សន្និសីទអាស៊ានណាប៉ូលលើកទី៤០ ធ្វើឡើងក្រោមប្រធានបទ «លើកកម្ពស់​សុខដុមនីយកម្ម តំបន់មានសន្តិភាព និងស្ថិរភាពជានិរន្ត»។ សន្និសីទអាស៊ានណាប៉ូល គឺជា​វេទិកាជួប​ជុំជាប្រពៃណីប្រចាំឆ្នាំរបស់ថ្នាក់ដឹក​នាំកងកម្លាំងនគរបាល នៃប្រទេសជា​សមាជិក​សមាគម​ប្រជាជាតិអាស៊ីអាគ្នេយ៍ ហៅកាត់ថាអាស៊ាន។ សម្រាប់សន្និសីទអាស៊ាន​ណាប៉ូល​លើកទី៤១ ប្រទេសឡាវនឹងធ្វើជា​ម្ចាស់ផ្ទះបន្តវេន៕

The post នគរ​បាល​នៃ​ប្រទេស​​អា​ស៊ាន បេ្តជ្ញា​សហការ​​ជួយ​គ្នាបង្រ្កាប​​បទល្មើស​ឆ្លងដែន​ចំនួន​១០ appeared first on .

ប្រតិបត្តិការបង្ក្រាបករណីជួញដូរគ្រឿងញៀនទ្រង់ទ្រាយធំខាងលើ បានធ្វើឡើងនៅវេលាម៉ោង២៖៣០​នាទីរសៀល ថ្ងៃទី២១ ខែតុលា ឆ្នាំ២០១៩ នៅចំណុចភូមិសំណាក ឃុំកកោះ ស្រុកសន្ទុក ខេត្តកំពង់ធំ។

ការបង្ក្រាបនោះសមត្ថកិច្ចចាប់ខ្លួនជនសង្ស័យចំនួន៤នាក់ នោះរួមមាន៖ ទី១-ឈ្មោះ SAk SAESONG​ ភេទប្រុស អាយុ៣២ឆ្នាំ ជនជាតិថៃ, ទី២-ឈ្មោះ សុខ ប៊ុនសិរិឆ័យ ភេទប្រុស អាយុ​៤២​ឆ្នាំ ជនជាតិខ្មែរ, ទី៣-ឈ្មោះ លី តឹក ភេទប្រុស អាយុ៥៣ឆ្នាំ ជនជាតិខ្មែរ និង ទី៤-ឈ្មោះ គង់ វណ្ណៈ ភេទប្រុស អាយុ៤០ឆ្នាំ ជនជាតិខ្មែរ។

សមត្ថកិច្ចបានដកហូតវត្ថុតាងរួមមាន៖ គ្រឿងញៀនប្រភេទម៉េតំហ្វេតាមីន ICE ចំនួន៤០កញ្ចប់ ទម្ងន់ប្រមាណ៤០គីឡូក្រាម, រថយន្ត២គ្រឿង។ មន្ត្រីនគរបាល​នៃមន្ទីរគ្រឿង​ញៀនបាន​ឱ្យដឹងថា កម្លាំង​ជំនាញបានស្រាវជ្រាវ និងតាមដានក្រុមជនសង្ស័យជាងមួយខែមកហើយ រហូត​ដល់​រសៀល​ថ្ងៃទី២១នេះ សមត្ថកិច្ចបានសហការគ្នាបង្ក្រាបជាក់ស្តែងតែម្តង។

សមត្ថកិច្ចបញ្ជាក់ថា យោងតាមចម្លើយសារភាពរបស់ជនសង្ស័យបានឱ្យដឹងថា គ្រឿងញៀន​ខាង​លើ​នាំចូលពីថៃ មកកម្ពុជាតាមច្រកជាំ អូរស្មាច់ ខេត្តឧត្ដរមានជ័យ។ បច្ចុប្បន្នជនសង្ស័យទាំង៤នាក់ រួម​ជាមួយវត្ថុតាងកំពុងបានបញ្ជូន ទៅស្នងការដ្ឋាននគរបាលខេត្តកំពង់ធំ ដើម្បីសាកសួរយកចម្លើយ និងកសាងសំណុំរឿងដើម្បីចាត់ការតាមនីតិវិធី៕

ប្រភព៖ Nice TV អត្ថបទ៖ ទុយ ម៉ែន

The post ​សមត្ថកិច្ច​ឃាត់មនុស្ស៤នាក់ដក​ហូត​ថ្នាំញៀន៤០គីឡូក្រាម appeared first on .

តាមការ​សាកសួរ​បឋម ជន​សង្ស័យ​បានសារភាព​ថា បានចូល​មក​កម្ពុជា​ចំនួន០២ លើក ក្នុងនោះ​លើកទី១ កាលពី​ថ្ងៃទី២៦ ខែ​ឧសភា ឆ្នាំ​២០១៩ និង​លើក​ចុងក្រោយ ថ្ងៃទី២៩ ខែ​ឧសភា ឆ្នាំ​២០១៩។ មុខរបរ​នៅចិន ៖ ធ្វើការ​ផ្នែកដេគ័រ សណ្ឋាគារ។

ជនសង្ស័យ​បន្តថា គោលបំណង​នាំប្រាក់មក​កម្ពុជា ដើម្បី​វិនិយោគ​លើ​ផ្នែក​ដេគ័រ ជាមួយ​ប្អូនជីដូនមួយ​ឈ្មោះ LIAO YUPENG ប៉ុន្តែ​មិនស្គាល់​ឈ្មោះ​ក្រុមហ៊ុន។ ប្រាក់​ខាងលើ បានបើក​ពីធនាគារ​ឈ្មោះ ឡុង យៀក ក្នុង​ទីក្រុង​ហុងកុង នាំយក​មក​កម្ពុជា។

វត្ថុតាង​ដកហូត​រួមមានៈ លិខិតឆ្លងដែនចិន​ចំនួន​១ក្បាល។ ប្រាក់​ចំនួន៨៥៥ ០០០ដុល្លារ ស្មើ​៧២ដុំ។ ទូរសព្ទដៃ​ចំនួន​០១គ្រឿង និង​កាបូបធំ​ចំនួន០២៕

The post ទៀត​ហើយ ជនជាតិ​ចិន​នាំ​លុយ​ជិត ១លាន​ដុល្លារ​ត្រូវ​ប៉ូលិស​កម្ពុជា​ចាប់​បាន appeared first on .